Ramcharitmanas Ayodhya Kand Part 9 (Doha 237–326)

दोहा 237#

तब केवट ऊँचे चढ़ि धाई। कहेउ भरत सन भुजा उठाई॥
नाथ देखिअहिं बिटप बिसाला। पाकरि जंबु रसाल तमाला॥
जिन्ह तरुबरन्ह मध्य बटु सोहा। मंजु बिसाल देखि मन मोहा॥
नील सघन पल्लव फल लाला। अबिरल छाहँ सुखद सब काला॥
मानहुँ तिमिर अरुनमय रासी। बिरची बिधि सँकेलि सुषमा सी॥
ए तरु सरित समीप गोसाँई। रघुबर परनकुटी जहँ छाई॥
तुलसी तरुबर बिबिध सुहाए। कहुँ कहुँ सियँ कहुँ लखन लगाए॥
बट छाया बेदिका बनाई। सिय निज पानि सरोज सुहाई॥

taba kevaṭa ūm̐ce caḍhi dhāī| kaheu bharata sana bhujā uṭhāī||
nātha dekhiahiṃ biṭapa bisālā| pākari jaṃbu rasāla tamālā||
jinha tarubaranha madhya baṭu sohā| maṃju bisāla dekhi mana mohā||
nīla saghana pallava phala lālā| abirala chāham̐ sukhada saba kālā||
mānahum̐ timira arunamaya rāsī| biracī bidhi sam̐keli suṣamā sī||
e taru sarita samīpa gosām̐ī| raghubara paranakuṭī jaham̐ chāī||
tulasī tarubara bibidha suhāe| kahum̐ kahum̐ siyam̐ kahum̐ lakhana lagāe||
baṭa chāyā bedikā banāī| siya nija pāni saroja suhāī||

दोहा 237
जहाँ बैठि मुनिगन सहित नित सिय रामु सुजान।
सुनहिं कथा इतिहास सब आगम निगम पुरान॥237॥
jahām̐ baiṭhi munigana sahita nita siya rāmu sujāna|
sunahiṃ kathā itihāsa saba āgama nigama purāna||237||
दोहा 238#

सखा बचन सुनि बिटप निहारी। उमगे भरत बिलोचन बारी॥
करत प्रनाम चले दोउ भाई। कहत प्रीति सारद सकुचाई॥
हरषहिं निरखि राम पद अंका। मानहुँ पारसु पायउ रंका॥
रज सिर धरि हियँ नयनन्हि लावहिं। रघुबर मिलन सरिस सुख पावहिं॥
देखि भरत गति अकथ अतीवा। प्रेम मगन मृग खग जड़ जीवा॥
सखहि सनेह बिबस मग भूला। कहि सुपंथ सुर बरषहिं फूला॥
निरखि सिद्ध साधक अनुरागे। सहज सनेह सराहन लागे॥
होत न भूतल भाउ भरत को। अचर सचर चर अचर करत को॥

sakhā bacana suni biṭapa nihārī| umage bharata bilocana bārī||
karata pranāma cale dou bhāī| kahata prīti sārada sakucāī||
haraṣahiṃ nirakhi rāma pada aṃkā| mānahum̐ pārasu pāyau raṃkā||
raja sira dhari hiyam̐ nayananhi lāvahiṃ| raghubara milana sarisa sukha pāvahiṃ||
dekhi bharata gati akatha atīvā| prema magana mṛga khaga jaḍa jīvā||
sakhahi saneha bibasa maga bhūlā| kahi supaṃtha sura baraṣahiṃ phūlā||
nirakhi siddha sādhaka anurāge| sahaja saneha sarāhana lāge||
hota na bhūtala bhāu bharata ko| acara sacara cara acara karata ko||

दोहा 238
पेम अमिअ मंदरु बिरहु भरतु पयोधि गँभीर।
मथि प्रगटेउ सुर साधु हित कृपासिंधु रघुबीर॥238॥
pema amia maṃdaru birahu bharatu payodhi gam̐bhīra|
mathi pragaṭeu sura sādhu hita kṛpāsiṃdhu raghubīra||238||
दोहा 239#

सखा समेत मनोहर जोटा। लखेउ न लखन सघन बन ओटा॥
भरत दीख प्रभु आश्रम पावन। सकल सुमंगल सदन सुहावन॥
करत प्रबेस मिटे दुख दावा। जनु जोगी परमारथ पावा॥
देखे भरत लखन प्रभु आगे। पूछे बचन कहत अनुरागे॥
सीस जटा कटि मुनि पट बाँधे। तून कसें कर सर धनु काँधें॥
बेदी पर मुनि साधु समाजू। सीय सहित राजत रघुराजू॥
बलकल बसन जटिल तनु स्यामा। जनु मुनि बेष कीन्ह रति कामा॥
कर कमलनि धनु सायक फेरत। जिय की जरनि हरत हँसि हेरत॥

sakhā sameta manohara joṭā| lakheu na lakhana saghana bana oṭā||
bharata dīkha prabhu āśrama pāvana| sakala sumaṃgala sadana suhāvana||
karata prabesa miṭe dukha dāvā| janu jogī paramāratha pāvā||
dekhe bharata lakhana prabhu āge| pūche bacana kahata anurāge||
sīsa jaṭā kaṭi muni paṭa bām̐dhe| tūna kaseṃ kara sara dhanu kām̐dheṃ||
bedī para muni sādhu samājū| sīya sahita rājata raghurājū||
balakala basana jaṭila tanu syāmā| janu muni beṣa kīnha rati kāmā||
kara kamalani dhanu sāyaka pherata| jiya kī jarani harata ham̐si herata||

दोहा 239
लसत मंजु मुनि मंडली मध्य सीय रघुचंदु।
ग्यान सभाँ जनु तनु धरें भगति सच्चिदानंदु॥239॥
lasata maṃju muni maṃḍalī madhya sīya raghucaṃdu|
gyāna sabhām̐ janu tanu dhareṃ bhagati saccidānaṃdu||239||
दोहा 240#

सानुज सखा समेत मगन मन। बिसरे हरष सोक सुख दुख गन॥
पाहि नाथ कहि पाहि गोसाईं। भूतल परे लकुट की नाई॥
बचन सपेम लखन पहिचाने। करत प्रनामु भरत जियँ जाने॥
बंधु सनेह सरस एहि ओरा। उत साहिब सेवा बस जोरा॥
मिलि न जाइ नहिं गुदरत बनई। सुकबि लखन मन की गति भनई॥
रहे राखि सेवा पर भारू। चढ़ी चंग जनु खैंच खेलारू॥
कहत सप्रेम नाइ महि माथा। भरत प्रनाम करत रघुनाथा॥
उठे राम सुनि पेम अधीरा। कहुँ पट कहुँ निषंग धनु तीरा॥

sānuja sakhā sameta magana mana| bisare haraṣa soka sukha dukha gana||
pāhi nātha kahi pāhi gosāīṃ| bhūtala pare lakuṭa kī nāī||
bacana sapema lakhana pahicāne| karata pranāmu bharata jiyam̐ jāne||
baṃdhu saneha sarasa ehi orā| uta sāhiba sevā basa jorā||
mili na jāi nahiṃ gudarata banaī| sukabi lakhana mana kī gati bhanaī||
rahe rākhi sevā para bhārū| caḍhī caṃga janu khaiṃca khelārū||
kahata saprema nāi mahi māthā| bharata pranāma karata raghunāthā||
uṭhe rāma suni pema adhīrā| kahum̐ paṭa kahum̐ niṣaṃga dhanu tīrā||

दोहा 240
बरबस लिए उठाइ उर लाए कृपानिधान।
भरत राम की मिलनि लखि बिसरे सबहि अपान॥240॥
barabasa lie uṭhāi ura lāe kṛpānidhāna|
bharata rāma kī milani lakhi bisare sabahi apāna||240||
दोहा 241#

मिलनि प्रीति किमि जाइ बखानी। कबिकुल अगम करम मन बानी॥
परम पेम पूरन दोउ भाई। मन बुधि चित अहमिति बिसराई॥
कहहु सुपेम प्रगट को करई। केहि छाया कबि मति अनुसरई॥
कबिहि अरथ आखर बल साँचा। अनुहरि ताल गतिहि नट नाचा॥
अगम सनेह भरत रघुबर को। जहँ न जाइ मन बिधि हरि हर को॥
सो मैं कुमति कहउँ केहि भाँति। बाज सुराग कि गाँडर ताँती॥
मिलनि बिलोकि भरत रघुबर की। सुरगन सभय धकधकी धरकी॥
समुझाए सुरगुरु जड़ जागे। बरषि प्रसून प्रसंसन लागे॥

milani prīti kimi jāi bakhānī| kabikula agama karama mana bānī||
parama pema pūrana dou bhāī| mana budhi cita ahamiti bisarāī||
kahahu supema pragaṭa ko karaī| kehi chāyā kabi mati anusaraī||
kabihi aratha ākhara bala sām̐cā| anuhari tāla gatihi naṭa nācā||
agama saneha bharata raghubara ko| jaham̐ na jāi mana bidhi hari hara ko||
so maiṃ kumati kahaum̐ kehi bhām̐ti| bāja surāga ki gām̐ḍara tām̐tī||
milani biloki bharata raghubara kī| suragana sabhaya dhakadhakī dharakī||
samujhāe suraguru jaḍa jāge| baraṣi prasūna prasaṃsana lāge||

दोहा 241
मिलि सपेम रिपुसूदनहि केवटु भेंटेउ राम।
भूरि भायँ भेंटे भरत लछिमन करत प्रनाम॥241॥
mili sapema ripusūdanahi kevaṭu bheṃṭeu rāma|
bhūri bhāyam̐ bheṃṭe bharata lachimana karata pranāma||241||
दोहा 242#

भेंटेउ लखन ललकि लघु भाई। बहुरि निषाद लीन्ह उर लाई॥
पुनि मुनिगन दुहुँ भाइन्ह बंदे। अभिमत आसिष पाइ अनंदे॥
सानुज भरत उमगि अनुरागा। धरि सिर सिय पद पदुम परागा॥
पुनि पुनि करत प्रनाम उठाए। सिर कर कमल परसि बैठाए॥
सीय असीस दीन्हि मन माहीं। मगन सनेह देह सुधि नाहीं॥
सब बिधि सानुकूल लखि सीता। भे निसोच उर अपडर बीता॥
कोउ किछु कहइ न कोउ किछु पूछा। प्रेम भरा मन निज गति छूँछा॥
तेहि अवसर केवट धीरजु धरि। जोरि पानि बिनवत प्रनामु करि॥

bheṃṭeu lakhana lalaki laghu bhāī| bahuri niṣāda līnha ura lāī||
puni munigana duhum̐ bhāinha baṃde| abhimata āsiṣa pāi anaṃde||
sānuja bharata umagi anurāgā| dhari sira siya pada paduma parāgā||
puni puni karata pranāma uṭhāe| sira kara kamala parasi baiṭhāe||
sīya asīsa dīnhi mana māhīṃ| magana saneha deha sudhi nāhīṃ||
saba bidhi sānukūla lakhi sītā| bhe nisoca ura apaḍara bītā||
kou kichu kahai na kou kichu pūchā| prema bharā mana nija gati chūm̐chā||
tehi avasara kevaṭa dhīraju dhari| jori pāni binavata pranāmu kari||

दोहा 242
नाथ साथ मुनिनाथ के मातु सकल पुर लोग।
सेवक सेनप सचिव सब आए बिकल बियोग॥242॥
nātha sātha muninātha ke mātu sakala pura loga|
sevaka senapa saciva saba āe bikala biyoga||242||
दोहा 243#

सीलसिंधु सुनि गुर आगवनू। सिय समीप राखे रिपुदवनू॥
चले सबेग राम तेहि काला। धीर धरम धुर दीनदयाला॥
गुरहि देखि सानुज अनुरागे। दंड प्रनाम करन प्रभु लागे॥
मुनिबर धाइ लिए उर लाई। प्रेम उमगि भेंटे दोउ भाई॥
प्रेम पुलकि केवट कहि नामू। कीन्ह दूरि तें दंड प्रनामू॥
रामसखा रिषि बरबस भेंटा। जनु महि लुठत सनेह समेटा॥
रघुपति भगति सुमंगल मूला। नभ सराहि सुर बरिसहिं फूला॥
एहि सम निपट नीच कोउ नाहीं। बड़ बसिष्ठ सम को जग माहीं॥

sīlasiṃdhu suni gura āgavanū| siya samīpa rākhe ripudavanū||
cale sabega rāma tehi kālā| dhīra dharama dhura dīnadayālā||
gurahi dekhi sānuja anurāge| daṃḍa pranāma karana prabhu lāge||
munibara dhāi lie ura lāī| prema umagi bheṃṭe dou bhāī||
prema pulaki kevaṭa kahi nāmū| kīnha dūri teṃ daṃḍa pranāmū||
rāmasakhā riṣi barabasa bheṃṭā| janu mahi luṭhata saneha sameṭā||
raghupati bhagati sumaṃgala mūlā| nabha sarāhi sura barisahiṃ phūlā||
ehi sama nipaṭa nīca kou nāhīṃ| baḍa basiṣṭha sama ko jaga māhīṃ||

दोहा 243
जेहि लखि लखनहु तें अधिक मिले मुदित मुनिराउ।
सो सीतापति भजन को प्रगट प्रताप प्रभाउ॥243॥
jehi lakhi lakhanahu teṃ adhika mile mudita munirāu|
so sītāpati bhajana ko pragaṭa pratāpa prabhāu||243||
दोहा 244#

आरत लोग राम सबु जाना। करुनाकर सुजान भगवाना॥
जो जेहि भायँ रहा अभिलाषी। तेहि तेहि कै तसि तसि रुख राखी॥
सानुज मिलि पल महुँ सब काहू। कीन्ह दूरि दुखु दारुन दाहू॥
यह बड़ि बात राम कै नाहीं। जिमि घट कोटि एक रबि छाहीं॥
मिलि केवटहि उमगि अनुरागा। पुरजन सकल सराहहिं भागा॥
देखीं राम दुखित महतारीं। जनु सुबेलि अवलीं हिम मारीं॥
प्रथम राम भेंटी कैकेई। सरल सुभायँ भगति मति भेई॥
पग परि कीन्ह प्रबोधु बहोरी। काल करम बिधि सिर धरि खोरी॥

ārata loga rāma sabu jānā| karunākara sujāna bhagavānā||
jo jehi bhāyam̐ rahā abhilāṣī| tehi tehi kai tasi tasi rukha rākhī||
sānuja mili pala mahum̐ saba kāhū| kīnha dūri dukhu dāruna dāhū||
yaha baḍi bāta rāma kai nāhīṃ| jimi ghaṭa koṭi eka rabi chāhīṃ||
mili kevaṭahi umagi anurāgā| purajana sakala sarāhahiṃ bhāgā||
dekhīṃ rāma dukhita mahatārīṃ| janu subeli avalīṃ hima mārīṃ||
prathama rāma bheṃṭī kaikeī| sarala subhāyam̐ bhagati mati bheī||
paga pari kīnha prabodhu bahorī| kāla karama bidhi sira dhari khorī||

दोहा 244
भेटीं रघुबर मातु सब करि प्रबोधु परितोषु॥
अंब ईस आधीन जगु काहु न देइअ दोषु॥244॥
bheṭīṃ raghubara mātu saba kari prabodhu paritoṣu||
aṃba īsa ādhīna jagu kāhu na deia doṣu||244||
दोहा 245#

गुरतिय पद बंदे दुहु भाई। सहित बिप्रतिय जे सँग आई॥
गंग गौरि सम सब सनमानी॥देहिं असीस मुदित मृदु बानी॥
गहि पद लगे सुमित्रा अंका। जनु भेटीं संपति अति रंका॥
पुनि जननी चरननि दोउ भ्राता। परे पेम ब्याकुल सब गाता॥
अति अनुराग अंब उर लाए। नयन सनेह सलिल अन्हवाए॥
तेहि अवसर कर हरष बिषादू। किमि कबि कहइ मूक जिमि स्वादू॥
मिलि जननिहि सानुज रघुराऊ। गुर सन कहेउ कि धारिअ पाऊ॥
पुरजन पाइ मुनीस नियोगू। जल थल तकि तकि उतरे लोगू॥

guratiya pada baṃde duhu bhāī| sahita bipratiya je sam̐ga āī||
gaṃga gauri sama saba sanamānī||dehiṃ asīsa mudita mṛdu bānī||
gahi pada lage sumitrā aṃkā| janu bheṭīṃ saṃpati ati raṃkā||
puni jananī caranani dou bhrātā| pare pema byākula saba gātā||
ati anurāga aṃba ura lāe| nayana saneha salila anhavāe||
tehi avasara kara haraṣa biṣādū| kimi kabi kahai mūka jimi svādū||
mili jananihi sānuja raghurāū| gura sana kaheu ki dhāria pāū||
purajana pāi munīsa niyogū| jala thala taki taki utare logū||

दोहा 245
महिसुर मंत्री मातु गुर गने लोग लिए साथ॥
पावन आश्रम गवनु किय भरत लखन रघुनाथ॥245॥
mahisura maṃtrī mātu gura gane loga lie sātha||
pāvana āśrama gavanu kiya bharata lakhana raghunātha||245||
दोहा 246#

सीय आइ मुनिबर पग लागी। उचित असीस लही मन मागी॥
गुरपतिनिहि मुनितियन्ह समेता। मिली पेमु कहि जाइ न जेता॥
बंदि बंदि पग सिय सबही के। आसिरबचन लहे प्रिय जी के॥
सासु सकल जब सीय निहारी। मूदे नयन सहमि सुकुमारी॥
परी बधिक बस मनहुँ मराली। काह कीन्ह करतार कुचाली॥
तिन्ह सिय निरखि निपट दुख पावा। सो सब सहिअ जो दैउ सहावा॥
जनकसुता तब उर धरि धीरा। नील नलिन लोयन भरि नीरा॥
मिली सकल सासुन्ह सिय जाई। तेहि अवसर करुना महि छाई॥

sīya āi munibara paga lāgī| ucita asīsa lahī mana māgī||
gurapatinihi munitiyanha sametā| milī pemu kahi jāi na jetā||
baṃdi baṃdi paga siya sabahī ke| āsirabacana lahe priya jī ke||
sāsu sakala jaba sīya nihārī| mūde nayana sahami sukumārī||
parī badhika basa manahum̐ marālī| kāha kīnha karatāra kucālī||
tinha siya nirakhi nipaṭa dukha pāvā| so saba sahia jo daiu sahāvā||
janakasutā taba ura dhari dhīrā| nīla nalina loyana bhari nīrā||
milī sakala sāsunha siya jāī| tehi avasara karunā mahi chāī||

दोहा 246
लागि लागि पग सबनि सिय भेंटति अति अनुराग॥
हृदयँ असीसहिं पेम बस रहिअहु भरी सोहाग॥246॥
lāgi lāgi paga sabani siya bheṃṭati ati anurāga||
hṛdayam̐ asīsahiṃ pema basa rahiahu bharī sohāga||246||
दोहा 247#

बिकल सनेहँ सीय सब रानीं। बैठन सबहि कहेउ गुर ग्यानीं॥
कहि जग गति मायिक मुनिनाथा। कहे कछुक परमारथ गाथा॥
नृप कर सुरपुर गवनु सुनावा। सुनि रघुनाथ दुसह दुख पावा॥
मरन हेतु निज नेह बिचारी। भे अति बिकल धीर धुर धारी॥
कुलिस कठोर सुनत कटु बानी। बिलपत लखन सीय सब रानी॥
सोक बिकल अति सकल समाजू। मानहुँ राज अकाजेउ आजू॥
मुनिबर बहुरि राम समुझाए। सहित समाज सुसरित नहाए॥
ब्रत निरंबु तेहि दिन प्रभु कीन्हा। मुनिहु कहे जल काहुँ न लीन्हा॥

bikala saneham̐ sīya saba rānīṃ| baiṭhana sabahi kaheu gura gyānīṃ||
kahi jaga gati māyika munināthā| kahe kachuka paramāratha gāthā||
nṛpa kara surapura gavanu sunāvā| suni raghunātha dusaha dukha pāvā||
marana hetu nija neha bicārī| bhe ati bikala dhīra dhura dhārī||
kulisa kaṭhora sunata kaṭu bānī| bilapata lakhana sīya saba rānī||
soka bikala ati sakala samājū| mānahum̐ rāja akājeu ājū||
munibara bahuri rāma samujhāe| sahita samāja susarita nahāe||
brata niraṃbu tehi dina prabhu kīnhā| munihu kahe jala kāhum̐ na līnhā||

दोहा 247
भोरु भएँ रघुनंदनहि जो मुनि आयसु दीन्ह॥
श्रद्धा भगति समेत प्रभु सो सबु सादरु कीन्ह॥247॥
bhoru bhaem̐ raghunaṃdanahi jo muni āyasu dīnha||
śraddhā bhagati sameta prabhu so sabu sādaru kīnha||247||
दोहा 248#

करि पितु क्रिया बेद जसि बरनी। भे पुनीत पातक तम तरनी॥
जासु नाम पावक अघ तूला। सुमिरत सकल सुमंगल मूला॥
सुद्ध सो भयउ साधु संमत अस। तीरथ आवाहन सुरसरि जस॥
सुद्ध भएँ दुइ बासर बीते। बोले गुर सन राम पिरीते॥
नाथ लोग सब निपट दुखारी। कंद मूल फल अंबु अहारी॥
सानुज भरत सचिव सब माता। देखि मोहि पल जिमि जुग जाता॥
सब समेत पुर धारिअ पाऊ। आपु इहाँ अमरावति राऊ॥
बहुत कहेउँ सब कियउँ ढिठाई। उचित होइ तस करिअ गोसाँई॥

kari pitu kriyā beda jasi baranī| bhe punīta pātaka tama taranī||
jāsu nāma pāvaka agha tūlā| sumirata sakala sumaṃgala mūlā||
suddha so bhayau sādhu saṃmata asa| tīratha āvāhana surasari jasa||
suddha bhaem̐ dui bāsara bīte| bole gura sana rāma pirīte||
nātha loga saba nipaṭa dukhārī| kaṃda mūla phala aṃbu ahārī||
sānuja bharata saciva saba mātā| dekhi mohi pala jimi juga jātā||
saba sameta pura dhāria pāū| āpu ihām̐ amarāvati rāū||
bahuta kaheum̐ saba kiyaum̐ ḍhiṭhāī| ucita hoi tasa karia gosām̐ī||

दोहा 248
धर्म सेतु करुनायतन कस न कहहु अस राम।
लोग दुखित दिन दुइ दरस देखि लहहुँ बिश्राम॥248॥
dharma setu karunāyatana kasa na kahahu asa rāma|
loga dukhita dina dui darasa dekhi lahahum̐ biśrāma||248||
दोहा 249#

राम बचन सुनि सभय समाजू। जनु जलनिधि महुँ बिकल जहाजू॥
सुनि गुर गिरा सुमंगल मूला। भयउ मनहुँ मारुत अनुकूला॥
पावन पय तिहुँ काल नहाहीं। जो बिलोकि अघ ओघ नसाहीं॥
मंगलमूरति लोचन भरि भरि। निरखहिं हरषि दंडवत करि करि॥
राम सैल बन देखन जाहीं। जहँ सुख सकल सकल दुख नाहीं॥
झरना झरहिं सुधासम बारी। त्रिबिध तापहर त्रिबिध बयारी॥
बिटप बेलि तृन अगनित जाती। फल प्रसून पल्लव बहु भाँती॥
सुंदर सिला सुखद तरु छाहीं। जाइ बरनि बन छबि केहि पाहीं॥

rāma bacana suni sabhaya samājū| janu jalanidhi mahum̐ bikala jahājū||
suni gura girā sumaṃgala mūlā| bhayau manahum̐ māruta anukūlā||
pāvana paya tihum̐ kāla nahāhīṃ| jo biloki agha ogha nasāhīṃ||
maṃgalamūrati locana bhari bhari| nirakhahiṃ haraṣi daṃḍavata kari kari||
rāma saila bana dekhana jāhīṃ| jaham̐ sukha sakala sakala dukha nāhīṃ||
jharanā jharahiṃ sudhāsama bārī| tribidha tāpahara tribidha bayārī||
biṭapa beli tṛna aganita jātī| phala prasūna pallava bahu bhām̐tī||
suṃdara silā sukhada taru chāhīṃ| jāi barani bana chabi kehi pāhīṃ||

दोहा 249
सरनि सरोरुह जल बिहग कूजत गुंजत भृंग।
बैर बिगत बिहरत बिपिन मृग बिहंग बहुरंग॥249॥
sarani saroruha jala bihaga kūjata guṃjata bhṛṃga|
baira bigata biharata bipina mṛga bihaṃga bahuraṃga||249||
दोहा 250#

कोल किरात भिल्ल बनबासी। मधु सुचि सुंदर स्वादु सुधा सी॥
भरि भरि परन पुटीं रचि रूरी। कंद मूल फल अंकुर जूरी॥
सबहि देहिं करि बिनय प्रनामा। कहि कहि स्वाद भेद गुन नामा॥
देहिं लोग बहु माल न लेहीं। फेरत राम दोहाई देहीं॥
कहहिं सनेह मगन मृदु बानी। मानत साधु पेम पहिचानी॥
तुम्ह सुकृती हम नीच निषादा। पावा दरसनु राम प्रसादा॥
हमहि अगम अति दरस तुम्हारा। जस मरु धरनि देवधुनि धारा॥
राम कृपाल निषाद नेवाजा। परिजन प्रजउ चहिअ जस राजा॥

kola kirāta bhilla banabāsī| madhu suci suṃdara svādu sudhā sī||
bhari bhari parana puṭīṃ raci rūrī| kaṃda mūla phala aṃkura jūrī||
sabahi dehiṃ kari binaya pranāmā| kahi kahi svāda bheda guna nāmā||
dehiṃ loga bahu māla na lehīṃ| pherata rāma dohāī dehīṃ||
kahahiṃ saneha magana mṛdu bānī| mānata sādhu pema pahicānī||
tumha sukṛtī hama nīca niṣādā| pāvā darasanu rāma prasādā||
hamahi agama ati darasa tumhārā| jasa maru dharani devadhuni dhārā||
rāma kṛpāla niṣāda nevājā| parijana prajau cahia jasa rājā||

