Ayodhya Kand — Part 7 — text
-
दोहा 177#
मोहि उपदेसु दीन्ह गुर नीका। प्रजा सचिव संमत सबही का॥
मातु उचित धरि आयसु दीन्हा। अवसि सीस धरि चाहउँ कीन्हा॥
गुर पितु मातु स्वामि हित बानी। सुनि मन मुदित करिअ भलि जानी॥
उचित कि अनुचित किएँ बिचारू। धरमु जाइ सिर पातक भारू॥
तुम्ह तौ देहु सरल सिख सोई। जो आचरत मोर भल होई॥
जद्यपि यह समुझत हउँ नीकें। तदपि होत परितोषु न जी कें॥
अब तुम्ह बिनय मोरि सुनि लेहू। मोहि अनुहरत सिखावनु देहू॥
ऊतरु देउँ छमब अपराधू। दुखित दोष गुन गनहिं न साधू॥mohi upadesu dīnha gura nīkā| prajā saciva saṃmata sabahī kā||
mātu ucita dhari āyasu dīnhā| avasi sīsa dhari cāhaum̐ kīnhā||
gura pitu mātu svāmi hita bānī| suni mana mudita karia bhali jānī||
ucita ki anucita kiem̐ bicārū| dharamu jāi sira pātaka bhārū||
tumha tau dehu sarala sikha soī| jo ācarata mora bhala hoī||
jadyapi yaha samujhata haum̐ nīkeṃ| tadapi hota paritoṣu na jī keṃ||
aba tumha binaya mori suni lehū| mohi anuharata sikhāvanu dehū||
ūtaru deum̐ chamaba aparādhū| dukhita doṣa guna ganahiṃ na sādhū||दोहा 177पितु सुरपुर सिय रामु बन करन कहहु मोहि राजु।
एहि तें जानहु मोर हित कै आपन बड़ काजु॥177॥pitu surapura siya rāmu bana karana kahahu mohi rāju|
ehi teṃ jānahu mora hita kai āpana baḍa kāju||177|| -
दोहा 178#
हित हमार सियपति सेवकाई। सो हरि लीन्ह मातु कुटिलाई॥
मैं अनुमानि दीख मन माहीं। आन उपायँ मोर हित नाहीं॥
सोक समाजु राजु केहि लेखें। लखन राम सिय बिनु पद देखें॥
बादि बसन बिनु भूषन भारू। बादि बिरति बिनु ब्रह्म बिचारू॥
सरुज सरीर बादि बहु भोगा। बिनु हरिभगति जायँ जप जोगा॥
जायँ जीव बिनु देह सुहाई। बादि मोर सबु बिनु रघुराई॥
जाउँ राम पहिं आयसु देहू। एकहिं आँक मोर हित एहू॥
मोहि नृप करि भल आपन चहहू। सोउ सनेह जड़ता बस कहहू॥hita hamāra siyapati sevakāī| so hari līnha mātu kuṭilāī||
maiṃ anumāni dīkha mana māhīṃ| āna upāyam̐ mora hita nāhīṃ||
soka samāju rāju kehi lekheṃ| lakhana rāma siya binu pada dekheṃ||
bādi basana binu bhūṣana bhārū| bādi birati binu brahma bicārū||
saruja sarīra bādi bahu bhogā| binu haribhagati jāyam̐ japa jogā||
jāyam̐ jīva binu deha suhāī| bādi mora sabu binu raghurāī||
jāum̐ rāma pahiṃ āyasu dehū| ekahiṃ ām̐ka mora hita ehū||
mohi nṛpa kari bhala āpana cahahū| sou saneha jaḍatā basa kahahū||दोहा 178कैकेई सुअ कुटिलमति राम बिमुख गतलाज।
तुम्ह चाहत सुखु मोहबस मोहि से अधम कें राज॥178॥kaikeī sua kuṭilamati rāma bimukha gatalāja|
