Bal Kand — Part 3 — text
-
दोहा 56#
सतीं समुझि रघुबीर प्रभाऊ। भय बस सिव सन कीन्ह दुराऊ॥
कछु न परीछा लीन्हि गोसाईं। कीन्ह प्रनामु तुम्हारिहि नाईं॥
जो तुम्ह कहा सो मृषा न होई। मोरें मन प्रतीति अति सोई॥
तब संकर देखेउ धरि ध्याना। सतीं जो कीन्ह चरित सबु जाना॥
बहुरि राममायहि सिरु नावा। प्रेरि सतिहि जेहिं झूँठ कहावा॥
हरि इच्छा भावी बलवाना। हृदयँ बिचारत संभु सुजाना॥
सतीं कीन्ह सीता कर बेषा। सिव उर भयउ बिषाद बिसेषा॥
जौं अब करउँ सती सन प्रीती। मिटइ भगति पथु होइ अनीती॥satīṃ samujhi raghubīra prabhāū| bhaya basa siva sana kīnha durāū||
kachu na parīchā līnhi gosāīṃ| kīnha pranāmu tumhārihi nāīṃ||
jo tumha kahā so mṛṣā na hoī| moreṃ mana pratīti ati soī||
taba saṃkara dekheu dhari dhyānā| satīṃ jo kīnha carita sabu jānā||
bahuri rāmamāyahi siru nāvā| preri satihi jehiṃ jhūm̐ṭha kahāvā||
hari icchā bhāvī balavānā| hṛdayam̐ bicārata saṃbhu sujānā||
satīṃ kīnha sītā kara beṣā| siva ura bhayau biṣāda biseṣā||
jauṃ aba karaum̐ satī sana prītī| miṭai bhagati pathu hoi anītī||दोहा 56परम पुनीत न जाइ तजि किएँ प्रेम बड़ पापु।
प्रगटि न कहत महेसु कछु हृदयँ अधिक संतापु॥५६॥parama punīta na jāi taji kiem̐ prema baḍa pāpu|
pragaṭi na kahata mahesu kachu hṛdayam̐ adhika saṃtāpu||56|| -
दोहा 57#
तब संकर प्रभु पद सिरु नावा। सुमिरत रामु हृदयँ अस आवा॥
एहिं तन सतिहि भेंट मोहि नाहीं। सिव संकल्पु कीन्ह मन माहीं॥
अस बिचारि संकरु मतिधीरा। चले भवन सुमिरत रघुबीरा॥
चलत गगन भै गिरा सुहाई। जय महेस भलि भगति दृढ़ाई॥
अस पन तुम्ह बिनु करइ को आना। रामभगत समरथ भगवाना॥
सुनि नभगिरा सती उर सोचा। पूछा सिवहि समेत सकोचा॥
कीन्ह कवन पन कहहु कृपाला। सत्यधाम प्रभु दीनदयाला॥
जदपि सतीं पूछा बहु भाँती। तदपि न कहेउ त्रिपुर आराती॥taba saṃkara prabhu pada siru nāvā| sumirata rāmu hṛdayam̐ asa āvā||
ehiṃ tana satihi bheṃṭa mohi nāhīṃ| siva saṃkalpu kīnha mana māhīṃ||
asa bicāri saṃkaru matidhīrā| cale bhavana sumirata raghubīrā||
calata gagana bhai girā suhāī| jaya mahesa bhali bhagati dṛḍhāī||
asa pana tumha binu karai ko ānā| rāmabhagata samaratha bhagavānā||
suni nabhagirā satī ura socā| pūchā sivahi sameta sakocā||
kīnha kavana pana kahahu kṛpālā| satyadhāma prabhu dīnadayālā||
jadapi satīṃ pūchā bahu bhām̐tī| tadapi na kaheu tripura ārātī||दोहा 57(क)सतीं हृदयँ अनुमान किय सबु जानेउ सर्बग्य।
कीन्ह कपटु मैं संभु सन नारि सहज जड़ अग्य॥५७क॥satīṃ hṛdayam̐ anumāna kiya sabu jāneu sarbagya|
kīnha kapaṭu maiṃ saṃbhu sana nāri sahaja jaḍa agya||57ka||सोरठा 57(ख)जलु पय सरिस बिकाइ देखहु प्रीति कि रीति भलि।
बिलग होइ रसु जाइ कपट खटाई परत पुनि॥५७ख॥jalu paya sarisa bikāi dekhahu prīti ki rīti bhali|
bilaga hoi rasu jāi kapaṭa khaṭāī parata puni||57kha|| -
दोहा 58#
हृदयँ सोचु समुझत निज करनी। चिंता अमित जाइ नहिं बरनी॥
कृपासिंधु सिव परम अगाधा। प्रगट न कहेउ मोर अपराधा॥
संकर रुख अवलोकि भवानी। प्रभु मोहि तजेउ हृदयँ अकुलानी॥
निज अघ समुझि न कछु कहि जाई। तपइ अवाँ इव उर अधिकाई॥
सतिहि ससोच जानि बृषकेतू। कहीं कथा सुंदर सुख हेतू॥
बरनत पंथ बिबिध इतिहासा। बिस्वनाथ पहुँचे कैलासा॥
तहँ पुनि संभु समुझि पन आपन। बैठे बट तर करि कमलासन॥
संकर सहज सरुप सम्हारा। लागि समाधि अखंड अपारा॥hṛdayam̐ socu samujhata nija karanī| ciṃtā amita jāi nahiṃ baranī||
kṛpāsiṃdhu siva parama agādhā| pragaṭa na kaheu mora aparādhā||
saṃkara rukha avaloki bhavānī| prabhu mohi tajeu hṛdayam̐ akulānī||
nija agha samujhi na kachu kahi jāī| tapai avām̐ iva ura adhikāī||
satihi sasoca jāni bṛṣaketū| kahīṃ kathā suṃdara sukha hetū||
baranata paṃtha bibidha itihāsā| bisvanātha pahum̐ce kailāsā||
taham̐ puni saṃbhu samujhi pana āpana| baiṭhe baṭa tara kari kamalāsana||
saṃkara sahaja sarupa samhārā| lāgi samādhi akhaṃḍa apārā||दोहा 58सती बसहिं कैलास तब अधिक सोचु मन माहिं।
मरमु न कोऊ जान कछु जुग सम दिवस सिराहिं॥५८॥satī basahiṃ kailāsa taba adhika socu mana māhiṃ|
maramu na koū jāna kachu juga sama divasa sirāhiṃ||58|| -
दोहा 59#
नित नव सोचु सती उर भारा। कब जैहउँ दुख सागर पारा॥
मैं जो कीन्ह रघुपति अपमाना। पुनि पतिबचनु मृषा करि जाना॥
सो फलु मोहि बिधाताँ दीन्हा। जो कछु उचित रहा सोइ कीन्हा॥
अब बिधि अस बूझिअ नहिं तोही। संकर बिमुख जिआवसि मोही॥
कहि न जाइ कछु हृदय गलानी। मन महुँ रामहि सुमिर सयानी॥
जौं प्रभु दीनदयालु कहावा। आरति हरन बेद जसु गावा॥
तौ मैं बिनय करउँ कर जोरी। छूटउ बेगि देह यह मोरी॥
जौं मोरें सिव चरन सनेहू। मन क्रम बचन सत्य ब्रतु एहू॥nita nava socu satī ura bhārā| kaba jaihaum̐ dukha sāgara pārā||
maiṃ jo kīnha raghupati apamānā| puni patibacanu mṛṣā kari jānā||
so phalu mohi bidhātām̐ dīnhā| jo kachu ucita rahā soi kīnhā||
aba bidhi asa būjhia nahiṃ tohī| saṃkara bimukha jiāvasi mohī||
kahi na jāi kachu hṛdaya galānī| mana mahum̐ rāmahi sumira sayānī||
jauṃ prabhu dīnadayālu kahāvā| ārati harana beda jasu gāvā||
tau maiṃ binaya karaum̐ kara jorī| chūṭau begi deha yaha morī||
jauṃ moreṃ siva carana sanehū| mana krama bacana satya bratu ehū||दोहा 59तौ सबदरसी सुनिअ प्रभु करउ सो बेगि उपाइ।
होइ मरनु जेहि बिनहिं श्रम दुसह बिपत्ति बिहाइ॥५९॥tau sabadarasī sunia prabhu karau so begi upāi|
hoi maranu jehi binahiṃ śrama dusaha bipatti bihāi||59|| -
दोहा 60#
एहि बिधि दुखित प्रजेसकुमारी। अकथनीय दारुन दुखु भारी॥
बीतें संबत सहस सतासी। तजी समाधि संभु अबिनासी॥
राम नाम सिव सुमिरन लागे। जानेउ सतीं जगतपति जागे॥
जाइ संभु पद बंदनु कीन्हा। सनमुख संकर आसनु दीन्हा॥
लगे कहन हरिकथा रसाला। दच्छ प्रजेस भए तेहि काला॥
