Ayodhya Kand — Part 2 — text
-
दोहा 29#
सुनहु प्रानप्रिय भावत जी का। देहु एक बर भरतहि टीका॥
मागउँ दूसर बर कर जोरी। पुरवहु नाथ मनोरथ मोरी॥
तापस बेष बिसेषि उदासी। चौदह बरिस रामु बनबासी॥
सुनि मृदु बचन भूप हियँ सोकू। ससि कर छुअत बिकल जिमि कोकू॥
गयउ सहमि नहिं कछु कहि आवा। जनु सचान बन झपटेउ लावा॥
बिबरन भयउ निपट नरपालू। दामिनि हनेउ मनहुँ तरु तालू॥
माथे हाथ मूदि दोउ लोचन। तनु धरि सोच लाग जनु सोचन॥
मोर मनोरथ सुरतरु फूला। फरत करिनि जिमि हतेउ समूला॥
अवध उजारि कीन्हि कैकई। दीन्हिसि अचल बिपति के नेईं॥sunahu prānapriya bhāvata jī kā| dehu eka bara bharatahi ṭīkā||
māgaum̐ dūsara bara kara jorī| puravahu nātha manoratha morī||
tāpasa beṣa biseṣi udāsī| caudaha barisa rāmu banabāsī||
suni mṛdu bacana bhūpa hiyam̐ sokū| sasi kara chuata bikala jimi kokū||
gayau sahami nahiṃ kachu kahi āvā| janu sacāna bana jhapaṭeu lāvā||
bibarana bhayau nipaṭa narapālū| dāmini haneu manahum̐ taru tālū||
māthe hātha mūdi dou locana| tanu dhari soca lāga janu socana||
mora manoratha surataru phūlā| pharata karini jimi hateu samūlā||
avadha ujāri kīnhi kaikaī| dīnhisi acala bipati ke neīṃ||दोहा 29कवनें अवसर का भयउ गयउँ नारि बिस्वास।
जोग सिद्धि फल समय जिमि जतिहि अबिद्या नास॥29॥kavaneṃ avasara kā bhayau gayaum̐ nāri bisvāsa|
joga siddhi phala samaya jimi jatihi abidyā nāsa||29||कैकेयी बोली, हे प्राणप्रिय, मेरे मन को जो भाता है वह सुनिए। एक वर दीजिए कि भरत का राजतिलक हो। दूसरा वर मैं हाथ जोड़कर माँगती हूँ, हे नाथ, मेरा मनोरथ पूरा कीजिए: तपस्वी के वेश में, पूर्ण उदासीन होकर, श्रीराम चौदह वर्ष वन में रहें। ये वचन सुनकर राजा को ऐसा शोक हुआ जैसे चंद्र-किरण छूते ही चकवा व्याकुल हो। वे सहम गए, कुछ कहते न बना, मानो बाज ने बटेर पर झपट्टा मारा हो। रंग ऐसा उड़ गया जैसे बिजली से मारा ताड़। माथे पर हाथ रख, आँखें मूँदकर वे ऐसे सोचने लगे मानो स्वयं शोक शरीर धरकर सोच रहा हो। मेरा मनोरथ रूपी कल्पवृक्ष फूला था, फल आते समय हथिनी ने उसे जड़ से उखाड़ दिया। कैकेयी ने अयोध्या उजाड़ दी और अटल विपत्ति की नींव डाल दी। कैसे मौके पर क्या हो गया! स्त्री पर विश्वास करके मैं मारा गया, जैसे योग की सिद्धि का फल मिलने के समय योगी को अविद्या नष्ट कर देती है।
Kaikeyi said: Beloved, hear what pleases my heart. Grant one boon: let Bharata be crowned. The second I ask with folded hands, lord, fulfil my wish: let Rama live in the forest for fourteen years, in an ascetic's dress and wholly detached. Hearing these soft-spoken words, the king's heart filled with grief, like the chakva bird tormented by the moon's touch. He was struck dumb, like a quail seized by a hawk in the forest. He turned utterly pale, like a palm tree struck by lightning. Hand on brow, both eyes closed, he seemed like Grief itself grieving in bodily form. He thought: my wish-tree had blossomed, and just as it bore fruit a she-elephant tore it out by the roots. Kaikeyi has laid Ayodhya waste and founded a lasting calamity. What has happened, and at what a moment! Trusting a woman ruined me, as ignorance destroys an ascetic just when his yoga is about to bear fruit.
-
दोहा 30#
एहि बिधि राउ मनहिं मन झाँखा। देखि कुभाँति कुमति मन माखा॥
भरत कि राउर पूत न होहीं। आनेहु मोल बेसाहि कि मोही॥
जो सुनि सर अस लाग तुम्हारे। काहे न बोलहु बचन सँभारे॥
देहु उतरु अनु करहु कि नाहीं। सत्यसंध तुम्ह रघुकुल माहीं॥
देन कहेहु अब जनि बरु देहू। तजहु सत्य जग अपजसु लेहू॥
सत्य सराहि कहेहु बर देना। जानेहु लेइहि मागि चबेना॥
सिबि दधीचि बलि जो कछु भाषा। तनु धनु तजेउ बचन पन राखा॥
अति कटु बचन कहति कैकेई। मानहुँ लोन जरे पर देई॥ehi bidhi rāu manahiṃ mana jhām̐khā| dekhi kubhām̐ti kumati mana mākhā||
bharata ki rāura pūta na hohīṃ| ānehu mola besāhi ki mohī||
jo suni sara asa lāga tumhāre| kāhe na bolahu bacana sam̐bhāre||
dehu utaru anu karahu ki nāhīṃ| satyasaṃdha tumha raghukula māhīṃ||
dena kahehu aba jani baru dehū| tajahu satya jaga apajasu lehū||
satya sarāhi kahehu bara denā| jānehu leihi māgi cabenā||
sibi dadhīci bali jo kachu bhāṣā| tanu dhanu tajeu bacana pana rākhā||
ati kaṭu bacana kahati kaikeī| mānahum̐ lona jare para deī||दोहा 30धरम धुरंधर धीर धरि नयन उघारे रायँ।
सिर धुनि लीन्हि उसास असि मारेसि मोहि कुठायँ॥30॥dharama dhuraṃdhara dhīra dhari nayana ughāre rāyam̐|
sira dhuni līnhi usāsa asi māresi mohi kuṭhāyam̐||30||इस प्रकार राजा मन ही मन पछताने लगे। उनकी बुरी दशा देखकर कुबुद्धि कैकेयी क्रोध में बोली, क्या भरत आपके पुत्र नहीं हैं? क्या मुझे आप दाम देकर खरीद लाए हैं? यदि मेरी बात सुनकर आपको ऐसा बाण-सा लगा, तो सोच-समझकर वचन क्यों नहीं दिया? उत्तर दीजिए, हाँ करते हैं या नहीं। आप तो रघुकुल में सत्यप्रतिज्ञ कहलाते हैं। आपने ही देने को कहा था, अब मत दीजिए; सत्य छोड़ दीजिए और संसार में अपयश लीजिए। सत्य की बड़ाई करके वर देने को कहा था, सोचा होगा कि यह चबेना माँग लेगी। राजा शिबि, दधीचि और बलि ने जो कहा, उसके लिए शरीर और धन तक त्याग दिया पर वचन का प्रण निभाया। कैकेयी ऐसे अत्यंत कड़वे वचन कह रही है मानो जले पर नमक छिड़क रही हो। धर्म के धुरंधर राजा ने धीरज धरकर आँखें खोलीं, सिर पीटकर लंबी साँस ली और सोचा, इसने मुझे बड़े बुरे स्थान पर चोट मारी है।
Thus the king lamented inwardly. Seeing his wretched state, the evil-minded queen grew angry: Is Bharata not your son? Did you buy me for a price? If my words struck you like an arrow, why did you not speak with care? Answer me, will you do it or not? You are known in the Raghu line as true to your word. You promised to give; now do not give the boon, abandon truth and earn infamy in the world. You praised truth while promising boons, thinking I would ask for a handful of parched grain. Shibi, Dadhichi and Bali gave up body and wealth but kept their word. Kaikeyi spoke such bitter words, like rubbing salt into a burn. The king, upholder of dharma, gathered his courage, opened his eyes, beat his head, and sighing deeply thought: she has struck me in my most vulnerable spot.