tumha cāhata sukhu mohabasa mohi se adhama keṃ rāja||178|| -
दोहा 179#
कहउँ साँचु सब सुनि पतिआहू। चाहिअ धरमसील नरनाहू॥
मोहि राजु हठि देइहहु जबहीं। रसा रसातल जाइहि तबहीं॥
मोहि समान को पाप निवासू। जेहि लगि सीय राम बनबासू॥
रायँ राम कहुँ काननु दीन्हा। बिछुरत गमनु अमरपुर कीन्हा॥
मैं सठु सब अनरथ कर हेतू। बैठ बात सब सुनउँ सचेतू॥
बिनु रघुबीर बिलोकि अबासू। रहे प्रान सहि जग उपहासू॥
राम पुनीत बिषय रस रूखे। लोलुप भूमि भोग के भूखे॥
कहँ लगि कहौं हृदय कठिनाई। निदरि कुलिसु जेहिं लही बड़ाई॥kahaum̐ sām̐cu saba suni patiāhū| cāhia dharamasīla naranāhū||
mohi rāju haṭhi deihahu jabahīṃ| rasā rasātala jāihi tabahīṃ||
mohi samāna ko pāpa nivāsū| jehi lagi sīya rāma banabāsū||
rāyam̐ rāma kahum̐ kānanu dīnhā| bichurata gamanu amarapura kīnhā||
maiṃ saṭhu saba anaratha kara hetū| baiṭha bāta saba sunaum̐ sacetū||
binu raghubīra biloki abāsū| rahe prāna sahi jaga upahāsū||
rāma punīta biṣaya rasa rūkhe| lolupa bhūmi bhoga ke bhūkhe||
kaham̐ lagi kahauṃ hṛdaya kaṭhināī| nidari kulisu jehiṃ lahī baḍāī||दोहा 179कारन तें कारजु कठिन होइ दोसु नहिं मोर।
कुलिस अस्थि तें उपल तें लोह कराल कठोर॥179॥kārana teṃ kāraju kaṭhina hoi dosu nahiṃ mora|
kulisa asthi teṃ upala teṃ loha karāla kaṭhora||179|| -
दोहा 180#
कैकेई भव तनु अनुरागे। पावँर प्रान अघाइ अभागे॥
जौं प्रिय बिरहँ प्रान प्रिय लागे। देखब सुनब बहुत अब आगे॥
लखन राम सिय कहुँ बनु दीन्हा। पठइ अमरपुर पति हित कीन्हा॥
लीन्ह बिधवपन अपजसु आपू। दीन्हेउ प्रजहि सोकु संतापू॥
मोहि दीन्ह सुखु सुजसु सुराजू। कीन्ह कैकेईं सब कर काजू॥
एहि तें मोर काह अब नीका। तेहि पर देन कहहु तुम्ह टीका॥
कैकइ जठर जनमि जग माहीं। यह मोहि कहँ कछु अनुचित नाहीं॥
मोरि बात सब बिधिहिं बनाई। प्रजा पाँच कत करहु सहाई॥kaikeī bhava tanu anurāge| pāvam̐ra prāna aghāi abhāge||
jauṃ priya biraham̐ prāna priya lāge| dekhaba sunaba bahuta aba āge||
lakhana rāma siya kahum̐ banu dīnhā| paṭhai amarapura pati hita kīnhā||
līnha bidhavapana apajasu āpū| dīnheu prajahi soku saṃtāpū||
mohi dīnha sukhu sujasu surājū| kīnha kaikeīṃ saba kara kājū||
ehi teṃ mora kāha aba nīkā| tehi para dena kahahu tumha ṭīkā||
kaikai jaṭhara janami jaga māhīṃ| yaha mohi kaham̐ kachu anucita nāhīṃ||
mori bāta saba bidhihiṃ banāī| prajā pām̐ca kata karahu sahāī||दोहा 180ग्रह ग्रहीत पुनि बात बस तेहि पुनि बीछी मार।
