Bal Kand — Part 11 — text
-
दोहा 305#
कनक कलस भरि कोपर थारा। भाजन ललित अनेक प्रकारा॥
भरे सुधासम सब पकवाने। नाना भाँति न जाहिं बखाने॥
फल अनेक बर बस्तु सुहाईं। हरषि भेंट हित भूप पठाईं॥
भूषन बसन महामनि नाना। खग मृग हय गय बहुबिधि जाना॥
मंगल सगुन सुगंध सुहाए। बहुत भाँति महिपाल पठाए॥
दधि चिउरा उपहार अपारा। भरि भरि काँवरि चले कहारा॥
अगवानन्ह जब दीखि बराता।उर आनंदु पुलक भर गाता॥
देखि बनाव सहित अगवाना। मुदित बरातिन्ह हने निसाना॥kanaka kalasa bhari kopara thārā| bhājana lalita aneka prakārā||
bhare sudhāsama saba pakavāne| nānā bhām̐ti na jāhiṃ bakhāne||
phala aneka bara bastu suhāīṃ| haraṣi bheṃṭa hita bhūpa paṭhāīṃ||
bhūṣana basana mahāmani nānā| khaga mṛga haya gaya bahubidhi jānā||
maṃgala saguna sugaṃdha suhāe| bahuta bhām̐ti mahipāla paṭhāe||
dadhi ciurā upahāra apārā| bhari bhari kām̐vari cale kahārā||
agavānanha jaba dīkhi barātā|ura ānaṃdu pulaka bhara gātā||
dekhi banāva sahita agavānā| mudita barātinha hane nisānā||दोहा 305हरषि परसपर मिलन हित कछुक चले बगमेल।
जनु आनंद समुद्र दुइ मिलत बिहाइ सुबेल॥305॥haraṣi parasapara milana hita kachuka cale bagamela|
janu ānaṃda samudra dui milata bihāi subela||305|| -
दोहा 306#
बरषि सुमन सुर सुंदरि गावहिं। मुदित देव दुंदुभीं बजावहिं॥
बस्तु सकल राखीं नृप आगें। बिनय कीन्ह तिन्ह अति अनुरागें॥
प्रेम समेत रायँ सबु लीन्हा। भै बकसीस जाचकन्हि दीन्हा॥
करि पूजा मान्यता बड़ाई। जनवासे कहुँ चले लवाई॥
बसन बिचित्र पाँवड़े परहीं। देखि धनदु धन मदु परिहरहीं॥
अति सुंदर दीन्हेउ जनवासा। जहँ सब कहुँ सब भाँति सुपासा॥
जानी सियँ बरात पुर आई। कछु निज महिमा प्रगटि जनाई॥
हृदयँ सुमिरि सब सिद्धि बोलाई। भूप पहुनई करन पठाई॥baraṣi sumana sura suṃdari gāvahiṃ| mudita deva duṃdubhīṃ bajāvahiṃ||
bastu sakala rākhīṃ nṛpa āgeṃ| binaya kīnha tinha ati anurāgeṃ||
prema sameta rāyam̐ sabu līnhā| bhai bakasīsa jācakanhi dīnhā||
kari pūjā mānyatā baḍāī| janavāse kahum̐ cale lavāī||
basana bicitra pām̐vaḍe parahīṃ| dekhi dhanadu dhana madu pariharahīṃ||
ati suṃdara dīnheu janavāsā| jaham̐ saba kahum̐ saba bhām̐ti supāsā||
jānī siyam̐ barāta pura āī| kachu nija mahimā pragaṭi janāī||
hṛdayam̐ sumiri saba siddhi bolāī| bhūpa pahunaī karana paṭhāī||दोहा 306सिधि सब सिय आयसु अकनि गईं जहाँ जनवास।
लिएँ संपदा सकल सुख सुरपुर भोग बिलास॥306॥sidhi saba siya āyasu akani gaīṃ jahām̐ janavāsa|
liem̐ saṃpadā sakala sukha surapura bhoga bilāsa||306|| -
दोहा 307#
निज निज बास बिलोकि बराती। सुर सुख सकल सुलभ सब भाँती॥
बिभव भेद कछु कोउ न जाना। सकल जनक कर करहिं बखाना॥
सिय महिमा रघुनायक जानी। हरषे हृदयँ हेतु पहिचानी॥
पितु आगमनु सुनत दोउ भाई। हृदयँ न अति आनंदु अमाई॥
सकुचन्ह कहि न सकत गुरु पाहीं। पितु दरसन लालचु मन माहीं॥
बिस्वामित्र बिनय बड़ि देखी। उपजा उर संतोषु बिसेषी॥
हरषि बंधु दोउ हृदयँ लगाए। पुलक अंग अंबक जल छाए॥
चले जहाँ दसरथु जनवासे। मनहुँ सरोबर तकेउ पिआसे॥nija nija bāsa biloki barātī| sura sukha sakala sulabha saba bhām̐tī||
bibhava bheda kachu kou na jānā| sakala janaka kara karahiṃ bakhānā||
siya mahimā raghunāyaka jānī| haraṣe hṛdayam̐ hetu pahicānī||
pitu āgamanu sunata dou bhāī| hṛdayam̐ na ati ānaṃdu amāī||
sakucanha kahi na sakata guru pāhīṃ| pitu darasana lālacu mana māhīṃ||
bisvāmitra binaya baḍi dekhī| upajā ura saṃtoṣu biseṣī||
haraṣi baṃdhu dou hṛdayam̐ lagāe| pulaka aṃga aṃbaka jala chāe||
cale jahām̐ dasarathu janavāse| manahum̐ sarobara takeu piāse||दोहा 307भूप बिलोके जबहिं मुनि आवत सुतन्ह समेत।
उठे हरषि सुखसिंधु महुँ चले थाह सी लेत॥307॥bhūpa biloke jabahiṃ muni āvata sutanha sameta|
uṭhe haraṣi sukhasiṃdhu mahum̐ cale thāha sī leta||307|| -
दोहा 308#
मुनिहि दंडवत कीन्ह महीसा। बार बार पद रज धरि सीसा॥
कौसिक राउ लिये उर लाई। कहि असीस पूछी कुसलाई॥
पुनि दंडवत करत दोउ भाई। देखि नृपति उर सुखु न समाई॥
सुत हियँ लाइ दुसह दुख मेटे। मृतक सरीर प्रान जनु भेंटे॥
पुनि बसिष्ठ पद सिर तिन्ह नाए। प्रेम मुदित मुनिबर उर लाए॥
बिप्र बृंद बंदे दुहुँ भाईं। मन भावती असीसें पाईं॥
भरत सहानुज कीन्ह प्रनामा। लिए उठाइ लाइ उर रामा॥
हरषे लखन देखि दोउ भ्राता। मिले प्रेम परिपूरित गाता॥munihi daṃḍavata kīnha mahīsā| bāra bāra pada raja dhari sīsā||
kausika rāu liye ura lāī| kahi asīsa pūchī kusalāī||
puni daṃḍavata karata dou bhāī| dekhi nṛpati ura sukhu na samāī||
suta hiyam̐ lāi dusaha dukha meṭe| mṛtaka sarīra prāna janu bheṃṭe||
puni basiṣṭha pada sira tinha nāe| prema mudita munibara ura lāe||
bipra bṛṃda baṃde duhum̐ bhāīṃ| mana bhāvatī asīseṃ pāīṃ||
bharata sahānuja kīnha pranāmā| lie uṭhāi lāi ura rāmā||
