Bal Kand — Part 7 — text
-
सोरठा 184#
बाढ़े खल बहु चोर जुआरा। जे लंपट परधन परदारा॥
मानहिं मातु पिता नहिं देवा। साधुन्ह सन करवावहिं सेवा॥
जिन्ह के यह आचरन भवानी। ते जानेहु निसिचर सब प्रानी॥
अतिसय देखि धर्म कै ग्लानी। परम सभीत धरा अकुलानी॥
गिरि सरि सिंधु भार नहिं मोही। जस मोहि गरुअ एक परद्रोही॥
सकल धर्म देखइ बिपरीता। कहि न सकइ रावन भय भीता॥
धेनु रूप धरि हृदयँ बिचारी। गई तहाँ जहँ सुर मुनि झारी॥
निज संताप सुनाएसि रोई। काहू तें कछु काज न होई॥bāḍhe khala bahu cora juārā| je laṃpaṭa paradhana paradārā||
mānahiṃ mātu pitā nahiṃ devā| sādhunha sana karavāvahiṃ sevā||
jinha ke yaha ācarana bhavānī| te jānehu nisicara saba prānī||
atisaya dekhi dharma kai glānī| parama sabhīta dharā akulānī||
giri sari siṃdhu bhāra nahiṃ mohī| jasa mohi garua eka paradrohī||
sakala dharma dekhai biparītā| kahi na sakai rāvana bhaya bhītā||
dhenu rūpa dhari hṛdayam̐ bicārī| gaī tahām̐ jaham̐ sura muni jhārī||
nija saṃtāpa sunāesi roī| kāhū teṃ kachu kāja na hoī||छंदसुर मुनि गंधर्बा मिलि करि सर्बा गे बिरंचि के लोका।
सँग गोतनुधारी भूमि बिचारी परम बिकल भय सोका॥
ब्रह्माँ सब जाना मन अनुमाना मोर कछू न बसाई।
जा करि तैं दासी सो अबिनासी हमरेउ तोर सहाई॥sura muni gaṃdharbā mili kari sarbā ge biraṃci ke lokā|
sam̐ga gotanudhārī bhūmi bicārī parama bikala bhaya sokā||
brahmām̐ saba jānā mana anumānā mora kachū na basāī|
jā kari taiṃ dāsī so abināsī hamareu tora sahāī||सोरठा 184धरनि धरहि मन धीर कह बिरंचि हरिपद सुमिरु।
जानत जन की पीर प्रभु भंजिहि दारुन बिपति॥184॥dharani dharahi mana dhīra kaha biraṃci haripada sumiru|
jānata jana kī pīra prabhu bhaṃjihi dāruna bipati||184|| -
दोहा 185#
बैठे सुर सब करहिं बिचारा। कहँ पाइअ प्रभु करिअ पुकारा॥
पुर बैकुंठ जान कह कोई। कोउ कह पयनिधि बस प्रभु सोई॥
जाके हृदयँ भगति जसि प्रीति। प्रभु तहँ प्रगट सदा तेहिं रीती॥
तेहि समाज गिरिजा मैं रहेऊँ। अवसर पाइ बचन एक कहेउँ॥
हरि ब्यापक सर्बत्र समाना। प्रेम तें प्रगट होहिं मैं जाना॥
देस काल दिसि बिदिसिहु माहीं। कहहु सो कहाँ जहाँ प्रभु नाहीं॥
अग जगमय सब रहित बिरागी। प्रेम तें प्रभु प्रगटइ जिमि आगी॥
मोर बचन सब के मन माना। साधु साधु करि ब्रह्म बखाना॥baiṭhe sura saba karahiṃ bicārā| kaham̐ pāia prabhu karia pukārā||
pura baikuṃṭha jāna kaha koī| kou kaha payanidhi basa prabhu soī||
jāke hṛdayam̐ bhagati jasi prīti| prabhu taham̐ pragaṭa sadā tehiṃ rītī||
tehi samāja girijā maiṃ raheūm̐| avasara pāi bacana eka kaheum̐||
hari byāpaka sarbatra samānā| prema teṃ pragaṭa hohiṃ maiṃ jānā||
desa kāla disi bidisihu māhīṃ| kahahu so kahām̐ jahām̐ prabhu nāhīṃ||
aga jagamaya saba rahita birāgī| prema teṃ prabhu pragaṭai jimi āgī||
mora bacana saba ke mana mānā| sādhu sādhu kari brahma bakhānā||दोहा 185सुनि बिरंचि मन हरष तन पुलकि नयन बह नीर।
अस्तुति करत जोरि कर सावधान मतिधीर॥185॥suni biraṃci mana haraṣa tana pulaki nayana baha nīra|
astuti karata jori kara sāvadhāna matidhīra||185|| -
दोहा 186#छंद
जय जय सुरनायक जन सुखदायक प्रनतपाल भगवंता।
गो द्विज हितकारी जय असुरारी सिधुंसुता प्रिय कंता॥
पालन सुर धरनी अद्भुत करनी मरम न जानइ कोई।
जो सहज कृपाला दीनदयाला करउ अनुग्रह सोई॥jaya jaya suranāyaka jana sukhadāyaka pranatapāla bhagavaṃtā|
go dvija hitakārī jaya asurārī sidhuṃsutā priya kaṃtā||
pālana sura dharanī adbhuta karanī marama na jānai koī|
jo sahaja kṛpālā dīnadayālā karau anugraha soī||छंदजय जय अबिनासी सब घट बासी ब्यापक परमानंदा।
अबिगत गोतीतं चरित पुनीतं मायारहित मुकुंदा॥
जेहि लागि बिरागी अति अनुरागी बिगतमोह मुनिबृंदा।
निसि बासर ध्यावहिं गुन गन गावहिं जयति सच्चिदानंदा॥jaya jaya abināsī saba ghaṭa bāsī byāpaka paramānaṃdā|
abigata gotītaṃ carita punītaṃ māyārahita mukuṃdā||
jehi lāgi birāgī ati anurāgī bigatamoha munibṛṃdā|
nisi bāsara dhyāvahiṃ guna gana gāvahiṃ jayati saccidānaṃdā||छंदजेहिं सृष्टि उपाई त्रिबिध बनाई संग सहाय न दूजा।
सो करउ अघारी चिंत हमारी जानिअ भगति न पूजा॥
जो भव भय भंजन मुनि मन रंजन गंजन बिपति बरूथा।
मन बच क्रम बानी छाड़ि सयानी सरन सकल सुर जूथा॥jehiṃ sṛṣṭi upāī tribidha banāī saṃga sahāya na dūjā|
so karau aghārī ciṃta hamārī jānia bhagati na pūjā||
jo bhava bhaya bhaṃjana muni mana raṃjana gaṃjana bipati barūthā|
mana baca krama bānī chāḍi sayānī sarana sakala sura jūthā||छंदसारद श्रुति सेषा रिषय असेषा जा कहुँ कोउ नहिं जाना।
जेहि दीन पिआरे बेद पुकारे द्रवउ सो श्रीभगवाना॥
भव बारिधि मंदर सब बिधि सुंदर गुनमंदिर सुखपुंजा।
मुनि सिद्ध सकल सुर परम भयातुर नमत नाथ पद कंजा॥sārada śruti seṣā riṣaya aseṣā jā kahum̐ kou nahiṃ jānā|
jehi dīna piāre beda pukāre dravau so śrībhagavānā||
bhava bāridhi maṃdara saba bidhi suṃdara gunamaṃdira sukhapuṃjā|
muni siddha sakala sura parama bhayātura namata nātha pada kaṃjā||दोहा 186जानि सभय सुरभूमि सुनि बचन समेत सनेह।
गगनगिरा गंभीर भइ हरनि सोक संदेह॥186॥jāni sabhaya surabhūmi suni bacana sameta saneha|
gaganagirā gaṃbhīra bhai harani soka saṃdeha||186|| -
दोहा 187#
जनि डरपहु मुनि सिद्ध सुरेसा। तुम्हहि लागि धरिहउँ नर बेसा॥
अंसन्ह सहित मनुज अवतारा। लेहउँ दिनकर बंस उदारा॥
कस्यप अदिति महातप कीन्हा। तिन्ह कहुँ मैं पूरब बर दीन्हा॥
ते दसरथ कौसल्या रूपा। कोसलपुरीं प्रगट नरभूपा॥
तिन्ह के गृह अवतरिहउँ जाई। रघुकुल तिलक सो चारिउ भाई॥
नारद बचन सत्य सब करिहउँ। परम सक्ति समेत अवतरिहउँ॥
हरिहउँ सकल भूमि गरुआई। निर्भय होहु देव समुदाई॥
गगन ब्रह्मबानी सुनि काना। तुरत फिरे सुर हृदय जुड़ाना॥
तब ब्रह्माँ धरनिहि समुझावा। अभय भई भरोस जियँ आवा॥jani ḍarapahu muni siddha suresā| tumhahi lāgi dharihaum̐ nara besā||
aṃsanha sahita manuja avatārā| lehaum̐ dinakara baṃsa udārā||
kasyapa aditi mahātapa kīnhā| tinha kahum̐ maiṃ pūraba bara dīnhā||
te dasaratha kausalyā rūpā| kosalapurīṃ pragaṭa narabhūpā||
tinha ke gṛha avatarihaum̐ jāī| raghukula tilaka so cāriu bhāī||