देखा बिधि बिचारि सब लायक। दच्छहि कीन्ह प्रजापति नायक॥
बड़ अधिकार दच्छ जब पावा। अति अभिमानु हृदयँ तब आवा॥
नहिं कोउ अस जनमा जग माहीं। प्रभुता पाइ जाहि मद नाहीं॥ehi bidhi dukhita prajesakumārī| akathanīya dāruna dukhu bhārī||
bīteṃ saṃbata sahasa satāsī| tajī samādhi saṃbhu abināsī||
rāma nāma siva sumirana lāge| jāneu satīṃ jagatapati jāge||
jāi saṃbhu pada baṃdanu kīnhā| sanamukha saṃkara āsanu dīnhā||
lage kahana harikathā rasālā| daccha prajesa bhae tehi kālā||
dekhā bidhi bicāri saba lāyaka| dacchahi kīnha prajāpati nāyaka||
baḍa adhikāra daccha jaba pāvā| ati abhimānu hṛdayam̐ taba āvā||
nahiṃ kou asa janamā jaga māhīṃ| prabhutā pāi jāhi mada nāhīṃ||दोहा 60दच्छ लिए मुनि बोलि सब करन लगे बड़ जाग।
नेवते सादर सकल सुर जे पावत मख भाग॥६०॥daccha lie muni boli saba karana lage baḍa jāga|
nevate sādara sakala sura je pāvata makha bhāga||60|| -
दोहा 61#
किंनर नाग सिद्ध गंधर्बा। बधुन्ह समेत चले सुर सर्बा॥
बिष्नु बिरंचि महेसु बिहाई। चले सकल सुर जान बनाई॥
सतीं बिलोके ब्योम बिमाना। जात चले सुंदर बिधि नाना॥
सुर सुंदरी करहिं कल गाना। सुनत श्रवन छूटहिं मुनि ध्याना॥
पूछेउ तब सिवँ कहेउ बखानी। पिता जग्य सुनि कछु हरषानी॥
जौं महेसु मोहि आयसु देहीं। कछु दिन जाइ रहौं मिस एहीं॥
पति परित्याग हृदयँ दुखु भारी। कहइ न निज अपराध बिचारी॥
बोली सती मनोहर बानी। भय संकोच प्रेम रस सानी॥kiṃnara nāga siddha gaṃdharbā| badhunha sameta cale sura sarbā||
biṣnu biraṃci mahesu bihāī| cale sakala sura jāna banāī||
satīṃ biloke byoma bimānā| jāta cale suṃdara bidhi nānā||
sura suṃdarī karahiṃ kala gānā| sunata śravana chūṭahiṃ muni dhyānā||
pūcheu taba sivam̐ kaheu bakhānī| pitā jagya suni kachu haraṣānī||
jauṃ mahesu mohi āyasu dehīṃ| kachu dina jāi rahauṃ misa ehīṃ||
pati parityāga hṛdayam̐ dukhu bhārī| kahai na nija aparādha bicārī||
bolī satī manohara bānī| bhaya saṃkoca prema rasa sānī||दोहा 61पिता भवन उत्सव परम जौं प्रभु आयसु होइ।
तौ मैं जाउँ कृपायतन सादर देखन सोइ॥६१॥pitā bhavana utsava parama jauṃ prabhu āyasu hoi|
tau maiṃ jāum̐ kṛpāyatana sādara dekhana soi||61|| -
दोहा 62#
कहेहु नीक मोरेहुँ मन भावा। यह अनुचित नहिं नेवत पठावा॥
दच्छ सकल निज सुता बोलाईं। हमरें बयर तुम्हउ बिसराईं॥
ब्रह्मसभाँ हम सन दुखु माना। तेहि तें अजहुँ करहिं अपमाना॥
जौं बिनु बोलें जाहु भवानी। रहइ न सीलु सनेहु न कानी॥
जदपि मित्र प्रभु पितु गुर गेहा। जाइअ बिनु बोलेहुँ न सँदेहा॥
तदपि बिरोध मान जहँ कोई। तहाँ गएँ कल्यानु न होई॥
भाँति अनेक संभु समुझावा। भावी बस न ग्यानु उर आवा॥
कह प्रभु जाहु जो बिनहिं बोलाएँ। नहिं भलि बात हमारे भाएँ॥kahehu nīka morehum̐ mana bhāvā| yaha anucita nahiṃ nevata paṭhāvā||
daccha sakala nija sutā bolāīṃ| hamareṃ bayara tumhau bisarāīṃ||
brahmasabhām̐ hama sana dukhu mānā| tehi teṃ ajahum̐ karahiṃ apamānā||
jauṃ binu boleṃ jāhu bhavānī| rahai na sīlu sanehu na kānī||
jadapi mitra prabhu pitu gura gehā| jāia binu bolehum̐ na sam̐dehā||
tadapi birodha māna jaham̐ koī| tahām̐ gaem̐ kalyānu na hoī||
bhām̐ti aneka saṃbhu samujhāvā| bhāvī basa na gyānu ura āvā||
kaha prabhu jāhu jo binahiṃ bolāem̐| nahiṃ bhali bāta hamāre bhāem̐||दोहा 62कहि देखा हर जतन बहु रहइ न दच्छकुमारि।
दिए मुख्य गन संग तब बिदा कीन्ह त्रिपुरारि॥६२॥kahi dekhā hara jatana bahu rahai na dacchakumāri|
die mukhya gana saṃga taba bidā kīnha tripurāri||62|| -
दोहा 63#
पिता भवन जब गई भवानी। दच्छ त्रास काहुँ न सनमानी॥
सादर भलेहिं मिली एक माता। भगिनीं मिलीं बहुत मुसुकाता॥
दच्छ न कछु पूछी कुसलाता। सतिहि बिलोकि जरे सब गाता॥
सतीं जाइ देखेउ तब जागा। कतहुँ न दीख संभु कर भागा॥
तब चित चढ़ेउ जो संकर कहेऊ। प्रभु अपमानु समुझि उर दहेऊ॥
पाछिल दुखु न हृदयँ अस ब्यापा। जस यह भयउ महा परितापा॥
जद्यपि जग दारुन दुख नाना। सब तें कठिन जाति अवमाना॥
समुझि सो सतिहि भयउ अति क्रोधा। बहु बिधि जननीं कीन्ह प्रबोधा॥pitā bhavana jaba gaī bhavānī| daccha trāsa kāhum̐ na sanamānī||
sādara bhalehiṃ milī eka mātā| bhaginīṃ milīṃ bahuta musukātā||
daccha na kachu pūchī kusalātā| satihi biloki jare saba gātā||
satīṃ jāi dekheu taba jāgā| katahum̐ na dīkha saṃbhu kara bhāgā||
taba cita caḍheu jo saṃkara kaheū| prabhu apamānu samujhi ura daheū||
pāchila dukhu na hṛdayam̐ asa byāpā| jasa yaha bhayau mahā paritāpā||
jadyapi jaga dāruna dukha nānā| saba teṃ kaṭhina jāti avamānā||
samujhi so satihi bhayau ati krodhā| bahu bidhi jananīṃ kīnha prabodhā||दोहा 63सिव अपमानु न जाइ सहि हृदयँ न होइ प्रबोध।
सकल सभहि हठि हटकि तब बोलीं बचन सक्रोध॥६३॥siva apamānu na jāi sahi hṛdayam̐ na hoi prabodha|
sakala sabhahi haṭhi haṭaki taba bolīṃ bacana sakrodha||63|| -
दोहा 64#
सुनहु सभासद सकल मुनिंदा। कही सुनी जिन्ह संकर निंदा॥
सो फलु तुरत लहब सब काहूँ। भली भाँति पछिताब पिताहूँ॥
संत संभु श्रीपति अपबादा। सुनिअ जहाँ तहँ असि मरजादा॥
काटिअ तासु जीभ जो बसाई। श्रवन मूदि न त चलिअ पराई॥
जगदातमा महेसु पुरारी। जगत जनक सब के हितकारी॥
पिता मंदमति निंदत तेही। दच्छ सुक्र संभव यह देही॥
तजिहउँ तुरत देह तेहि हेतू। उर धरि चंद्रमौलि बृषकेतू॥
अस कहि जोग अगिनि तनु जारा। भयउ सकल मख हाहाकारा॥sunahu sabhāsada sakala muniṃdā| kahī sunī jinha saṃkara niṃdā||
so phalu turata lahaba saba kāhūm̐| bhalī bhām̐ti pachitāba pitāhūm̐||
saṃta saṃbhu śrīpati apabādā| sunia jahām̐ taham̐ asi marajādā||
kāṭia tāsu jībha jo basāī| śravana mūdi na ta calia parāī||
jagadātamā mahesu purārī| jagata janaka saba ke hitakārī||
pitā maṃdamati niṃdata tehī| daccha sukra saṃbhava yaha dehī||