दोहा 250
यह जियँ जानि सँकोचु तजि करिअ छोहु लखि नेहु।
हमहि कृतारथ करन लगि फल तृन अंकुर लेहु॥250॥
yaha jiyam̐ jāni sam̐kocu taji karia chohu lakhi nehu|
hamahi kṛtāratha karana lagi phala tṛna aṃkura lehu||250||
सोरठा 251#

तुम्ह प्रिय पाहुने बन पगु धारे। सेवा जोग न भाग हमारे॥
देब काह हम तुम्हहि गोसाँई। ईधनु पात किरात मिताई॥
यह हमारि अति बड़ि सेवकाई। लेहिं न बासन बसन चोराई॥
हम जड़ जीव जीव गन घाती। कुटिल कुचाली कुमति कुजाती॥
पाप करत निसि बासर जाहीं। नहिं पट कटि नहिं पेट अघाहीं॥
सपनेहुँ धरम बुद्धि कस काऊ। यह रघुनंदन दरस प्रभाऊ॥
जब तें प्रभु पद पदुम निहारे। मिटे दुसह दुख दोष हमारे॥
बचन सुनत पुरजन अनुरागे। तिन्ह के भाग सराहन लागे॥

tumha priya pāhune bana pagu dhāre| sevā joga na bhāga hamāre||
deba kāha hama tumhahi gosām̐ī| īdhanu pāta kirāta mitāī||
yaha hamāri ati baḍi sevakāī| lehiṃ na bāsana basana corāī||
hama jaḍa jīva jīva gana ghātī| kuṭila kucālī kumati kujātī||
pāpa karata nisi bāsara jāhīṃ| nahiṃ paṭa kaṭi nahiṃ peṭa aghāhīṃ||
sapanehum̐ dharama buddhi kasa kāū| yaha raghunaṃdana darasa prabhāū||
jaba teṃ prabhu pada paduma nihāre| miṭe dusaha dukha doṣa hamāre||
bacana sunata purajana anurāge| tinha ke bhāga sarāhana lāge||

छंद
लागे सराहन भाग सब अनुराग बचन सुनावहीं।
बोलनि मिलनि सिय राम चरन सनेह लखि सुख पावहीं॥
नर नारि निदरहिं नेह निज सुनि कोल भिल्लनि की गिरा।
तुलसी कृपा रघुबंसमनि की लोह लै लौका तिरा॥
lāge sarāhana bhāga saba anurāga bacana sunāvahīṃ|
bolani milani siya rāma carana saneha lakhi sukha pāvahīṃ||
nara nāri nidarahiṃ neha nija suni kola bhillani kī girā|
tulasī kṛpā raghubaṃsamani kī loha lai laukā tirā||

सोरठा 251
बिहरहिं बन चहु ओर प्रतिदिन प्रमुदित लोग सब।
जल ज्यों दादुर मोर भए पीन पावस प्रथम॥251॥
biharahiṃ bana cahu ora pratidina pramudita loga saba|
jala jyoṃ dādura mora bhae pīna pāvasa prathama||251||
दोहा 252#

पुर जन नारि मगन अति प्रीती। बासर जाहिं पलक सम बीती॥
सीय सासु प्रति बेष बनाई। सादर करइ सरिस सेवकाई॥
लखा न मरमु राम बिनु काहूँ। माया सब सिय माया माहूँ॥
सीय सासु सेवा बस कीन्ही। तिन्ह लहि सुख सिख आसिष दीन्ही॥
लखि सिय सहित सरल दोउ भाई। कुटिल रानि पछितानि अघाई॥
अवनि जमहि जाचति कैकेई। महि न बीच बिधि मीचु न देई॥
लोकहुँ बेद बिदित कबि कहहीं। राम बिमुख थल नरक न लहहीं॥
यह संसउ सब के मन माहीं। राम गवनु बिधि अवध कि नाहीं॥

pura jana nāri magana ati prītī| bāsara jāhiṃ palaka sama bītī||
sīya sāsu prati beṣa banāī| sādara karai sarisa sevakāī||
lakhā na maramu rāma binu kāhūm̐| māyā saba siya māyā māhūm̐||
sīya sāsu sevā basa kīnhī| tinha lahi sukha sikha āsiṣa dīnhī||
lakhi siya sahita sarala dou bhāī| kuṭila rāni pachitāni aghāī||
avani jamahi jācati kaikeī| mahi na bīca bidhi mīcu na deī||
lokahum̐ beda bidita kabi kahahīṃ| rāma bimukha thala naraka na lahahīṃ||
yaha saṃsau saba ke mana māhīṃ| rāma gavanu bidhi avadha ki nāhīṃ||

दोहा 252
निसि न नीद नहिं भूख दिन भरतु बिकल सुचि सोच।
नीच कीच बिच मगन जस मीनहि सलिल सँकोच॥252॥
nisi na nīda nahiṃ bhūkha dina bharatu bikala suci soca|
nīca kīca bica magana jasa mīnahi salila sam̐koca||252||
दोहा 253#

कीन्हि मातु मिस काल कुचाली। ईति भीति जस पाकत साली॥
केहि बिधि होइ राम अभिषेकू। मोहि अवकलत उपाउ न एकू॥
अवसि फिरहिं गुर आयसु मानी। मुनि पुनि कहब राम रुचि जानी॥
मातु कहेहु बहुरहिं रघुराऊ। राम जननि हठ करबि कि काऊ॥
मोहि अनुचर कर केतिक बाता। तेहि महँ कुसमउ बाम बिधाता॥
जौं हठ करउँ त निपट कुकरमू। हरगिरि तें गुरु सेवक धरमू॥
एकउ जुगुति न मन ठहरानी। सोचत भरतहि रैनि बिहानी॥
प्रात नहाइ प्रभुहि सिर नाई। बैठत पठए रिषय बोलाई॥

kīnhi mātu misa kāla kucālī| īti bhīti jasa pākata sālī||
kehi bidhi hoi rāma abhiṣekū| mohi avakalata upāu na ekū||
avasi phirahiṃ gura āyasu mānī| muni puni kahaba rāma ruci jānī||
mātu kahehu bahurahiṃ raghurāū| rāma janani haṭha karabi ki kāū||
mohi anucara kara ketika bātā| tehi maham̐ kusamau bāma bidhātā||
jauṃ haṭha karaum̐ ta nipaṭa kukaramū| haragiri teṃ guru sevaka dharamū||
ekau juguti na mana ṭhaharānī| socata bharatahi raini bihānī||
prāta nahāi prabhuhi sira nāī| baiṭhata paṭhae riṣaya bolāī||

दोहा 253
गुर पद कमल प्रनामु करि बैठे आयसु पाइ।
बिप्र महाजन सचिव सब जुरे सभासद आइ॥253॥
gura pada kamala pranāmu kari baiṭhe āyasu pāi|
bipra mahājana saciva saba jure sabhāsada āi||253||
दोहा 254#

बोले मुनिबरु समय समाना। सुनहु सभासद भरत सुजाना॥
धरम धुरीन भानुकुल भानू। राजा राम स्वबस भगवानू॥
सत्यसंध पालक श्रुति सेतू। राम जनम जग मंगल हेतु॥
गुर पितु मातु बचन अनुसारी। खल दल दलन देव हितकारी॥
नीति प्रीति परमारथ स्वारथ। कोउ न राम सम जान जथारथ॥
बिधि हरि हर ससि रबि दिसिपाला। माया जीव करम कुलि काला॥
अहिप महिप जहँ लगि प्रभुताई। जोग सिद्धि निगमागम गाई॥
करि बिचार जियँ देखहु नीकें। राम रजाइ सीस सबही के॥

bole munibaru samaya samānā| sunahu sabhāsada bharata sujānā||
dharama dhurīna bhānukula bhānū| rājā rāma svabasa bhagavānū||
satyasaṃdha pālaka śruti setū| rāma janama jaga maṃgala hetu||
gura pitu mātu bacana anusārī| khala dala dalana deva hitakārī||
nīti prīti paramāratha svāratha| kou na rāma sama jāna jathāratha||
bidhi hari hara sasi rabi disipālā| māyā jīva karama kuli kālā||
ahipa mahipa jaham̐ lagi prabhutāī| joga siddhi nigamāgama gāī||
kari bicāra jiyam̐ dekhahu nīkeṃ| rāma rajāi sīsa sabahī ke||

दोहा 254
राखें राम रजाइ रुख हम सब कर हित होइ।
समुझि सयाने करहु अब सब मिलि संमत सोइ॥254॥
rākheṃ rāma rajāi rukha hama saba kara hita hoi|
samujhi sayāne karahu aba saba mili saṃmata soi||254||
दोहा 255#

सब कहुँ सुखद राम अभिषेकू। मंगल मोद मूल मग एकू॥
केहि बिधि अवध चलहिं रघुराऊ। कहहु समुझि सोइ करिअ उपाऊ॥
सब सादर सुनि मुनिबर बानी। नय परमारथ स्वारथ सानी॥
उतरु न आव लोग भए भोरे। तब सिर नाइ भरत कर जोरे॥
भानुबंस भए भूप घनेरे। अधिक एक तें एक बड़ेरे॥
जनम हेतु सब कहँ पितु माता। करम सुभासुभ देइ बिधाता॥
दलि दुख सजइ सकल कल्याना। अस असीस राउरि जग जाना॥
सो गोसाइँ बिधि गति जेहि छेंकी। सकइ को टारि टेक जो टेकी॥

saba kahum̐ sukhada rāma abhiṣekū| maṃgala moda mūla maga ekū||
kehi bidhi avadha calahiṃ raghurāū| kahahu samujhi soi karia upāū||
saba sādara suni munibara bānī| naya paramāratha svāratha sānī||
utaru na āva loga bhae bhore| taba sira nāi bharata kara jore||
bhānubaṃsa bhae bhūpa ghanere| adhika eka teṃ eka baḍere||
janama hetu saba kaham̐ pitu mātā| karama subhāsubha dei bidhātā||
dali dukha sajai sakala kalyānā| asa asīsa rāuri jaga jānā||
so gosāim̐ bidhi gati jehi cheṃkī| sakai ko ṭāri ṭeka jo ṭekī||

दोहा 255
बूझिअ मोहि उपाउ अब सो सब मोर अभागु।
सुनि सनेहमय बचन गुर उर उमगा अनुरागु॥255॥
būjhia mohi upāu aba so saba mora abhāgu|
suni sanehamaya bacana gura ura umagā anurāgu||255||
दोहा 256#

तात बात फुरि राम कृपाहीं। राम बिमुख सिधि सपनेहुँ नाहीं॥
सकुचउँ तात कहत एक बाता। अरध तजहिं बुध सरबस जाता॥
तुम्ह कानन गवनहु दोउ भाई। फेरिअहिं लखन सीय रघुराई॥
सुनि सुबचन हरष दोउ भ्राता। भे प्रमोद परिपूरन गाता॥
मन प्रसन्न तनु तेज बिराजा। जनु जिय राउ राम भए राजा॥
बहुत लाभ लोगन्ह लघु हानी। सम दुख सुख सब रोवहिं रानी॥
कहहिं भरत मुनि कहा सो कीन्हे। फल जग जीवन्ह अभिमत दीन्हे॥
कानन करउँ जनम भरि बासू। एहि तें अधिक न मोर सुपासू॥

tāta bāta phuri rāma kṛpāhīṃ| rāma bimukha sidhi sapanehum̐ nāhīṃ||
sakucaum̐ tāta kahata eka bātā| aradha tajahiṃ budha sarabasa jātā||
tumha kānana gavanahu dou bhāī| pheriahiṃ lakhana sīya raghurāī||
suni subacana haraṣa dou bhrātā| bhe pramoda paripūrana gātā||
mana prasanna tanu teja birājā| janu jiya rāu rāma bhae rājā||
bahuta lābha loganha laghu hānī| sama dukha sukha saba rovahiṃ rānī||
kahahiṃ bharata muni kahā so kīnhe| phala jaga jīvanha abhimata dīnhe||
kānana karaum̐ janama bhari bāsū| ehi teṃ adhika na mora supāsū||

दोहा 256
अंतरजामी रामु सिय तुम्ह सरबग्य सुजान।
जो फुर कहहु त नाथ निज कीजिअ बचनु प्रवान॥256॥
aṃtarajāmī rāmu siya tumha sarabagya sujāna|
jo phura kahahu ta nātha nija kījia bacanu pravāna||256||
दोहा 257#

भरत बचन सुनि देखि सनेहू। सभा सहित मुनि भए बिदेहू॥
भरत महा महिमा जलरासी। मुनि मति ठाढ़ि तीर अबला सी॥
गा चह पार जतन हियँ हेरा। पावति नाव न बोहित बेरा॥
और करिहि को भरत बड़ाई। सरसी सीपि कि सिंधु समाई॥
भरतु मुनिहि मन भीतर भाए। सहित समाज राम पहिं आए॥
प्रभु प्रनामु करि दीन्ह सुआसन। बैठे सब सुनि मुनि अनुसासन॥
बोले मुनिबरु बचन बिचारी। देस काल अवसर अनुहारी॥
सुनहु राम सरबग्य सुजाना। धरम नीति गुन ग्यान निधाना॥

bharata bacana suni dekhi sanehū| sabhā sahita muni bhae bidehū||
bharata mahā mahimā jalarāsī| muni mati ṭhāḍhi tīra abalā sī||
gā caha pāra jatana hiyam̐ herā| pāvati nāva na bohita berā||
aura karihi ko bharata baḍāī| sarasī sīpi ki siṃdhu samāī||
bharatu munihi mana bhītara bhāe| sahita samāja rāma pahiṃ āe||
prabhu pranāmu kari dīnha suāsana| baiṭhe saba suni muni anusāsana||
bole munibaru bacana bicārī| desa kāla avasara anuhārī||
sunahu rāma sarabagya sujānā| dharama nīti guna gyāna nidhānā||

दोहा 257
सब के उर अंतर बसहु जानहु भाउ कुभाउ।
पुरजन जननी भरत हित होइ सो कहिअ उपाउ॥257॥
saba ke ura aṃtara basahu jānahu bhāu kubhāu|
purajana jananī bharata hita hoi so kahia upāu||257||
दोहा 258#

आरत कहहिं बिचारि न काऊ। सूझ जुआरिहि आपन दाऊ॥
सुनि मुनि बचन कहत रघुराऊ। नाथ तुम्हारेहि हाथ उपाऊ॥
सब कर हित रुख राउरि राखे। आयसु किए मुदित फुर भाषें॥
प्रथम जो आयसु मो कहुँ होई। माथे मानि करउँ सिख सोई॥
पुनि जेहि कहँ जस कहब गोसाईं। सो सब भाँति घटिहि सेवकाई॥
कह मुनि राम सत्य तुम्ह भाषा। भरत सनेह बिचार न राखा॥
तेहि तें कहउँ बहोरि बहोरी। भरत भगति बस भइ मति मोरी॥
मोरें जान भरत रुचि राखि। जो कीजिअ सो सुभ सिव साखी॥

ārata kahahiṃ bicāri na kāū| sūjha juārihi āpana dāū||
suni muni bacana kahata raghurāū| nātha tumhārehi hātha upāū||
saba kara hita rukha rāuri rākhe| āyasu kie mudita phura bhāṣeṃ||
prathama jo āyasu mo kahum̐ hoī| māthe māni karaum̐ sikha soī||
puni jehi kaham̐ jasa kahaba gosāīṃ| so saba bhām̐ti ghaṭihi sevakāī||
kaha muni rāma satya tumha bhāṣā| bharata saneha bicāra na rākhā||
tehi teṃ kahaum̐ bahori bahorī| bharata bhagati basa bhai mati morī||
moreṃ jāna bharata ruci rākhi| jo kījia so subha siva sākhī||

दोहा 258
भरत बिनय सादर सुनिअ करिअ बिचारु बहोरि।
करब साधुमत लोकमत नृपनय निगम निचोरि॥258॥
bharata binaya sādara sunia karia bicāru bahori|
karaba sādhumata lokamata nṛpanaya nigama nicori||258||
दोहा 259#

गुर अनुराग भरत पर देखी। राम हृदयँ आनंदु बिसेषी॥
भरतहि धरम धुरंधर जानी। निज सेवक तन मानस बानी॥
बोले गुर आयसु अनुकूला। बचन मंजु मृदु मंगलमूला॥
नाथ सपथ पितु चरन दोहाई। भयउ न भुअन भरत सम भाई॥
जे गुर पद अंबुज अनुरागी। ते लोकहुँ बेदहुँ बड़भागी॥
राउर जा पर अस अनुरागू। को कहि सकइ भरत कर भागू॥
लखि लघु बंधु बुद्धि सकुचाई। करत बदन पर भरत बड़ाई॥
भरतु कहहिं सोइ किएँ भलाई। अस कहि राम रहे अरगाई॥

gura anurāga bharata para dekhī| rāma hṛdayam̐ ānaṃdu biseṣī||
bharatahi dharama dhuraṃdhara jānī| nija sevaka tana mānasa bānī||
bole gura āyasu anukūlā| bacana maṃju mṛdu maṃgalamūlā||
nātha sapatha pitu carana dohāī| bhayau na bhuana bharata sama bhāī||
je gura pada aṃbuja anurāgī| te lokahum̐ bedahum̐ baḍabhāgī||
rāura jā para asa anurāgū| ko kahi sakai bharata kara bhāgū||
lakhi laghu baṃdhu buddhi sakucāī| karata badana para bharata baḍāī||
bharatu kahahiṃ soi kiem̐ bhalāī| asa kahi rāma rahe aragāī||

दोहा 259
तब मुनि बोले भरत सन सब सँकोचु तजि तात।
कृपासिंधु प्रिय बंधु सन कहहु हृदय कै बात॥259॥
taba muni bole bharata sana saba sam̐kocu taji tāta|
kṛpāsiṃdhu priya baṃdhu sana kahahu hṛdaya kai bāta||259||
दोहा 260#

सुनि मुनि बचन राम रुख पाई। गुरु साहिब अनुकूल अघाई॥
लखि अपने सिर सबु छरु भारू। कहि न सकहिं कछु करहिं बिचारू॥
पुलकि सरीर सभाँ भए ठाढ़े। नीरज नयन नेह जल बाढ़े॥
कहब मोर मुनिनाथ निबाहा। एहि तें अधिक कहउँ मैं काहा।
मैं जानउँ निज नाथ सुभाऊ। अपराधिहु पर कोह न काऊ॥
मो पर कृपा सनेह बिसेषी। खेलत खुनिस न कबहूँ देखी॥
सिसुपन तें परिहरेउँ न संगू। कबहुँ न कीन्ह मोर मन भंगू॥
मैं प्रभु कृपा रीति जियँ जोही। हारेहुँ खेल जितावहिं मोही॥

suni muni bacana rāma rukha pāī| guru sāhiba anukūla aghāī||
lakhi apane sira sabu charu bhārū| kahi na sakahiṃ kachu karahiṃ bicārū||
pulaki sarīra sabhām̐ bhae ṭhāḍhe| nīraja nayana neha jala bāḍhe||
kahaba mora muninātha nibāhā| ehi teṃ adhika kahaum̐ maiṃ kāhā|
maiṃ jānaum̐ nija nātha subhāū| aparādhihu para koha na kāū||
mo para kṛpā saneha biseṣī| khelata khunisa na kabahūm̐ dekhī||
sisupana teṃ parihareum̐ na saṃgū| kabahum̐ na kīnha mora mana bhaṃgū||
maiṃ prabhu kṛpā rīti jiyam̐ johī| hārehum̐ khela jitāvahiṃ mohī||

दोहा 260
महूँ सनेह सकोच बस सनमुख कही न बैन।
दरसन तृपित न आजु लगि पेम पिआसे नैन॥260॥
mahūm̐ saneha sakoca basa sanamukha kahī na baina|
darasana tṛpita na āju lagi pema piāse naina||260||
दोहा 261#

बिधि न सकेउ सहि मोर दुलारा। नीच बीच जननी मिस पारा।
यहउ कहत मोहि आजु न सोभा। अपनीं समुझि साधु सुचि को भा॥
मातु मंदि मैं साधु सुचाली। उर अस आनत कोटि कुचाली॥
फरइ कि कोदव बालि सुसाली। मुकुता प्रसव कि संबुक काली॥
सपनेहुँ दोसक लेसु न काहू। मोर अभाग उदधि अवगाहू॥
बिनु समुझें निज अघ परिपाकू। जारिउँ जायँ जननि कहि काकू॥
हृदयँ हेरि हारेउँ सब ओरा। एकहि भाँति भलेहिं भल मोरा॥
गुर गोसाइँ साहिब सिय रामू। लागत मोहि नीक परिनामू॥

bidhi na sakeu sahi mora dulārā| nīca bīca jananī misa pārā|
yahau kahata mohi āju na sobhā| apanīṃ samujhi sādhu suci ko bhā||
mātu maṃdi maiṃ sādhu sucālī| ura asa ānata koṭi kucālī||
pharai ki kodava bāli susālī| mukutā prasava ki saṃbuka kālī||
sapanehum̐ dosaka lesu na kāhū| mora abhāga udadhi avagāhū||
binu samujheṃ nija agha paripākū| jārium̐ jāyam̐ janani kahi kākū||
hṛdayam̐ heri hāreum̐ saba orā| ekahi bhām̐ti bhalehiṃ bhala morā||
gura gosāim̐ sāhiba siya rāmū| lāgata mohi nīka parināmū||

दोहा 261
साधु सभा गुर प्रभु निकट कहउँ सुथल सति भाउ।
प्रेम प्रपंचु कि झूठ फुर जानहिं मुनि रघुराउ॥261॥
sādhu sabhā gura prabhu nikaṭa kahaum̐ suthala sati bhāu|
prema prapaṃcu ki jhūṭha phura jānahiṃ muni raghurāu||261||
दोहा 262#

भूपति मरन पेम पनु राखी। जननी कुमति जगत सब साखी॥
देखि न जाहिं बिकल महतारी। जरहिं दुसह जर पुर नर नारी॥
महीं सकल अनरथ कर मूला। सो सुनि समुझि सहेउँ सब सूला॥
सुनि बन गवनु कीन्ह रघुनाथा। करि मुनि बेष लखन सिय साथा॥
बिनु पानहिन्ह पयादेहि पाएँ। संकर साखि रहेउँ एहि घाएँ॥
बहुरि निहारि निषाद सनेहू। कुलिस कठिन उर भयउ न बेहू॥
अब सब आँखिन्ह देखेउँ आई। जिअत जीव जड़ सबइ सहाई॥
जिन्हहि निरखि मग साँपिनि बीछी। तजहिं बिषम बिषु तामस तीछी॥

bhūpati marana pema panu rākhī| jananī kumati jagata saba sākhī||
dekhi na jāhiṃ bikala mahatārī| jarahiṃ dusaha jara pura nara nārī||
mahīṃ sakala anaratha kara mūlā| so suni samujhi saheum̐ saba sūlā||
suni bana gavanu kīnha raghunāthā| kari muni beṣa lakhana siya sāthā||
binu pānahinha payādehi pāem̐| saṃkara sākhi raheum̐ ehi ghāem̐||
bahuri nihāri niṣāda sanehū| kulisa kaṭhina ura bhayau na behū||
aba saba ām̐khinha dekheum̐ āī| jiata jīva jaḍa sabai sahāī||
jinhahi nirakhi maga sām̐pini bīchī| tajahiṃ biṣama biṣu tāmasa tīchī||

दोहा 262
तेइ रघुनंदनु लखनु सिय अनहित लागे जाहि।
तासु तनय तजि दुसह दुख दैउ सहावइ काहि॥262॥
tei raghunaṃdanu lakhanu siya anahita lāge jāhi|
tāsu tanaya taji dusaha dukha daiu sahāvai kāhi||262||
दोहा 263#

सुनि अति बिकल भरत बर बानी। आरति प्रीति बिनय नय सानी॥
सोक मगन सब सभा खभारू। मनहुँ कमल बन परेउ तुसारू॥
कहि अनेक बिधि कथा पुरानी। भरत प्रबोधु कीन्ह मुनि ग्यानी॥
बोले उचित बचन रघुनंदू। दिनकर कुल कैरव बन चंदू॥
तात जायँ जियँ करहु गलानी। ईस अधीन जीव गति जानी॥
तीनि काल तिभुअन मत मोरें। पुन्यसिलोक तात तर तोरें॥
उर आनत तुम्ह पर कुटिलाई। जाइ लोक परलोक नसाई॥
दोसु देहिं जननिहि जड़ तेई। जिन्ह गुर साधु सभा नहिं सेई॥

suni ati bikala bharata bara bānī| ārati prīti binaya naya sānī||
soka magana saba sabhā khabhārū| manahum̐ kamala bana pareu tusārū||
kahi aneka bidhi kathā purānī| bharata prabodhu kīnha muni gyānī||
bole ucita bacana raghunaṃdū| dinakara kula kairava bana caṃdū||
tāta jāyam̐ jiyam̐ karahu galānī| īsa adhīna jīva gati jānī||
tīni kāla tibhuana mata moreṃ| punyasiloka tāta tara toreṃ||
ura ānata tumha para kuṭilāī| jāi loka paraloka nasāī||
dosu dehiṃ jananihi jaḍa teī| jinha gura sādhu sabhā nahiṃ seī||