nārada bacana satya saba karihaum̐| parama sakti sameta avatarihaum̐||
harihaum̐ sakala bhūmi garuāī| nirbhaya hohu deva samudāī||
gagana brahmabānī suni kānā| turata phire sura hṛdaya juḍānā||
taba brahmām̐ dharanihi samujhāvā| abhaya bhaī bharosa jiyam̐ āvā||दोहा 187निज लोकहि बिरंचि गे देवन्ह इहइ सिखाइ।
बानर तनु धरि धरि महि हरि पद सेवहु जाइ॥187॥nija lokahi biraṃci ge devanha ihai sikhāi|
bānara tanu dhari dhari mahi hari pada sevahu jāi||187|| -
दोहा 188#
गए देव सब निज निज धामा। भूमि सहित मन कहुँ बिश्रामा ।
जो कछु आयसु ब्रह्माँ दीन्हा। हरषे देव बिलंब न कीन्हा॥
बनचर देह धरि छिति माहीं। अतुलित बल प्रताप तिन्ह पाहीं॥
गिरि तरु नख आयुध सब बीरा। हरि मारग चितवहिं मतिधीरा॥
गिरि कानन जहँ तहँ भरि पूरी। रहे निज निज अनीक रचि रूरी॥
यह सब रुचिर चरित मैं भाषा। अब सो सुनहु जो बीचहिं राखा॥
अवधपुरीं रघुकुलमनि राऊ। बेद बिदित तेहि दसरथ नाऊँ॥
धरम धुरंधर गुननिधि ग्यानी। हृदयँ भगति मति सारँगपानी॥gae deva saba nija nija dhāmā| bhūmi sahita mana kahum̐ biśrāmā |
jo kachu āyasu brahmām̐ dīnhā| haraṣe deva bilaṃba na kīnhā||
banacara deha dhari chiti māhīṃ| atulita bala pratāpa tinha pāhīṃ||
giri taru nakha āyudha saba bīrā| hari māraga citavahiṃ matidhīrā||
giri kānana jaham̐ taham̐ bhari pūrī| rahe nija nija anīka raci rūrī||
yaha saba rucira carita maiṃ bhāṣā| aba so sunahu jo bīcahiṃ rākhā||
avadhapurīṃ raghukulamani rāū| beda bidita tehi dasaratha nāūm̐||
dharama dhuraṃdhara gunanidhi gyānī| hṛdayam̐ bhagati mati sāram̐gapānī||दोहा 188कौसल्यादि नारि प्रिय सब आचरन पुनीत।
पति अनुकूल प्रेम दृढ़ हरि पद कमल बिनीत॥188॥kausalyādi nāri priya saba ācarana punīta|
pati anukūla prema dṛḍha hari pada kamala binīta||188|| -
दोहा 189#
एक बार भूपति मन माहीं। भै गलानि मोरें सुत नाहीं॥
गुर गृह गयउ तुरत महिपाला। चरन लागि करि बिनय बिसाला॥
निज दुख सुख सब गुरहि सुनायउ। कहि बसिष्ठ बहुबिधि समुझायउ॥
धरहु धीर होइहहिं सुत चारी। त्रिभुवन बिदित भगत भय हारी॥
सृंगी रिषिहि बसिष्ठ बोलावा। पुत्रकाम सुभ जग्य करावा॥
भगति सहित मुनि आहुति दीन्हें। प्रगटे अगिनि चरू कर लीन्हें॥
जो बसिष्ठ कछु हृदयँ बिचारा। सकल काजु भा सिद्ध तुम्हारा॥
यह हबि बाँटि देहु नृप जाई। जथा जोग जेहि भाग बनाई॥eka bāra bhūpati mana māhīṃ| bhai galāni moreṃ suta nāhīṃ||
gura gṛha gayau turata mahipālā| carana lāgi kari binaya bisālā||
nija dukha sukha saba gurahi sunāyau| kahi basiṣṭha bahubidhi samujhāyau||
dharahu dhīra hoihahiṃ suta cārī| tribhuvana bidita bhagata bhaya hārī||
sṛṃgī riṣihi basiṣṭha bolāvā| putrakāma subha jagya karāvā||
bhagati sahita muni āhuti dīnheṃ| pragaṭe agini carū kara līnheṃ||
jo basiṣṭha kachu hṛdayam̐ bicārā| sakala kāju bhā siddha tumhārā||
yaha habi bām̐ṭi dehu nṛpa jāī| jathā joga jehi bhāga banāī||दोहा 189तब अदृस्य भए पावक सकल सभहि समुझाइ॥
परमानंद मगन नृप हरष न हृदयँ समाइ॥189॥taba adṛsya bhae pāvaka sakala sabhahi samujhāi||
paramānaṃda magana nṛpa haraṣa na hṛdayam̐ samāi||189|| -
दोहा 190#
तबहिं रायँ प्रिय नारि बोलाईं। कौसल्यादि तहाँ चलि आई॥
अर्ध भाग कौसल्यहि दीन्हा। उभय भाग आधे कर कीन्हा॥
कैकेई कहँ नृप सो दयऊ। रह्यो सो उभय भाग पुनि भयऊ॥
कौसल्या कैकेई हाथ धरि। दीन्ह सुमित्रहि मन प्रसन्न करि॥
एहि बिधि गर्भसहित सब नारी। भईं हृदयँ हरषित सुख भारी॥
जा दिन तें हरि गर्भहिं आए। सकल लोक सुख संपति छाए॥
मंदिर महँ सब राजहिं रानी। सोभा सील तेज की खानीं॥
सुख जुत कछुक काल चलि गयऊ। जेहिं प्रभु प्रगट सो अवसर भयऊ॥tabahiṃ rāyam̐ priya nāri bolāīṃ| kausalyādi tahām̐ cali āī||
ardha bhāga kausalyahi dīnhā| ubhaya bhāga ādhe kara kīnhā||
kaikeī kaham̐ nṛpa so dayaū| rahyo so ubhaya bhāga puni bhayaū||
kausalyā kaikeī hātha dhari| dīnha sumitrahi mana prasanna kari||
ehi bidhi garbhasahita saba nārī| bhaīṃ hṛdayam̐ haraṣita sukha bhārī||
jā dina teṃ hari garbhahiṃ āe| sakala loka sukha saṃpati chāe||
maṃdira maham̐ saba rājahiṃ rānī| sobhā sīla teja kī khānīṃ||
sukha juta kachuka kāla cali gayaū| jehiṃ prabhu pragaṭa so avasara bhayaū||दोहा 190जोग लगन ग्रह बार तिथि सकल भए अनुकूल।
चर अरु अचर हर्षजुत राम जनम सुखमूल॥190॥joga lagana graha bāra tithi sakala bhae anukūla|
cara aru acara harṣajuta rāma janama sukhamūla||190||यज्ञ से प्राप्त हविष्य (खीर) लेकर राजा दशरथजी ने अपनी प्रिय रानियों को बुलाया और कौसल्याजी आदि वहाँ आईं। राजा ने उसका आधा भाग कौसल्याजी को दिया और बचे हुए के दो भाग किए। उनमें से एक भाग कैकेयीजी को दिया। जो बचा उसके फिर दो भाग हुए, और उन्हें कौसल्याजी और कैकेयीजी के हाथ पर रखकर, उनका मन प्रसन्न करके, सुमित्राजी को दिया। इस प्रकार सब रानियाँ गर्भवती हुईं और हृदय में बहुत हर्षित हुईं। जिस दिन से श्रीहरि गर्भ में आए, सब लोकों में सुख और संपत्ति छा गई। शोभा, शील और तेज की खान सब रानियाँ महल में सुशोभित थीं। कुछ समय सुख से बीता, और वह अवसर आ गया जब प्रभु को प्रकट होना था। योग, लग्न, ग्रह, वार और तिथि सब अनुकूल हो गए; जड़ और चेतन सब हर्ष से भर गए, क्योंकि श्रीराम का जन्म सुख का मूल है।
King Dasharatha, with the sacred offering from the yajna, called his beloved queens, and Kausalya and the others came. He gave half of it to Kausalya and divided the rest in two. One part he gave to Kaikeyi. What remained was again split in two, and placing these in the hands of Kausalya and Kaikeyi, pleasing them, he had them given to Sumitra. In this way all the queens conceived and their hearts were filled with joy. From the day Hari entered the womb, happiness and plenty spread through all the worlds. The queens shone in the palace, treasures of beauty, virtue and radiance. Some time passed happily, and then came the moment for the Lord to appear. Doha: the yoga, the rising sign, the planets, the weekday and the lunar date all became favourable; all things moving and unmoving were filled with joy, for the birth of Rama is the root of happiness.
