Bal Kand — Part 10 — text
-
दोहा 271#
नाथ संभुधनु भंजनिहारा। होइहि केउ एक दास तुम्हारा॥
आयसु काह कहिअ किन मोही। सुनि रिसाइ बोले मुनि कोही॥
सेवकु सो जो करै सेवकाई। अरि करनी करि करिअ लराई॥
सुनहु राम जेहिं सिवधनु तोरा। सहसबाहु सम सो रिपु मोरा॥
सो बिलगाउ बिहाइ समाजा। न त मारे जैहहिं सब राजा॥
सुनि मुनि बचन लखन मुसुकाने। बोले परसुधरहि अपमाने॥
बहु धनुहीं तोरीं लरिकाईं। कबहुँ न असि रिस कीन्हि गोसाईं॥
एहि धनु पर ममता केहि हेतू। सुनि रिसाइ कह भृगुकुलकेतू॥nātha saṃbhudhanu bhaṃjanihārā| hoihi keu eka dāsa tumhārā||
āyasu kāha kahia kina mohī| suni risāi bole muni kohī||
sevaku so jo karai sevakāī| ari karanī kari karia larāī||
sunahu rāma jehiṃ sivadhanu torā| sahasabāhu sama so ripu morā||
so bilagāu bihāi samājā| na ta māre jaihahiṃ saba rājā||
suni muni bacana lakhana musukāne| bole parasudharahi apamāne||
bahu dhanuhīṃ torīṃ larikāīṃ| kabahum̐ na asi risa kīnhi gosāīṃ||
ehi dhanu para mamatā kehi hetū| suni risāi kaha bhṛgukulaketū||दोहा 271रे नृप बालक कालबस बोलत तोहि न सँमार॥
धनुही सम तिपुरारि धनु बिदित सकल संसार॥271॥re nṛpa bālaka kālabasa bolata tohi na sam̐māra||
dhanuhī sama tipurāri dhanu bidita sakala saṃsāra||271|| -
दोहा 272#
लखन कहा हँसि हमरें जाना। सुनहु देव सब धनुष समाना॥
का छति लाभु जून धनु तोरें। देखा राम नयन के भोरें॥
छुअत टूट रघुपतिहु न दोसू। मुनि बिनु काज करिअ कत रोसू ।
बोले चितइ परसु की ओरा। रे सठ सुनेहि सुभाउ न मोरा॥
बालकु बोलि बधउँ नहिं तोही। केवल मुनि जड़ जानहि मोही॥
बाल ब्रह्मचारी अति कोही। बिस्व बिदित छत्रियकुल द्रोही॥
भुजबल भूमि भूप बिनु कीन्ही। बिपुल बार महिदेवन्ह दीन्ही॥
सहसबाहु भुज छेदनिहारा। परसु बिलोकु महीपकुमारा॥lakhana kahā ham̐si hamareṃ jānā| sunahu deva saba dhanuṣa samānā||
kā chati lābhu jūna dhanu toreṃ| dekhā rāma nayana ke bhoreṃ||
chuata ṭūṭa raghupatihu na dosū| muni binu kāja karia kata rosū |
bole citai parasu kī orā| re saṭha sunehi subhāu na morā||
bālaku boli badhaum̐ nahiṃ tohī| kevala muni jaḍa jānahi mohī||
bāla brahmacārī ati kohī| bisva bidita chatriyakula drohī||
bhujabala bhūmi bhūpa binu kīnhī| bipula bāra mahidevanha dīnhī||
sahasabāhu bhuja chedanihārā| parasu biloku mahīpakumārā||दोहा 272मातु पितहि जनि सोचबस करसि महीसकिसोर।
गर्भन्ह के अर्भक दलन परसु मोर अति घोर॥272॥mātu pitahi jani socabasa karasi mahīsakisora|
garbhanha ke arbhaka dalana parasu mora ati ghora||272|| -
दोहा 273#
बिहसि लखनु बोले मृदु बानी। अहो मुनीसु महा भटमानी॥
पुनि पुनि मोहि देखाव कुठारू। चहत उड़ावन फूँकि पहारू॥
इहाँ कुम्हड़बतिया कोउ नाहीं। जे तरजनी देखि मरि जाहीं॥
देखि कुठारु सरासन बाना। मैं कछु कहा सहित अभिमाना॥
भृगुसुत समुझि जनेउ बिलोकी। जो कछु कहहु सहउँ रिस रोकी॥
सुर महिसुर हरिजन अरु गाई। हमरें कुल इन्ह पर न सुराई॥
बधें पापु अपकीरति हारें। मारतहूँ पा परिअ तुम्हारें॥
कोटि कुलिस सम बचनु तुम्हारा। ब्यर्थ धरहु धनु बान कुठारा॥bihasi lakhanu bole mṛdu bānī| aho munīsu mahā bhaṭamānī||
puni puni mohi dekhāva kuṭhārū| cahata uḍāvana phūm̐ki pahārū||
ihām̐ kumhaḍabatiyā kou nāhīṃ| je tarajanī dekhi mari jāhīṃ||
dekhi kuṭhāru sarāsana bānā| maiṃ kachu kahā sahita abhimānā||
bhṛgusuta samujhi janeu bilokī| jo kachu kahahu sahaum̐ risa rokī||
sura mahisura harijana aru gāī| hamareṃ kula inha para na surāī||
badheṃ pāpu apakīrati hāreṃ| māratahūm̐ pā paria tumhāreṃ||
koṭi kulisa sama bacanu tumhārā| byartha dharahu dhanu bāna kuṭhārā||दोहा 273जो बिलोकि अनुचित कहेउँ छमहु महामुनि धीर।
सुनि सरोष भृगुबंसमनि बोले गिरा गभीर॥273॥jo biloki anucita kaheum̐ chamahu mahāmuni dhīra|
suni saroṣa bhṛgubaṃsamani bole girā gabhīra||273|| -
दोहा 274#
कौसिक सुनहु मंद यहु बालकु। कुटिल कालबस निज कुल घालकु॥
भानु बंस राकेस कलंकू। निपट निरंकुस अबुध असंकू॥
काल कवलु होइहि छन माहीं। कहउँ पुकारि खोरि मोहि नाहीं॥
तुम्ह हटकउ जौं चहहु उबारा। कहि प्रतापु बलु रोषु हमारा॥
लखन कहेउ मुनि सुजसु तुम्हारा। तुम्हहि अछत को बरनै पारा॥
अपने मुँह तुम्ह आपनि करनी। बार अनेक भाँति बहु बरनी॥
नहिं संतोषु त पुनि कछु कहहू। जनि रिस रोकि दुसह दुख सहहू॥
बीरब्रती तुम्ह धीर अछोभा। गारी देत न पावहु सोभा॥kausika sunahu maṃda yahu bālaku| kuṭila kālabasa nija kula ghālaku||
bhānu baṃsa rākesa kalaṃkū| nipaṭa niraṃkusa abudha asaṃkū||
kāla kavalu hoihi chana māhīṃ| kahaum̐ pukāri khori mohi nāhīṃ||
tumha haṭakau jauṃ cahahu ubārā| kahi pratāpu balu roṣu hamārā||
lakhana kaheu muni sujasu tumhārā| tumhahi achata ko baranai pārā||
apane mum̐ha tumha āpani karanī| bāra aneka bhām̐ti bahu baranī||
nahiṃ saṃtoṣu ta puni kachu kahahū| jani risa roki dusaha dukha sahahū||
bīrabratī tumha dhīra achobhā| gārī deta na pāvahu sobhā||दोहा 274सूर समर करनी करहिं कहि न जनावहिं आपु।
बिद्यमान रन पाइ रिपु कायर कथहिं प्रतापु॥274॥sūra samara karanī karahiṃ kahi na janāvahiṃ āpu|
bidyamāna rana pāi ripu kāyara kathahiṃ pratāpu||274|| -
दोहा 275#
तुम्ह तौ कालु हाँक जनु लावा। बार बार मोहि लागि बोलावा॥
सुनत लखन के बचन कठोरा। परसु सुधारि धरेउ कर घोरा॥
अब जनि देइ दोसु मोहि लोगू। कटुबादी बालकु बधजोगू॥
बाल बिलोकि बहुत मैं बाँचा। अब यहु मरनिहार भा साँचा॥
कौसिक कहा छमिअ अपराधू। बाल दोष गुन गनहिं न साधू॥