-
दोहा 31#
आगें दीखि जरत रिस भारी। मनहुँ रोष तरवारि उघारी॥
मूठि कुबुद्धि धार निठुराई। धरी कूबरी सान बनाई॥
लखी महीप कराल कठोरा। सत्य कि जीवन लेइहि मोरा॥
बोले राउ कठिन करि छाती। बानी सबिनय तासु सोहाती॥
प्रिया बचन कस कहसि कुभाँती। भीर प्रतीति प्रीति करि हाँती॥
मोरें भरत राम दुइ आँखी। सत्य कहउँ करि संकरु साखी॥
अवसि दूत मैं पठइब प्राता। ऐहहिं बेगि सुनत दोउ भ्राता॥
सुदिन सोधि सब साजु सजाई। देउँ भरत कहुँ राज बजाई॥āgeṃ dīkhi jarata risa bhārī| manahum̐ roṣa taravāri ughārī||
mūṭhi kubuddhi dhāra niṭhurāī| dharī kūbarī sāna banāī||
lakhī mahīpa karāla kaṭhorā| satya ki jīvana leihi morā||
bole rāu kaṭhina kari chātī| bānī sabinaya tāsu sohātī||
priyā bacana kasa kahasi kubhām̐tī| bhīra pratīti prīti kari hām̐tī||
moreṃ bharata rāma dui ām̐khī| satya kahaum̐ kari saṃkaru sākhī||
avasi dūta maiṃ paṭhaiba prātā| aihahiṃ begi sunata dou bhrātā||
sudina sodhi saba sāju sajāī| deum̐ bharata kahum̐ rāja bajāī||दोहा 31लोभु न रामहि राजु कर बहुत भरत पर प्रीति।
मैं बड़ छोट बिचारि जियँ करत रहेउँ नृपनीति॥31॥lobhu na rāmahi rāju kara bahuta bharata para prīti|
maiṃ baḍa choṭa bicāri jiyam̐ karata raheum̐ nṛpanīti||31||राजा ने सामने कैकेयी को भारी क्रोध में जलती देखा, मानो क्रोध की तलवार म्यान से निकली हो, जिसकी मूठ कुबुद्धि है, धार निष्ठुरता है और जिसे कुबरी (मंथरा) रूपी सान पर तेज़ किया गया है। राजा ने देखा कि यह बहुत भयानक और कठोर है; क्या सचमुच यह मेरे प्राण ले लेगी? राजा छाती कड़ी करके नम्रता से उसे अच्छे लगने वाले वचन बोले, हे प्रिये, ऐसे बुरे वचन क्यों कहती हो, जिनसे विश्वास और प्रेम कट जाता है? मेरे लिए भरत और राम दो आँखें हैं, यह मैं शंकरजी को साक्षी रखकर सच कहता हूँ। मैं सुबह ही दूत भेजूँगा; सुनते ही दोनों भाई (भरत और शत्रुघ्न) शीघ्र आ जाएँगे। शुभ दिन देखकर, सब तैयारी करके मैं डंका बजाकर भरत को राज्य दूँगा। श्रीराम को राज्य का लोभ नहीं है और भरत पर उनका बहुत प्रेम है; मैं ही बड़े-छोटे का विचार करके राजनीति का पालन कर रहा था।
Before him the king saw Kaikeyi burning with fierce anger, like the drawn sword of wrath: its hilt was evil intent, its edge cruelty, and it had been sharpened on the whetstone of the hunchback Manthara. Seeing it so dreadful and hard, the king wondered whether it would truly take his life. Steeling his heart, he spoke humbly in words meant to please her: Beloved, why speak so cruelly, cutting away trust and love? Bharata and Rama are my two eyes; I say this truly with Shankara as witness. In the morning I will surely send messengers, and on hearing, both brothers will come quickly. Choosing an auspicious day and making every preparation, I will give the kingdom to Bharata to the sound of drums. Rama has no greed for the throne and loves Bharata dearly; I was only following royal custom by thinking of elder and younger.
-
दोहा 32#
राम सपथ सत कहउँ सुभाऊ। राममातु कछु कहेउ न काऊ॥
मैं सब कीन्ह तोहि बिनु पूछे। तेहि ते परेउ मनोरथ छूछें॥
रिस परिहरु अब मंगल साजू। कछु दिन गएँ भरत जुबराजू॥
एकहि बात मोहि दुख लागा। बर दूसर असमंजस मागा॥
अजहुँ हृदय जरत तेहि आँचा। रिस परिहास कि साँचेहुँ साँचा॥
कहु तजि रोष राम अपराधू। सब कोउ कहइ राम सुठि साधू॥
तुहूँ सराहसि करसि सनेहू। अब सुनि मोहि भयउ संदेहू॥
जासु सुभाउ अरिहि अनुकूला। सो किमि करिहि मातु प्रतिकूला॥rāma sapatha sata kahaum̐ subhāū| rāmamātu kachu kaheu na kāū||
maiṃ saba kīnha tohi binu pūche| tehi te pareu manoratha chūcheṃ||
risa pariharu aba maṃgala sājū| kachu dina gaem̐ bharata jubarājū||
ekahi bāta mohi dukha lāgā| bara dūsara asamaṃjasa māgā||
ajahum̐ hṛdaya jarata tehi ām̐cā| risa parihāsa ki sām̐cehum̐ sām̐cā||
kahu taji roṣa rāma aparādhū| saba kou kahai rāma suṭhi sādhū||
tuhūm̐ sarāhasi karasi sanehū| aba suni mohi bhayau saṃdehū||
jāsu subhāu arihi anukūlā| so kimi karihi mātu pratikūlā||दोहा 32प्रिया हास रिस परिहरहि मागु बिचारि बिबेकु।
जेहि देखउँ अब नयन भरि भरत राज अभिषेक॥32॥priyā hāsa risa pariharahi māgu bicāri bibeku|
jehi dekhaum̐ aba nayana bhari bharata rāja abhiṣeka||32||राजा कहते हैं, मैं राम की सौ शपथ खाकर सच कहता हूँ, राम की माता (कौसल्या) ने मुझसे कभी कुछ नहीं कहा। मैंने सब कुछ तुमसे बिना पूछे किया, इसी से मेरा मनोरथ खाली गया। अब क्रोध छोड़कर मंगल-साज सजाओ; कुछ दिन बाद भरत युवराज होंगे। मुझे केवल एक बात का दुःख है कि तुमने दूसरा वर बड़ा असमंजस भरा माँगा। अब भी उसकी आँच से हृदय जल रहा है; यह क्रोध में है, हँसी में है, या सचमुच सच है? क्रोध छोड़कर बताओ, राम का क्या अपराध है? सब कोई कहते हैं कि राम बड़े साधु हैं। तुम स्वयं भी उनकी सराहना करती थीं और स्नेह करती थीं; अब यह सुनकर मुझे संदेह हो रहा है। जिनका स्वभाव शत्रु के प्रति भी अनुकूल है, वे माता के विरुद्ध कैसे कुछ करेंगे? हे प्रिये, हँसी और क्रोध छोड़ो, विवेक से सोचकर माँगो, जिससे मैं अब भरत का राज्याभिषेक आँख भरकर देख सकूँ।
The king says: I swear a hundred times by Rama that Rama's mother never said a word to me. I did everything without asking you, and that is why my wish has come to nothing. Give up your anger now and prepare the festivities; in a few days Bharata will be crown prince. Only one thing pains me: the second boon you asked is so troubling. My heart still burns from its heat. Was it said in anger, in jest, or truly in earnest? Put aside your wrath and tell me Rama's fault. Everyone says Rama is truly good. You yourself praised him and loved him; hearing this now, I am filled with doubt. How could one whose nature is kind even to enemies act against his mother? Beloved, leave jest and anger, ask with careful thought, so that I may now watch Bharata's coronation to my eyes' content.
-
दोहा 33#
जिऐ मीन बरु बारि बिहीना। मनि बिनु फनिकु जिऐ दुख दीना॥
कहउँ सुभाउ न छलु मन माहीं। जीवन मोर राम बिनु नाहीं॥
समुझि देखु जियँ प्रिया प्रबीना। जीवन राम दरस आधीना॥
सुनि म्रदु बचन कुमति अति जरई। मनहुँ अनल आहुति घृत परई॥
कहइ करहु किन कोटि उपाया। इहाँ न लागिहि राउरि माया॥
देहु कि लेहु अजस करि नाहीं। मोहि न बहुत प्रपंच सोहाहीं।
राम साधु तुम्ह साधु सयाने। राममातु भलि सब पहिचाने॥
जस कौसिला मोर भल ताका। तस फलु उन्हहि देउँ करि साका॥jiai mīna baru bāri bihīnā| mani binu phaniku jiai dukha dīnā||
kahaum̐ subhāu na chalu mana māhīṃ| jīvana mora rāma binu nāhīṃ||
samujhi dekhu jiyam̐ priyā prabīnā| jīvana rāma darasa ādhīnā||
suni mradu bacana kumati ati jaraī| manahum̐ anala āhuti ghṛta paraī||
kahai karahu kina koṭi upāyā| ihām̐ na lāgihi rāuri māyā||
dehu ki lehu ajasa kari nāhīṃ| mohi na bahuta prapaṃca sohāhīṃ|
rāma sādhu tumha sādhu sayāne| rāmamātu bhali saba pahicāne||
jasa kausilā mora bhala tākā| tasa phalu unhahi deum̐ kari sākā||दोहा 33होत प्रात मुनिबेष धरि जौं न रामु बन जाहिं।
मोर मरन राउर अजस नृप समुझिअ मन माहिं॥33॥hota prāta munibeṣa dhari jauṃ na rāmu bana jāhiṃ|
mora marana rāura ajasa nṛpa samujhia mana māhiṃ||33||राजा कहते हैं, मछली भले बिना पानी के जी ले, साँप भले मणि के बिना दुखी होकर जी ले, पर मैं सहज भाव से, बिना किसी छल के कहता हूँ कि मेरा जीवन राम के बिना नहीं है। हे चतुर प्रिये, मन में समझकर देखो, मेरा जीवन राम के दर्शन के अधीन है। ये कोमल वचन सुनकर कुबुद्धि कैकेयी और जल उठी, मानो आग में घी की आहुति पड़ी हो। वह बोली, आप करोड़ों उपाय क्यों न करें, यहाँ आपकी माया नहीं चलेगी। या तो वर दीजिए, या मना करके अपयश लीजिए; मुझे बहुत प्रपंच अच्छे नहीं लगते। राम साधु हैं, आप साधु और सयाने हैं, और राम की माता भी भली हैं, मैंने सबको पहचान लिया है। कौसल्या ने जैसा मेरा भला चाहा है, वैसा ही फल मैं उन्हें ऐसा दूँगी कि याद रहे। सुबह होते ही यदि राम मुनि का वेश धरकर वन न गए, तो हे राजा, मन में समझ लीजिए, मेरी मृत्यु होगी और आपका अपयश।
The king says: A fish may live without water, a serpent may live in misery without its jewel, but I tell you honestly, without deceit, my life cannot go on without Rama. Consider it in your heart, wise beloved: my life depends on seeing Rama. Hearing these gentle words, the evil-minded queen burned all the more, like fire when ghee is poured into it. She said: Try a million schemes, your tricks will not work here. Either grant the boons or refuse and take the disgrace; I have no liking for all this pretence. Rama is good, you are good and clever, and Rama's mother is good too; I have seen through all of you. As Kausalya has wished me well, so will I repay her in a way that will be remembered. If at daybreak Rama does not leave for the forest in a sage's dress, know well, O king, it will mean my death and your disgrace.