tajihaum̐ turata deha tehi hetū| ura dhari caṃdramauli bṛṣaketū||
asa kahi joga agini tanu jārā| bhayau sakala makha hāhākārā||दोहा 64सती मरनु सुनि संभु गन लगे करन मख खीस।
जग्य बिधंस बिलोकि भृगु रच्छा कीन्हि मुनीस॥६४॥satī maranu suni saṃbhu gana lage karana makha khīsa|
jagya bidhaṃsa biloki bhṛgu racchā kīnhi munīsa||64|| -
दोहा 65#
समाचार सब संकर पाए। बीरभद्रु करि कोप पठाए॥
जग्य बिधंस जाइ तिन्ह कीन्हा। सकल सुरन्ह बिधिवत फलु दीन्हा॥
भे जगबिदित दच्छ गति सोई। जसि कछु संभु बिमुख कै होई॥
यह इतिहास सकल जग जानी। ताते मैं संक्षेप बखानी॥
सतीं मरत हरि सन बरु मागा। जनम जनम सिव पद अनुरागा॥
तेहि कारन हिमगिरि गृह जाई। जनमीं पारबती तनु पाई॥
जब तें उमा सैल गृह जाईं। सकल सिद्धि संपति तहँ छाई॥
जहँ तहँ मुनिन्ह सुआश्रम कीन्हे। उचित बास हिम भूधर दीन्हे॥samācāra saba saṃkara pāe| bīrabhadru kari kopa paṭhāe||
jagya bidhaṃsa jāi tinha kīnhā| sakala suranha bidhivata phalu dīnhā||
bhe jagabidita daccha gati soī| jasi kachu saṃbhu bimukha kai hoī||
yaha itihāsa sakala jaga jānī| tāte maiṃ saṃkṣepa bakhānī||
satīṃ marata hari sana baru māgā| janama janama siva pada anurāgā||
tehi kārana himagiri gṛha jāī| janamīṃ pārabatī tanu pāī||
jaba teṃ umā saila gṛha jāīṃ| sakala siddhi saṃpati taham̐ chāī||
jaham̐ taham̐ muninha suāśrama kīnhe| ucita bāsa hima bhūdhara dīnhe||दोहा 65सदा सुमन फल सहित सब द्रुम नव नाना जाति।
प्रगटीं सुंदर सैल पर मनि आकर बहु भाँति॥६५॥sadā sumana phala sahita saba druma nava nānā jāti|
pragaṭīṃ suṃdara saila para mani ākara bahu bhām̐ti||65|| -
दोहा 66#
सरिता सब पुनीत जलु बहहीं। खग मृग मधुप सुखी सब रहहीं॥
सहज बयरु सब जीवन्ह त्यागा। गिरि पर सकल करहिं अनुरागा॥
सोह सैल गिरिजा गृह आएँ। जिमि जनु रामभगति के पाएँ॥
नित नूतन मंगल गृह तासू। ब्रह्मादिक गावहिं जसु जासू॥
नारद समाचार सब पाए। कौतुकहीं गिरि गेह सिधाए॥
सैलराज बड़ आदर कीन्हा। पद पखारि बर आसनु दीन्हा॥
नारि सहित मुनि पद सिरु नावा। चरन सलिल सबु भवनु सिंचावा॥
निज सौभाग्य बहुत गिरि बरना। सुता बोलि मेली मुनि चरना॥saritā saba punīta jalu bahahīṃ| khaga mṛga madhupa sukhī saba rahahīṃ||
sahaja bayaru saba jīvanha tyāgā| giri para sakala karahiṃ anurāgā||
soha saila girijā gṛha āem̐| jimi janu rāmabhagati ke pāem̐||
nita nūtana maṃgala gṛha tāsū| brahmādika gāvahiṃ jasu jāsū||
nārada samācāra saba pāe| kautukahīṃ giri geha sidhāe||
sailarāja baḍa ādara kīnhā| pada pakhāri bara āsanu dīnhā||
nāri sahita muni pada siru nāvā| carana salila sabu bhavanu siṃcāvā||
nija saubhāgya bahuta giri baranā| sutā boli melī muni caranā||दोहा 66त्रिकालग्य सर्बग्य तुम्ह गति सर्बत्र तुम्हारि॥
कहहु सुता के दोष गुन मुनिबर हृदयँ बिचारि॥६६॥trikālagya sarbagya tumha gati sarbatra tumhāri||
kahahu sutā ke doṣa guna munibara hṛdayam̐ bicāri||66|| -
दोहा 67#
कह मुनि बिहसि गूढ़ मृदु बानी। सुता तुम्हारि सकल गुन खानी॥
सुंदर सहज सुसील सयानी। नाम उमा अंबिका भवानी॥
सब लच्छन संपन्न कुमारी। होइहि संतत पियहि पिआरी॥
सदा अचल एहि कर अहिवाता। एहि तें जसु पैहहिं पितु माता॥
होइहि पूज्य सकल जग माहीं। एहि सेवत कछु दुर्लभ नाहीं॥
एहि कर नामु सुमिरि संसारा। त्रिय चढ़हहिँ पतिब्रत असिधारा॥
सैल सुलच्छन सुता तुम्हारी। सुनहु जे अब अवगुन दुइ चारी॥
अगुन अमान मातु पितु हीना। उदासीन सब संसय छीना॥kaha muni bihasi gūḍha mṛdu bānī| sutā tumhāri sakala guna khānī||
suṃdara sahaja susīla sayānī| nāma umā aṃbikā bhavānī||
saba lacchana saṃpanna kumārī| hoihi saṃtata piyahi piārī||
sadā acala ehi kara ahivātā| ehi teṃ jasu paihahiṃ pitu mātā||
hoihi pūjya sakala jaga māhīṃ| ehi sevata kachu durlabha nāhīṃ||
ehi kara nāmu sumiri saṃsārā| triya caḍhahahim̐ patibrata asidhārā||
saila sulacchana sutā tumhārī| sunahu je aba avaguna dui cārī||
aguna amāna mātu pitu hīnā| udāsīna saba saṃsaya chīnā||दोहा 67जोगी जटिल अकाम मन नगन अमंगल बेष॥
अस स्वामी एहि कहँ मिलिहि परी हस्त असि रेख॥६७॥jogī jaṭila akāma mana nagana amaṃgala beṣa||
asa svāmī ehi kaham̐ milihi parī hasta asi rekha||67|| -
दोहा 68#
सुनि मुनि गिरा सत्य जियँ जानी। दुख दंपतिहि उमा हरषानी॥
नारदहुँ यह भेदु न जाना। दसा एक समुझब बिलगाना॥
सकल सखीं गिरिजा गिरि मैना। पुलक सरीर भरे जल नैना॥
होइ न मृषा देवरिषि भाषा। उमा सो बचनु हृदयँ धरि राखा॥
उपजेउ सिव पद कमल सनेहू। मिलन कठिन मन भा संदेहू॥
जानि कुअवसरु प्रीति दुराई। सखी उछँग बैठी पुनि जाई॥
झूठि न होइ देवरिषि बानी। सोचहिं दंपति सखीं सयानी॥
उर धरि धीर कहइ गिरिराऊ। कहहु नाथ का करिअ उपाऊ॥suni muni girā satya jiyam̐ jānī| dukha daṃpatihi umā haraṣānī||
nāradahum̐ yaha bhedu na jānā| dasā eka samujhaba bilagānā||
sakala sakhīṃ girijā giri mainā| pulaka sarīra bhare jala nainā||
hoi na mṛṣā devariṣi bhāṣā| umā so bacanu hṛdayam̐ dhari rākhā||
upajeu siva pada kamala sanehū| milana kaṭhina mana bhā saṃdehū||
jāni kuavasaru prīti durāī| sakhī ucham̐ga baiṭhī puni jāī||
jhūṭhi na hoi devariṣi bānī| socahiṃ daṃpati sakhīṃ sayānī||
ura dhari dhīra kahai girirāū| kahahu nātha kā karia upāū||दोहा 68कह मुनीस हिमवंत सुनु जो बिधि लिखा लिलार।
देव दनुज नर नाग मुनि कोउ न मेटनिहार॥६८॥kaha munīsa himavaṃta sunu jo bidhi likhā lilāra|
deva danuja nara nāga muni kou na meṭanihāra||68|| -
दोहा 69#
तदपि एक मैं कहउँ उपाई। होइ करै जौं दैउ सहाई॥
जस बरु मैं बरनेउँ तुम्ह पाहीं। मिलिहि उमहि तस संसय नाहीं॥
जे जे बर के दोष बखाने। ते सब सिव पहिं मैं अनुमाने॥
जौं बिबाहु संकर सन होई। दोषउ गुन सम कह सबु कोई॥