खर कुठार मैं अकरुन कोही। आगें अपराधी गुरुद्रोही॥
उतर देत छोड़उँ बिनु मारें। केवल कौसिक सील तुम्हारें॥
न त एहि काटि कुठार कठोरें। गुरहि उरिन होतेउँ श्रम थोरें॥tumha tau kālu hām̐ka janu lāvā| bāra bāra mohi lāgi bolāvā||
sunata lakhana ke bacana kaṭhorā| parasu sudhāri dhareu kara ghorā||
aba jani dei dosu mohi logū| kaṭubādī bālaku badhajogū||
bāla biloki bahuta maiṃ bām̐cā| aba yahu maranihāra bhā sām̐cā||
kausika kahā chamia aparādhū| bāla doṣa guna ganahiṃ na sādhū||
khara kuṭhāra maiṃ akaruna kohī| āgeṃ aparādhī gurudrohī||
utara deta choḍaum̐ binu māreṃ| kevala kausika sīla tumhāreṃ||
na ta ehi kāṭi kuṭhāra kaṭhoreṃ| gurahi urina hoteum̐ śrama thoreṃ||दोहा 275गाधिसूनु कह हृदयँ हँसि मुनिहि हरिअरइ सूझ।
अयमय खाँड न ऊखमय अजहुँ न बूझ अबूझ॥275॥gādhisūnu kaha hṛdayam̐ ham̐si munihi hariarai sūjha|
ayamaya khām̐ḍa na ūkhamaya ajahum̐ na būjha abūjha||275|| -
दोहा 276#
कहेउ लखन मुनि सीलु तुम्हारा। को नहिं जान बिदित संसारा॥
माता पितहि उरिन भए नीकें। गुर रिनु रहा सोचु बड़ जीकें॥
सो जनु हमरेहि माथे काढ़ा। दिन चलि गए ब्याज बड़ बाढ़ा॥
अब आनिअ ब्यवहरिआ बोली। तुरत देउँ मैं थैली खोली॥
सुनि कटु बचन कुठार सुधारा। हाय हाय सब सभा पुकारा॥
भृगुबर परसु देखावहु मोही। बिप्र बिचारि बचउँ नृपद्रोही॥
मिले न कबहुँ सुभट रन गाढ़े। द्विज देवता घरहि के बाढ़े॥
अनुचित कहि सब लोग पुकारे। रघुपति सयनहिं लखनु नेवारे॥kaheu lakhana muni sīlu tumhārā| ko nahiṃ jāna bidita saṃsārā||
mātā pitahi urina bhae nīkeṃ| gura rinu rahā socu baḍa jīkeṃ||
so janu hamarehi māthe kāḍhā| dina cali gae byāja baḍa bāḍhā||
aba ānia byavahariā bolī| turata deum̐ maiṃ thailī kholī||
suni kaṭu bacana kuṭhāra sudhārā| hāya hāya saba sabhā pukārā||
bhṛgubara parasu dekhāvahu mohī| bipra bicāri bacaum̐ nṛpadrohī||
mile na kabahum̐ subhaṭa rana gāḍhe| dvija devatā gharahi ke bāḍhe||
anucita kahi saba loga pukāre| raghupati sayanahiṃ lakhanu nevāre||दोहा 276लखन उतर आहुति सरिस भृगुबर कोपु कृसानु।
बढ़त देखि जल सम बचन बोले रघुकुलभानु॥276॥lakhana utara āhuti sarisa bhṛgubara kopu kṛsānu|
baḍhata dekhi jala sama bacana bole raghukulabhānu||276|| -
दोहा 277#
नाथ करहु बालक पर छोहू। सूध दूधमुख करिअ न कोहू॥
जौं पै प्रभु प्रभाउ कछु जाना। तौ कि बराबरि करत अयाना॥
जौं लरिका कछु अचगरि करहीं। गुर पितु मातु मोद मन भरहीं॥
करिअ कृपा सिसु सेवक जानी। तुम्ह सम सील धीर मुनि ग्यानी॥
राम बचन सुनि कछुक जुड़ाने। कहि कछु लखनु बहुरि मुसुकाने॥
हँसत देखि नख सिख रिस ब्यापी। राम तोर भ्राता बड़ पापी॥
गौर सरीर स्याम मन माहीं। कालकूटमुख पयमुख नाहीं॥
सहज टेढ़ अनुहरइ न तोही। नीचु मीचु सम देख न मोही॥nātha karahu bālaka para chohū| sūdha dūdhamukha karia na kohū||
jauṃ pai prabhu prabhāu kachu jānā| tau ki barābari karata ayānā||
jauṃ larikā kachu acagari karahīṃ| gura pitu mātu moda mana bharahīṃ||
karia kṛpā sisu sevaka jānī| tumha sama sīla dhīra muni gyānī||
rāma bacana suni kachuka juḍāne| kahi kachu lakhanu bahuri musukāne||
ham̐sata dekhi nakha sikha risa byāpī| rāma tora bhrātā baḍa pāpī||
gaura sarīra syāma mana māhīṃ| kālakūṭamukha payamukha nāhīṃ||
sahaja ṭeḍha anuharai na tohī| nīcu mīcu sama dekha na mohī||दोहा 277लखन कहेउ हँसि सुनहु मुनि क्रोधु पाप कर मूल।
जेहि बस जन अनुचित करहिं चरहिं बिस्व प्रतिकूल॥277॥lakhana kaheu ham̐si sunahu muni krodhu pāpa kara mūla|
jehi basa jana anucita karahiṃ carahiṃ bisva pratikūla||277|| -
दोहा 278#
मैं तुम्हार अनुचर मुनिराया। परिहरि कोपु करिअ अब दाया॥
टूट चाप नहिं जुरहि रिसाने। बैठिअ होइहिं पाय पिराने॥
जौं अति प्रिय तौ करिअ उपाई। जोरिअ कोउ बड़ गुनी बोलाई॥
बोलत लखनहिं जनकु डेराहीं। मष्ट करहु अनुचित भल नाहीं॥
थर थर कापहिं पुर नर नारी। छोट कुमार खोट बड़ भारी॥
भृगुपति सुनि सुनि निरभय बानी। रिस तन जरइ होइ बल हानी॥
बोले रामहि देइ निहोरा। बचउँ बिचारि बंधु लघु तोरा॥
मनु मलीन तनु सुंदर कैसें। बिष रस भरा कनक घटु जैसें॥maiṃ tumhāra anucara munirāyā| parihari kopu karia aba dāyā||
ṭūṭa cāpa nahiṃ jurahi risāne| baiṭhia hoihiṃ pāya pirāne||
jauṃ ati priya tau karia upāī| joria kou baḍa gunī bolāī||
bolata lakhanahiṃ janaku ḍerāhīṃ| maṣṭa karahu anucita bhala nāhīṃ||
thara thara kāpahiṃ pura nara nārī| choṭa kumāra khoṭa baḍa bhārī||
bhṛgupati suni suni nirabhaya bānī| risa tana jarai hoi bala hānī||
bole rāmahi dei nihorā| bacaum̐ bicāri baṃdhu laghu torā||
manu malīna tanu suṃdara kaiseṃ| biṣa rasa bharā kanaka ghaṭu jaiseṃ||दोहा 278सुनि लछिमन बिहसे बहुरि नयन तरेरे राम।
गुर समीप गवने सकुचि परिहरि बानी बाम॥278॥suni lachimana bihase bahuri nayana tarere rāma|
gura samīpa gavane sakuci parihari bānī bāma||278|| -
दोहा 279#
अति बिनीत मृदु सीतल बानी। बोले रामु जोरि जुग पानी॥
सुनहु नाथ तुम्ह सहज सुजाना। बालक बचनु करिअ नहिं काना॥
बररै बालक एकु सुभाऊ। इन्हहि न संत बिदूषहिं काऊ॥
तेहिं नाहीं कछु काज बिगारा। अपराधी मैं नाथ तुम्हारा॥
कृपा कोपु बधु बँधब गोसाईं। मो पर करिअ दास की नाई॥
कहिअ बेगि जेहि बिधि रिस जाई। मुनिनायक सोइ करौं उपाई॥
कह मुनि राम जाइ रिस कैसें। अजहुँ अनुज तव चितव अनैसें॥
एहि के कंठ कुठारु न दीन्हा। तौ मैं काह कोपु करि कीन्हा॥ati binīta mṛdu sītala bānī| bole rāmu jori juga pānī||