दोहा 263
मिटिहहिं पाप प्रपंच सब अखिल अमंगल भार।
लोक सुजसु परलोक सुख सुमिरत नाम तुम्हार॥263॥
miṭihahiṃ pāpa prapaṃca saba akhila amaṃgala bhāra|
loka sujasu paraloka sukha sumirata nāma tumhāra||263||
दोहा 264#

कहउँ सुभाउ सत्य सिव साखी। भरत भूमि रह राउरि राखी॥
तात कुतरक करहु जनि जाएँ। बैर पेम नहिं दुरइ दुराएँ॥
मुनि गन निकट बिहग मृग जाहीं। बाधक बधिक बिलोकि पराहीं॥
हित अनहित पसु पच्छिउ जाना। मानुष तनु गुन ग्यान निधाना॥
तात तुम्हहि मैं जानउँ नीकें। करौं काह असमंजस जीकें॥
राखेउ रायँ सत्य मोहि त्यागी। तनु परिहरेउ पेम पन लागी॥
तासु बचन मेटत मन सोचू। तेहि तें अधिक तुम्हार सँकोचू॥
ता पर गुर मोहि आयसु दीन्हा। अवसि जो कहहु चहउँ सोइ कीन्हा॥

kahaum̐ subhāu satya siva sākhī| bharata bhūmi raha rāuri rākhī||
tāta kutaraka karahu jani jāem̐| baira pema nahiṃ durai durāem̐||
muni gana nikaṭa bihaga mṛga jāhīṃ| bādhaka badhika biloki parāhīṃ||
hita anahita pasu pacchiu jānā| mānuṣa tanu guna gyāna nidhānā||
tāta tumhahi maiṃ jānaum̐ nīkeṃ| karauṃ kāha asamaṃjasa jīkeṃ||
rākheu rāyam̐ satya mohi tyāgī| tanu parihareu pema pana lāgī||
tāsu bacana meṭata mana socū| tehi teṃ adhika tumhāra sam̐kocū||
tā para gura mohi āyasu dīnhā| avasi jo kahahu cahaum̐ soi kīnhā||

दोहा 264
मनु प्रसन्न करि सकुच तजि कहहु करौं सोइ आजु।
सत्यसंध रघुबर बचन सुनि भा सुखी समाज॥264॥
manu prasanna kari sakuca taji kahahu karauṃ soi āju|
satyasaṃdha raghubara bacana suni bhā sukhī samāja||264||
दोहा 265#

सुर गन सहित सभय सुरराजू। सोचहिं चाहत होन अकाजू॥
बनत उपाउ करत कछु नाहीं। राम सरन सब गे मन माहीं॥
बहुरि बिचारि परसपर कहहीं। रघुपति भगत भगति बस अहहीं।
सुधि करि अंबरीष दुरबासा। भे सुर सुरपति निपट निरासा॥
सहे सुरन्ह बहु काल बिषादा। नरहरि किए प्रगट प्रहलादा॥
लगि लगि कान कहहिं धुनि माथा। अब सुर काज भरत के हाथा॥
आन उपाउ न देखिअ देवा। मानत राम सुसेवक सेवा॥
हियँ सपेम सुमिरहु सब भरतहि। निज गुन सील राम बस करतहि॥

sura gana sahita sabhaya surarājū| socahiṃ cāhata hona akājū||
banata upāu karata kachu nāhīṃ| rāma sarana saba ge mana māhīṃ||
bahuri bicāri parasapara kahahīṃ| raghupati bhagata bhagati basa ahahīṃ|
sudhi kari aṃbarīṣa durabāsā| bhe sura surapati nipaṭa nirāsā||
sahe suranha bahu kāla biṣādā| narahari kie pragaṭa prahalādā||
lagi lagi kāna kahahiṃ dhuni māthā| aba sura kāja bharata ke hāthā||
āna upāu na dekhia devā| mānata rāma susevaka sevā||
hiyam̐ sapema sumirahu saba bharatahi| nija guna sīla rāma basa karatahi||

दोहा 265
सुनि सुर मत सुरगुर कहेउ भल तुम्हार बड़ भागु।
सकल सुमंगल मूल जग भरत चरन अनुराग॥265॥
suni sura mata suragura kaheu bhala tumhāra baḍa bhāgu|
sakala sumaṃgala mūla jaga bharata carana anurāga||265||
दोहा 266#

सीतापति सेवक सेवकाई। कामधेनु सय सरिस सुहाई॥
भरत भगति तुम्हरें मन आई। तजहु सोच बिधि बात बनाई॥
देखु देवपति भरत प्रभाऊ। सहज सुभायँ बिबस रघुराऊ॥
मन थिर करहु देव डर नाहीं। भरतहि जानि राम परिछाहीं॥
सुनि सुरगुर सुर संमत सोचू। अंतरजामी प्रभुहि सकोचू॥
निज सिर भार भरत जियँ जाना। करत कोटि बिधि उर अनुमाना॥
करि बिचार मन दीन्ही ठीका। राम रजायसु आपन नीका॥
निज पन तजि राखेउ पन मोरा। छोहु सनेह कीन्ह नहिं थोरा॥

sītāpati sevaka sevakāī| kāmadhenu saya sarisa suhāī||
bharata bhagati tumhareṃ mana āī| tajahu soca bidhi bāta banāī||
dekhu devapati bharata prabhāū| sahaja subhāyam̐ bibasa raghurāū||
mana thira karahu deva ḍara nāhīṃ| bharatahi jāni rāma parichāhīṃ||
suni suragura sura saṃmata socū| aṃtarajāmī prabhuhi sakocū||
nija sira bhāra bharata jiyam̐ jānā| karata koṭi bidhi ura anumānā||
kari bicāra mana dīnhī ṭhīkā| rāma rajāyasu āpana nīkā||
nija pana taji rākheu pana morā| chohu saneha kīnha nahiṃ thorā||

दोहा 266
कीन्ह अनुग्रह अमित अति सब बिधि सीतानाथ।
करि प्रनामु बोले भरत जोरि जलज जुग हाथ॥266॥
kīnha anugraha amita ati saba bidhi sītānātha|
kari pranāmu bole bharata jori jalaja juga hātha||266||
दोहा 267#

कहौं कहावौं का अब स्वामी। कृपा अंबुनिधि अंतरजामी॥
गुर प्रसन्न साहिब अनुकूला। मिटी मलिन मन कलपित सूला॥
अपडर डरेउँ न सोच समूलें। रबिहि न दोसु देव दिसि भूले॥
मोर अभाग मातु कुटिलाई। बिधि गति बिषम काल कठिनाई॥
पाउ रोपि सब मिलि मोहि घाला। प्रनतपाल पन आपन पाला॥
यह नइ रीति न राउरि होई। लोकहुँ बेद बिदित नहिं गोई॥
जगु अनभल भल एकु गोसाईं। कहिअ होइ भल कासु भलाई॥
देउ देवतरु सरिस सुभाऊ। सनमुख बिमुख न काहुहि काऊ॥

kahauṃ kahāvauṃ kā aba svāmī| kṛpā aṃbunidhi aṃtarajāmī||
gura prasanna sāhiba anukūlā| miṭī malina mana kalapita sūlā||
apaḍara ḍareum̐ na soca samūleṃ| rabihi na dosu deva disi bhūle||
mora abhāga mātu kuṭilāī| bidhi gati biṣama kāla kaṭhināī||
pāu ropi saba mili mohi ghālā| pranatapāla pana āpana pālā||
yaha nai rīti na rāuri hoī| lokahum̐ beda bidita nahiṃ goī||
jagu anabhala bhala eku gosāīṃ| kahia hoi bhala kāsu bhalāī||
deu devataru sarisa subhāū| sanamukha bimukha na kāhuhi kāū||

दोहा 267
जाइ निकट पहिचानि तरु छाहँ समनि सब सोच।
मागत अभिमत पाव जग राउ रंकु भल पोच॥267॥
jāi nikaṭa pahicāni taru chāham̐ samani saba soca|
māgata abhimata pāva jaga rāu raṃku bhala poca||267||
दोहा 268#

लखि सब बिधि गुर स्वामि सनेहू। मिटेउ छोभु नहिं मन संदेहू॥
अब करुनाकर कीजिअ सोई। जन हित प्रभु चित छोभु न होई॥
जो सेवक साहिबहि सँकोची। निज हित चहइ तासु मति पोची॥
सेवक हित साहिब सेवकाई। करइ सकल सुख लोभ बिहाई॥
स्वारथु नाथ फिरें सबही का। किएँ रजाइ कोटि बिधि नीका॥
यह स्वारथ परमारथ सारू। सकल सुकृत फल सुगति सिंगारु॥
देव एक बिनती सुनि मोरी। उचित होइ तस करब बहोरी॥
तिलक समाज साजि सब आना। करिअ सुफल प्रभु जौं मन माना॥

lakhi saba bidhi gura svāmi sanehū| miṭeu chobhu nahiṃ mana saṃdehū||
aba karunākara kījia soī| jana hita prabhu cita chobhu na hoī||
jo sevaka sāhibahi sam̐kocī| nija hita cahai tāsu mati pocī||
sevaka hita sāhiba sevakāī| karai sakala sukha lobha bihāī||
svārathu nātha phireṃ sabahī kā| kiem̐ rajāi koṭi bidhi nīkā||
yaha svāratha paramāratha sārū| sakala sukṛta phala sugati siṃgāru||
deva eka binatī suni morī| ucita hoi tasa karaba bahorī||
tilaka samāja sāji saba ānā| karia suphala prabhu jauṃ mana mānā||

दोहा 268
सानुज पठइअ मोहि बन कीजिअ सबहि सनाथ।
नतरु फेरिअहिं बंधु दोउ नाथ चलौं मैं साथ॥268॥
sānuja paṭhaia mohi bana kījia sabahi sanātha|
nataru pheriahiṃ baṃdhu dou nātha calauṃ maiṃ sātha||268||
दोहा 269#

नतरु जाहिं बन तीनिउ भाई। बहुरिअ सीय सहित रघुराई॥
जेहि बिधि प्रभु प्रसन्न मन होई। करुना सागर कीजिअ सोई॥
देव दीन्ह सब मोहि अभारू। मोरें नीति न धरम बिचारु॥
कहउँ बचन सब स्वारथ हेतू। रहत न आरत के चित चेतू॥
उतरु देइ सुनि स्वामि रजाई। सो सेवक लखि लाज लजाई॥
अस मैं अवगुन उदधि अगाधू। स्वामि सनेह सराहत साधू॥
अब कृपाल मोहि सो मत भावा। सकुच स्वामि मन जाइ न पावा॥
प्रभु पद सपथ कहउँ सति भाऊ। जग मंगल हित एक उपाऊ॥

nataru jāhiṃ bana tīniu bhāī| bahuria sīya sahita raghurāī||
jehi bidhi prabhu prasanna mana hoī| karunā sāgara kījia soī||
deva dīnha saba mohi abhārū| moreṃ nīti na dharama bicāru||
kahaum̐ bacana saba svāratha hetū| rahata na ārata ke cita cetū||
utaru dei suni svāmi rajāī| so sevaka lakhi lāja lajāī||
asa maiṃ avaguna udadhi agādhū| svāmi saneha sarāhata sādhū||
aba kṛpāla mohi so mata bhāvā| sakuca svāmi mana jāi na pāvā||
prabhu pada sapatha kahaum̐ sati bhāū| jaga maṃgala hita eka upāū||

दोहा 269
प्रभु प्रसन्न मन सकुच तजि जो जेहि आयसु देब।
सो सिर धरि धरि करिहि सब मिटिहि अनट अवरेब॥269॥
prabhu prasanna mana sakuca taji jo jehi āyasu deba|
so sira dhari dhari karihi saba miṭihi anaṭa avareba||269||
दोहा 270#

भरत बचन सुचि सुनि सुर हरषे। साधु सराहि सुमन सुर बरषे॥
असमंजस बस अवध निवासी। प्रमुदित मन तापस बनबासी॥
चुपहिं रहे रघुनाथ सँकोची। प्रभु गति देखि सभा सब सोची॥
जनक दूत तेहि अवसर आए। मुनि बसिष्ठँ सुनि बेगि बोलाए॥
करि प्रनाम तिन्ह राम निहारे। बेष देखि भए निपट दुखारे॥
दूतन्ह मुनिबर बूझी बाता। कहहु बिदेह भूप कुसलाता॥
सुनि सकुचाइ नाइ महि माथा। बोले चर बर जोरें हाथा॥
बूझब राउर सादर साईं। कुसल हेतु सो भयउ गोसाईं॥

bharata bacana suci suni sura haraṣe| sādhu sarāhi sumana sura baraṣe||
asamaṃjasa basa avadha nivāsī| pramudita mana tāpasa banabāsī||
cupahiṃ rahe raghunātha sam̐kocī| prabhu gati dekhi sabhā saba socī||
janaka dūta tehi avasara āe| muni basiṣṭham̐ suni begi bolāe||
kari pranāma tinha rāma nihāre| beṣa dekhi bhae nipaṭa dukhāre||
dūtanha munibara būjhī bātā| kahahu bideha bhūpa kusalātā||
suni sakucāi nāi mahi māthā| bole cara bara joreṃ hāthā||
būjhaba rāura sādara sāīṃ| kusala hetu so bhayau gosāīṃ||

दोहा 270
नाहि त कोसल नाथ कें साथ कुसल गइ नाथ।
मिथिला अवध बिसेष तें जग सब भयउ अनाथ॥270॥
nāhi ta kosala nātha keṃ sātha kusala gai nātha|
mithilā avadha biseṣa teṃ jaga saba bhayau anātha||270||
दोहा 271#

कोसलपति गति सुनि जनकौरा। भे सब लोक सोक बस बौरा॥
जेहि देखे तेहि समय बिदेहू। नाम सत्य अस लाग न केहू॥
रानि कुचालि सुनत नरपालहि। सूझ न कछु जस मनि बिनु ब्यालहि॥
भरत राज रघुबर बनबासू। भा मिथिलेसहि हृदयँ हराँसू॥
नृप बूझे बुध सचिव समाजू। कहहु बिचारि उचित का आजू॥
समुझि अवध असमंजस दोऊ। चलिअ कि रहिअ न कह कछु कोऊ॥
नृपहि धीर धरि हृदयँ बिचारी। पठए अवध चतुर चर चारी॥
बूझि भरत सति भाउ कुभाऊ। आएहु बेगि न होइ लखाऊ॥

kosalapati gati suni janakaurā| bhe saba loka soka basa baurā||
jehi dekhe tehi samaya bidehū| nāma satya asa lāga na kehū||
rāni kucāli sunata narapālahi| sūjha na kachu jasa mani binu byālahi||
bharata rāja raghubara banabāsū| bhā mithilesahi hṛdayam̐ harām̐sū||
nṛpa būjhe budha saciva samājū| kahahu bicāri ucita kā ājū||
samujhi avadha asamaṃjasa doū| calia ki rahia na kaha kachu koū||
nṛpahi dhīra dhari hṛdayam̐ bicārī| paṭhae avadha catura cara cārī||
būjhi bharata sati bhāu kubhāū| āehu begi na hoi lakhāū||

दोहा 271
गए अवध चर भरत गति बूझि देखि करतूति।
चले चित्रकूटहि भरत चार चले तेरहूति॥271॥
gae avadha cara bharata gati būjhi dekhi karatūti|
cale citrakūṭahi bharata cāra cale terahūti||271||
दोहा 272#

दूतन्ह आइ भरत कइ करनी। जनक समाज जथामति बरनी॥
सुनि गुर परिजन सचिव महीपति। भे सब सोच सनेह बिकल अति॥
धरि धीरजु करि भरत बड़ाई। लिए सुभट साहनी बोलाई॥
घर पुर देस राखि रखवारे। हय गय रथ बहु जान सँवारे॥
दुघरी साधि चले ततकाला। किए बिश्राम न मग महिपाला॥
भोरहिं आजु नहाइ प्रयागा। चले जमुन उतरन सब लागा॥
खबरि लेन हम पठए नाथा। तिन्ह कहि अस महि नायउ माथा॥
साथ किरात छ सातक दीन्हे। मुनिबर तुरत बिदा चर कीन्हे॥

dūtanha āi bharata kai karanī| janaka samāja jathāmati baranī||
suni gura parijana saciva mahīpati| bhe saba soca saneha bikala ati||
dhari dhīraju kari bharata baḍāī| lie subhaṭa sāhanī bolāī||
ghara pura desa rākhi rakhavāre| haya gaya ratha bahu jāna sam̐vāre||
dugharī sādhi cale tatakālā| kie biśrāma na maga mahipālā||
bhorahiṃ āju nahāi prayāgā| cale jamuna utarana saba lāgā||
khabari lena hama paṭhae nāthā| tinha kahi asa mahi nāyau māthā||
sātha kirāta cha sātaka dīnhe| munibara turata bidā cara kīnhe||

दोहा 272
सुनत जनक आगवनु सबु हरषेउ अवध समाजु।
रघुनंदनहि सकोचु बड़ सोच बिबस सुरराजु॥272॥
sunata janaka āgavanu sabu haraṣeu avadha samāju|
raghunaṃdanahi sakocu baḍa soca bibasa surarāju||272||
दोहा 273#

गरइ गलानि कुटिल कैकेई। काहि कहइ केहि दूषन देई॥
अस मन आनि मुदित नर नारी। भयउ बहोरि रहब दिन चारी॥
एहि प्रकार गत बासर सोऊ। प्रात नहान लाग सबु कोऊ॥
करि मज्जन पूजहिं नर नारी। गनप गौरि तिपुरारि तमारी॥
रमा रमन पद बंदि बहोरी। बिनवहिं अंजलि अंचल जोरी॥
राजा राम जानकी रानी। आनँद अवधि अवध रजधानी॥
सुबस बसउ फिरि सहित समाजा। भरतहि राम करहु जुबराजा॥
एहि सुख सुधा सींचि सब काहू। देव देहु जग जीवन लाहू॥

garai galāni kuṭila kaikeī| kāhi kahai kehi dūṣana deī||
asa mana āni mudita nara nārī| bhayau bahori rahaba dina cārī||
ehi prakāra gata bāsara soū| prāta nahāna lāga sabu koū||
kari majjana pūjahiṃ nara nārī| ganapa gauri tipurāri tamārī||
ramā ramana pada baṃdi bahorī| binavahiṃ aṃjali aṃcala jorī||
rājā rāma jānakī rānī| ānam̐da avadhi avadha rajadhānī||
subasa basau phiri sahita samājā| bharatahi rāma karahu jubarājā||
ehi sukha sudhā sīṃci saba kāhū| deva dehu jaga jīvana lāhū||

दोहा 273
गुर समाज भाइन्ह सहित राम राजु पुर होउ।
अछत राम राजा अवध मरिअ माग सब कोउ॥273॥
gura samāja bhāinha sahita rāma rāju pura hou|
achata rāma rājā avadha maria māga saba kou||273||
दोहा 274#

सुनि सनेहमय पुरजन बानी। निंदहिं जोग बिरति मुनि ग्यानी॥
एहि बिधि नित्यकरम करि पुरजन। रामहि करहिं प्रनाम पुलकि तन॥
ऊँच नीच मध्यम नर नारी। लहहिं दरस निज निज अनुहारी॥
सावधान सबही सनमानहिं। सकल सराहत कृपानिधानहिं॥
लरिकाइहि ते रघुबर बानी। पालत नीति प्रीति पहिचानी॥
सील सकोच सिंधु रघुराऊ। सुमुख सुलोचन सरल सुभाऊ॥
कहत राम गुन गन अनुरागे। सब निज भाग सराहन लागे॥
हम सम पुन्य पुंज जग थोरे। जिन्हहि रामु जानत करि मोरे॥

suni sanehamaya purajana bānī| niṃdahiṃ joga birati muni gyānī||
ehi bidhi nityakarama kari purajana| rāmahi karahiṃ pranāma pulaki tana||
ūm̐ca nīca madhyama nara nārī| lahahiṃ darasa nija nija anuhārī||
sāvadhāna sabahī sanamānahiṃ| sakala sarāhata kṛpānidhānahiṃ||
larikāihi te raghubara bānī| pālata nīti prīti pahicānī||
sīla sakoca siṃdhu raghurāū| sumukha sulocana sarala subhāū||
kahata rāma guna gana anurāge| saba nija bhāga sarāhana lāge||
hama sama punya puṃja jaga thore| jinhahi rāmu jānata kari more||

दोहा 274
प्रेम मगन तेहि समय सब सुनि आवत मिथिलेसु।
सहित सभा संभ्रम उठेउ रबिकुल कमल दिनेस॥274॥
prema magana tehi samaya saba suni āvata mithilesu|
sahita sabhā saṃbhrama uṭheu rabikula kamala dinesa||274||
दोहा 275#

भाइ सचिव गुर पुरजन साथा। आगें गवनु कीन्ह रघुनाथा॥
गिरिबरु दीख जनकपति जबहीं। करि प्रनामु रथ त्यागेउ तबहीं॥
राम दरस लालसा उछाहू। पथ श्रम लेसु कलेसु न काहू॥
मन तहँ जहँ रघुबर बैदेही। बिनु मन तन दुख सुख सुधि केही॥
आवत जनकु चले एहि भाँती। सहित समाज प्रेम मति माती॥
आए निकट देखि अनुरागे। सादर मिलन परसपर लागे॥
लगे जनक मुनिजन पद बंदन। रिषिन्ह प्रनामु कीन्ह रघुनंदन॥
भाइन्ह सहित राम मिलि राजहि। चले लवाइ समेत समाजहि॥

bhāi saciva gura purajana sāthā| āgeṃ gavanu kīnha raghunāthā||
giribaru dīkha janakapati jabahīṃ| kari pranāmu ratha tyāgeu tabahīṃ||
rāma darasa lālasā uchāhū| patha śrama lesu kalesu na kāhū||
mana taham̐ jaham̐ raghubara baidehī| binu mana tana dukha sukha sudhi kehī||
āvata janaku cale ehi bhām̐tī| sahita samāja prema mati mātī||
āe nikaṭa dekhi anurāge| sādara milana parasapara lāge||
lage janaka munijana pada baṃdana| riṣinha pranāmu kīnha raghunaṃdana||
bhāinha sahita rāma mili rājahi| cale lavāi sameta samājahi||

दोहा 275
आश्रम सागर सांत रस पूरन पावन पाथु।
सेन मनहुँ करुना सरित लिएँ जाहिं रघुनाथु॥275॥
āśrama sāgara sāṃta rasa pūrana pāvana pāthu|
sena manahum̐ karunā sarita liem̐ jāhiṃ raghunāthu||275||
सोरठा 276#

बोरति ग्यान बिराग करारे। बचन ससोक मिलत नद नारे॥
सोच उसास समीर तरंगा। धीरज तट तरुबर कर भंगा॥
बिषम बिषाद तोरावति धारा। भय भ्रम भवँर अबर्त अपारा॥
केवट बुध बिद्या बड़ि नावा। सकहिं न खेइ ऐक नहिं आवा॥
बनचर कोल किरात बिचारे। थके बिलोकि पथिक हियँ हारे॥
आश्रम उदधि मिली जब जाई। मनहुँ उठेउ अंबुधि अकुलाई॥
सोक बिकल दोउ राज समाजा। रहा न ग्यानु न धीरजु लाजा॥
भूप रूप गुन सील सराही। रोवहिं सोक सिंधु अवगाही॥

borati gyāna birāga karāre| bacana sasoka milata nada nāre||
soca usāsa samīra taraṃgā| dhīraja taṭa tarubara kara bhaṃgā||
biṣama biṣāda torāvati dhārā| bhaya bhrama bhavam̐ra abarta apārā||
kevaṭa budha bidyā baḍi nāvā| sakahiṃ na khei aika nahiṃ āvā||
banacara kola kirāta bicāre| thake biloki pathika hiyam̐ hāre||
āśrama udadhi milī jaba jāī| manahum̐ uṭheu aṃbudhi akulāī||
soka bikala dou rāja samājā| rahā na gyānu na dhīraju lājā||
bhūpa rūpa guna sīla sarāhī| rovahiṃ soka siṃdhu avagāhī||

छंद
अवगाहि सोक समुद्र सोचहिं नारि नर ब्याकुल महा।
दै दोष सकल सरोष बोलहिं बाम बिधि कीन्हो कहा॥
सुर सिद्ध तापस जोगिजन मुनि देखि दसा बिदेह की।
तुलसी न समरथ को जो तरि सकइ सरित सनेह की॥
avagāhi soka samudra socahiṃ nāri nara byākula mahā|
dai doṣa sakala saroṣa bolahiṃ bāma bidhi kīnho kahā||
sura siddha tāpasa jogijana muni dekhi dasā bideha kī|
tulasī na samaratha ko jo tari sakai sarita saneha kī||

सोरठा 276
किए अमित उपदेस जहँ तहँ लोगन्ह मुनिबरन्ह।
धीरजु धरिअ नरेस कहेउ बसिष्ठ बिदेह सन॥276॥
kie amita upadesa jaham̐ taham̐ loganha munibaranha|
dhīraju dharia naresa kaheu basiṣṭha bideha sana||276||
दोहा 277#