haraṣe lakhana dekhi dou bhrātā| mile prema paripūrita gātā||दोहा 308पुरजन परिजन जातिजन जाचक मंत्री मीत।
मिले जथाबिधि सबहि प्रभु परम कृपाल बिनीत॥308॥purajana parijana jātijana jācaka maṃtrī mīta|
mile jathābidhi sabahi prabhu parama kṛpāla binīta||308|| -
दोहा 309#
रामहि देखि बरात जुड़ानी। प्रीति कि रीति न जाति बखानी॥
नृप समीप सोहहिं सुत चारी। जनु धन धरमादिक तनुधारी॥
सुतन्ह समेत दसरथहि देखी। मुदित नगर नर नारि बिसेषी॥
सुमन बरिसि सुर हनहिं निसाना। नाकनटीं नाचहिं करि गाना॥
सतानंद अरु बिप्र सचिव गन। मागध सूत बिदुष बंदीजन॥
सहित बरात राउ सनमाना। आयसु मागि फिरे अगवाना॥
प्रथम बरात लगन तें आई। तातें पुर प्रमोदु अधिकाई॥
ब्रह्मानंदु लोग सब लहहीं। बढ़हुँ दिवस निसि बिधि सन कहहीं॥rāmahi dekhi barāta juḍānī| prīti ki rīti na jāti bakhānī||
nṛpa samīpa sohahiṃ suta cārī| janu dhana dharamādika tanudhārī||
sutanha sameta dasarathahi dekhī| mudita nagara nara nāri biseṣī||
sumana barisi sura hanahiṃ nisānā| nākanaṭīṃ nācahiṃ kari gānā||
satānaṃda aru bipra saciva gana| māgadha sūta biduṣa baṃdījana||
sahita barāta rāu sanamānā| āyasu māgi phire agavānā||
prathama barāta lagana teṃ āī| tāteṃ pura pramodu adhikāī||
brahmānaṃdu loga saba lahahīṃ| baḍhahum̐ divasa nisi bidhi sana kahahīṃ||दोहा 309रामु सीय सोभा अवधि सुकृत अवधि दोउ राज।
जहँ जहँ पुरजन कहहिं अस मिलि नर नारि समाज॥।309॥rāmu sīya sobhā avadhi sukṛta avadhi dou rāja|
jaham̐ jaham̐ purajana kahahiṃ asa mili nara nāri samāja|||309|| -
दोहा 310#
जनक सुकृत मूरति बैदेही। दसरथ सुकृत रामु धरें देही॥
इन्ह सम काहुँ न सिव अवराधे। काहुँ न इन्ह समान फल लाधे॥
इन्ह सम कोउ न भयउ जग माहीं। है नहिं कतहूँ होनेउ नाहीं॥
हम सब सकल सुकृत कै रासी। भए जग जनमि जनकपुर बासी॥
जिन्ह जानकी राम छबि देखी। को सुकृती हम सरिस बिसेषी॥
पुनि देखब रघुबीर बिआहू। लेब भली बिधि लोचन लाहू॥
कहहिं परसपर कोकिलबयनीं। एहि बिआहँ बड़ लाभु सुनयनीं॥
बड़ें भाग बिधि बात बनाई। नयन अतिथि होइहहिं दोउ भाई॥janaka sukṛta mūrati baidehī| dasaratha sukṛta rāmu dhareṃ dehī||
inha sama kāhum̐ na siva avarādhe| kāhum̐ na inha samāna phala lādhe||
inha sama kou na bhayau jaga māhīṃ| hai nahiṃ katahūm̐ honeu nāhīṃ||
hama saba sakala sukṛta kai rāsī| bhae jaga janami janakapura bāsī||
jinha jānakī rāma chabi dekhī| ko sukṛtī hama sarisa biseṣī||
puni dekhaba raghubīra biāhū| leba bhalī bidhi locana lāhū||
kahahiṃ parasapara kokilabayanīṃ| ehi biāham̐ baḍa lābhu sunayanīṃ||
baḍeṃ bhāga bidhi bāta banāī| nayana atithi hoihahiṃ dou bhāī||दोहा 310बारहिं बार सनेह बस जनक बोलाउब सीय।
लेन आइहहिं बंधु दोउ कोटि काम कमनीय॥310॥bārahiṃ bāra saneha basa janaka bolāuba sīya|
lena āihahiṃ baṃdhu dou koṭi kāma kamanīya||310|| -
सोरठा 311#
बिबिध भाँति होइहि पहुनाई। प्रिय न काहि अस सासुर माई॥
तब तब राम लखनहि निहारी। होइहहिं सब पुर लोग सुखारी॥
सखि जस राम लखनकर जोटा। तैसेइ भूप संग दुइ ढोटा॥
स्याम गौर सब अंग सुहाए। ते सब कहहिं देखि जे आए॥
कहा एक मैं आजु निहारे। जनु बिरंचि निज हाथ सँवारे॥
भरतु रामही की अनुहारी। सहसा लखि न सकहिं नर नारी॥
लखनु सत्रुसूदनु एकरूपा। नख सिख ते सब अंग अनूपा॥
मन भावहिं मुख बरनि न जाहीं। उपमा कहुँ त्रिभुवन कोउ नाहीं॥bibidha bhām̐ti hoihi pahunāī| priya na kāhi asa sāsura māī||
taba taba rāma lakhanahi nihārī| hoihahiṃ saba pura loga sukhārī||
sakhi jasa rāma lakhanakara joṭā| taisei bhūpa saṃga dui ḍhoṭā||
syāma gaura saba aṃga suhāe| te saba kahahiṃ dekhi je āe||
kahā eka maiṃ āju nihāre| janu biraṃci nija hātha sam̐vāre||
bharatu rāmahī kī anuhārī| sahasā lakhi na sakahiṃ nara nārī||
lakhanu satrusūdanu ekarūpā| nakha sikha te saba aṃga anūpā||
mana bhāvahiṃ mukha barani na jāhīṃ| upamā kahum̐ tribhuvana kou nāhīṃ||छंदउपमा न कोउ कह दास तुलसी कतहुँ कबि कोबिद कहैं।
बल बिनय बिद्या सील सोभा सिंधु इन्ह से एइ अहैं॥
पुर नारि सकल पसारि अंचल बिधिहि बचन सुनावहीं॥
ब्याहिअहुँ चारिउ भाइ एहिं पुर हम सुमंगल गावहीं॥upamā na kou kaha dāsa tulasī katahum̐ kabi kobida kahaiṃ|
bala binaya bidyā sīla sobhā siṃdhu inha se ei ahaiṃ||
pura nāri sakala pasāri aṃcala bidhihi bacana sunāvahīṃ||
byāhiahum̐ cāriu bhāi ehiṃ pura hama sumaṃgala gāvahīṃ||सोरठा 311कहहिं परस्पर नारि बारि बिलोचन पुलक तन।
सखि सबु करब पुरारि पुन्य पयोनिधि भूप दोउ॥311॥kahahiṃ paraspara nāri bāri bilocana pulaka tana|
sakhi sabu karaba purāri punya payonidhi bhūpa dou||311|| -
दोहा 312#
एहि बिधि सकल मनोरथ करहीं। आनँद उमगि उमगि उर भरहीं॥
जे नृप सीय स्वयंबर आए। देखि बंधु सब तिन्ह सुख पाए॥
कहत राम जसु बिसद बिसाला। निज निज भवन गए महिपाला॥
गए बीति कछु दिन एहि भाँती। प्रमुदित पुरजन सकल बराती॥