-
दोहा 34#
अस कहि कुटिल भई उठि ठाढ़ी। मानहुँ रोष तरंगिनि बाढ़ी॥
पाप पहार प्रगट भइ सोई। भरी क्रोध जल जाइ न जाई॥
दोउ बर कूल कठिन हठ धारा। भवँर कूबरी बचन प्रचारा॥
ढाहत भूपरूप तरु मूला। चली बिपति बारिधि अनुकूला॥
लखी नरेस बात फुरि साँची। तिय मिस मीचु सीस पर नाची॥
गहि पद बिनय कीन्ह बैठारी। जनि दिनकर कुल होसि कुठारी॥
मागु माथ अबहीं देउँ तोही। राम बिरह जनि मारसि मोही॥
राखु राम कह जेहि तेहि भाँती। नाहिं त जरिहि जनम भरि छाती॥asa kahi kuṭila bhaī uṭhi ṭhāḍhī| mānahum̐ roṣa taraṃgini bāḍhī||
pāpa pahāra pragaṭa bhai soī| bharī krodha jala jāi na jāī||
dou bara kūla kaṭhina haṭha dhārā| bhavam̐ra kūbarī bacana pracārā||
ḍhāhata bhūparūpa taru mūlā| calī bipati bāridhi anukūlā||
lakhī naresa bāta phuri sām̐cī| tiya misa mīcu sīsa para nācī||
gahi pada binaya kīnha baiṭhārī| jani dinakara kula hosi kuṭhārī||
māgu mātha abahīṃ deum̐ tohī| rāma biraha jani mārasi mohī||
rākhu rāma kaha jehi tehi bhām̐tī| nāhiṃ ta jarihi janama bhari chātī||दोहा 34देखी ब्याधि असाध नृपु परेउ धरनि धुनि माथ।
कहत परम आरत बचन राम राम रघुनाथ॥34॥dekhī byādhi asādha nṛpu pareu dharani dhuni mātha|
kahata parama ārata bacana rāma rāma raghunātha||34||ऐसा कहकर कुटिल कैकेयी उठ खड़ी हुई, मानो क्रोध की नदी में बाढ़ आ गई हो। वह नदी पाप रूपी पहाड़ से निकली है, क्रोध के जल से भरी है और देखी नहीं जाती। दोनों वर उसके किनारे हैं, कठोर हठ उसकी धारा है और कुबरी (मंथरा) के वचन उसके भँवर हैं। वह राजा रूपी वृक्ष को जड़ से गिराती हुई विपत्ति के समुद्र की ओर बह चली। राजा ने समझ लिया कि बात सचमुच सच है; स्त्री के बहाने मृत्यु उनके सिर पर नाच रही है। पैर पकड़कर, विनती करके उसे बैठाया और कहा, सूर्यकुल के लिए कुल्हाड़ी मत बनो। मेरा सिर माँगो तो अभी दे दूँ, पर राम के वियोग से मुझे मत मारो। जैसे भी हो राम को रख लो, नहीं तो जीवनभर छाती जलती रहेगी। रोग को असाध्य देखकर राजा सिर पीटते हुए धरती पर गिर पड़े और अत्यंत दुखी स्वर में कहने लगे, हा राम, हा राम, हा रघुनाथ।
Saying this, the crooked queen rose to her feet, like a river of anger in flood. It sprang from a mountain of sin, was full of the waters of wrath and was terrible to behold. The two boons were its banks, stubborn obstinacy its current, and the hunchback's words its whirlpools. Uprooting the tree that was the king, it rushed toward an ocean of calamity. The king saw that it was all too true; death, in the form of a woman, danced over his head. He clasped her feet, pleaded with her, made her sit, and said: Do not be the axe that fells the Solar dynasty. Ask for my head and I will give it now, but do not kill me with separation from Rama. Keep Rama here somehow, or my heart will burn all my life. Seeing the sickness was incurable, the king fell to the ground, beating his head and crying: Rama, Rama, Raghunatha!
-
दोहा 35#
ब्याकुल राउ सिथिल सब गाता। करिनि कलपतरु मनहुँ निपाता॥
कंठ सूख मुख आव न बानी। जनु पाठीन दीन बिनु पानी॥
पुनि कह कटु कठोर कैकेई। मनहुँ घाय महुँ माहुर देई॥
जौं अंतहुँ अस करतबु रहेऊ। मागु मागु तुम्ह केहिं बल कहेऊ॥
दुइ कि होइ एक समय भुआला। हँसब ठठाइ फुलाउब गाला॥
दानि कहाउब अरु कृपनाई। होइ कि खेम कुसल रौताई॥
छाड़हु बचनु कि धीरजु धरहू। जनि अबला जिमि करुना करहू॥
तनु तिय तनय धामु धनु धरनी। सत्यसंध कहुँ तृन सम बरनी॥byākula rāu sithila saba gātā| karini kalapataru manahum̐ nipātā||
kaṃṭha sūkha mukha āva na bānī| janu pāṭhīna dīna binu pānī||
puni kaha kaṭu kaṭhora kaikeī| manahum̐ ghāya mahum̐ māhura deī||
jauṃ aṃtahum̐ asa karatabu raheū| māgu māgu tumha kehiṃ bala kaheū||
dui ki hoi eka samaya bhuālā| ham̐saba ṭhaṭhāi phulāuba gālā||
dāni kahāuba aru kṛpanāī| hoi ki khema kusala rautāī||
chāḍahu bacanu ki dhīraju dharahū| jani abalā jimi karunā karahū||
tanu tiya tanaya dhāmu dhanu dharanī| satyasaṃdha kahum̐ tṛna sama baranī||दोहा 35मरम बचन सुनि राउ कह कहु कछु दोषु न तोर।
लागेउ तोहि पिसाच जिमि काल कहावत मोर॥35॥marama bacana suni rāu kaha kahu kachu doṣu na tora|
lāgeu tohi pisāca jimi kāla kahāvata mora||35||राजा व्याकुल हो गए, सारे अंग ढीले पड़ गए, मानो हथिनी ने कल्पवृक्ष गिरा दिया हो। गला सूख गया, मुँह से बोल नहीं निकलता, जैसे बिना पानी के मछली तड़पती है। कैकेयी फिर कड़वे और कठोर वचन बोली, मानो घाव में ज़हर भर रही हो। यदि अंत में यही करना था, तो आपने किस बल पर माँगो-माँगो कहा था? हे राजा, क्या एक साथ दोनों हो सकते हैं, ठहाका मारकर हँसना और गाल फुलाना? दानी भी कहलाना और कंजूसी भी करना? क्या वीरता के साथ अपनी कुशलता भी बची रह सकती है? या तो वचन छोड़ दीजिए या धीरज धरिए; अबला स्त्री की तरह विलाप मत कीजिए। सत्यव्रती के लिए शरीर, स्त्री, पुत्र, घर, धन और धरती सब तिनके के समान बताए गए हैं। ये मर्म भेदने वाले वचन सुनकर राजा बोले, तुम जो चाहो कहो, तुम्हारा कोई दोष नहीं; मेरा काल ही तुम्हें पिशाच की तरह लगकर यह सब कहलवा रहा है।
The king was overcome, all his limbs went limp, like a wish-fulfilling tree felled by a she-elephant. His throat was dry and no words came, like a fish gasping helplessly out of water. Again Kaikeyi spoke harsh, cruel words, as if pouring poison into a wound: If this was how it would end, on what strength did you keep saying ask, ask? Can two things happen at once, O king, laughing loudly and puffing out your cheeks? Can one be called generous and yet be miserly? Can a warrior stay safe and also be brave? Either break your word or hold firm; do not lament like a helpless woman. For one true to his word, body, wife, son, home, wealth and land are said to be like straw. Hearing these piercing words the king said: Say what you will, the fault is not yours; my own death has possessed you like a demon and speaks through you.
-
दोहा 36#
चहत न भरत भूपतहि भोरें। बिधि बस कुमति बसी जिय तोरें॥
सो सब मोर पाप परिनामू। भयउ कुठाहर जेहि बिधि बामू॥
सुबस बसिहि फिरि अवध सुहाई। सब गुन धाम राम प्रभुताई॥
करिहहिं भाइ सकल सेवकाई। होइहि तिहुँ पुर राम बड़ाई॥
तोर कलंकु मोर पछिताऊ। मुएहुँ न मिटिहि न जाइहि काऊ॥
अब तोहि नीक लाग करु सोई। लोचन ओट बैठु मुहु गाई॥
जब लगि जिऔं कहउँ कर जोरी। तब लगि जनि कछु कहसि बहोरी॥
फिरि पछितैहसि अंत अभागी। मारसि गाइ नहारु लागी॥cahata na bharata bhūpatahi bhoreṃ| bidhi basa kumati basī jiya toreṃ||
so saba mora pāpa parināmū| bhayau kuṭhāhara jehi bidhi bāmū||
subasa basihi phiri avadha suhāī| saba guna dhāma rāma prabhutāī||
karihahiṃ bhāi sakala sevakāī| hoihi tihum̐ pura rāma baḍāī||
tora kalaṃku mora pachitāū| muehum̐ na miṭihi na jāihi kāū||
aba tohi nīka lāga karu soī| locana oṭa baiṭhu muhu gāī||
jaba lagi jiauṃ kahaum̐ kara jorī| taba lagi jani kachu kahasi bahorī||
phiri pachitaihasi aṃta abhāgī| mārasi gāi nahāru lāgī||दोहा 36परेउ राउ कहि कोटि बिधि काहे करसि निदानु।
कपट सयानि न कहति कछु जागति मनहुँ मसान॥36॥pareu rāu kahi koṭi bidhi kāhe karasi nidānu|
kapaṭa sayāni na kahati kachu jāgati manahum̐ masāna||36||राजा कहते हैं, भरत तो भूलकर भी राज्य नहीं चाहते; विधाता के वश तुम्हारे मन में कुबुद्धि आ बसी है। यह सब मेरे पापों का परिणाम है, जिससे बुरे समय पर विधाता उलटा हो गया। सुंदर अयोध्या फिर से अच्छी तरह बसेगी, और सब गुणों के धाम श्रीराम का प्रभुत्व होगा। सब भाई उनकी सेवा करेंगे और तीनों लोकों में श्रीराम की बड़ाई होगी। पर तुम्हारा कलंक और मेरा पछतावा मरकर भी नहीं मिटेगा। अब तुम्हें जो अच्छा लगे वही करो; मुँह छिपाकर मेरी आँखों से दूर बैठो। मैं हाथ जोड़कर कहता हूँ, जब तक मैं जीवित हूँ, तब तक फिर मुझसे कुछ मत कहना। हे अभागिन, अंत में तू पछताएगी, क्योंकि तू ताँत के लिए गाय को मार रही है। करोड़ों तरह से समझाकर कि तू क्यों सर्वनाश कर रही है, राजा धरती पर पड़ गए। कपट में चतुर कैकेयी कुछ नहीं बोलती, मानो श्मशान में जागकर कोई साधना कर रही हो।
The king says: Bharata would never, even by mistake, desire the throne; by fate this evil thought has settled in your heart. All this is the fruit of my own sins, through which destiny turned against me at the wrong moment. Lovely Ayodhya will flourish again under the rule of Rama, the home of every virtue. His brothers will serve him and his glory will fill the three worlds. But your stain and my remorse will not fade even after death. Now do whatever pleases you; sit out of my sight and hide your face. With folded hands I beg you, as long as I live, say nothing more to me. In the end you will repent, unlucky one, for you are killing a cow just for its sinew. Having pleaded endlessly, asking why she sought ruin, the king lay fallen. The cunning queen said nothing, as silent as one keeping a night vigil in a cremation ground.