-
दोहा 191#
नौमी तिथि मधु मास पुनीता। सुकल पच्छ अभिजित हरिप्रीता॥
मध्यदिवस अति सीत न घामा। पावन काल लोक बिश्रामा॥
सीतल मंद सुरभि बह बाऊ। हरषित सुर संतन मन चाऊ॥
बन कुसुमित गिरिगन मनिआरा। स्त्रवहिं सकल सरिताऽमृतधारा॥
सो अवसर बिरंचि जब जाना। चले सकल सुर साजि बिमाना॥
गगन बिमल संकुल सुर जूथा। गावहिं गुन गंधर्ब बरूथा॥
बरषहिं सुमन सुअंजलि साजी। गहगहि गगन दुंदुभी बाजी॥
अस्तुति करहिं नाग मुनि देवा। बहुबिधि लावहिं निज निज सेवा॥naumī tithi madhu māsa punītā| sukala paccha abhijita hariprītā||
madhyadivasa ati sīta na ghāmā| pāvana kāla loka biśrāmā||
sītala maṃda surabhi baha bāū| haraṣita sura saṃtana mana cāū||
bana kusumita girigana maniārā| stravahiṃ sakala saritā'mṛtadhārā||
so avasara biraṃci jaba jānā| cale sakala sura sāji bimānā||
gagana bimala saṃkula sura jūthā| gāvahiṃ guna gaṃdharba barūthā||
baraṣahiṃ sumana suaṃjali sājī| gahagahi gagana duṃdubhī bājī||
astuti karahiṃ nāga muni devā| bahubidhi lāvahiṃ nija nija sevā||दोहा 191सुर समूह बिनती करि पहुँचे निज निज धाम।
जगनिवास प्रभु प्रगटे अखिल लोक बिश्राम॥191॥sura samūha binatī kari pahum̐ce nija nija dhāma|
jaganivāsa prabhu pragaṭe akhila loka biśrāma||191||पवित्र चैत्र (मधु) मास की नवमी तिथि थी, शुक्ल पक्ष था और भगवान को प्रिय अभिजित मुहूर्त था। दोपहर का समय था; न बहुत सर्दी थी न धूप; वह पवित्र समय सब लोकों को शांति देने वाला था। शीतल, मंद और सुगंधित हवा बह रही थी; देवता हर्षित थे और संतों के मन में उत्साह था। वन फूलों से भरे थे, पर्वत मणियों से जगमगा रहे थे और सब नदियाँ अमृत की धारा बहा रही थीं। जब ब्रह्माजी ने वह अवसर जाना, तो सब देवता विमान सजाकर चल पड़े। निर्मल आकाश देवताओं के समूहों से भर गया; गंधर्वों के दल गुणगान करने लगे। वे अंजलि भर-भरकर फूल बरसाने लगे और आकाश में नगाड़े जोर से बजने लगे। नाग, मुनि और देवता स्तुति करने लगे और अनेक प्रकार से अपनी-अपनी सेवा अर्पित करने लगे। देवताओं के समूह विनती करके अपने-अपने लोक को लौट गए, और समस्त लोकों को शांति देने वाले, जगत के आधार प्रभु प्रकट हुए।
It was the ninth day of the holy month of Madhu (Chaitra), in the bright fortnight, at the Abhijit hour dear to the Lord. It was midday, neither too cold nor too hot, a sacred time that brought rest to all the worlds. A cool, gentle, fragrant breeze was blowing; the gods were joyful and the saints eager at heart. The forests were in bloom, the mountains glittered with gems, and every river flowed with streams of nectar. When Brahma knew the moment had come, all the gods set out in their decorated celestial chariots. The clear sky filled with crowds of gods, and troupes of gandharvas sang the Lord's praises. They showered flowers from cupped hands, and kettledrums boomed across the sky. Nagas, sages and gods offered hymns and their own services in many ways. Doha: having offered their prayers, the hosts of gods returned to their own realms, and the Lord, in whom the universe dwells and who gives rest to all the worlds, appeared.
-
दोहा 192#छंद
भए प्रगट कृपाला दीनदयाला कौसल्या हितकारी।
हरषित महतारी मुनि मन हारी अद्भुत रूप बिचारी॥
लोचन अभिरामा तनु घनस्यामा निज आयुध भुज चारी।
भूषन बनमाला नयन बिसाला सोभासिंधु खरारी॥bhae pragaṭa kṛpālā dīnadayālā kausalyā hitakārī|
haraṣita mahatārī muni mana hārī adbhuta rūpa bicārī||
locana abhirāmā tanu ghanasyāmā nija āyudha bhuja cārī|
bhūṣana banamālā nayana bisālā sobhāsiṃdhu kharārī||छंदकह दुइ कर जोरी अस्तुति तोरी केहि बिधि करौं अनंता।
माया गुन ग्यानातीत अमाना बेद पुरान भनंता॥
करुना सुख सागर सब गुन आगर जेहि गावहिं श्रुति संता।
सो मम हित लागी जन अनुरागी भयउ प्रगट श्रीकंता॥kaha dui kara jorī astuti torī kehi bidhi karauṃ anaṃtā|
māyā guna gyānātīta amānā beda purāna bhanaṃtā||
karunā sukha sāgara saba guna āgara jehi gāvahiṃ śruti saṃtā|
so mama hita lāgī jana anurāgī bhayau pragaṭa śrīkaṃtā||छंदब्रह्मांड निकाया निर्मित माया रोम रोम प्रति बेद कहै।
मम उर सो बासी यह उपहासी सुनत धीर मति थिर न रहै॥
उपजा जब ग्याना प्रभु मुसुकाना चरित बहुत बिधि कीन्ह चहै।
कहि कथा सुहाई मातु बुझाई जेहि प्रकार सुत प्रेम लहै॥brahmāṃḍa nikāyā nirmita māyā roma roma prati beda kahai|
mama ura so bāsī yaha upahāsī sunata dhīra mati thira na rahai||
upajā jaba gyānā prabhu musukānā carita bahuta bidhi kīnha cahai|
kahi kathā suhāī mātu bujhāī jehi prakāra suta prema lahai||छंदमाता पुनि बोली सो मति डोली तजहु तात यह रूपा।
कीजै सिसुलीला अति प्रियसीला यह सुख परम अनूपा॥
सुनि बचन सुजाना रोदन ठाना होइ बालक सुरभूपा।
यह चरित जे गावहिं हरिपद पावहिं ते न परहिं भवकूपा॥mātā puni bolī so mati ḍolī tajahu tāta yaha rūpā|
kījai sisulīlā ati priyasīlā yaha sukha parama anūpā||
suni bacana sujānā rodana ṭhānā hoi bālaka surabhūpā|
yaha carita je gāvahiṃ haripada pāvahiṃ te na parahiṃ bhavakūpā||दोहा 192बिप्र धेनु सुर संत हित लीन्ह मनुज अवतार।
निज इच्छा निर्मित तनु माया गुन गो पार॥192॥bipra dhenu sura saṃta hita līnha manuja avatāra|
nija icchā nirmita tanu māyā guna go pāra||192||दीनों पर दया करने वाले, कौसल्याजी का हित करने वाले कृपालु प्रभु प्रकट हुए। मुनियों के मन को हरने वाले उनके अद्भुत रूप का विचार करके माता हर्षित हो गईं। नेत्र आनंद देने वाले, शरीर मेघ के समान श्याम, चारों भुजाओं में अपने आयुध, आभूषण और वनमाला धारण किए, बड़े-बड़े नेत्र, शोभा के सागर, खर के शत्रु प्रभु प्रकट हुए। माता दोनों हाथ जोड़कर बोलीं: हे अनंत, मैं किस प्रकार आपकी स्तुति करूँ? वेद-पुराण आपको माया, गुण और ज्ञान से परे और अपरिमेय कहते हैं। श्रुतियाँ और संत जिन्हें करुणा और सुख का सागर, सब गुणों का धाम कहकर गाते हैं, वही भक्तों से प्रेम करने वाले लक्ष्मीपति मेरे हित के लिए प्रकट हुए हैं। वेद कहते हैं कि आपके रोम-रोम में माया से बने अनेक ब्रह्मांड हैं; वही आप मेरे गर्भ में रहे, यह सुनकर धीर बुद्धि भी स्थिर नहीं रहती। जब माता को यह ज्ञान हुआ, प्रभु मुस्कुराए, क्योंकि वे अनेक लीलाएँ करना चाहते हैं। उन्होंने सुंदर कथा कहकर माता को समझाया, जिससे उन्हें पुत्र का प्रेम मिले। तब माता की बुद्धि बदली और बोलीं: हे तात, यह रूप छोड़कर अत्यंत प्रिय बाललीला कीजिए, यह सुख परम अनुपम है। यह सुनकर देवताओं के स्वामी सुजान प्रभु बालक बनकर रोने लगे। जो यह चरित्र गाते हैं, वे हरिपद पाते हैं और संसार रूपी कुएँ में नहीं गिरते। ब्राह्मण, गौ, देवता और संतों के लिए प्रभु ने मनुष्य अवतार लिया; उनका शरीर अपनी इच्छा से बना है और वे माया, गुण और इंद्रियों से परे हैं।
The merciful Lord, kind to the lowly and devoted to Kausalya's good, appeared. Seeing his wondrous form, which captivates the minds of sages, the mother was filled with joy. His eyes were enchanting, his body dark as a rain cloud, his four arms held his weapons; he wore ornaments and a garland of forest flowers, his eyes were large, an ocean of beauty, the slayer of Khara. With joined hands she said: O Infinite One, how can I praise you? The Vedas and Puranas call you beyond Maya, beyond the gunas and beyond knowledge, beyond all measure. The ocean of compassion and bliss, home of all virtues, sung by scripture and saints, the Lord of Lakshmi who loves his devotees, has appeared for my sake. The Veda says that in every pore of yours are countless universes made by Maya; that you lay in my womb shakes even the steadiest mind. When this awareness dawned on her, the Lord smiled, for he wished to perform many lilas. He told her a lovely story to make her understand, so that she would know a mother's love for a son. Then her mind changed and she said: Dear child, give up this form and play as a baby; that joy is beyond compare. Hearing this, the wise Lord of gods became an infant and began to cry. Those who sing this story reach Hari's feet and never fall into the well of worldly life. Doha: for Brahmins, cows, gods and saints he took human birth, in a body made by his own will, beyond Maya, the gunas and the senses.