sunahu nātha tumha sahaja sujānā| bālaka bacanu karia nahiṃ kānā||
bararai bālaka eku subhāū| inhahi na saṃta bidūṣahiṃ kāū||
tehiṃ nāhīṃ kachu kāja bigārā| aparādhī maiṃ nātha tumhārā||
kṛpā kopu badhu bam̐dhaba gosāīṃ| mo para karia dāsa kī nāī||
kahia begi jehi bidhi risa jāī| munināyaka soi karauṃ upāī||
kaha muni rāma jāi risa kaiseṃ| ajahum̐ anuja tava citava anaiseṃ||
ehi ke kaṃṭha kuṭhāru na dīnhā| tau maiṃ kāha kopu kari kīnhā||दोहा 279गर्भ स्त्रवहिं अवनिप रवनि सुनि कुठार गति घोर।
परसु अछत देखउँ जिअत बैरी भूपकिसोर॥279॥garbha stravahiṃ avanipa ravani suni kuṭhāra gati ghora|
parasu achata dekhaum̐ jiata bairī bhūpakisora||279|| -
दोहा 280#
बहइ न हाथु दहइ रिस छाती। भा कुठारु कुंठित नृपघाती॥
भयउ बाम बिधि फिरेउ सुभाऊ। मोरे हृदयँ कृपा कसि काऊ॥
आजु दया दुखु दुसह सहावा। सुनि सौमित्रि बिहसि सिरु नावा॥
बाउ कृपा मूरति अनुकूला। बोलत बचन झरत जनु फूला॥
जौं पै कृपाँ जरिहिं मुनि गाता। क्रोध भएँ तनु राख बिधाता॥
देखु जनक हठि बालक एहू। कीन्ह चहत जड़ जमपुर गेहू॥
बेगि करहु किन आँखिन्ह ओटा। देखत छोट खोट नृप ढोटा॥
बिहसे लखनु कहा मन माहीं। मूदें आँखि कतहुँ कोउ नाहीं॥bahai na hāthu dahai risa chātī| bhā kuṭhāru kuṃṭhita nṛpaghātī||
bhayau bāma bidhi phireu subhāū| more hṛdayam̐ kṛpā kasi kāū||
āju dayā dukhu dusaha sahāvā| suni saumitri bihasi siru nāvā||
bāu kṛpā mūrati anukūlā| bolata bacana jharata janu phūlā||
jauṃ pai kṛpām̐ jarihiṃ muni gātā| krodha bhaem̐ tanu rākha bidhātā||
dekhu janaka haṭhi bālaka ehū| kīnha cahata jaḍa jamapura gehū||
begi karahu kina ām̐khinha oṭā| dekhata choṭa khoṭa nṛpa ḍhoṭā||
bihase lakhanu kahā mana māhīṃ| mūdeṃ ām̐khi katahum̐ kou nāhīṃ||दोहा 280परसुरामु तब राम प्रति बोले उर अति क्रोधु।
संभु सरासनु तोरि सठ करसि हमार प्रबोधु॥280॥parasurāmu taba rāma prati bole ura ati krodhu|
saṃbhu sarāsanu tori saṭha karasi hamāra prabodhu||280|| -
दोहा 281#
बंधु कहइ कटु संमत तोरें। तू छल बिनय करसि कर जोरें॥
करु परितोषु मोर संग्रामा। नाहिं त छाड़ कहाउब रामा॥
छलु तजि करहि समरु सिवद्रोही। बंधु सहित न त मारउँ तोही॥
भृगुपति बकहिं कुठार उठाएँ। मन मुसुकाहिं रामु सिर नाएँ॥
गुनह लखन कर हम पर रोषू। कतहुँ सुधाइहु ते बड़ दोषू॥
टेढ़ जानि सब बंदइ काहू। बक्र चंद्रमहि ग्रसइ न राहू॥
राम कहेउ रिस तजिअ मुनीसा। कर कुठारु आगें यह सीसा॥
जेहिं रिस जाइ करिअ सोइ स्वामी। मोहि जानि आपन अनुगामी॥baṃdhu kahai kaṭu saṃmata toreṃ| tū chala binaya karasi kara joreṃ||
karu paritoṣu mora saṃgrāmā| nāhiṃ ta chāḍa kahāuba rāmā||
chalu taji karahi samaru sivadrohī| baṃdhu sahita na ta māraum̐ tohī||
bhṛgupati bakahiṃ kuṭhāra uṭhāem̐| mana musukāhiṃ rāmu sira nāem̐||
gunaha lakhana kara hama para roṣū| katahum̐ sudhāihu te baḍa doṣū||
ṭeḍha jāni saba baṃdai kāhū| bakra caṃdramahi grasai na rāhū||
rāma kaheu risa tajia munīsā| kara kuṭhāru āgeṃ yaha sīsā||
jehiṃ risa jāi karia soi svāmī| mohi jāni āpana anugāmī||दोहा 281प्रभुहि सेवकहि समरु कस तजहु बिप्रबर रोसु।
बेषु बिलोकें कहेसि कछु बालकहू नहिं दोसु॥281॥prabhuhi sevakahi samaru kasa tajahu biprabara rosu|
beṣu bilokeṃ kahesi kachu bālakahū nahiṃ dosu||281|| -
दोहा 282#
देखि कुठार बान धनु धारी। भै लरिकहि रिस बीरु बिचारी॥
नामु जान पै तुम्हहि न चीन्हा। बंस सुभायँ उतरु तेहिं दीन्हा॥
जौं तुम्ह औतेहु मुनि की नाईं। पद रज सिर सिसु धरत गोसाईं॥
छमहु चूक अनजानत केरी। चहिअ बिप्र उर कृपा घनेरी॥
हमहि तुम्हहि सरिबरि कसि नाथा॥कहहु न कहाँ चरन कहँ माथा॥
राम मात्र लघु नाम हमारा। परसु सहित बड़ नाम तोहारा॥
देव एकु गुनु धनुष हमारें। नव गुन परम पुनीत तुम्हारें॥
सब प्रकार हम तुम्ह सन हारे। छमहु बिप्र अपराध हमारे॥dekhi kuṭhāra bāna dhanu dhārī| bhai larikahi risa bīru bicārī||
nāmu jāna pai tumhahi na cīnhā| baṃsa subhāyam̐ utaru tehiṃ dīnhā||
jauṃ tumha autehu muni kī nāīṃ| pada raja sira sisu dharata gosāīṃ||
chamahu cūka anajānata kerī| cahia bipra ura kṛpā ghanerī||
hamahi tumhahi saribari kasi nāthā||kahahu na kahām̐ carana kaham̐ māthā||
rāma mātra laghu nāma hamārā| parasu sahita baḍa nāma tohārā||
deva eku gunu dhanuṣa hamāreṃ| nava guna parama punīta tumhāreṃ||
saba prakāra hama tumha sana hāre| chamahu bipra aparādha hamāre||दोहा 282बार बार मुनि बिप्रबर कहा राम सन राम।
बोले भृगुपति सरुष हसि तहूँ बंधु सम बाम॥282॥bāra bāra muni biprabara kahā rāma sana rāma|
bole bhṛgupati saruṣa hasi tahūm̐ baṃdhu sama bāma||282|| -
दोहा 283#
निपटहिं द्विज करि जानहि मोही। मैं जस बिप्र सुनावउँ तोही॥
चाप स्त्रुवा सर आहुति जानू। कोप मोर अति घोर कृसानु॥
समिधि सेन चतुरंग सुहाई। महा महीप भए पसु आई॥
मैं एहि परसु काटि बलि दीन्हे। समर जग्य जप कोटिन्ह कीन्हे॥
मोर प्रभाउ बिदित नहिं तोरें। बोलसि निदरि बिप्र के भोरें॥
भंजेउ चापु दापु बड़ बाढ़ा। अहमिति मनहुँ जीति जगु ठाढ़ा॥
राम कहा मुनि कहहु बिचारी। रिस अति बड़ि लघु चूक हमारी॥
छुअतहिं टूट पिनाक पुराना। मैं कहि हेतु करौं अभिमाना॥nipaṭahiṃ dvija kari jānahi mohī| maiṃ jasa bipra sunāvaum̐ tohī||
cāpa struvā sara āhuti jānū| kopa mora ati ghora kṛsānu||
samidhi sena caturaṃga suhāī| mahā mahīpa bhae pasu āī||
maiṃ ehi parasu kāṭi bali dīnhe| samara jagya japa koṭinha kīnhe||
mora prabhāu bidita nahiṃ toreṃ| bolasi nidari bipra ke bhoreṃ||