-
दोहा 37#
राम राम रट बिकल भुआलू। जनु बिनु पंख बिहंग बेहालू॥
हृदयँ मनाव भोर जनि होई। रामहि जाइ कहइ जनि कोई॥
उदउ करहु जनि रबि रघुकुल गुर। अवध बिलोकि सूल होइहि उर॥
भूप प्रीति कैकइ कठिनाई। उभय अवधि बिधि रची बनाई॥
बिलपत नृपहि भयउ भिनुसारा। बीना बेनु संख धुनि द्वारा॥
पढ़हिं भाट गुन गावहिं गायक। सुनत नृपहि जनु लागहिं सायक॥
मंगल सकल सोहाहिं न कैसें। सहगामिनिहि बिभूषन जैसें॥
तेहि निसि नीद परी नहिं काहू। राम दरस लालसा उछाहू॥rāma rāma raṭa bikala bhuālū| janu binu paṃkha bihaṃga behālū||
hṛdayam̐ manāva bhora jani hoī| rāmahi jāi kahai jani koī||
udau karahu jani rabi raghukula gura| avadha biloki sūla hoihi ura||
bhūpa prīti kaikai kaṭhināī| ubhaya avadhi bidhi racī banāī||
bilapata nṛpahi bhayau bhinusārā| bīnā benu saṃkha dhuni dvārā||
paḍhahiṃ bhāṭa guna gāvahiṃ gāyaka| sunata nṛpahi janu lāgahiṃ sāyaka||
maṃgala sakala sohāhiṃ na kaiseṃ| sahagāminihi bibhūṣana jaiseṃ||
tehi nisi nīda parī nahiṃ kāhū| rāma darasa lālasā uchāhū||दोहा 37द्वार भीर सेवक सचिव कहहिं उदित रबि देखि।
जागेउ अजहुँ न अवधपति कारन कवन बिसेषि॥37॥dvāra bhīra sevaka saciva kahahiṃ udita rabi dekhi|
jāgeu ajahum̐ na avadhapati kārana kavana biseṣi||37|| -
दोहा 38#
पछिले पहर भूपु नित जागा। आजु हमहि बड़ अचरजु लागा॥
जाहु सुमंत्र जगावहु जाई। कीजिअ काज रजायसु पाई॥
गए सुमंत्रु तब राउर माहीं। देखि भयावन जात डेराहीं॥
धाइ खाई जनु जाइ न हेरा। मानहुँ बिपति बिषाद बसेरा॥
पूछें कोउ न ऊतरु देई। गए जेहिं भवन भूप कैकेई॥
कहि जयजीव बैठ सिर नाई। देखि भूप गति गयउ सुखाई॥
सोच बिकल बिबरन महि परेऊ। मानहुँ कमल मूलु परिहरेऊ॥
सचिउ सभीत सकइ नहिं पूँछी। बोली असुभ भरी सुभ छूछी॥pachile pahara bhūpu nita jāgā| āju hamahi baḍa acaraju lāgā||
jāhu sumaṃtra jagāvahu jāī| kījia kāja rajāyasu pāī||
gae sumaṃtru taba rāura māhīṃ| dekhi bhayāvana jāta ḍerāhīṃ||
dhāi khāī janu jāi na herā| mānahum̐ bipati biṣāda baserā||
pūcheṃ kou na ūtaru deī| gae jehiṃ bhavana bhūpa kaikeī||
kahi jayajīva baiṭha sira nāī| dekhi bhūpa gati gayau sukhāī||
soca bikala bibarana mahi pareū| mānahum̐ kamala mūlu parihareū||
saciu sabhīta sakai nahiṃ pūm̐chī| bolī asubha bharī subha chūchī||दोहा 38परी न राजहि नीद निसि हेतु जान जगदीसु।
रामु रामु रटि भोरु किय कहइ न मरमु महीसु॥38॥parī na rājahi nīda nisi hetu jāna jagadīsu|
rāmu rāmu raṭi bhoru kiya kahai na maramu mahīsu||38|| -
दोहा 39#
आनहु रामहि बेगि बोलाई। समाचार तब पूँछेहु आई॥
चलेउ सुमंत्र राय रुख जानी। लखी कुचालि कीन्हि कछु रानी॥
सोच बिकल मग परइ न पाऊ। रामहि बोलि कहहिं का राऊ॥
उर धरि धीरजु गयउ दुआरें। पूँछहिं सकल देखि मनु मारें॥
समाधानु करि सो सबही का। गयउ जहाँ दिनकर कुल टीका॥
राम सुमंत्रहि आवत देखा। आदर कीन्ह पिता सम लेखा॥
निरखि बदन कहि भूप रजाई। रघुकुलदीपहि चलेउ लेवाई॥
रामु कुभाँति सचिव सँग जाहीं। देखि लोग जहँ तहँ बिलखाहीं॥ānahu rāmahi begi bolāī| samācāra taba pūm̐chehu āī||
caleu sumaṃtra rāya rukha jānī| lakhī kucāli kīnhi kachu rānī||
soca bikala maga parai na pāū| rāmahi boli kahahiṃ kā rāū||
ura dhari dhīraju gayau duāreṃ| pūm̐chahiṃ sakala dekhi manu māreṃ||
samādhānu kari so sabahī kā| gayau jahām̐ dinakara kula ṭīkā||
rāma sumaṃtrahi āvata dekhā| ādara kīnha pitā sama lekhā||
nirakhi badana kahi bhūpa rajāī| raghukuladīpahi caleu levāī||
rāmu kubhām̐ti saciva sam̐ga jāhīṃ| dekhi loga jaham̐ taham̐ bilakhāhīṃ||दोहा 39जाइ दीख रघुबंसमनि नरपति निपट कुसाजु॥
सहमि परेउ लखि सिंघिनिहि मनहुँ बृद्ध गजराज॥39॥jāi dīkha raghubaṃsamani narapati nipaṭa kusāju||
sahami pareu lakhi siṃghinihi manahum̐ bṛddha gajarāja||39|| -
दोहा 40#
सूखहिं अधर जरइ सबु अंगू। मनहुँ दीन मनिहीन भुअंगू॥
सरुष समीप दीख कैकेई। मानहुँ मीचु घरी गनि लेई॥
करुनामय मृदु राम सुभाऊ। प्रथम दीख दुख सुना न काऊ॥
तदपि धीर धरि समउ बिचारी। पूँछी मधुर बचन महतारी॥
मोहि कहु मातु तात दुख कारन। करिअ जतन जेहि होइ निवारन॥
सुनहु राम सब कारन एहू। राजहि तुम पर बहुत सनेहू॥
देन कहेन्हि मोहि दुइ बरदाना। मागेउँ जो कछु मोहि सोहाना।
सो सुनि भयउ भूप उर सोचू। छाड़ि न सकहिं तुम्हार सँकोचू॥sūkhahiṃ adhara jarai sabu aṃgū| manahum̐ dīna manihīna bhuaṃgū||
saruṣa samīpa dīkha kaikeī| mānahum̐ mīcu gharī gani leī||
karunāmaya mṛdu rāma subhāū| prathama dīkha dukha sunā na kāū||
tadapi dhīra dhari samau bicārī| pūm̐chī madhura bacana mahatārī||
mohi kahu mātu tāta dukha kārana| karia jatana jehi hoi nivārana||
sunahu rāma saba kārana ehū| rājahi tuma para bahuta sanehū||
dena kahenhi mohi dui baradānā| māgeum̐ jo kachu mohi sohānā|
so suni bhayau bhūpa ura socū| chāḍi na sakahiṃ tumhāra sam̐kocū||दोहा 40सुत सनेह इत बचनु उत संकट परेउ नरेसु।
सकहु न आयसु धरहु सिर मेटहु कठिन कलेस॥40॥suta saneha ita bacanu uta saṃkaṭa pareu naresu|
sakahu na āyasu dharahu sira meṭahu kaṭhina kalesa||40|| -
दोहा 41#
निधरक बैठि कहइ कटु बानी। सुनत कठिनता अति अकुलानी॥
जीभ कमान बचन सर नाना। मनहुँ महिप मृदु लच्छ समाना॥
जनु कठोरपनु धरें सरीरू। सिखइ धनुषबिद्या बर बीरू॥
सब प्रसंगु रघुपतिहि सुनाई। बैठि मनहुँ तनु धरि निठुराई॥
मन मुसुकाइ भानुकुल भानु। राम सहज आनंद निधानू॥
बोले बचन बिगत सब दूषन। मृदु मंजुल जनु बाग बिभूषन॥
सुनु जननी सोइ सुतु बड़भागी। जो पितु मातु बचन अनुरागी॥
तनय मातु पितु तोषनिहारा। दुर्लभ जननि सकल संसारा॥nidharaka baiṭhi kahai kaṭu bānī| sunata kaṭhinatā ati akulānī||
jībha kamāna bacana sara nānā| manahum̐ mahipa mṛdu laccha samānā||
janu kaṭhorapanu dhareṃ sarīrū| sikhai dhanuṣabidyā bara bīrū||
saba prasaṃgu raghupatihi sunāī| baiṭhi manahum̐ tanu dhari niṭhurāī||
mana musukāi bhānukula bhānu| rāma sahaja ānaṃda nidhānū||
bole bacana bigata saba dūṣana| mṛdu maṃjula janu bāga bibhūṣana||
sunu jananī soi sutu baḍabhāgī| jo pitu mātu bacana anurāgī||
tanaya mātu pitu toṣanihārā| durlabha janani sakala saṃsārā||दोहा 41मुनिगन मिलनु बिसेषि बन सबहि भाँति हित मोर।
तेहि महँ पितु आयसु बहुरि संमत जननी तोर॥41॥munigana milanu biseṣi bana sabahi bhām̐ti hita mora|