-
दोहा 193#
सुनि सिसु रुदन परम प्रिय बानी। संभ्रम चलि आई सब रानी॥
हरषित जहँ तहँ धाईं दासी। आनँद मगन सकल पुरबासी॥
दसरथ पुत्रजन्म सुनि काना। मानहुँ ब्रह्मानंद समाना॥
परम प्रेम मन पुलक सरीरा। चाहत उठत करत मति धीरा॥
जाकर नाम सुनत सुभ होई। मोरें गृह आवा प्रभु सोई॥
परमानंद पूरि मन राजा। कहा बोलाइ बजावहु बाजा॥
गुर बसिष्ठ कहँ गयउ हँकारा। आए द्विजन सहित नृपद्वारा॥
अनुपम बालक देखेन्हि जाई। रूप रासि गुन कहि न सिराई॥suni sisu rudana parama priya bānī| saṃbhrama cali āī saba rānī||
haraṣita jaham̐ taham̐ dhāīṃ dāsī| ānam̐da magana sakala purabāsī||
dasaratha putrajanma suni kānā| mānahum̐ brahmānaṃda samānā||
parama prema mana pulaka sarīrā| cāhata uṭhata karata mati dhīrā||
jākara nāma sunata subha hoī| moreṃ gṛha āvā prabhu soī||
paramānaṃda pūri mana rājā| kahā bolāi bajāvahu bājā||
gura basiṣṭha kaham̐ gayau ham̐kārā| āe dvijana sahita nṛpadvārā||
anupama bālaka dekhenhi jāī| rūpa rāsi guna kahi na sirāī||दोहा 193नंदीमुख सराध करि जातकरम सब कीन्ह।
हाटक धेनु बसन मनि नृप बिप्रन्ह कहँ दीन्ह॥193॥naṃdīmukha sarādha kari jātakarama saba kīnha|
hāṭaka dhenu basana mani nṛpa bipranha kaham̐ dīnha||193||बालक के रोने की अत्यंत प्यारी आवाज सुनकर सब रानियाँ उतावली होकर दौड़ी आईं। दासियाँ हर्षित होकर इधर-उधर दौड़ने लगीं और सब नगरवासी आनंद में डूब गए। पुत्र-जन्म का समाचार कानों से सुनकर दशरथजी मानो ब्रह्मानंद में समा गए। मन में परम प्रेम था और शरीर पुलकित था; वे उठना चाहते थे, पर बुद्धि को धीरज देते रहे। वे सोचते हैं: जिनका नाम सुनने से ही कल्याण होता है, वही प्रभु मेरे घर आए हैं। परम आनंद से मन भरकर राजा ने बाजे बजवाने की आज्ञा दी। गुरु वसिष्ठजी को बुलावा भेजा गया; वे ब्राह्मणों के साथ राजद्वार पर आए। उन्होंने जाकर उस अनुपम बालक को देखा, जो रूप की राशि है और जिसके गुण कहते नहीं बनते। नांदीमुख श्राद्ध करके सब जातकर्म संस्कार किए गए, और राजा ने ब्राह्मणों को सोना, गौएँ, वस्त्र और मणियाँ दान कीं।
Hearing the baby's cry, the dearest of sounds, all the queens came hurrying. Joyful maids ran about everywhere, and all the people of the city were lost in delight. When Dasharatha heard with his own ears that a son was born, he felt as though merged in the bliss of Brahman. His heart overflowed with love and his body thrilled; he longed to rise at once but steadied his mind. He thought: the Lord whose name brings blessing merely on being heard has come into my home. His heart full of supreme joy, the king ordered the music to be played. Guru Vasishtha was sent for, and he came to the palace gate with the Brahmins. They went and saw the matchless child, a treasure of beauty whose virtues could never be fully told. Doha: after performing the Nandimukh shraddha, all the birth ceremonies were carried out, and the king gave the Brahmins gold, cows, clothes and jewels.
-
दोहा 194#
ध्वज पताक तोरन पुर छावा। कहि न जाइ जेहि भाँति बनावा॥
सुमनबृष्टि अकास तें होई। ब्रह्मानंद मगन सब लोई॥
बृंद बृंद मिलि चलीं लोगाईं। सहज सिंगार किएँ उठि धाई॥
कनक कलस मंगल धरि थारा। गावत पैठहिं भूप दुआरा॥
करि आरति नेवछावरि करहीं। बार बार सिसु चरनन्हि परहीं॥
मागध सूत बंदिगन गायक। पावन गुन गावहिं रघुनायक॥
सर्बस दान दीन्ह सब काहू। जेहिं पावा राखा नहिं ताहू॥
मृगमद चंदन कुंकुम कीचा। मची सकल बीथिन्ह बिच बीचा॥dhvaja patāka torana pura chāvā| kahi na jāi jehi bhām̐ti banāvā||
sumanabṛṣṭi akāsa teṃ hoī| brahmānaṃda magana saba loī||
bṛṃda bṛṃda mili calīṃ logāīṃ| sahaja siṃgāra kiem̐ uṭhi dhāī||
kanaka kalasa maṃgala dhari thārā| gāvata paiṭhahiṃ bhūpa duārā||
kari ārati nevachāvari karahīṃ| bāra bāra sisu carananhi parahīṃ||
māgadha sūta baṃdigana gāyaka| pāvana guna gāvahiṃ raghunāyaka||
sarbasa dāna dīnha saba kāhū| jehiṃ pāvā rākhā nahiṃ tāhū||
mṛgamada caṃdana kuṃkuma kīcā| macī sakala bīthinha bica bīcā||दोहा 194गृह गृह बाज बधाव सुभ प्रगटे सुषमा कंद।
हरषवंत सब जहँ तहँ नगर नारि नर बृंद॥194॥gṛha gṛha bāja badhāva subha pragaṭe suṣamā kaṃda|
haraṣavaṃta saba jaham̐ taham̐ nagara nāri nara bṛṃda||194||नगर ध्वजाओं, पताकाओं और तोरणों से छा गया; जिस प्रकार उसे सजाया गया, वह कहा नहीं जा सकता। आकाश से फूलों की वर्षा होने लगी और सब लोग ब्रह्मानंद में मग्न हो गए। स्त्रियाँ झुंड की झुंड मिलकर, जैसी थीं वैसे ही सहज श्रृंगार में उठकर दौड़ पड़ीं। सोने के कलश और मंगल वस्तुओं से भरे थाल लेकर गाती हुई वे राजद्वार में प्रवेश करती हैं। वे आरती करके न्योछावर करती हैं और बार-बार बालक के चरणों में गिरती हैं। मागध, सूत, बंदीजन और गायक श्रीरघुनाथजी के पवित्र गुण गाते हैं। राजा ने सबको सर्वस्व दान दिया; जिसने पाया, उसने भी अपने पास नहीं रखा, आगे बाँट दिया। कस्तूरी, चंदन और कुमकुम से सब गलियों में कीचड़ मच गया। घर-घर शुभ बधाई के बाजे बजने लगे, क्योंकि शोभा के मूल प्रभु प्रकट हुए हैं; नगर के स्त्री-पुरुषों के समूह जहाँ-तहाँ आनंदित हैं।
The city was covered with flags, banners and arches of welcome, decorated in a way that words cannot describe. Flowers rained from the sky and everyone was immersed in the bliss of Brahman. Women gathered in groups and ran out just as they were, in their everyday adornment. Carrying golden pitchers and plates of auspicious things, they entered the palace gate singing. They performed aarti, made offerings over the child, and fell again and again at his feet. Bards, heralds, minstrels and singers sang the holy praises of Raghunayaka. The king gave away everything he had to everyone, and those who received it did not keep it but gave it on. Musk, sandal and saffron turned every lane into a fragrant mire. Doha: in every house auspicious music of celebration played, for the source of all beauty had appeared; everywhere the men and women of the city were full of joy.
-
दोहा 195#
कैकयसुता सुमित्रा दोऊ। सुंदर सुत जनमत भैं ओऊ॥
वह सुख संपति समय समाजा। कहि न सकइ सारद अहिराजा॥
अवधपुरी सोहइ एहि भाँती। प्रभुहि मिलन आई जनु राती॥
देखि भानु जनु मन सकुचानी। तदपि बनी संध्या अनुमानी॥
अगर धूप बहु जनु अँधिआरी। उड़इ अभीर मनहुँ अरुनारी॥
मंदिर मनि समूह जनु तारा। नृप गृह कलस सो इंदु उदारा॥
भवन बेदधुनि अति मृदु बानी। जनु खग मुखर समयँ जनु सानी॥
कौतुक देखि पतंग भुलाना। एक मास तेइँ जात न जाना॥kaikayasutā sumitrā doū| suṃdara suta janamata bhaiṃ oū||
vaha sukha saṃpati samaya samājā| kahi na sakai sārada ahirājā||
avadhapurī sohai ehi bhām̐tī| prabhuhi milana āī janu rātī||
dekhi bhānu janu mana sakucānī| tadapi banī saṃdhyā anumānī||
agara dhūpa bahu janu am̐dhiārī| uḍai abhīra manahum̐ arunārī||
maṃdira mani samūha janu tārā| nṛpa gṛha kalasa so iṃdu udārā||
bhavana bedadhuni ati mṛdu bānī| janu khaga mukhara samayam̐ janu sānī||
kautuka dekhi pataṃga bhulānā| eka māsa teim̐ jāta na jānā||दोहा 195मास दिवस कर दिवस भा मरम न जानइ कोइ।
रथ समेत रबि थाकेउ निसा कवन बिधि होइ॥195॥māsa divasa kara divasa bhā marama na jānai koi|
ratha sameta rabi thākeu nisā kavana bidhi hoi||195||कैकेयीजी और सुमित्राजी, दोनों ने भी सुंदर पुत्रों को जन्म दिया। उस सुख, संपत्ति, समय और समाज का वर्णन सरस्वतीजी और शेषजी भी नहीं कर सकते। अवधपुरी ऐसी शोभित हुई मानो रात्रि प्रभु से मिलने आई हो, पर सूर्य को देखकर मन में सकुचा गई, फिर भी सोच-विचारकर संध्या बन गई। अगर की बहुत सी धूप मानो अँधेरा है और उड़ता हुआ अबीर मानो संध्या की लालिमा। महलों में जड़ी मणियाँ मानो तारे हैं और राजमहल का कलश मानो सुंदर चंद्रमा। महल में होने वाली कोमल वेदध्वनि मानो उस समय चहकते पक्षियों की वाणी है। यह कौतुक देखकर सूर्य भी अपनी सुध भूल गए; एक महीना बीत गया और उन्हें पता न चला। महीने भर का एक दिन हो गया, पर इसका रहस्य कोई नहीं जानता; सूर्य अपने रथ सहित ठहर गए, तो रात कैसे होती?