bhaṃjeu cāpu dāpu baḍa bāḍhā| ahamiti manahum̐ jīti jagu ṭhāḍhā||
rāma kahā muni kahahu bicārī| risa ati baḍi laghu cūka hamārī||
chuatahiṃ ṭūṭa pināka purānā| maiṃ kahi hetu karauṃ abhimānā||दोहा 283जौं हम निदरहिं बिप्र बदि सत्य सुनहु भृगुनाथ।
तौ अस को जग सुभटु जेहि भय बस नावहिं माथ॥283॥jauṃ hama nidarahiṃ bipra badi satya sunahu bhṛgunātha|
tau asa ko jaga subhaṭu jehi bhaya basa nāvahiṃ mātha||283|| -
दोहा 284#
देव दनुज भूपति भट नाना। समबल अधिक होउ बलवाना॥
जौं रन हमहि पचारै कोऊ। लरहिं सुखेन कालु किन होऊ॥
छत्रिय तनु धरि समर सकाना। कुल कलंकु तेहिं पावँर आना॥
कहउँ सुभाउ न कुलहि प्रसंसी। कालहु डरहिं न रन रघुबंसी॥
बिप्रबंस कै असि प्रभुताई। अभय होइ जो तुम्हहि डेराई॥
सुनि मृदु गूढ़ बचन रघुपति के। उघरे पटल परसुधर मति के॥
राम रमापति कर धनु लेहू। खैंचहु मिटै मोर संदेहू॥
देत चापु आपुहिं चलि गयऊ। परसुराम मन बिसमय भयऊ॥deva danuja bhūpati bhaṭa nānā| samabala adhika hou balavānā||
jauṃ rana hamahi pacārai koū| larahiṃ sukhena kālu kina hoū||
chatriya tanu dhari samara sakānā| kula kalaṃku tehiṃ pāvam̐ra ānā||
kahaum̐ subhāu na kulahi prasaṃsī| kālahu ḍarahiṃ na rana raghubaṃsī||
biprabaṃsa kai asi prabhutāī| abhaya hoi jo tumhahi ḍerāī||
suni mṛdu gūḍha bacana raghupati ke| ughare paṭala parasudhara mati ke||
rāma ramāpati kara dhanu lehū| khaiṃcahu miṭai mora saṃdehū||
deta cāpu āpuhiṃ cali gayaū| parasurāma mana bisamaya bhayaū||दोहा 284जाना राम प्रभाउ तब पुलक प्रफुल्लित गात।
जोरि पानि बोले बचन हृदयँ न प्रेमु अमात॥284॥jānā rāma prabhāu taba pulaka praphullita gāta|
jori pāni bole bacana hṛdayam̐ na premu amāta||284|| -
दोहा 285#
जय रघुबंस बनज बन भानू। गहन दनुज कुल दहन कृसानु॥
जय सुर बिप्र धेनु हितकारी। जय मद मोह कोह भ्रम हारी॥
बिनय सील करुना गुन सागर। जयति बचन रचना अति नागर॥
सेवक सुखद सुभग सब अंगा। जय सरीर छबि कोटि अनंगा॥
करौं काह मुख एक प्रसंसा। जय महेस मन मानस हंसा॥
अनुचित बहुत कहेउँ अग्याता। छमहु छमामंदिर दोउ भ्राता॥
कहि जय जय जय रघुकुलकेतू। भृगुपति गए बनहि तप हेतू॥
अपभयँ कुटिल महीप डेराने। जहँ तहँ कायर गवँहिं पराने॥jaya raghubaṃsa banaja bana bhānū| gahana danuja kula dahana kṛsānu||
jaya sura bipra dhenu hitakārī| jaya mada moha koha bhrama hārī||
binaya sīla karunā guna sāgara| jayati bacana racanā ati nāgara||
sevaka sukhada subhaga saba aṃgā| jaya sarīra chabi koṭi anaṃgā||
karauṃ kāha mukha eka prasaṃsā| jaya mahesa mana mānasa haṃsā||
anucita bahuta kaheum̐ agyātā| chamahu chamāmaṃdira dou bhrātā||
kahi jaya jaya jaya raghukulaketū| bhṛgupati gae banahi tapa hetū||
apabhayam̐ kuṭila mahīpa ḍerāne| jaham̐ taham̐ kāyara gavam̐hiṃ parāne||दोहा 285देवन्ह दीन्हीं दुंदुभीं प्रभु पर बरषहिं फूल।
हरषे पुर नर नारि सब मिटी मोहमय सूल॥285॥devanha dīnhīṃ duṃdubhīṃ prabhu para baraṣahiṃ phūla|
haraṣe pura nara nāri saba miṭī mohamaya sūla||285|| -
दोहा 286#
अति गहगहे बाजने बाजे। सबहिं मनोहर मंगल साजे॥
जूथ जूथ मिलि सुमुखि सुनयनीं। करहिं गान कल कोकिलबयनीं॥
सुखु बिदेह कर बरनि न जाई। जन्मदरिद्र मनहुँ निधि पाई॥
गत त्रास भइ सीय सुखारी। जनु बिधु उदयँ चकोरकुमारी॥
जनक कीन्ह कौसिकहि प्रनामा। प्रभु प्रसाद धनु भंजेउ रामा॥
मोहि कृतकृत्य कीन्ह दुहुँ भाईं। अब जो उचित सो कहिअ गोसाईं॥
कह मुनि सुनु नरनाथ प्रबीना। रहा बिबाहु चाप आधीना॥
टूटतहीं धनु भयउ बिबाहू। सुर नर नाग बिदित सब काहू॥ati gahagahe bājane bāje| sabahiṃ manohara maṃgala sāje||
jūtha jūtha mili sumukhi sunayanīṃ| karahiṃ gāna kala kokilabayanīṃ||
sukhu bideha kara barani na jāī| janmadaridra manahum̐ nidhi pāī||
gata trāsa bhai sīya sukhārī| janu bidhu udayam̐ cakorakumārī||
janaka kīnha kausikahi pranāmā| prabhu prasāda dhanu bhaṃjeu rāmā||
mohi kṛtakṛtya kīnha duhum̐ bhāīṃ| aba jo ucita so kahia gosāīṃ||
kaha muni sunu naranātha prabīnā| rahā bibāhu cāpa ādhīnā||
ṭūṭatahīṃ dhanu bhayau bibāhū| sura nara nāga bidita saba kāhū||दोहा 286तदपि जाइ तुम्ह करहु अब जथा बंस ब्यवहारु।
बूझि बिप्र कुलबृद्ध गुर बेद बिदित आचारु॥286॥tadapi jāi tumha karahu aba jathā baṃsa byavahāru|
būjhi bipra kulabṛddha gura beda bidita ācāru||286|| -
दोहा 287#
दूत अवधपुर पठवहु जाई। आनहिं नृप दसरथहि बोलाई॥
मुदित राउ कहि भलेहिं कृपाला। पठए दूत बोलि तेहि काला॥
बहुरि महाजन सकल बोलाए। आइ सबन्हि सादर सिर नाए॥
हाट बाट मंदिर सुरबासा। नगरु सँवारहु चारिहुँ पासा॥
हरषि चले निज निज गृह आए। पुनि परिचारक बोलि पठाए॥
रचहु बिचित्र बितान बनाई। सिर धरि बचन चले सचु पाई॥
पठए बोलि गुनी तिन्ह नाना। जे बितान बिधि कुसल सुजाना॥
बिधिहि बंदि तिन्ह कीन्ह अरंभा। बिरचे कनक कदलि के खंभा॥dūta avadhapura paṭhavahu jāī| ānahiṃ nṛpa dasarathahi bolāī||
mudita rāu kahi bhalehiṃ kṛpālā| paṭhae dūta boli tehi kālā||
bahuri mahājana sakala bolāe| āi sabanhi sādara sira nāe||
hāṭa bāṭa maṃdira surabāsā| nagaru sam̐vārahu cārihum̐ pāsā||
haraṣi cale nija nija gṛha āe| puni paricāraka boli paṭhāe||
racahu bicitra bitāna banāī| sira dhari bacana cale sacu pāī||
paṭhae boli gunī tinha nānā| je bitāna bidhi kusala sujānā||
bidhihi baṃdi tinha kīnha araṃbhā| birace kanaka kadali ke khaṃbhā||दोहा 287हरित मनिन्ह के पत्र फल पदुमराग के फूल।