जौं अहि सेज सयन हरि करहीं। बुध कछु तिन्ह कर दोषु न धरहीं॥
भानु कृसानु सर्ब रस खाहीं। तिन्ह कहँ मंद कहत कोउ नाहीं॥
सुभ अरु असुभ सलिल सब बहई। सुरसरि कोउ अपुनीत न कहई॥
समरथ कहुँ नहिं दोषु गोसाईं। रबि पावक सुरसरि की नाईं॥tadapi eka maiṃ kahaum̐ upāī| hoi karai jauṃ daiu sahāī||
jasa baru maiṃ baraneum̐ tumha pāhīṃ| milihi umahi tasa saṃsaya nāhīṃ||
je je bara ke doṣa bakhāne| te saba siva pahiṃ maiṃ anumāne||
jauṃ bibāhu saṃkara sana hoī| doṣau guna sama kaha sabu koī||
jauṃ ahi seja sayana hari karahīṃ| budha kachu tinha kara doṣu na dharahīṃ||
bhānu kṛsānu sarba rasa khāhīṃ| tinha kaham̐ maṃda kahata kou nāhīṃ||
subha aru asubha salila saba bahaī| surasari kou apunīta na kahaī||
samaratha kahum̐ nahiṃ doṣu gosāīṃ| rabi pāvaka surasari kī nāīṃ||दोहा 69जौं अस हिसिषा करहिं नर जड़ बिबेक अभिमान।
परहिं कलप भरि नरक महुँ जीव कि ईस समान॥६९॥jauṃ asa hisiṣā karahiṃ nara jaḍa bibeka abhimāna|
parahiṃ kalapa bhari naraka mahum̐ jīva ki īsa samāna||69|| -
दोहा 70#
सुरसरि जल कृत बारुनि जाना। कबहुँ न संत करहिं तेहि पाना॥
सुरसरि मिलें सो पावन जैसें। ईस अनीसहि अंतरु तैसें॥
संभु सहज समरथ भगवाना। एहि बिबाहँ सब बिधि कल्याना॥
दुराराध्य पै अहहिं महेसू। आसुतोष पुनि किएँ कलेसू॥
जौं तपु करै कुमारि तुम्हारी। भाविउ मेटि सकहिं त्रिपुरारी॥
जद्यपि बर अनेक जग माहीं। एहि कहँ सिव तजि दूसर नाहीं॥
बर दायक प्रनतारति भंजन। कृपासिंधु सेवक मन रंजन॥
इच्छित फल बिनु सिव अवराधें। लहिअ न कोटि जोग जप साधें॥surasari jala kṛta bāruni jānā| kabahum̐ na saṃta karahiṃ tehi pānā||
surasari mileṃ so pāvana jaiseṃ| īsa anīsahi aṃtaru taiseṃ||
saṃbhu sahaja samaratha bhagavānā| ehi bibāham̐ saba bidhi kalyānā||
durārādhya pai ahahiṃ mahesū| āsutoṣa puni kiem̐ kalesū||
jauṃ tapu karai kumāri tumhārī| bhāviu meṭi sakahiṃ tripurārī||
jadyapi bara aneka jaga māhīṃ| ehi kaham̐ siva taji dūsara nāhīṃ||
bara dāyaka pranatārati bhaṃjana| kṛpāsiṃdhu sevaka mana raṃjana||
icchita phala binu siva avarādheṃ| lahia na koṭi joga japa sādheṃ||दोहा 70अस कहि नारद सुमिरि हरि गिरिजहि दीन्हि असीस।
होइहि यह कल्यान अब संसय तजहु गिरीस॥७०॥asa kahi nārada sumiri hari girijahi dīnhi asīsa|
hoihi yaha kalyāna aba saṃsaya tajahu girīsa||70|| -
दोहा 71#
कहि अस ब्रह्मभवन मुनि गयऊ। आगिल चरित सुनहु जस भयऊ॥
पतिहि एकांत पाइ कह मैना। नाथ न मैं समुझे मुनि बैना॥
जौं घरु बरु कुलु होइ अनूपा। करिअ बिबाहु सुता अनुरूपा॥
न त कन्या बरु रहउ कुआरी। कंत उमा मम प्रानपिआरी॥
जौं न मिलिहि बरु गिरिजहि जोगू। गिरि जड़ सहज कहिहि सबु लोगू॥
सोइ बिचारि पति करेहु बिबाहू। जेहिं न बहोरि होइ उर दाहू॥
अस कहि परी चरन धरि सीसा। बोले सहित सनेह गिरीसा॥
बरु पावक प्रगटै ससि माहीं। नारद बचनु अन्यथा नाहीं॥kahi asa brahmabhavana muni gayaū| āgila carita sunahu jasa bhayaū||
patihi ekāṃta pāi kaha mainā| nātha na maiṃ samujhe muni bainā||
jauṃ gharu baru kulu hoi anūpā| karia bibāhu sutā anurūpā||
na ta kanyā baru rahau kuārī| kaṃta umā mama prānapiārī||
jauṃ na milihi baru girijahi jogū| giri jaḍa sahaja kahihi sabu logū||
soi bicāri pati karehu bibāhū| jehiṃ na bahori hoi ura dāhū||
asa kahi parī carana dhari sīsā| bole sahita saneha girīsā||
baru pāvaka pragaṭai sasi māhīṃ| nārada bacanu anyathā nāhīṃ||दोहा 71प्रिया सोचु परिहरहु सबु सुमिरहु श्रीभगवान।
पारबतिहि निरमयउ जेहिं सोइ करिहि कल्यान॥७१॥priyā socu pariharahu sabu sumirahu śrībhagavāna|
pārabatihi niramayau jehiṃ soi karihi kalyāna||71|| -
दोहा 72#
अब जौं तुम्हहि सुता पर नेहू। तौ अस जाइ सिखावन देहू॥
करै सो तपु जेहिं मिलहिं महेसू। आन उपायँ न मिटिहि कलेसू॥
नारद बचन सगर्भ सहेतू। सुंदर सब गुन निधि बृषकेतू॥
अस बिचारि तुम्ह तजहु असंका। सबहि भाँति संकरु अकलंका॥
सुनि पति बचन हरषि मन माहीं। गई तुरत उठि गिरिजा पाहीं॥
उमहि बिलोकि नयन भरे बारी। सहित सनेह गोद बैठारी॥
बारहिं बार लेति उर लाई। गदगद कंठ न कछु कहि जाई॥
जगत मातु सर्बग्य भवानी। मातु सुखद बोलीं मृदु बानी॥aba jauṃ tumhahi sutā para nehū| tau asa jāi sikhāvana dehū||
karai so tapu jehiṃ milahiṃ mahesū| āna upāyam̐ na miṭihi kalesū||
nārada bacana sagarbha sahetū| suṃdara saba guna nidhi bṛṣaketū||
asa bicāri tumha tajahu asaṃkā| sabahi bhām̐ti saṃkaru akalaṃkā||
suni pati bacana haraṣi mana māhīṃ| gaī turata uṭhi girijā pāhīṃ||
umahi biloki nayana bhare bārī| sahita saneha goda baiṭhārī||
bārahiṃ bāra leti ura lāī| gadagada kaṃṭha na kachu kahi jāī||
jagata mātu sarbagya bhavānī| mātu sukhada bolīṃ mṛdu bānī||दोहा 72सुनहि मातु मैं दीख अस सपन सुनावउँ तोहि।
सुंदर गौर सुबिप्रबर अस उपदेसेउ मोहि॥७२॥sunahi mātu maiṃ dīkha asa sapana sunāvaum̐ tohi|
suṃdara gaura subiprabara asa upadeseu mohi||72|| -
दोहा 73#
करहि जाइ तपु सैलकुमारी। नारद कहा सो सत्य बिचारी॥
मातु पितहि पुनि यह मत भावा। तपु सुखप्रद दुख दोष नसावा॥
तपबल रचइ प्रपंच बिधाता। तपबल बिष्नु सकल जग त्राता॥
तपबल संभु करहिं संघारा। तपबल सेषु धरइ महिभारा॥
तप अधार सब सृष्टि भवानी। करहि जाइ तपु अस जियँ जानी॥
सुनत बचन बिसमित महतारी। सपन सुनायउ गिरिहि हँकारी॥
मातु पितहि बहुबिधि समुझाई। चलीं उमा तप हित हरषाई॥
प्रिय परिवार पिता अरु माता। भए बिकल मुख आव न बाता॥karahi jāi tapu sailakumārī| nārada kahā so satya bicārī||
mātu pitahi puni yaha mata bhāvā| tapu sukhaprada dukha doṣa nasāvā||
tapabala racai prapaṃca bidhātā| tapabala biṣnu sakala jaga trātā||
tapabala saṃbhu karahiṃ saṃghārā| tapabala seṣu dharai mahibhārā||