Kaikeyi and Sumitra also gave birth to beautiful sons. That joy, that wealth, that hour and that gathering could not be described even by Sharada (Saraswati) or Shesha, king of serpents. Ayodhya looked as if Night had come to meet the Lord, but seeing the sun she shrank back, and after some thought became Evening instead. The thick smoke of aloe-wood incense was like darkness, the flying coloured powder like the red glow of dusk, the gems on the mansions like stars, and the golden pinnacle of the royal palace like the noble moon. The soft chanting of the Vedas in the palace was like the chirping of birds at that hour. Seeing this wonder, the Sun himself was so entranced that a whole month passed without his knowing. Doha: a single day lasted a month, yet no one knew the secret; the Sun stood still with his chariot, so how could night fall?
-
दोहा 196#
यह रहस्य काहू नहिं जाना। दिन मनि चले करत गुनगाना॥
देखि महोत्सव सुर मुनि नागा। चले भवन बरनत निज भागा॥
औरउ एक कहउँ निज चोरी। सुनु गिरिजा अति दृढ़ मति तोरी॥
काक भुसुंडि संग हम दोऊ। मनुजरूप जानइ नहिं कोऊ॥
परमानंद प्रेमसुख फूले। बीथिन्ह फिरहिं मगन मन भूले॥
यह सुभ चरित जान पै सोई। कृपा राम कै जापर होई॥
तेहि अवसर जो जेहि बिधि आवा। दीन्ह भूप जो जेहि मन भावा॥
गज रथ तुरग हेम गो हीरा। दीन्हे नृप नानाबिधि चीरा॥yaha rahasya kāhū nahiṃ jānā| dina mani cale karata gunagānā||
dekhi mahotsava sura muni nāgā| cale bhavana baranata nija bhāgā||
aurau eka kahaum̐ nija corī| sunu girijā ati dṛḍha mati torī||
kāka bhusuṃḍi saṃga hama doū| manujarūpa jānai nahiṃ koū||
paramānaṃda premasukha phūle| bīthinha phirahiṃ magana mana bhūle||
yaha subha carita jāna pai soī| kṛpā rāma kai jāpara hoī||
tehi avasara jo jehi bidhi āvā| dīnha bhūpa jo jehi mana bhāvā||
gaja ratha turaga hema go hīrā| dīnhe nṛpa nānābidhi cīrā||दोहा 196मन संतोषे सबन्हि के जहँ तहँ देहिं असीस।
सकल तनय चिर जीवहुँ तुलसिदास के ईस॥196॥mana saṃtoṣe sabanhi ke jaham̐ taham̐ dehiṃ asīsa|
sakala tanaya cira jīvahum̐ tulasidāsa ke īsa||196||यह रहस्य किसी ने नहीं जाना; फिर सूर्यदेव प्रभु का गुणगान करते हुए आगे चले। यह महोत्सव देखकर देवता, मुनि और नाग अपने भाग्य की सराहना करते हुए अपने लोकों को गए। शिवजी कहते हैं: हे गिरिजा, तुम्हारी बुद्धि बहुत दृढ़ है, इसलिए मैं अपनी एक और चोरी (छिपी बात) बताता हूँ। काकभुशुण्डिजी और मैं दोनों वहाँ मनुष्य रूप में थे और हमें कोई पहचानता नहीं था। परम आनंद और प्रेम के सुख में फूले हुए, मन में मग्न होकर, अपनी सुध भूले हम गलियों में घूमते रहे। यह शुभ चरित्र वही जानता है जिस पर श्रीराम की कृपा हो। उस अवसर पर जो जिस प्रकार आया, राजा ने उसे वही दिया जो उसके मन को भाया। हाथी, रथ, घोड़े, सोना, गौएँ, हीरे और अनेक प्रकार के वस्त्र राजा ने दिए। सबके मन संतुष्ट हुए और वे जहाँ-तहाँ आशीर्वाद देने लगे कि तुलसीदास के स्वामी सब पुत्र चिरंजीवी हों।
No one understood this secret, and then the Sun moved on, singing the Lord's praises. Having seen the great festival, the gods, sages and nagas went home, speaking of their good fortune. Shiva says: Listen, Girija, your faith is very firm, so I will tell you one more secret of mine. Kakbhushundi and I were both there in human form, and no one recognised us. Swelling with supreme bliss and the joy of love, absorbed and forgetting ourselves, we wandered through the streets. Only one blessed with Rama's grace can know this holy story. At that time the king gave every person who came, in whatever way, whatever his heart desired: elephants, chariots, horses, gold, cows, diamonds and clothes of many kinds. Doha: everyone's heart was satisfied, and all over the city they gave their blessing: may all the sons, the lords of Tulsidas, live long.
-
दोहा 197#
कछुक दिवस बीते एहि भाँती। जात न जानिअ दिन अरु राती॥
नामकरन कर अवसरु जानी। भूप बोलि पठए मुनि ग्यानी॥
करि पूजा भूपति अस भाषा। धरिअ नाम जो मुनि गुनि राखा॥
इन्ह के नाम अनेक अनूपा। मैं नृप कहब स्वमति अनुरूपा॥
जो आनंद सिंधु सुखरासी। सीकर तें त्रैलोक सुपासी॥
सो सुख धाम राम अस नामा। अखिल लोक दायक बिश्रामा॥
बिस्व भरन पोषन कर जोई। ताकर नाम भरत अस होई॥
जाके सुमिरन तें रिपु नासा। नाम सत्रुहन बेद प्रकासा॥kachuka divasa bīte ehi bhām̐tī| jāta na jānia dina aru rātī||
nāmakarana kara avasaru jānī| bhūpa boli paṭhae muni gyānī||
kari pūjā bhūpati asa bhāṣā| dharia nāma jo muni guni rākhā||
inha ke nāma aneka anūpā| maiṃ nṛpa kahaba svamati anurūpā||
jo ānaṃda siṃdhu sukharāsī| sīkara teṃ trailoka supāsī||
so sukha dhāma rāma asa nāmā| akhila loka dāyaka biśrāmā||
bisva bharana poṣana kara joī| tākara nāma bharata asa hoī||
jāke sumirana teṃ ripu nāsā| nāma satruhana beda prakāsā||दोहा 197लच्छन धाम राम प्रिय सकल जगत आधार।
गुरु बसिष्ट तेहि राखा लछिमन नाम उदार॥197॥lacchana dhāma rāma priya sakala jagata ādhāra|
guru basiṣṭa tehi rākhā lachimana nāma udāra||197|| -
दोहा 198#
धरे नाम गुर हृदयँ बिचारी। बेद तत्व नृप तव सुत चारी॥
मुनि धन जन सरबस सिव प्राना। बाल केलि तेहिं सुख माना॥
बारेहि ते निज हित पति जानी। लछिमन राम चरन रति मानी॥
भरत सत्रुहन दूनउ भाई। प्रभु सेवक जसि प्रीति बड़ाई॥
स्याम गौर सुंदर दोउ जोरी। निरखहिं छबि जननीं तृन तोरी॥
चारिउ सील रूप गुन धामा। तदपि अधिक सुखसागर रामा॥
हृदयँ अनुग्रह इंदु प्रकासा। सूचत किरन मनोहर हासा॥
कबहुँ उछंग कबहुँ बर पलना। मातु दुलारइ कहि प्रिय ललना॥dhare nāma gura hṛdayam̐ bicārī| beda tatva nṛpa tava suta cārī||
muni dhana jana sarabasa siva prānā| bāla keli tehiṃ sukha mānā||
bārehi te nija hita pati jānī| lachimana rāma carana rati mānī||
bharata satruhana dūnau bhāī| prabhu sevaka jasi prīti baḍāī||
syāma gaura suṃdara dou jorī| nirakhahiṃ chabi jananīṃ tṛna torī||
cāriu sīla rūpa guna dhāmā| tadapi adhika sukhasāgara rāmā||
hṛdayam̐ anugraha iṃdu prakāsā| sūcata kirana manohara hāsā||
kabahum̐ uchaṃga kabahum̐ bara palanā| mātu dulārai kahi priya lalanā||दोहा 198ब्यापक ब्रह्म निरंजन निर्गुन बिगत बिनोद।
सो अज प्रेम भगति बस कौसल्या के गोद॥198॥byāpaka brahma niraṃjana nirguna bigata binoda|
so aja prema bhagati basa kausalyā ke goda||198|| -
दोहा 199#
