Ramcharitmanas Lanka Kand Part 1 (Doha 1–48)

श्लोक 1

रामं कामारिसेव्यं भवभयहरणं कालमत्तेभसिंहं
योगीन्द्रं ज्ञानगम्यं गुणनिधिमजितं निर्गुणं निर्विकारम्।
मायातीतं सुरेशं खलवधनिरतं ब्रह्मवृन्दैकदेवं
वन्दे कन्दावदातं सरसिजनयनं देवमुर्वीशरूपम्॥1॥

rāmaṃ kāmārisevyaṃ bhavabhayaharaṇaṃ kālamattebhasiṃhaṃ
yogīndraṃ jñānagamyaṃ guṇanidhimajitaṃ nirguṇaṃ nirvikāram|
māyātītaṃ sureśaṃ khalavadhanirataṃ brahmavṛndaikadevaṃ
vande kandāvadātaṃ sarasijanayanaṃ devamurvīśarūpam||1||

मैं उन श्रीरामजी की वंदना करता हूँ जिनकी सेवा कामदेव के शत्रु शिवजी करते हैं, जो संसार के भय को हरने वाले, कालरूपी मतवाले हाथी के लिए सिंह, योगियों के स्वामी, ज्ञान से जानने योग्य, गुणों के भंडार, अजेय, निर्गुण, विकाररहित, माया से परे, देवताओं के स्वामी, दुष्टों के वध में तत्पर, ब्राह्मणों के एकमात्र देवता, जल भरे मेघ के समान सुंदर, कमल-नयन और पृथ्वीपति राजा के रूप में प्रकट परमेश्वर हैं।
I bow to Rama, served by Shiva the foe of Kama, remover of the fear of worldly existence, a lion to the mad elephant of Time, lord of yogis, known through wisdom, treasure of virtues, unconquered, beyond attributes and change, beyond maya, lord of the gods, intent on destroying the wicked, the one God of the brahmins, lovely as a rain cloud, lotus-eyed, the Lord who appeared in the form of a king of the earth.
श्लोक 2

शंखेन्द्वाभमतीवसुन्दरतनुं शार्दूलचर्माम्बरं
कालव्यालकरालभूषणधरं गंगाशशांकप्रियम्।
काशीशं कलिकल्मषौघशमनं कल्याणकल्पद्रुमं
नौमीड्यं गिरिजापतिं गुणनिधिं कन्दर्पहं शङ्करम्॥2॥

śaṃkhendvābhamatīvasundaratanuṃ śārdūlacarmāmbaraṃ
kālavyālakarālabhūṣaṇadharaṃ gaṃgāśaśāṃkapriyam|
kāśīśaṃ kalikalmaṣaughaśamanaṃ kalyāṇakalpadrumaṃ
naumīḍyaṃ girijāpatiṃ guṇanidhiṃ kandarpahaṃ śaṅkaram||2||

मैं गिरिजापति शंकरजी को नमस्कार करता हूँ, जिनका अत्यंत सुंदर शरीर शंख और चंद्रमा के समान उज्ज्वल है, जो बाघंबर पहनते हैं, काल के समान भयानक सर्पों के आभूषण धारण करते हैं, जिन्हें गंगा और चंद्रमा प्रिय हैं, जो काशी के स्वामी, कलियुग के पापों के समूह को नष्ट करने वाले, कल्याण के कल्पवृक्ष, स्तुति के योग्य, गुणों के भंडार और कामदेव को भस्म करने वाले हैं।
I salute Shankara, lord of Girija, whose very beautiful body is bright as a conch and the moon, who wears a tiger skin, bears ornaments of serpents terrible as death, loves the Ganga and the moon, is lord of Kashi, destroys the mass of sins of the Kali age, is a wish-fulfilling tree of blessing, worthy of praise, a treasure of virtues, and the destroyer of Kama.
श्लोक 3

यो ददाति सतां शम्भुः कैवल्यमपि दुर्लभम्।
खलानां दण्डकृद्योऽसौ शङ्करः शं तनोतु मे॥3॥

yo dadāti satāṃ śambhuḥ kaivalyamapi durlabham|
khalānāṃ daṇḍakṛdyo'sau śaṅkaraḥ śaṃ tanotu me||3||

जो शंभु सज्जनों को दुर्लभ कैवल्य (मोक्ष) भी दे देते हैं और जो दुष्टों को दंड देने वाले हैं, वे शंकरजी मेरा कल्याण बढ़ाएँ।
May Shankara, the Shambhu who grants even the rare gift of final liberation to the good, and who punishes the wicked, spread blessing and well-being upon me.
दोहा
लव निमेष परमानु जुग बरष कलप सर चंड।
भजसि न मन तेहि राम को कालु जासु कोदंड॥
lava nimeṣa paramānu juga baraṣa kalapa sara caṃḍa|
bhajasi na mana tehi rāma ko kālu jāsu kodaṃḍa||
सोरठा
सिंधु बचन सुनि राम सचिव बोलि प्रभु अस कहेउ।
अब बिलंबु केहि काम करहु सेतु उतरै कटकु॥
siṃdhu bacana suni rāma saciva boli prabhu asa kaheu|
aba bilaṃbu kehi kāma karahu setu utarai kaṭaku||
दोहा 1#

यह लघु जलधि तरत कति बारा। अस सुनि पुनि कह पवनकुमारा॥
प्रभु प्रताप बड़वानल भारी। सोषेउ प्रथम पयोनिधि बारी॥
तब रिपु नारि रुदन जल धारा। भरेउ बहोरि भयउ तेहिं खारा॥
सुनि अति उकुति पवनसुत केरी। हरषे कपि रघुपति तन हेरी॥
जामवंत बोले दोउ भाई। नल नीलहि सब कथा सुनाई॥
राम प्रताप सुमिरि मन माहीं। करहु सेतु प्रयास कछु नाहीं॥
बोलि लिए कपि निकर बहोरी। सकल सुनहु बिनती कछु मोरी॥
राम चरन पंकज उर धरहू। कौतुक एक भालु कपि करहू॥
धावहु मर्कट बिकट बरूथा। आनहु बिटप गिरिन्ह के जूथा॥
सुनि कपि भालु चले करि हूहा। जय रघुबीर प्रताप समूहा॥
सुनहु भानुकुल केतु जामवंत कर जोरि कह।
नाथ नाम तव सेतु नर चढ़ि भव सागर तरहिं॥

yaha laghu jaladhi tarata kati bārā| asa suni puni kaha pavanakumārā||
prabhu pratāpa baḍavānala bhārī| soṣeu prathama payonidhi bārī||
taba ripu nāri rudana jala dhārā| bhareu bahori bhayau tehiṃ khārā||
suni ati ukuti pavanasuta kerī| haraṣe kapi raghupati tana herī||
jāmavaṃta bole dou bhāī| nala nīlahi saba kathā sunāī||
rāma pratāpa sumiri mana māhīṃ| karahu setu prayāsa kachu nāhīṃ||
boli lie kapi nikara bahorī| sakala sunahu binatī kachu morī||
rāma carana paṃkaja ura dharahū| kautuka eka bhālu kapi karahū||
dhāvahu markaṭa bikaṭa barūthā| ānahu biṭapa girinha ke jūthā||
suni kapi bhālu cale kari hūhā| jaya raghubīra pratāpa samūhā||
sunahu bhānukula ketu jāmavaṃta kara jori kaha|
nātha nāma tava setu nara caḍhi bhava sāgara tarahiṃ||

दोहा 1
अति उतंग गिरि पादप लीलहिं लेहिं उठाइ।
आनि देहिं नल नीलहि रचहिं ते सेतु बनाइ॥1॥
ati utaṃga giri pādapa līlahiṃ lehiṃ uṭhāi|
āni dehiṃ nala nīlahi racahiṃ te setu banāi||1||

(वानरों ने कहा) इस छोटे से समुद्र को पार करने में कितनी देर है? यह सुनकर पवनपुत्र हनुमानजी बोले, प्रभु के प्रताप रूपी भारी बड़वानल ने पहले ही समुद्र का जल सोख लिया था, फिर शत्रु की स्त्रियों के आँसुओं की धारा से यह फिर भर गया और इसी से खारा हो गया। हनुमानजी की यह अनोखी उक्ति सुनकर वानर श्रीरघुनाथजी की ओर देखकर प्रसन्न हुए। जाम्बवान ने नल और नील दोनों भाइयों को बुलाकर सारी बात सुनाई और कहा, मन में श्रीराम के प्रताप का स्मरण करके सेतु बनाओ, इसमें कोई परिश्रम नहीं होगा। फिर उन्होंने वानरों के समूह को बुलाया और कहा, सब मेरी एक विनती सुनो। श्रीराम के चरणकमलों को हृदय में धरकर, हे भालू और वानरो, एक खेल करो। हे विकट वानरों के दल, दौड़ो और वृक्षों तथा पर्वतों के समूह ले आओ। यह सुनकर वानर और भालू हूह करते और श्रीरघुवीर के प्रताप की जय बोलते चल पड़े। वे बहुत ऊँचे पर्वतों और वृक्षों को खेल-खेल में उठा लेते और लाकर नल-नील को देते, और वे सेतु की रचना करते जाते।
(The monkeys said) How long can it take to cross this little sea? Hearing this, Hanuman said: The great submarine fire of the Lord's glory had already dried up the ocean; then it filled again with the streams of tears of the enemy's women, and that is why it is salty. Hearing this witty remark, the monkeys looked at Rama and rejoiced. Jambavan called the brothers Nala and Nila, told them everything and said: Remember Rama's glory in your hearts and build the bridge; it will cost no effort. Then he called the monkey hosts and said: Hear my request. Keep Rama's lotus feet in your hearts, bears and monkeys, and do a feat for fun. Run, you fierce bands, and bring clusters of trees and mountains. Hearing this, they set off shouting, hailing the glory of Raghuvira. They lifted very lofty mountains and trees as if in play and brought them to Nala and Nila, who built the bridge.
दोहा 2#

सैल बिसाल आनि कपि देहीं। कंदुक इव नल नील ते लेहीं॥
देखि सेतु अति सुंदर रचना। बिहसि कृपानिधि बोले बचना॥
परम रम्य उत्तम यह धरनी। महिमा अमित जाइ नहिं बरनी॥
करिहउँ इहाँ संभु थापना। मोरे हृदयँ परम कलपना॥
सुनि कपीस बहु दूत पठाए। मुनिबर सकल बोलि लै आए॥
लिंग थापि बिधिवत करि पूजा। सिव समान प्रिय मोहि न दूजा॥
सिव द्रोही मम भगत कहावा। सो नर सपनेहुँ मोहि न पावा॥
संकर बिमुख भगति चह मोरी। सो नारकी मूढ़ मति थोरी॥

saila bisāla āni kapi dehīṃ| kaṃduka iva nala nīla te lehīṃ||
dekhi setu ati suṃdara racanā| bihasi kṛpānidhi bole bacanā||
parama ramya uttama yaha dharanī| mahimā amita jāi nahiṃ baranī||
karihaum̐ ihām̐ saṃbhu thāpanā| more hṛdayam̐ parama kalapanā||
suni kapīsa bahu dūta paṭhāe| munibara sakala boli lai āe||
liṃga thāpi bidhivata kari pūjā| siva samāna priya mohi na dūjā||
siva drohī mama bhagata kahāvā| so nara sapanehum̐ mohi na pāvā||
saṃkara bimukha bhagati caha morī| so nārakī mūḍha mati thorī||

दोहा 2
संकर प्रिय मम द्रोही सिव द्रोही मम दास।
ते नर करहिं कलप भरि घोर नरक महुँ बास॥2॥
saṃkara priya mama drohī siva drohī mama dāsa|
te nara karahiṃ kalapa bhari ghora naraka mahum̐ bāsa||2||

वानर बड़े-बड़े पर्वत लाकर देते और नल-नील उन्हें गेंद की तरह ले लेते। सेतु की अत्यंत सुंदर रचना देखकर कृपानिधान श्रीरामजी हँसकर बोले, यह भूमि परम रमणीय और उत्तम है, इसकी अपार महिमा का वर्णन नहीं हो सकता। मैं यहाँ शिवजी की स्थापना करूँगा, यह मेरे हृदय का परम संकल्प है। यह सुनकर वानरराज सुग्रीव ने बहुत से दूत भेजे, जो सब श्रेष्ठ मुनियों को बुला लाए। शिवलिंग की स्थापना करके विधिपूर्वक पूजा की गई। प्रभु बोले, शिवजी के समान मुझे दूसरा कोई प्रिय नहीं। जो शिव से द्रोह रखकर मेरा भक्त कहलाता है, वह मनुष्य सपने में भी मुझे नहीं पाता। जो शंकरजी से विमुख होकर मेरी भक्ति चाहता है, वह नरकगामी, मूर्ख और अल्पबुद्धि है। जिन्हें शंकर प्रिय हैं पर जो मुझसे द्रोह करते हैं, और जो शिव से द्रोह करते हैं पर मेरे दास कहलाते हैं, वे मनुष्य कल्प भर घोर नरक में निवास करते हैं।
The monkeys brought huge mountains and Nala and Nila caught them like balls. Seeing the very beautiful work of the bridge, Rama, treasure of mercy, smiled and said: This land is supremely lovely and excellent; its boundless glory cannot be told. I will install Shiva here; this is the deep resolve of my heart. Hearing this, Sugriva sent many messengers, who brought all the great sages. The linga was installed and worshipped with due rites. The Lord said: No one is as dear to me as Shiva. One who is hostile to Shiva yet calls himself my devotee will not reach me even in a dream. One who turns away from Shankara yet wants devotion to me is a fool of little sense, bound for hell. Those who love Shankara but are hostile to me, and those hostile to Shiva who call themselves my servants, dwell in terrible hell for a whole age of the world.
दोहा 3#

जे रामेस्वर दरसनु करिहहिं। ते तनु तजि मम लोक सिधरिहहिं॥
जो गंगाजलु आनि चढ़ाइहि। सो साजुज्य मुक्ति नर पाइहि॥
होइ अकाम जो छल तजि सेइहि। भगति मोरि तेहि संकर देइहि॥
मम कृत सेतु जो दरसनु करिही। सो बिनु श्रम भवसागर तरिही॥
राम बचन सब के जिय भाए। मुनिबर निज निज आश्रम आए॥
गिरिजा रघुपति कै यह रीती। संतत करहिं प्रनत पर प्रीती॥
बाँधा सेतु नील नल नागर। राम कृपाँ जसु भयउ उजागर॥
बूड़हिं आनहि बोरहिं जेई। भए उपल बोहित सम तेई॥
महिमा यह न जलधि कइ बरनी। पाहन गुन न कपिन्ह कइ करनी॥

je rāmesvara darasanu karihahiṃ| te tanu taji mama loka sidharihahiṃ||
jo gaṃgājalu āni caḍhāihi| so sājujya mukti nara pāihi||
hoi akāma jo chala taji seihi| bhagati mori tehi saṃkara deihi||
mama kṛta setu jo darasanu karihī| so binu śrama bhavasāgara tarihī||
rāma bacana saba ke jiya bhāe| munibara nija nija āśrama āe||
girijā raghupati kai yaha rītī| saṃtata karahiṃ pranata para prītī||
bām̐dhā setu nīla nala nāgara| rāma kṛpām̐ jasu bhayau ujāgara||
būḍahiṃ ānahi borahiṃ jeī| bhae upala bohita sama teī||
mahimā yaha na jaladhi kai baranī| pāhana guna na kapinha kai karanī||

दोहा 3
श्री रघुबीर प्रताप ते सिंधु तरे पाषान।
ते मतिमंद जे राम तजि भजहिं जाइ प्रभु आन॥3॥
śrī raghubīra pratāpa te siṃdhu tare pāṣāna|
te matimaṃda je rāma taji bhajahiṃ jāi prabhu āna||3||