tehi maham̐ pitu āyasu bahuri saṃmata jananī tora||41|| -
दोहा 42#
भरत प्रानप्रिय पावहिं राजू। बिधि सब बिधि मोहि सनमुख आजु।
जौं न जाउँ बन ऐसेहु काजा। प्रथम गनिअ मोहि मूढ़ समाजा॥
सेवहिं अरँडु कलपतरु त्यागी। परिहरि अमृत लेहिं बिषु मागी॥
तेउ न पाइ अस समउ चुकाहीं। देखु बिचारि मातु मन माहीं॥
अंब एक दुखु मोहि बिसेषी। निपट बिकल नरनायकु देखी॥
थोरिहिं बात पितहि दुख भारी। होति प्रतीति न मोहि महतारी॥
राउ धीर गुन उदधि अगाधू। भा मोहि ते कछु बड़ अपराधू॥
जातें मोहि न कहत कछु राऊ। मोरि सपथ तोहि कहु सतिभाऊ॥bharata prānapriya pāvahiṃ rājū| bidhi saba bidhi mohi sanamukha āju|
jauṃ na jāum̐ bana aisehu kājā| prathama gania mohi mūḍha samājā||
sevahiṃ aram̐ḍu kalapataru tyāgī| parihari amṛta lehiṃ biṣu māgī||
teu na pāi asa samau cukāhīṃ| dekhu bicāri mātu mana māhīṃ||
aṃba eka dukhu mohi biseṣī| nipaṭa bikala naranāyaku dekhī||
thorihiṃ bāta pitahi dukha bhārī| hoti pratīti na mohi mahatārī||
rāu dhīra guna udadhi agādhū| bhā mohi te kachu baḍa aparādhū||
jāteṃ mohi na kahata kachu rāū| mori sapatha tohi kahu satibhāū||दोहा 42सहज सरल रघुबर बचन कुमति कुटिल करि जान।
चलइ जोंक जल बक्रगति जद्यपि सलिलु समान॥42॥sahaja sarala raghubara bacana kumati kuṭila kari jāna|
calai joṃka jala bakragati jadyapi salilu samāna||42|| -
दोहा 43#
रहसी रानि राम रुख पाई। बोली कपट सनेह जनाई॥
सपथ तुम्हार भरत कै आना। हेतु न दूसर मैं कछु जाना॥
तुम्ह अपराध जोग नहिं ताता। जननी जनक बंधु सुखदाता॥
राम सत्य सब जो कछु कहहू। तुम्ह पितु मातु बचन रत अहहू॥
पितहि बुझाइ कहहु बलि सोई। चौथेंपन जेहिं अजसु न होई॥
तुम्ह सम सुअन सुकृत जेहि दीन्हे। उचित न तासु निरादर कीन्हे॥
लागहिं कुमुख बचन सुभ कैसे। मगहँ गयादिक तीरथ जैसे॥
रामहि मातु बचन सब भाए। जिमि सुरसरि गत सलिल सुहाए॥rahasī rāni rāma rukha pāī| bolī kapaṭa saneha janāī||
sapatha tumhāra bharata kai ānā| hetu na dūsara maiṃ kachu jānā||
tumha aparādha joga nahiṃ tātā| jananī janaka baṃdhu sukhadātā||
rāma satya saba jo kachu kahahū| tumha pitu mātu bacana rata ahahū||
pitahi bujhāi kahahu bali soī| cautheṃpana jehiṃ ajasu na hoī||
tumha sama suana sukṛta jehi dīnhe| ucita na tāsu nirādara kīnhe||
lāgahiṃ kumukha bacana subha kaise| magaham̐ gayādika tīratha jaise||
rāmahi mātu bacana saba bhāe| jimi surasari gata salila suhāe||दोहा 43गइ मुरुछा रामहि सुमिरि नृप फिरि करवट लीन्ह।
सचिव राम आगमन कहि बिनय समय सम कीन्ह॥43॥gai muruchā rāmahi sumiri nṛpa phiri karavaṭa līnha|
saciva rāma āgamana kahi binaya samaya sama kīnha||43|| -
दोहा 44#
अवनिप अकनि रामु पगु धारे। धरि धीरजु तब नयन उघारे॥
सचिव सँभारि राउ बैठारे। चरन परत नृप राम निहारे॥
लिए सनेह बिकल उर लाई। गै मनि मनहुँ फनिक फिरि पाई॥
रामहि चितइ रहेउ नरनाहू। चला बिलोचन बारि प्रबाहू॥
सोक बिबस कछु कहइ न पारा। हृदयँ लगावत बारहिं बारा॥
बिधिहि मनाव राउ मन माहीं। जेहि रघुनाथ न कानन जाहीं॥
सुमिरि महेसहि कहइ निहोरी। बिनती सुनहु सदासिव मोरी॥
आसुतोष तुम्ह अवढर दानी। आरति हरहु दीन जनु जानी॥avanipa akani rāmu pagu dhāre| dhari dhīraju taba nayana ughāre||
saciva sam̐bhāri rāu baiṭhāre| carana parata nṛpa rāma nihāre||
lie saneha bikala ura lāī| gai mani manahum̐ phanika phiri pāī||
rāmahi citai raheu naranāhū| calā bilocana bāri prabāhū||
soka bibasa kachu kahai na pārā| hṛdayam̐ lagāvata bārahiṃ bārā||
bidhihi manāva rāu mana māhīṃ| jehi raghunātha na kānana jāhīṃ||
sumiri mahesahi kahai nihorī| binatī sunahu sadāsiva morī||
āsutoṣa tumha avaḍhara dānī| ārati harahu dīna janu jānī||दोहा 44तुम्ह प्रेरक सब के हृदयँ सो मति रामहि देहु।
बचनु मोर तजि रहहिं घर परिहरि सीलु सनेहु॥44॥tumha preraka saba ke hṛdayam̐ so mati rāmahi dehu|
bacanu mora taji rahahiṃ ghara parihari sīlu sanehu||44|| -
दोहा 45#
अजसु होउ जग सुजसु नसाऊ। नरक परउँ बरु सुरपुर जाऊ॥
सब दुख दुसह सहावहु मोही। लोचन ओट राम जनि होहीं॥
अस मन गुनइ राउ नहिं बोली। पीपर पात सरिस मन डोला॥
रघुपति पितहि प्रेमबस जानी। पुनि कछु कहिहि मातु अनुमानी॥
देस काल अवसर अनुसारी। बोले बचन बिनीत बिचारी॥
तात कहउँ कछु करउँ ढिठाई। अनुचितु छमब जानि लरिकाई॥
अति लघु बात लागि दुख पावा। काहुँ न मोहि कहि प्रथम जनावा॥
देखि गोसाइँहि पूँछिउँ माता। सुनि प्रसंगु भए सीतल गाता॥ajasu hou jaga sujasu nasāū| naraka paraum̐ baru surapura jāū||
saba dukha dusaha sahāvahu mohī| locana oṭa rāma jani hohīṃ||
asa mana gunai rāu nahiṃ bolī| pīpara pāta sarisa mana ḍolā||
raghupati pitahi premabasa jānī| puni kachu kahihi mātu anumānī||
desa kāla avasara anusārī| bole bacana binīta bicārī||
tāta kahaum̐ kachu karaum̐ ḍhiṭhāī| anucitu chamaba jāni larikāī||
ati laghu bāta lāgi dukha pāvā| kāhum̐ na mohi kahi prathama janāvā||
dekhi gosāim̐hi pūm̐chium̐ mātā| suni prasaṃgu bhae sītala gātā||दोहा 45मंगल समय सनेह बस सोच परिहरिअ तात।
आयसु देइअ हरषि हियँ कहि पुलके प्रभु गात॥45॥maṃgala samaya saneha basa soca pariharia tāta|
āyasu deia haraṣi hiyam̐ kahi pulake prabhu gāta||45|| -
दोहा 46#
धन्य जनमु जगतीतल तासू। पितहि प्रमोद चरित सुनि जासू॥
चारि पदारथ करतल ताकें। प्रिय पितु मातु प्रान सम जाकें॥
आयसु पालि जनम फल पाई। ऐहउँ बेगिहिं होउ रजाई॥
बिदा मातु सन आवउँ मागी। चलिहउँ बनहि बहुरि पग लागी॥
अस कहि राम गवनु तब कीन्हा। भूप सोक बस उतरु न दीन्हा॥
नगर ब्यापि गइ बात सुतीछी। छुअत चढ़ी जनु सब तन बीछी॥
सुनि भए बिकल सकल नर नारी। बेलि बिटप जिमि देखि दवारी॥
जो जहँ सुनइ धुनइ सिर सोई। बड़ बिषाद नहिं धीरजु होई॥dhanya janamu jagatītala tāsū| pitahi pramoda carita suni jāsū||
cāri padāratha karatala tākeṃ| priya pitu mātu prāna sama jākeṃ||
āyasu pāli janama phala pāī| aihaum̐ begihiṃ hou rajāī||
bidā mātu sana āvaum̐ māgī| calihaum̐ banahi bahuri paga lāgī||
asa kahi rāma gavanu taba kīnhā| bhūpa soka basa utaru na dīnhā||
nagara byāpi gai bāta sutīchī| chuata caḍhī janu saba tana bīchī||
suni bhae bikala sakala nara nārī| beli biṭapa jimi dekhi davārī||
jo jaham̐ sunai dhunai sira soī| baḍa biṣāda nahiṃ dhīraju hoī||दोहा 46मुख सुखाहिं लोचन स्त्रवहि सोकु न हृदयँ समाइ।