काम कोटि छबि स्याम सरीरा। नील कंज बारिद गंभीरा॥
अरुन चरन पंकज नख जोती। कमल दलन्हि बैठे जनु मोती॥
रेख कुलिस ध्वज अंकुर सोहे। नूपुर धुनि सुनि मुनि मन मोहे॥
कटि किंकिनी उदर त्रय रेखा। नाभि गभीर जान जेहि देखा॥
भुज बिसाल भूषन जुत भूरी। हियँ हरि नख अति सोभा रूरी॥
उर मनिहार पदिक की सोभा। बिप्र चरन देखत मन लोभा॥
कंबु कंठ अति चिबुक सुहाई। आनन अमित मदन छबि छाई॥
दुइ दुइ दसन अधर अरुनारे। नासा तिलक को बरनै पारे॥
सुंदर श्रवन सुचारु कपोला। अति प्रिय मधुर तोतरे बोला॥
चिक्कन कच कुंचित गभुआरे। बहु प्रकार रचि मातु सँवारे॥
पीत झगुलिआ तनु पहिराई। जानु पानि बिचरनि मोहि भाई॥
रूप सकहिं नहिं कहि श्रुति सेषा। सो जानइ सपनेहुँ जेहि देखा॥kāma koṭi chabi syāma sarīrā| nīla kaṃja bārida gaṃbhīrā||
aruna carana paṃkaja nakha jotī| kamala dalanhi baiṭhe janu motī||
rekha kulisa dhvaja aṃkura sohe| nūpura dhuni suni muni mana mohe||
kaṭi kiṃkinī udara traya rekhā| nābhi gabhīra jāna jehi dekhā||
bhuja bisāla bhūṣana juta bhūrī| hiyam̐ hari nakha ati sobhā rūrī||
ura manihāra padika kī sobhā| bipra carana dekhata mana lobhā||
kaṃbu kaṃṭha ati cibuka suhāī| ānana amita madana chabi chāī||
dui dui dasana adhara arunāre| nāsā tilaka ko baranai pāre||
suṃdara śravana sucāru kapolā| ati priya madhura totare bolā||
cikkana kaca kuṃcita gabhuāre| bahu prakāra raci mātu sam̐vāre||
pīta jhaguliā tanu pahirāī| jānu pāni bicarani mohi bhāī||
rūpa sakahiṃ nahiṃ kahi śruti seṣā| so jānai sapanehum̐ jehi dekhā||दोहा 199सुख संदोह मोहपर ग्यान गिरा गोतीत।
दंपति परम प्रेम बस कर सिसुचरित पुनीत॥199॥sukha saṃdoha mohapara gyāna girā gotīta|
daṃpati parama prema basa kara sisucarita punīta||199|| -
दोहा 200#
एहि बिधि राम जगत पितु माता। कोसलपुर बासिन्ह सुखदाता॥
जिन्ह रघुनाथ चरन रति मानी। तिन्ह की यह गति प्रगट भवानी॥
रघुपति बिमुख जतन कर कोरी। कवन सकइ भव बंधन छोरी॥
जीव चराचर बस कै राखे। सो माया प्रभु सों भय भाखे॥
भृकुटि बिलास नचावइ ताही। अस प्रभु छाड़ि भजिअ कहु काही॥
मन क्रम बचन छाड़ि चतुराई। भजत कृपा करिहहिं रघुराई॥
एहि बिधि सिसुबिनोद प्रभु कीन्हा। सकल नगरबासिन्ह सुख दीन्हा॥
लै उछंग कबहुँक हलरावै। कबहुँ पालनें घालि झुलावै॥ehi bidhi rāma jagata pitu mātā| kosalapura bāsinha sukhadātā||
jinha raghunātha carana rati mānī| tinha kī yaha gati pragaṭa bhavānī||
raghupati bimukha jatana kara korī| kavana sakai bhava baṃdhana chorī||
jīva carācara basa kai rākhe| so māyā prabhu soṃ bhaya bhākhe||
bhṛkuṭi bilāsa nacāvai tāhī| asa prabhu chāḍi bhajia kahu kāhī||
mana krama bacana chāḍi caturāī| bhajata kṛpā karihahiṃ raghurāī||
ehi bidhi sisubinoda prabhu kīnhā| sakala nagarabāsinha sukha dīnhā||
lai uchaṃga kabahum̐ka halarāvai| kabahum̐ pālaneṃ ghāli jhulāvai||दोहा 200प्रेम मगन कौसल्या निसि दिन जात न जान।
सुत सनेह बस माता बालचरित कर गान॥200॥prema magana kausalyā nisi dina jāta na jāna|
suta saneha basa mātā bālacarita kara gāna||200|| -
दोहा 201#
एक बार जननीं अन्हवाए। करि सिंगार पलनाँ पौढ़ाए॥
निज कुल इष्टदेव भगवाना। पूजा हेतु कीन्ह अस्नाना॥
करि पूजा नैबेद्य चढ़ावा। आपु गई जहँ पाक बनावा॥
बहुरि मातु तहवाँ चलि आई। भोजन करत देख सुत जाई॥
गै जननी सिसु पहिं भयभीता। देखा बाल तहाँ पुनि सूता॥
बहुरि आइ देखा सुत सोई। हृदयँ कंप मन धीर न होई॥
इहाँ उहाँ दुइ बालक देखा। मतिभ्रम मोर कि आन बिसेषा॥
देखि राम जननी अकुलानी। प्रभु हँसि दीन्ह मधुर मुसुकानी॥eka bāra jananīṃ anhavāe| kari siṃgāra palanām̐ pauḍhāe||
nija kula iṣṭadeva bhagavānā| pūjā hetu kīnha asnānā||
kari pūjā naibedya caḍhāvā| āpu gaī jaham̐ pāka banāvā||
bahuri mātu tahavām̐ cali āī| bhojana karata dekha suta jāī||
gai jananī sisu pahiṃ bhayabhītā| dekhā bāla tahām̐ puni sūtā||
bahuri āi dekhā suta soī| hṛdayam̐ kaṃpa mana dhīra na hoī||
ihām̐ uhām̐ dui bālaka dekhā| matibhrama mora ki āna biseṣā||
dekhi rāma jananī akulānī| prabhu ham̐si dīnha madhura musukānī||दोहा 201देखरावा मातहि निज अद्भुत रूप अखंड।
रोम रोम प्रति लागे कोटि कोटि ब्रह्मंड॥ 201॥dekharāvā mātahi nija adbhuta rūpa akhaṃḍa|
roma roma prati lāge koṭi koṭi brahmaṃḍa|| 201|| -
दोहा 202#
अगनित रबि ससि सिव चतुरानन। बहु गिरि सरित सिंधु महि कानन॥
काल कर्म गुन ग्यान सुभाऊ। सोउ देखा जो सुना न काऊ॥
देखी माया सब बिधि गाढ़ी। अति सभीत जोरें कर ठाढ़ी॥
देखा जीव नचावइ जाही। देखी भगति जो छोरइ ताही॥
तन पुलकित मुख बचन न आवा। नयन मूदि चरननि सिरु नावा॥
बिसमयवंत देखि महतारी। भए बहुरि सिसुरूप खरारी॥
अस्तुति करि न जाइ भय माना। जगत पिता मैं सुत करि जाना॥
हरि जननी बहुबिधि समुझाई। यह जनि कतहुँ कहसि सुनु माई॥aganita rabi sasi siva caturānana| bahu giri sarita siṃdhu mahi kānana||
kāla karma guna gyāna subhāū| sou dekhā jo sunā na kāū||
dekhī māyā saba bidhi gāḍhī| ati sabhīta joreṃ kara ṭhāḍhī||
dekhā jīva nacāvai jāhī| dekhī bhagati jo chorai tāhī||
tana pulakita mukha bacana na āvā| nayana mūdi caranani siru nāvā||
bisamayavaṃta dekhi mahatārī| bhae bahuri sisurūpa kharārī||
astuti kari na jāi bhaya mānā| jagata pitā maiṃ suta kari jānā||
hari jananī bahubidhi samujhāī| yaha jani katahum̐ kahasi sunu māī||दोहा 202बार बार कौसल्या बिनय करइ कर जोरि॥
अब जनि कबहूँ ब्यापै प्रभु मोहि माया तोरि॥ 202॥bāra bāra kausalyā binaya karai kara jori||
aba jani kabahūm̐ byāpai prabhu mohi māyā tori|| 202|| -
दोहा 203#
बालचरित हरि बहुबिधि कीन्हा। अति अनंद दासन्ह कहँ दीन्हा॥
कछुक काल बीतें सब भाई। बड़े भए परिजन सुखदाई॥
चूड़ाकरन कीन्ह गुरु जाई। बिप्रन्ह पुनि दछिना बहु पाई॥
परम मनोहर चरित अपारा। करत फिरत चारिउ सुकुमारा॥
मन क्रम बचन अगोचर जोई। दसरथ अजिर बिचर प्रभु सोई॥
भोजन करत बोल जब राजा। नहिं आवत तजि बाल समाजा॥
कौसल्या जब बोलन जाई। ठुमुकु ठुमुकु प्रभु चलहिं पराई॥
निगम नेति सिव अंत न पावा। ताहि धरै जननी हठि धावा॥
धूरस धूरि भरें तनु आए। भूपति बिहसि गोद बैठाए॥bālacarita hari bahubidhi kīnhā| ati anaṃda dāsanha kaham̐ dīnhā||
kachuka kāla bīteṃ saba bhāī| baḍe bhae parijana sukhadāī||
cūḍākarana kīnha guru jāī| bipranha puni dachinā bahu pāī||
parama manohara carita apārā| karata phirata cāriu sukumārā||
mana krama bacana agocara joī| dasaratha ajira bicara prabhu soī||
bhojana karata bola jaba rājā| nahiṃ āvata taji bāla samājā||
kausalyā jaba bolana jāī| ṭhumuku ṭhumuku prabhu calahiṃ parāī||