श्रीरामजी बोले, जो रामेश्वरजी के दर्शन करेंगे, वे शरीर छोड़कर मेरे लोक को जाएँगे। जो गंगाजल लाकर इन पर चढ़ाएगा, वह सायुज्य मुक्ति पाएगा। जो निष्काम होकर और छल छोड़कर इनकी सेवा करेगा, उसे शंकरजी मेरी भक्ति देंगे। और जो मेरे बनाए सेतु के दर्शन करेगा, वह बिना परिश्रम संसार सागर से पार हो जाएगा। श्रीरामजी के वचन सबके मन को भाए। फिर श्रेष्ठ मुनि अपने-अपने आश्रमों को लौट गए। शिवजी कहते हैं, हे गिरिजा, श्रीरघुनाथजी की यही रीति है कि वे शरणागत पर सदा प्रेम करते हैं। चतुर नल और नील ने सेतु बाँधा, श्रीराम की कृपा से उनका यश फैल गया। जो पत्थर स्वयं डूबते हैं और दूसरों को भी डुबो देते हैं, वे जहाज के समान तैरने लगे। यह न समुद्र की महिमा कही गई है, न पत्थरों का गुण है, न वानरों की करनी। श्रीरघुवीर के प्रताप से ही पत्थर समुद्र पर तैरे। वे मंदबुद्धि हैं जो श्रीराम को छोड़कर किसी दूसरे स्वामी को भजने जाते हैं।
Rama said: Those who see Rameshwara will, on leaving the body, go to my realm. Whoever brings Ganga water and offers it here will gain the liberation of union with God. Whoever serves him without desire and without guile will be given devotion to me by Shankara. And whoever sees the bridge I have built will cross the ocean of worldly life without effort. Rama's words pleased everyone, and the great sages returned to their hermitages. Shiva says: Girija, this is Rama's way, he always loves those who take refuge in him. Skilled Nala and Nila built the bridge, and by Rama's grace their fame shone. Stones that sink and drag others down floated like boats. This is not said to be the glory of the sea, nor the nature of the stones, nor the monkeys' doing. By Shri Raghuvira's glory alone the stones crossed the sea. Dull-witted are those who leave Rama and go to worship some other master.
दोहा 4#

बाँधि सेतु अति सुदृढ़ बनावा। देखि कृपानिधि के मन भावा॥
चली सेन कछु बरनि न जाई। गर्जहिं मर्कट भट समुदाई॥
सेतुबंध ढिग चढ़ि रघुराई। चितव कृपाल सिंधु बहुताई॥
देखन कहुँ प्रभु करुना कंदा। प्रगट भए सब जलचर बृंदा॥
मकर नक्र नाना झष ब्याला। सत जोजन तन परम बिसाला॥
अइसेउ एक तिन्हहि जे खाहीं। एकन्ह कें डर तेपि डेराहीं॥
प्रभुहि बिलोकहिं टरहिं न टारे। मन हरषित सब भए सुखारे॥
तिन्ह की ओट न देखिअ बारी। मगन भए हरि रूप निहारी॥
चला कटकु प्रभु आयसु पाई। को कहि सक कपि दल बिपुलाई॥

bām̐dhi setu ati sudṛḍha banāvā| dekhi kṛpānidhi ke mana bhāvā||
calī sena kachu barani na jāī| garjahiṃ markaṭa bhaṭa samudāī||
setubaṃdha ḍhiga caḍhi raghurāī| citava kṛpāla siṃdhu bahutāī||
dekhana kahum̐ prabhu karunā kaṃdā| pragaṭa bhae saba jalacara bṛṃdā||
makara nakra nānā jhaṣa byālā| sata jojana tana parama bisālā||
aiseu eka tinhahi je khāhīṃ| ekanha keṃ ḍara tepi ḍerāhīṃ||
prabhuhi bilokahiṃ ṭarahiṃ na ṭāre| mana haraṣita saba bhae sukhāre||
tinha kī oṭa na dekhia bārī| magana bhae hari rūpa nihārī||
calā kaṭaku prabhu āyasu pāī| ko kahi saka kapi dala bipulāī||

दोहा 4
सेतुबंध भइ भीर अति कपि नभ पंथ उड़ाहिं।
अपर जलचरन्हि ऊपर चढ़ि चढ़ि पारहि जाहिं॥4॥
setubaṃdha bhai bhīra ati kapi nabha paṃtha uḍāhiṃ|
apara jalacaranhi ūpara caḍhi caḍhi pārahi jāhiṃ||4||

सेतु बाँधकर उसे अत्यंत मजबूत बनाया गया, जिसे देखकर कृपानिधान श्रीरामजी के मन को बहुत अच्छा लगा। सेना चल पड़ी, जिसका वर्णन नहीं हो सकता, वानर योद्धाओं के समूह गर्जना कर रहे थे। सेतुबंध के पास ऊँचे स्थान पर चढ़कर कृपालु श्रीरघुनाथजी समुद्र का विस्तार देखने लगे। करुणा के मूल प्रभु को देखने के लिए सब जलचर प्रकट हो गए। मगर, नाक, अनेक प्रकार की मछलियाँ और सर्प थे, जिनके शरीर सौ-सौ योजन के विशाल थे। कुछ ऐसे थे जो उन्हें भी खा जाएँ, और कुछ से वे भी डरते थे। सब प्रभु को देखते रहे, हटाने से भी नहीं हटते थे, मन में प्रसन्न होकर सब सुखी हो गए। उनकी आड़ से जल दिखाई नहीं देता था, सब भगवान का रूप निहारकर मग्न हो गए। प्रभु की आज्ञा पाकर सेना चली, वानरों के दल की विशालता कौन कह सकता है? सेतुबंध पर बहुत भीड़ हो गई, तब कुछ वानर आकाश मार्ग से उड़ने लगे और दूसरे जलचरों के ऊपर चढ़-चढ़कर पार जाने लगे।
The bridge was built and made very strong, and the sight pleased the heart of Rama, treasure of mercy. The army set out, beyond description, its hosts of monkey warriors roaring. Climbing a height near the bridge, merciful Rama gazed at the vast ocean. To see the Lord, root of compassion, all the creatures of the water rose up: crocodiles, sea monsters, fish of many kinds and serpents, with huge bodies a hundred yojanas long, some able to devour even these, and some that these in turn feared. All gazed at the Lord and would not move even when pushed; joyful at heart, all were happy. The water could not be seen behind them; all were lost in beholding Hari's form. At the Lord's command the army moved on; who can tell how vast the monkey host was? The bridge was so crowded that some monkeys flew through the sky, and others crossed by climbing over the backs of the sea creatures.
दोहा 5#

अस कौतुक बिलोकि द्वौ भाई। बिहँसि चले कृपाल रघुराई॥
सेन सहित उतरे रघुबीरा। कहि न जाइ कपि जूथप भीरा॥
सिंधु पार प्रभु डेरा कीन्हा। सकल कपिन्ह कहुँ आयसु दीन्हा॥
खाहु जाइ फल मूल सुहाए। सुनत भालु कपि जहँ तहँ धाए॥
सब तरु फरे राम हित लागी। रितु अरु कुरितु काल गति त्यागी॥
खाहिं मधुर फल बिटप हलावहिं। लंका सन्मुख सिखर चलावहिं॥
जहँ कहुँ फिरत निसाचर पावहिं। घेरि सकल बहु नाच नचावहिं॥
दसनन्हि काटि नासिका काना। कहि प्रभु सुजसु देहिं तब जाना॥
जिन्ह कर नासा कान निपाता। तिन्ह रावनहि कही सब बाता॥
सुनत श्रवन बारिधि बंधाना। दस मुख बोलि उठा अकुलाना॥

asa kautuka biloki dvau bhāī| biham̐si cale kṛpāla raghurāī||
sena sahita utare raghubīrā| kahi na jāi kapi jūthapa bhīrā||
siṃdhu pāra prabhu ḍerā kīnhā| sakala kapinha kahum̐ āyasu dīnhā||
khāhu jāi phala mūla suhāe| sunata bhālu kapi jaham̐ taham̐ dhāe||
saba taru phare rāma hita lāgī| ritu aru kuritu kāla gati tyāgī||
khāhiṃ madhura phala biṭapa halāvahiṃ| laṃkā sanmukha sikhara calāvahiṃ||
jaham̐ kahum̐ phirata nisācara pāvahiṃ| gheri sakala bahu nāca nacāvahiṃ||
dasananhi kāṭi nāsikā kānā| kahi prabhu sujasu dehiṃ taba jānā||
jinha kara nāsā kāna nipātā| tinha rāvanahi kahī saba bātā||
sunata śravana bāridhi baṃdhānā| dasa mukha boli uṭhā akulānā||

दोहा 5
बाँध्यो बननिधि नीरनिधि जलधि सिंधु बारीस।
सत्य तोयनिधि कंपति उदधि पयोधि नदीस॥5॥
bām̐dhyo bananidhi nīranidhi jaladhi siṃdhu bārīsa|
satya toyanidhi kaṃpati udadhi payodhi nadīsa||5||
दोहा 6#

निज बिकलता बिचारि बहोरी। बिहँसि गयउ ग्रह करि भय भोरी॥
मंदोदरीं सुन्यो प्रभु आयो। कौतुकहीं पाथोधि बँधायो॥
कर गहि पतिहि भवन निज आनी। बोली परम मनोहर बानी॥
चरन नाइ सिरु अंचलु रोपा। सुनहु बचन पिय परिहरि कोपा॥
नाथ बयरु कीजे ताही सों। बुधि बल सकिअ जीति जाही सों॥
तुम्हहि रघुपतिहि अंतर कैसा। खलु खद्योत दिनकरहि जैसा॥
अतिबल मधु कैटभ जेहिं मारे। महाबीर दितिसुत संघारे॥
जेहिं बलि बाँधि सहजभुज मारा। सोइ अवतरेउ हरन महि भारा॥
तासु बिरोध न कीजिअ नाथा। काल करम जिव जाकें हाथा॥

nija bikalatā bicāri bahorī| biham̐si gayau graha kari bhaya bhorī||
maṃdodarīṃ sunyo prabhu āyo| kautukahīṃ pāthodhi bam̐dhāyo||
kara gahi patihi bhavana nija ānī| bolī parama manohara bānī||
carana nāi siru aṃcalu ropā| sunahu bacana piya parihari kopā||
nātha bayaru kīje tāhī soṃ| budhi bala sakia jīti jāhī soṃ||
tumhahi raghupatihi aṃtara kaisā| khalu khadyota dinakarahi jaisā||
atibala madhu kaiṭabha jehiṃ māre| mahābīra ditisuta saṃghāre||
jehiṃ bali bām̐dhi sahajabhuja mārā| soi avatareu harana mahi bhārā||
tāsu birodha na kījia nāthā| kāla karama jiva jākeṃ hāthā||

दोहा 6
रामहि सौंपि जानकी नाइ कमल पद माथ।
सुत कहुँ राज समर्पि बन जाइ भजिअ रघुनाथ॥6॥
rāmahi sauṃpi jānakī nāi kamala pada mātha|
suta kahum̐ rāja samarpi bana jāi bhajia raghunātha||6||
दोहा 7#

नाथ दीनदयाल रघुराई। बाघउ सनमुख गएँ न खाई॥
चाहिअ करन सो सब करि बीते। तुम्ह सुर असुर चराचर जीते॥
संत कहहिं असि नीति दसानन। चौथेंपन जाइहि नृप कानन॥
तासु भजन कीजिअ तहँ भर्ता। जो कर्ता पालक संहर्ता॥
सोइ रघुबीर प्रनत अनुरागी। भजहु नाथ ममता सब त्यागी॥
मुनिबर जतनु करहिं जेहि लागी। भूप राजु तजि होहिं बिरागी॥
सोइ कोसलाधीस रघुराया। आयउ करन तोहि पर दाया॥
जौं पिय मानहु मोर सिखावन। सुजसु होइ तिहुँ पुर अति पावन॥

nātha dīnadayāla raghurāī| bāghau sanamukha gaem̐ na khāī||
cāhia karana so saba kari bīte| tumha sura asura carācara jīte||
saṃta kahahiṃ asi nīti dasānana| cautheṃpana jāihi nṛpa kānana||
tāsu bhajana kījia taham̐ bhartā| jo kartā pālaka saṃhartā||
soi raghubīra pranata anurāgī| bhajahu nātha mamatā saba tyāgī||
munibara jatanu karahiṃ jehi lāgī| bhūpa rāju taji hohiṃ birāgī||
soi kosalādhīsa raghurāyā| āyau karana tohi para dāyā||
jauṃ piya mānahu mora sikhāvana| sujasu hoi tihum̐ pura ati pāvana||

दोहा 7
अस कहि नयन नीर भरि गहि पद कंपित गात।
नाथ भजहु रघुनाथहि अचल होइ अहिवात॥7॥
asa kahi nayana nīra bhari gahi pada kaṃpita gāta|
nātha bhajahu raghunāthahi acala hoi ahivāta||7||
दोहा 8#

तब रावन मयसुता उठाई। कहै लाग खल निज प्रभुताई॥
सुनु तैं प्रिया बृथा भय माना। जग जोधा को मोहि समाना॥
बरुन कुबेर पवन जम काला। भुज बल जितेउँ सकल दिगपाला॥
देव दनुज नर सब बस मोरें। कवन हेतु उपजा भय तोरें॥
नाना बिधि तेहि कहेसि बुझाई। सभाँ बहोरि बैठ सो जाई॥
मंदोदरीं हृदयँ अस जाना। काल बस्य उपजा अभिमाना॥
सभाँ आइ मंत्रिन्ह तेहिं बूझा। करब कवन बिधि रिपु सैं जूझा॥
कहहिं सचिव सुनु निसिचर नाहा। बार बार प्रभु पूछहु काहा॥
कहहु कवन भय करिअ बिचारा। नर कपि भालु अहार हमारा॥

taba rāvana mayasutā uṭhāī| kahai lāga khala nija prabhutāī||
sunu taiṃ priyā bṛthā bhaya mānā| jaga jodhā ko mohi samānā||
baruna kubera pavana jama kālā| bhuja bala jiteum̐ sakala digapālā||
deva danuja nara saba basa moreṃ| kavana hetu upajā bhaya toreṃ||
nānā bidhi tehi kahesi bujhāī| sabhām̐ bahori baiṭha so jāī||
maṃdodarīṃ hṛdayam̐ asa jānā| kāla basya upajā abhimānā||
sabhām̐ āi maṃtrinha tehiṃ būjhā| karaba kavana bidhi ripu saiṃ jūjhā||
kahahiṃ saciva sunu nisicara nāhā| bāra bāra prabhu pūchahu kāhā||
kahahu kavana bhaya karia bicārā| nara kapi bhālu ahāra hamārā||

दोहा 8
सब के बचन श्रवन सुनि कह प्रहस्त कर जोरि।
नीति बिरोध न करिअ प्रभु मंत्रिन्ह मति अति थोरि॥8॥
saba ke bacana śravana suni kaha prahasta kara jori|
nīti birodha na karia prabhu maṃtrinha mati ati thori||8||
दोहा 9#