रचना देखि बिचित्र अति मनु बिरंचि कर भूल॥287॥harita maninha ke patra phala padumarāga ke phūla|
racanā dekhi bicitra ati manu biraṃci kara bhūla||287|| -
दोहा 288#
बेनु हरित मनिमय सब कीन्हे। सरल सपरब परहिं नहिं चीन्हे॥
कनक कलित अहिबेल बनाई। लखि नहिं परइ सपरन सुहाई॥
तेहि के रचि पचि बंध बनाए। बिच बिच मुकुता दाम सुहाए॥
मानिक मरकत कुलिस पिरोजा। चीरि कोरि पचि रचे सरोजा॥
किए भृंग बहुरंग बिहंगा। गुंजहिं कूजहिं पवन प्रसंगा॥
सुर प्रतिमा खंभन गढ़ि काढ़ी। मंगल द्रब्य लिएँ सब ठाढ़ी॥
चौकें भाँति अनेक पुराईं। सिंधुर मनिमय सहज सुहाई॥benu harita manimaya saba kīnhe| sarala saparaba parahiṃ nahiṃ cīnhe||
kanaka kalita ahibela banāī| lakhi nahiṃ parai saparana suhāī||
tehi ke raci paci baṃdha banāe| bica bica mukutā dāma suhāe||
mānika marakata kulisa pirojā| cīri kori paci race sarojā||
kie bhṛṃga bahuraṃga bihaṃgā| guṃjahiṃ kūjahiṃ pavana prasaṃgā||
sura pratimā khaṃbhana gaḍhi kāḍhī| maṃgala drabya liem̐ saba ṭhāḍhī||
caukeṃ bhām̐ti aneka purāīṃ| siṃdhura manimaya sahaja suhāī||दोहा 288सौरभ पल्लव सुभग सुठि किए नीलमनि कोरि॥
हेम बौर मरकत घवरि लसत पाटमय डोरि॥288॥saurabha pallava subhaga suṭhi kie nīlamani kori||
hema baura marakata ghavari lasata pāṭamaya ḍori||288|| -
दोहा 289#
रचे रुचिर बर बंदनिवारे। मनहुँ मनोभवँ फंद सँवारे॥
मंगल कलस अनेक बनाए। ध्वज पताक पट चमर सुहाए॥
दीप मनोहर मनिमय नाना। जाइ न बरनि बिचित्र बिताना॥
जेहिं मंडप दुलहिनि बैदेही। सो बरनै असि मति कबि केही॥
दूलहु रामु रूप गुन सागर। सो बितानु तिहुँ लोक उजागर॥
जनक भवन कै सोभा जैसी। गृह गृह प्रति पुर देखिअ तैसी॥
जेहिं तेरहुति तेहि समय निहारी। तेहि लघु लगहिं भुवन दस चारी॥
जो संपदा नीच गृह सोहा। सो बिलोकि सुरनायक मोहा॥race rucira bara baṃdanivāre| manahum̐ manobhavam̐ phaṃda sam̐vāre||
maṃgala kalasa aneka banāe| dhvaja patāka paṭa camara suhāe||
dīpa manohara manimaya nānā| jāi na barani bicitra bitānā||
jehiṃ maṃḍapa dulahini baidehī| so baranai asi mati kabi kehī||
dūlahu rāmu rūpa guna sāgara| so bitānu tihum̐ loka ujāgara||
janaka bhavana kai sobhā jaisī| gṛha gṛha prati pura dekhia taisī||
jehiṃ terahuti tehi samaya nihārī| tehi laghu lagahiṃ bhuvana dasa cārī||
jo saṃpadā nīca gṛha sohā| so biloki suranāyaka mohā||दोहा 289बसइ नगर जेहि लच्छ करि कपट नारि बर बेषु॥
तेहि पुर कै सोभा कहत सकुचहिं सारद सेषु॥289॥basai nagara jehi laccha kari kapaṭa nāri bara beṣu||
tehi pura kai sobhā kahata sakucahiṃ sārada seṣu||289|| -
दोहा 290#
पहुँचे दूत राम पुर पावन। हरषे नगर बिलोकि सुहावन॥
भूप द्वार तिन्ह खबरि जनाई। दसरथ नृप सुनि लिए बोलाई॥
करि प्रनामु तिन्ह पाती दीन्ही। मुदित महीप आपु उठि लीन्ही॥
बारि बिलोचन बाचत पाती। पुलक गात आई भरि छाती॥
रामु लखनु उर कर बर चीठी। रहि गए कहत न खाटी मीठी॥
पुनि धरि धीर पत्रिका बाँची। हरषी सभा बात सुनि साँची॥
खेलत रहे तहाँ सुधि पाई। आए भरतु सहित हित भाई॥
पूछत अति सनेहँ सकुचाई। तात कहाँ तें पाती आई॥pahum̐ce dūta rāma pura pāvana| haraṣe nagara biloki suhāvana||
bhūpa dvāra tinha khabari janāī| dasaratha nṛpa suni lie bolāī||
kari pranāmu tinha pātī dīnhī| mudita mahīpa āpu uṭhi līnhī||
bāri bilocana bācata pātī| pulaka gāta āī bhari chātī||
rāmu lakhanu ura kara bara cīṭhī| rahi gae kahata na khāṭī mīṭhī||
puni dhari dhīra patrikā bām̐cī| haraṣī sabhā bāta suni sām̐cī||
khelata rahe tahām̐ sudhi pāī| āe bharatu sahita hita bhāī||
pūchata ati saneham̐ sakucāī| tāta kahām̐ teṃ pātī āī||दोहा 290कुसल प्रानप्रिय बंधु दोउ अहहिं कहहु केहिं देस।
सुनि सनेह साने बचन बाची बहुरि नरेस॥290॥kusala prānapriya baṃdhu dou ahahiṃ kahahu kehiṃ desa|
suni saneha sāne bacana bācī bahuri naresa||290|| -
दोहा 291#
सुनि पाती पुलके दोउ भ्राता। अधिक सनेहु समात न गाता॥
प्रीति पुनीत भरत कै देखी। सकल सभाँ सुखु लहेउ बिसेषी॥
तब नृप दूत निकट बैठारे। मधुर मनोहर बचन उचारे॥
भैया कहहु कुसल दोउ बारे। तुम्ह नीकें निज नयन निहारे॥
स्यामल गौर धरें धनु भाथा। बय किसोर कौसिक मुनि साथा॥
पहिचानहु तुम्ह कहहु सुभाऊ। प्रेम बिबस पुनि पुनि कह राऊ॥
जा दिन तें मुनि गए लवाई। तब तें आजु साँचि सुधि पाई॥
कहहु बिदेह कवन बिधि जाने। सुनि प्रिय बचन दूत मुसुकाने॥suni pātī pulake dou bhrātā| adhika sanehu samāta na gātā||
prīti punīta bharata kai dekhī| sakala sabhām̐ sukhu laheu biseṣī||
taba nṛpa dūta nikaṭa baiṭhāre| madhura manohara bacana ucāre||
bhaiyā kahahu kusala dou bāre| tumha nīkeṃ nija nayana nihāre||
syāmala gaura dhareṃ dhanu bhāthā| baya kisora kausika muni sāthā||
pahicānahu tumha kahahu subhāū| prema bibasa puni puni kaha rāū||
jā dina teṃ muni gae lavāī| taba teṃ āju sām̐ci sudhi pāī||
kahahu bideha kavana bidhi jāne| suni priya bacana dūta musukāne||दोहा 291सुनहु महीपति मुकुट मनि तुम्ह सम धन्य न कोउ।
रामु लखनु जिन्ह के तनय बिस्व बिभूषन दोउ॥291॥sunahu mahīpati mukuṭa mani tumha sama dhanya na kou|
rāmu lakhanu jinha ke tanaya bisva bibhūṣana dou||291|| -
दोहा 292#
पूछन जोगु न तनय तुम्हारे। पुरुषसिंघ तिहु पुर उजिआरे॥
जिन्ह के जस प्रताप कें आगे। ससि मलीन रबि सीतल लागे॥
तिन्ह कहँ कहिअ नाथ किमि चीन्हे। देखिअ रबि कि दीप कर लीन्हे॥
सीय स्वयंबर भूप अनेका। समिटे सुभट एक तें एका॥
संभु सरासनु काहुँ न टारा। हारे सकल बीर बरिआरा॥