nigama neti siva aṃta na pāvā| tāhi dharai jananī haṭhi dhāvā||
dhūrasa dhūri bhareṃ tanu āe| bhūpati bihasi goda baiṭhāe||दोहा 203भोजन करत चपल चित इत उत अवसरु पाइ।
भाजि चले किलकत मुख दधि ओदन लपटाइ॥203॥bhojana karata capala cita ita uta avasaru pāi|
bhāji cale kilakata mukha dadhi odana lapaṭāi||203|| -
दोहा 204#
बालचरित अति सरल सुहाए। सारद सेष संभु श्रुति गाए॥
जिन कर मन इन्ह सन नहिं राता। ते जन बंचित किए बिधाता॥
भए कुमार जबहिं सब भ्राता। दीन्ह जनेऊ गुरु पितु माता॥
गुरगृहँ गए पढ़न रघुराई। अलप काल बिद्या सब आई॥
जाकी सहज स्वास श्रुति चारी। सो हरि पढ़ यह कौतुक भारी॥
बिद्या बिनय निपुन गुन सीला। खेलहिं खेल सकल नृपलीला॥
करतल बान धनुष अति सोहा। देखत रूप चराचर मोहा॥
जिन्ह बीथिन्ह बिहरहिं सब भाई। थकित होहिं सब लोग लुगाई॥bālacarita ati sarala suhāe| sārada seṣa saṃbhu śruti gāe||
jina kara mana inha sana nahiṃ rātā| te jana baṃcita kie bidhātā||
bhae kumāra jabahiṃ saba bhrātā| dīnha janeū guru pitu mātā||
guragṛham̐ gae paḍhana raghurāī| alapa kāla bidyā saba āī||
jākī sahaja svāsa śruti cārī| so hari paḍha yaha kautuka bhārī||
bidyā binaya nipuna guna sīlā| khelahiṃ khela sakala nṛpalīlā||
karatala bāna dhanuṣa ati sohā| dekhata rūpa carācara mohā||
jinha bīthinha biharahiṃ saba bhāī| thakita hohiṃ saba loga lugāī||दोहा 204कोसलपुर बासी नर नारि बृद्ध अरु बाल।
प्रानहु ते प्रिय लागत सब कहुँ राम कृपाल॥204॥kosalapura bāsī nara nāri bṛddha aru bāla|
prānahu te priya lāgata saba kahum̐ rāma kṛpāla||204|| -
दोहा 205#
बंधु सखा संग लेहिं बोलाई। बन मृगया नित खेलहिं जाई॥
पावन मृग मारहिं जियँ जानी। दिन प्रति नृपहि देखावहिं आनी॥
जे मृग राम बान के मारे। ते तनु तजि सुरलोक सिधारे॥
अनुज सखा सँग भोजन करहीं। मातु पिता अग्या अनुसरहीं॥
जेहि बिधि सुखी होहिं पुर लोगा। करहिं कृपानिधि सोइ संजोगा॥
बेद पुरान सुनहिं मन लाई। आपु कहहिं अनुजन्ह समुझाई॥
प्रातकाल उठि कै रघुनाथा। मातु पिता गुरु नावहिं माथा॥
आयसु मागि करहिं पुर काजा। देखि चरित हरषइ मन राजा॥baṃdhu sakhā saṃga lehiṃ bolāī| bana mṛgayā nita khelahiṃ jāī||
pāvana mṛga mārahiṃ jiyam̐ jānī| dina prati nṛpahi dekhāvahiṃ ānī||
je mṛga rāma bāna ke māre| te tanu taji suraloka sidhāre||
anuja sakhā sam̐ga bhojana karahīṃ| mātu pitā agyā anusarahīṃ||
jehi bidhi sukhī hohiṃ pura logā| karahiṃ kṛpānidhi soi saṃjogā||
beda purāna sunahiṃ mana lāī| āpu kahahiṃ anujanha samujhāī||
prātakāla uṭhi kai raghunāthā| mātu pitā guru nāvahiṃ māthā||
āyasu māgi karahiṃ pura kājā| dekhi carita haraṣai mana rājā||दोहा 205ब्यापक अकल अनीह अज निर्गुन नाम न रूप।
भगत हेतु नाना बिधि करत चरित्र अनूप॥205॥byāpaka akala anīha aja nirguna nāma na rūpa|
bhagata hetu nānā bidhi karata caritra anūpa||205|| -
दोहा 206#
यह सब चरित कहा मैं गाई। आगिलि कथा सुनहु मन लाई॥
बिस्वामित्र महामुनि ग्यानी। बसहिं बिपिन सुभ आश्रम जानी॥
जहँ जप जग्य मुनि करही। अति मारीच सुबाहुहि डरहीं॥
देखत जग्य निसाचर धावहिं। करहि उपद्रव मुनि दुख पावहिं॥
गाधितनय मन चिंता ब्यापी। हरि बिनु मरहिं न निसिचर पापी॥
तब मुनिबर मन कीन्ह बिचारा। प्रभु अवतरेउ हरन महि भारा॥
एहुँ मिस देखौं पद जाई। करि बिनती आनौं दोउ भाई॥
ग्यान बिराग सकल गुन अयना। सो प्रभु मैं देखब भरि नयना॥yaha saba carita kahā maiṃ gāī| āgili kathā sunahu mana lāī||
bisvāmitra mahāmuni gyānī| basahiṃ bipina subha āśrama jānī||
jaham̐ japa jagya muni karahī| ati mārīca subāhuhi ḍarahīṃ||
dekhata jagya nisācara dhāvahiṃ| karahi upadrava muni dukha pāvahiṃ||
gādhitanaya mana ciṃtā byāpī| hari binu marahiṃ na nisicara pāpī||
taba munibara mana kīnha bicārā| prabhu avatareu harana mahi bhārā||
ehum̐ misa dekhauṃ pada jāī| kari binatī ānauṃ dou bhāī||
gyāna birāga sakala guna ayanā| so prabhu maiṃ dekhaba bhari nayanā||दोहा 206बहुबिधि करत मनोरथ जात लागि नहिं बार।
करि मज्जन सरऊ जल गए भूप दरबार॥206॥bahubidhi karata manoratha jāta lāgi nahiṃ bāra|
kari majjana saraū jala gae bhūpa darabāra||206|| -
दोहा 207#
मुनि आगमन सुना जब राजा। मिलन गयउ लै बिप्र समाजा॥
करि दंडवत मुनिहि सनमानी। निज आसन बैठारेन्हि आनी॥
चरन पखारि कीन्हि अति पूजा। मो सम आजु धन्य नहिं दूजा॥
बिबिध भाँति भोजन करवावा। मुनिबर हृदयँ हरष अति पावा॥
पुनि चरननि मेले सुत चारी। राम देखि मुनि देह बिसारी॥
भए मगन देखत मुख सोभा। जनु चकोर पूरन ससि लोभा॥
तब मन हरषि बचन कह राऊ। मुनि अस कृपा न कीन्हिहु काऊ॥
केहि कारन आगमन तुम्हारा। कहहु सो करत न लावउँ बारा॥
असुर समूह सतावहिं मोही। मैं जाचन आयउँ नृप तोही॥
अनुज समेत देहु रघुनाथा। निसिचर बध मैं होब सनाथा॥muni āgamana sunā jaba rājā| milana gayau lai bipra samājā||
kari daṃḍavata munihi sanamānī| nija āsana baiṭhārenhi ānī||
carana pakhāri kīnhi ati pūjā| mo sama āju dhanya nahiṃ dūjā||
bibidha bhām̐ti bhojana karavāvā| munibara hṛdayam̐ haraṣa ati pāvā||
puni caranani mele suta cārī| rāma dekhi muni deha bisārī||
bhae magana dekhata mukha sobhā| janu cakora pūrana sasi lobhā||
taba mana haraṣi bacana kaha rāū| muni asa kṛpā na kīnhihu kāū||
kehi kārana āgamana tumhārā| kahahu so karata na lāvaum̐ bārā||
asura samūha satāvahiṃ mohī| maiṃ jācana āyaum̐ nṛpa tohī||
anuja sameta dehu raghunāthā| nisicara badha maiṃ hoba sanāthā||दोहा 207देहु भूप मन हरषित तजहु मोह अग्यान।
धर्म सुजस प्रभु तुम्ह कौं इन्ह कहँ अति कल्यान॥207॥dehu bhūpa mana haraṣita tajahu moha agyāna|
dharma sujasa prabhu tumha kauṃ inha kaham̐ ati kalyāna||207|| -
दोहा 208#
सुनि राजा अति अप्रिय बानी। हृदय कंप मुख दुति कुमुलानी॥
चौथेंपन पायउँ सुत चारी। बिप्र बचन नहिं कहेहु बिचारी॥
मागहु भूमि धेनु धन कोसा। सर्बस देउँ आजु सहरोसा॥
देह प्रान तें प्रिय कछु नाहीं। सोउ मुनि देउँ निमिष एक माहीं॥
सब सुत प्रिय मोहि प्रान की नाईं। राम देत नहिं बनइ गोसाईं॥
कहँ निसिचर अति घोर कठोरा। कहँ सुंदर सुत परम किसोरा॥
सुनि नृप गिरा प्रेम रस सानी। हृदयँ हरष माना मुनि ग्यानी॥
तब बसिष्ट बहु निधि समुझावा। नृप संदेह नास कहँ पावा॥
अति आदर दोउ तनय बोलाए। हृदयँ लाइ बहु भाँति सिखाए॥
मेरे प्रान नाथ सुत दोऊ। तुम्ह मुनि पिता आन नहिं कोऊ॥suni rājā ati apriya bānī| hṛdaya kaṃpa mukha duti kumulānī||
cautheṃpana pāyaum̐ suta cārī| bipra bacana nahiṃ kahehu bicārī||
māgahu bhūmi dhenu dhana kosā| sarbasa deum̐ āju saharosā||