कहहिं सचिव सठ ठकुरसोहाती। नाथ न पूर आव एहि भाँती॥
बारिधि नाघि एक कपि आवा। तासु चरित मन महुँ सबु गावा॥
छुधा न रही तुम्हहि तब काहू। जारत नगरु कस न धरि खाहू॥
सुनत नीक आगें दुख पावा। सचिवन अस मत प्रभुहि सुनावा॥
जेहिं बारीस बँधायउ हेला। उतरेउ सेन समेत सुबेला॥
सो भनु मनुज खाब हम भाई। बचन कहहिं सब गाल फुलाई॥
तात बचन मम सुनु अति आदर। जनि मन गुनहु मोहि करि कादर॥
प्रिय बानी जे सुनहिं जे कहहीं। ऐसे नर निकाय जग अहहीं॥
बचन परम हित सुनत कठोरे। सुनहिं जे कहहिं ते नर प्रभु थोरे॥
प्रथम बसीठ पठउ सुनु नीती। सीता देइ करहु पुनि प्रीती॥

kahahiṃ saciva saṭha ṭhakurasohātī| nātha na pūra āva ehi bhām̐tī||
bāridhi nāghi eka kapi āvā| tāsu carita mana mahum̐ sabu gāvā||
chudhā na rahī tumhahi taba kāhū| jārata nagaru kasa na dhari khāhū||
sunata nīka āgeṃ dukha pāvā| sacivana asa mata prabhuhi sunāvā||
jehiṃ bārīsa bam̐dhāyau helā| utareu sena sameta subelā||
so bhanu manuja khāba hama bhāī| bacana kahahiṃ saba gāla phulāī||
tāta bacana mama sunu ati ādara| jani mana gunahu mohi kari kādara||
priya bānī je sunahiṃ je kahahīṃ| aise nara nikāya jaga ahahīṃ||
bacana parama hita sunata kaṭhore| sunahiṃ je kahahiṃ te nara prabhu thore||
prathama basīṭha paṭhau sunu nītī| sītā dei karahu puni prītī||

दोहा 9
नारि पाइ फिरि जाहिं जौं तौ न बढ़ाइअ रारि।
नाहिं त सन्मुख समर महि तात करिअ हठि मारि॥9॥
nāri pāi phiri jāhiṃ jauṃ tau na baḍhāia rāri|
nāhiṃ ta sanmukha samara mahi tāta karia haṭhi māri||9||
दोहा 10#

यह मत जौं मानहु प्रभु मोरा। उभय प्रकार सुजसु जग तोरा॥
सुत सन कह दसकंठ रिसाई। असि मति सठ केहिं तोहि सिखाई॥
अबहीं ते उर संसय होई। बेनुमूल सुत भयहु घमोई॥
सुनि पितु गिरा परुष अति घोरा। चला भवन कहि बचन कठोरा॥
हित मत तोहि न लागत कैसें। काल बिबस कहुँ भेषज जैसें॥
संध्या समय जानि दससीसा। भवन चलेउ निरखत भुज बीसा॥
लंका सिखर उपर आगारा। अति बिचित्र तहँ होइ अखारा॥
बैठ जाइ तेहिं मंदिर रावन। लागे किंनर गुन गन गावन॥
बाजहिं ताल पखाउज बीना। नृत्य करहिं अपछरा प्रबीना॥

yaha mata jauṃ mānahu prabhu morā| ubhaya prakāra sujasu jaga torā||
suta sana kaha dasakaṃṭha risāī| asi mati saṭha kehiṃ tohi sikhāī||
abahīṃ te ura saṃsaya hoī| benumūla suta bhayahu ghamoī||
suni pitu girā paruṣa ati ghorā| calā bhavana kahi bacana kaṭhorā||
hita mata tohi na lāgata kaiseṃ| kāla bibasa kahum̐ bheṣaja jaiseṃ||
saṃdhyā samaya jāni dasasīsā| bhavana caleu nirakhata bhuja bīsā||
laṃkā sikhara upara āgārā| ati bicitra taham̐ hoi akhārā||
baiṭha jāi tehiṃ maṃdira rāvana| lāge kiṃnara guna gana gāvana||
bājahiṃ tāla pakhāuja bīnā| nṛtya karahiṃ apacharā prabīnā||

दोहा 10
सुनासीर सत सरिस सो संतत करइ बिलास।
परम प्रबल रिपु सीस पर तद्यपि सोच न त्रास॥10॥
sunāsīra sata sarisa so saṃtata karai bilāsa|
parama prabala ripu sīsa para tadyapi soca na trāsa||10||
दोहा 11#

इहाँ सुबेल सैल रघुबीरा। उतरे सेन सहित अति भीरा॥
सिखर एक उतंग अति देखी। परम रम्य सम सुभ्र बिसेषी॥
तहँ तरु किसलय सुमन सुहाए। लछिमन रचि निज हाथ डसाए॥
ता पर रुचिर मृदुल मृगछाला। तेहिं आसन आसीन कृपाला॥
प्रभु कृत सीस कपीस उछंगा। बाम दहिन दिसि चाप निषंगा॥
दुहुँ कर कमल सुधारत बाना। कह लंकेस मंत्र लगि काना॥
बड़भागी अंगद हनुमाना। चरन कमल चापत बिधि नाना॥
प्रभु पाछें लछिमन बीरासन। कटि निषंग कर बान सरासन॥

ihām̐ subela saila raghubīrā| utare sena sahita ati bhīrā||
sikhara eka utaṃga ati dekhī| parama ramya sama subhra biseṣī||
taham̐ taru kisalaya sumana suhāe| lachimana raci nija hātha ḍasāe||
tā para rucira mṛdula mṛgachālā| tehiṃ āsana āsīna kṛpālā||
prabhu kṛta sīsa kapīsa uchaṃgā| bāma dahina disi cāpa niṣaṃgā||
duhum̐ kara kamala sudhārata bānā| kaha laṃkesa maṃtra lagi kānā||
baḍabhāgī aṃgada hanumānā| carana kamala cāpata bidhi nānā||
prabhu pācheṃ lachimana bīrāsana| kaṭi niṣaṃga kara bāna sarāsana||

दोहा 11(क)
एहि बिधि कृपा रूप गुन धाम रामु आसीन।
धन्य ते नर एहिं ध्यान जे रहत सदा लयलीन॥11(क)॥
ehi bidhi kṛpā rūpa guna dhāma rāmu āsīna|
dhanya te nara ehiṃ dhyāna je rahata sadā layalīna||11(ka)||

दोहा 11(ख)
पूरब दिसा बिलोकि प्रभु देखा उदित मयंक।
कहत सबहि देखहु ससिहि मृगपति सरिस असंक॥11(ख)॥
pūraba disā biloki prabhu dekhā udita mayaṃka|
kahata sabahi dekhahu sasihi mṛgapati sarisa asaṃka||11(kha)||
दोहा 12#

पूरब दिसि गिरिगुहा निवासी। परम प्रताप तेज बल रासी॥
मत्त नाग तम कुंभ बिदारी। ससि केसरी गगन बन चारी॥
बिथुरे नभ मुकुताहल तारा। निसि सुंदरी केर सिंगारा॥
कह प्रभु ससि महुँ मेचकताई। कहहु काह निज निज मति भाई॥
कह सुग़ीव सुनहु रघुराई। ससि महुँ प्रगट भूमि कै झाँई॥
मारेउ राहु ससिहि कह कोई। उर महँ परी स्यामता सोई॥
कोउ कह जब बिधि रति मुख कीन्हा। सार भाग ससि कर हरि लीन्हा॥
छिद्र सो प्रगट इंदु उर माहीं। तेहि मग देखिअ नभ परिछाहीं॥
प्रभु कह गरल बंधु ससि केरा। अति प्रिय निज उर दीन्ह बसेरा॥
बिष संजुत कर निकर पसारी। जारत बिरहवंत नर नारी॥

pūraba disi giriguhā nivāsī| parama pratāpa teja bala rāsī||
matta nāga tama kuṃbha bidārī| sasi kesarī gagana bana cārī||
bithure nabha mukutāhala tārā| nisi suṃdarī kera siṃgārā||
kaha prabhu sasi mahum̐ mecakatāī| kahahu kāha nija nija mati bhāī||
kaha sugīva sunahu raghurāī| sasi mahum̐ pragaṭa bhūmi kai jhām̐ī||
māreu rāhu sasihi kaha koī| ura maham̐ parī syāmatā soī||
kou kaha jaba bidhi rati mukha kīnhā| sāra bhāga sasi kara hari līnhā||
chidra so pragaṭa iṃdu ura māhīṃ| tehi maga dekhia nabha parichāhīṃ||
prabhu kaha garala baṃdhu sasi kerā| ati priya nija ura dīnha baserā||
biṣa saṃjuta kara nikara pasārī| jārata birahavaṃta nara nārī||

दोहा 12(क)
कह हनुमंत सुनहु प्रभु ससि तुम्हार प्रिय दास।
तव मूरति बिधु उर बसति सोइ स्यामता अभास॥12(क)॥
kaha hanumaṃta sunahu prabhu sasi tumhāra priya dāsa|
tava mūrati bidhu ura basati soi syāmatā abhāsa||12(ka)||

दोहा 12(ख)
पवन तनय के बचन सुनि बिहँसे रामु सुजान।
दच्छिन दिसि अवलोकि प्रभु बोले कृपा निधान॥12(ख)॥
pavana tanaya ke bacana suni biham̐se rāmu sujāna|
dacchina disi avaloki prabhu bole kṛpā nidhāna||12(kha)||
नवाह्नपारायण, सातवाँ विश्रामDay 7 of the 9-day Navahna path ends here
दोहा 13#

देखु बिभीषन दच्छिन आसा। घन घमंड दामिनि बिलासा॥
मधुर मधुर गरजइ घन घोरा। होइ बृष्टि जनि उपल कठोरा॥
कहत बिभीषन सुनहु कृपाला। होइ न तड़ित न बारिद माला॥
लंका सिखर उपर आगारा। तहँ दसकंधर देख अखारा॥
छत्र मेघडंबर सिर धारी। सोइ जनु जलद घटा अति कारी॥
मंदोदरी श्रवन ताटंका। सोइ प्रभु जनु दामिनी दमंका॥
बाजहिं ताल मृदंग अनूपा। सोइ रव मधुर सुनहु सुरभूपा॥
प्रभु मुसुकान समुझि अभिमाना। चाप चढ़ाइ बान संधाना॥

dekhu bibhīṣana dacchina āsā| ghana ghamaṃḍa dāmini bilāsā||
madhura madhura garajai ghana ghorā| hoi bṛṣṭi jani upala kaṭhorā||
kahata bibhīṣana sunahu kṛpālā| hoi na taḍita na bārida mālā||
laṃkā sikhara upara āgārā| taham̐ dasakaṃdhara dekha akhārā||
chatra meghaḍaṃbara sira dhārī| soi janu jalada ghaṭā ati kārī||
maṃdodarī śravana tāṭaṃkā| soi prabhu janu dāminī damaṃkā||
bājahiṃ tāla mṛdaṃga anūpā| soi rava madhura sunahu surabhūpā||
prabhu musukāna samujhi abhimānā| cāpa caḍhāi bāna saṃdhānā||

दोहा 13(क)
छत्र मुकुट ताटंक तब हते एकहीं बान।
सबकें देखत महि परे मरमु न कोऊ जान॥13(क)॥
chatra mukuṭa tāṭaṃka taba hate ekahīṃ bāna|
sabakeṃ dekhata mahi pare maramu na koū jāna||13(ka)||

दोहा 13(ख)
अस कौतुक करि राम सर प्रबिसेउ आइ निषंग।
रावन सभा ससंक सब देखि महा रसभंग॥13(ख)॥
asa kautuka kari rāma sara prabiseu āi niṣaṃga|
rāvana sabhā sasaṃka saba dekhi mahā rasabhaṃga||13(kha)||
दोहा 14#

कंप न भूमि न मरुत बिसेषा। अस्त्र सस्त्र कछु नयन न देखा॥
सोचहिं सब निज हृदय मझारी। असगुन भयउ भयंकर भारी॥
दसमुख देखि सभा भय पाई। बिहसि बचन कह जुगुति बनाई॥
सिरउ गिरे संतत सुभ जाही। मुकुट परे कस असगुन ताही॥
सयन करहु निज निज गृह जाई। गवने भवन सकल सिर नाई॥
मंदोदरी सोच उर बसेऊ। जब ते श्रवनपूर महि खसेऊ॥
सजल नयन कह जुग कर जोरी। सुनहु प्रानपति बिनती मोरी॥
कंत राम बिरोध परिहरहू। जानि मनुज जनि हठ मन धरहू॥

kaṃpa na bhūmi na maruta biseṣā| astra sastra kachu nayana na dekhā||
socahiṃ saba nija hṛdaya majhārī| asaguna bhayau bhayaṃkara bhārī||
dasamukha dekhi sabhā bhaya pāī| bihasi bacana kaha juguti banāī||
sirau gire saṃtata subha jāhī| mukuṭa pare kasa asaguna tāhī||
sayana karahu nija nija gṛha jāī| gavane bhavana sakala sira nāī||
maṃdodarī soca ura baseū| jaba te śravanapūra mahi khaseū||
sajala nayana kaha juga kara jorī| sunahu prānapati binatī morī||
kaṃta rāma birodha pariharahū| jāni manuja jani haṭha mana dharahū||

दोहा 14
बिस्वरूप रघुबंस मनि करहु बचन बिस्वासु।
लोक कल्पना बेद कर अंग अंग प्रति जासु॥14॥
bisvarūpa raghubaṃsa mani karahu bacana bisvāsu|
loka kalpanā beda kara aṃga aṃga prati jāsu||14||
दोहा 15#

पद पाताल सीस अज धामा। अपर लोक अँग अँग बिश्रामा॥
भृकुटि बिलास भयंकर काला। नयन दिवाकर कच घन माला॥
जासु घ्रान अस्विनीकुमारा। निसि अरु दिवस निमेष अपारा॥
श्रवन दिसा दस बेद बखानी। मारुत स्वास निगम निज बानी॥
अधर लोभ जम दसन कराला। माया हास बाहु दिगपाला॥
आनन अनल अंबुपति जीहा। उतपति पालन प्रलय समीहा॥
रोम राजि अष्टादस भारा। अस्थि सैल सरिता नस जारा॥
उदर उदधि अधगो जातना। जगमय प्रभु का बहु कलपना॥

pada pātāla sīsa aja dhāmā| apara loka am̐ga am̐ga biśrāmā||
bhṛkuṭi bilāsa bhayaṃkara kālā| nayana divākara kaca ghana mālā||
jāsu ghrāna asvinīkumārā| nisi aru divasa nimeṣa apārā||
śravana disā dasa beda bakhānī| māruta svāsa nigama nija bānī||
adhara lobha jama dasana karālā| māyā hāsa bāhu digapālā||
ānana anala aṃbupati jīhā| utapati pālana pralaya samīhā||
roma rāji aṣṭādasa bhārā| asthi saila saritā nasa jārā||
udara udadhi adhago jātanā| jagamaya prabhu kā bahu kalapanā||

दोहा 15(क)
अहंकार सिव बुद्धि अज मन ससि चित्त महान।
मनुज बास सचराचर रूप राम भगवान॥15(क)॥
ahaṃkāra siva buddhi aja mana sasi citta mahāna|
manuja bāsa sacarācara rūpa rāma bhagavāna||15(ka)||

दोहा 15(ख)
अस बिचारि सुनु प्रानपति प्रभु सन बयरु बिहाइ।
प्रीति करहु रघुबीर पद मम अहिवात न जाइ॥15(ख)॥
asa bicāri sunu prānapati prabhu sana bayaru bihāi|
prīti karahu raghubīra pada mama ahivāta na jāi||15(kha)||
दोहा 16#

बिहँसा नारि बचन सुनि काना। अहो मोह महिमा बलवाना॥
नारि सुभाउ सत्य सब कहहीं। अवगुन आठ सदा उर रहहीं॥
साहस अनृत चपलता माया। भय अबिबेक असौच अदाया॥
रिपु कर रूप सकल तैं गावा। अति बिसाल भय मोहि सुनावा॥
सो सब प्रिया सहज बस मोरें। समुझि परा प्रसाद अब तोरें॥
जानिउँ प्रिया तोरि चतुराई। एहि बिधि कहहु मोरि प्रभुताई॥
तव बतकही गूढ़ मृगलोचनि। समुझत सुखद सुनत भय मोचनि॥
मंदोदरि मन महुँ अस ठयऊ। पियहि काल बस मतिभ्रम भयऊ॥

biham̐sā nāri bacana suni kānā| aho moha mahimā balavānā||
nāri subhāu satya saba kahahīṃ| avaguna āṭha sadā ura rahahīṃ||
sāhasa anṛta capalatā māyā| bhaya abibeka asauca adāyā||
ripu kara rūpa sakala taiṃ gāvā| ati bisāla bhaya mohi sunāvā||
so saba priyā sahaja basa moreṃ| samujhi parā prasāda aba toreṃ||
jānium̐ priyā tori caturāī| ehi bidhi kahahu mori prabhutāī||
tava batakahī gūḍha mṛgalocani| samujhata sukhada sunata bhaya mocani||
maṃdodari mana mahum̐ asa ṭhayaū| piyahi kāla basa matibhrama bhayaū||