तीनि लोक महँ जे भटमानी। सभ कै सकति संभु धनु भानी॥
सकइ उठाइ सरासुर मेरू। सोउ हियँ हारि गयउ करि फेरू॥
जेहि कौतुक सिवसैलु उठावा। सोउ तेहि सभाँ पराभउ पावा॥pūchana jogu na tanaya tumhāre| puruṣasiṃgha tihu pura ujiāre||
jinha ke jasa pratāpa keṃ āge| sasi malīna rabi sītala lāge||
tinha kaham̐ kahia nātha kimi cīnhe| dekhia rabi ki dīpa kara līnhe||
sīya svayaṃbara bhūpa anekā| samiṭe subhaṭa eka teṃ ekā||
saṃbhu sarāsanu kāhum̐ na ṭārā| hāre sakala bīra bariārā||
tīni loka maham̐ je bhaṭamānī| sabha kai sakati saṃbhu dhanu bhānī||
sakai uṭhāi sarāsura merū| sou hiyam̐ hāri gayau kari pherū||
jehi kautuka sivasailu uṭhāvā| sou tehi sabhām̐ parābhau pāvā||दोहा 292तहाँ राम रघुबंस मनि सुनिअ महा महिपाल।
भंजेउ चाप प्रयास बिनु जिमि गज पंकज नाल॥292॥tahām̐ rāma raghubaṃsa mani sunia mahā mahipāla|
bhaṃjeu cāpa prayāsa binu jimi gaja paṃkaja nāla||292|| -
दोहा 293#
सुनि सरोष भृगुनायकु आए। बहुत भाँति तिन्ह आँखि देखाए॥
देखि राम बलु निज धनु दीन्हा। करि बहु बिनय गवनु बन कीन्हा॥
राजन रामु अतुलबल जैसें। तेज निधान लखनु पुनि तैसें॥
कंपहिं भूप बिलोकत जाकें। जिमि गज हरि किसोर के ताकें॥
देव देखि तव बालक दोऊ। अब न आँखि तर आवत कोऊ॥
दूत बचन रचना प्रिय लागी। प्रेम प्रताप बीर रस पागी॥
सभा समेत राउ अनुरागे। दूतन्ह देन निछावरि लागे॥
कहि अनीति ते मूदहिं काना। धरमु बिचारि सबहिं सुख माना॥suni saroṣa bhṛgunāyaku āe| bahuta bhām̐ti tinha ām̐khi dekhāe||
dekhi rāma balu nija dhanu dīnhā| kari bahu binaya gavanu bana kīnhā||
rājana rāmu atulabala jaiseṃ| teja nidhāna lakhanu puni taiseṃ||
kaṃpahiṃ bhūpa bilokata jākeṃ| jimi gaja hari kisora ke tākeṃ||
deva dekhi tava bālaka doū| aba na ām̐khi tara āvata koū||
dūta bacana racanā priya lāgī| prema pratāpa bīra rasa pāgī||
sabhā sameta rāu anurāge| dūtanha dena nichāvari lāge||
kahi anīti te mūdahiṃ kānā| dharamu bicāri sabahiṃ sukha mānā||दोहा 293तब उठि भूप बसिष्ठ कहुँ दीन्हि पत्रिका जाइ।
कथा सुनाई गुरहि सब सादर दूत बोलाइ॥293॥taba uṭhi bhūpa basiṣṭha kahum̐ dīnhi patrikā jāi|
kathā sunāī gurahi saba sādara dūta bolāi||293|| -
दोहा 294#
सुनि बोले गुर अति सुखु पाई। पुन्य पुरुष कहुँ महि सुख छाई॥
जिमि सरिता सागर महुँ जाहीं। जद्यपि ताहि कामना नाहीं॥
तिमि सुख संपति बिनहिं बोलाएँ। धरमसील पहिं जाहिं सुभाएँ॥
तुम्ह गुर बिप्र धेनु सुर सेबी। तसि पुनीत कौसल्या देबी॥
सुकृती तुम्ह समान जग माहीं। भयउ न है कोउ होनेउ नाहीं॥
तुम्ह ते अधिक पुन्य बड़ काकें। राजन राम सरिस सुत जाकें॥
बीर बिनीत धरम ब्रत धारी। गुन सागर बर बालक चारी॥
तुम्ह कहुँ सर्ब काल कल्याना। सजहु बरात बजाइ निसाना॥suni bole gura ati sukhu pāī| punya puruṣa kahum̐ mahi sukha chāī||
jimi saritā sāgara mahum̐ jāhīṃ| jadyapi tāhi kāmanā nāhīṃ||
timi sukha saṃpati binahiṃ bolāem̐| dharamasīla pahiṃ jāhiṃ subhāem̐||
tumha gura bipra dhenu sura sebī| tasi punīta kausalyā debī||
sukṛtī tumha samāna jaga māhīṃ| bhayau na hai kou honeu nāhīṃ||
tumha te adhika punya baḍa kākeṃ| rājana rāma sarisa suta jākeṃ||
bīra binīta dharama brata dhārī| guna sāgara bara bālaka cārī||
tumha kahum̐ sarba kāla kalyānā| sajahu barāta bajāi nisānā||दोहा 294चलहु बेगि सुनि गुर बचन भलेहिं नाथ सिरु नाइ।
भूपति गवने भवन तब दूतन्ह बासु देवाइ॥294॥calahu begi suni gura bacana bhalehiṃ nātha siru nāi|
bhūpati gavane bhavana taba dūtanha bāsu devāi||294|| -
सोरठा 295#
राजा सबु रनिवास बोलाई। जनक पत्रिका बाचि सुनाई॥
सुनि संदेसु सकल हरषानीं। अपर कथा सब भूप बखानीं॥
प्रेम प्रफुल्लित राजहिं रानी। मनहुँ सिखिनि सुनि बारिद बानी॥
मुदित असीस देहिं गुर नारीं। अति आनंद मगन महतारीं॥
लेहिं परस्पर अति प्रिय पाती। हृदयँ लगाइ जुड़ावहिं छाती॥
राम लखन कै कीरति करनी। बारहिं बार भूपबर बरनी॥
मुनि प्रसादु कहि द्वार सिधाए। रानिन्ह तब महिदेव बोलाए॥
दिए दान आनंद समेता। चले बिप्रबर आसिष देता॥rājā sabu ranivāsa bolāī| janaka patrikā bāci sunāī||
suni saṃdesu sakala haraṣānīṃ| apara kathā saba bhūpa bakhānīṃ||
prema praphullita rājahiṃ rānī| manahum̐ sikhini suni bārida bānī||
mudita asīsa dehiṃ gura nārīṃ| ati ānaṃda magana mahatārīṃ||
lehiṃ paraspara ati priya pātī| hṛdayam̐ lagāi juḍāvahiṃ chātī||
rāma lakhana kai kīrati karanī| bārahiṃ bāra bhūpabara baranī||
muni prasādu kahi dvāra sidhāe| rāninha taba mahideva bolāe||
die dāna ānaṃda sametā| cale biprabara āsiṣa detā||सोरठा 295जाचक लिए हँकारि दीन्हि निछावरि कोटि बिधि।
चिरु जीवहुँ सुत चारि चक्रबर्ति दसरत्थ के॥295॥jācaka lie ham̐kāri dīnhi nichāvari koṭi bidhi|
ciru jīvahum̐ suta cāri cakrabarti dasarattha ke||295|| -
दोहा 296#
कहत चले पहिरें पट नाना। हरषि हने गहगहे निसाना॥
समाचार सब लोगन्ह पाए। लागे घर घर होन बधाए॥
भुवन चारि दस भरा उछाहू। जनकसुता रघुबीर बिआहू॥
सुनि सुभ कथा लोग अनुरागे। मग गृह गलीं सँवारन लागे॥
जद्यपि अवध सदैव सुहावनि। राम पुरी मंगलमय पावनि॥
तदपि प्रीति कै प्रीति सुहाई। मंगल रचना रची बनाई॥
ध्वज पताक पट चामर चारु। छावा परम बिचित्र बजारू॥
कनक कलस तोरन मनि जाला। हरद दूब दधि अच्छत माला॥kahata cale pahireṃ paṭa nānā| haraṣi hane gahagahe nisānā||
samācāra saba loganha pāe| lāge ghara ghara hona badhāe||
bhuvana cāri dasa bharā uchāhū| janakasutā raghubīra biāhū||