तेहि पिआइअ बारुनी कहहु काह उपचार॥180॥graha grahīta puni bāta basa tehi puni bīchī māra|
tehi piāia bārunī kahahu kāha upacāra||180|| -
दोहा 181#
कैकइ सुअन जोगु जग जोई। चतुर बिरंचि दीन्ह मोहि सोई॥
दसरथ तनय राम लघु भाई। दीन्हि मोहि बिधि बादि बड़ाई॥
तुम्ह सब कहहु कढ़ावन टीका। राय रजायसु सब कहँ नीका॥
उतरु देउँ केहि बिधि केहि केही। कहहु सुखेन जथा रुचि जेही॥
मोहि कुमातु समेत बिहाई। कहहु कहिहि के कीन्ह भलाई॥
मो बिनु को सचराचर माहीं। जेहि सिय रामु प्रानप्रिय नाहीं॥
परम हानि सब कहँ बड़ लाहू। अदिनु मोर नहिं दूषन काहू॥
संसय सील प्रेम बस अहहू। सबुइ उचित सब जो कछु कहहू॥kaikai suana jogu jaga joī| catura biraṃci dīnha mohi soī||
dasaratha tanaya rāma laghu bhāī| dīnhi mohi bidhi bādi baḍāī||
tumha saba kahahu kaḍhāvana ṭīkā| rāya rajāyasu saba kaham̐ nīkā||
utaru deum̐ kehi bidhi kehi kehī| kahahu sukhena jathā ruci jehī||
mohi kumātu sameta bihāī| kahahu kahihi ke kīnha bhalāī||
mo binu ko sacarācara māhīṃ| jehi siya rāmu prānapriya nāhīṃ||
parama hāni saba kaham̐ baḍa lāhū| adinu mora nahiṃ dūṣana kāhū||
saṃsaya sīla prema basa ahahū| sabui ucita saba jo kachu kahahū||दोहा 181राम मातु सुठि सरलचित मो पर प्रेमु बिसेषि।
कहइ सुभाय सनेह बस मोरि दीनता देखि॥181।rāma mātu suṭhi saralacita mo para premu biseṣi|
kahai subhāya saneha basa mori dīnatā dekhi||181| -
दोहा 182#
गुर बिबेक सागर जगु जाना। जिन्हहि बिस्व कर बदर समाना॥
मो कहँ तिलक साज सज सोऊ। भएँ बिधि बिमुख बिमुख सबु कोऊ॥
परिहरि रामु सीय जग माहीं। कोउ न कहिहि मोर मत नाहीं॥
सो मैं सुनब सहब सुखु मानी। अंतहुँ कीच तहाँ जहँ पानी॥
डरु न मोहि जग कहिहि कि पोचू। परलोकहु कर नाहिन सोचू॥
एकइ उर बस दुसह दवारी। मोहि लगि भे सिय रामु दुखारी॥
जीवन लाहु लखन भल पावा। सबु तजि राम चरन मनु लावा॥
मोर जनम रघुबर बन लागी। झूठ काह पछिताउँ अभागी॥gura bibeka sāgara jagu jānā| jinhahi bisva kara badara samānā||
mo kaham̐ tilaka sāja saja soū| bhaem̐ bidhi bimukha bimukha sabu koū||
parihari rāmu sīya jaga māhīṃ| kou na kahihi mora mata nāhīṃ||
so maiṃ sunaba sahaba sukhu mānī| aṃtahum̐ kīca tahām̐ jaham̐ pānī||
ḍaru na mohi jaga kahihi ki pocū| paralokahu kara nāhina socū||
ekai ura basa dusaha davārī| mohi lagi bhe siya rāmu dukhārī||
jīvana lāhu lakhana bhala pāvā| sabu taji rāma carana manu lāvā||
mora janama raghubara bana lāgī| jhūṭha kāha pachitāum̐ abhāgī||दोहा 182आपनि दारुन दीनता कहउँ सबहि सिरु नाइ।