दोहा 16(क)
एहि बिधि करत बिनोद बहु प्रात प्रगट दसकंध।
सहज असंक लंकपति सभाँ गयउ मद अंध॥16(क)॥
ehi bidhi karata binoda bahu prāta pragaṭa dasakaṃdha|
sahaja asaṃka laṃkapati sabhām̐ gayau mada aṃdha||16(ka)||

सोरठा 16(ख)
फूलह फरइ न बेत जदपि सुधा बरषहिं जलद।
मूरुख हृदयँ न चेत जौं गुर मिलहिं बिरंचि सम॥16(ख)॥
phūlaha pharai na beta jadapi sudhā baraṣahiṃ jalada|
mūrukha hṛdayam̐ na ceta jauṃ gura milahiṃ biraṃci sama||16(kha)||
सोरठा 17#

इहाँ प्रात जागे रघुराई। पूछा मत सब सचिव बोलाई॥
कहहु बेगि का करिअ उपाई। जामवंत कह पद सिरु नाई॥
सुनु सर्बग्य सकल उर बासी। बुधि बल तेज धर्म गुन रासी॥
मंत्र कहउँ निज मति अनुसारा। दूत पठाइअ बालिकुमारा॥
नीक मंत्र सब के मन माना। अंगद सन कह कृपानिधाना॥
बालितनय बुधि बल गुन धामा। लंका जाहु तात मम कामा॥
बहुत बुझाइ तुम्हहि का कहऊँ। परम चतुर मैं जानत अहऊँ॥
काजु हमार तासु हित होई। रिपु सन करेहु बतकही सोई॥

ihām̐ prāta jāge raghurāī| pūchā mata saba saciva bolāī||
kahahu begi kā karia upāī| jāmavaṃta kaha pada siru nāī||
sunu sarbagya sakala ura bāsī| budhi bala teja dharma guna rāsī||
maṃtra kahaum̐ nija mati anusārā| dūta paṭhāia bālikumārā||
nīka maṃtra saba ke mana mānā| aṃgada sana kaha kṛpānidhānā||
bālitanaya budhi bala guna dhāmā| laṃkā jāhu tāta mama kāmā||
bahuta bujhāi tumhahi kā kahaūm̐| parama catura maiṃ jānata ahaūm̐||
kāju hamāra tāsu hita hoī| ripu sana karehu batakahī soī||

सोरठा 17(क)
प्रभु अग्या धरि सीस चरन बंदि अंगद उठेउ।
सोइ गुन सागर ईस राम कृपा जा पर करहु॥17(क)॥
prabhu agyā dhari sīsa carana baṃdi aṃgada uṭheu|
soi guna sāgara īsa rāma kṛpā jā para karahu||17(ka)||

सोरठा 17(ख)
स्वयं सिद्ध सब काज नाथ मोहि आदरु दियउ।
अस बिचारि जुबराज तन पुलकित हरषित हियउ॥17(ख)॥
svayaṃ siddha saba kāja nātha mohi ādaru diyau|
asa bicāri jubarāja tana pulakita haraṣita hiyau||17(kha)||
दोहा 18#

बंदि चरन उर धरि प्रभुताई। अंगद चलेउ सबहि सिरु नाई॥
प्रभु प्रताप उर सहज असंका। रन बाँकुरा बालिसुत बंका॥
पुर पैठत रावन कर बेटा। खेलत रहा सो होइ गै भेटा॥
बातहिं बात करष बढ़ि आई। जुगल अतुल बल पुनि तरुनाई॥
तेहि अंगद कहुँ लात उठाई। गहि पद पटकेउ भूमि भवाँई॥
निसिचर निकर देखि भट भारी। जहँ तहँ चले न सकहिं पुकारी॥
एक एक सन मरमु न कहहीं। समुझि तासु बध चुप करि रहहीं॥
भयउ कोलाहल नगर मझारी। आवा कपि लंका जेहिं जारी॥
अब धौं कहा करिहि करतारा। अति सभीत सब करहिं बिचारा॥
बिनु पूछें मगु देहिं दिखाई। जेहि बिलोक सोइ जाइ सुखाई॥

baṃdi carana ura dhari prabhutāī| aṃgada caleu sabahi siru nāī||
prabhu pratāpa ura sahaja asaṃkā| rana bām̐kurā bālisuta baṃkā||
pura paiṭhata rāvana kara beṭā| khelata rahā so hoi gai bheṭā||
bātahiṃ bāta karaṣa baḍhi āī| jugala atula bala puni tarunāī||
tehi aṃgada kahum̐ lāta uṭhāī| gahi pada paṭakeu bhūmi bhavām̐ī||
nisicara nikara dekhi bhaṭa bhārī| jaham̐ taham̐ cale na sakahiṃ pukārī||
eka eka sana maramu na kahahīṃ| samujhi tāsu badha cupa kari rahahīṃ||
bhayau kolāhala nagara majhārī| āvā kapi laṃkā jehiṃ jārī||
aba dhauṃ kahā karihi karatārā| ati sabhīta saba karahiṃ bicārā||
binu pūcheṃ magu dehiṃ dikhāī| jehi biloka soi jāi sukhāī||

दोहा 18
गयउ सभा दरबार तब सुमिरि राम पद कंज।
सिंह ठवनि इत उत चितव धीर बीर बल पुंज॥18॥
gayau sabhā darabāra taba sumiri rāma pada kaṃja|
siṃha ṭhavani ita uta citava dhīra bīra bala puṃja||18||
दोहा 19#

तुरत निसाचर एक पठावा। समाचार रावनहि जनावा॥
सुनत बिहँसि बोला दससीसा। आनहु बोलि कहाँ कर कीसा॥
आयसु पाइ दूत बहु धाए। कपिकुंजरहि बोलि लै आए॥
अंगद दीख दसानन बैंसें। सहित प्रान कज्जलगिरि जैसें॥
भुजा बिटप सिर सृंग समाना। रोमावली लता जनु नाना॥
मुख नासिका नयन अरु काना। गिरि कंदरा खोह अनुमाना॥
गयउ सभाँ मन नेकु न मुरा। बालितनय अतिबल बाँकुरा॥
उठे सभासद कपि कहुँ देखी। रावन उर भा क्रोध बिसेषी॥

turata nisācara eka paṭhāvā| samācāra rāvanahi janāvā||
sunata biham̐si bolā dasasīsā| ānahu boli kahām̐ kara kīsā||
āyasu pāi dūta bahu dhāe| kapikuṃjarahi boli lai āe||
aṃgada dīkha dasānana baiṃseṃ| sahita prāna kajjalagiri jaiseṃ||
bhujā biṭapa sira sṛṃga samānā| romāvalī latā janu nānā||
mukha nāsikā nayana aru kānā| giri kaṃdarā khoha anumānā||
gayau sabhām̐ mana neku na murā| bālitanaya atibala bām̐kurā||
uṭhe sabhāsada kapi kahum̐ dekhī| rāvana ura bhā krodha biseṣī||

दोहा 19
जथा मत्त गज जूथ महुँ पंचानन चलि जाइ।
राम प्रताप सुमिरि मन बैठ सभाँ सिरु नाइ॥19॥
jathā matta gaja jūtha mahum̐ paṃcānana cali jāi|
rāma pratāpa sumiri mana baiṭha sabhām̐ siru nāi||19||
दोहा 20#

कह दसकंठ कवन तैं बंदर। मैं रघुबीर दूत दसकंधर॥
मम जनकहि तोहि रही मिताई। तव हित कारन आयउँ भाई॥
उत्तम कुल पुलस्ति कर नाती। सिव बिरंचि पूजेहु बहु भाँती॥
बर पायहु कीन्हेहु सब काजा। जीतेहु लोकपाल सब राजा॥
नृप अभिमान मोह बस किंबा। हरि आनिहु सीता जगदंबा॥
अब सुभ कहा सुनहु तुम्ह मोरा। सब अपराध छमिहि प्रभु तोरा॥
दसन गहहु तृन कंठ कुठारी। परिजन सहित संग निज नारी॥
सादर जनकसुता करि आगें। एहि बिधि चलहु सकल भय त्यागें॥

kaha dasakaṃṭha kavana taiṃ baṃdara| maiṃ raghubīra dūta dasakaṃdhara||
mama janakahi tohi rahī mitāī| tava hita kārana āyaum̐ bhāī||
uttama kula pulasti kara nātī| siva biraṃci pūjehu bahu bhām̐tī||
bara pāyahu kīnhehu saba kājā| jītehu lokapāla saba rājā||
nṛpa abhimāna moha basa kiṃbā| hari ānihu sītā jagadaṃbā||
aba subha kahā sunahu tumha morā| saba aparādha chamihi prabhu torā||
dasana gahahu tṛna kaṃṭha kuṭhārī| parijana sahita saṃga nija nārī||
sādara janakasutā kari āgeṃ| ehi bidhi calahu sakala bhaya tyāgeṃ||

दोहा 20
प्रनतपाल रघुबंसमनि त्राहि त्राहि अब मोहि।
आरत गिरा सुनत प्रभु अभय करैगो तोहि॥20॥
pranatapāla raghubaṃsamani trāhi trāhi aba mohi|
ārata girā sunata prabhu abhaya karaigo tohi||20||
दोहा 21#

रे कपिपोत बोलु संभारी। मूढ़ न जानेहि मोहि सुरारी॥
कहु निज नाम जनक कर भाई। केहि नातें मानिऐ मिताई॥
अंगद नाम बालि कर बेटा। तासों कबहुँ भई ही भेटा॥
अंगद बचन सुनत सकुचाना। रहा बालि बानर मैं जाना॥
अंगद तहीं बालि कर बालक। उपजेहु बंस अनल कुल घालक॥
गर्भ न गयहु ब्यर्थ तुम्ह जायहु। निज मुख तापस दूत कहायहु॥
अब कहु कुसल बालि कहँ अहई। बिहँसि बचन तब अंगद कहई॥
दिन दस गएँ बालि पहिं जाई। बूझेहु कुसल सखा उर लाई॥
राम बिरोध कुसल जसि होई। सो सब तोहि सुनाइहि सोई॥
सुनु सठ भेद होइ मन ताकें। श्रीरघुबीर हृदय नहिं जाकें॥

re kapipota bolu saṃbhārī| mūḍha na jānehi mohi surārī||
kahu nija nāma janaka kara bhāī| kehi nāteṃ māniai mitāī||
aṃgada nāma bāli kara beṭā| tāsoṃ kabahum̐ bhaī hī bheṭā||
aṃgada bacana sunata sakucānā| rahā bāli bānara maiṃ jānā||
aṃgada tahīṃ bāli kara bālaka| upajehu baṃsa anala kula ghālaka||
garbha na gayahu byartha tumha jāyahu| nija mukha tāpasa dūta kahāyahu||
aba kahu kusala bāli kaham̐ ahaī| biham̐si bacana taba aṃgada kahaī||
dina dasa gaem̐ bāli pahiṃ jāī| būjhehu kusala sakhā ura lāī||
rāma birodha kusala jasi hoī| so saba tohi sunāihi soī||
sunu saṭha bheda hoi mana tākeṃ| śrīraghubīra hṛdaya nahiṃ jākeṃ||

दोहा 21
हम कुल घालक सत्य तुम्ह कुल पालक दससीस।
अंधउ बधिर न अस कहहिं नयन कान तव बीस॥21।
hama kula ghālaka satya tumha kula pālaka dasasīsa|
aṃdhau badhira na asa kahahiṃ nayana kāna tava bīsa||21|
दोहा 22#

सिव बिरंचि सुर मुनि समुदाई। चाहत जासु चरन सेवकाई॥
तासु दूत होइ हम कुल बोरा। अइसिहुँ मति उर बिहर न तोरा॥
सुनि कठोर बानी कपि केरी। कहत दसानन नयन तरेरी॥
खल तव कठिन बचन सब सहऊँ। नीति धर्म मैं जानत अहऊँ॥
कह कपि धर्मसीलता तोरी। हमहुँ सुनी कृत पर त्रिय चोरी॥
देखी नयन दूत रखवारी। बूड़ि न मरहु धर्म ब्रतधारी॥
कान नाक बिनु भगिनि निहारी। छमा कीन्हि तुम्ह धर्म बिचारी॥
धर्मसीलता तव जग जागी। पावा दरसु हमहुँ बड़भागी॥

siva biraṃci sura muni samudāī| cāhata jāsu carana sevakāī||
tāsu dūta hoi hama kula borā| aisihum̐ mati ura bihara na torā||
suni kaṭhora bānī kapi kerī| kahata dasānana nayana tarerī||
khala tava kaṭhina bacana saba sahaūm̐| nīti dharma maiṃ jānata ahaūm̐||
kaha kapi dharmasīlatā torī| hamahum̐ sunī kṛta para triya corī||
dekhī nayana dūta rakhavārī| būḍi na marahu dharma bratadhārī||
kāna nāka binu bhagini nihārī| chamā kīnhi tumha dharma bicārī||
dharmasīlatā tava jaga jāgī| pāvā darasu hamahum̐ baḍabhāgī||

दोहा 22(क)
जनि जल्पसि जड़ जंतु कपि सठ बिलोकु मम बाहु।
लोकपाल बल बिपुल ससि ग्रसन हेतु सब राहु॥22(क)॥
jani jalpasi jaḍa jaṃtu kapi saṭha biloku mama bāhu|
lokapāla bala bipula sasi grasana hetu saba rāhu||22(ka)||

दोहा 22(ख)
पुनि नभ सर मम कर निकर कमलन्हि पर करि बास।
सोभत भयउ मराल इव संभु सहित कैलास॥22(ख)॥
puni nabha sara mama kara nikara kamalanhi para kari bāsa|
sobhata bhayau marāla iva saṃbhu sahita kailāsa||22(kha)||
दोहा 23#

तुम्हरे कटक माझ सुनु अंगद। मो सन भिरिहि कवन जोधा बद॥
तव प्रभु नारि बिरहँ बलहीना। अनुज तासु दुख दुखी मलीना॥
तुम्ह सुग्रीव कूलद्रुम दोऊ। अनुज हमार भीरु अति सोऊ॥
जामवंत मंत्री अति बूढ़ा। सो कि होइ अब समरारूढ़ा॥
सिल्पि कर्म जानहिं नल नीला। है कपि एक महा बलसीला॥
आवा प्रथम नगरु जेहिं जारा। सुनत बचन कह बालिकुमारा॥
सत्य बचन कहु निसिचर नाहा। साँचेहुँ कीस कीन्ह पुर दाहा॥
रावन नगर अल्प कपि दहई। सुनि अस बचन सत्य को कहई॥
जो अति सुभट सराहेहु रावन। सो सुग्रीव केर लघु धावन॥
चलइ बहुत सो बीर न होई। पठवा खबरि लेन हम सोई॥

tumhare kaṭaka mājha sunu aṃgada| mo sana bhirihi kavana jodhā bada||
tava prabhu nāri biraham̐ balahīnā| anuja tāsu dukha dukhī malīnā||
tumha sugrīva kūladruma doū| anuja hamāra bhīru ati soū||
jāmavaṃta maṃtrī ati būḍhā| so ki hoi aba samarārūḍhā||
silpi karma jānahiṃ nala nīlā| hai kapi eka mahā balasīlā||
āvā prathama nagaru jehiṃ jārā| sunata bacana kaha bālikumārā||
satya bacana kahu nisicara nāhā| sām̐cehum̐ kīsa kīnha pura dāhā||
rāvana nagara alpa kapi dahaī| suni asa bacana satya ko kahaī||
jo ati subhaṭa sarāhehu rāvana| so sugrīva kera laghu dhāvana||
calai bahuta so bīra na hoī| paṭhavā khabari lena hama soī||