suni subha kathā loga anurāge| maga gṛha galīṃ sam̐vārana lāge||
jadyapi avadha sadaiva suhāvani| rāma purī maṃgalamaya pāvani||
tadapi prīti kai prīti suhāī| maṃgala racanā racī banāī||
dhvaja patāka paṭa cāmara cāru| chāvā parama bicitra bajārū||
kanaka kalasa torana mani jālā| harada dūba dadhi acchata mālā||दोहा 296मंगलमय निज निज भवन लोगन्ह रचे बनाइ।
बीथीं सीचीं चतुरसम चौकें चारु पुराइ॥296॥maṃgalamaya nija nija bhavana loganha race banāi|
bīthīṃ sīcīṃ caturasama caukeṃ cāru purāi||296|| -
दोहा 297#
जहँ तहँ जूथ जूथ मिलि भामिनि। सजि नव सप्त सकल दुति दामिनि॥
बिधुबदनीं मृग सावक लोचनि। निज सरूप रति मानु बिमोचनि॥
गावहिं मंगल मंजुल बानीं। सुनिकल रव कलकंठि लजानीं॥
भूप भवन किमि जाइ बखाना। बिस्व बिमोहन रचेउ बिताना॥
मंगल द्रब्य मनोहर नाना। राजत बाजत बिपुल निसाना॥
कतहुँ बिरिद बंदी उच्चरहीं। कतहुँ बेद धुनि भूसुर करहीं॥
गावहिं सुंदरि मंगल गीता। लै लै नामु रामु अरु सीता॥
बहुत उछाहु भवनु अति थोरा। मानहुँ उमगि चला चहु ओरा॥jaham̐ taham̐ jūtha jūtha mili bhāmini| saji nava sapta sakala duti dāmini||
bidhubadanīṃ mṛga sāvaka locani| nija sarūpa rati mānu bimocani||
gāvahiṃ maṃgala maṃjula bānīṃ| sunikala rava kalakaṃṭhi lajānīṃ||
bhūpa bhavana kimi jāi bakhānā| bisva bimohana raceu bitānā||
maṃgala drabya manohara nānā| rājata bājata bipula nisānā||
katahum̐ birida baṃdī uccarahīṃ| katahum̐ beda dhuni bhūsura karahīṃ||
gāvahiṃ suṃdari maṃgala gītā| lai lai nāmu rāmu aru sītā||
bahuta uchāhu bhavanu ati thorā| mānahum̐ umagi calā cahu orā||दोहा 297सोभा दसरथ भवन कइ को कबि बरनै पार।
जहाँ सकल सुर सीस मनि राम लीन्ह अवतार॥297॥sobhā dasaratha bhavana kai ko kabi baranai pāra|
jahām̐ sakala sura sīsa mani rāma līnha avatāra||297|| -
दोहा 298#
भूप भरत पुनि लिए बोलाई। हय गय स्यंदन साजहु जाई॥
चलहु बेगि रघुबीर बराता। सुनत पुलक पूरे दोउ भ्राता॥
भरत सकल साहनी बोलाए। आयसु दीन्ह मुदित उठि धाए॥
रचि रुचि जीन तुरग तिन्ह साजे। बरन बरन बर बाजि बिराजे॥
सुभग सकल सुठि चंचल करनी। अय इव जरत धरत पग धरनी॥
नाना जाति न जाहिं बखाने। निदरि पवनु जनु चहत उड़ाने॥
तिन्ह सब छयल भए असवारा। भरत सरिस बय राजकुमारा॥
सब सुंदर सब भूषनधारी। कर सर चाप तून कटि भारी॥bhūpa bharata puni lie bolāī| haya gaya syaṃdana sājahu jāī||
calahu begi raghubīra barātā| sunata pulaka pūre dou bhrātā||
bharata sakala sāhanī bolāe| āyasu dīnha mudita uṭhi dhāe||
raci ruci jīna turaga tinha sāje| barana barana bara bāji birāje||
subhaga sakala suṭhi caṃcala karanī| aya iva jarata dharata paga dharanī||
nānā jāti na jāhiṃ bakhāne| nidari pavanu janu cahata uḍāne||
tinha saba chayala bhae asavārā| bharata sarisa baya rājakumārā||
saba suṃdara saba bhūṣanadhārī| kara sara cāpa tūna kaṭi bhārī||दोहा 298छरे छबीले छयल सब सूर सुजान नबीन।
जुग पदचर असवार प्रति जे असिकला प्रबीन॥298॥chare chabīle chayala saba sūra sujāna nabīna|
juga padacara asavāra prati je asikalā prabīna||298|| -
दोहा 299#
बाँधे बिरद बीर रन गाढ़े। निकसि भए पुर बाहेर ठाढ़े॥
फेरहिं चतुर तुरग गति नाना। हरषहिं सुनि सुनि पवन निसाना॥
रथ सारथिन्ह बिचित्र बनाए। ध्वज पताक मनि भूषन लाए॥
चवँर चारु किंकिनि धुनि करहीं। भानु जान सोभा अपहरहीं॥
सावँकरन अगनित हय होते। ते तिन्ह रथन्ह सारथिन्ह जोते॥
सुंदर सकल अलंकृत सोहे। जिन्हहि बिलोकत मुनि मन मोहे॥
जे जल चलहिं थलहि की नाई। टाप न बूड़ बेग अधिकाई॥
अस्त्र सस्त्र सबु साजु बनाई। रथी सारथिन्ह लिए बोलाई॥bām̐dhe birada bīra rana gāḍhe| nikasi bhae pura bāhera ṭhāḍhe||
pherahiṃ catura turaga gati nānā| haraṣahiṃ suni suni pavana nisānā||
ratha sārathinha bicitra banāe| dhvaja patāka mani bhūṣana lāe||
cavam̐ra cāru kiṃkini dhuni karahīṃ| bhānu jāna sobhā apaharahīṃ||
sāvam̐karana aganita haya hote| te tinha rathanha sārathinha jote||
suṃdara sakala alaṃkṛta sohe| jinhahi bilokata muni mana mohe||
je jala calahiṃ thalahi kī nāī| ṭāpa na būḍa bega adhikāī||
astra sastra sabu sāju banāī| rathī sārathinha lie bolāī||दोहा 299चढ़ि चढ़ि रथ बाहेर नगर लागी जुरन बरात।
होत सगुन सुन्दर सबहि जो जेहि कारज जात॥299॥caḍhi caḍhi ratha bāhera nagara lāgī jurana barāta|
hota saguna sundara sabahi jo jehi kāraja jāta||299|| -
दोहा 300#
कलित करिबरन्हि परीं अँबारीं। कहि न जाहिं जेहि भाँति सँवारीं॥
चले मत्तगज घंट बिराजी। मनहुँ सुभग सावन घन राजी॥
बाहन अपर अनेक बिधाना। सिबिका सुभग सुखासन जाना॥
तिन्ह चढ़ि चले बिप्रबर बृन्दा। जनु तनु धरें सकल श्रुति छंदा॥
मागध सूत बंदि गुनगायक। चले जान चढ़ि जो जेहि लायक॥
बेसर ऊँट बृषभ बहु जाती। चले बस्तु भरि अगनित भाँती॥
कोटिन्ह काँवरि चले कहारा। बिबिध बस्तु को बरनै पारा॥
चले सकल सेवक समुदाई। निज निज साजु समाजु बनाई॥kalita karibaranhi parīṃ am̐bārīṃ| kahi na jāhiṃ jehi bhām̐ti sam̐vārīṃ||
cale mattagaja ghaṃṭa birājī| manahum̐ subhaga sāvana ghana rājī||
bāhana apara aneka bidhānā| sibikā subhaga sukhāsana jānā||
tinha caḍhi cale biprabara bṛndā| janu tanu dhareṃ sakala śruti chaṃdā||
māgadha sūta baṃdi gunagāyaka| cale jāna caḍhi jo jehi lāyaka||
besara ūm̐ṭa bṛṣabha bahu jātī| cale bastu bhari aganita bhām̐tī||
koṭinha kām̐vari cale kahārā| bibidha bastu ko baranai pārā||
cale sakala sevaka samudāī| nija nija sāju samāju banāī||दोहा 300सब कें उर निर्भर हरषु पूरित पुलक सरीर।