मंगल मूल लगन दिनु आवा। हिम रितु अगहनु मासु सुहावा॥
ग्रह तिथि नखतु जोगु बर बारू। लगन सोधि बिधि कीन्ह बिचारू॥
पठै दीन्हि नारद सन सोई। गनी जनक के गनकन्ह जोई॥
सुनी सकल लोगन्ह यह बाता। कहहिं जोतिषी आहिं बिधाता॥ehi bidhi sakala manoratha karahīṃ| ānam̐da umagi umagi ura bharahīṃ||
je nṛpa sīya svayaṃbara āe| dekhi baṃdhu saba tinha sukha pāe||
kahata rāma jasu bisada bisālā| nija nija bhavana gae mahipālā||
gae bīti kachu dina ehi bhām̐tī| pramudita purajana sakala barātī||
maṃgala mūla lagana dinu āvā| hima ritu agahanu māsu suhāvā||
graha tithi nakhatu jogu bara bārū| lagana sodhi bidhi kīnha bicārū||
paṭhai dīnhi nārada sana soī| ganī janaka ke ganakanha joī||
sunī sakala loganha yaha bātā| kahahiṃ jotiṣī āhiṃ bidhātā||दोहा 312धेनुधूरि बेला बिमल सकल सुमंगल मूल।
बिप्रन्ह कहेउ बिदेह सन जानि सगुन अनुकूल॥312॥dhenudhūri belā bimala sakala sumaṃgala mūla|
bipranha kaheu bideha sana jāni saguna anukūla||312|| -
दोहा 313#
उपरोहितहि कहेउ नरनाहा। अब बिलंब कर कारनु काहा॥
सतानंद तब सचिव बोलाए। मंगल सकल साजि सब ल्याए॥
संख निसान पनव बहु बाजे। मंगल कलस सगुन सुभ साजे॥
सुभग सुआसिनि गावहिं गीता। करहिं बेद धुनि बिप्र पुनीता॥
लेन चले सादर एहि भाँती। गए जहाँ जनवास बराती॥
कोसलपति कर देखि समाजू। अति लघु लाग तिन्हहि सुरराजू॥
भयउ समउ अब धारिअ पाऊ। यह सुनि परा निसानहिं घाऊ॥
गुरहि पूछि करि कुल बिधि राजा। चले संग मुनि साधु समाजा॥uparohitahi kaheu naranāhā| aba bilaṃba kara kāranu kāhā||
satānaṃda taba saciva bolāe| maṃgala sakala sāji saba lyāe||
saṃkha nisāna panava bahu bāje| maṃgala kalasa saguna subha sāje||
subhaga suāsini gāvahiṃ gītā| karahiṃ beda dhuni bipra punītā||
lena cale sādara ehi bhām̐tī| gae jahām̐ janavāsa barātī||
kosalapati kara dekhi samājū| ati laghu lāga tinhahi surarājū||
bhayau samau aba dhāria pāū| yaha suni parā nisānahiṃ ghāū||
gurahi pūchi kari kula bidhi rājā| cale saṃga muni sādhu samājā||दोहा 313भाग्य बिभव अवधेस कर देखि देव ब्रह्मादि।
लगे सराहन सहस मुख जानि जनम निज बादि॥313॥bhāgya bibhava avadhesa kara dekhi deva brahmādi|
lage sarāhana sahasa mukha jāni janama nija bādi||313|| -
दोहा 314#
सुरन्ह सुमंगल अवसरु जाना। बरषहिं सुमन बजाइ निसाना॥
सिव ब्रह्मादिक बिबुध बरूथा। चढ़े बिमानन्हि नाना जूथा॥
प्रेम पुलक तन हृदयँ उछाहू। चले बिलोकन राम बिआहू॥
देखि जनकपुरु सुर अनुरागे। निज निज लोक सबहिं लघु लागे॥
चितवहिं चकित बिचित्र बिताना। रचना सकल अलौकिक नाना॥
नगर नारि नर रूप निधाना। सुघर सुधरम सुसील सुजाना॥
तिन्हहि देखि सब सुर सुरनारीं। भए नखत जनु बिधु उजिआरीं॥
बिधिहि भयउ आचरजु बिसेषी। निज करनी कछु कतहुँ न देखी॥suranha sumaṃgala avasaru jānā| baraṣahiṃ sumana bajāi nisānā||
siva brahmādika bibudha barūthā| caḍhe bimānanhi nānā jūthā||
prema pulaka tana hṛdayam̐ uchāhū| cale bilokana rāma biāhū||
dekhi janakapuru sura anurāge| nija nija loka sabahiṃ laghu lāge||
citavahiṃ cakita bicitra bitānā| racanā sakala alaukika nānā||
nagara nāri nara rūpa nidhānā| sughara sudharama susīla sujānā||
tinhahi dekhi saba sura suranārīṃ| bhae nakhata janu bidhu ujiārīṃ||
bidhihi bhayau ācaraju biseṣī| nija karanī kachu katahum̐ na dekhī||दोहा 314सिवँ समुझाए देव सब जनि आचरज भुलाहु।
हृदयँ बिचारहु धीर धरि सिय रघुबीर बिआहु॥314॥sivam̐ samujhāe deva saba jani ācaraja bhulāhu|
hṛdayam̐ bicārahu dhīra dhari siya raghubīra biāhu||314|| -
दोहा 315#
जिन्ह कर नामु लेत जग माहीं। सकल अमंगल मूल नसाहीं॥
करतल होहिं पदारथ चारी। तेइ सिय रामु कहेउ कामारी॥
एहि बिधि संभु सुरन्ह समुझावा। पुनि आगें बर बसह चलावा॥
देवन्ह देखे दसरथु जाता। महामोद मन पुलकित गाता॥
साधु समाज संग महिदेवा। जनु तनु धरें करहिं सुख सेवा॥
सोहत साथ सुभग सुत चारी। जनु अपबरग सकल तनुधारी॥
मरकत कनक बरन बर जोरी। देखि सुरन्ह भै प्रीति न थोरी॥
पुनि रामहि बिलोकि हियँ हरषे। नृपहि सराहि सुमन तिन्ह बरषे॥jinha kara nāmu leta jaga māhīṃ| sakala amaṃgala mūla nasāhīṃ||
karatala hohiṃ padāratha cārī| tei siya rāmu kaheu kāmārī||
ehi bidhi saṃbhu suranha samujhāvā| puni āgeṃ bara basaha calāvā||
devanha dekhe dasarathu jātā| mahāmoda mana pulakita gātā||
sādhu samāja saṃga mahidevā| janu tanu dhareṃ karahiṃ sukha sevā||
sohata sātha subhaga suta cārī| janu apabaraga sakala tanudhārī||
marakata kanaka barana bara jorī| dekhi suranha bhai prīti na thorī||
puni rāmahi biloki hiyam̐ haraṣe| nṛpahi sarāhi sumana tinha baraṣe||दोहा 315राम रूपु नख सिख सुभग बारहिं बार निहारि।
पुलक गात लोचन सजल उमा समेत पुरारि॥315॥rāma rūpu nakha sikha subhaga bārahiṃ bāra nihāri|