दोहा 23(क)
सत्य नगरु कपि जारेउ बिनु प्रभु आयसु पाइ।
फिरि न गयउ सुग्रीव पहिं तेहिं भय रहा लुकाइ॥23(क)॥
satya nagaru kapi jāreu binu prabhu āyasu pāi|
phiri na gayau sugrīva pahiṃ tehiṃ bhaya rahā lukāi||23(ka)||

दोहा 23(ख)
सत्य कहहि दसकंठ सब मोहि न सुनि कछु कोह।
कोउ न हमारें कटक अस तो सन लरत जो सोह॥23(ख)॥
satya kahahi dasakaṃṭha saba mohi na suni kachu koha|
kou na hamāreṃ kaṭaka asa to sana larata jo soha||23(kha)||

दोहा 23(ग)
प्रीति बिरोध समान सन करिअ नीति असि आहि।
जौं मृगपति बध मेड़ुकन्हि भल कि कहइ कोउ ताहि॥23(ग)॥
prīti birodha samāna sana karia nīti asi āhi|
jauṃ mṛgapati badha meḍukanhi bhala ki kahai kou tāhi||23(ga)||

दोहा 23(घ)
जद्यपि लघुता राम कहुँ तोहि बधें बड़ दोष।
तदपि कठिन दसकंठ सुनु छत्र जाति कर रोष॥23(घ)॥
jadyapi laghutā rāma kahum̐ tohi badheṃ baḍa doṣa|
tadapi kaṭhina dasakaṃṭha sunu chatra jāti kara roṣa||23(gha)||

दोहा 23(ङ)
बक्र उक्ति धनु बचन सर हृदय दहेउ रिपु कीस।
प्रतिउत्तर सड़सिन्ह मनहुँ काढ़त भट दससीस॥23(ङ)॥
bakra ukti dhanu bacana sara hṛdaya daheu ripu kīsa|
pratiuttara saḍasinha manahum̐ kāḍhata bhaṭa dasasīsa||23(ṅa)||
दोहा 24#

हँसि बोलेउ दसमौलि तब कपि कर बड़ गुन एक।
जो प्रतिपालइ तासु हित करइ उपाय अनेक॥23(छ)॥
धन्य कीस जो निज प्रभु काजा। जहँ तहँ नाचइ परिहरि लाजा॥
नाचि कूदि करि लोग रिझाई। पति हित करइ धर्म निपुनाई॥
अंगद स्वामिभक्त तव जाती। प्रभु गुन कस न कहसि एहि भाँती॥
मैं गुन गाहक परम सुजाना। तव कटु रटनि करउँ नहिं काना॥
कह कपि तव गुन गाहकताई। सत्य पवनसुत मोहि सुनाई॥
बन बिधंसि सुत बधि पुर जारा। तदपि न तेहिं कछु कृत अपकारा॥
सोइ बिचारि तव प्रकृति सुहाई। दसकंधर मैं कीन्हि ढिठाई॥
देखेउँ आइ जो कछु कपि भाषा। तुम्हरें लाज न रोष न माखा॥
जौं असि मति पितु खाए कीसा। कहि अस बचन हँसा दससीसा॥
पितहि खाइ खातेउँ पुनि तोही। अबहीं समुझि परा कछु मोही॥
बालि बिमल जस भाजन जानी। हतउँ न तोहि अधम अभिमानी॥
कहु रावन रावन जग केते। मैं निज श्रवन सुने सुनु जेते॥
बलिहि जितन एक गयउ पताला। राखेउ बाँधि सिसुन्ह हयसाला॥
खेलहिं बालक मारहिं जाई। दया लागि बलि दीन्ह छोड़ाई॥
एक बहोरि सहसभुज देखा। धाइ धरा जिमि जंतु बिसेषा॥
कौतुक लागि भवन लै आवा। सो पुलस्ति मुनि जाइ छोड़ावा॥

ham̐si boleu dasamauli taba kapi kara baḍa guna eka|
jo pratipālai tāsu hita karai upāya aneka||23(cha)||
dhanya kīsa jo nija prabhu kājā| jaham̐ taham̐ nācai parihari lājā||
nāci kūdi kari loga rijhāī| pati hita karai dharma nipunāī||
aṃgada svāmibhakta tava jātī| prabhu guna kasa na kahasi ehi bhām̐tī||
maiṃ guna gāhaka parama sujānā| tava kaṭu raṭani karaum̐ nahiṃ kānā||
kaha kapi tava guna gāhakatāī| satya pavanasuta mohi sunāī||
bana bidhaṃsi suta badhi pura jārā| tadapi na tehiṃ kachu kṛta apakārā||
soi bicāri tava prakṛti suhāī| dasakaṃdhara maiṃ kīnhi ḍhiṭhāī||
dekheum̐ āi jo kachu kapi bhāṣā| tumhareṃ lāja na roṣa na mākhā||
jauṃ asi mati pitu khāe kīsā| kahi asa bacana ham̐sā dasasīsā||
pitahi khāi khāteum̐ puni tohī| abahīṃ samujhi parā kachu mohī||
bāli bimala jasa bhājana jānī| hataum̐ na tohi adhama abhimānī||
kahu rāvana rāvana jaga kete| maiṃ nija śravana sune sunu jete||
balihi jitana eka gayau patālā| rākheu bām̐dhi sisunha hayasālā||
khelahiṃ bālaka mārahiṃ jāī| dayā lāgi bali dīnha choḍāī||
eka bahori sahasabhuja dekhā| dhāi dharā jimi jaṃtu biseṣā||
kautuka lāgi bhavana lai āvā| so pulasti muni jāi choḍāvā||

दोहा 24
एक कहत मोहि सकुच अति रहा बालि की काँख।
इन्ह महुँ रावन तैं कवन सत्य बदहि तजि माख॥24॥
eka kahata mohi sakuca ati rahā bāli kī kām̐kha|
inha mahum̐ rāvana taiṃ kavana satya badahi taji mākha||24||
दोहा 25#

सुनु सठ सोइ रावन बलसीला। हरगिरि जान जासु भुज लीला॥
जान उमापति जासु सुराई। पूजेउँ जेहि सिर सुमन चढ़ाई॥
सिर सरोज निज करन्हि उतारी। पूजेउँ अमित बार त्रिपुरारी॥
भुज बिक्रम जानहिं दिगपाला। सठ अजहूँ जिन्ह कें उर साला॥
जानहिं दिग्गज उर कठिनाई। जब जब भिरउँ जाइ बरिआई॥
जिन्ह के दसन कराल न फूटे। उर लागत मूलक इव टूटे॥
जासु चलत डोलति इमि धरनी। चढ़त मत्त गज जिमि लघु तरनी॥
सोइ रावन जग बिदित प्रतापी। सुनेहि न श्रवन अलीक प्रलापी॥

sunu saṭha soi rāvana balasīlā| haragiri jāna jāsu bhuja līlā||
jāna umāpati jāsu surāī| pūjeum̐ jehi sira sumana caḍhāī||
sira saroja nija karanhi utārī| pūjeum̐ amita bāra tripurārī||
bhuja bikrama jānahiṃ digapālā| saṭha ajahūm̐ jinha keṃ ura sālā||
jānahiṃ diggaja ura kaṭhināī| jaba jaba bhiraum̐ jāi bariāī||
jinha ke dasana karāla na phūṭe| ura lāgata mūlaka iva ṭūṭe||
jāsu calata ḍolati imi dharanī| caḍhata matta gaja jimi laghu taranī||
soi rāvana jaga bidita pratāpī| sunehi na śravana alīka pralāpī||

दोहा 25
तेहि रावन कहँ लघु कहसि नर कर करसि बखान।
रे कपि बर्बर खर्ब खल अब जाना तव ग्यान॥25॥
tehi rāvana kaham̐ laghu kahasi nara kara karasi bakhāna|
re kapi barbara kharba khala aba jānā tava gyāna||25||
दोहा 26#

सुनि अंगद सकोप कह बानी। बोलु सँभारि अधम अभिमानी॥
सहसबाहु भुज गहन अपारा। दहन अनल सम जासु कुठारा॥
जासु परसु सागर खर धारा। बूड़े नृप अगनित बहु बारा॥
तासु गर्ब जेहि देखत भागा। सो नर क्यों दससीस अभागा॥
राम मनुज कस रे सठ बंगा। धन्वी कामु नदी पुनि गंगा॥
पसु सुरधेनु कल्पतरु रूखा। अन्न दान अरु रस पीयूषा॥
बैनतेय खग अहि सहसानन। चिंतामनि पुनि उपल दसानन॥
सुनु मतिमंद लोक बैकुंठा। लाभ कि रघुपति भगति अकुंठा॥

suni aṃgada sakopa kaha bānī| bolu sam̐bhāri adhama abhimānī||
sahasabāhu bhuja gahana apārā| dahana anala sama jāsu kuṭhārā||
jāsu parasu sāgara khara dhārā| būḍe nṛpa aganita bahu bārā||
tāsu garba jehi dekhata bhāgā| so nara kyoṃ dasasīsa abhāgā||
rāma manuja kasa re saṭha baṃgā| dhanvī kāmu nadī puni gaṃgā||
pasu suradhenu kalpataru rūkhā| anna dāna aru rasa pīyūṣā||
bainateya khaga ahi sahasānana| ciṃtāmani puni upala dasānana||
sunu matimaṃda loka baikuṃṭhā| lābha ki raghupati bhagati akuṃṭhā||

दोहा 26
सेन सहित तब मान मथि बन उजारि पुर जारि॥
कस रे सठ हनुमान कपि गयउ जो तव सुत मारि॥26॥
sena sahita taba māna mathi bana ujāri pura jāri||
kasa re saṭha hanumāna kapi gayau jo tava suta māri||26||
दोहा 27#

सुनु रावन परिहरि चतुराई। भजसि न कृपासिंधु रघुराई॥
जौं खल भएसि राम कर द्रोही। ब्रह्म रुद्र सक राखि न तोही॥
मूढ़ बृथा जनि मारसि गाला। राम बयर अस होइहि हाला॥
तव सिर निकर कपिन्ह के आगें। परिहहिं धरनि राम सर लागें॥
ते तव सिर कंदुक सम नाना। खेलहहिं भालु कीस चौगाना॥
जबहिं समर कोपहि रघुनायक। छुटिहहिं अति कराल बहु सायक॥
तब कि चलिहि अस गाल तुम्हारा। अस बिचारि भजु राम उदारा॥
सुनत बचन रावन परजरा। जरत महानल जनु घृत परा॥

sunu rāvana parihari caturāī| bhajasi na kṛpāsiṃdhu raghurāī||
jauṃ khala bhaesi rāma kara drohī| brahma rudra saka rākhi na tohī||
mūḍha bṛthā jani mārasi gālā| rāma bayara asa hoihi hālā||
tava sira nikara kapinha ke āgeṃ| parihahiṃ dharani rāma sara lāgeṃ||
te tava sira kaṃduka sama nānā| khelahahiṃ bhālu kīsa caugānā||
jabahiṃ samara kopahi raghunāyaka| chuṭihahiṃ ati karāla bahu sāyaka||
taba ki calihi asa gāla tumhārā| asa bicāri bhaju rāma udārā||
sunata bacana rāvana parajarā| jarata mahānala janu ghṛta parā||

दोहा 27
कुंभकरन अस बंधु मम सुत प्रसिद्ध सक्रारि।
मोर पराक्रम नहिं सुनेहि जितेउँ चराचर झारि॥27॥
kuṃbhakarana asa baṃdhu mama suta prasiddha sakrāri|
mora parākrama nahiṃ sunehi jiteum̐ carācara jhāri||27||
दोहा 28#

सठ साखामृग जोरि सहाई। बाँधा सिंधु इहइ प्रभुताई॥
नाघहिं खग अनेक बारीसा। सूर न होहिं ते सुनु सब कीसा॥
मम भुज सागर बल जल पूरा। जहँ बूड़े बहु सुर नर सूरा॥
बीस पयोधि अगाध अपारा। को अस बीर जो पाइहि पारा॥
दिगपालन्ह मैं नीर भरावा। भूप सुजस खल मोहि सुनावा॥
जौं पै समर सुभट तव नाथा। पुनि पुनि कहसि जासु गुन गाथा॥
तौ बसीठ पठवत केहि काजा। रिपु सन प्रीति करत नहिं लाजा॥
हरगिरि मथन निरखु मम बाहू। पुनि सठ कपि निज प्रभुहि सराहू॥

saṭha sākhāmṛga jori sahāī| bām̐dhā siṃdhu ihai prabhutāī||
nāghahiṃ khaga aneka bārīsā| sūra na hohiṃ te sunu saba kīsā||
mama bhuja sāgara bala jala pūrā| jaham̐ būḍe bahu sura nara sūrā||
bīsa payodhi agādha apārā| ko asa bīra jo pāihi pārā||
digapālanha maiṃ nīra bharāvā| bhūpa sujasa khala mohi sunāvā||
jauṃ pai samara subhaṭa tava nāthā| puni puni kahasi jāsu guna gāthā||
tau basīṭha paṭhavata kehi kājā| ripu sana prīti karata nahiṃ lājā||
haragiri mathana nirakhu mama bāhū| puni saṭha kapi nija prabhuhi sarāhū||

दोहा 28
सूर कवन रावन सरिस स्वकर काटि जेहिं सीस।
हुने अनल अति हरष बहु बार साखि गौरीस॥28॥
sūra kavana rāvana sarisa svakara kāṭi jehiṃ sīsa|
hune anala ati haraṣa bahu bāra sākhi gaurīsa||28||
दोहा 29#

जरत बिलोकेउँ जबहिं कपाला। बिधि के लिखे अंक निज भाला॥
नर कें कर आपन बध बाँची। हसेउँ जानि बिधि गिरा असाँची॥
सोउ मन समुझि त्रास नहिं मोरें। लिखा बिरंचि जरठ मति भोरें॥
आन बीर बल सठ मम आगें। पुनि पुनि कहसि लाज पति त्यागे॥
कह अंगद सलज्ज जग माहीं। रावन तोहि समान कोउ नाहीं॥
लाजवंत तव सहज सुभाऊ। निज मुख निज गुन कहसि न काऊ॥
सिर अरु सैल कथा चित रही। ताते बार बीस तैं कही॥
सो भुजबल राखेउ उर घाली। जीतेहु सहसबाहु बलि बाली॥
सुनु मतिमंद देहि अब पूरा। काटें सीस कि होइअ सूरा॥
इंद्रजालि कहुँ कहिअ न बीरा। काटइ निज कर सकल सरीरा॥

jarata bilokeum̐ jabahiṃ kapālā| bidhi ke likhe aṃka nija bhālā||
nara keṃ kara āpana badha bām̐cī| haseum̐ jāni bidhi girā asām̐cī||
sou mana samujhi trāsa nahiṃ moreṃ| likhā biraṃci jaraṭha mati bhoreṃ||
āna bīra bala saṭha mama āgeṃ| puni puni kahasi lāja pati tyāge||
kaha aṃgada salajja jaga māhīṃ| rāvana tohi samāna kou nāhīṃ||
lājavaṃta tava sahaja subhāū| nija mukha nija guna kahasi na kāū||
sira aru saila kathā cita rahī| tāte bāra bīsa taiṃ kahī||
so bhujabala rākheu ura ghālī| jītehu sahasabāhu bali bālī||
sunu matimaṃda dehi aba pūrā| kāṭeṃ sīsa ki hoia sūrā||
iṃdrajāli kahum̐ kahia na bīrā| kāṭai nija kara sakala sarīrā||