कबहिं देखिबे नयन भरि रामु लखनु दोउ बीर॥300॥saba keṃ ura nirbhara haraṣu pūrita pulaka sarīra|
kabahiṃ dekhibe nayana bhari rāmu lakhanu dou bīra||300|| -
दोहा 301#
गरजहिं गज घंटा धुनि घोरा। रथ रव बाजि हिंस चहु ओरा॥
निदरि घनहि घुर्म्मरहिं निसाना। निज पराइ कछु सुनिअ न काना॥
महा भीर भूपति के द्वारें। रज होइ जाइ पषान पबारें॥
चढ़ी अटारिन्ह देखहिं नारीं। लिएँ आरती मंगल थारी॥
गावहिं गीत मनोहर नाना। अति आनंदु न जाइ बखाना॥
तब सुमंत्र दुइ स्यंदन साजी। जोते रबि हय निंदक बाजी॥
दोउ रथ रुचिर भूप पहिं आने। नहिं सारद पहिं जाहिं बखाने॥
राज समाजु एक रथ साजा। दूसर तेज पुंज अति भ्राजा॥garajahiṃ gaja ghaṃṭā dhuni ghorā| ratha rava bāji hiṃsa cahu orā||
nidari ghanahi ghurmmarahiṃ nisānā| nija parāi kachu sunia na kānā||
mahā bhīra bhūpati ke dvāreṃ| raja hoi jāi paṣāna pabāreṃ||
caḍhī aṭārinha dekhahiṃ nārīṃ| liem̐ āratī maṃgala thārī||
gāvahiṃ gīta manohara nānā| ati ānaṃdu na jāi bakhānā||
taba sumaṃtra dui syaṃdana sājī| jote rabi haya niṃdaka bājī||
dou ratha rucira bhūpa pahiṃ āne| nahiṃ sārada pahiṃ jāhiṃ bakhāne||
rāja samāju eka ratha sājā| dūsara teja puṃja ati bhrājā||दोहा 301तेहिं रथ रुचिर बसिष्ठ कहुँ हरषि चढ़ाइ नरेसु।
आपु चढ़ेउ स्यंदन सुमिरि हर गुर गौरि गनेसु॥301॥tehiṃ ratha rucira basiṣṭha kahum̐ haraṣi caḍhāi naresu|
āpu caḍheu syaṃdana sumiri hara gura gauri ganesu||301|| -
दोहा 302#
सहित बसिष्ठ सोह नृप कैसें। सुर गुर संग पुरंदर जैसें॥
करि कुल रीति बेद बिधि राऊ। देखि सबहि सब भाँति बनाऊ॥
सुमिरि रामु गुर आयसु पाई। चले महीपति संख बजाई॥
हरषे बिबुध बिलोकि बराता। बरषहिं सुमन सुमंगल दाता॥
भयउ कोलाहल हय गय गाजे। ब्योम बरात बाजने बाजे॥
सुर नर नारि सुमंगल गाई। सरस राग बाजहिं सहनाई॥
घंट घंटि धुनि बरनि न जाहीं। सरव करहिं पाइक फहराहीं॥
करहिं बिदूषक कौतुक नाना। हास कुसल कल गान सुजाना ।sahita basiṣṭha soha nṛpa kaiseṃ| sura gura saṃga puraṃdara jaiseṃ||
kari kula rīti beda bidhi rāū| dekhi sabahi saba bhām̐ti banāū||
sumiri rāmu gura āyasu pāī| cale mahīpati saṃkha bajāī||
haraṣe bibudha biloki barātā| baraṣahiṃ sumana sumaṃgala dātā||
bhayau kolāhala haya gaya gāje| byoma barāta bājane bāje||
sura nara nāri sumaṃgala gāī| sarasa rāga bājahiṃ sahanāī||
ghaṃṭa ghaṃṭi dhuni barani na jāhīṃ| sarava karahiṃ pāika phaharāhīṃ||
karahiṃ bidūṣaka kautuka nānā| hāsa kusala kala gāna sujānā |दोहा 302तुरग नचावहिं कुअँर बर अकनि मृदंग निसान॥
नागर नट चितवहिं चकित डगहिं न ताल बँधान॥302॥turaga nacāvahiṃ kuam̐ra bara akani mṛdaṃga nisāna||
nāgara naṭa citavahiṃ cakita ḍagahiṃ na tāla bam̐dhāna||302|| -
दोहा 303#
बनइ न बरनत बनी बराता। होहिं सगुन सुंदर सुभदाता॥
चारा चाषु बाम दिसि लेई। मनहुँ सकल मंगल कहि देई॥
दाहिन काग सुखेत सुहावा। नकुल दरसु सब काहूँ पावा॥
सानुकूल बह त्रिबिध बयारी। सघट सवाल आव बर नारी॥
लोवा फिरि फिरि दरसु देखावा। सुरभी सनमुख सिसुहि पिआवा॥
मृगमाला फिरि दाहिनि आई। मंगल गन जनु दीन्हि देखाई॥
छेमकरी कह छेम बिसेषी। स्यामा बाम सुतरु पर देखी॥
सनमुख आयउ दधि अरु मीना। कर पुस्तक दुइ बिप्र प्रबीना॥banai na baranata banī barātā| hohiṃ saguna suṃdara subhadātā||
cārā cāṣu bāma disi leī| manahum̐ sakala maṃgala kahi deī||
dāhina kāga sukheta suhāvā| nakula darasu saba kāhūm̐ pāvā||
sānukūla baha tribidha bayārī| saghaṭa savāla āva bara nārī||
lovā phiri phiri darasu dekhāvā| surabhī sanamukha sisuhi piāvā||
mṛgamālā phiri dāhini āī| maṃgala gana janu dīnhi dekhāī||
chemakarī kaha chema biseṣī| syāmā bāma sutaru para dekhī||
sanamukha āyau dadhi aru mīnā| kara pustaka dui bipra prabīnā||दोहा 303मंगलमय कल्यानमय अभिमत फल दातार।
जनु सब साचे होन हित भए सगुन एक बार॥303॥maṃgalamaya kalyānamaya abhimata phala dātāra|
janu saba sāce hona hita bhae saguna eka bāra||303|| -
दोहा 304#
मंगल सगुन सुगम सब ताकें। सगुन ब्रह्म सुंदर सुत जाकें॥
राम सरिस बरु दुलहिनि सीता। समधी दसरथु जनकु पुनीता॥
सुनि अस ब्याहु सगुन सब नाचे। अब कीन्हे बिरंचि हम साँचे॥
एहि बिधि कीन्ह बरात पयाना। हय गय गाजहिं हने निसाना॥
आवत जानि भानुकुल केतू। सरितन्हि जनक बँधाए सेतू॥
बीच बीच बर बास बनाए। सुरपुर सरिस संपदा छाए॥
असन सयन बर बसन सुहाए। पावहिं सब निज निज मन भाए॥
नित नूतन सुख लखि अनुकूले। सकल बरातिन्ह मंदिर भूले॥maṃgala saguna sugama saba tākeṃ| saguna brahma suṃdara suta jākeṃ||
rāma sarisa baru dulahini sītā| samadhī dasarathu janaku punītā||
suni asa byāhu saguna saba nāce| aba kīnhe biraṃci hama sām̐ce||
ehi bidhi kīnha barāta payānā| haya gaya gājahiṃ hane nisānā||
āvata jāni bhānukula ketū| saritanhi janaka bam̐dhāe setū||
bīca bīca bara bāsa banāe| surapura sarisa saṃpadā chāe||
asana sayana bara basana suhāe| pāvahiṃ saba nija nija mana bhāe||
nita nūtana sukha lakhi anukūle| sakala barātinha maṃdira bhūle||दोहा 304आवत जानि बरात बर सुनि गहगहे निसान।
सजि गज रथ पदचर तुरग लेन चले अगवान॥304॥āvata jāni barāta bara suni gahagahe nisāna|
saji gaja ratha padacara turaga lena cale agavāna||304|| -
मासपारायण, दसवाँ विश्रामDay 10 of the 30-day Masparayan ends here
🙏
Completed Bal Kand — Part 10?
Mark Masparayan day 10 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.