pulaka gāta locana sajala umā sameta purāri||315|| -
दोहा 316#
केकि कंठ दुति स्यामल अंगा। तड़ित बिनिंदक बसन सुरंगा॥
ब्याह बिभूषन बिबिध बनाए। मंगल सब सब भाँति सुहाए॥
सरद बिमल बिधु बदनु सुहावन। नयन नवल राजीव लजावन॥
सकल अलौकिक सुंदरताई। कहि न जाइ मनहीं मन भाई॥
बंधु मनोहर सोहहिं संगा। जात नचावत चपल तुरंगा॥
राजकुअँर बर बाजि देखावहिं। बंस प्रसंसक बिरिद सुनावहिं॥
जेहि तुरंग पर रामु बिराजे। गति बिलोकि खगनायकु लाजे॥
कहि न जाइ सब भाँति सुहावा। बाजि बेषु जनु काम बनावा॥keki kaṃṭha duti syāmala aṃgā| taḍita biniṃdaka basana suraṃgā||
byāha bibhūṣana bibidha banāe| maṃgala saba saba bhām̐ti suhāe||
sarada bimala bidhu badanu suhāvana| nayana navala rājīva lajāvana||
sakala alaukika suṃdaratāī| kahi na jāi manahīṃ mana bhāī||
baṃdhu manohara sohahiṃ saṃgā| jāta nacāvata capala turaṃgā||
rājakuam̐ra bara bāji dekhāvahiṃ| baṃsa prasaṃsaka birida sunāvahiṃ||
jehi turaṃga para rāmu birāje| gati biloki khaganāyaku lāje||
kahi na jāi saba bhām̐ti suhāvā| bāji beṣu janu kāma banāvā||छंदजनु बाजि बेषु बनाइ मनसिजु राम हित अति सोहई।
आपनें बय बल रूप गुन गति सकल भुवन बिमोहई॥
जगमगत जीनु जराव जोति सुमोति मनि मानिक लगे।
किंकिनि ललाम लगामु ललित बिलोकि सुर नर मुनि ठगे॥janu bāji beṣu banāi manasiju rāma hita ati sohaī|
āpaneṃ baya bala rūpa guna gati sakala bhuvana bimohaī||
jagamagata jīnu jarāva joti sumoti mani mānika lage|
kiṃkini lalāma lagāmu lalita biloki sura nara muni ṭhage||दोहा 316प्रभु मनसहिं लयलीन मनु चलत बाजि छबि पाव।
भूषित उड़गन तड़ित घनु जनु बर बरहि नचाव॥316॥prabhu manasahiṃ layalīna manu calata bāji chabi pāva|
bhūṣita uḍagana taḍita ghanu janu bara barahi nacāva||316|| -
दोहा 317#
जेहिं बर बाजि रामु असवारा। तेहि सारदउ न बरनै पारा॥
संकरु राम रूप अनुरागे। नयन पंचदस अति प्रिय लागे॥
हरि हित सहित रामु जब जोहे। रमा समेत रमापति मोहे॥
निरखि राम छबि बिधि हरषाने। आठइ नयन जानि पछिताने॥
सुर सेनप उर बहुत उछाहू। बिधि ते डेवढ़ लोचन लाहू॥
रामहि चितव सुरेस सुजाना। गौतम श्रापु परम हित माना॥
देव सकल सुरपतिहि सिहाहीं। आजु पुरंदर सम कोउ नाहीं॥
मुदित देवगन रामहि देखी। नृपसमाज दुहुँ हरषु बिसेषी॥jehiṃ bara bāji rāmu asavārā| tehi sāradau na baranai pārā||
saṃkaru rāma rūpa anurāge| nayana paṃcadasa ati priya lāge||
hari hita sahita rāmu jaba johe| ramā sameta ramāpati mohe||
nirakhi rāma chabi bidhi haraṣāne| āṭhai nayana jāni pachitāne||
sura senapa ura bahuta uchāhū| bidhi te ḍevaḍha locana lāhū||
rāmahi citava suresa sujānā| gautama śrāpu parama hita mānā||
deva sakala surapatihi sihāhīṃ| āju puraṃdara sama kou nāhīṃ||
mudita devagana rāmahi dekhī| nṛpasamāja duhum̐ haraṣu biseṣī||छंदअति हरषु राजसमाज दुहु दिसि दुंदुभीं बाजहिं घनी।
बरषहिं सुमन सुर हरषि कहि जय जयति जय रघुकुलमनी॥
एहि भाँति जानि बरात आवत बाजने बहु बाजहीं।
रानी सुआसिनि बोलि परिछनि हेतु मंगल साजहीं॥ati haraṣu rājasamāja duhu disi duṃdubhīṃ bājahiṃ ghanī|
baraṣahiṃ sumana sura haraṣi kahi jaya jayati jaya raghukulamanī||
ehi bhām̐ti jāni barāta āvata bājane bahu bājahīṃ|
rānī suāsini boli parichani hetu maṃgala sājahīṃ||दोहा 317सजि आरती अनेक बिधि मंगल सकल सँवारि।
चलीं मुदित परिछनि करन गजगामिनि बर नारि॥317॥saji āratī aneka bidhi maṃgala sakala sam̐vāri|
calīṃ mudita parichani karana gajagāmini bara nāri||317|| -
दोहा 318#
बिधुबदनीं सब सब मृगलोचनि। सब निज तन छबि रति मदु मोचनि॥
पहिरें बरन बरन बर चीरा। सकल बिभूषन सजें सरीरा॥
सकल सुमंगल अंग बनाएँ। करहिं गान कलकंठि लजाएँ॥
कंकन किंकिनि नूपुर बाजहिं। चालि बिलोकि काम गज लाजहिं॥
बाजहिं बाजने बिबिध प्रकारा। नभ अरु नगर सुमंगलचारा॥
सची सारदा रमा भवानी। जे सुरतिय सुचि सहज सयानी॥
कपट नारि बर बेष बनाई। मिली सकल रनिवासहिं जाई॥
करहिं गान कल मंगल बानीं। हरष बिबस सब काहुँ न जानी॥bidhubadanīṃ saba saba mṛgalocani| saba nija tana chabi rati madu mocani||
pahireṃ barana barana bara cīrā| sakala bibhūṣana sajeṃ sarīrā||
sakala sumaṃgala aṃga banāem̐| karahiṃ gāna kalakaṃṭhi lajāem̐||
kaṃkana kiṃkini nūpura bājahiṃ| cāli biloki kāma gaja lājahiṃ||
bājahiṃ bājane bibidha prakārā| nabha aru nagara sumaṃgalacārā||
sacī sāradā ramā bhavānī| je suratiya suci sahaja sayānī||
kapaṭa nāri bara beṣa banāī| milī sakala ranivāsahiṃ jāī||
karahiṃ gāna kala maṃgala bānīṃ| haraṣa bibasa saba kāhum̐ na jānī||छंदको जान केहि आनंद बस सब ब्रह्मु बर परिछन चली।
कल गान मधुर निसान बरषहिं सुमन सुर सोभा भली॥
आनंदकंदु बिलोकि दूलहु सकल हियँ हरषित भई॥
अंभोज अंबक अंबु उमगि सुअंग पुलकावलि छई॥ko jāna kehi ānaṃda basa saba brahmu bara parichana calī|