deha prāna teṃ priya kachu nāhīṃ| sou muni deum̐ nimiṣa eka māhīṃ||
saba suta priya mohi prāna kī nāīṃ| rāma deta nahiṃ banai gosāīṃ||
kaham̐ nisicara ati ghora kaṭhorā| kaham̐ suṃdara suta parama kisorā||
suni nṛpa girā prema rasa sānī| hṛdayam̐ haraṣa mānā muni gyānī||
taba basiṣṭa bahu nidhi samujhāvā| nṛpa saṃdeha nāsa kaham̐ pāvā||
ati ādara dou tanaya bolāe| hṛdayam̐ lāi bahu bhām̐ti sikhāe||
mere prāna nātha suta doū| tumha muni pitā āna nahiṃ koū||दोहा 208(क)सौंपे भूप रिषिहि सुत बहु बिधि देइ असीस।
जननी भवन गए प्रभु चले नाइ पद सीस॥208(क)॥sauṃpe bhūpa riṣihi suta bahu bidhi dei asīsa|
jananī bhavana gae prabhu cale nāi pada sīsa||208(ka)|| -
सोरठा
पुरुषसिंह दोउ बीर हरषि चले मुनि भय हरन॥
कृपासिंधु मतिधीर अखिल बिस्व कारन करन॥208(ख)puruṣasiṃha dou bīra haraṣi cale muni bhaya harana||
kṛpāsiṃdhu matidhīra akhila bisva kārana karana||208(kha) -
दोहा 209#
अरुन नयन उर बाहु बिसाला। नील जलज तनु स्याम तमाला॥
कटि पट पीत कसें बर भाथा। रुचिर चाप सायक दुहुँ हाथा॥
स्याम गौर सुंदर दोउ भाई। बिस्वामित्र महानिधि पाई॥
प्रभु ब्रह्मन्यदेव मैं जाना। मोहि निति पिता तजेहु भगवाना॥
चले जात मुनि दीन्हि देखाई। सुनि ताड़का क्रोध करि धाई॥
एकहिं बान प्रान हरि लीन्हा। दीन जानि तेहि निज पद दीन्हा॥
तब रिषि निज नाथहि जियँ चीन्ही। बिद्यानिधि कहुँ बिद्या दीन्ही॥
जाते लाग न छुधा पिपासा। अतुलित बल तनु तेज प्रकासा॥aruna nayana ura bāhu bisālā| nīla jalaja tanu syāma tamālā||
kaṭi paṭa pīta kaseṃ bara bhāthā| rucira cāpa sāyaka duhum̐ hāthā||
syāma gaura suṃdara dou bhāī| bisvāmitra mahānidhi pāī||
prabhu brahmanyadeva maiṃ jānā| mohi niti pitā tajehu bhagavānā||
cale jāta muni dīnhi dekhāī| suni tāḍakā krodha kari dhāī||
ekahiṃ bāna prāna hari līnhā| dīna jāni tehi nija pada dīnhā||
taba riṣi nija nāthahi jiyam̐ cīnhī| bidyānidhi kahum̐ bidyā dīnhī||
jāte lāga na chudhā pipāsā| atulita bala tanu teja prakāsā||दोहा 209आयुध सब समर्पि कै प्रभु निज आश्रम आनि।
कंद मूल फल भोजन दीन्ह भगति हित जानि॥209॥āyudha saba samarpi kai prabhu nija āśrama āni|
kaṃda mūla phala bhojana dīnha bhagati hita jāni||209|| -
दोहा 210#
प्रात कहा मुनि सन रघुराई। निर्भय जग्य करहु तुम्ह जाई॥
होम करन लागे मुनि झारी। आपु रहे मख कीं रखवारी॥
सुनि मारीच निसाचर क्रोही। लै सहाय धावा मुनिद्रोही॥
बिनु फर बान राम तेहि मारा। सत जोजन गा सागर पारा॥
पावक सर सुबाहु पुनि मारा। अनुज निसाचर कटकु सँघारा॥
मारि असुर द्विज निर्मयकारी। अस्तुति करहिं देव मुनि झारी॥
तहँ पुनि कछुक दिवस रघुराया। रहे कीन्हि बिप्रन्ह पर दाया॥
भगति हेतु बहु कथा पुराना। कहे बिप्र जद्यपि प्रभु जाना॥
तब मुनि सादर कहा बुझाई। चरित एक प्रभु देखिअ जाई॥
धनुषजग्य सुनि रघुकुल नाथा। हरषि चले मुनिबर के साथा॥
आश्रम एक दीख मग माहीं। खग मृग जीव जंतु तहँ नाहीं॥
पूछा मुनिहि सिला प्रभु देखी। सकल कथा मुनि कहा बिसेषी॥prāta kahā muni sana raghurāī| nirbhaya jagya karahu tumha jāī||
homa karana lāge muni jhārī| āpu rahe makha kīṃ rakhavārī||
suni mārīca nisācara krohī| lai sahāya dhāvā munidrohī||
binu phara bāna rāma tehi mārā| sata jojana gā sāgara pārā||
pāvaka sara subāhu puni mārā| anuja nisācara kaṭaku sam̐ghārā||
māri asura dvija nirmayakārī| astuti karahiṃ deva muni jhārī||
taham̐ puni kachuka divasa raghurāyā| rahe kīnhi bipranha para dāyā||
bhagati hetu bahu kathā purānā| kahe bipra jadyapi prabhu jānā||
taba muni sādara kahā bujhāī| carita eka prabhu dekhia jāī||
dhanuṣajagya suni raghukula nāthā| haraṣi cale munibara ke sāthā||
āśrama eka dīkha maga māhīṃ| khaga mṛga jīva jaṃtu taham̐ nāhīṃ||
pūchā munihi silā prabhu dekhī| sakala kathā muni kahā biseṣī||दोहा 210गौतम नारि श्राप बस उपल देह धरि धीर।
चरन कमल रज चाहति कृपा करहु रघुबीर॥210॥gautama nāri śrāpa basa upala deha dhari dhīra|
carana kamala raja cāhati kṛpā karahu raghubīra||210|| -
दोहा 211#छंद
परसत पद पावन सोक नसावन प्रगट भई तपपुंज सही।
देखत रघुनायक जन सुख दायक सनमुख होइ कर जोरि रही॥
अति प्रेम अधीरा पुलक सरीरा मुख नहिं आवइ बचन कही।
अतिसय बड़भागी चरनन्हि लागी जुगल नयन जलधार बही॥parasata pada pāvana soka nasāvana pragaṭa bhaī tapapuṃja sahī|
dekhata raghunāyaka jana sukha dāyaka sanamukha hoi kara jori rahī||
ati prema adhīrā pulaka sarīrā mukha nahiṃ āvai bacana kahī|
atisaya baḍabhāgī carananhi lāgī jugala nayana jaladhāra bahī||छंदधीरजु मन कीन्हा प्रभु कहुँ चीन्हा रघुपति कृपाँ भगति पाई।
अति निर्मल बानी अस्तुति ठानी ग्यानगम्य जय रघुराई॥
मैं नारि अपावन प्रभु जग पावन रावन रिपु जन सुखदाई।
राजीव बिलोचन भव भय मोचन पाहि पाहि सरनहिं आई॥dhīraju mana kīnhā prabhu kahum̐ cīnhā raghupati kṛpām̐ bhagati pāī|
ati nirmala bānī astuti ṭhānī gyānagamya jaya raghurāī||
maiṃ nāri apāvana prabhu jaga pāvana rāvana ripu jana sukhadāī|
rājīva bilocana bhava bhaya mocana pāhi pāhi saranahiṃ āī||छंदमुनि श्राप जो दीन्हा अति भल कीन्हा परम अनुग्रह मैं माना।
देखेउँ भरि लोचन हरि भवमोचन इहइ लाभ संकर जाना॥
बिनती प्रभु मोरी मैं मति भोरी नाथ न मागउँ बर आना।
पद कमल परागा रस अनुरागा मम मन मधुप करै पाना॥muni śrāpa jo dīnhā ati bhala kīnhā parama anugraha maiṃ mānā|
dekheum̐ bhari locana hari bhavamocana ihai lābha saṃkara jānā||
binatī prabhu morī maiṃ mati bhorī nātha na māgaum̐ bara ānā|
pada kamala parāgā rasa anurāgā mama mana madhupa karai pānā||छंदजेहिं पद सुरसरिता परम पुनीता प्रगट भई सिव सीस धरी।
सोइ पद पंकज जेहि पूजत अज मम सिर धरेउ कृपाल हरी॥
एहि भाँति सिधारी गौतम नारी बार बार हरि चरन परी।
जो अति मन भावा सो बरु पावा गै पतिलोक अनंद भरी॥jehiṃ pada surasaritā parama punītā pragaṭa bhaī siva sīsa dharī|
soi pada paṃkaja jehi pūjata aja mama sira dhareu kṛpāla harī||
ehi bhām̐ti sidhārī gautama nārī bāra bāra hari carana parī|
jo ati mana bhāvā so baru pāvā gai patiloka anaṃda bharī||दोहा 211अस प्रभु दीनबंधु हरि कारन रहित दयाल।
तुलसिदास सठ तेहि भजु छाड़ि कपट जंजाल॥211॥asa prabhu dīnabaṃdhu hari kārana rahita dayāla|
tulasidāsa saṭha tehi bhaju chāḍi kapaṭa jaṃjāla||211|| -
मासपारायण, सातवाँ विश्रामDay 7 of the 30-day Masparayan ends here
🙏
Completed Bal Kand — Part 7?
Mark Masparayan day 7 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.