जासु ग्यान रबि भव निसि नासा। बचन किरन मुनि कमल बिकासा॥
तेहि कि मोह ममता निअराई। यह सिय राम सनेह बड़ाई॥
बिषई साधक सिद्ध सयाने। त्रिबिध जीव जग बेद बखाने॥
राम सनेह सरस मन जासू। साधु सभा बड़ आदर तासू॥
सोह न राम पेम बिनु ग्यानू। करनधार बिनु जिमि जलजानू॥
मुनि बहुबिधि बिदेहु समुझाए। रामघाट सब लोग नहाए॥
सकल सोक संकुल नर नारी। सो बासर बीतेउ बिनु बारी॥
पसु खग मृगन्ह न कीन्ह अहारू। प्रिय परिजन कर कवन बिचारू॥

jāsu gyāna rabi bhava nisi nāsā| bacana kirana muni kamala bikāsā||
tehi ki moha mamatā niarāī| yaha siya rāma saneha baḍāī||
biṣaī sādhaka siddha sayāne| tribidha jīva jaga beda bakhāne||
rāma saneha sarasa mana jāsū| sādhu sabhā baḍa ādara tāsū||
soha na rāma pema binu gyānū| karanadhāra binu jimi jalajānū||
muni bahubidhi bidehu samujhāe| rāmaghāṭa saba loga nahāe||
sakala soka saṃkula nara nārī| so bāsara bīteu binu bārī||
pasu khaga mṛganha na kīnha ahārū| priya parijana kara kavana bicārū||

दोहा 277
दोउ समाज निमिराजु रघुराजु नहाने प्रात।
बैठे सब बट बिटप तर मन मलीन कृस गात॥277॥
dou samāja nimirāju raghurāju nahāne prāta|
baiṭhe saba baṭa biṭapa tara mana malīna kṛsa gāta||277||
दोहा 278#

जे महिसुर दसरथ पुर बासी। जे मिथिलापति नगर निवासी॥
हंस बंस गुर जनक पुरोधा। जिन्ह जग मग परमारथ सोधा॥
लगे कहन उपदेस अनेका। सहित धरम नय बिरति बिबेका॥
कौसिक कहि कहि कथा पुरानी। समुझाई सब सभा सुबानी॥
तब रघुनाथ कौसिकहि कहेऊ। नाथ कालि जल बिनु सबु रहेऊ॥
मुनि कह उचित कहत रघुराई। गयउ बीति दिन पहर अढ़ाई॥
रिषि रुख लखि कह तेरहुतिराजू। इहाँ उचित नहिं असन अनाजू॥
कहा भूप भल सबहि सोहाना। पाइ रजायसु चले नहाना॥

je mahisura dasaratha pura bāsī| je mithilāpati nagara nivāsī||
haṃsa baṃsa gura janaka purodhā| jinha jaga maga paramāratha sodhā||
lage kahana upadesa anekā| sahita dharama naya birati bibekā||
kausika kahi kahi kathā purānī| samujhāī saba sabhā subānī||
taba raghunātha kausikahi kaheū| nātha kāli jala binu sabu raheū||
muni kaha ucita kahata raghurāī| gayau bīti dina pahara aḍhāī||
riṣi rukha lakhi kaha terahutirājū| ihām̐ ucita nahiṃ asana anājū||
kahā bhūpa bhala sabahi sohānā| pāi rajāyasu cale nahānā||

दोहा 278
तेहि अवसर फल फूल दल मूल अनेक प्रकार।
लइ आए बनचर बिपुल भरि भरि काँवरि भार॥278॥
tehi avasara phala phūla dala mūla aneka prakāra|
lai āe banacara bipula bhari bhari kām̐vari bhāra||278||
दोहा 279#

कामद मे गिरि राम प्रसादा। अवलोकत अपहरत बिषादा॥
सर सरिता बन भूमि बिभागा। जनु उमगत आनंद अनुरागा॥
बेलि बिटप सब सफल सफूला। बोलत खग मृग अलि अनुकूला॥
तेहि अवसर बन अधिक उछाहू। त्रिबिध समीर सुखद सब काहू॥
जाइ न बरनि मनोहरताई। जनु महि करति जनक पहुनाई॥
तब सब लोग नहाइ नहाई। राम जनक मुनि आयसु पाई॥
देखि देखि तरुबर अनुरागे। जहँ तहँ पुरजन उतरन लागे॥
दल फल मूल कंद बिधि नाना। पावन सुंदर सुधा समाना॥

kāmada me giri rāma prasādā| avalokata apaharata biṣādā||
sara saritā bana bhūmi bibhāgā| janu umagata ānaṃda anurāgā||
beli biṭapa saba saphala saphūlā| bolata khaga mṛga ali anukūlā||
tehi avasara bana adhika uchāhū| tribidha samīra sukhada saba kāhū||
jāi na barani manoharatāī| janu mahi karati janaka pahunāī||
taba saba loga nahāi nahāī| rāma janaka muni āyasu pāī||
dekhi dekhi tarubara anurāge| jaham̐ taham̐ purajana utarana lāge||
dala phala mūla kaṃda bidhi nānā| pāvana suṃdara sudhā samānā||

दोहा 279
सादर सब कहँ रामगुर पठए भरि भरि भार।
पूजि पितर सुर अतिथि गुर लगे करन फरहार॥279॥
sādara saba kaham̐ rāmagura paṭhae bhari bhari bhāra|
pūji pitara sura atithi gura lage karana pharahāra||279||
दोहा 280#

एहि बिधि बासर बीते चारी। राम निरखि नर नारि सुखारी॥
दुहु समाज असि रुचि मन माहीं। बिनु सिय राम फिरब भल नाहीं॥
सीता राम संग बनबासू। कोटि अमरपुर सरिस सुपासू॥
परिहरि लखन राम बैदेही। जेहि घर भाव बाम बिधि तेही॥
दाहिन दइउ होइ जब सबही। राम समीप बसिअ बन तबही॥
मंदाकिनि मज्जनु तिहु काला। राम दरसु मुद मंगल माला॥
अटनु राम गिरि बन तापस थल। असनु अमिअ सम कंद मूल फल॥
सुख समेत संबत दुइ साता। पल सम होहिं न जनिअहिं जाता॥

ehi bidhi bāsara bīte cārī| rāma nirakhi nara nāri sukhārī||
duhu samāja asi ruci mana māhīṃ| binu siya rāma phiraba bhala nāhīṃ||
sītā rāma saṃga banabāsū| koṭi amarapura sarisa supāsū||
parihari lakhana rāma baidehī| jehi ghara bhāva bāma bidhi tehī||
dāhina daiu hoi jaba sabahī| rāma samīpa basia bana tabahī||
maṃdākini majjanu tihu kālā| rāma darasu muda maṃgala mālā||
aṭanu rāma giri bana tāpasa thala| asanu amia sama kaṃda mūla phala||
sukha sameta saṃbata dui sātā| pala sama hohiṃ na janiahiṃ jātā||

दोहा 280
एहि सुख जोग न लोग सब कहहिं कहाँ अस भागु॥
सहज सुभायँ समाज दुहुँ राम चरन अनुराग॥280॥
ehi sukha joga na loga saba kahahiṃ kahām̐ asa bhāgu||
sahaja subhāyam̐ samāja duhum̐ rāma carana anurāga||280||
दोहा 281#

एहि बिधि सकल मनोरथ करहीं। बचन सप्रेम सुनत मन हरहीं॥
सीय मातु तेहि समय पठाई। दासीं देखि सुअवसरु आईं॥
सावकास सुनि सब सिय सासू। आयउ जनकराज रनिवासू॥
कौसल्या सादर सनमानी। आसन दिए समय सम आनी॥
सील सनेह सकल दुहुँ ओरा। द्रवहिं देखि सुनि कुलिस कठोरा॥
पुलक सिथिल तन बारि बिलोचन। महि नख लिखन लगीं सब सोचन॥
सब सिय राम प्रीति की सि मूरति। जनु करुना बहु बेष बिसूरति॥
सीय मातु कह बिधि बुधि बाँकी। जो पय फेन फोर पबि टाँकी॥

ehi bidhi sakala manoratha karahīṃ| bacana saprema sunata mana harahīṃ||
sīya mātu tehi samaya paṭhāī| dāsīṃ dekhi suavasaru āīṃ||
sāvakāsa suni saba siya sāsū| āyau janakarāja ranivāsū||
kausalyā sādara sanamānī| āsana die samaya sama ānī||
sīla saneha sakala duhum̐ orā| dravahiṃ dekhi suni kulisa kaṭhorā||
pulaka sithila tana bāri bilocana| mahi nakha likhana lagīṃ saba socana||
saba siya rāma prīti kī si mūrati| janu karunā bahu beṣa bisūrati||
sīya mātu kaha bidhi budhi bām̐kī| jo paya phena phora pabi ṭām̐kī||

दोहा 281
सुनिअ सुधा देखिअहिं गरल सब करतूति कराल।
जहँ तहँ काक उलूक बक मानस सकृत मराल॥281॥
sunia sudhā dekhiahiṃ garala saba karatūti karāla|
jaham̐ taham̐ kāka ulūka baka mānasa sakṛta marāla||281||
दोहा 282#

सुनि ससोच कह देबि सुमित्रा। बिधि गति बड़ि बिपरीत बिचित्रा॥
जो सृजि पालइ हरइ बहोरी। बाल केलि सम बिधि मति भोरी॥
कौसल्या कह दोसु न काहू। करम बिबस दुख सुख छति लाहू॥
कठिन करम गति जान बिधाता। जो सुभ असुभ सकल फल दाता॥
ईस रजाइ सीस सबही के। उतपति थिति लय बिषहु अमी के॥
देबि मोह बस सोचिअ बादी। बिधि प्रपंचु अस अचल अनादी॥
भूपति जिअब मरब उर आनी। सोचिअ सखि लखि निज हित हानी॥
सीय मातु कह सत्य सुबानी। सुकृती अवधि अवधपति रानी॥

suni sasoca kaha debi sumitrā| bidhi gati baḍi biparīta bicitrā||
jo sṛji pālai harai bahorī| bāla keli sama bidhi mati bhorī||
kausalyā kaha dosu na kāhū| karama bibasa dukha sukha chati lāhū||
kaṭhina karama gati jāna bidhātā| jo subha asubha sakala phala dātā||
īsa rajāi sīsa sabahī ke| utapati thiti laya biṣahu amī ke||
debi moha basa socia bādī| bidhi prapaṃcu asa acala anādī||
bhūpati jiaba maraba ura ānī| socia sakhi lakhi nija hita hānī||
sīya mātu kaha satya subānī| sukṛtī avadhi avadhapati rānī||

दोहा 282
लखनु राम सिय जाहुँ बन भल परिनाम न पोचु।
गहबरि हियँ कह कौसिला मोहि भरत कर सोच॥282॥
lakhanu rāma siya jāhum̐ bana bhala parināma na pocu|
gahabari hiyam̐ kaha kausilā mohi bharata kara soca||282||
दोहा 283#

ईस प्रसाद असीस तुम्हारी। सुत सुतबधू देवसरि बारी॥
राम सपथ मैं कीन्ह न काऊ। सो करि कहउँ सखी सति भाऊ॥
भरत सील गुन बिनय बड़ाई। भायप भगति भरोस भलाई॥
कहत सारदहु कर मति हीचे। सागर सीप कि जाहिं उलीचे॥
जानउँ सदा भरत कुलदीपा। बार बार मोहि कहेउ महीपा॥
कसें कनकु मनि पारिखि पाएँ। पुरुष परिखिअहिं समयँ सुभाएँ।
अनुचित आजु कहब अस मोरा। सोक सनेह सयानप थोरा॥
सुनि सुरसरि सम पावनि बानी। भई सनेह बिकल सब रानी॥

īsa prasāda asīsa tumhārī| suta sutabadhū devasari bārī||
rāma sapatha maiṃ kīnha na kāū| so kari kahaum̐ sakhī sati bhāū||
bharata sīla guna binaya baḍāī| bhāyapa bhagati bharosa bhalāī||
kahata sāradahu kara mati hīce| sāgara sīpa ki jāhiṃ ulīce||
jānaum̐ sadā bharata kuladīpā| bāra bāra mohi kaheu mahīpā||
kaseṃ kanaku mani pārikhi pāem̐| puruṣa parikhiahiṃ samayam̐ subhāem̐|
anucita āju kahaba asa morā| soka saneha sayānapa thorā||
suni surasari sama pāvani bānī| bhaī saneha bikala saba rānī||

दोहा 283
कौसल्या कह धीर धरि सुनहु देबि मिथिलेसि।
को बिबेकनिधि बल्लभहि तुम्हहि सकइ उपदेसि॥283॥
kausalyā kaha dhīra dhari sunahu debi mithilesi|
ko bibekanidhi ballabhahi tumhahi sakai upadesi||283||
दोहा 284#

रानि राय सन अवसरु पाई। अपनी भाँति कहब समुझाई॥
रखिअहिं लखनु भरतु गवनहिं बन। जौं यह मत मानै महीप मन॥
तौ भल जतन करब सुबिचारी। मोरें सोचु भरत कर भारी॥
गूढ़ सनेह भरत मन माहीं। रहे नीक मोहि लागत नाहीं॥
लखि सुभाउ सुनि सरल सुबानी। सब भइ मगन करुन रस रानी॥
नभ प्रसून झरि धन्य धन्य धुनि। सिथिल सनेह सिद्ध जोगी मुनि॥
सब रनिवासु बिथकि लखि रहेऊ। तब धरि धीर सुमित्रा कहेऊ॥
देबि दंड जुग जामिनि बीती। राम मातु सुनि उठी सप्रीती॥

rāni rāya sana avasaru pāī| apanī bhām̐ti kahaba samujhāī||
rakhiahiṃ lakhanu bharatu gavanahiṃ bana| jauṃ yaha mata mānai mahīpa mana||
tau bhala jatana karaba subicārī| moreṃ socu bharata kara bhārī||
gūḍha saneha bharata mana māhīṃ| rahe nīka mohi lāgata nāhīṃ||
lakhi subhāu suni sarala subānī| saba bhai magana karuna rasa rānī||
nabha prasūna jhari dhanya dhanya dhuni| sithila saneha siddha jogī muni||
saba ranivāsu bithaki lakhi raheū| taba dhari dhīra sumitrā kaheū||
debi daṃḍa juga jāmini bītī| rāma mātu suni uṭhī saprītī||

दोहा 284
बेगि पाउ धारिअ थलहि कह सनेहँ सतिभाय।
हमरें तौ अब ईस गति के मिथिलेस सहाय॥284॥
begi pāu dhāria thalahi kaha saneham̐ satibhāya|
hamareṃ tau aba īsa gati ke mithilesa sahāya||284||
दोहा 285#

लखि सनेह सुनि बचन बिनीता। जनकप्रिया गह पाय पुनीता॥
देबि उचित असि बिनय तुम्हारी। दसरथ घरिनि राम महतारी॥
प्रभु अपने नीचहु आदरहीं। अगिनि धूम गिरि सिर तृन धरहीं॥
सेवक राउ करम मन बानी। सदा सहाय महेस भवानी॥
रउरे अंग जोग जग को है। दीप सहाय की दिनकर सोहै॥
रामु जाइ बनु करि सुर काजू। अचल अवधपुर करिहहिं राजू॥
अमर नाग नर राम बाहुबल। सुख बसिहहिं अपने अपने थल॥
यह सब जागबलिक कहि राखा। देबि न होइ मुधा मुनि भाषा॥

lakhi saneha suni bacana binītā| janakapriyā gaha pāya punītā||
debi ucita asi binaya tumhārī| dasaratha gharini rāma mahatārī||
prabhu apane nīcahu ādarahīṃ| agini dhūma giri sira tṛna dharahīṃ||
sevaka rāu karama mana bānī| sadā sahāya mahesa bhavānī||
raure aṃga joga jaga ko hai| dīpa sahāya kī dinakara sohai||
rāmu jāi banu kari sura kājū| acala avadhapura karihahiṃ rājū||
amara nāga nara rāma bāhubala| sukha basihahiṃ apane apane thala||
yaha saba jāgabalika kahi rākhā| debi na hoi mudhā muni bhāṣā||

दोहा 285
अस कहि पग परि पेम अति सिय हित बिनय सुनाइ॥
सिय समेत सियमातु तब चली सुआयसु पाइ॥285॥
asa kahi paga pari pema ati siya hita binaya sunāi||
siya sameta siyamātu taba calī suāyasu pāi||285||
दोहा 286#

प्रिय परिजनहि मिली बैदेही। जो जेहि जोग भाँति तेहि तेही॥
तापस बेष जानकी देखी। भा सबु बिकल बिषाद बिसेषी॥
जनक राम गुर आयसु पाई। चले थलहि सिय देखी आई॥
लीन्ह लाइ उर जनक जानकी। पाहुन पावन पेम प्रान की॥
उर उमगेउ अंबुधि अनुरागू। भयउ भूप मन मनहुँ पयागू॥
सिय सनेह बट बाढ़त जोहा। ता पर राम पेम सिसु सोहा॥
चिरजीवी मुनि ग्यान बिकल जनु। बूड़त लहेउ बाल अवलंबनु॥
मोह मगन मति नहिं बिदेह की। महिमा सिय रघुबर सनेह की॥

priya parijanahi milī baidehī| jo jehi joga bhām̐ti tehi tehī||
tāpasa beṣa jānakī dekhī| bhā sabu bikala biṣāda biseṣī||
janaka rāma gura āyasu pāī| cale thalahi siya dekhī āī||
līnha lāi ura janaka jānakī| pāhuna pāvana pema prāna kī||
ura umageu aṃbudhi anurāgū| bhayau bhūpa mana manahum̐ payāgū||
siya saneha baṭa bāḍhata johā| tā para rāma pema sisu sohā||
cirajīvī muni gyāna bikala janu| būḍata laheu bāla avalaṃbanu||
moha magana mati nahiṃ bideha kī| mahimā siya raghubara saneha kī||

दोहा 286
सिय पितु मातु सनेह बस बिकल न सकी सँभारि।
धरनिसुताँ धीरजु धरेउ समउ सुधरमु बिचारि॥286॥
siya pitu mātu saneha basa bikala na sakī sam̐bhāri|
dharanisutām̐ dhīraju dhareu samau sudharamu bicāri||286||
दोहा 287#

तापस बेष जनक सिय देखी। भयउ पेमु परितोषु बिसेषी॥
पुत्रि पवित्र किए कुल दोऊ। सुजस धवल जगु कह सबु कोऊ॥
जिति सुरसरि कीरति सरि तोरी। गवनु कीन्ह बिधि अंड करोरी॥
गंग अवनि थल तीनि बड़ेरे। एहि किए साधु समाज घनेरे॥
पितु कह सत्य सनेह सुबानी। सीय सकुच महुँ मनहुँ समानी॥
पुनि पितु मातु लीन्ह उर लाई। सिख आसिष हित दीन्हि सुहाई॥
कहति न सीय सकुचि मन माहीं। इहाँ बसब रजनी भल नाहीं॥
लखि रुख रानि जनायउ राऊ। हृदयँ सराहत सील सुभाऊ॥

tāpasa beṣa janaka siya dekhī| bhayau pemu paritoṣu biseṣī||
putri pavitra kie kula doū| sujasa dhavala jagu kaha sabu koū||
jiti surasari kīrati sari torī| gavanu kīnha bidhi aṃḍa karorī||
gaṃga avani thala tīni baḍere| ehi kie sādhu samāja ghanere||
pitu kaha satya saneha subānī| sīya sakuca mahum̐ manahum̐ samānī||
puni pitu mātu līnha ura lāī| sikha āsiṣa hita dīnhi suhāī||
kahati na sīya sakuci mana māhīṃ| ihām̐ basaba rajanī bhala nāhīṃ||
lakhi rukha rāni janāyau rāū| hṛdayam̐ sarāhata sīla subhāū||

दोहा 287
बार बार मिलि भेंट सिय बिदा कीन्ह सनमानि।
कही समय सिर भरत गति रानि सुबानि सयानि॥287॥
bāra bāra mili bheṃṭa siya bidā kīnha sanamāni|
kahī samaya sira bharata gati rāni subāni sayāni||287||
दोहा 288#

सुनि भूपाल भरत ब्यवहारू। सोन सुगंध सुधा ससि सारू॥
मूदे सजल नयन पुलके तन। सुजसु सराहन लगे मुदित मन॥
सावधान सुनु सुमुखि सुलोचनि। भरत कथा भव बंध बिमोचनि॥
धरम राजनय ब्रह्मबिचारू। इहाँ जथामति मोर प्रचारू॥
सो मति मोरि भरत महिमाही। कहै काह छलि छुअति न छाँही॥
बिधि गनपति अहिपति सिव सारद। कबि कोबिद बुध बुद्धि बिसारद॥
भरत चरित कीरति करतूती। धरम सील गुन बिमल बिभूती॥
समुझत सुनत सुखद सब काहू। सुचि सुरसरि रुचि निदरि सुधाहू॥

suni bhūpāla bharata byavahārū| sona sugaṃdha sudhā sasi sārū||
mūde sajala nayana pulake tana| sujasu sarāhana lage mudita mana||
sāvadhāna sunu sumukhi sulocani| bharata kathā bhava baṃdha bimocani||
dharama rājanaya brahmabicārū| ihām̐ jathāmati mora pracārū||
so mati mori bharata mahimāhī| kahai kāha chali chuati na chām̐hī||
bidhi ganapati ahipati siva sārada| kabi kobida budha buddhi bisārada||
bharata carita kīrati karatūtī| dharama sīla guna bimala bibhūtī||
samujhata sunata sukhada saba kāhū| suci surasari ruci nidari sudhāhū||

दोहा 288
निरवधि गुन निरुपम पुरुषु भरतु भरत सम जानि।
कहिअ सुमेरु कि सेर सम कबिकुल मति सकुचानि॥288॥
niravadhi guna nirupama puruṣu bharatu bharata sama jāni|
kahia sumeru ki sera sama kabikula mati sakucāni||288||
दोहा 289#

अगम सबहि बरनत बरबरनी। जिमि जलहीन मीन गमु धरनी॥
भरत अमित महिमा सुनु रानी। जानहिं राम न सकहिं बखानी॥
बरनि सप्रेम भरत अनुभाऊ। तिय जिय की रुचि लखि कह राऊ॥
बहुरहिं लखनु भरतु बन जाहीं। सब कर भल सब के मन माहीं॥
देबि परंतु भरत रघुबर की। प्रीति प्रतीति जाइ नहिं तरकी॥
भरत अवधि सनेह ममता की। जद्यपि राम सीम समता की॥
परमारथ स्वारथ सुख सारे। भरत न सपनेहुँ मनहुँ निहारे॥
साधन सिद्ध राम पग नेहू॥मोहि लखि परत भरत मत एहू॥

agama sabahi baranata barabaranī| jimi jalahīna mīna gamu dharanī||
bharata amita mahimā sunu rānī| jānahiṃ rāma na sakahiṃ bakhānī||
barani saprema bharata anubhāū| tiya jiya kī ruci lakhi kaha rāū||
bahurahiṃ lakhanu bharatu bana jāhīṃ| saba kara bhala saba ke mana māhīṃ||
debi paraṃtu bharata raghubara kī| prīti pratīti jāi nahiṃ tarakī||
bharata avadhi saneha mamatā kī| jadyapi rāma sīma samatā kī||
paramāratha svāratha sukha sāre| bharata na sapanehum̐ manahum̐ nihāre||
sādhana siddha rāma paga nehū||mohi lakhi parata bharata mata ehū||

दोहा 289
भोरेहुँ भरत न पेलिहहिं मनसहुँ राम रजाइ।
करिअ न सोचु सनेह बस कहेउ भूप बिलखाइ॥289॥
bhorehum̐ bharata na pelihahiṃ manasahum̐ rāma rajāi|
karia na socu saneha basa kaheu bhūpa bilakhāi||289||
दोहा 290#

राम भरत गुन गनत सप्रीती। निसि दंपतिहि पलक सम बीती॥
राज समाज प्रात जुग जागे। न्हाइ न्हाइ सुर पूजन लागे॥
गे नहाइ गुर पहिं रघुराई। बंदि चरन बोले रुख पाई॥
नाथ भरतु पुरजन महतारी। सोक बिकल बनबास दुखारी॥
सहित समाज राउ मिथिलेसू। बहुत दिवस भए सहत कलेसू॥
उचित होइ सोइ कीजिअ नाथा। हित सबही कर रौरें हाथा॥
अस कहि अति सकुचे रघुराऊ। मुनि पुलके लखि सीलु सुभाऊ॥
तुम्ह बिनु राम सकल सुख साजा। नरक सरिस दुहु राज समाजा॥

rāma bharata guna ganata saprītī| nisi daṃpatihi palaka sama bītī||
rāja samāja prāta juga jāge| nhāi nhāi sura pūjana lāge||
ge nahāi gura pahiṃ raghurāī| baṃdi carana bole rukha pāī||
nātha bharatu purajana mahatārī| soka bikala banabāsa dukhārī||
sahita samāja rāu mithilesū| bahuta divasa bhae sahata kalesū||
ucita hoi soi kījia nāthā| hita sabahī kara raureṃ hāthā||
asa kahi ati sakuce raghurāū| muni pulake lakhi sīlu subhāū||
tumha binu rāma sakala sukha sājā| naraka sarisa duhu rāja samājā||

दोहा 290
प्रान प्रान के जीव के जिव सुख के सुख राम।
तुम्ह तजि तात सोहात गृह जिन्हहि तिन्हहि बिधि बाम॥290॥
prāna prāna ke jīva ke jiva sukha ke sukha rāma|
tumha taji tāta sohāta gṛha jinhahi tinhahi bidhi bāma||290||
दोहा 291#