मनहुँ ०करुन रस कटकई उतरी अवध बजाइ॥46॥mukha sukhāhiṃ locana stravahi soku na hṛdayam̐ samāi|
manahum̐ 0karuna rasa kaṭakaī utarī avadha bajāi||46|| -
दोहा 47#
मिलेहि माझ बिधि बात बेगारी। जहँ तहँ देहिं कैकइहि गारी॥
एहि पापिनिहि बूझि का परेऊ। छाइ भवन पर पावकु धरेऊ॥
निज कर नयन काढ़ि चह दीखा। डारि सुधा बिषु चाहत चीखा॥
कुटिल कठोर कुबुद्धि अभागी। भइ रघुबंस बेनु बन आगी॥
पालव बैठि पेड़ एहि काटा। सुख महुँ सोक ठाटु धरि ठाटा॥
सदा राम एहि प्रान समाना। कारन कवन कुटिलपनु ठाना॥
सत्य कहहिं कबि नारि सुभाऊ। सब बिधि अगहु अगाध दुराऊ॥
निज प्रतिबिंबु बरुकु गहि जाई। जानि न जाइ नारि गति भाई॥milehi mājha bidhi bāta begārī| jaham̐ taham̐ dehiṃ kaikaihi gārī||
ehi pāpinihi būjhi kā pareū| chāi bhavana para pāvaku dhareū||
nija kara nayana kāḍhi caha dīkhā| ḍāri sudhā biṣu cāhata cīkhā||
kuṭila kaṭhora kubuddhi abhāgī| bhai raghubaṃsa benu bana āgī||
pālava baiṭhi peḍa ehi kāṭā| sukha mahum̐ soka ṭhāṭu dhari ṭhāṭā||
sadā rāma ehi prāna samānā| kārana kavana kuṭilapanu ṭhānā||
satya kahahiṃ kabi nāri subhāū| saba bidhi agahu agādha durāū||
nija pratibiṃbu baruku gahi jāī| jāni na jāi nāri gati bhāī||दोहा 47काह न पावकु जारि सक का न समुद्र समाइ।
का न करइ अबला प्रबल केहि जग काल न खाइ॥47॥kāha na pāvaku jāri saka kā na samudra samāi|
kā na karai abalā prabala kehi jaga kāla na khāi||47|| -
दोहा 48#
का सुनाइ बिधि काह सुनावा। का देखाइ चह काह देखावा॥
एक कहहिं भल भूप न कीन्हा। बरु बिचारि नहिं कुमतिहि दीन्हा॥
जो हठि भयउ सकल दुख भाजन। अबला बिबस ग्यानु गुनु गा जनु॥
एक धरम परमिति पहिचाने। नृपहि दोसु नहिं देहिं सयाने॥
सिबि दधीचि हरिचंद कहानी। एक एक सन कहहिं बखानी॥
एक भरत कर संमत कहहीं। एक उदास भायँ सुनि रहहीं॥
कान मूदि कर रद गहि जीहा। एक कहहिं यह बात अलीहा॥
सुकृत जाहिं अस कहत तुम्हारे। रामु भरत कहुँ प्रानपिआरे॥kā sunāi bidhi kāha sunāvā| kā dekhāi caha kāha dekhāvā||
eka kahahiṃ bhala bhūpa na kīnhā| baru bicāri nahiṃ kumatihi dīnhā||
jo haṭhi bhayau sakala dukha bhājana| abalā bibasa gyānu gunu gā janu||
eka dharama paramiti pahicāne| nṛpahi dosu nahiṃ dehiṃ sayāne||
sibi dadhīci haricaṃda kahānī| eka eka sana kahahiṃ bakhānī||
eka bharata kara saṃmata kahahīṃ| eka udāsa bhāyam̐ suni rahahīṃ||
kāna mūdi kara rada gahi jīhā| eka kahahiṃ yaha bāta alīhā||
sukṛta jāhiṃ asa kahata tumhāre| rāmu bharata kahum̐ prānapiāre||दोहा 48चंदु चवै बरु अनल कन सुधा होइ बिषतूल।
सपनेहुँ कबहुँ न करहिं किछु भरत राम प्रतिकूल॥48॥caṃdu cavai baru anala kana sudhā hoi biṣatūla|
sapanehum̐ kabahum̐ na karahiṃ kichu bharata rāma pratikūla||48|| -
दोहा 49#
एक बिधातहि दूषनु देहीं। सुधा देखाइ दीन्ह बिष जेहीं॥
खरभरु नगर सोच सब काहू। दुसह दाहु उर मिटा उछाहू॥
बिप्रबधू कुलमान्य जठेरी। जे प्रिय परम कैकेई केरी॥
लगीं देन सिख सील सराही। बचन बानसम लागहिं ताही॥
भरत न मोहि प्रिय राम समाना। सदा कहहु यह सब जग जाना॥
करहु राम पर सहज सनेहू। केहि अपराध आजु बन देहू॥
कबहुँ न कियहु सवति आरेसू। प्रीति प्रतीति जान सब देसू॥
कौसल्या अब काह बिगारा। तुम्ह जेहि लागि बज्र पुर पारा॥eka bidhātahi dūṣanu dehīṃ| sudhā dekhāi dīnha biṣa jehīṃ||
kharabharu nagara soca saba kāhū| dusaha dāhu ura miṭā uchāhū||
biprabadhū kulamānya jaṭherī| je priya parama kaikeī kerī||
lagīṃ dena sikha sīla sarāhī| bacana bānasama lāgahiṃ tāhī||
bharata na mohi priya rāma samānā| sadā kahahu yaha saba jaga jānā||
karahu rāma para sahaja sanehū| kehi aparādha āju bana dehū||
kabahum̐ na kiyahu savati āresū| prīti pratīti jāna saba desū||
kausalyā aba kāha bigārā| tumha jehi lāgi bajra pura pārā||दोहा 49सीय कि पिय सँगु परिहरिहि लखनु कि रहिहहिं धाम।
राजु कि भूँजब भरत पुर नृपु कि जिइहि बिनु राम॥49॥sīya ki piya sam̐gu pariharihi lakhanu ki rahihahiṃ dhāma|
rāju ki bhūm̐jaba bharata pura nṛpu ki jiihi binu rāma||49|| -
सोरठा 50#
अस बिचारि उर छाड़हु कोहू। सोक कलंक कोठि जनि होहू॥
भरतहि अवसि देहु जुबराजू। कानन काह राम कर काजू॥
नाहिन रामु राज के भूखे। धरम धुरीन बिषय रस रूखे॥
गुर गृह बसहुँ राम तजि गेहू। नृप सन अस बर दूसर लेहू॥
जौं नहिं लगिहहु कहे हमारे। नहिं लागिहि कछु हाथ तुम्हारे॥
जौं परिहास कीन्हि कछु होई। तौ कहि प्रगट जनावहु सोई॥
राम सरिस सुत कानन जोगू। काह कहिहि सुनि तुम्ह कहुँ लोगू॥
उठहु बेगि सोइ करहु उपाई। जेहि बिधि सोक कलंकु नसाई॥asa bicāri ura chāḍahu kohū| soka kalaṃka koṭhi jani hohū||
bharatahi avasi dehu jubarājū| kānana kāha rāma kara kājū||
nāhina rāmu rāja ke bhūkhe| dharama dhurīna biṣaya rasa rūkhe||
gura gṛha basahum̐ rāma taji gehū| nṛpa sana asa bara dūsara lehū||
jauṃ nahiṃ lagihahu kahe hamāre| nahiṃ lāgihi kachu hātha tumhāre||
jauṃ parihāsa kīnhi kachu hoī| tau kahi pragaṭa janāvahu soī||
rāma sarisa suta kānana jogū| kāha kahihi suni tumha kahum̐ logū||
uṭhahu begi soi karahu upāī| jehi bidhi soka kalaṃku nasāī||छंदजेहि भाँति सोक कलंकु जाइ उपाय करि कुल पालही।
हठि फेरु रामहि जात बन जनि बात दूसरि चालही॥
जिमि भानु बिनु दिनु प्रान बिनु तनु चंद बिनु जिमि जामिनी।
तिमि अवध तुलसीदास प्रभु बिनु समुझि धौं जियँ भामिनी॥jehi bhām̐ti soka kalaṃku jāi upāya kari kula pālahī|
haṭhi pheru rāmahi jāta bana jani bāta dūsari cālahī||
jimi bhānu binu dinu prāna binu tanu caṃda binu jimi jāminī|
timi avadha tulasīdāsa prabhu binu samujhi dhauṃ jiyam̐ bhāminī||सोरठा 50सखिन्ह सिखावनु दीन्ह सुनत मधुर परिनाम हित।
तेइँ कछु कान न कीन्ह कुटिल प्रबोधी कूबरी॥50॥sakhinha sikhāvanu dīnha sunata madhura parināma hita|
teim̐ kachu kāna na kīnha kuṭila prabodhī kūbarī||50|| -
दोहा 51#
उतरु न देइ दुसह रिस रूखी। मृगिन्ह चितव जनु बाघिनि भूखी॥
ब्याधि असाधि जानि तिन्ह त्यागी। चलीं कहत मतिमंद अभागी॥
राजु करत यह दैअँ बिगोई। कीन्हेसि अस जस करइ न कोई॥
एहि बिधि बिलपहिं पुर नर नारी। देहिं कुचालिहि कोटिक गारी॥
जरहिं बिषम जर लेहिं उसासा। कवनि राम बिनु जीवन आसा॥
बिपुल बियोग प्रजा अकुलानी। जनु जलचर गन सूखत पानी॥
अति बिषाद बस लोग लोगाईं। गए मातु पहिं रामु गोसाईं॥