kala gāna madhura nisāna baraṣahiṃ sumana sura sobhā bhalī||
ānaṃdakaṃdu biloki dūlahu sakala hiyam̐ haraṣita bhaī||
aṃbhoja aṃbaka aṃbu umagi suaṃga pulakāvali chaī||दोहा 318जो सुख भा सिय मातु मन देखि राम बर बेषु।
सो न सकहिं कहि कलप सत सहस सारदा सेषु॥318॥jo sukha bhā siya mātu mana dekhi rāma bara beṣu|
so na sakahiṃ kahi kalapa sata sahasa sāradā seṣu||318|| -
दोहा 319#
नयन नीरु हटि मंगल जानी। परिछनि करहिं मुदित मन रानी॥
बेद बिहित अरु कुल आचारू। कीन्ह भली बिधि सब ब्यवहारू॥
पंच सबद धुनि मंगल गाना। पट पाँवड़े परहिं बिधि नाना॥
करि आरती अरघु तिन्ह दीन्हा। राम गमनु मंडप तब कीन्हा॥
दसरथु सहित समाज बिराजे। बिभव बिलोकि लोकपति लाजे॥
समयँ समयँ सुर बरषहिं फूला। सांति पढ़हिं महिसुर अनुकूला॥
नभ अरु नगर कोलाहल होई। आपनि पर कछु सुनइ न कोई॥
एहि बिधि रामु मंडपहिं आए। अरघु देइ आसन बैठाए॥nayana nīru haṭi maṃgala jānī| parichani karahiṃ mudita mana rānī||
beda bihita aru kula ācārū| kīnha bhalī bidhi saba byavahārū||
paṃca sabada dhuni maṃgala gānā| paṭa pām̐vaḍe parahiṃ bidhi nānā||
kari āratī araghu tinha dīnhā| rāma gamanu maṃḍapa taba kīnhā||
dasarathu sahita samāja birāje| bibhava biloki lokapati lāje||
samayam̐ samayam̐ sura baraṣahiṃ phūlā| sāṃti paḍhahiṃ mahisura anukūlā||
nabha aru nagara kolāhala hoī| āpani para kachu sunai na koī||
ehi bidhi rāmu maṃḍapahiṃ āe| araghu dei āsana baiṭhāe||छंदबैठारि आसन आरती करि निरखि बरु सुखु पावहीं॥
मनि बसन भूषन भूरि वारहिं नारि मंगल गावहीं॥
ब्रह्मादि सुरबर बिप्र बेष बनाइ कौतुक देखहीं।
अवलोकि रघुकुल कमल रबि छबि सुफल जीवन लेखहीं॥baiṭhāri āsana āratī kari nirakhi baru sukhu pāvahīṃ||
mani basana bhūṣana bhūri vārahiṃ nāri maṃgala gāvahīṃ||
brahmādi surabara bipra beṣa banāi kautuka dekhahīṃ|
avaloki raghukula kamala rabi chabi suphala jīvana lekhahīṃ||दोहा 319नाऊ बारी भाट नट राम निछावरि पाइ।
मुदित असीसहिं नाइ सिर हरषु न हृदयँ समाइ॥319॥nāū bārī bhāṭa naṭa rāma nichāvari pāi|
mudita asīsahiṃ nāi sira haraṣu na hṛdayam̐ samāi||319|| -
दोहा 320#
मिले जनकु दसरथु अति प्रीतीं। करि बैदिक लौकिक सब रीतीं॥
मिलत महा दोउ राज बिराजे। उपमा खोजि खोजि कबि लाजे॥
लही न कतहुँ हारि हियँ मानी। इन्ह सम एइ उपमा उर आनी॥
सामध देखि देव अनुरागे। सुमन बरषि जसु गावन लागे॥
जगु बिरंचि उपजावा जब तें। देखे सुने ब्याह बहु तब तें॥
सकल भाँति सम साजु समाजू। सम समधी देखे हम आजू॥
देव गिरा सुनि सुंदर साँची। प्रीति अलौकिक दुहु दिसि माची॥
देत पाँवड़े अरघु सुहाए। सादर जनकु मंडपहिं ल्याए॥mile janaku dasarathu ati prītīṃ| kari baidika laukika saba rītīṃ||
milata mahā dou rāja birāje| upamā khoji khoji kabi lāje||
lahī na katahum̐ hāri hiyam̐ mānī| inha sama ei upamā ura ānī||
sāmadha dekhi deva anurāge| sumana baraṣi jasu gāvana lāge||
jagu biraṃci upajāvā jaba teṃ| dekhe sune byāha bahu taba teṃ||
sakala bhām̐ti sama sāju samājū| sama samadhī dekhe hama ājū||
deva girā suni suṃdara sām̐cī| prīti alaukika duhu disi mācī||
deta pām̐vaḍe araghu suhāe| sādara janaku maṃḍapahiṃ lyāe||छंदमंडपु बिलोकि बिचित्र रचनाँ रुचिरताँ मुनि मन हरे॥
निज पानि जनक सुजान सब कहुँ आनि सिंघासन धरे॥
कुल इष्ट सरिस बसिष्ट पूजे बिनय करि आसिष लही।
कौसिकहि पूजत परम प्रीति कि रीति तौ न परै कही॥maṃḍapu biloki bicitra racanām̐ ruciratām̐ muni mana hare||
nija pāni janaka sujāna saba kahum̐ āni siṃghāsana dhare||
kula iṣṭa sarisa basiṣṭa pūje binaya kari āsiṣa lahī|
kausikahi pūjata parama prīti ki rīti tau na parai kahī||दोहा 320बामदेव आदिक रिषय पूजे मुदित महीस।
दिए दिब्य आसन सबहि सब सन लही असीस॥320॥bāmadeva ādika riṣaya pūje mudita mahīsa|
die dibya āsana sabahi saba sana lahī asīsa||320|| -
दोहा 321#
बहुरि कीन्ह कोसलपति पूजा। जानि ईस सम भाउ न दूजा॥
कीन्ह जोरि कर बिनय बड़ाई। कहि निज भाग्य बिभव बहुताई॥
पूजे भूपति सकल बराती। समधी सम सादर सब भाँती॥
आसन उचित दिए सब काहू। कहौं काह मुख एक उछाहू॥
सकल बरात जनक सनमानी। दान मान बिनती बर बानी॥
बिधि हरि हरु दिसिपति दिनराऊ। जे जानहिं रघुबीर प्रभाऊ॥
कपट बिप्र बर बेष बनाएँ। कौतुक देखहिं अति सचु पाएँ॥
पूजे जनक देव सम जानें। दिए सुआसन बिनु पहिचानें॥bahuri kīnha kosalapati pūjā| jāni īsa sama bhāu na dūjā||
kīnha jori kara binaya baḍāī| kahi nija bhāgya bibhava bahutāī||
pūje bhūpati sakala barātī| samadhī sama sādara saba bhām̐tī||
āsana ucita die saba kāhū| kahauṃ kāha mukha eka uchāhū||
sakala barāta janaka sanamānī| dāna māna binatī bara bānī||
bidhi hari haru disipati dinarāū| je jānahiṃ raghubīra prabhāū||
kapaṭa bipra bara beṣa banāem̐| kautuka dekhahiṃ ati sacu pāem̐||