सो सुखु करमु धरमु जरि जाऊ। जहँ न राम पद पंकज भाऊ॥
जोगु कुजोगु ग्यानु अग्यानू। जहँ नहिं राम पेम परधानू॥
तुम्ह बिनु दुखी सुखी तुम्ह तेहीं। तुम्ह जानहु जिय जो जेहि केहीं॥
राउर आयसु सिर सबही कें। बिदित कृपालहि गति सब नीकें॥
आपु आश्रमहि धारिअ पाऊ। भयउ सनेह सिथिल मुनिराऊ॥
करि प्रनामु तब रामु सिधाए। रिषि धरि धीर जनक पहिं आए॥
राम बचन गुरु नृपहि सुनाए। सील सनेह सुभायँ सुहाए॥
महाराज अब कीजिअ सोई। सब कर धरम सहित हित होई।

so sukhu karamu dharamu jari jāū| jaham̐ na rāma pada paṃkaja bhāū||
jogu kujogu gyānu agyānū| jaham̐ nahiṃ rāma pema paradhānū||
tumha binu dukhī sukhī tumha tehīṃ| tumha jānahu jiya jo jehi kehīṃ||
rāura āyasu sira sabahī keṃ| bidita kṛpālahi gati saba nīkeṃ||
āpu āśramahi dhāria pāū| bhayau saneha sithila munirāū||
kari pranāmu taba rāmu sidhāe| riṣi dhari dhīra janaka pahiṃ āe||
rāma bacana guru nṛpahi sunāe| sīla saneha subhāyam̐ suhāe||
mahārāja aba kījia soī| saba kara dharama sahita hita hoī|

दोहा 291
ग्यान निधान सुजान सुचि धरम धीर नरपाल।
तुम्ह बिनु असमंजस समन को समरथ एहि काल॥291॥
gyāna nidhāna sujāna suci dharama dhīra narapāla|
tumha binu asamaṃjasa samana ko samaratha ehi kāla||291||
दोहा 292#

सुनि मुनि बचन जनक अनुरागे। लखि गति ग्यानु बिरागु बिरागे॥
सिथिल सनेहँ गुनत मन माहीं। आए इहाँ कीन्ह भल नाहीं॥
रामहि रायँ कहेउ बन जाना। कीन्ह आपु प्रिय प्रेम प्रवाना॥
हम अब बन तें बनहि पठाई। प्रमुदित फिरब बिबेक बड़ाई॥
तापस मुनि महिसुर सुनि देखी। भए प्रेम बस बिकल बिसेषी॥
समउ समुझि धरि धीरजु राजा। चले भरत पहिं सहित समाजा॥
भरत आइ आगें भइ लीन्हे। अवसर सरिस सुआसन दीन्हे॥
तात भरत कह तेरहुति राऊ। तुम्हहि बिदित रघुबीर सुभाऊ॥

suni muni bacana janaka anurāge| lakhi gati gyānu birāgu birāge||
sithila saneham̐ gunata mana māhīṃ| āe ihām̐ kīnha bhala nāhīṃ||
rāmahi rāyam̐ kaheu bana jānā| kīnha āpu priya prema pravānā||
hama aba bana teṃ banahi paṭhāī| pramudita phiraba bibeka baḍāī||
tāpasa muni mahisura suni dekhī| bhae prema basa bikala biseṣī||
samau samujhi dhari dhīraju rājā| cale bharata pahiṃ sahita samājā||
bharata āi āgeṃ bhai līnhe| avasara sarisa suāsana dīnhe||
tāta bharata kaha terahuti rāū| tumhahi bidita raghubīra subhāū||

दोहा 292
राम सत्यब्रत धरम रत सब कर सीलु सनेहु॥
संकट सहत सकोच बस कहिअ जो आयसु देहु॥292॥
rāma satyabrata dharama rata saba kara sīlu sanehu||
saṃkaṭa sahata sakoca basa kahia jo āyasu dehu||292||
दोहा 293#

सुनि तन पुलकि नयन भरि बारी। बोले भरतु धीर धरि भारी॥
प्रभु प्रिय पूज्य पिता सम आपू। कुलगुरु सम हित माय न बापू॥
कौसिकादि मुनि सचिव समाजू। ग्यान अंबुनिधि आपुनु आजू॥
सिसु सेवक आयसु अनुगामी। जानि मोहि सिख देइअ स्वामी॥
एहिं समाज थल बूझब राउर। मौन मलिन मैं बोलब बाउर॥
छोटे बदन कहउँ बड़ि बाता। छमब तात लखि बाम बिधाता॥
आगम निगम प्रसिद्ध पुराना। सेवाधरमु कठिन जगु जाना॥
स्वामि धरम स्वारथहि बिरोधू। बैरु अंध प्रेमहि न प्रबोधू॥

suni tana pulaki nayana bhari bārī| bole bharatu dhīra dhari bhārī||
prabhu priya pūjya pitā sama āpū| kulaguru sama hita māya na bāpū||
kausikādi muni saciva samājū| gyāna aṃbunidhi āpunu ājū||
sisu sevaka āyasu anugāmī| jāni mohi sikha deia svāmī||
ehiṃ samāja thala būjhaba rāura| mauna malina maiṃ bolaba bāura||
choṭe badana kahaum̐ baḍi bātā| chamaba tāta lakhi bāma bidhātā||
āgama nigama prasiddha purānā| sevādharamu kaṭhina jagu jānā||
svāmi dharama svārathahi birodhū| bairu aṃdha premahi na prabodhū||

दोहा 293
राखि राम रुख धरमु ब्रतु पराधीन मोहि जानि।
सब कें संमत सर्ब हित करिअ पेमु पहिचानि॥293॥
rākhi rāma rukha dharamu bratu parādhīna mohi jāni|
saba keṃ saṃmata sarba hita karia pemu pahicāni||293||
दोहा 294#

भरत बचन सुनि देखि सुभाऊ। सहित समाज सराहत राऊ॥
सुगम अगम मृदु मंजु कठोरे। अरथु अमित अति आखर थोरे॥
ज्यों मुख मुकुर मुकुरु निज पानी। गहि न जाइ अस अदभुत बानी॥
भूप भरत मुनि सहित समाजू। गे जहँ बिबुध कुमुद द्विजराजू॥
सुनि सुधि सोच बिकल सब लोगा। मनहुँ मीनगन नव जल जोगा॥
देवँ प्रथम कुलगुर गति देखी। निरखि बिदेह सनेह बिसेषी॥
राम भगतिमय भरतु निहारे। सुर स्वारथी हहरि हियँ हारे॥
सब कोउ राम पेममय पेखा। भए अलेख सोच बस लेखा॥

bharata bacana suni dekhi subhāū| sahita samāja sarāhata rāū||
sugama agama mṛdu maṃju kaṭhore| arathu amita ati ākhara thore||
jyoṃ mukha mukura mukuru nija pānī| gahi na jāi asa adabhuta bānī||
bhūpa bharata muni sahita samājū| ge jaham̐ bibudha kumuda dvijarājū||
suni sudhi soca bikala saba logā| manahum̐ mīnagana nava jala jogā||
devam̐ prathama kulagura gati dekhī| nirakhi bideha saneha biseṣī||
rāma bhagatimaya bharatu nihāre| sura svārathī hahari hiyam̐ hāre||
saba kou rāma pemamaya pekhā| bhae alekha soca basa lekhā||

दोहा 294
रामु सनेह सकोच बस कह ससोच सुरराजु।
रचहु प्रपंचहि पंच मिलि नाहिं त भयउ अकाजु॥294॥
rāmu saneha sakoca basa kaha sasoca surarāju|
racahu prapaṃcahi paṃca mili nāhiṃ ta bhayau akāju||294||
दोहा 295#

सुरन्ह सुमिरि सारदा सराही। देबि देव सरनागत पाही॥
फेरि भरत मति करि निज माया। पालु बिबुध कुल करि छल छाया॥
बिबुध बिनय सुनि देबि सयानी। बोली सुर स्वारथ जड़ जानी॥
मो सन कहहु भरत मति फेरू। लोचन सहस न सूझ सुमेरू॥
बिधि हरि हर माया बड़ि भारी। सोउ न भरत मति सकइ निहारी॥
सो मति मोहि कहत करु भोरी। चंदिनि कर कि चंडकर चोरी॥
भरत हृदयँ सिय राम निवासू। तहँ कि तिमिर जहँ तरनि प्रकासू॥
अस कहि सारद गइ बिधि लोका। बिबुध बिकल निसि मानहुँ कोका॥

suranha sumiri sāradā sarāhī| debi deva saranāgata pāhī||
pheri bharata mati kari nija māyā| pālu bibudha kula kari chala chāyā||
bibudha binaya suni debi sayānī| bolī sura svāratha jaḍa jānī||
mo sana kahahu bharata mati pherū| locana sahasa na sūjha sumerū||
bidhi hari hara māyā baḍi bhārī| sou na bharata mati sakai nihārī||
so mati mohi kahata karu bhorī| caṃdini kara ki caṃḍakara corī||
bharata hṛdayam̐ siya rāma nivāsū| taham̐ ki timira jaham̐ tarani prakāsū||
asa kahi sārada gai bidhi lokā| bibudha bikala nisi mānahum̐ kokā||

दोहा 295
सुर स्वारथी मलीन मन कीन्ह कुमंत्र कुठाटु॥
रचि प्रपंच माया प्रबल भय भ्रम अरति उचाटु॥295॥
sura svārathī malīna mana kīnha kumaṃtra kuṭhāṭu||
raci prapaṃca māyā prabala bhaya bhrama arati ucāṭu||295||
दोहा 296#

करि कुचालि सोचत सुरराजू। भरत हाथ सबु काजु अकाजू॥
गए जनकु रघुनाथ समीपा। सनमाने सब रबिकुल दीपा॥
समय समाज धरम अबिरोधा। बोले तब रघुबंस पुरोधा॥
जनक भरत संबादु सुनाई। भरत कहाउति कही सुहाई॥
तात राम जस आयसु देहू। सो सबु करै मोर मत एहू॥
सुनि रघुनाथ जोरि जुग पानी। बोले सत्य सरल मृदु बानी॥
बिद्यमान आपुनि मिथिलेसू। मोर कहब सब भाँति भदेसू॥
राउर राय रजायसु होई। राउरि सपथ सही सिर सोई॥

kari kucāli socata surarājū| bharata hātha sabu kāju akājū||
gae janaku raghunātha samīpā| sanamāne saba rabikula dīpā||
samaya samāja dharama abirodhā| bole taba raghubaṃsa purodhā||
janaka bharata saṃbādu sunāī| bharata kahāuti kahī suhāī||
tāta rāma jasa āyasu dehū| so sabu karai mora mata ehū||
suni raghunātha jori juga pānī| bole satya sarala mṛdu bānī||
bidyamāna āpuni mithilesū| mora kahaba saba bhām̐ti bhadesū||
rāura rāya rajāyasu hoī| rāuri sapatha sahī sira soī||

दोहा 296
राम सपथ सुनि मुनि जनकु सकुचे सभा समेत।
सकल बिलोकत भरत मुखु बनइ न उतरु देत॥296॥
rāma sapatha suni muni janaku sakuce sabhā sameta|
sakala bilokata bharata mukhu banai na utaru deta||296||
दोहा 297#

सभा सकुच बस भरत निहारी। रामबंधु धरि धीरजु भारी॥
कुसमउ देखि सनेहु सँभारा। बढ़त बिंधि जिमि घटज निवारा॥
सोक कनकलोचन मति छोनी। हरी बिमल गुन गन जगजोनी॥
भरत बिबेक बराहँ बिसाला। अनायास उधरी तेहि काला॥
करि प्रनामु सब कहँ कर जोरे। रामु राउ गुर साधु निहोरे॥
छमब आजु अति अनुचित मोरा। कहउँ बदन मृदु बचन कठोरा॥
हियँ सुमिरी सारदा सुहाई। मानस तें मुख पंकज आई॥
बिमल बिबेक धरम नय साली। भरत भारती मंजु मराली॥

sabhā sakuca basa bharata nihārī| rāmabaṃdhu dhari dhīraju bhārī||
kusamau dekhi sanehu sam̐bhārā| baḍhata biṃdhi jimi ghaṭaja nivārā||
soka kanakalocana mati chonī| harī bimala guna gana jagajonī||
bharata bibeka barāham̐ bisālā| anāyāsa udharī tehi kālā||
kari pranāmu saba kaham̐ kara jore| rāmu rāu gura sādhu nihore||
chamaba āju ati anucita morā| kahaum̐ badana mṛdu bacana kaṭhorā||
hiyam̐ sumirī sāradā suhāī| mānasa teṃ mukha paṃkaja āī||
bimala bibeka dharama naya sālī| bharata bhāratī maṃju marālī||

दोहा 297
निरखि बिबेक बिलोचनन्हि सिथिल सनेहँ समाजु।
करि प्रनामु बोले भरतु सुमिरि सीय रघुराजु॥297॥
nirakhi bibeka bilocananhi sithila saneham̐ samāju|
kari pranāmu bole bharatu sumiri sīya raghurāju||297||
दोहा 298#

प्रभु पितु मातु सुह्रद गुर स्वामी। पूज्य परम हित अंतरजामी॥
सरल सुसाहिबु सील निधानू। प्रनतपाल सर्बग्य सुजानू॥
समरथ सरनागत हितकारी। गुनगाहकु अवगुन अघ हारी॥
स्वामि गोसाँइहि सरिस गोसाईं। मोहि समान मैं साइँ दोहाई॥
प्रभु पितु बचन मोह बस पेली। आयउँ इहाँ समाजु सकेली॥
जग भल पोच ऊँच अरु नीचू। अमिअ अमरपद माहुरु मीचू॥
राम रजाइ मेट मन माहीं। देखा सुना कतहुँ कोउ नाहीं॥
सो मैं सब बिधि कीन्हि ढिठाई। प्रभु मानी सनेह सेवकाई॥

prabhu pitu mātu suhrada gura svāmī| pūjya parama hita aṃtarajāmī||
sarala susāhibu sīla nidhānū| pranatapāla sarbagya sujānū||
samaratha saranāgata hitakārī| gunagāhaku avaguna agha hārī||
svāmi gosām̐ihi sarisa gosāīṃ| mohi samāna maiṃ sāim̐ dohāī||
prabhu pitu bacana moha basa pelī| āyaum̐ ihām̐ samāju sakelī||
jaga bhala poca ūm̐ca aru nīcū| amia amarapada māhuru mīcū||
rāma rajāi meṭa mana māhīṃ| dekhā sunā katahum̐ kou nāhīṃ||
so maiṃ saba bidhi kīnhi ḍhiṭhāī| prabhu mānī saneha sevakāī||

दोहा 298
कृपाँ भलाई आपनी नाथ कीन्ह भल मोर।
दूषन भे भूषन सरिस सुजसु चारु चहुँ ओर॥298॥
kṛpām̐ bhalāī āpanī nātha kīnha bhala mora|
dūṣana bhe bhūṣana sarisa sujasu cāru cahum̐ ora||298||
दोहा 299#

राउरि रीति सुबानि बड़ाई। जगत बिदित निगमागम गाई॥
कूर कुटिल खल कुमति कलंकी। नीच निसील निरीस निसंकी॥
तेउ सुनि सरन सामुहें आए। सकृत प्रनामु किहें अपनाए॥
देखि दोष कबहुँ न उर आने। सुनि गुन साधु समाज बखाने॥
को साहिब सेवकहि नेवाजी। आपु समाज साज सब साजी॥
निज करतूति न समुझिअ सपनें। सेवक सकुच सोचु उर अपनें॥
सो गोसाइँ नहि दूसर कोपी। भुजा उठाइ कहउँ पन रोपी॥
पसु नाचत सुक पाठ प्रबीना। गुन गति नट पाठक आधीना॥

rāuri rīti subāni baḍāī| jagata bidita nigamāgama gāī||
kūra kuṭila khala kumati kalaṃkī| nīca nisīla nirīsa nisaṃkī||
teu suni sarana sāmuheṃ āe| sakṛta pranāmu kiheṃ apanāe||
dekhi doṣa kabahum̐ na ura āne| suni guna sādhu samāja bakhāne||
ko sāhiba sevakahi nevājī| āpu samāja sāja saba sājī||
nija karatūti na samujhia sapaneṃ| sevaka sakuca socu ura apaneṃ||
so gosāim̐ nahi dūsara kopī| bhujā uṭhāi kahaum̐ pana ropī||
pasu nācata suka pāṭha prabīnā| guna gati naṭa pāṭhaka ādhīnā||

दोहा 299
यों सुधारि सनमानि जन किए साधु सिरमोर।
को कृपाल बिनु पालिहै बिरिदावलि बरजोर॥299॥
yoṃ sudhāri sanamāni jana kie sādhu siramora|
ko kṛpāla binu pālihai biridāvali barajora||299||
दोहा 300#

सोक सनेहँ कि बाल सुभाएँ। आयउँ लाइ रजायसु बाएँ॥
तबहुँ कृपाल हेरि निज ओरा। सबहि भाँति भल मानेउ मोरा॥
देखेउँ पाय सुमंगल मूला। जानेउँ स्वामि सहज अनुकूला॥
बड़ें समाज बिलोकेउँ भागू। बड़ीं चूक साहिब अनुरागू॥
कृपा अनुग्रह अंगु अघाई। कीन्हि कृपानिधि सब अधिकाई॥
राखा मोर दुलार गोसाईं। अपनें सील सुभायँ भलाईं॥
नाथ निपट मैं कीन्हि ढिठाई। स्वामि समाज सकोच बिहाई॥
अबिनय बिनय जथारुचि बानी। छमिहि देउ अति आरति जानी॥

soka saneham̐ ki bāla subhāem̐| āyaum̐ lāi rajāyasu bāem̐||
tabahum̐ kṛpāla heri nija orā| sabahi bhām̐ti bhala māneu morā||
dekheum̐ pāya sumaṃgala mūlā| jāneum̐ svāmi sahaja anukūlā||
baḍeṃ samāja bilokeum̐ bhāgū| baḍīṃ cūka sāhiba anurāgū||
kṛpā anugraha aṃgu aghāī| kīnhi kṛpānidhi saba adhikāī||
rākhā mora dulāra gosāīṃ| apaneṃ sīla subhāyam̐ bhalāīṃ||
nātha nipaṭa maiṃ kīnhi ḍhiṭhāī| svāmi samāja sakoca bihāī||
abinaya binaya jathāruci bānī| chamihi deu ati ārati jānī||

दोहा 300
सुह्रद सुजान सुसाहिबहि बहुत कहब बड़ि खोरि।
आयसु देइअ देव अब सबइ सुधारी मोरि॥300॥
suhrada sujāna susāhibahi bahuta kahaba baḍi khori|
āyasu deia deva aba sabai sudhārī mori||300||
सोरठा 301#

प्रभु पद पदुम पराग दोहाई। सत्य सुकृत सुख सीवँ सुहाई॥
सो करि कहउँ हिए अपने की। रुचि जागत सोवत सपने की॥
सहज सनेहँ स्वामि सेवकाई। स्वारथ छल फल चारि बिहाई॥
अग्या सम न सुसाहिब सेवा। सो प्रसादु जन पावै देवा॥
अस कहि प्रेम बिबस भए भारी। पुलक सरीर बिलोचन बारी॥
प्रभु पद कमल गहे अकुलाई। समउ सनेहु न सो कहि जाई॥
कृपासिंधु सनमानि सुबानी। बैठाए समीप गहि पानी॥
भरत बिनय सुनि देखि सुभाऊ। सिथिल सनेहँ सभा रघुराऊ॥

prabhu pada paduma parāga dohāī| satya sukṛta sukha sīvam̐ suhāī||
so kari kahaum̐ hie apane kī| ruci jāgata sovata sapane kī||
sahaja saneham̐ svāmi sevakāī| svāratha chala phala cāri bihāī||
agyā sama na susāhiba sevā| so prasādu jana pāvai devā||
asa kahi prema bibasa bhae bhārī| pulaka sarīra bilocana bārī||
prabhu pada kamala gahe akulāī| samau sanehu na so kahi jāī||
kṛpāsiṃdhu sanamāni subānī| baiṭhāe samīpa gahi pānī||
bharata binaya suni dekhi subhāū| sithila saneham̐ sabhā raghurāū||

छंद
रघुराउ सिथिल सनेहँ साधु समाज मुनि मिथिला धनी।
मन महुँ सराहत भरत भायप भगति की महिमा घनी॥
भरतहि प्रसंसत बिबुध बरषत सुमन मानस मलिन से।
तुलसी बिकल सब लोग सुनि सकुचे निसागम नलिन से॥
raghurāu sithila saneham̐ sādhu samāja muni mithilā dhanī|
mana mahum̐ sarāhata bharata bhāyapa bhagati kī mahimā ghanī||
bharatahi prasaṃsata bibudha baraṣata sumana mānasa malina se|
tulasī bikala saba loga suni sakuce nisāgama nalina se||

सोरठा 301
देखि दुखारी दीन दुहु समाज नर नारि सब।
मघवा महा मलीन मुए मारि मंगल चहत॥301॥
dekhi dukhārī dīna duhu samāja nara nāri saba|
maghavā mahā malīna mue māri maṃgala cahata||301||
दोहा 302#

कपट कुचालि सीवँ सुरराजू। पर अकाज प्रिय आपन काजू॥
काक समान पाकरिपु रीती। छली मलीन कतहुँ न प्रतीती॥
प्रथम कुमत करि कपटु सँकेला। सो उचाटु सब कें सिर मेला॥
सुरमायाँ सब लोग बिमोहे। राम प्रेम अतिसय न बिछोहे॥
भय उचाट बस मन थिर नाहीं। छन बन रुचि छन सदन सोहाहीं॥
दुबिध मनोगति प्रजा दुखारी। सरित सिंधु संगम जनु बारी॥
दुचित कतहुँ परितोषु न लहहीं। एक एक सन मरमु न कहहीं॥
लखि हियँ हँसि कह कृपानिधानू। सरिस स्वान मघवान जुबानू॥

kapaṭa kucāli sīvam̐ surarājū| para akāja priya āpana kājū||
kāka samāna pākaripu rītī| chalī malīna katahum̐ na pratītī||
prathama kumata kari kapaṭu sam̐kelā| so ucāṭu saba keṃ sira melā||
suramāyām̐ saba loga bimohe| rāma prema atisaya na bichohe||
bhaya ucāṭa basa mana thira nāhīṃ| chana bana ruci chana sadana sohāhīṃ||
dubidha manogati prajā dukhārī| sarita siṃdhu saṃgama janu bārī||
ducita katahum̐ paritoṣu na lahahīṃ| eka eka sana maramu na kahahīṃ||
lakhi hiyam̐ ham̐si kaha kṛpānidhānū| sarisa svāna maghavāna jubānū||

दोहा 302
भरतु जनकु मुनिजन सचिव साधु सचेत बिहाइ।
लागि देवमाया सबहि जथाजोगु जनु पाइ॥302॥
bharatu janaku munijana saciva sādhu saceta bihāi|
lāgi devamāyā sabahi jathājogu janu pāi||302||
दोहा 303#

कृपासिंधु लखि लोग दुखारे। निज सनेहँ सुरपति छल भारे॥
सभा राउ गुर महिसुर मंत्री। भरत भगति सब कै मति जंत्री॥
रामहि चितवत चित्र लिखे से। सकुचत बोलत बचन सिखे से॥
भरत प्रीति नति बिनय बड़ाई। सुनत सुखद बरनत कठिनाई॥
जासु बिलोकि भगति लवलेसू। प्रेम मगन मुनिगन मिथिलेसू॥
महिमा तासु कहै किमि तुलसी। भगति सुभायँ सुमति हियँ हुलसी॥
आपु छोटि महिमा बड़ि जानी। कबिकुल कानि मानि सकुचानी॥
कहि न सकति गुन रुचि अधिकाई। मति गति बाल बचन की नाई॥

kṛpāsiṃdhu lakhi loga dukhāre| nija saneham̐ surapati chala bhāre||
sabhā rāu gura mahisura maṃtrī| bharata bhagati saba kai mati jaṃtrī||
rāmahi citavata citra likhe se| sakucata bolata bacana sikhe se||
bharata prīti nati binaya baḍāī| sunata sukhada baranata kaṭhināī||
jāsu biloki bhagati lavalesū| prema magana munigana mithilesū||
mahimā tāsu kahai kimi tulasī| bhagati subhāyam̐ sumati hiyam̐ hulasī||
āpu choṭi mahimā baḍi jānī| kabikula kāni māni sakucānī||
kahi na sakati guna ruci adhikāī| mati gati bāla bacana kī nāī||

दोहा 303
भरत बिमल जसु बिमल बिधु सुमति चकोरकुमारि।
उदित बिमल जन हृदय नभ एकटक रही निहारि॥303॥
bharata bimala jasu bimala bidhu sumati cakorakumāri|
udita bimala jana hṛdaya nabha ekaṭaka rahī nihāri||303||
दोहा 304#

भरत सुभाउ न सुगम निगमहूँ। लघु मति चापलता कबि छमहूँ॥
कहत सुनत सति भाउ भरत को। सीय राम पद होइ न रत को॥
सुमिरत भरतहि प्रेमु राम को। जेहि न सुलभ तेहि सरिस बाम को॥
देखि दयाल दसा सबही की। राम सुजान जानि जन जी की॥
धरम धुरीन धीर नय नागर। सत्य सनेह सील सुख सागर॥
देसु काल लखि समउ समाजू। नीति प्रीति पालक रघुराजू॥
बोले बचन बानि सरबसु से। हित परिनाम सुनत ससि रसु से॥
तात भरत तुम्ह धरम धुरीना। लोक बेद बिद प्रेम प्रबीना॥

bharata subhāu na sugama nigamahūm̐| laghu mati cāpalatā kabi chamahūm̐||
kahata sunata sati bhāu bharata ko| sīya rāma pada hoi na rata ko||
sumirata bharatahi premu rāma ko| jehi na sulabha tehi sarisa bāma ko||
dekhi dayāla dasā sabahī kī| rāma sujāna jāni jana jī kī||
dharama dhurīna dhīra naya nāgara| satya saneha sīla sukha sāgara||
desu kāla lakhi samau samājū| nīti prīti pālaka raghurājū||
bole bacana bāni sarabasu se| hita parināma sunata sasi rasu se||
tāta bharata tumha dharama dhurīnā| loka beda bida prema prabīnā||