दोहा 29
जरहिं पतंग मोह बस भार बहहिं खर बृंद।
ते नहिं सूर कहावहिं समुझि देखु मतिमंद॥29॥
jarahiṃ pataṃga moha basa bhāra bahahiṃ khara bṛṃda|
te nahiṃ sūra kahāvahiṃ samujhi dekhu matimaṃda||29||
दोहा 30#

अब जनि बतबढ़ाव खल करही। सुनु मम बचन मान परिहरही॥
दसमुख मैं न बसीठीं आयउँ। अस बिचारि रघुबीर पठायउँ॥
बार बार अस कहइ कृपाला। नहिं गजारि जसु बधें सृकाला॥
मन महुँ समुझि बचन प्रभु केरे। सहेउँ कठोर बचन सठ तेरे॥
नाहिं त करि मुख भंजन तोरा। लै जातेउँ सीतहि बरजोरा॥
जानेउँ तव बल अधम सुरारी। सूनें हरि आनिहि परनारी॥
तैं निसिचर पति गर्ब बहूता। मैं रघुपति सेवक कर दूता॥
जौं न राम अपमानहि डरऊँ। तोहि देखत अस कौतुक करउँ॥

aba jani batabaḍhāva khala karahī| sunu mama bacana māna pariharahī||
dasamukha maiṃ na basīṭhīṃ āyaum̐| asa bicāri raghubīra paṭhāyaum̐||
bāra bāra asa kahai kṛpālā| nahiṃ gajāri jasu badheṃ sṛkālā||
mana mahum̐ samujhi bacana prabhu kere| saheum̐ kaṭhora bacana saṭha tere||
nāhiṃ ta kari mukha bhaṃjana torā| lai jāteum̐ sītahi barajorā||
jāneum̐ tava bala adhama surārī| sūneṃ hari ānihi paranārī||
taiṃ nisicara pati garba bahūtā| maiṃ raghupati sevaka kara dūtā||
jauṃ na rāma apamānahi ḍaraūm̐| tohi dekhata asa kautuka karaum̐||

दोहा 30
तोहि पटकि महि सेन हति चौपट करि तव गाउँ।
तव जुबतिन्ह समेत सठ जनकसुतहि लै जाउँ॥30॥
tohi paṭaki mahi sena hati caupaṭa kari tava gāum̐|
tava jubatinha sameta saṭha janakasutahi lai jāum̐||30||
दोहा 31#

जौं अस करौं तदपि न बड़ाई। मुएहि बधें नहिं कछु मनुसाई॥
कौल कामबस कृपिन बिमूढ़ा। अति दरिद्र अजसी अति बूढ़ा॥
सदा रोगबस संतत क्रोधी। बिष्नु बिमुख श्रुति संत बिरोधी॥
तनु पोषक निंदक अघ खानी। जीवन सव सम चौदह प्रानी॥
अस बिचारि खल बधउँ न तोही। अब जनि रिस उपजावसि मोही॥
सुनि सकोप कह निसिचर नाथा। अधर दसन दसि मीजत हाथा॥
रे कपि अधम मरन अब चहसी। छोटे बदन बात बड़ि कहसी॥
कटु जल्पसि जड़ कपि बल जाकें। बल प्रताप बुधि तेज न ताकें॥

jauṃ asa karauṃ tadapi na baḍāī| muehi badheṃ nahiṃ kachu manusāī||
kaula kāmabasa kṛpina bimūḍhā| ati daridra ajasī ati būḍhā||
sadā rogabasa saṃtata krodhī| biṣnu bimukha śruti saṃta birodhī||
tanu poṣaka niṃdaka agha khānī| jīvana sava sama caudaha prānī||
asa bicāri khala badhaum̐ na tohī| aba jani risa upajāvasi mohī||
suni sakopa kaha nisicara nāthā| adhara dasana dasi mījata hāthā||
re kapi adhama marana aba cahasī| choṭe badana bāta baḍi kahasī||
kaṭu jalpasi jaḍa kapi bala jākeṃ| bala pratāpa budhi teja na tākeṃ||

दोहा 31(क)
अगुन अमान जानि तेहि दीन्ह पिता बनबास।
सो दुख अरु जुबती बिरह पुनि निसि दिन मम त्रास॥31(क)॥
aguna amāna jāni tehi dīnha pitā banabāsa|
so dukha aru jubatī biraha puni nisi dina mama trāsa||31(ka)||

दोहा 31(ख)
जिन्ह के बल कर गर्ब तोहि अइसे मनुज अनेक।
खाहीं निसाचर दिवस निसि मूढ़ समुझु तजि टेक॥31(ख)॥
jinha ke bala kara garba tohi aise manuja aneka|
khāhīṃ nisācara divasa nisi mūḍha samujhu taji ṭeka||31(kha)||
दोहा 32#

जब तेहिं कीन्ह राम कै निंदा। क्रोधवंत अति भयउ कपिंदा॥
हरि हर निंदा सुनइ जो काना। होइ पाप गोघात समाना॥
कटकटान कपिकुंजर भारी। दुहु भुजदंड तमकि महि मारी॥
डोलत धरनि सभासद खसे। चले भाजि भय मारुत ग्रसे॥
गिरत सँभारि उठा दसकंधर। भूतल परे मुकुट अति सुंदर॥
कछु तेहिं लै निज सिरन्हि सँवारे। कछु अंगद प्रभु पास पबारे॥
आवत मुकुट देखि कपि भागे। दिनहीं लूक परन बिधि लागे॥
की रावन करि कोप चलाए। कुलिस चारि आवत अति धाए॥
कह प्रभु हँसि जनि हृदयँ डेराहू। लूक न असनि केतु नहिं राहू॥
ए किरीट दसकंधर केरे। आवत बालितनय के प्रेरे॥

jaba tehiṃ kīnha rāma kai niṃdā| krodhavaṃta ati bhayau kapiṃdā||
hari hara niṃdā sunai jo kānā| hoi pāpa goghāta samānā||
kaṭakaṭāna kapikuṃjara bhārī| duhu bhujadaṃḍa tamaki mahi mārī||
ḍolata dharani sabhāsada khase| cale bhāji bhaya māruta grase||
girata sam̐bhāri uṭhā dasakaṃdhara| bhūtala pare mukuṭa ati suṃdara||
kachu tehiṃ lai nija siranhi sam̐vāre| kachu aṃgada prabhu pāsa pabāre||
āvata mukuṭa dekhi kapi bhāge| dinahīṃ lūka parana bidhi lāge||
kī rāvana kari kopa calāe| kulisa cāri āvata ati dhāe||
kaha prabhu ham̐si jani hṛdayam̐ ḍerāhū| lūka na asani ketu nahiṃ rāhū||
e kirīṭa dasakaṃdhara kere| āvata bālitanaya ke prere||

दोहा 32(क)
तरकि पवनसुत कर गहे आनि धरे प्रभु पास।
कौतुक देखहिं भालु कपि दिनकर सरिस प्रकास॥32(क)॥
taraki pavanasuta kara gahe āni dhare prabhu pāsa|
kautuka dekhahiṃ bhālu kapi dinakara sarisa prakāsa||32(ka)||

दोहा 32(ख)
उहाँ सकोपि दसानन सब सन कहत रिसाइ।
धरहु कपिहि धरि मारहु सुनि अंगद मुसुकाइ॥32(ख)॥
uhām̐ sakopi dasānana saba sana kahata risāi|
dharahu kapihi dhari mārahu suni aṃgada musukāi||32(kha)||
सोरठा 33#

एहि बिधि बेगि सुभट सब धावहु। खाहु भालु कपि जहँ जहँ पावहु॥
मर्कटहीन करहु महि जाई। जिअत धरहु तापस द्वौ भाई॥
पुनि सकोप बोलेउ जुबराजा। गाल बजावत तोहि न लाजा॥
मरु गर काटि निलज कुलघाती। बल बिलोकि बिहरति नहिं छाती॥
रे त्रिय चोर कुमारग गामी। खल मल रासि मंदमति कामी॥
सन्यपात जल्पसि दुर्बादा। भएसि कालबस खल मनुजादा॥
याको फलु पावहिगो आगें। बानर भालु चपेटन्हि लागें॥
रामु मनुज बोलत असि बानी। गिरहिं न तव रसना अभिमानी॥
गिरिहहिं रसना संसय नाहीं। सिरन्हि समेत समर महि माहीं॥

ehi bidhi begi subhaṭa saba dhāvahu| khāhu bhālu kapi jaham̐ jaham̐ pāvahu||
markaṭahīna karahu mahi jāī| jiata dharahu tāpasa dvau bhāī||
puni sakopa boleu jubarājā| gāla bajāvata tohi na lājā||
maru gara kāṭi nilaja kulaghātī| bala biloki biharati nahiṃ chātī||
re triya cora kumāraga gāmī| khala mala rāsi maṃdamati kāmī||
sanyapāta jalpasi durbādā| bhaesi kālabasa khala manujādā||
yāko phalu pāvahigo āgeṃ| bānara bhālu capeṭanhi lāgeṃ||
rāmu manuja bolata asi bānī| girahiṃ na tava rasanā abhimānī||
girihahiṃ rasanā saṃsaya nāhīṃ| siranhi sameta samara mahi māhīṃ||

सोरठा 33(क)
सो नर क्यों दसकंध बालि बध्यो जेहिं एक सर।
बीसहुँ लोचन अंध धिग तव जन्म कुजाति जड़॥33(क)॥
so nara kyoṃ dasakaṃdha bāli badhyo jehiṃ eka sara|
bīsahum̐ locana aṃdha dhiga tava janma kujāti jaḍa||33(ka)||

सोरठा 33(ख)
तब सोनित की प्यास तृषित राम सायक निकर।
तजउँ तोहि तेहि त्रास कटु जल्पक निसिचर अधम॥33(ख)॥
taba sonita kī pyāsa tṛṣita rāma sāyaka nikara|
tajaum̐ tohi tehi trāsa kaṭu jalpaka nisicara adhama||33(kha)||
दोहा 34#

मैं तव दसन तोरिबे लायक। आयसु मोहि न दीन्ह रघुनायक॥
असि रिस होति दसउ मुख तोरौं। लंका गहि समुद्र महँ बोरौं॥
गूलरि फल समान तव लंका। बसहु मध्य तुम्ह जंतु असंका॥
मैं बानर फल खात न बारा। आयसु दीन्ह न राम उदारा॥
जुगुति सुनत रावन मुसुकाई। मूढ़ सिखिहि कहँ बहुत झुठाई॥
बालि न कबहुँ गाल अस मारा। मिलि तपसिन्ह तैं भएसि लबारा॥
साँचेहुँ मैं लबार भुज बीहा। जौं न उपारिउँ तव दस जीहा॥
समुझि राम प्रताप कपि कोपा। सभा माझ पन करि पद रोपा॥
जौं मम चरन सकसि सठ टारी। फिरहिं रामु सीता मैं हारी॥
सुनहु सुभट सब कह दससीसा। पद गहि धरनि पछारहु कीसा॥
इंद्रजीत आदिक बलवाना। हरषि उठे जहँ तहँ भट नाना॥
झपटहिं करि बल बिपुल उपाई। पद न टरइ बैठहिं सिरु नाई॥
पुनि उठि झपटहिं सुर आराती। टरइ न कीस चरन एहि भाँती॥
पुरुष कुजोगी जिमि उरगारी। मोह बिटप नहिं सकहिं उपारी॥

maiṃ tava dasana toribe lāyaka| āyasu mohi na dīnha raghunāyaka||
asi risa hoti dasau mukha torauṃ| laṃkā gahi samudra maham̐ borauṃ||
gūlari phala samāna tava laṃkā| basahu madhya tumha jaṃtu asaṃkā||
maiṃ bānara phala khāta na bārā| āyasu dīnha na rāma udārā||
juguti sunata rāvana musukāī| mūḍha sikhihi kaham̐ bahuta jhuṭhāī||
bāli na kabahum̐ gāla asa mārā| mili tapasinha taiṃ bhaesi labārā||
sām̐cehum̐ maiṃ labāra bhuja bīhā| jauṃ na upārium̐ tava dasa jīhā||
samujhi rāma pratāpa kapi kopā| sabhā mājha pana kari pada ropā||
jauṃ mama carana sakasi saṭha ṭārī| phirahiṃ rāmu sītā maiṃ hārī||
sunahu subhaṭa saba kaha dasasīsā| pada gahi dharani pachārahu kīsā||
iṃdrajīta ādika balavānā| haraṣi uṭhe jaham̐ taham̐ bhaṭa nānā||
jhapaṭahiṃ kari bala bipula upāī| pada na ṭarai baiṭhahiṃ siru nāī||
puni uṭhi jhapaṭahiṃ sura ārātī| ṭarai na kīsa carana ehi bhām̐tī||
puruṣa kujogī jimi uragārī| moha biṭapa nahiṃ sakahiṃ upārī||

दोहा 34(क)
कोटिन्ह मेघनाद सम सुभट उठे हरषाइ।
झपटहिं टरै न कपि चरन पुनि बैठहिं सिर नाइ॥34(क)॥
koṭinha meghanāda sama subhaṭa uṭhe haraṣāi|
jhapaṭahiṃ ṭarai na kapi carana puni baiṭhahiṃ sira nāi||34(ka)||

दोहा 34(ख)
भूमि न छाँडत कपि चरन देखत रिपु मद भाग॥
कोटि बिघ्न ते संत कर मन जिमि नीति न त्याग॥34(ख)॥
bhūmi na chām̐ḍata kapi carana dekhata ripu mada bhāga||
koṭi bighna te saṃta kara mana jimi nīti na tyāga||34(kha)||
दोहा 35#

कपि बल देखि सकल हियँ हारे। उठा आपु कपि कें परचारे॥
गहत चरन कह बालिकुमारा। मम पद गहें न तोर उबारा॥
गहसि न राम चरन सठ जाई। सुनत फिरा मन अति सकुचाई॥
भयउ तेजहत श्री सब गई। मध्य दिवस जिमि ससि सोहई॥
सिंघासन बैठेउ सिर नाई। मानहुँ संपति सकल गँवाई॥
जगदातमा प्रानपति रामा। तासु बिमुख किमि लह बिश्रामा॥
उमा राम की भृकुटि बिलासा। होइ बिस्व पुनि पावइ नासा॥
तृन ते कुलिस कुलिस तृन करई। तासु दूत पन कहु किमि टरई॥
पुनि कपि कही नीति बिधि नाना। मान न ताहि कालु निअराना॥
रिपु मद मथि प्रभु सुजसु सुनायो। यह कहि चल्यो बालि नृप जायो॥
हतौं न खेत खेलाइ खेलाई। तोहि अबहिं का करौं बड़ाई॥
प्रथमहिं तासु तनय कपि मारा। सो सुनि रावन भयउ दुखारा॥
जातुधान अंगद पन देखी। भय ब्याकुल सब भए बिसेषी॥

kapi bala dekhi sakala hiyam̐ hāre| uṭhā āpu kapi keṃ paracāre||
gahata carana kaha bālikumārā| mama pada gaheṃ na tora ubārā||
gahasi na rāma carana saṭha jāī| sunata phirā mana ati sakucāī||
bhayau tejahata śrī saba gaī| madhya divasa jimi sasi sohaī||
siṃghāsana baiṭheu sira nāī| mānahum̐ saṃpati sakala gam̐vāī||
jagadātamā prānapati rāmā| tāsu bimukha kimi laha biśrāmā||
umā rāma kī bhṛkuṭi bilāsā| hoi bisva puni pāvai nāsā||
tṛna te kulisa kulisa tṛna karaī| tāsu dūta pana kahu kimi ṭaraī||
puni kapi kahī nīti bidhi nānā| māna na tāhi kālu niarānā||
ripu mada mathi prabhu sujasu sunāyo| yaha kahi calyo bāli nṛpa jāyo||
hatauṃ na kheta khelāi khelāī| tohi abahiṃ kā karauṃ baḍāī||
prathamahiṃ tāsu tanaya kapi mārā| so suni rāvana bhayau dukhārā||
jātudhāna aṃgada pana dekhī| bhaya byākula saba bhae biseṣī||