pūje janaka deva sama jāneṃ| die suāsana binu pahicāneṃ||छंदपहिचान को केहि जान सबहि अपान सुधि भोरी भई।
आनंद कंदु बिलोकि दूलहु उभय दिसि आनँद मई॥
सुर लखे राम सुजान पूजे मानसिक आसन दए।
अवलोकि सीलु सुभाउ प्रभु को बिबुध मन प्रमुदित भए॥pahicāna ko kehi jāna sabahi apāna sudhi bhorī bhaī|
ānaṃda kaṃdu biloki dūlahu ubhaya disi ānam̐da maī||
sura lakhe rāma sujāna pūje mānasika āsana dae|
avaloki sīlu subhāu prabhu ko bibudha mana pramudita bhae||दोहा 321रामचंद्र मुख चंद्र छबि लोचन चारु चकोर।
करत पान सादर सकल प्रेमु प्रमोदु न थोर॥321॥rāmacaṃdra mukha caṃdra chabi locana cāru cakora|
karata pāna sādara sakala premu pramodu na thora||321|| -
दोहा 322#
समउ बिलोकि बसिष्ठ बोलाए। सादर सतानंदु सुनि आए॥
बेगि कुअँरि अब आनहु जाई। चले मुदित मुनि आयसु पाई॥
रानी सुनि उपरोहित बानी। प्रमुदित सखिन्ह समेत सयानी॥
बिप्र बधू कुलबृद्ध बोलाईं। करि कुल रीति सुमंगल गाईं॥
नारि बेष जे सुर बर बामा। सकल सुभायँ सुंदरी स्यामा॥
तिन्हहि देखि सुखु पावहिं नारी। बिनु पहिचानि प्रानहु ते प्यारीं॥
बार बार सनमानहिं रानी। उमा रमा सारद सम जानी॥
सीय सँवारि समाजु बनाई। मुदित मंडपहिं चलीं लवाई॥samau biloki basiṣṭha bolāe| sādara satānaṃdu suni āe||
begi kuam̐ri aba ānahu jāī| cale mudita muni āyasu pāī||
rānī suni uparohita bānī| pramudita sakhinha sameta sayānī||
bipra badhū kulabṛddha bolāīṃ| kari kula rīti sumaṃgala gāīṃ||
nāri beṣa je sura bara bāmā| sakala subhāyam̐ suṃdarī syāmā||
tinhahi dekhi sukhu pāvahiṃ nārī| binu pahicāni prānahu te pyārīṃ||
bāra bāra sanamānahiṃ rānī| umā ramā sārada sama jānī||
sīya sam̐vāri samāju banāī| mudita maṃḍapahiṃ calīṃ lavāī||छंदचलि ल्याइ सीतहि सखीं सादर सजि सुमंगल भामिनीं।
नवसप्त साजें सुंदरी सब मत्त कुंजर गामिनीं॥
कल गान सुनि मुनि ध्यान त्यागहिं काम कोकिल लाजहीं।
मंजीर नूपुर कलित कंकन ताल गति बर बाजहीं॥cali lyāi sītahi sakhīṃ sādara saji sumaṃgala bhāminīṃ|
navasapta sājeṃ suṃdarī saba matta kuṃjara gāminīṃ||
kala gāna suni muni dhyāna tyāgahiṃ kāma kokila lājahīṃ|
maṃjīra nūpura kalita kaṃkana tāla gati bara bājahīṃ||दोहा 322सोहति बनिता बृंद महुँ सहज सुहावनि सीय।
छबि ललना गन मध्य जनु सुषमा तिय कमनीय॥322॥sohati banitā bṛṃda mahum̐ sahaja suhāvani sīya|
chabi lalanā gana madhya janu suṣamā tiya kamanīya||322|| -
दोहा 323#
सिय सुंदरता बरनि न जाई। लघु मति बहुत मनोहरताई॥
आवत दीखि बरातिन्ह सीता॥रूप रासि सब भाँति पुनीता॥
सबहि मनहिं मन किए प्रनामा। देखि राम भए पूरनकामा॥
हरषे दसरथ सुतन्ह समेता। कहि न जाइ उर आनँदु जेता॥
सुर प्रनामु करि बरिसहिं फूला। मुनि असीस धुनि मंगल मूला॥
गान निसान कोलाहलु भारी। प्रेम प्रमोद मगन नर नारी॥
एहि बिधि सीय मंडपहिं आई। प्रमुदित सांति पढ़हिं मुनिराई॥
तेहि अवसर कर बिधि ब्यवहारू। दुहुँ कुलगुर सब कीन्ह अचारू॥siya suṃdaratā barani na jāī| laghu mati bahuta manoharatāī||
āvata dīkhi barātinha sītā||rūpa rāsi saba bhām̐ti punītā||
sabahi manahiṃ mana kie pranāmā| dekhi rāma bhae pūranakāmā||
haraṣe dasaratha sutanha sametā| kahi na jāi ura ānam̐du jetā||
sura pranāmu kari barisahiṃ phūlā| muni asīsa dhuni maṃgala mūlā||
gāna nisāna kolāhalu bhārī| prema pramoda magana nara nārī||
ehi bidhi sīya maṃḍapahiṃ āī| pramudita sāṃti paḍhahiṃ munirāī||
tehi avasara kara bidhi byavahārū| duhum̐ kulagura saba kīnha acārū||छंदआचारु करि गुर गौरि गनपति मुदित बिप्र पुजावहीं।
सुर प्रगटि पूजा लेहिं देहिं असीस अति सुखु पावहीं॥
मधुपर्क मंगल द्रब्य जो जेहि समय मुनि मन महुँ चहैं।
भरे कनक कोपर कलस सो सब लिएहिं परिचारक रहैं॥1॥ācāru kari gura gauri ganapati mudita bipra pujāvahīṃ|
sura pragaṭi pūjā lehiṃ dehiṃ asīsa ati sukhu pāvahīṃ||
madhuparka maṃgala drabya jo jehi samaya muni mana mahum̐ cahaiṃ|
bhare kanaka kopara kalasa so saba liehiṃ paricāraka rahaiṃ||1||छंदकुल रीति प्रीति समेत रबि कहि देत सबु सादर कियो।
एहि भाँति देव पुजाइ सीतहि सुभग सिंघासनु दियो॥
सिय राम अवलोकनि परसपर प्रेम काहुँ न लखि परै॥
मन बुद्धि बर बानी अगोचर प्रगट कबि कैसें करै॥2॥kula rīti prīti sameta rabi kahi deta sabu sādara kiyo|
ehi bhām̐ti deva pujāi sītahi subhaga siṃghāsanu diyo||
siya rāma avalokani parasapara prema kāhum̐ na lakhi parai||
mana buddhi bara bānī agocara pragaṭa kabi kaiseṃ karai||2||दोहा 323होम समय तनु धरि अनलु अति सुख आहुति लेहिं।
बिप्र बेष धरि बेद सब कहि बिबाह बिधि देहिं॥323॥homa samaya tanu dhari analu ati sukha āhuti lehiṃ|
bipra beṣa dhari beda saba kahi bibāha bidhi dehiṃ||323|| -
दोहा 324#
जनक पाटमहिषी जग जानी। सीय मातु किमि जाइ बखानी॥
सुजसु सुकृत सुख सुंदरताई। सब समेटि बिधि रची बनाई॥
समउ जानि मुनिबरन्ह बोलाई। सुनत सुआसिनि सादर ल्याई॥