tapa adhāra saba sṛṣṭi bhavānī| karahi jāi tapu asa jiyam̐ jānī||
sunata bacana bisamita mahatārī| sapana sunāyau girihi ham̐kārī||
mātu pitahi bahubidhi samujhāī| calīṃ umā tapa hita haraṣāī||
priya parivāra pitā aru mātā| bhae bikala mukha āva na bātā||दोहा 73बेदसिरा मुनि आइ तब सबहि कहा समुझाइ॥
पारबती महिमा सुनत रहे प्रबोधहि पाइ॥७३॥bedasirā muni āi taba sabahi kahā samujhāi||
pārabatī mahimā sunata rahe prabodhahi pāi||73|| -
दोहा 74#
उर धरि उमा प्रानपति चरना। जाइ बिपिन लागीं तपु करना॥
अति सुकुमार न तनु तप जोगू। पति पद सुमिरि तजेउ सबु भोगू॥
नित नव चरन उपज अनुरागा। बिसरी देह तपहिं मनु लागा॥
संबत सहस मूल फल खाए। सागु खाइ सत बरष गवाँए॥
कछु दिन भोजनु बारि बतासा। किए कठिन कछु दिन उपबासा॥
बेल पाती महि परइ सुखाई। तीनि सहस संबत सोइ खाई॥
पुनि परिहरे सुखानेउ परना। उमहि नाम तब भयउ अपरना॥
देखि उमहि तप खीन सरीरा। ब्रह्मगिरा भै गगन गभीरा ॥ura dhari umā prānapati caranā| jāi bipina lāgīṃ tapu karanā||
ati sukumāra na tanu tapa jogū| pati pada sumiri tajeu sabu bhogū||
nita nava carana upaja anurāgā| bisarī deha tapahiṃ manu lāgā||
saṃbata sahasa mūla phala khāe| sāgu khāi sata baraṣa gavām̐e||
kachu dina bhojanu bāri batāsā| kie kaṭhina kachu dina upabāsā||
bela pātī mahi parai sukhāī| tīni sahasa saṃbata soi khāī||
puni parihare sukhāneu paranā| umahi nāma taba bhayau aparanā||
dekhi umahi tapa khīna sarīrā| brahmagirā bhai gagana gabhīrā ||दोहा 74भयउ मनोरथ सुफल तव सुनु गिरिराजकुमारि।
परिहरु दुसह कलेस सब अब मिलिहहिं त्रिपुरारि॥७४॥bhayau manoratha suphala tava sunu girirājakumāri|
pariharu dusaha kalesa saba aba milihahiṃ tripurāri||74|| -
दोहा 75#
अस तपु काहुँ न कीन्ह भवानी। भए अनेक धीर मुनि ग्यानी॥
अब उर धरहु ब्रह्म बर बानी। सत्य सदा संतत सुचि जानी॥
आवै पिता बोलावन जबहीं। हठ परिहरि घर जाएहु तबहीं॥
मिलहिं तुम्हहि जब सप्त रिषीसा। जानेहु तब प्रमान बागीसा॥
सुनत गिरा बिधि गगन बखानी। पुलक गात गिरिजा हरषानी॥
उमा चरित सुंदर मैं गावा। सुनहु संभु कर चरित सुहावा॥
जब तें सती जाइ तनु त्यागा। तब तें सिव मन भयउ बिरागा॥
जपहिं सदा रघुनायक नामा। जहँ तहँ सुनहिं राम गुन ग्रामा॥asa tapu kāhum̐ na kīnha bhavānī| bhae aneka dhīra muni gyānī||
aba ura dharahu brahma bara bānī| satya sadā saṃtata suci jānī||
āvai pitā bolāvana jabahīṃ| haṭha parihari ghara jāehu tabahīṃ||
milahiṃ tumhahi jaba sapta riṣīsā| jānehu taba pramāna bāgīsā||
sunata girā bidhi gagana bakhānī| pulaka gāta girijā haraṣānī||
umā carita suṃdara maiṃ gāvā| sunahu saṃbhu kara carita suhāvā||
jaba teṃ satī jāi tanu tyāgā| taba teṃ siva mana bhayau birāgā||
japahiṃ sadā raghunāyaka nāmā| jaham̐ taham̐ sunahiṃ rāma guna grāmā||दोहा 75चिदानन्द सुखधाम सिव बिगत मोह मद काम।
बिचरहिं महि धरि हृदयँ हरि सकल लोक अभिराम॥७५॥cidānanda sukhadhāma siva bigata moha mada kāma|
bicarahiṃ mahi dhari hṛdayam̐ hari sakala loka abhirāma||75|| -
दोहा 76#
कतहुँ मुनिन्ह उपदेसहिं ग्याना। कतहुँ राम गुन करहिं बखाना॥
जदपि अकाम तदपि भगवाना। भगत बिरह दुख दुखित सुजाना॥
एहि बिधि गयउ कालु बहु बीती। नित नै होइ राम पद प्रीती॥
नेमु प्रेमु संकर कर देखा। अबिचल हृदयँ भगति कै रेखा॥
प्रगटे रामु कृतग्य कृपाला। रूप सील निधि तेज बिसाला॥
बहु प्रकार संकरहि सराहा। तुम्ह बिनु अस ब्रतु को निरबाहा॥
बहुबिधि राम सिवहि समुझावा। पारबती कर जन्मु सुनावा॥
अति पुनीत गिरिजा कै करनी। बिस्तर सहित कृपानिधि बरनी॥katahum̐ muninha upadesahiṃ gyānā| katahum̐ rāma guna karahiṃ bakhānā||
jadapi akāma tadapi bhagavānā| bhagata biraha dukha dukhita sujānā||
ehi bidhi gayau kālu bahu bītī| nita nai hoi rāma pada prītī||
nemu premu saṃkara kara dekhā| abicala hṛdayam̐ bhagati kai rekhā||
pragaṭe rāmu kṛtagya kṛpālā| rūpa sīla nidhi teja bisālā||
bahu prakāra saṃkarahi sarāhā| tumha binu asa bratu ko nirabāhā||
bahubidhi rāma sivahi samujhāvā| pārabatī kara janmu sunāvā||
ati punīta girijā kai karanī| bistara sahita kṛpānidhi baranī||दोहा 76अब बिनती मम सुनहु सिव जौं मो पर निज नेहु।
जाइ बिबाहहु सैलजहि यह मोहि मागें देहु॥७६॥aba binatī mama sunahu siva jauṃ mo para nija nehu|
jāi bibāhahu sailajahi yaha mohi māgeṃ dehu||76|| -
दोहा 77#
कह सिव जदपि उचित अस नाहीं। नाथ बचन पुनि मेटि न जाहीं॥
सिर धरि आयसु करिअ तुम्हारा। परम धरमु यह नाथ हमारा॥
मातु पिता गुर प्रभु कै बानी। बिनहिं बिचार करिअ सुभ जानी॥
तुम्ह सब भाँति परम हितकारी। अग्या सिर पर नाथ तुम्हारी॥
प्रभु तोषेउ सुनि संकर बचना। भक्ति बिबेक धर्म जुत रचना॥
कह प्रभु हर तुम्हार पन रहेऊ। अब उर राखेहु जो हम कहेऊ॥
अंतरधान भए अस भाषी। संकर सोइ मूरति उर राखी॥
तबहिं सप्तरिषि सिव पहिं आए। बोले प्रभु अति बचन सुहाए॥kaha siva jadapi ucita asa nāhīṃ| nātha bacana puni meṭi na jāhīṃ||
sira dhari āyasu karia tumhārā| parama dharamu yaha nātha hamārā||
mātu pitā gura prabhu kai bānī| binahiṃ bicāra karia subha jānī||
tumha saba bhām̐ti parama hitakārī| agyā sira para nātha tumhārī||
prabhu toṣeu suni saṃkara bacanā| bhakti bibeka dharma juta racanā||
kaha prabhu hara tumhāra pana raheū| aba ura rākhehu jo hama kaheū||
aṃtaradhāna bhae asa bhāṣī| saṃkara soi mūrati ura rākhī||
tabahiṃ saptariṣi siva pahiṃ āe| bole prabhu ati bacana suhāe||दोहा 77पारबती पहिं जाइ तुम्ह प्रेम परिच्छा लेहु।
गिरिहि प्रेरि पठएहु भवन दूरि करेहु संदेहु॥७७॥pārabatī pahiṃ jāi tumha prema paricchā lehu|
girihi preri paṭhaehu bhavana dūri karehu saṃdehu||77|| -
दोहा 78#
रिषिन्ह गौरि देखी तहँ कैसी। मूरतिमंत तपस्या जैसी॥