दोहा 35(क)
रिपु बल धरषि हरषि कपि बालितनय बल पुंज।
पुलक सरीर नयन जल गहे राम पद कंज॥35(क)॥
ripu bala dharaṣi haraṣi kapi bālitanaya bala puṃja|
pulaka sarīra nayana jala gahe rāma pada kaṃja||35(ka)||

दोहा 35(ख)
साँझ जानि दसकंधर भवन गयउ बिलखाइ।
मंदोदरी रावनहि बहुरि कहा समुझाइ॥35(ख)॥
sām̐jha jāni dasakaṃdhara bhavana gayau bilakhāi|
maṃdodarī rāvanahi bahuri kahā samujhāi||35(kha)||
दोहा 36#

कंत समुझि मन तजहु कुमतिही। सोह न समर तुम्हहि रघुपतिही॥
रामानुज लघु रेख खचाई। सोउ नहिं नाघेहु असि मनुसाई॥
पिय तुम्ह ताहि जितब संग्रामा। जाके दूत केर यह कामा॥
कौतुक सिंधु नाघि तव लंका। आयउ कपि केहरी असंका॥
रखवारे हति बिपिन उजारा। देखत तोहि अच्छ तेहिं मारा॥
जारि सकल पुर कीन्हेसि छारा। कहाँ रहा बल गर्ब तुम्हारा॥
अब पति मृषा गाल जनि मारहु। मोर कहा कछु हृदयँ बिचारहु॥
पति रघुपतिहि नृपति जनि मानहु। अग जग नाथ अतुल बल जानहु॥
बान प्रताप जान मारीचा। तासु कहा नहिं मानेहि नीचा॥
जनक सभाँ अगनित भूपाला। रहे तुम्हउ बल अतुल बिसाला॥
भंजि धनुष जानकी बिआही। तब संग्राम जितेहु किन ताही॥
सुरपति सुत जानइ बल थोरा। राखा जिअत आँखि गहि फोरा॥
सूपनखा कै गति तुम्ह देखी। तदपि हृदयँ नहिं लाज बिसेषी॥

kaṃta samujhi mana tajahu kumatihī| soha na samara tumhahi raghupatihī||
rāmānuja laghu rekha khacāī| sou nahiṃ nāghehu asi manusāī||
piya tumha tāhi jitaba saṃgrāmā| jāke dūta kera yaha kāmā||
kautuka siṃdhu nāghi tava laṃkā| āyau kapi keharī asaṃkā||
rakhavāre hati bipina ujārā| dekhata tohi accha tehiṃ mārā||
jāri sakala pura kīnhesi chārā| kahām̐ rahā bala garba tumhārā||
aba pati mṛṣā gāla jani mārahu| mora kahā kachu hṛdayam̐ bicārahu||
pati raghupatihi nṛpati jani mānahu| aga jaga nātha atula bala jānahu||
bāna pratāpa jāna mārīcā| tāsu kahā nahiṃ mānehi nīcā||
janaka sabhām̐ aganita bhūpālā| rahe tumhau bala atula bisālā||
bhaṃji dhanuṣa jānakī biāhī| taba saṃgrāma jitehu kina tāhī||
surapati suta jānai bala thorā| rākhā jiata ām̐khi gahi phorā||
sūpanakhā kai gati tumha dekhī| tadapi hṛdayam̐ nahiṃ lāja biseṣī||

दोहा 36
बधि बिराध खर दूषनहि लीँलाँ हत्यो कबंध।
बालि एक सर मारयो तेहि जानहु दसकंध॥36॥
badhi birādha khara dūṣanahi līm̐lām̐ hatyo kabaṃdha|
bāli eka sara mārayo tehi jānahu dasakaṃdha||36||
दोहा 37#

जेहिं जलनाथ बँधायउ हेला। उतरे प्रभु दल सहित सुबेला॥
कारुनीक दिनकर कुल केतू। दूत पठायउ तव हित हेतू॥
सभा माझ जेहिं तव बल मथा। करि बरूथ महुँ मृगपति जथा॥
अंगद हनुमत अनुचर जाके। रन बाँकुरे बीर अति बाँके॥
तेहि कहँ पिय पुनि पुनि नर कहहू। मुधा मान ममता मद बहहू॥
अहह कंत कृत राम बिरोधा। काल बिबस मन उपज न बोधा॥
काल दंड गहि काहु न मारा। हरइ धर्म बल बुद्धि बिचारा॥
निकट काल जेहि आवत साईं। तेहि भ्रम होइ तुम्हारिहि नाईं॥

jehiṃ jalanātha bam̐dhāyau helā| utare prabhu dala sahita subelā||
kārunīka dinakara kula ketū| dūta paṭhāyau tava hita hetū||
sabhā mājha jehiṃ tava bala mathā| kari barūtha mahum̐ mṛgapati jathā||
aṃgada hanumata anucara jāke| rana bām̐kure bīra ati bām̐ke||
tehi kaham̐ piya puni puni nara kahahū| mudhā māna mamatā mada bahahū||
ahaha kaṃta kṛta rāma birodhā| kāla bibasa mana upaja na bodhā||
kāla daṃḍa gahi kāhu na mārā| harai dharma bala buddhi bicārā||
nikaṭa kāla jehi āvata sāīṃ| tehi bhrama hoi tumhārihi nāīṃ||

दोहा 37
दुइ सुत मरे दहेउ पुर अजहुँ पूर पिय देहु।
कृपासिंधु रघुनाथ भजि नाथ बिमल जसु लेहु॥37॥
dui suta mare daheu pura ajahum̐ pūra piya dehu|
kṛpāsiṃdhu raghunātha bhaji nātha bimala jasu lehu||37||
दोहा 38#

नारि बचन सुनि बिसिख समाना। सभाँ गयउ उठि होत बिहाना॥
बैठ जाइ सिंघासन फूली। अति अभिमान त्रास सब भूली॥
इहाँ राम अंगदहि बोलावा। आइ चरन पंकज सिरु नावा॥
अति आदर समीप बैठारी। बोले बिहँसि कृपाल खरारी॥
बालितनय कौतुक अति मोही। तात सत्य कहुँ पूछउँ तोही॥।
रावनु जातुधान कुल टीका। भुज बल अतुल जासु जग लीका॥
तासु मुकुट तुम्ह चारि चलाए। कहहु तात कवनी बिधि पाए॥
सुनु सर्बग्य प्रनत सुखकारी। मुकुट न होहिं भूप गुन चारी॥
साम दान अरु दंड बिभेदा। नृप उर बसहिं नाथ कह बेदा॥
नीति धर्म के चरन सुहाए। अस जियँ जानि नाथ पहिं आए॥

nāri bacana suni bisikha samānā| sabhām̐ gayau uṭhi hota bihānā||
baiṭha jāi siṃghāsana phūlī| ati abhimāna trāsa saba bhūlī||
ihām̐ rāma aṃgadahi bolāvā| āi carana paṃkaja siru nāvā||
ati ādara samīpa baiṭhārī| bole biham̐si kṛpāla kharārī||
bālitanaya kautuka ati mohī| tāta satya kahum̐ pūchaum̐ tohī|||
rāvanu jātudhāna kula ṭīkā| bhuja bala atula jāsu jaga līkā||
tāsu mukuṭa tumha cāri calāe| kahahu tāta kavanī bidhi pāe||
sunu sarbagya pranata sukhakārī| mukuṭa na hohiṃ bhūpa guna cārī||
sāma dāna aru daṃḍa bibhedā| nṛpa ura basahiṃ nātha kaha bedā||
nīti dharma ke carana suhāe| asa jiyam̐ jāni nātha pahiṃ āe||

दोहा 38(क)
धर्महीन प्रभु पद बिमुख काल बिबस दससीस।
तेहि परिहरि गुन आए सुनहु कोसलाधीस॥38(क)॥
dharmahīna prabhu pada bimukha kāla bibasa dasasīsa|
tehi parihari guna āe sunahu kosalādhīsa||38(ka)||

दोहा 38(ख)
परम चतुरता श्रवन सुनि बिहँसे रामु उदार।
समाचार पुनि सब कहे गढ़ के बालिकुमार॥38(ख)॥
parama caturatā śravana suni biham̐se rāmu udāra|
samācāra puni saba kahe gaḍha ke bālikumāra||38(kha)||
दोहा 39#

रिपु के समाचार जब पाए। राम सचिव सब निकट बोलाए॥
लंका बाँके चारि दुआरा। केहि बिधि लागिअ करहु बिचारा॥
तब कपीस रिच्छेस बिभीषन। सुमिरि हृदयँ दिनकर कुल भूषन॥
करि बिचार तिन्ह मंत्र दृढ़ावा। चारि अनी कपि कटकु बनावा॥
जथाजोग सेनापति कीन्हे। जूथप सकल बोलि तब लीन्हे॥
प्रभु प्रताप कहि सब समुझाए। सुनि कपि सिंघनाद करि धाए॥
हरषित राम चरन सिर नावहिं। गहि गिरि सिखर बीर सब धावहिं॥
गर्जहिं तर्जहिं भालु कपीसा। जय रघुबीर कोसलाधीसा॥
जानत परम दुर्ग अति लंका। प्रभु प्रताप कपि चले असंका॥
घटाटोप करि चहुँ दिसि घेरी। मुखहिं निसान बजावहिं भेरी॥

ripu ke samācāra jaba pāe| rāma saciva saba nikaṭa bolāe||
laṃkā bām̐ke cāri duārā| kehi bidhi lāgia karahu bicārā||
taba kapīsa ricchesa bibhīṣana| sumiri hṛdayam̐ dinakara kula bhūṣana||
kari bicāra tinha maṃtra dṛḍhāvā| cāri anī kapi kaṭaku banāvā||
jathājoga senāpati kīnhe| jūthapa sakala boli taba līnhe||
prabhu pratāpa kahi saba samujhāe| suni kapi siṃghanāda kari dhāe||
haraṣita rāma carana sira nāvahiṃ| gahi giri sikhara bīra saba dhāvahiṃ||
garjahiṃ tarjahiṃ bhālu kapīsā| jaya raghubīra kosalādhīsā||
jānata parama durga ati laṃkā| prabhu pratāpa kapi cale asaṃkā||
ghaṭāṭopa kari cahum̐ disi gherī| mukhahiṃ nisāna bajāvahiṃ bherī||

दोहा 39
जयति राम जय लछिमन जय कपीस सुग्रीव।
गर्जहिं सिंहनाद कपि भालु महा बल सींव॥39॥
jayati rāma jaya lachimana jaya kapīsa sugrīva|
garjahiṃ siṃhanāda kapi bhālu mahā bala sīṃva||39||
दोहा 40#

लंकाँ भयउ कोलाहल भारी। सुना दसानन अति अहँकारी॥
देखहु बनरन्ह केरि ढिठाई। बिहँसि निसाचर सेन बोलाई॥
आए कीस काल के प्रेरे। छुधावंत सब निसिचर मेरे॥
अस कहि अट्टहास सठ कीन्हा। गृह बैठे अहार बिधि दीन्हा॥
सुभट सकल चारिहुँ दिसि जाहू। धरि धरि भालु कीस सब खाहू॥
उमा रावनहि अस अभिमाना। जिमि टिट्टिभ खग सूत उताना॥
चले निसाचर आयसु मागी। गहि कर भिंडिपाल बर साँगी॥
तोमर मुग्दर परसु प्रचंडा। सूल कृपान परिघ गिरिखंडा॥
जिमि अरुनोपल निकर निहारी। धावहिं सठ खग मांस अहारी॥
चोंच भंग दुख तिन्हहि न सूझा। तिमि धाए मनुजाद अबूझा॥

laṃkām̐ bhayau kolāhala bhārī| sunā dasānana ati aham̐kārī||
dekhahu banaranha keri ḍhiṭhāī| biham̐si nisācara sena bolāī||
āe kīsa kāla ke prere| chudhāvaṃta saba nisicara mere||
asa kahi aṭṭahāsa saṭha kīnhā| gṛha baiṭhe ahāra bidhi dīnhā||
subhaṭa sakala cārihum̐ disi jāhū| dhari dhari bhālu kīsa saba khāhū||
umā rāvanahi asa abhimānā| jimi ṭiṭṭibha khaga sūta utānā||
cale nisācara āyasu māgī| gahi kara bhiṃḍipāla bara sām̐gī||
tomara mugdara parasu pracaṃḍā| sūla kṛpāna parigha girikhaṃḍā||
jimi arunopala nikara nihārī| dhāvahiṃ saṭha khaga māṃsa ahārī||
coṃca bhaṃga dukha tinhahi na sūjhā| timi dhāe manujāda abūjhā||

दोहा 40
नानायुध सर चाप धर जातुधान बल बीर।
कोट कँगूरन्हि चढ़ि गए कोटि कोटि रनधीर॥40॥
nānāyudha sara cāpa dhara jātudhāna bala bīra|
koṭa kam̐gūranhi caḍhi gae koṭi koṭi ranadhīra||40||
दोहा
धरि कुधर खंड प्रचंड मर्कट भालु गढ़ पर डारहीं।
झपटहिं चरन गहि पटकि महि भजि चलत बहुरि पचारहीं॥
dhari kudhara khaṃḍa pracaṃḍa markaṭa bhālu gaḍha para ḍārahīṃ|
jhapaṭahiṃ carana gahi paṭaki mahi bhaji calata bahuri pacārahīṃ||
दोहा 41#

कोट कँगूरन्हि सोहहिं कैसे। मेरु के सृंगनि जनु घन बैसे॥
बाजहिं ढोल निसान जुझाऊ। सुनि धुनि होइ भटन्हि मन चाऊ॥
बाजहिं भेरि नफीरि अपारा। सुनि कादर उर जाहिं दरारा॥
देखिन्ह जाइ कपिन्ह के ठट्टा। अति बिसाल तनु भालु सुभट्टा॥
धावहिं गनहिं न अवघट घाटा। पर्बत फोरि करहिं गहि बाटा॥
कटकटाहिं कोटिन्ह भट गर्जहिं। दसन ओठ काटहिं अति तर्जहिं॥
उत रावन इत राम दोहाई। जयति जयति जय परी लराई॥
निसिचर सिखर समूह ढहावहिं। कूदि धरहिं कपि फेरि चलावहिं॥
अति तरल तरुन प्रताप तरपहिं तमकि गढ़ चढ़ि चढ़ि गए।
कपि भालु चढ़ि मंदिरन्ह जहँ तहँ राम जसु गावत भए॥

koṭa kam̐gūranhi sohahiṃ kaise| meru ke sṛṃgani janu ghana baise||
bājahiṃ ḍhola nisāna jujhāū| suni dhuni hoi bhaṭanhi mana cāū||
bājahiṃ bheri naphīri apārā| suni kādara ura jāhiṃ darārā||
dekhinha jāi kapinha ke ṭhaṭṭā| ati bisāla tanu bhālu subhaṭṭā||
dhāvahiṃ ganahiṃ na avaghaṭa ghāṭā| parbata phori karahiṃ gahi bāṭā||
kaṭakaṭāhiṃ koṭinha bhaṭa garjahiṃ| dasana oṭha kāṭahiṃ ati tarjahiṃ||
uta rāvana ita rāma dohāī| jayati jayati jaya parī larāī||
nisicara sikhara samūha ḍhahāvahiṃ| kūdi dharahiṃ kapi pheri calāvahiṃ||
ati tarala taruna pratāpa tarapahiṃ tamaki gaḍha caḍhi caḍhi gae|
kapi bhālu caḍhi maṃdiranha jaham̐ taham̐ rāma jasu gāvata bhae||