दोहा 304
करम बचन मानस बिमल तुम्ह समान तुम्ह तात।
गुर समाज लघु बंधु गुन कुसमयँ किमि कहि जात॥304॥
karama bacana mānasa bimala tumha samāna tumha tāta|
gura samāja laghu baṃdhu guna kusamayam̐ kimi kahi jāta||304||
दोहा 305#

जानहु तात तरनि कुल रीती। सत्यसंध पितु कीरति प्रीती॥
समउ समाजु लाज गुरुजन की। उदासीन हित अनहित मन की॥
तुम्हहि बिदित सबही कर करमू। आपन मोर परम हित धरमू॥
मोहि सब भाँति भरोस तुम्हारा। तदपि कहउँ अवसर अनुसारा॥
तात तात बिनु बात हमारी। केवल गुरुकुल कृपाँ सँभारी॥
नतरु प्रजा परिजन परिवारू। हमहि सहित सबु होत खुआरू॥
जौं बिनु अवसर अथवँ दिनेसू। जग केहि कहहु न होइ कलेसू॥
तस उतपातु तात बिधि कीन्हा। मुनि मिथिलेस राखि सबु लीन्हा॥

jānahu tāta tarani kula rītī| satyasaṃdha pitu kīrati prītī||
samau samāju lāja gurujana kī| udāsīna hita anahita mana kī||
tumhahi bidita sabahī kara karamū| āpana mora parama hita dharamū||
mohi saba bhām̐ti bharosa tumhārā| tadapi kahaum̐ avasara anusārā||
tāta tāta binu bāta hamārī| kevala gurukula kṛpām̐ sam̐bhārī||
nataru prajā parijana parivārū| hamahi sahita sabu hota khuārū||
jauṃ binu avasara athavam̐ dinesū| jaga kehi kahahu na hoi kalesū||
tasa utapātu tāta bidhi kīnhā| muni mithilesa rākhi sabu līnhā||

दोहा 305
राज काज सब लाज पति धरम धरनि धन धाम।
गुर प्रभाउ पालिहि सबहि भल होइहि परिनाम॥305॥
rāja kāja saba lāja pati dharama dharani dhana dhāma|
gura prabhāu pālihi sabahi bhala hoihi parināma||305||
दोहा 306#

सहित समाज तुम्हार हमारा। घर बन गुर प्रसाद रखवारा॥
मातु पिता गुर स्वामि निदेसू। सकल धरम धरनीधर सेसू॥
सो तुम्ह करहु करावहु मोहू। तात तरनिकुल पालक होहू॥
साधक एक सकल सिधि देनी। कीरति सुगति भूतिमय बेनी॥
सो बिचारि सहि संकटु भारी। करहु प्रजा परिवारु सुखारी॥
बाँटी बिपति सबहिं मोहि भाई। तुम्हहि अवधि भरि बड़ि कठिनाई॥
जानि तुम्हहि मृदु कहउँ कठोरा। कुसमयँ तात न अनुचित मोरा॥
होहिं कुठायँ सुबंधु सुहाए। ओड़िअहिं हाथ असनिहु के घाए॥

sahita samāja tumhāra hamārā| ghara bana gura prasāda rakhavārā||
mātu pitā gura svāmi nidesū| sakala dharama dharanīdhara sesū||
so tumha karahu karāvahu mohū| tāta taranikula pālaka hohū||
sādhaka eka sakala sidhi denī| kīrati sugati bhūtimaya benī||
so bicāri sahi saṃkaṭu bhārī| karahu prajā parivāru sukhārī||
bām̐ṭī bipati sabahiṃ mohi bhāī| tumhahi avadhi bhari baḍi kaṭhināī||
jāni tumhahi mṛdu kahaum̐ kaṭhorā| kusamayam̐ tāta na anucita morā||
hohiṃ kuṭhāyam̐ subaṃdhu suhāe| oḍiahiṃ hātha asanihu ke ghāe||

दोहा 306
सेवक कर पद नयन से मुख सो साहिबु होइ।
तुलसी प्रीति कि रीति सुनि सुकबि सराहहिं सोइ॥306॥
sevaka kara pada nayana se mukha so sāhibu hoi|
tulasī prīti ki rīti suni sukabi sarāhahiṃ soi||306||
दोहा 307#

सभा सकल सुनि रघुबर बानी। प्रेम पयोधि अमिअ जनु सानी॥
सिथिल समाज सनेह समाधी। देखि दसा चुप सारद साधी॥
भरतहि भयउ परम संतोषू। सनमुख स्वामि बिमुख दुख दोषू॥
मुख प्रसन्न मन मिटा बिषादू। भा जनु गूँगेहि गिरा प्रसादू॥
कीन्ह सप्रेम प्रनामु बहोरी। बोले पानि पंकरुह जोरी॥
नाथ भयउ सुखु साथ गए को। लहेउँ लाहु जग जनमु भए को॥
अब कृपाल जस आयसु होई। करौं सीस धरि सादर सोई॥
सो अवलंब देव मोहि देई। अवधि पारु पावौं जेहि सेई॥

sabhā sakala suni raghubara bānī| prema payodhi amia janu sānī||
sithila samāja saneha samādhī| dekhi dasā cupa sārada sādhī||
bharatahi bhayau parama saṃtoṣū| sanamukha svāmi bimukha dukha doṣū||
mukha prasanna mana miṭā biṣādū| bhā janu gūm̐gehi girā prasādū||
kīnha saprema pranāmu bahorī| bole pāni paṃkaruha jorī||
nātha bhayau sukhu sātha gae ko| laheum̐ lāhu jaga janamu bhae ko||
aba kṛpāla jasa āyasu hoī| karauṃ sīsa dhari sādara soī||
so avalaṃba deva mohi deī| avadhi pāru pāvauṃ jehi seī||

दोहा 307
देव देव अभिषेक हित गुर अनुसासनु पाइ।
आनेउँ सब तीरथ सलिलु तेहि कहँ काह रजाइ॥307॥
deva deva abhiṣeka hita gura anusāsanu pāi|
āneum̐ saba tīratha salilu tehi kaham̐ kāha rajāi||307||
दोहा 308#

एकु मनोरथु बड़ मन माहीं। सभयँ सकोच जात कहि नाहीं॥
कहहु तात प्रभु आयसु पाई। बोले बानि सनेह सुहाई॥
चित्रकूट सुचि थल तीरथ बन। खग मृग सर सरि निर्झर गिरिगन॥
प्रभु पद अंकित अवनि बिसेषी। आयसु होइ त आवौं देखी॥
अवसि अत्रि आयसु सिर धरहू। तात बिगतभय कानन चरहू॥
मुनि प्रसाद बनु मंगल दाता। पावन परम सुहावन भ्राता॥
रिषिनायकु जहँ आयसु देहीं। राखेहु तीरथ जलु थल तेहीं॥
सुनि प्रभु बचन भरत सुख पावा। मुनि पद कमल मुदित सिरु नावा॥

eku manorathu baḍa mana māhīṃ| sabhayam̐ sakoca jāta kahi nāhīṃ||
kahahu tāta prabhu āyasu pāī| bole bāni saneha suhāī||
citrakūṭa suci thala tīratha bana| khaga mṛga sara sari nirjhara girigana||
prabhu pada aṃkita avani biseṣī| āyasu hoi ta āvauṃ dekhī||
avasi atri āyasu sira dharahū| tāta bigatabhaya kānana carahū||
muni prasāda banu maṃgala dātā| pāvana parama suhāvana bhrātā||
riṣināyaku jaham̐ āyasu dehīṃ| rākhehu tīratha jalu thala tehīṃ||
suni prabhu bacana bharata sukha pāvā| muni pada kamala mudita siru nāvā||

दोहा 308
भरत राम संबादु सुनि सकल सुमंगल मूल।
सुर स्वारथी सराहि कुल बरषत सुरतरु फूल॥308॥
bharata rāma saṃbādu suni sakala sumaṃgala mūla|
sura svārathī sarāhi kula baraṣata surataru phūla||308||
दोहा 309#

धन्य भरत जय राम गोसाईं। कहत देव हरषत बरिआई।
मुनि मिथिलेस सभाँ सब काहू। भरत बचन सुनि भयउ उछाहू॥
भरत राम गुन ग्राम सनेहू। पुलकि प्रसंसत राउ बिदेहू॥
सेवक स्वामि सुभाउ सुहावन। नेमु पेमु अति पावन पावन॥
मति अनुसार सराहन लागे। सचिव सभासद सब अनुरागे॥
सुनि सुनि राम भरत संबादू। दुहु समाज हियँ हरषु बिषादू॥
राम मातु दुखु सुखु सम जानी। कहि गुन राम प्रबोधीं रानी॥
एक कहहिं रघुबीर बड़ाई। एक सराहत भरत भलाई॥

dhanya bharata jaya rāma gosāīṃ| kahata deva haraṣata bariāī|
muni mithilesa sabhām̐ saba kāhū| bharata bacana suni bhayau uchāhū||
bharata rāma guna grāma sanehū| pulaki prasaṃsata rāu bidehū||
sevaka svāmi subhāu suhāvana| nemu pemu ati pāvana pāvana||
mati anusāra sarāhana lāge| saciva sabhāsada saba anurāge||
suni suni rāma bharata saṃbādū| duhu samāja hiyam̐ haraṣu biṣādū||
rāma mātu dukhu sukhu sama jānī| kahi guna rāma prabodhīṃ rānī||
eka kahahiṃ raghubīra baḍāī| eka sarāhata bharata bhalāī||

दोहा 309
अत्रि कहेउ तब भरत सन सैल समीप सुकूप।
राखिअ तीरथ तोय तहँ पावन अमिअ अनूप॥309॥
atri kaheu taba bharata sana saila samīpa sukūpa|
rākhia tīratha toya taham̐ pāvana amia anūpa||309||
दोहा 310#

भरत अत्रि अनुसासन पाई। जल भाजन सब दिए चलाई॥
सानुज आपु अत्रि मुनि साधू। सहित गए जहँ कूप अगाधू॥
पावन पाथ पुन्यथल राखा। प्रमुदित प्रेम अत्रि अस भाषा॥
तात अनादि सिद्ध थल एहू। लोपेउ काल बिदित नहिं केहू॥
तब सेवकन्ह सरस थलु देखा। किन्ह सुजल हित कूप बिसेषा॥
बिधि बस भयउ बिस्व उपकारू। सुगम अगम अति धरम बिचारू॥
भरतकूप अब कहिहहिं लोगा। अति पावन तीरथ जल जोगा॥
प्रेम सनेम निमज्जत प्रानी। होइहहिं बिमल करम मन बानी॥

bharata atri anusāsana pāī| jala bhājana saba die calāī||
sānuja āpu atri muni sādhū| sahita gae jaham̐ kūpa agādhū||
pāvana pātha punyathala rākhā| pramudita prema atri asa bhāṣā||
tāta anādi siddha thala ehū| lopeu kāla bidita nahiṃ kehū||
taba sevakanha sarasa thalu dekhā| kinha sujala hita kūpa biseṣā||
bidhi basa bhayau bisva upakārū| sugama agama ati dharama bicārū||
bharatakūpa aba kahihahiṃ logā| ati pāvana tīratha jala jogā||
prema sanema nimajjata prānī| hoihahiṃ bimala karama mana bānī||

दोहा 310
कहत कूप महिमा सकल गए जहाँ रघुराउ।
अत्रि सुनायउ रघुबरहि तीरथ पुन्य प्रभाउ॥310॥
kahata kūpa mahimā sakala gae jahām̐ raghurāu|
atri sunāyau raghubarahi tīratha punya prabhāu||310||

अत्रि मुनि की आज्ञा पाकर भरतजी ने (अभिषेक के लिए लाए) तीर्थजल के सब पात्र साथ ले चलवाए। छोटे भाई शत्रुघ्नजी, अत्रि मुनि और साधुओं सहित वे वहाँ गए जहाँ एक गहरा कुआँ था। उन्होंने वह पवित्र जल उस पुण्य-स्थान में रख दिया। तब अत्रि मुनि ने प्रसन्न होकर प्रेम से कहा, हे तात, यह स्थान अनादि काल से सिद्ध है; समय ने इसे छिपा दिया था, इसलिए किसी को इसका पता नहीं था। सेवकों ने नमी वाला स्थान देखकर अच्छे जल के लिए कुआँ बनाया था। विधाता के योग से संसार का उपकार हो गया और धर्म का जो विचार अत्यंत कठिन था, वह सुगम हो गया। अब लोग इसे भरतकूप कहेंगे; यह अत्यंत पवित्र तीर्थ-जल वाला होगा। जो प्राणी प्रेम और नियम से इसमें स्नान करेंगे, वे कर्म, मन और वाणी से निर्मल हो जाएँगे। कुएँ की महिमा कहते हुए सब वहाँ गए जहाँ रघुनाथजी थे, और अत्रिजी ने श्रीराम को उस तीर्थ का पुण्य-प्रभाव सुनाया।
On sage Atri's instruction, Bharata had all the vessels of sacred water, brought for the coronation, carried along. With his younger brother, sage Atri and other holy men, he went to a deep well. They placed the holy water in that sacred spot, and Atri, delighted and full of love, said: My son, this place has been holy since time without beginning; time had hidden it and no one knew of it. Servants had found the moist ground and dug a well for water. By providence a blessing for the whole world has come about, and a point of dharma that seemed very hard has become easy. People will now call it Bharatkoop, a most holy place of pilgrimage. Those who bathe here with love and discipline will become pure in deed, mind and speech. Speaking of the well's glory, they all went to Rama, and Atri told him of the holy power of this tirtha.
दोहा 311#

कहत धरम इतिहास सप्रीती। भयउ भोरु निसि सो सुख बीती॥
नित्य निबाहि भरत दोउ भाई। राम अत्रि गुर आयसु पाई॥
सहित समाज साज सब सादें। चले राम बन अटन पयादें॥
कोमल चरन चलत बिनु पनहीं। भइ मृदु भूमि सकुचि मन मनहीं॥
कुस कंटक काँकरीं कुराईं। कटुक कठोर कुबस्तु दुराईं॥
महि मंजुल मृदु मारग कीन्हे। बहत समीर त्रिबिध सुख लीन्हे॥
सुमन बरषि सुर घन करि छाहीं। बिटप फूलि फलि तृन मृदुताहीं॥
मृग बिलोकि खग बोलि सुबानी। सेवहिं सकल राम प्रिय जानी॥

kahata dharama itihāsa saprītī| bhayau bhoru nisi so sukha bītī||
nitya nibāhi bharata dou bhāī| rāma atri gura āyasu pāī||
sahita samāja sāja saba sādeṃ| cale rāma bana aṭana payādeṃ||
komala carana calata binu panahīṃ| bhai mṛdu bhūmi sakuci mana manahīṃ||
kusa kaṃṭaka kām̐karīṃ kurāīṃ| kaṭuka kaṭhora kubastu durāīṃ||
mahi maṃjula mṛdu māraga kīnhe| bahata samīra tribidha sukha līnhe||
sumana baraṣi sura ghana kari chāhīṃ| biṭapa phūli phali tṛna mṛdutāhīṃ||
mṛga biloki khaga boli subānī| sevahiṃ sakala rāma priya jānī||

दोहा 311
सुलभ सिद्धि सब प्राकृतहु राम कहत जमुहात।
राम प्रान प्रिय भरत कहुँ यह न होइ बड़ि बात॥311॥
sulabha siddhi saba prākṛtahu rāma kahata jamuhāta|
rāma prāna priya bharata kahum̐ yaha na hoi baḍi bāta||311||

प्रेम से धर्म और इतिहास की कथाएँ कहते-सुनते सवेरा हो गया और वह रात सुख से बीत गई। नित्य कर्म करके भरतजी और शत्रुघ्नजी दोनों भाई, श्रीराम, अत्रि मुनि और गुरु की आज्ञा पाकर, सादे वेश में अपने साथियों सहित, श्रीराम के वन में घूमने पैदल चले। उनके कोमल चरण नंगे पाँव चलते देख धरती सकुचाकर कोमल हो गई। कुश, काँटे, कंकड़, दरारें और सब कड़वी-कठोर बुरी चीज़ें छिप गईं। धरती ने कोमल रास्ते बना दिए, और शीतल, मंद, सुगंधित हवा सुख देने लगी। देवता फूल बरसाते हैं, बादल छाया करते हैं, वृक्ष फूलते-फलते हैं और घास कोमल हो जाती है। हिरन देखकर और पक्षी मधुर बोली बोलकर, सब उन्हें श्रीराम का प्रिय जानकर उनकी सेवा करते हैं। जो साधारण मनुष्य जम्हाई लेते हुए भी राम का नाम ले लेता है, उसके लिए भी सब सिद्धियाँ सुलभ हो जाती हैं; फिर श्रीराम को प्राणों के समान प्रिय भरतजी के लिए यह कोई बड़ी बात नहीं।
Telling stories of dharma and sacred history with love, the night passed happily and dawn came. After their daily rites, Bharata and Shatrughna, with the permission of Rama, Atri and the guru, set out on foot with their companions in simple dress to wander through Rama's forest. Their tender feet walked without shoes, so the earth, abashed, made herself soft. Kusha grass, thorns, pebbles, rough ground and every harsh thing hid away. The earth laid out smooth, gentle paths, and a cool, soft, fragrant breeze gave them comfort. The gods rained flowers, clouds gave shade, trees burst into blossom and fruit, and the grass grew soft. Deer gazed at them and birds sang sweetly; all served them, knowing them dear to Rama. Every spiritual power comes easily even to an ordinary person who says Rama while yawning; for Bharata, dear to Rama as his own life, this is no great wonder.
दोहा 312#

एहि बिधि भरतु फिरत बन माहीं। नेमु प्रेमु लखि मुनि सकुचाहीं॥
पुन्य जलाश्रय भूमि बिभागा। खग मृग तरु तृन गिरि बन बागा॥
चारु बिचित्र पबित्र बिसेषी। बूझत भरतु दिब्य सब देखी॥
सुनि मन मुदित कहत रिषिराऊ। हेतु नाम गुन पुन्य प्रभाऊ॥
कतहुँ निमज्जन कतहुँ प्रनामा। कतहुँ बिलोकत मन अभिरामा॥
कतहुँ बैठि मुनि आयसु पाई। सुमिरत सीय सहित दोउ भाई॥
देखि सुभाउ सनेहु सुसेवा। देहिं असीस मुदित बनदेवा॥
फिरहिं गएँ दिनु पहर अढ़ाई। प्रभु पद कमल बिलोकहिं आई॥

ehi bidhi bharatu phirata bana māhīṃ| nemu premu lakhi muni sakucāhīṃ||
punya jalāśraya bhūmi bibhāgā| khaga mṛga taru tṛna giri bana bāgā||
cāru bicitra pabitra biseṣī| būjhata bharatu dibya saba dekhī||
suni mana mudita kahata riṣirāū| hetu nāma guna punya prabhāū||
katahum̐ nimajjana katahum̐ pranāmā| katahum̐ bilokata mana abhirāmā||
katahum̐ baiṭhi muni āyasu pāī| sumirata sīya sahita dou bhāī||
dekhi subhāu sanehu susevā| dehiṃ asīsa mudita banadevā||
phirahiṃ gaem̐ dinu pahara aḍhāī| prabhu pada kamala bilokahiṃ āī||

दोहा 312
देखे थल तीरथ सकल भरत पाँच दिन माझ।
कहत सुनत हरि हर सुजसु गयउ दिवसु भइ साँझ॥312॥
dekhe thala tīratha sakala bharata pām̐ca dina mājha|
kahata sunata hari hara sujasu gayau divasu bhai sām̐jha||312||

इस प्रकार भरतजी वन में घूमते हैं; उनका नियम और प्रेम देखकर मुनि भी सकुचा जाते हैं। पवित्र जलाशय, भूमि के भाग, पक्षी, पशु, वृक्ष, घास, पर्वत, वन और बाग, सब सुंदर, विचित्र और विशेष पवित्र थे; उन सबको दिव्य देखकर भरतजी उनके बारे में पूछते हैं। ऋषिराज अत्रि प्रसन्न मन से हर एक का कारण, नाम, गुण और पुण्य-प्रभाव बताते हैं। भरतजी कहीं स्नान करते हैं, कहीं प्रणाम करते हैं, कहीं मनोहर दृश्य देखते हैं, और कहीं मुनि की आज्ञा पाकर बैठकर सीताजी सहित दोनों भाइयों (श्रीराम और लक्ष्मणजी) का स्मरण करते हैं। उनका स्वभाव, प्रेम और सुंदर सेवा देखकर वनदेवता प्रसन्न होकर आशीर्वाद देते हैं। ढाई पहर दिन बीतने पर वे लौट आते हैं और प्रभु के चरणकमलों के दर्शन करते हैं। भरतजी ने पाँच दिनों में सब स्थान और तीर्थ देख लिए। भगवान विष्णु और शिवजी का सुयश कहते-सुनते दिन बीत गया और संध्या हो गई।
Thus Bharata roamed the forest, and seeing his discipline and love even the sages felt humbled. Sacred pools, stretches of land, birds, beasts, trees, grasses, hills, woods and groves, all beautiful, wonderful and especially holy, Bharata saw as divine and asked about each. The king of sages, Atri, gladly explained the origin, name, qualities and holy power of each. Somewhere Bharata bathed, somewhere he bowed, somewhere he gazed at lovely sights, and somewhere, with the sage's leave, he sat and remembered the two brothers with Sita. Seeing his nature, love and devoted service, the forest deities joyfully blessed him. When two and a half watches of the day had passed, they would return and behold the lord's lotus feet. In five days Bharata saw all the holy places. Telling and hearing the glories of Hari and Hara, the day passed and evening came.
दोहा 313#

भोर न्हाइ सबु जुरा समाजू। भरत भूमिसुर तेरहुति राजू॥
भल दिन आजु जानि मन माहीं। रामु कृपाल कहत सकुचाहीं॥
गुर नृप भरत सभा अवलोकी। सकुचि राम फिरि अवनि बिलोकी॥
सील सराहि सभा सब सोची। कहुँ न राम सम स्वामि सँकोची॥
भरत सुजान राम रुख देखी। उठि सप्रेम धरि धीर बिसेषी॥
करि दंडवत कहत कर जोरी। राखीं नाथ सकल रुचि मोरी॥
मोहि लगि सहेउ सबहिं संतापू। बहुत भाँति दुखु पावा आपू॥
अब गोसाइँ मोहि देउ रजाई। सेवौं अवध अवधि भरि जाई॥

bhora nhāi sabu jurā samājū| bharata bhūmisura terahuti rājū||
bhala dina āju jāni mana māhīṃ| rāmu kṛpāla kahata sakucāhīṃ||
gura nṛpa bharata sabhā avalokī| sakuci rāma phiri avani bilokī||
sīla sarāhi sabhā saba socī| kahum̐ na rāma sama svāmi sam̐kocī||
bharata sujāna rāma rukha dekhī| uṭhi saprema dhari dhīra biseṣī||
kari daṃḍavata kahata kara jorī| rākhīṃ nātha sakala ruci morī||
mohi lagi saheu sabahiṃ saṃtāpū| bahuta bhām̐ti dukhu pāvā āpū||
aba gosāim̐ mohi deu rajāī| sevauṃ avadha avadhi bhari jāī||

दोहा 313
जेहिं उपाय पुनि पाय जनु देखै दीनदयाल।
सो सिख देइअ अवधि लगि कोसलपाल कृपाल॥313॥
jehiṃ upāya puni pāya janu dekhai dīnadayāla|
so sikha deia avadhi lagi kosalapāla kṛpāla||313||

सुबह स्नान करके सारा समाज इकट्ठा हुआ: भरतजी, ब्राह्मण और तिरहुत के राजा जनकजी। मन में जानते हुए कि आज शुभ दिन है, कृपालु श्रीराम कहने में संकोच करते हैं। गुरु, राजा जनक, भरतजी और सभा को देखकर श्रीराम संकोच से फिर धरती की ओर देखने लगे। उनके शील की सराहना करके सारी सभा सोचने लगी कि श्रीराम जैसा संकोची स्वामी कहीं नहीं है। चतुर भरतजी श्रीराम का रुख देखकर प्रेमपूर्वक और विशेष धीरज धरकर उठे। दंडवत करके हाथ जोड़कर बोले, हे नाथ, आपने मेरी सब रुचि रखी। मेरे कारण सबने संताप सहा और आपने भी बहुत प्रकार से दुःख पाया। अब हे स्वामी, मुझे आज्ञा दीजिए कि मैं जाकर अवधि तक अयोध्या की सेवा करूँ। हे दीनदयालु, कृपालु कोसलपति, मुझे वह शिक्षा दीजिए जिससे यह दास अवधि पूरी होने तक निभा सके और फिर आपके चरणों के दर्शन पा सके।
In the morning, after bathing, the whole assembly gathered: Bharata, the Brahmins, and Janaka, king of Tirhut. Knowing in his heart that the day was auspicious, the kind Rama still hesitated to speak. Looking at the guru, the king, Bharata and the gathering, Rama shyly lowered his gaze to the ground. The assembly praised his modesty and thought: nowhere is there a master as considerate as Rama. Wise Bharata, reading Rama's wish, rose with love and great composure. Prostrating and joining his palms he said: Lord, you have honoured all my wishes. For my sake everyone has suffered, and you yourself have borne much hardship. Now, master, give me your command, and I will go and serve Ayodhya until the appointed time. O merciful lord of Kosala, kind to the humble, give me the guidance by which this servant may endure until the term ends and see your feet again.
दोहा 314#