बोले मुनि सुनु सैलकुमारी। करहु कवन कारन तपु भारी॥
केहि अवराधहु का तुम्ह चहहू। हम सन सत्य मरमु किन कहहू॥
कहत बचन मनु अति सकुचाई। हँसिहहु सुनि हमारि जड़ताई॥
मनु हठ परा न सुनइ सिखावा। चहत बारि पर भीति उठावा॥
नारद कहा सत्य सोइ जाना। बिनु पंखन्ह हम चहहिं उड़ाना॥
देखहु मुनि अबिबेकु हमारा। चाहिअ सदा सिवहि भरतारा॥riṣinha gauri dekhī taham̐ kaisī| mūratimaṃta tapasyā jaisī||
bole muni sunu sailakumārī| karahu kavana kārana tapu bhārī||
kehi avarādhahu kā tumha cahahū| hama sana satya maramu kina kahahū||
kahata bacana manu ati sakucāī| ham̐sihahu suni hamāri jaḍatāī||
manu haṭha parā na sunai sikhāvā| cahata bāri para bhīti uṭhāvā||
nārada kahā satya soi jānā| binu paṃkhanha hama cahahiṃ uḍānā||
dekhahu muni abibeku hamārā| cāhia sadā sivahi bharatārā||दोहा 78सुनत बचन बिहसे रिषय गिरिसंभव तव देह।
नारद कर उपदेसु सुनि कहहु बसेउ किसु गेह॥७८॥sunata bacana bihase riṣaya girisaṃbhava tava deha|
nārada kara upadesu suni kahahu baseu kisu geha||78|| -
दोहा 79#
दच्छसुतन्ह उपदेसेन्हि जाई। तिन्ह फिरि भवनु न देखा आई॥
चित्रकेतु कर घरु उन घाला। कनककसिपु कर पुनि अस हाला॥
नारद सिख जे सुनहिं नर नारी। अवसि होहिं तजि भवनु भिखारी॥
मन कपटी तन सज्जन चीन्हा। आपु सरिस सबही चह कीन्हा॥
तेहि कें बचन मानि बिस्वासा। तुम्ह चाहहु पति सहज उदासा॥
निर्गुन निलज कुबेष कपाली। अकुल अगेह दिगंबर ब्याली॥
कहहु कवन सुखु अस बरु पाएँ। भल भूलिहु ठग के बौराएँ॥
पंच कहें सिवँ सती बिबाही। पुनि अवडेरि मराएन्हि ताही॥dacchasutanha upadesenhi jāī| tinha phiri bhavanu na dekhā āī||
citraketu kara gharu una ghālā| kanakakasipu kara puni asa hālā||
nārada sikha je sunahiṃ nara nārī| avasi hohiṃ taji bhavanu bhikhārī||
mana kapaṭī tana sajjana cīnhā| āpu sarisa sabahī caha kīnhā||
tehi keṃ bacana māni bisvāsā| tumha cāhahu pati sahaja udāsā||
nirguna nilaja kubeṣa kapālī| akula ageha digaṃbara byālī||
kahahu kavana sukhu asa baru pāem̐| bhala bhūlihu ṭhaga ke baurāem̐||
paṃca kaheṃ sivam̐ satī bibāhī| puni avaḍeri marāenhi tāhī||दोहा 79अब सुख सोवत सोचु नहिं भीख मागि भव खाहिं।
सहज एकाकिन्ह के भवन कबहुँ कि नारि खटाहिं॥७९॥aba sukha sovata socu nahiṃ bhīkha māgi bhava khāhiṃ|
sahaja ekākinha ke bhavana kabahum̐ ki nāri khaṭāhiṃ||79|| -
दोहा 80#
अजहूँ मानहु कहा हमारा। हम तुम्ह कहुँ बरु नीक बिचारा॥
अति सुंदर सुचि सुखद सुसीला। गावहिं बेद जासु जस लीला॥
दूषन रहित सकल गुन रासी। श्रीपति पुर बैकुंठ निवासी॥
अस बरु तुम्हहि मिलाउब आनी। सुनत बिहसि कह बचन भवानी॥
सत्य कहेहु गिरिभव तनु एहा। हठ न छूट छूटै बरु देहा॥
कनकउ पुनि पषान तें होई। जारेहुँ सहजु न परिहर सोई॥
नारद बचन न मैं परिहरऊँ। बसउ भवनु उजरउ नहिं डरउँ॥
गुर कें बचन प्रतीति न जेही। सपनेहुँ सुगम न सुख सिधि तेही॥ajahūm̐ mānahu kahā hamārā| hama tumha kahum̐ baru nīka bicārā||
ati suṃdara suci sukhada susīlā| gāvahiṃ beda jāsu jasa līlā||
dūṣana rahita sakala guna rāsī| śrīpati pura baikuṃṭha nivāsī||
asa baru tumhahi milāuba ānī| sunata bihasi kaha bacana bhavānī||
satya kahehu giribhava tanu ehā| haṭha na chūṭa chūṭai baru dehā||
kanakau puni paṣāna teṃ hoī| jārehum̐ sahaju na parihara soī||
nārada bacana na maiṃ pariharaūm̐| basau bhavanu ujarau nahiṃ ḍaraum̐||
gura keṃ bacana pratīti na jehī| sapanehum̐ sugama na sukha sidhi tehī||दोहा 80महादेव अवगुन भवन बिष्नु सकल गुन धाम।
जेहि कर मनु रम जाहि सन तेहि तेही सन काम॥८०॥mahādeva avaguna bhavana biṣnu sakala guna dhāma|
jehi kara manu rama jāhi sana tehi tehī sana kāma||80|| -
दोहा 81#
जौं तुम्ह मिलतेहु प्रथम मुनीसा। सुनतिउँ सिख तुम्हारि धरि सीसा॥
अब मैं जन्मु संभु हित हारा। को गुन दूषन करै बिचारा॥
जौं तुम्हरे हठ हृदयँ बिसेषी। रहि न जाइ बिनु किएँ बरेषी॥
तौ कौतुकिअन्ह आलसु नाहीं। बर कन्या अनेक जग माहीं॥
जन्म कोटि लगि रगर हमारी। बरउँ संभु न त रहउँ कुआरी॥
तजउँ न नारद कर उपदेसू। आपु कहहिं सत बार महेसू॥
मैं पा परउँ कहइ जगदंबा। तुम्ह गृह गवनहु भयउ बिलंबा॥
देखि प्रेमु बोले मुनि ग्यानी। जय जय जगदंबिके भवानी॥jauṃ tumha milatehu prathama munīsā| sunatium̐ sikha tumhāri dhari sīsā||
aba maiṃ janmu saṃbhu hita hārā| ko guna dūṣana karai bicārā||
jauṃ tumhare haṭha hṛdayam̐ biseṣī| rahi na jāi binu kiem̐ bareṣī||
tau kautukianha ālasu nāhīṃ| bara kanyā aneka jaga māhīṃ||
janma koṭi lagi ragara hamārī| baraum̐ saṃbhu na ta rahaum̐ kuārī||
tajaum̐ na nārada kara upadesū| āpu kahahiṃ sata bāra mahesū||
maiṃ pā paraum̐ kahai jagadaṃbā| tumha gṛha gavanahu bhayau bilaṃbā||
dekhi premu bole muni gyānī| jaya jaya jagadaṃbike bhavānī||दोहा 81तुम्ह माया भगवान सिव सकल जगत पितु मातु।
नाइ चरन सिर मुनि चले पुनि पुनि हरषत गातु॥८१॥tumha māyā bhagavāna siva sakala jagata pitu mātu|
nāi carana sira muni cale puni puni haraṣata gātu||81|| -
दोहा 82#
जाइ मुनिन्ह हिमवंतु पठाए। करि बिनती गिरजहिं गृह ल्याए॥
बहुरि सप्तरिषि सिव पहिं जाई। कथा उमा कै सकल सुनाई॥
भए मगन सिव सुनत सनेहा। हरषि सप्तरिषि गवने गेहा॥
मनु थिर करि तब संभु सुजाना। लगे करन रघुनायक ध्याना॥
तारकु असुर भयउ तेहि काला। भुज प्रताप बल तेज बिसाला॥
तेहिं सब लोक लोकपति जीते। भए देव सुख संपति रीते॥
अजर अमर सो जीति न जाई। हारे सुर करि बिबिध लराई॥
तब बिरंचि सन जाइ पुकारे। देखे बिधि सब देव दुखारे॥jāi muninha himavaṃtu paṭhāe| kari binatī girajahiṃ gṛha lyāe||
bahuri saptariṣi siva pahiṃ jāī| kathā umā kai sakala sunāī||
bhae magana siva sunata sanehā| haraṣi saptariṣi gavane gehā||
manu thira kari taba saṃbhu sujānā| lage karana raghunāyaka dhyānā||