मुख प्रसन्न चित चौगुन चाऊ। मिटा सोचु जनि राखै राऊ॥utaru na dei dusaha risa rūkhī| mṛginha citava janu bāghini bhūkhī||
byādhi asādhi jāni tinha tyāgī| calīṃ kahata matimaṃda abhāgī||
rāju karata yaha daiam̐ bigoī| kīnhesi asa jasa karai na koī||
ehi bidhi bilapahiṃ pura nara nārī| dehiṃ kucālihi koṭika gārī||
jarahiṃ biṣama jara lehiṃ usāsā| kavani rāma binu jīvana āsā||
bipula biyoga prajā akulānī| janu jalacara gana sūkhata pānī||
ati biṣāda basa loga logāīṃ| gae mātu pahiṃ rāmu gosāīṃ||
mukha prasanna cita cauguna cāū| miṭā socu jani rākhai rāū||दोहा 51नव गयंदु रघुबीर मनु राजु अलान समान।
छूट जानि बन गवनु सुनि उर अनंदु अधिकान॥51॥nava gayaṃdu raghubīra manu rāju alāna samāna|
chūṭa jāni bana gavanu suni ura anaṃdu adhikāna||51|| -
दोहा 52#
रघुकुलतिलक जोरि दोउ हाथा। मुदित मातु पद नायउ माथा॥
दीन्हि असीस लाइ उर लीन्हे। भूषन बसन निछावरि कीन्हे॥
बार बार मुख चुंबति माता। नयन नेह जल पुलकित गाता॥
गोद राखि पुनि हृदयँ लगाए। स्त्रवत प्रेनरस पयद सुहाए॥
प्रेम प्रमोद न कछु कहि जाई। रंक धनद पदवी जनु पाई॥
सादर सुंदर बदन निहारी। बोली मधुर बचन महतारी॥
कहहु तात जननी बलिहारी। कबहिं लगन मुद मंगलकारी॥
सुकृत सील सुख सीवँ सुहाई। जनम लाभ कइ अवधि अघाई॥raghukulatilaka jori dou hāthā| mudita mātu pada nāyau māthā||
dīnhi asīsa lāi ura līnhe| bhūṣana basana nichāvari kīnhe||
bāra bāra mukha cuṃbati mātā| nayana neha jala pulakita gātā||
goda rākhi puni hṛdayam̐ lagāe| stravata prenarasa payada suhāe||
prema pramoda na kachu kahi jāī| raṃka dhanada padavī janu pāī||
sādara suṃdara badana nihārī| bolī madhura bacana mahatārī||
kahahu tāta jananī balihārī| kabahiṃ lagana muda maṃgalakārī||
sukṛta sīla sukha sīvam̐ suhāī| janama lābha kai avadhi aghāī||दोहा 52जेहि चाहत नर नारि सब अति आरत एहि भाँति।
जिमि चातक चातकि तृषित बृष्टि सरद रितु स्वाति॥52॥jehi cāhata nara nāri saba ati ārata ehi bhām̐ti|
jimi cātaka cātaki tṛṣita bṛṣṭi sarada ritu svāti||52|| -
दोहा 53#
तात जाउँ बलि बेगि नहाहू। जो मन भाव मधुर कछु खाहू॥
पितु समीप तब जाएहु भैआ। भइ बड़ि बार जाइ बलि मैआ॥
मातु बचन सुनि अति अनुकूला। जनु सनेह सुरतरु के फूला॥
सुख मकरंद भरे श्रियमूला। निरखि राम मनु भवरुँ न भूला॥
धरम धुरीन धरम गति जानी। कहेउ मातु सन अति मृदु बानी॥
पिता दीन्ह मोहि कानन राजू। जहँ सब भाँति मोर बड़ काजू॥
आयसु देहि मुदित मन माता। जेहिं मुद मंगल कानन जाता॥
जनि सनेह बस डरपसि भोरें। आनँदु अंब अनुग्रह तोरें॥tāta jāum̐ bali begi nahāhū| jo mana bhāva madhura kachu khāhū||
pitu samīpa taba jāehu bhaiā| bhai baḍi bāra jāi bali maiā||
mātu bacana suni ati anukūlā| janu saneha surataru ke phūlā||
sukha makaraṃda bhare śriyamūlā| nirakhi rāma manu bhavarum̐ na bhūlā||
dharama dhurīna dharama gati jānī| kaheu mātu sana ati mṛdu bānī||
pitā dīnha mohi kānana rājū| jaham̐ saba bhām̐ti mora baḍa kājū||
āyasu dehi mudita mana mātā| jehiṃ muda maṃgala kānana jātā||
jani saneha basa ḍarapasi bhoreṃ| ānam̐du aṃba anugraha toreṃ||दोहा 53बरष चारिदस बिपिन बसि करि पितु बचन प्रमान।
आइ पाय पुनि देखिहउँ मन जनि करसि मलान॥53॥baraṣa cāridasa bipina basi kari pitu bacana pramāna|
āi pāya puni dekhihaum̐ mana jani karasi malāna||53|| -
दोहा 54#
बचन बिनीत मधुर रघुबर के। सर सम लगे मातु उर करके॥
सहमि सूखि सुनि सीतलि बानी। जिमि जवास परे पावस पानी॥
कहि न जाइ कछु हृदय बिषादू। मनहुँ मृगी सुनि केहरि नादू॥
नयन सजल तन थर थर काँपी। माजहि खाइ मीन जनु मापी॥
धरि धीरजु सुत बदन निहारी। गदगद बचन कहति महतारी॥
तात पितहि तुम्ह प्रानपिआरे। देखि मुदित नित चरित तुम्हारे॥
राज देन कहुँ सुभ दिन साधा। कहेउ जान बन केहि अपराधा॥
तात सुनावहु मोहि निदानू। को दिनकर कुल भयउ कृसानू॥bacana binīta madhura raghubara ke| sara sama lage mātu ura karake||
sahami sūkhi suni sītali bānī| jimi javāsa pare pāvasa pānī||
kahi na jāi kachu hṛdaya biṣādū| manahum̐ mṛgī suni kehari nādū||
nayana sajala tana thara thara kām̐pī| mājahi khāi mīna janu māpī||
dhari dhīraju suta badana nihārī| gadagada bacana kahati mahatārī||
tāta pitahi tumha prānapiāre| dekhi mudita nita carita tumhāre||
rāja dena kahum̐ subha dina sādhā| kaheu jāna bana kehi aparādhā||
tāta sunāvahu mohi nidānū| ko dinakara kula bhayau kṛsānū||दोहा 54निरखि राम रुख सचिवसुत कारनु कहेउ बुझाइ।
सुनि प्रसंगु रहि मूक जिमि दसा बरनि नहिं जाइ॥54॥nirakhi rāma rukha sacivasuta kāranu kaheu bujhāi|
suni prasaṃgu rahi mūka jimi dasā barani nahiṃ jāi||54|| -
दोहा 55#
राखि न सकइ न कहि सक जाहू। दुहूँ भाँति उर दारुन दाहू॥
लिखत सुधाकर गा लिखि राहू। बिधि गति बाम सदा सब काहू॥
धरम सनेह उभय मति घेरी। भइ गति साँप छुछुंदरि केरी॥
राखउँ सुतहि करउँ अनुरोधू। धरम जाइ अरु बंधु बिरोधू॥
कहउँ जान बन तौ बड़ि हानी। संकट सोच बिबस भइ रानी॥
बहुरि समुझि तिय धरमु सयानी। रामु भरतु दोउ सुत सम जानी॥
सरल सुभाउ राम महतारी। बोली बचन धीर धरि भारी॥
तात जाउँ बलि कीन्हेहु नीका। पितु आयसु सब धरमक टीका॥rākhi na sakai na kahi saka jāhū| duhūm̐ bhām̐ti ura dāruna dāhū||
likhata sudhākara gā likhi rāhū| bidhi gati bāma sadā saba kāhū||
dharama saneha ubhaya mati gherī| bhai gati sām̐pa chuchuṃdari kerī||
rākhaum̐ sutahi karaum̐ anurodhū| dharama jāi aru baṃdhu birodhū||
kahaum̐ jāna bana tau baḍi hānī| saṃkaṭa soca bibasa bhai rānī||
bahuri samujhi tiya dharamu sayānī| rāmu bharatu dou suta sama jānī||
sarala subhāu rāma mahatārī| bolī bacana dhīra dhari bhārī||
tāta jāum̐ bali kīnhehu nīkā| pitu āyasu saba dharamaka ṭīkā||दोहा 55राजु देन कहि दीन्ह बनु मोहि न सो दुख लेसु।
तुम्ह बिनु भरतहि भूपतिहि प्रजहि प्रचंड कलेस॥55॥rāju dena kahi dīnha banu mohi na so dukha lesu|
tumha binu bharatahi bhūpatihi prajahi pracaṃḍa kalesa||55|| -
दोहा 56#
जौं केवल पितु आयसु ताता। तौ जनि जाहु जानि बड़ि माता॥
जौं पितु मातु कहेउ बन जाना। तौ कानन सत अवध समाना॥
पितु बनदेव मातु बनदेवी। खग मृग चरन सरोरुह सेवी॥
अंतहुँ उचित नृपहि बनबासू। बय बिलोकि हियँ होइ हराँसू॥
बड़भागी बन अवध अभागी। जो रघुबंसतिलक तुम्ह त्यागी॥