पुरजन परिजन प्रजा गोसाईं। सब सुचि सरस सनेहँ सगाई॥
राउर बदि भल भव दुख दाहू। प्रभु बिनु बादि परम पद लाहू॥
स्वामि सुजानु जानि सब ही की। रुचि लालसा रहनि जन जी की॥
प्रनतपालु पालिहि सब काहू। देउ दुहू दिसि ओर निबाहू॥
अस मोहि सब बिधि भूरि भरोसो। किएँ बिचारु न सोचु खरो सो॥
आरति मोर नाथ कर छोहू। दुहुँ मिलि कीन्ह ढीठु हठि मोहू॥
यह बड़ दोषु दूरि करि स्वामी। तजि सकोच सिखइअ अनुगामी॥
भरत बिनय सुनि सबहिं प्रसंसी। खीर नीर बिबरन गति हंसी॥

purajana parijana prajā gosāīṃ| saba suci sarasa saneham̐ sagāī||
rāura badi bhala bhava dukha dāhū| prabhu binu bādi parama pada lāhū||
svāmi sujānu jāni saba hī kī| ruci lālasā rahani jana jī kī||
pranatapālu pālihi saba kāhū| deu duhū disi ora nibāhū||
asa mohi saba bidhi bhūri bharoso| kiem̐ bicāru na socu kharo so||
ārati mora nātha kara chohū| duhum̐ mili kīnha ḍhīṭhu haṭhi mohū||
yaha baḍa doṣu dūri kari svāmī| taji sakoca sikhaia anugāmī||
bharata binaya suni sabahiṃ prasaṃsī| khīra nīra bibarana gati haṃsī||

दोहा 314
दीनबंधु सुनि बंधु के बचन दीन छलहीन।
देस काल अवसर सरिस बोले रामु प्रबीन॥314॥
dīnabaṃdhu suni baṃdhu ke bacana dīna chalahīna|
desa kāla avasara sarisa bole rāmu prabīna||314||

भरतजी कहते हैं, हे स्वामी, नगरवासी, परिवार और प्रजा सब आपके प्रति पवित्र और रस भरे स्नेह के नाते से बँधे हैं। आपके लिए संसार के दुःखों में जलना भी अच्छा है, और प्रभु के बिना परमपद का लाभ भी व्यर्थ है। सुजान स्वामी सबके मन की रुचि, लालसा और रहन-सहन जानते हैं। शरणागतों के रक्षक आप सबका पालन करेंगे और दोनों ओर निभा लेंगे। मुझे हर प्रकार से ऐसा पूरा भरोसा है; विचार करने पर तिनके भर भी चिंता नहीं रहती। मेरी आर्त दशा और नाथ के स्नेह ने मिलकर मुझे हठपूर्वक ढीठ बना दिया है। हे स्वामी, मेरे इस बड़े दोष को दूर करके, संकोच छोड़कर अपने इस अनुगामी को शिक्षा दीजिए। भरतजी की विनती सुनकर सबने उसकी प्रशंसा की, क्योंकि वह हंस की तरह दूध और पानी को अलग करने वाली थी। दीनबंधु, प्रवीण श्रीराम भाई के दीन और निष्कपट वचन सुनकर देश, काल और अवसर के अनुसार बोले।
Bharata says: Master, the townsfolk, family and subjects are all bound to you by a pure and loving tie. For your sake even burning in worldly sorrow is good, and without you even the highest state is worthless. You, wise lord, know every servant's liking, longing and way of life. Protector of those who surrender, you will care for all and see things through on both sides. In every way I have this full trust, and on reflection not a straw's worth of worry remains. My distress and my lord's affection together have made me stubbornly bold. Remove this great fault of mine, master, and setting aside hesitation, instruct your follower. Hearing Bharata's plea, everyone praised it, for like a swan it separated milk from water. Rama, friend of the lowly and skilled in speech, hearing his brother's humble, guileless words, replied as befitted the place, time and occasion.
दोहा 315#

तात तुम्हारि मोरि परिजन की। चिंता गुरहि नृपहि घर बन की॥
माथे पर गुर मुनि मिथिलेसू। हमहि तुम्हहि सपनेहुँ न कलेसू॥
मोर तुम्हार परम पुरुषारथु। स्वारथु सुजसु धरमु परमारथु॥
पितु आयसु पालिहिं दुहु भाई। लोक बेद भल भूप भलाई॥
गुर पितु मातु स्वामि सिख पालें। चलेहुँ कुमग पग परहिं न खालें॥
अस बिचारि सब सोच बिहाई। पालहु अवध अवधि भरि जाई॥
देसु कोसु परिजन परिवारू। गुर पद रजहिं लाग छरुभारू॥
तुम्ह मुनि मातु सचिव सिख मानी। पालेहु पुहुमि प्रजा रजधानी॥

tāta tumhāri mori parijana kī| ciṃtā gurahi nṛpahi ghara bana kī||
māthe para gura muni mithilesū| hamahi tumhahi sapanehum̐ na kalesū||
mora tumhāra parama puruṣārathu| svārathu sujasu dharamu paramārathu||
pitu āyasu pālihiṃ duhu bhāī| loka beda bhala bhūpa bhalāī||
gura pitu mātu svāmi sikha pāleṃ| calehum̐ kumaga paga parahiṃ na khāleṃ||
asa bicāri saba soca bihāī| pālahu avadha avadhi bhari jāī||
desu kosu parijana parivārū| gura pada rajahiṃ lāga charubhārū||
tumha muni mātu saciva sikha mānī| pālehu puhumi prajā rajadhānī||

दोहा 315
मुखिआ मुखु सो चाहिऐ खान पान कहुँ एक।
पालइ पोषइ सकल अँग तुलसी सहित बिबेक॥315॥
mukhiā mukhu so cāhiai khāna pāna kahum̐ eka|
pālai poṣai sakala am̐ga tulasī sahita bibeka||315||

श्रीराम कहते हैं, हे तात, तुम्हारी, मेरी, परिवार की, घर की और वन की चिंता गुरुजी और राजा जनक को है। जब हमारे सिर पर गुरु, मुनि और मिथिलापति हैं, तो हमें और तुम्हें सपने में भी कष्ट नहीं। मेरा और तुम्हारा परम पुरुषार्थ, स्वार्थ, सुयश, धर्म और परमार्थ यही है कि हम दोनों भाई पिता की आज्ञा का पालन करें। राजा की भलाई लोक और वेद दोनों में भली है। गुरु, पिता, माता और स्वामी की शिक्षा मानने से कुमार्ग पर चलने पर भी पैर गड्ढे में नहीं पड़ते। ऐसा विचारकर सब चिंता छोड़ दो और जाकर अवधि तक अयोध्या का पालन करो। देश, खज़ाना, परिजन और परिवार का भार गुरु के चरणों की धूल पर है। तुम मुनियों, माताओं और मंत्रियों की सीख मानकर पृथ्वी, प्रजा और राजधानी का पालन करना। तुलसीदासजी कहते हैं, मुखिया मुख जैसा होना चाहिए, जो खाने-पीने को अकेला है, पर विवेक से सब अंगों का पालन-पोषण करता है।
Rama says: Brother, the care of you, me, our family, our home and the forest rests with the guru and King Janaka. With them over us, we need not suffer even in a dream. For both of us the highest aim, our true interest, good name, dharma and ultimate good, is that we two brothers obey our father's command. The king's welfare is good both by worldly custom and by the Veda. One who follows the counsel of guru, father, mother and master does not stumble into a pit even on a rough road. So put away all worry and go rule Ayodhya until the term ends. The weight of land, treasury and kin rests on the guru's feet. Heeding the sages, mothers and ministers, look after the earth, the people and the capital. Tulsidas says: a leader should be like the mouth, which alone eats and drinks, yet with wisdom nourishes every limb.
दोहा 316#

राजधरम सरबसु एतनोई। जिमि मन माहँ मनोरथ गोई॥
बंधु प्रबोधु कीन्ह बहु भाँती। बिनु अधार मन तोषु न साँती॥
भरत सील गुर सचिव समाजू। सकुच सनेह बिबस रघुराजू॥
प्रभु करि कृपा पाँवरीं दीन्हीं। सादर भरत सीस धरि लीन्हीं॥
चरनपीठ करुनानिधान के। जनु जुग जामिक प्रजा प्रान के॥
संपुट भरत सनेह रतन के। आखर जुग जनु जीव जतन के॥
कुल कपाट कर कुसल करम के। बिमल नयन सेवा सुधरम के॥
भरत मुदित अवलंब लहे तें। अस सुख जस सिय रामु रहे तें॥

rājadharama sarabasu etanoī| jimi mana māham̐ manoratha goī||
baṃdhu prabodhu kīnha bahu bhām̐tī| binu adhāra mana toṣu na sām̐tī||
bharata sīla gura saciva samājū| sakuca saneha bibasa raghurājū||
prabhu kari kṛpā pām̐varīṃ dīnhīṃ| sādara bharata sīsa dhari līnhīṃ||
caranapīṭha karunānidhāna ke| janu juga jāmika prajā prāna ke||
saṃpuṭa bharata saneha ratana ke| ākhara juga janu jīva jatana ke||
kula kapāṭa kara kusala karama ke| bimala nayana sevā sudharama ke||
bharata mudita avalaṃba lahe teṃ| asa sukha jasa siya rāmu rahe teṃ||

दोहा 316
मागेउ बिदा प्रनामु करि राम लिए उर लाइ।
लोग उचाटे अमरपति कुटिल कुअवसरु पाइ॥316॥
māgeu bidā pranāmu kari rāma lie ura lāi|
loga ucāṭe amarapati kuṭila kuavasaru pāi||316||

राजधर्म का सारा सार इतना ही है, जैसे मन में मनोरथ छिपा रहता है। श्रीराम ने भाई को बहुत प्रकार से समझाया, पर किसी आधार के बिना उनके मन को संतोष और शांति नहीं मिली। भरतजी के शील, गुरु, मंत्रियों और समाज को देखकर रघुराज संकोच और स्नेह के वश हो गए। प्रभु ने कृपा करके अपनी पादुकाएँ (खड़ाऊँ) दीं और भरतजी ने उन्हें आदर से सिर पर रख लिया। वे पादुकाएँ मानो प्रजा के प्राणों के दो पहरेदार हैं, भरतजी के प्रेम-रत्न की डिबिया हैं, जीव की रक्षा के लिए राम नाम के दो अक्षर हैं, कुल के किवाड़ हैं, सत्कर्म के लिए कुशल हाथ और सेवा-धर्म के लिए निर्मल नेत्र हैं। यह सहारा पाकर भरतजी ऐसे प्रसन्न हुए मानो सीताजी और श्रीराम साथ रह गए हों। प्रणाम करके उन्होंने विदा माँगी और श्रीराम ने उन्हें हृदय से लगा लिया। इधर कुटिल इंद्र ने बुरा अवसर पाकर लोगों के मन उचाट कर दिए।
This is the whole essence of a king's duty, kept within as a wish is held in the mind. Rama consoled his brother in many ways, yet without some support Bharata's heart found no peace. Moved by Bharata's goodness, and by the guru, ministers and assembly, Rama was overcome with hesitation and love. In his grace the lord gave his sandals, and Bharata reverently placed them on his head. Those sandals of the merciful lord were like two guards of the people's lives, a casket for the jewel of Bharata's love, the two syllables of Rama's name that protect the soul, doors guarding the clan, skilled hands for good deeds and clear eyes for service and dharma. Having this support, Bharata was as happy as if Sita and Rama had stayed with him. Bowing, he asked leave, and Rama held him to his heart. Meanwhile the scheming Indra, seizing the moment, made the people restless to depart.
दोहा 317#

सो कुचालि सब कहँ भइ नीकी। अवधि आस सम जीवनि जी की॥
नतरु लखन सिय सम बियोगा। हहरि मरत सब लोग कुरोगा॥
रामकृपाँ अवरेब सुधारी। बिबुध धारि भइ गुनद गोहारी॥
भेंटत भुज भरि भाइ भरत सो। राम प्रेम रसु कहि न परत सो॥
तन मन बचन उमग अनुरागा। धीर धुरंधर धीरजु त्यागा॥
बारिज लोचन मोचत बारी। देखि दसा सुर सभा दुखारी॥
मुनिगन गुर धुर धीर जनक से। ग्यान अनल मन कसें कनक से॥
जे बिरंचि निरलेप उपाए। पदुम पत्र जिमि जग जल जाए॥

so kucāli saba kaham̐ bhai nīkī| avadhi āsa sama jīvani jī kī||
nataru lakhana siya sama biyogā| hahari marata saba loga kurogā||
rāmakṛpām̐ avareba sudhārī| bibudha dhāri bhai gunada gohārī||
bheṃṭata bhuja bhari bhāi bharata so| rāma prema rasu kahi na parata so||
tana mana bacana umaga anurāgā| dhīra dhuraṃdhara dhīraju tyāgā||
bārija locana mocata bārī| dekhi dasā sura sabhā dukhārī||
munigana gura dhura dhīra janaka se| gyāna anala mana kaseṃ kanaka se||
je biraṃci niralepa upāe| paduma patra jimi jaga jala jāe||

दोहा 317
तेउ बिलोकि रघुबर भरत प्रीति अनूप अपार।
भए मगन मन तन बचन सहित बिराग बिचार॥317॥
teu biloki raghubara bharata prīti anūpa apāra|
bhae magana mana tana bacana sahita birāga bicāra||317||

इंद्र की वह कुचाल सबके लिए अच्छी ही हुई, क्योंकि अवधि की आशा प्राणों को जीवित रखने वाली जड़ी के समान बन गई। नहीं तो लक्ष्मणजी और सीताजी जैसा वियोग होने पर सब लोग उस भयंकर रोग से घबराकर मर जाते। श्रीराम की कृपा से उलझन सुलझ गई और देवताओं की सेना भी सहायक बन गई। श्रीराम भाई भरत से भुजाओं में भरकर मिल रहे हैं; राम के प्रेम का वह रस कहा नहीं जा सकता। तन, मन और वचन में प्रेम उमड़ आया; धीरज के धुरंधर ने भी धीरज छोड़ दिया। कमल जैसे नेत्रों से आँसू बहने लगे; यह दशा देखकर देवताओं की सभा भी दुखी हो गई। मुनिगण, गुरु और जनकजी जैसे धीर, जिनके मन ज्ञान की आग में सोने-से कसे थे और जिन्हें ब्रह्मा ने जल में कमल-पत्र की तरह निर्लिप्त बनाया, वे भी श्रीराम और भरतजी का अनुपम, अपार प्रेम देखकर वैराग्य और विवेक सहित तन, मन और वचन से उसमें डूब गए।
Indra's trick turned out well for all, for the hope of the appointed term became like a herb that sustains life. Otherwise, with a separation like Lakshmana's and Sita's, everyone would have died of that dreadful affliction. By Rama's grace the tangle was set right, and the gods' meddling became a help. Rama embraced his brother Bharata in his arms; the joy of that love cannot be told. Love overflowed in body, mind and speech, and even the steadiest of the steady lost his composure. Tears flowed from his lotus eyes, and seeing this the assembly of gods grew sad. The sages, the guru and Janaka, firmest of the firm, who had tested their minds like gold in the fire of knowledge, whom Brahma made untouched by the world like a lotus leaf in water, even they, seeing the matchless, boundless love of Rama and Bharata, were immersed in it in body, mind and speech, detachment and reason included.
दोहा 318#

जहाँ जनक गुर मति भोरी। प्राकृत प्रीति कहत बड़ि खोरी॥
बरनत रघुबर भरत बियोगू। सुनि कठोर कबि जानिहि लोगू॥
सो सकोच रसु अकथ सुबानी। समउ सनेहु सुमिरि सकुचानी॥
भेंटि भरत रघुबर समुझाए। पुनि रिपुदवनु हरषि हियँ लाए॥
सेवक सचिव भरत रुख पाई। निज निज काज लगे सब जाई॥
सुनि दारुन दुखु दुहूँ समाजा। लगे चलन के साजन साजा॥
प्रभु पद पदुम बंदि दोउ भाई। चले सीस धरि राम रजाई॥
मुनि तापस बनदेव निहोरी। सब सनमानि बहोरि बहोरी॥

jahām̐ janaka gura mati bhorī| prākṛta prīti kahata baḍi khorī||
baranata raghubara bharata biyogū| suni kaṭhora kabi jānihi logū||
so sakoca rasu akatha subānī| samau sanehu sumiri sakucānī||
bheṃṭi bharata raghubara samujhāe| puni ripudavanu haraṣi hiyam̐ lāe||
sevaka saciva bharata rukha pāī| nija nija kāja lage saba jāī||
suni dāruna dukhu duhūm̐ samājā| lage calana ke sājana sājā||
prabhu pada paduma baṃdi dou bhāī| cale sīsa dhari rāma rajāī||
muni tāpasa banadeva nihorī| saba sanamāni bahori bahorī||

दोहा 318
लखनहि भेंटि प्रनामु करि सिर धरि सिय पद धूरि।
चले सप्रेम असीस सुनि सकल सुमंगल मूरि॥318॥
lakhanahi bheṃṭi pranāmu kari sira dhari siya pada dhūri|
cale saprema asīsa suni sakala sumaṃgala mūri||318||

जहाँ जनकजी और गुरु वसिष्ठजी की बुद्धि भी भोली हो गई, उस प्रेम को साधारण प्रेम कहना बड़ा दोष है। श्रीराम और भरतजी के वियोग का वर्णन करने पर लोग कवि को कठोर हृदय वाला समझेंगे। उस संकोच के रस का वर्णन नहीं हो सकता; कवि की वाणी उस समय और स्नेह को याद करके सकुचा गई। भरतजी से मिलकर श्रीराम ने उन्हें समझाया और फिर शत्रुघ्नजी को प्रसन्न होकर हृदय से लगा लिया। भरतजी का रुख पाकर सेवक और मंत्री अपने-अपने काम में लग गए। यह सुनकर दोनों समाजों में दारुण दुःख हुआ और वे चलने की तैयारी करने लगे। प्रभु के चरणकमलों की वंदना करके, श्रीराम की आज्ञा सिर पर धरकर दोनों भाई चले। मुनियों, तपस्वियों और वनदेवताओं से विनती करके और सबका बार-बार सम्मान करके, लक्ष्मणजी से मिलकर, प्रणाम करके, सीताजी के चरणों की धूल सिर पर रखकर और सब मंगलों के मूल आशीर्वाद सुनकर वे प्रेम से चल पड़े।
Where even the minds of Janaka and the guru were overwhelmed, to call that love ordinary would be a great error. If the poet were to describe the parting of Rama and Bharata, people would think him hard-hearted. That feeling of tender restraint is beyond words; the poet's speech, recalling the moment and the love, falls silent. Embracing Bharata, Rama consoled him, and then joyfully held Shatrughna to his heart. Servants and ministers, knowing Bharata's wish, went off to their tasks. Hearing this, both camps were struck with bitter grief and began preparing to leave. Bowing to the lord's lotus feet and bearing Rama's command on their heads, the two brothers set out. Entreating the sages, ascetics and forest deities and honouring all again and again, they embraced Lakshmana, bowed, placed the dust of Sita's feet on their heads, and, hearing blessings that are the source of all good, departed with love.
दोहा 319#

सानुज राम नृपहि सिर नाई। कीन्हि बहुत बिधि बिनय बड़ाई॥
देव दया बस बड़ दुखु पायउ। सहित समाज काननहिं आयउ॥
पुर पगु धारिअ देइ असीसा। कीन्ह धीर धरि गवनु महीसा॥
मुनि महिदेव साधु सनमाने। बिदा किए हरि हर सम जाने॥
सासु समीप गए दोउ भाई। फिरे बंदि पग आसिष पाई॥
कौसिक बामदेव जाबाली। पुरजन परिजन सचिव सुचाली॥
जथा जोगु करि बिनय प्रनामा। बिदा किए सब सानुज रामा॥
नारि पुरुष लघु मध्य बड़ेरे। सब सनमानि कृपानिधि फेरे॥

sānuja rāma nṛpahi sira nāī| kīnhi bahuta bidhi binaya baḍāī||
deva dayā basa baḍa dukhu pāyau| sahita samāja kānanahiṃ āyau||
pura pagu dhāria dei asīsā| kīnha dhīra dhari gavanu mahīsā||
muni mahideva sādhu sanamāne| bidā kie hari hara sama jāne||
sāsu samīpa gae dou bhāī| phire baṃdi paga āsiṣa pāī||
kausika bāmadeva jābālī| purajana parijana saciva sucālī||
jathā jogu kari binaya pranāmā| bidā kie saba sānuja rāmā||
nāri puruṣa laghu madhya baḍere| saba sanamāni kṛpānidhi phere||

दोहा 319
भरत मातु पद बंदि प्रभु सुचि सनेहँ मिलि भेंटि।
बिदा कीन्ह सजि पालकी सकुच सोच सब मेटि॥319॥
bharata mātu pada baṃdi prabhu suci saneham̐ mili bheṃṭi|
bidā kīnha saji pālakī sakuca soca saba meṭi||319||

छोटे भाई सहित श्रीराम ने राजा जनक को सिर नवाया और बहुत प्रकार से उनकी विनती और बड़ाई की: हे देव, आपने दया के कारण बड़ा दुःख पाया और समाज सहित वन में आए। अब आशीर्वाद देकर नगर पधारिए। राजा ने धीरज धरकर प्रस्थान किया। मुनियों, ब्राह्मणों और साधुओं को विष्णु और शिव के समान मानकर, उनका सम्मान करके विदा किया। दोनों भाई सास (सुनयनाजी) के पास गए और चरण-वंदना करके आशीर्वाद पाकर लौटे। विश्वामित्र, वामदेव, जाबालि, नगरवासी, परिजन और सदाचारी मंत्री, सबको यथायोग्य विनती और प्रणाम करके छोटे भाई सहित श्रीराम ने विदा किया। स्त्री-पुरुष, छोटे, मझले और बड़े, सबको कृपानिधि ने सम्मानपूर्वक लौटाया। फिर प्रभु ने भरतजी की माता (कैकेयी) के चरणों की वंदना की, पवित्र प्रेम से उनसे मिले, उनका सारा संकोच और सोच मिटाकर सजी हुई पालकी में उन्हें विदा किया।
Rama, with his younger brother, bowed to King Janaka and praised and entreated him in many ways: Lord, out of kindness you have suffered much and come to the forest with all your people. Now bless us and return to your city. The king, gathering his composure, set out. Rama honoured the sages, Brahmins and holy men, regarding them as Hari and Hara, and bade them farewell. The two brothers went to their mother-in-law, bowed at her feet and returned with her blessing. Vishvamitra, Vamadeva, Jabali, the townsfolk, kinsfolk and upright ministers were all sent off by Rama and his brother with fitting courtesy and salutations. Women and men, young, middle-aged and old, the merciful lord honoured and sent back. Then the lord bowed at the feet of Bharata's mother, met her with pure affection, removed all her shame and worry, and sent her off in a decorated palanquin.
दोहा 320#

परिजन मातु पितहि मिलि सीता। फिरी प्रानप्रिय प्रेम पुनीता॥
करि प्रनामु भेंटी सब सासू। प्रीति कहत कबि हियँ न हुलासू॥
सुनि सिख अभिमत आसिष पाई। रही सीय दुहु प्रीति समाई॥
रघुपति पटु पालकीं मगाईं। करि प्रबोधु सब मातु चढ़ाई॥
बार बार हिलि मिलि दुहु भाई। सम सनेहँ जननी पहुँचाई॥
साजि बाजि गज बाहन नाना। भरत भूप दल कीन्ह पयाना॥
हृदयँ रामु सिय लखन समेता। चले जाहिं सब लोग अचेता॥
बसह बाजि गज पसु हियँ हारें। चले जाहिं परबस मन मारें॥

parijana mātu pitahi mili sītā| phirī prānapriya prema punītā||
kari pranāmu bheṃṭī saba sāsū| prīti kahata kabi hiyam̐ na hulāsū||
suni sikha abhimata āsiṣa pāī| rahī sīya duhu prīti samāī||
raghupati paṭu pālakīṃ magāīṃ| kari prabodhu saba mātu caḍhāī||
bāra bāra hili mili duhu bhāī| sama saneham̐ jananī pahum̐cāī||
sāji bāji gaja bāhana nānā| bharata bhūpa dala kīnha payānā||
hṛdayam̐ rāmu siya lakhana sametā| cale jāhiṃ saba loga acetā||
basaha bāji gaja pasu hiyam̐ hāreṃ| cale jāhiṃ parabasa mana māreṃ||

दोहा 320
गुर गुरतिय पद बंदि प्रभु सीता लखन समेत।
फिरे हरष बिसमय सहित आए परन निकेत॥320॥
gura guratiya pada baṃdi prabhu sītā lakhana sameta|
phire haraṣa bisamaya sahita āe parana niketa||320||

सीताजी अपने परिवार, माता और पिता से मिलकर लौटीं; वे प्रियतम को प्राणों के समान प्रिय और पवित्र प्रेम वाली हैं। प्रणाम करके वे सब सासुओं से मिलीं; उस प्रेम का वर्णन करने का कवि के हृदय में साहस नहीं। शिक्षा सुनकर और मनचाहा आशीर्वाद पाकर सीताजी दोनों ओर के प्रेम में डूबी रहीं। श्रीराम ने सुंदर पालकियाँ मँगवाईं और सब माताओं को समझाकर उनमें बैठाया। दोनों भाइयों ने बार-बार मिलकर समान स्नेह से माताओं को पहुँचाया। घोड़े, हाथी और अनेक वाहन सजाकर भरतजी और राजा जनक की सेनाओं ने प्रस्थान किया। हृदय में सीताजी और लक्ष्मणजी सहित श्रीराम को रखकर सब लोग सुध-बुध खोए चले जा रहे हैं। बैल, घोड़े, हाथी और पशु भी मन हारकर, उदास होकर विवश चले जा रहे हैं। गुरु और गुरुपत्नी के चरणों की वंदना करके प्रभु सीताजी और लक्ष्मणजी सहित हर्ष और विषाद के साथ पर्णकुटी में लौट आए।
Sita, dear to her lord as life and pure in love, returned after meeting her family, mother and father. Bowing, she embraced all her mothers-in-law; the poet's heart does not dare describe that love. Hearing their counsel and receiving the blessings she longed for, Sita remained absorbed in love for both families. Rama sent for fine palanquins and, consoling all the mothers, seated them inside. Embracing them again and again, the two brothers escorted the mothers with equal affection. With horses, elephants and many carriages arrayed, the hosts of Bharata and King Janaka set off. Holding Rama, Sita and Lakshmana in their hearts, all the people moved on as if in a daze. Even the bulls, horses, elephants and other animals walked on helplessly, dispirited and heartbroken. Bowing at the feet of the guru and his wife, the lord, with Sita and Lakshmana, returned to the leaf hut with mingled joy and sorrow.
दोहा 321#