दोहा 41
एकु एकु निसिचर गहि पुनि कपि चले पराइ।
ऊपर आपु हेठ भट गिरहिं धरनि पर आइ॥41॥
eku eku nisicara gahi puni kapi cale parāi|
ūpara āpu heṭha bhaṭa girahiṃ dharani para āi||41||
दोहा 42#

राम प्रताप प्रबल कपिजूथा। मर्दहिं निसिचर सुभट बरूथा॥
चढ़े दुर्ग पुनि जहँ तहँ बानर। जय रघुबीर प्रताप दिवाकर॥
चले निसाचर निकर पराई। प्रबल पवन जिमि घन समुदाई॥
हाहाकार भयउ पुर भारी। रोवहिं बालक आतुर नारी॥
सब मिलि देहिं रावनहि गारी। राज करत एहिं मृत्यु हँकारी॥
निज दल बिचल सुनी तेहिं काना। फेरि सुभट लंकेस रिसाना॥
जो रन बिमुख सुना मैं काना। सो मैं हतब कराल कृपाना॥
सर्बसु खाइ भोग करि नाना। समर भूमि भए बल्लभ प्राना॥
उग्र बचन सुनि सकल डेराने। चले क्रोध करि सुभट लजाने॥
सन्मुख मरन बीर कै सोभा। तब तिन्ह तजा प्रान कर लोभा॥

rāma pratāpa prabala kapijūthā| mardahiṃ nisicara subhaṭa barūthā||
caḍhe durga puni jaham̐ taham̐ bānara| jaya raghubīra pratāpa divākara||
cale nisācara nikara parāī| prabala pavana jimi ghana samudāī||
hāhākāra bhayau pura bhārī| rovahiṃ bālaka ātura nārī||
saba mili dehiṃ rāvanahi gārī| rāja karata ehiṃ mṛtyu ham̐kārī||
nija dala bicala sunī tehiṃ kānā| pheri subhaṭa laṃkesa risānā||
jo rana bimukha sunā maiṃ kānā| so maiṃ hataba karāla kṛpānā||
sarbasu khāi bhoga kari nānā| samara bhūmi bhae ballabha prānā||
ugra bacana suni sakala ḍerāne| cale krodha kari subhaṭa lajāne||
sanmukha marana bīra kai sobhā| taba tinha tajā prāna kara lobhā||

दोहा 42
बहु आयुध धर सुभट सब भिरहिं पचारि पचारि।
ब्याकुल किए भालु कपि परिघ त्रिसूलन्हि मारि॥42॥
bahu āyudha dhara subhaṭa saba bhirahiṃ pacāri pacāri|
byākula kie bhālu kapi parigha trisūlanhi māri||42||
दोहा 43#

भय आतुर कपि भागन लागे। जद्यपि उमा जीतिहहिं आगे॥
कोउ कह कहँ अंगद हनुमंता। कहँ नल नील दुबिद बलवंता॥
निज दल बिकल सुना हनुमाना। पच्छिम द्वार रहा बलवाना॥
मेघनाद तहँ करइ लराई। टूट न द्वार परम कठिनाई॥
पवनतनय मन भा अति क्रोधा। गर्जेउ प्रबल काल सम जोधा॥
कूदि लंक गढ़ ऊपर आवा। गहि गिरि मेघनाद कहुँ धावा॥
भंजेउ रथ सारथी निपाता। ताहि हृदय महुँ मारेसि लाता॥
दुसरें सूत बिकल तेहि जाना। स्यंदन घालि तुरत गृह आना॥

bhaya ātura kapi bhāgana lāge| jadyapi umā jītihahiṃ āge||
kou kaha kaham̐ aṃgada hanumaṃtā| kaham̐ nala nīla dubida balavaṃtā||
nija dala bikala sunā hanumānā| pacchima dvāra rahā balavānā||
meghanāda taham̐ karai larāī| ṭūṭa na dvāra parama kaṭhināī||
pavanatanaya mana bhā ati krodhā| garjeu prabala kāla sama jodhā||
kūdi laṃka gaḍha ūpara āvā| gahi giri meghanāda kahum̐ dhāvā||
bhaṃjeu ratha sārathī nipātā| tāhi hṛdaya mahum̐ māresi lātā||
dusareṃ sūta bikala tehi jānā| syaṃdana ghāli turata gṛha ānā||

दोहा 43
अंगद सुना पवनसुत गढ़ पर गयउ अकेल।
रन बाँकुरा बालिसुत तरकि चढ़ेउ कपि खेल॥43॥
aṃgada sunā pavanasuta gaḍha para gayau akela|
rana bām̐kurā bālisuta taraki caḍheu kapi khela||43||
दोहा 44#

जुद्ध बिरुद्ध क्रुद्ध द्वौ बंदर। राम प्रताप सुमिरि उर अंतर॥
रावन भवन चढ़े द्वौ धाई। करहिं कोसलाधीस दोहाई॥
कलस सहित गहि भवनु ढहावा। देखि निसाचरपति भय पावा॥
नारि बृंद कर पीटहिं छाती। अब दुइ कपि आए उतपाती॥
कपिलीला करि तिन्हहि डेरावहिं। रामचंद्र कर सुजसु सुनावहिं॥
पुनि कर गहि कंचन के खंभा। कहेन्हि करिअ उतपात अरंभा॥
गर्जि परे रिपु कटक मझारी। लागे मर्दै भुज बल भारी॥
काहुहि लात चपेटन्हि केहू। भजहु न रामहि सो फल लेहू॥

juddha biruddha kruddha dvau baṃdara| rāma pratāpa sumiri ura aṃtara||
rāvana bhavana caḍhe dvau dhāī| karahiṃ kosalādhīsa dohāī||
kalasa sahita gahi bhavanu ḍhahāvā| dekhi nisācarapati bhaya pāvā||
nāri bṛṃda kara pīṭahiṃ chātī| aba dui kapi āe utapātī||
kapilīlā kari tinhahi ḍerāvahiṃ| rāmacaṃdra kara sujasu sunāvahiṃ||
puni kara gahi kaṃcana ke khaṃbhā| kahenhi karia utapāta araṃbhā||
garji pare ripu kaṭaka majhārī| lāge mardai bhuja bala bhārī||
kāhuhi lāta capeṭanhi kehū| bhajahu na rāmahi so phala lehū||

दोहा 44
एक एक सों मर्दहिं तोरि चलावहिं मुंड।
रावन आगें परहिं ते जनु फूटहिं दधि कुंड॥44॥
eka eka soṃ mardahiṃ tori calāvahiṃ muṃḍa|
rāvana āgeṃ parahiṃ te janu phūṭahiṃ dadhi kuṃḍa||44||
दोहा 45#

महा महा मुखिआ जे पावहिं। ते पद गहि प्रभु पास चलावहिं॥
कहइ बिभीषनु तिन्ह के नामा। देहिं राम तिन्हहू निज धामा॥
खल मनुजाद द्विजामिष भोगी। पावहिं गति जो जाचत जोगी॥
उमा राम मृदुचित करुनाकर। बयर भाव सुमिरत मोहि निसिचर॥
देहिं परम गति सो जियँ जानी। अस कृपाल को कहहु भवानी॥
अस प्रभु सुनि न भजहिं भ्रम त्यागी। नर मतिमंद ते परम अभागी॥
अंगद अरु हनुमंत प्रबेसा। कीन्ह दुर्ग अस कह अवधेसा॥
लंकाँ द्वौ कपि सोहहिं कैसें। मथहि सिंधु दुइ मंदर जैसें॥

mahā mahā mukhiā je pāvahiṃ| te pada gahi prabhu pāsa calāvahiṃ||
kahai bibhīṣanu tinha ke nāmā| dehiṃ rāma tinhahū nija dhāmā||
khala manujāda dvijāmiṣa bhogī| pāvahiṃ gati jo jācata jogī||
umā rāma mṛducita karunākara| bayara bhāva sumirata mohi nisicara||
dehiṃ parama gati so jiyam̐ jānī| asa kṛpāla ko kahahu bhavānī||
asa prabhu suni na bhajahiṃ bhrama tyāgī| nara matimaṃda te parama abhāgī||
aṃgada aru hanumaṃta prabesā| kīnha durga asa kaha avadhesā||
laṃkām̐ dvau kapi sohahiṃ kaiseṃ| mathahi siṃdhu dui maṃdara jaiseṃ||

दोहा 45
भुज बल रिपु दल दलमलि देखि दिवस कर अंत।
कूदे जुगल बिगत श्रम आए जहँ भगवंत॥45॥
bhuja bala ripu dala dalamali dekhi divasa kara aṃta|
kūde jugala bigata śrama āe jaham̐ bhagavaṃta||45||
दोहा 46#

प्रभु पद कमल सीस तिन्ह नाए। देखि सुभट रघुपति मन भाए॥
राम कृपा करि जुगल निहारे। भए बिगतश्रम परम सुखारे॥
गए जानि अंगद हनुमाना। फिरे भालु मर्कट भट नाना॥
जातुधान प्रदोष बल पाई। धाए करि दससीस दोहाई॥
निसिचर अनी देखि कपि फिरे। जहँ तहँ कटकटाइ भट भिरे॥
द्वौ दल प्रबल पचारि पचारी। लरत सुभट नहिं मानहिं हारी॥
महाबीर निसिचर सब कारे। नाना बरन बलीमुख भारे॥
सबल जुगल दल समबल जोधा। कौतुक करत लरत करि क्रोधा॥
प्राबिट सरद पयोद घनेरे। लरत मनहुँ मारुत के प्रेरे॥
अनिप अकंपन अरु अतिकाया। बिचलत सेन कीन्हि इन्ह माया॥
भयउ निमिष महँ अति अँधियारा। बृष्टि होइ रुधिरोपल छारा॥

prabhu pada kamala sīsa tinha nāe| dekhi subhaṭa raghupati mana bhāe||
rāma kṛpā kari jugala nihāre| bhae bigataśrama parama sukhāre||
gae jāni aṃgada hanumānā| phire bhālu markaṭa bhaṭa nānā||
jātudhāna pradoṣa bala pāī| dhāe kari dasasīsa dohāī||
nisicara anī dekhi kapi phire| jaham̐ taham̐ kaṭakaṭāi bhaṭa bhire||
dvau dala prabala pacāri pacārī| larata subhaṭa nahiṃ mānahiṃ hārī||
mahābīra nisicara saba kāre| nānā barana balīmukha bhāre||
sabala jugala dala samabala jodhā| kautuka karata larata kari krodhā||
prābiṭa sarada payoda ghanere| larata manahum̐ māruta ke prere||
anipa akaṃpana aru atikāyā| bicalata sena kīnhi inha māyā||
bhayau nimiṣa maham̐ ati am̐dhiyārā| bṛṣṭi hoi rudhiropala chārā||

दोहा 46
देखि निबिड़ तम दसहुँ दिसि कपिदल भयउ खभार।
एकहि एक न देखई जहँ तहँ करहिं पुकार॥46॥
dekhi nibiḍa tama dasahum̐ disi kapidala bhayau khabhāra|
ekahi eka na dekhaī jaham̐ taham̐ karahiṃ pukāra||46||
दोहा 47#

सकल मरमु रघुनायक जाना। लिए बोलि अंगद हनुमाना॥
समाचार सब कहि समुझाए। सुनत कोपि कपिकुंजर धाए॥
पुनि कृपाल हँसि चाप चढ़ावा। पावक सायक सपदि चलावा॥
भयउ प्रकास कतहुँ तम नाहीं। ग्यान उदयँ जिमि संसय जाहीं॥
भालु बलीमुख पाइ प्रकासा। धाए हरष बिगत श्रम त्रासा॥
हनूमान अंगद रन गाजे। हाँक सुनत रजनीचर भाजे॥
भागत पट पटकहिं धरि धरनी। करहिं भालु कपि अद्भुत करनी॥
गहि पद डारहिं सागर माहीं। मकर उरग झष धरि धरि खाहीं॥

sakala maramu raghunāyaka jānā| lie boli aṃgada hanumānā||
samācāra saba kahi samujhāe| sunata kopi kapikuṃjara dhāe||
puni kṛpāla ham̐si cāpa caḍhāvā| pāvaka sāyaka sapadi calāvā||
bhayau prakāsa katahum̐ tama nāhīṃ| gyāna udayam̐ jimi saṃsaya jāhīṃ||
bhālu balīmukha pāi prakāsā| dhāe haraṣa bigata śrama trāsā||
hanūmāna aṃgada rana gāje| hām̐ka sunata rajanīcara bhāje||
bhāgata paṭa paṭakahiṃ dhari dharanī| karahiṃ bhālu kapi adbhuta karanī||
gahi pada ḍārahiṃ sāgara māhīṃ| makara uraga jhaṣa dhari dhari khāhīṃ||

दोहा 47
कछु मारे कछु घायल कछु गढ़ चढ़े पराइ।
गर्जहिं भालु बलीमुख रिपु दल बल बिचलाइ॥47॥
kachu māre kachu ghāyala kachu gaḍha caḍhe parāi|
garjahiṃ bhālu balīmukha ripu dala bala bicalāi||47||
दोहा 48#

निसा जानि कपि चारिउ अनी। आए जहाँ कोसला धनी॥
राम कृपा करि चितवा सबही। भए बिगतश्रम बानर तबही॥
उहाँ दसानन सचिव हँकारे। सब सन कहेसि सुभट जे मारे॥
आधा कटकु कपिन्ह संघारा। कहहु बेगि का करिअ बिचारा॥
माल्यवंत अति जरठ निसाचर। रावन मातु पिता मंत्री बर॥
बोला बचन नीति अति पावन। सुनहु तात कछु मोर सिखावन॥
जब ते तुम्ह सीता हरि आनी। असगुन होहिं न जाहिं बखानी॥
बेद पुरान जासु जसु गायो। राम बिमुख काहुँ न सुख पायो॥

nisā jāni kapi cāriu anī| āe jahām̐ kosalā dhanī||
rāma kṛpā kari citavā sabahī| bhae bigataśrama bānara tabahī||
uhām̐ dasānana saciva ham̐kāre| saba sana kahesi subhaṭa je māre||
ādhā kaṭaku kapinha saṃghārā| kahahu begi kā karia bicārā||
mālyavaṃta ati jaraṭha nisācara| rāvana mātu pitā maṃtrī bara||
bolā bacana nīti ati pāvana| sunahu tāta kachu mora sikhāvana||
jaba te tumha sītā hari ānī| asaguna hohiṃ na jāhiṃ bakhānī||
beda purāna jāsu jasu gāyo| rāma bimukha kāhum̐ na sukha pāyo||

दोहा 48(क)
हिरन्याच्छ भ्राता सहित मधु कैटभ बलवान।
जेहि मारे सोइ अवतरेउ कृपासिंधु भगवान॥48(क)॥
hiranyāccha bhrātā sahita madhu kaiṭabha balavāna|
jehi māre soi avatareu kṛpāsiṃdhu bhagavāna||48(ka)||

दोहा 48(ख)
कालरूप खल बन दहन गुनागार घनबोध।
सिव बिरंचि जेहि सेवहिं तासों कवन बिरोध॥48(ख)॥
kālarūpa khala bana dahana gunāgāra ghanabodha|
siva biraṃci jehi sevahiṃ tāsoṃ kavana birodha||48(kha)||
मासपारायण, पचीसवाँ विश्रामDay 25 of the 30-day Masparayan ends here

Completed Lanka Kand — Part 1?

Mark Masparayan day 25 done, light a diya, or share the path with family.

Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.

Lanka Kand — Part 1 — text

Completed Lanka Kand — Part 1?