जनक बाम दिसि सोह सुनयना। हिमगिरि संग बनी जनु मयना॥
कनक कलस मनि कोपर रूरे। सुचि सुगंध मंगल जल पूरे॥
निज कर मुदित रायँ अरु रानी। धरे राम के आगें आनी॥
पढ़हिं बेद मुनि मंगल बानी। गगन सुमन झरि अवसरु जानी॥
बरु बिलोकि दंपति अनुरागे। पाय पुनीत पखारन लागे॥janaka pāṭamahiṣī jaga jānī| sīya mātu kimi jāi bakhānī||
sujasu sukṛta sukha suṃdaratāī| saba sameṭi bidhi racī banāī||
samau jāni munibaranha bolāī| sunata suāsini sādara lyāī||
janaka bāma disi soha sunayanā| himagiri saṃga banī janu mayanā||
kanaka kalasa mani kopara rūre| suci sugaṃdha maṃgala jala pūre||
nija kara mudita rāyam̐ aru rānī| dhare rāma ke āgeṃ ānī||
paḍhahiṃ beda muni maṃgala bānī| gagana sumana jhari avasaru jānī||
baru biloki daṃpati anurāge| pāya punīta pakhārana lāge||छंदलागे पखारन पाय पंकज प्रेम तन पुलकावली।
नभ नगर गान निसान जय धुनि उमगि जनु चहुँ दिसि चली॥
जे पद सरोज मनोज अरि उर सर सदैव बिराजहीं।
जे सुकृत सुमिरत बिमलता मन सकल कलि मल भाजहीं॥1॥lāge pakhārana pāya paṃkaja prema tana pulakāvalī|
nabha nagara gāna nisāna jaya dhuni umagi janu cahum̐ disi calī||
je pada saroja manoja ari ura sara sadaiva birājahīṃ|
je sukṛta sumirata bimalatā mana sakala kali mala bhājahīṃ||1||छंदजे परसि मुनिबनिता लही गति रही जो पातकमई।
मकरंदु जिन्ह को संभु सिर सुचिता अवधि सुर बरनई॥
करि मधुप मन मुनि जोगिजन जे सेइ अभिमत गति लहैं।
ते पद पखारत भाग्यभाजनु जनकु जय जय सब कहै॥2॥je parasi munibanitā lahī gati rahī jo pātakamaī|
makaraṃdu jinha ko saṃbhu sira sucitā avadhi sura baranaī||
kari madhupa mana muni jogijana je sei abhimata gati lahaiṃ|
te pada pakhārata bhāgyabhājanu janaku jaya jaya saba kahai||2||छंदबर कुअँरि करतल जोरि साखोचारु दोउ कुलगुर करैं।
भयो पानिगहनु बिलोकि बिधि सुर मनुज मुनि आनँद भरैं॥
सुखमूल दूलहु देखि दंपति पुलक तन हुलस्यो हियो।
करि लोक बेद बिधानु कन्यादानु नृपभूषन कियो॥3॥bara kuam̐ri karatala jori sākhocāru dou kulagura karaiṃ|
bhayo pānigahanu biloki bidhi sura manuja muni ānam̐da bharaiṃ||
sukhamūla dūlahu dekhi daṃpati pulaka tana hulasyo hiyo|
kari loka beda bidhānu kanyādānu nṛpabhūṣana kiyo||3||छंदहिमवंत जिमि गिरिजा महेसहि हरिहि श्री सागर दई।
तिमि जनक रामहि सिय समरपी बिस्व कल कीरति नई॥
क्यों करै बिनय बिदेहु कियो बिदेहु मूरति सावँरी।
करि होम बिधिवत गाँठि जोरी होन लागी भावँरीं॥4॥himavaṃta jimi girijā mahesahi harihi śrī sāgara daī|
timi janaka rāmahi siya samarapī bisva kala kīrati naī||
kyoṃ karai binaya bidehu kiyo bidehu mūrati sāvam̐rī|
kari homa bidhivata gām̐ṭhi jorī hona lāgī bhāvam̐rīṃ||4||दोहा 324जय धुनि बंदी बेद धुनि मंगल गान निसान।
सुनि हरषहिं बरषहिं बिबुध सुरतरु सुमन सुजान॥324॥jaya dhuni baṃdī beda dhuni maṃgala gāna nisāna|
suni haraṣahiṃ baraṣahiṃ bibudha surataru sumana sujāna||324|| -
दोहा 325#
कुअँरु कुअँरि कल भावँरि देहीं॥नयन लाभु सब सादर लेहीं॥
जाइ न बरनि मनोहर जोरी। जो उपमा कछु कहौं सो थोरी॥
राम सीय सुंदर प्रतिछाहीं। जगमगात मनि खंभन माहीं ।
मनहुँ मदन रति धरि बहु रूपा। देखत राम बिआहु अनूपा॥
दरस लालसा सकुच न थोरी। प्रगटत दुरत बहोरि बहोरी॥
भए मगन सब देखनिहारे। जनक समान अपान बिसारे॥
प्रमुदित मुनिन्ह भावँरीं फेरी। नेगसहित सब रीति निबेरीं॥
राम सीय सिर सेंदुर देहीं। सोभा कहि न जाति बिधि केहीं॥
अरुन पराग जलजु भरि नीकें। ससिहि भूष अहि लोभ अमी कें॥
बहुरि बसिष्ठ दीन्ह अनुसासन। बरु दुलहिनि बैठे एक आसन॥kuam̐ru kuam̐ri kala bhāvam̐ri dehīṃ||nayana lābhu saba sādara lehīṃ||
jāi na barani manohara jorī| jo upamā kachu kahauṃ so thorī||
rāma sīya suṃdara pratichāhīṃ| jagamagāta mani khaṃbhana māhīṃ |
manahum̐ madana rati dhari bahu rūpā| dekhata rāma biāhu anūpā||
darasa lālasā sakuca na thorī| pragaṭata durata bahori bahorī||
bhae magana saba dekhanihāre| janaka samāna apāna bisāre||
pramudita muninha bhāvam̐rīṃ pherī| negasahita saba rīti niberīṃ||
rāma sīya sira seṃdura dehīṃ| sobhā kahi na jāti bidhi kehīṃ||
aruna parāga jalaju bhari nīkeṃ| sasihi bhūṣa ahi lobha amī keṃ||
bahuri basiṣṭha dīnha anusāsana| baru dulahini baiṭhe eka āsana||छंदबैठे बरासन रामु जानकि मुदित मन दसरथु भए।
तनु पुलक पुनि पुनि देखि अपनें सुकृत सुरतरु फल नए॥
भरि भुवन रहा उछाहु राम बिबाहु भा सबहीं कहा।
केहि भाँति बरनि सिरात रसना एक यहु मंगलु महा॥1॥baiṭhe barāsana rāmu jānaki mudita mana dasarathu bhae|
tanu pulaka puni puni dekhi apaneṃ sukṛta surataru phala nae||
bhari bhuvana rahā uchāhu rāma bibāhu bhā sabahīṃ kahā|
kehi bhām̐ti barani sirāta rasanā eka yahu maṃgalu mahā||1||छंदतब जनक पाइ बसिष्ठ आयसु ब्याह साज सँवारि कै।
माँडवी श्रुतकीरति उरमिला कुअँरि लईं हँकारि के॥