बिदा कीन्ह सनमानि निषादू। चलेउ हृदयँ बड़ बिरह बिषादू॥
कोल किरात भिल्ल बनचारी। फेरे फिरे जोहारि जोहारी॥
प्रभु सिय लखन बैठि बट छाहीं। प्रिय परिजन बियोग बिलखाहीं॥
भरत सनेह सुभाउ सुबानी। प्रिया अनुज सन कहत बखानी॥
प्रीति प्रतीति बचन मन करनी। श्रीमुख राम प्रेम बस बरनी॥
तेहि अवसर खग मृग जल मीना। चित्रकूट चर अचर मलीना॥
बिबुध बिलोकि दसा रघुबर की। बरषि सुमन कहि गति घर घर की॥
प्रभु प्रनामु करि दीन्ह भरोसो। चले मुदित मन डर न खरो सो॥

bidā kīnha sanamāni niṣādū| caleu hṛdayam̐ baḍa biraha biṣādū||
kola kirāta bhilla banacārī| phere phire johāri johārī||
prabhu siya lakhana baiṭhi baṭa chāhīṃ| priya parijana biyoga bilakhāhīṃ||
bharata saneha subhāu subānī| priyā anuja sana kahata bakhānī||
prīti pratīti bacana mana karanī| śrīmukha rāma prema basa baranī||
tehi avasara khaga mṛga jala mīnā| citrakūṭa cara acara malīnā||
bibudha biloki dasā raghubara kī| baraṣi sumana kahi gati ghara ghara kī||
prabhu pranāmu kari dīnha bharoso| cale mudita mana ḍara na kharo so||

दोहा 321
सानुज सीय समेत प्रभु राजत परन कुटीर।
भगति ग्यानु बैराग्य जनु सोहत धरें सरीर॥321॥
sānuja sīya sameta prabhu rājata parana kuṭīra|
bhagati gyānu bairāgya janu sohata dhareṃ sarīra||321||

श्रीराम ने निषादराज गुह को सम्मान देकर विदा किया; वे हृदय में बड़ा विरह-दुःख लेकर चले। कोल, किरात, भील आदि वनवासी, लौटाए जाने पर बार-बार प्रणाम करके लौटे। प्रभु, सीताजी और लक्ष्मणजी बरगद की छाया में बैठकर प्रिय परिजनों के वियोग में दुखी हो रहे हैं। श्रीराम प्रिया और छोटे भाई से भरतजी के प्रेम, स्वभाव और सुंदर वाणी का बखान करते हैं। प्रेम के वश होकर श्रीराम ने अपने मुख से भरतजी की प्रीति, विश्वास और वचन, मन व कर्म का वर्णन किया। उस समय चित्रकूट के पक्षी, पशु, जल की मछलियाँ और सब जड़-चेतन उदास हो गए। श्रीराम की दशा देखकर देवताओं ने फूल बरसाए और अपने-अपने घर की दशा (अपना कष्ट) कह सुनाई। प्रभु ने प्रणाम करके उन्हें भरोसा दिया, और वे प्रसन्न मन से चले, उनके मन में तनिक भी डर नहीं रहा। छोटे भाई और सीताजी सहित प्रभु पर्णकुटी में ऐसे शोभित हैं मानो भक्ति, ज्ञान और वैराग्य शरीर धारण करके सुशोभित हों।
Rama honoured the Nishada chief Guha and bade him farewell; he left with great sorrow of parting in his heart. The Kols, Kiratas, Bhils and other forest dwellers, when sent back, went home bowing again and again. The lord, Sita and Lakshmana sat in the shade of a banyan tree, grieving at being parted from their dear ones. Rama praised Bharata's love, nature and gentle words to Sita and Lakshmana. Overcome with love, Rama with his own lips described Bharata's affection, faith, and his truth in word, mind and deed. At that time the birds, beasts, fish and all things moving and unmoving on Chitrakoot were downcast. Seeing Rama's state, the gods rained flowers and told him of their troubles at home. The lord bowed and reassured them, and they left glad at heart, without a trace of fear. The lord, with his brother and Sita, shone in the leaf hut like devotion, knowledge and detachment in bodily form.
दोहा 322#

मुनि महिसुर गुर भरत भुआलू। राम बिरहँ सबु साजु बिहालू॥
प्रभु गुन ग्राम गनत मन माहीं। सब चुपचाप चले मग जाहीं॥
जमुना उतरि पार सबु भयऊ। सो बासरु बिनु भोजन गयऊ॥
उतरि देवसरि दूसर बासू। रामसखाँ सब कीन्ह सुपासू॥
सई उतरि गोमतीं नहाए। चौथें दिवस अवधपुर आए।
जनकु रहे पुर बासर चारी। राज काज सब साज सँभारी॥
सौंपि सचिव गुर भरतहि राजू। तेरहुति चले साजि सबु साजू॥
नगर नारि नर गुर सिख मानी। बसे सुखेन राम रजधानी॥

muni mahisura gura bharata bhuālū| rāma biraham̐ sabu sāju bihālū||
prabhu guna grāma ganata mana māhīṃ| saba cupacāpa cale maga jāhīṃ||
jamunā utari pāra sabu bhayaū| so bāsaru binu bhojana gayaū||
utari devasari dūsara bāsū| rāmasakhām̐ saba kīnha supāsū||
saī utari gomatīṃ nahāe| cautheṃ divasa avadhapura āe|
janaku rahe pura bāsara cārī| rāja kāja saba sāja sam̐bhārī||
sauṃpi saciva gura bharatahi rājū| terahuti cale sāji sabu sājū||
nagara nāri nara gura sikha mānī| base sukhena rāma rajadhānī||

दोहा 322
राम दरस लगि लोग सब करत नेम उपबास।
तजि तजि भूषन भोग सुख जिअत अवधि कीं आस॥322॥
rāma darasa lagi loga saba karata nema upabāsa|
taji taji bhūṣana bhoga sukha jiata avadhi kīṃ āsa||322||

मुनि, ब्राह्मण, गुरु वसिष्ठजी, भरतजी और राजा जनक, सारा समाज श्रीराम के विरह में व्याकुल है। मन ही मन प्रभु के गुणों को गिनते हुए सब चुपचाप रास्ते पर चले जा रहे हैं। यमुनाजी पार करके सब उस पार हो गए; वह दिन बिना भोजन के बीता। गंगाजी पार करके दूसरा पड़ाव हुआ, जहाँ श्रीराम के सखा (गुह) ने सबका अच्छा प्रबंध किया। फिर सई नदी पार करके गोमतीजी में स्नान किया और चौथे दिन सब अयोध्या पहुँचे। जनकजी चार दिन नगर में रहे और राज्य के सब काम-काज और व्यवस्था सँभाली। फिर राज्य मंत्रियों, गुरुजी और भरतजी को सौंपकर, सब साज सजाकर तिरहुत को चले। नगर के स्त्री-पुरुष गुरु की सीख मानकर श्रीराम की राजधानी में सुख से रहने लगे। श्रीराम के दर्शन के लिए सब लोग नियम और उपवास करते हैं; गहने, भोग और सुख छोड़कर केवल अवधि की आशा पर जी रहे हैं।
The sages, Brahmins, the guru, Bharata and King Janaka, the whole company, were stricken by separation from Rama. Counting the lord's virtues in their hearts, they all walked the road in silence. They crossed the Yamuna, and that day passed without food. After crossing the Ganga they made their second halt, where Rama's friend Guha saw to everyone's comfort. Crossing the Sai and bathing in the Gomati, they reached Ayodhya on the fourth day. Janaka stayed in the city four days, putting all the affairs of the kingdom in order. Then, entrusting the realm to the ministers, the guru and Bharata, he set out for Tirhut with his retinue. The men and women of the city, heeding the guru's counsel, lived peacefully in Rama's capital. For the sake of seeing Rama again, everyone kept vows and fasts, gave up ornaments, pleasures and comforts, and lived only on the hope of the term's end.
दोहा 323#

सचिव सुसेवक भरत प्रबोधे। निज निज काज पाइ पाइ सिख ओधे॥
पुनि सिख दीन्ह बोलि लघु भाई। सौंपी सकल मातु सेवकाई॥
भूसुर बोलि भरत कर जोरे। करि प्रनाम बय बिनय निहोरे॥
ऊँच नीच कारजु भल पोचू। आयसु देब न करब सँकोचू॥
परिजन पुरजन प्रजा बोलाए। समाधानु करि सुबस बसाए॥
सानुज गे गुर गेहँ बहोरी। करि दंडवत कहत कर जोरी॥
आयसु होइ त रहौं सनेमा। बोले मुनि तन पुलकि सपेमा॥
समुझब कहब करब तुम्ह जोई। धरम सारु जग होइहि सोई॥

saciva susevaka bharata prabodhe| nija nija kāja pāi pāi sikha odhe||
puni sikha dīnha boli laghu bhāī| sauṃpī sakala mātu sevakāī||
bhūsura boli bharata kara jore| kari pranāma baya binaya nihore||
ūm̐ca nīca kāraju bhala pocū| āyasu deba na karaba sam̐kocū||
parijana purajana prajā bolāe| samādhānu kari subasa basāe||
sānuja ge gura geham̐ bahorī| kari daṃḍavata kahata kara jorī||
āyasu hoi ta rahauṃ sanemā| bole muni tana pulaki sapemā||
samujhaba kahaba karaba tumha joī| dharama sāru jaga hoihi soī||

दोहा 323
सुनि सिख पाइ असीस बड़ि गनक बोलि दिनु साधि।
सिंघासन प्रभु पादुका बैठारे निरुपाधि॥323॥
suni sikha pāi asīsa baḍi ganaka boli dinu sādhi|
siṃghāsana prabhu pādukā baiṭhāre nirupādhi||323||

भरतजी ने मंत्रियों और अच्छे सेवकों को समझाया; वे सब शिक्षा पाकर अपने-अपने काम में लग गए। फिर छोटे भाई शत्रुघ्नजी को बुलाकर सीख दी और सब माताओं की सेवा उन्हें सौंप दी। ब्राह्मणों को बुलाकर भरतजी ने हाथ जोड़े, प्रणाम करके उनकी आयु के अनुसार विनयपूर्वक निवेदन किया कि ऊँचा-नीचा, अच्छा-बुरा जो भी काम हो, आप बिना संकोच आज्ञा दीजिएगा। परिजन, नगरवासी और प्रजा को बुलाकर उन्हें समझा-बुझाकर सुख से बसाया। फिर छोटे भाई के साथ गुरु के घर गए और दंडवत करके हाथ जोड़कर बोले, आपकी आज्ञा हो तो मैं नियमपूर्वक रहूँ। मुनि प्रेम से पुलकित होकर बोले, तुम जो कुछ समझोगे, कहोगे और करोगे, वही संसार में धर्म का सार होगा। यह शिक्षा सुनकर और बड़ा आशीर्वाद पाकर, ज्योतिषियों को बुलाकर शुभ दिन निकलवाकर भरतजी ने प्रभु की पादुकाओं को निर्विघ्न सिंहासन पर विराजमान किया।
Bharata instructed the ministers and loyal servants, and each, receiving guidance, set about his own work. Then he called his younger brother, counselled him, and entrusted to him the care of all the mothers. Summoning the Brahmins, Bharata joined his palms, bowed and humbly requested, as befitted their age: whatever task, high or low, good or bad, please command me without hesitation. He called the kinsfolk, townspeople and subjects, reassured them and settled them in comfort. Then with his brother he went to the guru's house, prostrated, and said with folded hands: With your permission I will live under strict vows. Thrilled with love, the sage replied: Whatever you understand, say and do will be the very essence of dharma in the world. Hearing this counsel and receiving great blessings, he called the astrologers, fixed an auspicious day, and without any hindrance installed the lord's sandals on the throne.
दोहा 324#

राम मातु गुर पद सिरु नाई। प्रभु पद पीठ रजायसु पाई॥
नंदिगावँ करि परन कुटीरा। कीन्ह निवासु धरम धुर धीरा॥
जटाजूट सिर मुनिपट धारी। महि खनि कुस साँथरी सँवारी॥
असन बसन बासन ब्रत नेमा। करत कठिन रिषिधरम सप्रेमा॥
भूषन बसन भोग सुख भूरी। मन तन बचन तजे तिन तूरी॥
अवध राजु सुर राजु सिहाई। दसरथ धनु सुनि धनदु लजाई॥
तेहिं पुर बसत भरत बिनु रागा। चंचरीक जिमि चंपक बागा॥
रमा बिलासु राम अनुरागी। तजत बमन जिमि जन बड़भागी॥

rāma mātu gura pada siru nāī| prabhu pada pīṭha rajāyasu pāī||
naṃdigāvam̐ kari parana kuṭīrā| kīnha nivāsu dharama dhura dhīrā||
jaṭājūṭa sira munipaṭa dhārī| mahi khani kusa sām̐tharī sam̐vārī||
asana basana bāsana brata nemā| karata kaṭhina riṣidharama sapremā||
bhūṣana basana bhoga sukha bhūrī| mana tana bacana taje tina tūrī||
avadha rāju sura rāju sihāī| dasaratha dhanu suni dhanadu lajāī||
tehiṃ pura basata bharata binu rāgā| caṃcarīka jimi caṃpaka bāgā||
ramā bilāsu rāma anurāgī| tajata bamana jimi jana baḍabhāgī||

दोहा 324
राम पेम भाजन भरतु बड़े न एहिं करतूति।
चातक हंस सराहिअत टेंक बिबेक बिभूति॥324॥
rāma pema bhājana bharatu baḍe na ehiṃ karatūti|
cātaka haṃsa sarāhiata ṭeṃka bibeka bibhūti||324||

श्रीराम की माता (कौसल्याजी) और गुरु के चरणों में सिर नवाकर और प्रभु की पादुकाओं की आज्ञा पाकर, धर्म की धुरी को धारण करने वाले धीर भरतजी ने नंदिग्राम में पर्णकुटी बनाकर निवास किया। सिर पर जटाजूट और शरीर पर मुनियों के वस्त्र धारण किए, धरती खोदकर कुश का बिछौना बनाया। भोजन, वस्त्र, बर्तन, व्रत और नियम में वे प्रेमपूर्वक ऋषियों का कठिन धर्म निभाते हैं। गहने, वस्त्र, भोग और सुख उन्होंने मन, तन, वचन से तिनके की तरह तोड़कर त्याग दिए। अयोध्या के राज्य से इंद्र का राज्य भी ईर्ष्या करता है और दशरथजी का धन सुनकर कुबेर लजाते हैं। वहाँ भरतजी अनासक्त ऐसे रहते हैं जैसे चंपा के बाग में भौंरा। श्रीराम के प्रेमी बड़भागी जन लक्ष्मी के विलास को वमन की तरह त्याग देते हैं। भरतजी श्रीराम के प्रेम के पात्र हैं; वे इस करनी से बड़े नहीं कहलाते, जैसे चातक अपनी टेक के लिए और हंस अपने विवेक के लिए सराहे जाते हैं।
Bowing to the feet of Rama's mother and the guru, and receiving leave from the lord's sandals, Bharata, steadfast upholder of dharma, built a leaf hut at Nandigram and lived there. He wore matted locks and a hermit's garments, and dug the ground to make a bed of kusha grass. In food, clothing, vessels, vows and observances, he lovingly followed the hard discipline of the sages. Ornaments, fine clothes, pleasures and every comfort he gave up in mind, body and speech, as one snaps a blade of straw. Ayodhya's kingdom was envied even by Indra's realm, and Kubera was ashamed on hearing of Dasharatha's wealth. Yet Bharata lived in that city without attachment, like a bee in a champak garden. Fortunate lovers of Rama cast off the luxuries of Lakshmi as one casts off vomit. Bharata, vessel of Rama's love, is not made great by this deed; the chataka and the swan are praised for their steadfastness and discernment.
दोहा 325#

देह दिनहुँ दिन दूबरि होई। घटइ तेजु बलु मुखछबि सोई॥
नित नव राम प्रेम पनु पीना। बढ़त धरम दलु मनु न मलीना॥
जिमि जलु निघटत सरद प्रकासे। बिलसत बेतस बनज बिकासे॥
सम दम संजम नियम उपासा। नखत भरत हिय बिमल अकासा॥
ध्रुव बिस्वास अवधि राका सी। स्वामि सुरति सुरबीथि बिकासी॥
राम पेम बिधु अचल अदोषा। सहित समाज सोह नित चोखा॥
भरत रहनि समुझनि करतूती। भगति बिरति गुन बिमल बिभूती॥
बरनत सकल सुकबि सकुचाहीं। सेस गनेस गिरा गमु नाहीं॥

deha dinahum̐ dina dūbari hoī| ghaṭai teju balu mukhachabi soī||
nita nava rāma prema panu pīnā| baḍhata dharama dalu manu na malīnā||
jimi jalu nighaṭata sarada prakāse| bilasata betasa banaja bikāse||
sama dama saṃjama niyama upāsā| nakhata bharata hiya bimala akāsā||
dhruva bisvāsa avadhi rākā sī| svāmi surati surabīthi bikāsī||
rāma pema bidhu acala adoṣā| sahita samāja soha nita cokhā||
bharata rahani samujhani karatūtī| bhagati birati guna bimala bibhūtī||
baranata sakala sukabi sakucāhīṃ| sesa ganesa girā gamu nāhīṃ||

दोहा 325
नित पूजत प्रभु पाँवरी प्रीति न हृदयँ समाति॥
मागि मागि आयसु करत राज काज बहु भाँति॥325॥
nita pūjata prabhu pām̐varī prīti na hṛdayam̐ samāti||
māgi māgi āyasu karata rāja kāja bahu bhām̐ti||325||

भरतजी का शरीर दिन-दिन दुबला होता जाता है; तेज और बल घटते हैं, पर मुख की शोभा वैसी ही बनी रहती है। श्रीराम के प्रेम का प्रण नित नया और पुष्ट होता है, धर्म का दल बढ़ता है और मन मलिन नहीं होता। जैसे शरद के प्रकाश में जल घटता है, पर बेंत शोभित होते हैं और कमल खिलते हैं। शम, दम, संयम, नियम और उपवास भरतजी के हृदय रूपी निर्मल आकाश के तारे हैं। विश्वास ध्रुवतारा है, अवधि पूर्णिमा जैसी है, और स्वामी की स्मृति आकाशगंगा जैसी फैली है। श्रीराम का प्रेम अचल और निर्दोष चंद्रमा है, जो अपने समाज (तारों) सहित नित्य उजला शोभित है। भरतजी की रहनी, समझ, करनी, भक्ति, वैराग्य और निर्मल गुणों का वर्णन करने में श्रेष्ठ कवि सकुचाते हैं; शेष, गणेश और सरस्वती भी नहीं पहुँच पाते। वे नित्य प्रभु की पादुकाओं की पूजा करते हैं, हृदय में प्रेम समाता नहीं, और उनसे बार-बार आज्ञा माँगकर बहुत प्रकार से राज्य का काम करते हैं।
Bharata's body grew thinner day by day; his vigour and strength declined, yet the beauty of his face stayed the same. His vow of love for Rama grew ever new and stronger, the forces of dharma increased, and his mind stayed unclouded. It was like autumn, when the waters shrink yet the reeds flourish and lotuses bloom. Calm, self-control, restraint, observances and fasts were the stars in the clear sky of Bharata's heart. Firm faith was the pole star, the awaited term like the full moon, and remembrance of his master shone like the Milky Way. Love for Rama was the moon, steady and spotless, always shining bright amid its company of stars. Good poets hesitate to describe Bharata's way of life, understanding, deeds, devotion, detachment and pure virtues; even Shesha, Ganesha and Saraswati cannot reach them. Daily he worshipped the lord's sandals with overflowing love, and asking their leave again and again, carried out the tasks of the kingdom.
सोरठा 326#

पुलक गात हियँ सिय रघुबीरू। जीह नामु जप लोचन नीरू॥
लखन राम सिय कानन बसहीं। भरतु भवन बसि तप तनु कसहीं॥
दोउ दिसि समुझि कहत सबु लोगू। सब बिधि भरत सराहन जोगू॥
सुनि ब्रत नेम साधु सकुचाहीं। देखि दसा मुनिराज लजाहीं॥
परम पुनीत भरत आचरनू। मधुर मंजु मुद मंगल करनू॥
हरन कठिन कलि कलुष कलेसू। महामोह निसि दलन दिनेसू॥
पाप पुंज कुंजर मृगराजू। समन सकल संताप समाजू।
जन रंजन भंजन भव भारू। राम सनेह सुधाकर सारू॥

pulaka gāta hiyam̐ siya raghubīrū| jīha nāmu japa locana nīrū||
lakhana rāma siya kānana basahīṃ| bharatu bhavana basi tapa tanu kasahīṃ||
dou disi samujhi kahata sabu logū| saba bidhi bharata sarāhana jogū||
suni brata nema sādhu sakucāhīṃ| dekhi dasā munirāja lajāhīṃ||
parama punīta bharata ācaranū| madhura maṃju muda maṃgala karanū||
harana kaṭhina kali kaluṣa kalesū| mahāmoha nisi dalana dinesū||
pāpa puṃja kuṃjara mṛgarājū| samana sakala saṃtāpa samājū|
jana raṃjana bhaṃjana bhava bhārū| rāma saneha sudhākara sārū||

छंद
सिय राम प्रेम पियूष पूरन होत जनमु न भरत को।
मुनि मन अगम जम नियम सम दम बिषम ब्रत आचरत को॥
दुख दाह दारिद दंभ दूषन सुजस मिस अपहरत को।
कलिकाल तुलसी से सठन्हि हठि राम सनमुख करत को॥
siya rāma prema piyūṣa pūrana hota janamu na bharata ko|
muni mana agama jama niyama sama dama biṣama brata ācarata ko||
dukha dāha dārida daṃbha dūṣana sujasa misa apaharata ko|
kalikāla tulasī se saṭhanhi haṭhi rāma sanamukha karata ko||

सोरठा 326
भरत चरित करि नेमु तुलसी जो सादर सुनहिं।
सीय राम पद पेमु अवसि होइ भव रस बिरति॥326॥
bharata carita kari nemu tulasī jo sādara sunahiṃ|
sīya rāma pada pemu avasi hoi bhava rasa birati||326||

भरतजी का शरीर पुलकित है, हृदय में सीताराम हैं, जीभ नाम जपती है और आँखों में आँसू हैं। श्रीराम, लक्ष्मणजी और सीताजी वन में रहते हैं, और भरतजी घर में रहकर तप से शरीर कसते हैं। दोनों ओर देखकर सब कहते हैं कि भरतजी हर तरह सराहनीय हैं। उनके व्रत-नियम देखकर साधु-मुनि भी लजाते हैं। भरतजी का आचरण परम पवित्र, मधुर और मंगलकारी है; कलियुग के पाप-क्लेश हरने वाला, महामोह की रात का सूर्य, पाप रूपी हाथियों के लिए सिंह, सब संतापों को शांत करने वाला, भक्तों को आनंद देने वाला, भव-भार मिटाने वाला और राम-प्रेम रूपी चंद्रमा का सार है। यदि सीताराम-प्रेम से भरे भरतजी न जन्मे होते, तो मुनियों को भी कठिन व्रत कौन करता? अपने सुयश से दुःख, दरिद्रता, दंभ और दोष कौन हरता? कलियुग में तुलसी जैसे शठों को हठपूर्वक राम के सम्मुख कौन करता? जो नियम और आदर से भरत-चरित्र सुनेंगे, उन्हें अवश्य सीताराम के चरणों में प्रेम और संसार से वैराग्य होगा।
Bharata's body thrills, Sita and Rama dwell in his heart, his tongue repeats the Name and tears fill his eyes. Rama, Lakshmana and Sita live in the forest, while Bharata at home wears down his body with austerity. Seeing both, all say Bharata deserves every praise. Saints and sages are humbled by his vows. His holy, sweet conduct removes the sins of the Kali age; it is a sun against delusion's night, a lion against the elephants of sin, a calmer of affliction, a joy to devotees, the essence of the moon of love for Rama. Had Bharata not been born, who would keep vows hard even for sages? Who, through his fame, would remove sorrow, poverty, pride and faults? Who in this Kali age would turn rogues like Tulsi toward Rama? Those who hear Bharata's story with reverence will surely gain love for Sita and Rama's feet and detachment from worldly pleasures.
मासपारायण, इक्कीसवाँ विश्रामDay 21 of the 30-day Masparayan ends here
इति श्रीमद्रामचरितमानसे सकलकलिकलुषविध्वंसने द्वितीयः सोपानः समाप्तः।

Completed Ayodhya Kand — Part 9?

Mark Masparayan day 21 done, light a diya, or share the path with family.

Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.

Ayodhya Kand — Part 9 — text

Completed Ayodhya Kand — Part 9?