tāraku asura bhayau tehi kālā| bhuja pratāpa bala teja bisālā||
tehiṃ saba loka lokapati jīte| bhae deva sukha saṃpati rīte||
ajara amara so jīti na jāī| hāre sura kari bibidha larāī||
taba biraṃci sana jāi pukāre| dekhe bidhi saba deva dukhāre||दोहा 82सब सन कहा बुझाइ बिधि दनुज निधन तब होइ।
संभु सुक्र संभूत सुत एहि जीतइ रन सोइ॥८२॥saba sana kahā bujhāi bidhi danuja nidhana taba hoi|
saṃbhu sukra saṃbhūta suta ehi jītai rana soi||82|| -
दोहा 83#
मोर कहा सुनि करहु उपाई। होइहि ईस्वर करिहि सहाई॥
सतीं जो तजी दच्छ मख देहा। जनमी जाइ हिमाचल गेहा॥
तेहिं तपु कीन्ह संभु पति लागी। सिव समाधि बैठे सबु त्यागी॥
जदपि अहइ असमंजस भारी। तदपि बात एक सुनहु हमारी॥
पठवहु कामु जाइ सिव पाहीं। करै छोभु संकर मन माहीं॥
तब हम जाइ सिवहि सिर नाई। करवाउब बिबाहु बरिआई॥
एहि बिधि भलेहिं देवहित होई। मत अति नीक कहइ सबु कोई॥
अस्तुति सुरन्ह कीन्हि अति हेतू। प्रगटेउ बिषमबान झषकेतू॥mora kahā suni karahu upāī| hoihi īsvara karihi sahāī||
satīṃ jo tajī daccha makha dehā| janamī jāi himācala gehā||
tehiṃ tapu kīnha saṃbhu pati lāgī| siva samādhi baiṭhe sabu tyāgī||
jadapi ahai asamaṃjasa bhārī| tadapi bāta eka sunahu hamārī||
paṭhavahu kāmu jāi siva pāhīṃ| karai chobhu saṃkara mana māhīṃ||
taba hama jāi sivahi sira nāī| karavāuba bibāhu bariāī||
ehi bidhi bhalehiṃ devahita hoī| mata ati nīka kahai sabu koī||
astuti suranha kīnhi ati hetū| pragaṭeu biṣamabāna jhaṣaketū||दोहा 83सुरन्ह कही निज बिपति सब सुनि मन कीन्ह बिचार।
संभु बिरोध न कुसल मोहि बिहसि कहेउ अस मार॥८३॥suranha kahī nija bipati saba suni mana kīnha bicāra|
saṃbhu birodha na kusala mohi bihasi kaheu asa māra||83|| -
दोहा 84#
तदपि करब मैं काजु तुम्हारा। श्रुति कह परम धरम उपकारा॥
पर हित लागि तजइ जो देही। संतत संत प्रसंसहिं तेही॥
अस कहि चलेउ सबहि सिरु नाई। सुमन धनुष कर सहित सहाई॥
चलत मार अस हृदयँ बिचारा। सिव बिरोध ध्रुव मरनु हमारा॥
तब आपन प्रभाउ बिस्तारा। निज बस कीन्ह सकल संसारा॥
कोपेउ जबहिं बारिचरकेतू। छन महुँ मिटे सकल श्रुति सेतू॥
ब्रह्मचर्ज ब्रत संजम नाना। धीरज धरम ग्यान बिग्याना॥
सदाचार जप जोग बिरागा। सभय बिबेक कटकु सब भागा॥tadapi karaba maiṃ kāju tumhārā| śruti kaha parama dharama upakārā||
para hita lāgi tajai jo dehī| saṃtata saṃta prasaṃsahiṃ tehī||
asa kahi caleu sabahi siru nāī| sumana dhanuṣa kara sahita sahāī||
calata māra asa hṛdayam̐ bicārā| siva birodha dhruva maranu hamārā||
taba āpana prabhāu bistārā| nija basa kīnha sakala saṃsārā||
kopeu jabahiṃ bāricaraketū| chana mahum̐ miṭe sakala śruti setū||
brahmacarja brata saṃjama nānā| dhīraja dharama gyāna bigyānā||
sadācāra japa joga birāgā| sabhaya bibeka kaṭaku saba bhāgā||छंदभागेउ बिबेक सहाय सहित सो सुभट संजुग महि मुरे।
सदग्रंथ पर्बत कंदरन्हि महुँ जाइ तेहि अवसर दुरे॥
होनिहार का करतार को रखवार जग खरभरु परा।
दुइ माथ केहि रतिनाथ जेहि कहुँ कोपि कर धनु सरु धरा॥bhāgeu bibeka sahāya sahita so subhaṭa saṃjuga mahi mure|
sadagraṃtha parbata kaṃdaranhi mahum̐ jāi tehi avasara dure||
honihāra kā karatāra ko rakhavāra jaga kharabharu parā|
dui mātha kehi ratinātha jehi kahum̐ kopi kara dhanu saru dharā||दोहा 84जे सजीव जग अचर चर नारि पुरुष अस नाम।
ते निज निज मरजाद तजि भए सकल बस काम॥८४॥je sajīva jaga acara cara nāri puruṣa asa nāma|
te nija nija marajāda taji bhae sakala basa kāma||84|| -
सोरठा 85#
सब के हृदयँ मदन अभिलाषा। लता निहारि नवहिं तरु साखा॥
नदीं उमगि अंबुधि कहुँ धाईं। संगम करहिं तलाव तलाईं॥
जहँ असि दसा जड़न्ह कै बरनी। को कहि सकइ सचेतन करनी॥
पसु पच्छी नभ जल थलचारी। भए कामबस समय बिसारी॥
मदन अंध ब्याकुल सब लोका। निसिदिनु नहिं अवलोकहिं कोका॥
देव दनुज नर किंनर ब्याला। प्रेत पिसाच भूत बेताला॥
इन्ह कै दसा न कहेउँ बखानी। सदा काम के चेरे जानी॥
सिद्ध बिरक्त महामुनि जोगी। तेपि कामबस भए बियोगी॥saba ke hṛdayam̐ madana abhilāṣā| latā nihāri navahiṃ taru sākhā||
nadīṃ umagi aṃbudhi kahum̐ dhāīṃ| saṃgama karahiṃ talāva talāīṃ||
jaham̐ asi dasā jaḍanha kai baranī| ko kahi sakai sacetana karanī||
pasu pacchī nabha jala thalacārī| bhae kāmabasa samaya bisārī||
madana aṃdha byākula saba lokā| nisidinu nahiṃ avalokahiṃ kokā||
deva danuja nara kiṃnara byālā| preta pisāca bhūta betālā||
inha kai dasā na kaheum̐ bakhānī| sadā kāma ke cere jānī||
siddha birakta mahāmuni jogī| tepi kāmabasa bhae biyogī||छंदभए कामबस जोगीस तापस पावँरन्हि की को कहै।
देखहिं चराचर नारिमय जे ब्रह्ममय देखत रहे॥
अबला बिलोकहिं पुरुषमय जगु पुरुष सब अबलामयं।
दुइ दंड भरि ब्रह्मांड भीतर कामकृत कौतुक अयं॥bhae kāmabasa jogīsa tāpasa pāvam̐ranhi kī ko kahai|
dekhahiṃ carācara nārimaya je brahmamaya dekhata rahe||
abalā bilokahiṃ puruṣamaya jagu puruṣa saba abalāmayaṃ|
dui daṃḍa bhari brahmāṃḍa bhītara kāmakṛta kautuka ayaṃ||सोरठा 85धरी न काहूँ धीर सबके मन मनसिज हरे।
जे राखे रघुबीर ते उबरे तेहि काल महुँ॥८५॥dharī na kāhūm̐ dhīra sabake mana manasija hare|
je rākhe raghubīra te ubare tehi kāla mahum̐||85|| -
दोहा 86#
उभय घरी अस कौतुक भयऊ। जौ लगि कामु संभु पहिं गयऊ॥
सिवहि बिलोकि ससंकेउ मारू। भयउ जथाथिति सबु संसारू॥
भए तुरत सब जीव सुखारे। जिमि मद उतरि गएँ मतवारे॥
रुद्रहि देखि मदन भय माना। दुराधरष दुर्गम भगवाना॥
फिरत लाज कछु करि नहिं जाई। मरनु ठानि मन रचेसि उपाई॥
प्रगटेसि तुरत रुचिर रितुराजा। कुसुमित नव तरु राजि बिराजा॥
बन उपबन बापिका तड़ागा। परम सुभग सब दिसा बिभागा॥
जहँ तहँ जनु उमगत अनुरागा। देखि मुएहुँ मन मनसिज जागा॥ubhaya gharī asa kautuka bhayaū| jau lagi kāmu saṃbhu pahiṃ gayaū||