कुसकेतु कन्या प्रथम जो गुन सील सुख सोभामई।
सब रीति प्रीति समेत करि सो ब्याहि नृप भरतहि दई॥2॥taba janaka pāi basiṣṭha āyasu byāha sāja sam̐vāri kai|
mām̐ḍavī śrutakīrati uramilā kuam̐ri laīṃ ham̐kāri ke||
kusaketu kanyā prathama jo guna sīla sukha sobhāmaī|
saba rīti prīti sameta kari so byāhi nṛpa bharatahi daī||2||छंदजानकी लघु भगिनी सकल सुंदरि सिरोमनि जानि कै।
सो तनय दीन्ही ब्याहि लखनहि सकल बिधि सनमानि कै॥
जेहि नामु श्रुतकीरति सुलोचनि सुमुखि सब गुन आगरी।
सो दई रिपुसूदनहि भूपति रूप सील उजागरी॥3॥jānakī laghu bhaginī sakala suṃdari siromani jāni kai|
so tanaya dīnhī byāhi lakhanahi sakala bidhi sanamāni kai||
jehi nāmu śrutakīrati sulocani sumukhi saba guna āgarī|
so daī ripusūdanahi bhūpati rūpa sīla ujāgarī||3||छंदअनुरूप बर दुलहिनि परस्पर लखि सकुच हियँ हरषहीं।
सब मुदित सुंदरता सराहहिं सुमन सुर गन बरषहीं॥
सुंदरी सुंदर बरन्ह सह सब एक मंडप राजहीं।
जनु जीव उर चारिउ अवस्था बिमुन सहित बिराजहीं॥4॥anurūpa bara dulahini paraspara lakhi sakuca hiyam̐ haraṣahīṃ|
saba mudita suṃdaratā sarāhahiṃ sumana sura gana baraṣahīṃ||
suṃdarī suṃdara baranha saha saba eka maṃḍapa rājahīṃ|
janu jīva ura cāriu avasthā bimuna sahita birājahīṃ||4||दोहा 325मुदित अवधपति सकल सुत बधुन्ह समेत निहारि।
जनु पाए महिपाल मनि क्रियन्ह सहित फल चारि॥325॥mudita avadhapati sakala suta badhunha sameta nihāri|
janu pāe mahipāla mani kriyanha sahita phala cāri||325|| -
दोहा 326#
जसि रघुबीर ब्याह बिधि बरनी। सकल कुअँर ब्याहे तेहिं करनी॥
कहि न जाइ कछु दाइज भूरी। रहा कनक मनि मंडपु पूरी॥
कंबल बसन बिचित्र पटोरे। भाँति भाँति बहु मोल न थोरे॥
गज रथ तुरग दास अरु दासी। धेनु अलंकृत कामदुहा सी॥
बस्तु अनेक करिअ किमि लेखा। कहि न जाइ जानहिं जिन्ह देखा॥
लोकपाल अवलोकि सिहाने। लीन्ह अवधपति सबु सुखु माने॥
दीन्ह जाचकन्हि जो जेहि भावा। उबरा सो जनवासेहिं आवा॥
तब कर जोरि जनकु मृदु बानी। बोले सब बरात सनमानी॥jasi raghubīra byāha bidhi baranī| sakala kuam̐ra byāhe tehiṃ karanī||
kahi na jāi kachu dāija bhūrī| rahā kanaka mani maṃḍapu pūrī||
kaṃbala basana bicitra paṭore| bhām̐ti bhām̐ti bahu mola na thore||
gaja ratha turaga dāsa aru dāsī| dhenu alaṃkṛta kāmaduhā sī||
bastu aneka karia kimi lekhā| kahi na jāi jānahiṃ jinha dekhā||
lokapāla avaloki sihāne| līnha avadhapati sabu sukhu māne||
dīnha jācakanhi jo jehi bhāvā| ubarā so janavāsehiṃ āvā||
taba kara jori janaku mṛdu bānī| bole saba barāta sanamānī||छंदसनमानि सकल बरात आदर दान बिनय बड़ाइ कै।
प्रमुदित महा मुनि बृंद बंदे पूजि प्रेम लड़ाइ कै॥
सिरु नाइ देव मनाइ सब सन कहत कर संपुट किएँ।
सुर साधु चाहत भाउ सिंधु कि तोष जल अंजलि दिएँ॥1॥sanamāni sakala barāta ādara dāna binaya baḍāi kai|
pramudita mahā muni bṛṃda baṃde pūji prema laḍāi kai||
siru nāi deva manāi saba sana kahata kara saṃpuṭa kiem̐|
sura sādhu cāhata bhāu siṃdhu ki toṣa jala aṃjali diem̐||1||छंदकर जोरि जनकु बहोरि बंधु समेत कोसलराय सों।
बोले मनोहर बयन सानि सनेह सील सुभाय सों॥
संबंध राजन रावरें हम बड़े अब सब बिधि भए।
एहि राज साज समेत सेवक जानिबे बिनु गथ लए॥2॥kara jori janaku bahori baṃdhu sameta kosalarāya soṃ|
bole manohara bayana sāni saneha sīla subhāya soṃ||
saṃbaṃdha rājana rāvareṃ hama baḍe aba saba bidhi bhae|
ehi rāja sāja sameta sevaka jānibe binu gatha lae||2||छंदए दारिका परिचारिका करि पालिबीं करुना नई।
अपराधु छमिबो बोलि पठए बहुत हौं ढीट्यो कई॥
पुनि भानुकुलभूषन सकल सनमान निधि समधी किए।
कहि जाति नहिं बिनती परस्पर प्रेम परिपूरन हिए॥3॥e dārikā paricārikā kari pālibīṃ karunā naī|
aparādhu chamibo boli paṭhae bahuta hauṃ ḍhīṭyo kaī||
puni bhānukulabhūṣana sakala sanamāna nidhi samadhī kie|
kahi jāti nahiṃ binatī paraspara prema paripūrana hie||3||छंदबृंदारका गन सुमन बरिसहिं राउ जनवासेहि चले।
दुंदुभी जय धुनि बेद धुनि नभ नगर कौतूहल भले॥
तब सखीं मंगल गान करत मुनीस आयसु पाइ कै।
दूलह दुलहिनिन्ह सहित सुंदरि चलीं कोहबर ल्याइ कै॥4॥bṛṃdārakā gana sumana barisahiṃ rāu janavāsehi cale|
duṃdubhī jaya dhuni beda dhuni nabha nagara kautūhala bhale||
taba sakhīṃ maṃgala gāna karata munīsa āyasu pāi kai|
dūlaha dulahininha sahita suṃdari calīṃ kohabara lyāi kai||4||दोहा 326पुनि पुनि रामहि चितव सिय सकुचति मनु सकुचै न।
हरत मनोहर मीन छबि प्रेम पिआसे नैन॥326॥puni puni rāmahi citava siya sakucati manu sakucai na|
harata manohara mīna chabi prema piāse naina||326|| -
मासपारायण, ग्यारहवाँ विश्रामDay 11 of the 30-day Masparayan ends here
🙏
Completed Bal Kand — Part 11?
Mark Masparayan day 11 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.