जौं सुत कहौं संग मोहि लेहू। तुम्हरे हृदयँ होइ संदेहू॥
पूत परम प्रिय तुम्ह सबही के। प्रान प्रान के जीवन जी के॥
ते तुम्ह कहहु मातु बन जाऊँ। मैं सुनि बचन बैठि पछिताऊँ॥jauṃ kevala pitu āyasu tātā| tau jani jāhu jāni baḍi mātā||
jauṃ pitu mātu kaheu bana jānā| tau kānana sata avadha samānā||
pitu banadeva mātu banadevī| khaga mṛga carana saroruha sevī||
aṃtahum̐ ucita nṛpahi banabāsū| baya biloki hiyam̐ hoi harām̐sū||
baḍabhāgī bana avadha abhāgī| jo raghubaṃsatilaka tumha tyāgī||
jauṃ suta kahauṃ saṃga mohi lehū| tumhare hṛdayam̐ hoi saṃdehū||
pūta parama priya tumha sabahī ke| prāna prāna ke jīvana jī ke||
te tumha kahahu mātu bana jāūm̐| maiṃ suni bacana baiṭhi pachitāūm̐||दोहा 56यह बिचारि नहिं करउँ हठ झूठ सनेहु बढ़ाइ।
मानि मातु कर नात बलि सुरति बिसरि जनि जाइ॥56॥yaha bicāri nahiṃ karaum̐ haṭha jhūṭha sanehu baḍhāi|
māni mātu kara nāta bali surati bisari jani jāi||56|| -
दोहा 57#
देव पितर सब तुम्हहि गोसाईं। राखहुँ पलक नयन की नाई॥
अवधि अंबु प्रिय परिजन मीना। तुम्ह करुनाकर धरम धुरीना॥
अस बिचारि सोइ करहु उपाई। सबहि जिअत जेहि भेंटहु आई॥
जाहु सुखेन बनहि बलि जाऊँ। करि अनाथ जन परिजन गाऊँ॥
सब कर आजु सुकृत फल बीता। भयउ कराल कालु बिपरीता॥
बहुबिधि बिलपि चरन लपटानी। परम अभागिनि आपुहि जानी॥
दारुन दुसह दाहु उर ब्यापा। बरनि न जाहिं बिलाप कलापा॥
राम उठाइ मातु उर लाई। कहि मृदु बचन बहुरि समुझाई॥deva pitara saba tumhahi gosāīṃ| rākhahum̐ palaka nayana kī nāī||
avadhi aṃbu priya parijana mīnā| tumha karunākara dharama dhurīnā||
asa bicāri soi karahu upāī| sabahi jiata jehi bheṃṭahu āī||
jāhu sukhena banahi bali jāūm̐| kari anātha jana parijana gāūm̐||
saba kara āju sukṛta phala bītā| bhayau karāla kālu biparītā||
bahubidhi bilapi carana lapaṭānī| parama abhāgini āpuhi jānī||
dāruna dusaha dāhu ura byāpā| barani na jāhiṃ bilāpa kalāpā||
rāma uṭhāi mātu ura lāī| kahi mṛdu bacana bahuri samujhāī||दोहा 57समाचार तेहि समय सुनि सीय उठी अकुलाइ।
जाइ सासु पद कमल जुग बंदि बैठि सिरु नाइ॥57॥samācāra tehi samaya suni sīya uṭhī akulāi|
jāi sāsu pada kamala juga baṃdi baiṭhi siru nāi||57|| -
दोहा 58#
दीन्हि असीस सासु मृदु बानी। अति सुकुमारि देखि अकुलानी॥
बैठि नमितमुख सोचति सीता। रूप रासि पति प्रेम पुनीता॥
चलन चहत बन जीवननाथू। केहि सुकृती सन होइहि साथू॥
की तनु प्रान कि केवल प्राना। बिधि करतब कछु जाइ न जाना॥
चारु चरन नख लेखति धरनी। नूपुर मुखर मधुर कबि बरनी॥
मनहुँ प्रेम बस बिनती करहीं। हमहि सीय पद जनि परिहरहीं॥
मंजु बिलोचन मोचति बारी। बोली देखि राम महतारी॥
तात सुनहु सिय अति सुकुमारी। सासु ससुर परिजनहि पिआरी॥dīnhi asīsa sāsu mṛdu bānī| ati sukumāri dekhi akulānī||
baiṭhi namitamukha socati sītā| rūpa rāsi pati prema punītā||
calana cahata bana jīvananāthū| kehi sukṛtī sana hoihi sāthū||
kī tanu prāna ki kevala prānā| bidhi karataba kachu jāi na jānā||
cāru carana nakha lekhati dharanī| nūpura mukhara madhura kabi baranī||
manahum̐ prema basa binatī karahīṃ| hamahi sīya pada jani pariharahīṃ||
maṃju bilocana mocati bārī| bolī dekhi rāma mahatārī||
tāta sunahu siya ati sukumārī| sāsu sasura parijanahi piārī||दोहा 58पिता जनक भूपाल मनि ससुर भानुकुल भानु।
पति रबिकुल कैरव बिपिन बिधु गुन रूप निधान॥58॥pitā janaka bhūpāla mani sasura bhānukula bhānu|
pati rabikula kairava bipina bidhu guna rūpa nidhāna||58|| -
दोहा 59#
मैं पुनि पुत्रबधू प्रिय पाई। रूप रासि गुन सील सुहाई॥
नयन पुतरि करि प्रीति बढ़ाई। राखेउँ प्रान जानकिहि लाई॥
कलपबेलि जिमि बहुबिधि लाली। सींचि सनेह सलिल प्रतिपाली॥
फूलत फलत भयउ बिधि बामा। जानि न जाइ काह परिनामा॥
पलँग पीठ तजि गोद हिंड़ोरा। सिय न दीन्ह पग अवनि कठोरा॥
जिअनमूरि जिमि जोगवत रहउँ। दीप बाति नहिं टारन कहऊँ॥
सोइ सिय चलन चहति बन साथा। आयसु काह होइ रघुनाथा।
चंद किरन रस रसिक चकोरी। रबि रुख नयन सकइ किमि जोरी॥maiṃ puni putrabadhū priya pāī| rūpa rāsi guna sīla suhāī||
nayana putari kari prīti baḍhāī| rākheum̐ prāna jānakihi lāī||
kalapabeli jimi bahubidhi lālī| sīṃci saneha salila pratipālī||
phūlata phalata bhayau bidhi bāmā| jāni na jāi kāha parināmā||
palam̐ga pīṭha taji goda hiṃḍorā| siya na dīnha paga avani kaṭhorā||
jianamūri jimi jogavata rahaum̐| dīpa bāti nahiṃ ṭārana kahaūm̐||
soi siya calana cahati bana sāthā| āyasu kāha hoi raghunāthā|
caṃda kirana rasa rasika cakorī| rabi rukha nayana sakai kimi jorī||दोहा 59करि केहरि निसिचर चरहिं दुष्ट जंतु बन भूरि।
बिष बाटिका कि सोह सुत सुभग सजीवनि मूरि॥59॥kari kehari nisicara carahiṃ duṣṭa jaṃtu bana bhūri|
biṣa bāṭikā ki soha suta subhaga sajīvani mūri||59|| -
दोहा 60#
बन हित कोल किरात किसोरी। रची बिरंचि बिषय सुख भोरी॥
पाहन कृमि जिमि कठिन सुभाऊ। तिन्हहि कलेस न कानन काऊ॥
कै तापस तिय कानन जोगू। जिन्ह तप हेतु तजा सब भोगू॥
सिय बन बसिहि तात केहि भाँती। चित्रलिखित कपि देखि डेराती॥
सुरसर सुभग बनज बन चारी। डाबर जोगु कि हंसकुमारी॥
अस बिचारि जस आयसु होई। मैं सिख देउँ जानकिहि सोई॥
जौं सिय भवन रहै कह अंबा। मोहि कह होइ बहुत अवलंबा॥
सुनि रघुबीर मातु प्रिय बानी। सील सनेह सुधा जनु सानी॥bana hita kola kirāta kisorī| racī biraṃci biṣaya sukha bhorī||
pāhana kṛmi jimi kaṭhina subhāū| tinhahi kalesa na kānana kāū||
kai tāpasa tiya kānana jogū| jinha tapa hetu tajā saba bhogū||
siya bana basihi tāta kehi bhām̐tī| citralikhita kapi dekhi ḍerātī||
surasara subhaga banaja bana cārī| ḍābara jogu ki haṃsakumārī||
asa bicāri jasa āyasu hoī| maiṃ sikha deum̐ jānakihi soī||
jauṃ siya bhavana rahai kaha aṃbā| mohi kaha hoi bahuta avalaṃbā||
suni raghubīra mātu priya bānī| sīla saneha sudhā janu sānī||दोहा 60कहि प्रिय बचन बिबेकमय कीन्हि मातु परितोष।
लगे प्रबोधन जानकिहि प्रगटि बिपिन गुन दोष॥60॥kahi priya bacana bibekamaya kīnhi mātu paritoṣa|
lage prabodhana jānakihi pragaṭi bipina guna doṣa||60|| -
मासपारायण, चौदहवाँ विश्रामDay 14 of the 30-day Masparayan ends here
🙏
Completed Ayodhya Kand — Part 2?
Mark Masparayan day 14 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.