sivahi biloki sasaṃkeu mārū| bhayau jathāthiti sabu saṃsārū||
bhae turata saba jīva sukhāre| jimi mada utari gaem̐ matavāre||
rudrahi dekhi madana bhaya mānā| durādharaṣa durgama bhagavānā||
phirata lāja kachu kari nahiṃ jāī| maranu ṭhāni mana racesi upāī||
pragaṭesi turata rucira riturājā| kusumita nava taru rāji birājā||
bana upabana bāpikā taḍāgā| parama subhaga saba disā bibhāgā||
jaham̐ taham̐ janu umagata anurāgā| dekhi muehum̐ mana manasija jāgā||छंदजागइ मनोभव मुएहुँ मन बन सुभगता न परै कही।
सीतल सुगंध सुमंद मारुत मदन अनल सखा सही॥
बिकसे सरन्हि बहु कंज गुंजत पुंज मंजुल मधुकरा।
कलहंस पिक सुक सरस रव करि गान नाचहिं अपछरा॥jāgai manobhava muehum̐ mana bana subhagatā na parai kahī|
sītala sugaṃdha sumaṃda māruta madana anala sakhā sahī||
bikase saranhi bahu kaṃja guṃjata puṃja maṃjula madhukarā|
kalahaṃsa pika suka sarasa rava kari gāna nācahiṃ apacharā||दोहा 86सकल कला करि कोटि बिधि हारेउ सेन समेत।
चली न अचल समाधि सिव कोपेउ हृदयनिकेत॥८६॥sakala kalā kari koṭi bidhi hāreu sena sameta|
calī na acala samādhi siva kopeu hṛdayaniketa||86|| -
दोहा 87#
देखि रसाल बिटप बर साखा। तेहि पर चढ़ेउ मदनु मन माखा॥
सुमन चाप निज सर संधाने। अति रिस ताकि श्रवन लगि ताने॥
छाड़े बिषम बिसिख उर लागे। छूटि समाधि संभु तब जागे॥
भयउ ईस मन छोभु बिसेषी। नयन उघारि सकल दिसि देखी॥
सौरभ पल्लव मदनु बिलोका। भयउ कोपु कंपेउ त्रैलोका॥
तब सिवँ तीसर नयन उघारा। चितवत कामु भयउ जरि छारा॥
हाहाकार भयउ जग भारी। डरपे सुर भए असुर सुखारी॥
समुझि कामसुखु सोचहिं भोगी। भए अकंटक साधक जोगी॥dekhi rasāla biṭapa bara sākhā| tehi para caḍheu madanu mana mākhā||
sumana cāpa nija sara saṃdhāne| ati risa tāki śravana lagi tāne||
chāḍe biṣama bisikha ura lāge| chūṭi samādhi saṃbhu taba jāge||
bhayau īsa mana chobhu biseṣī| nayana ughāri sakala disi dekhī||
saurabha pallava madanu bilokā| bhayau kopu kaṃpeu trailokā||
taba sivam̐ tīsara nayana ughārā| citavata kāmu bhayau jari chārā||
hāhākāra bhayau jaga bhārī| ḍarape sura bhae asura sukhārī||
samujhi kāmasukhu socahiṃ bhogī| bhae akaṃṭaka sādhaka jogī||छंदजोगी अकंटक भए पति गति सुनत रति मुरुछित भई।
रोदति बदति बहु भाँति करुना करति संकर पहिं गई।
अति प्रेम करि बिनती बिबिध बिधि जोरि कर सन्मुख रही।
प्रभु आसुतोष कृपाल सिव अबला निरखि बोले सही॥jogī akaṃṭaka bhae pati gati sunata rati muruchita bhaī|
rodati badati bahu bhām̐ti karunā karati saṃkara pahiṃ gaī|
ati prema kari binatī bibidha bidhi jori kara sanmukha rahī|
prabhu āsutoṣa kṛpāla siva abalā nirakhi bole sahī||दोहा 87अब तें रति तव नाथ कर होइहि नामु अनंगु।
बिनु बपु ब्यापिहि सबहि पुनि सुनु निज मिलन प्रसंगु॥८७॥aba teṃ rati tava nātha kara hoihi nāmu anaṃgu|
binu bapu byāpihi sabahi puni sunu nija milana prasaṃgu||87|| -
दोहा 88#
जब जदुबंस कृष्न अवतारा। होइहि हरन महा महिभारा॥
कृष्न तनय होइहि पति तोरा। बचनु अन्यथा होइ न मोरा॥
रति गवनी सुनि संकर बानी। कथा अपर अब कहउँ बखानी॥
देवन्ह समाचार सब पाए। ब्रह्मादिक बैकुंठ सिधाए॥
सब सुर बिष्नु बिरंचि समेता। गए जहाँ सिव कृपानिकेता॥
पृथक पृथक तिन्ह कीन्हि प्रसंसा। भए प्रसन्न चंद्र अवतंसा॥
बोले कृपासिंधु बृषकेतू। कहहु अमर आए केहि हेतू॥
कह बिधि तुम्ह प्रभु अंतरजामी। तदपि भगति बस बिनवउँ स्वामी॥jaba jadubaṃsa kṛṣna avatārā| hoihi harana mahā mahibhārā||
kṛṣna tanaya hoihi pati torā| bacanu anyathā hoi na morā||
rati gavanī suni saṃkara bānī| kathā apara aba kahaum̐ bakhānī||
devanha samācāra saba pāe| brahmādika baikuṃṭha sidhāe||
saba sura biṣnu biraṃci sametā| gae jahām̐ siva kṛpāniketā||
pṛthaka pṛthaka tinha kīnhi prasaṃsā| bhae prasanna caṃdra avataṃsā||
bole kṛpāsiṃdhu bṛṣaketū| kahahu amara āe kehi hetū||
kaha bidhi tumha prabhu aṃtarajāmī| tadapi bhagati basa binavaum̐ svāmī||दोहा 88सकल सुरन्ह के हृदयँ अस संकर परम उछाहु।
निज नयनन्हि देखा चहहिं नाथ तुम्हार बिबाहु॥८८॥sakala suranha ke hṛdayam̐ asa saṃkara parama uchāhu|
nija nayananhi dekhā cahahiṃ nātha tumhāra bibāhu||88|| -
दोहा 89#
यह उत्सव देखिअ भरि लोचन। सोइ कछु करहु मदन मद मोचन।
कामु जारि रति कहुँ बरु दीन्हा। कृपासिंधु यह अति भल कीन्हा॥
सासति करि पुनि करहिं पसाऊ। नाथ प्रभुन्ह कर सहज सुभाऊ॥
पारबतीं तपु कीन्ह अपारा। करहु तासु अब अंगीकारा॥
सुनि बिधि बिनय समुझि प्रभु बानी। ऐसेइ होउ कहा सुखु मानी॥
तब देवन्ह दुंदुभीं बजाईं। बरषि सुमन जय जय सुर साईं॥
अवसरु जानि सप्तरिषि आए। तुरतहिं बिधि गिरिभवन पठाए॥
प्रथम गए जहँ रही भवानी। बोले मधुर बचन छल सानी॥yaha utsava dekhia bhari locana| soi kachu karahu madana mada mocana|
kāmu jāri rati kahum̐ baru dīnhā| kṛpāsiṃdhu yaha ati bhala kīnhā||
sāsati kari puni karahiṃ pasāū| nātha prabhunha kara sahaja subhāū||
pārabatīṃ tapu kīnha apārā| karahu tāsu aba aṃgīkārā||
suni bidhi binaya samujhi prabhu bānī| aisei hou kahā sukhu mānī||
taba devanha duṃdubhīṃ bajāīṃ| baraṣi sumana jaya jaya sura sāīṃ||
avasaru jāni saptariṣi āe| turatahiṃ bidhi giribhavana paṭhāe||
prathama gae jaham̐ rahī bhavānī| bole madhura bacana chala sānī||दोहा 89कहा हमार न सुनेहु तब नारद कें उपदेस।
अब भा झूठ तुम्हार पन जारेउ कामु महेस॥८९॥kahā hamāra na sunehu taba nārada keṃ upadesa|
aba bhā jhūṭha tumhāra pana jāreu kāmu mahesa||89|| -
मासपारायण, तीसरा विश्रामDay 3 of the 30-day Masparayan ends here
🙏
Completed Bal Kand — Part 3?
Mark Masparayan day 3 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.