देखें बिनु रघुनाथ पद जिय कै जरनि न जाइ॥182॥āpani dāruna dīnatā kahaum̐ sabahi siru nāi|
dekheṃ binu raghunātha pada jiya kai jarani na jāi||182|| -
दोहा 183#
आन उपाउ मोहि नहिं सूझा। को जिय कै रघुबर बिनु बूझा॥
एकहिं आँक इहइ मन माहीं। प्रातकाल चलिहउँ प्रभु पाहीं॥
जद्यपि मैं अनभल अपराधी। भै मोहि कारन सकल उपाधी॥
तदपि सरन सनमुख मोहि देखी। छमि सब करिहहिं कृपा बिसेषी॥
सील सकुच सुठि सरल सुभाऊ। कृपा सनेह सदन रघुराऊ॥
अरिहुक अनभल कीन्ह न रामा। मैं सिसु सेवक जद्यपि बामा॥
तुम्ह पै पाँच मोर भल मानी। आयसु आसिष देहु सुबानी॥
जेहिं सुनि बिनय मोहि जनु जानी। आवहिं बहुरि रामु रजधानी॥āna upāu mohi nahiṃ sūjhā| ko jiya kai raghubara binu būjhā||
ekahiṃ ām̐ka ihai mana māhīṃ| prātakāla calihaum̐ prabhu pāhīṃ||
jadyapi maiṃ anabhala aparādhī| bhai mohi kārana sakala upādhī||
tadapi sarana sanamukha mohi dekhī| chami saba karihahiṃ kṛpā biseṣī||
sīla sakuca suṭhi sarala subhāū| kṛpā saneha sadana raghurāū||
arihuka anabhala kīnha na rāmā| maiṃ sisu sevaka jadyapi bāmā||
tumha pai pām̐ca mora bhala mānī| āyasu āsiṣa dehu subānī||
jehiṃ suni binaya mohi janu jānī| āvahiṃ bahuri rāmu rajadhānī||दोहा 183जद्यपि जनमु कुमातु तें मैं सठु सदा सदोस।
आपन जानि न त्यागिहहिं मोहि रघुबीर भरोस॥183॥jadyapi janamu kumātu teṃ maiṃ saṭhu sadā sadosa|
āpana jāni na tyāgihahiṃ mohi raghubīra bharosa||183|| -
दोहा 184#
भरत बचन सब कहँ प्रिय लागे। राम सनेह सुधाँ जनु पागे॥
लोग बियोग बिषम बिष दागे। मंत्र सबीज सुनत जनु जागे॥
मातु सचिव गुर पुर नर नारी। सकल सनेहँ बिकल भए भारी॥
भरतहि कहहिं सराहि सराही। राम प्रेम मूरति तनु आही॥
तात भरत अस काहे न कहहू। प्रान समान राम प्रिय अहहू॥
जो पावँरु अपनी जड़ताई। तुम्हहि सुगाइ मातु कुटिलाई॥
सो सठु कोटिक पुरुष समेता। बसिहि कलप सत नरक निकेता॥
अहि अघ अवगुन नहिं मनि गहई। हरइ गरल दुख दारिद दहई॥bharata bacana saba kaham̐ priya lāge| rāma saneha sudhām̐ janu pāge||
loga biyoga biṣama biṣa dāge| maṃtra sabīja sunata janu jāge||
mātu saciva gura pura nara nārī| sakala saneham̐ bikala bhae bhārī||
bharatahi kahahiṃ sarāhi sarāhī| rāma prema mūrati tanu āhī||
tāta bharata asa kāhe na kahahū| prāna samāna rāma priya ahahū||
jo pāvam̐ru apanī jaḍatāī| tumhahi sugāi mātu kuṭilāī||
so saṭhu koṭika puruṣa sametā| basihi kalapa sata naraka niketā||
ahi agha avaguna nahiṃ mani gahaī| harai garala dukha dārida dahaī||दोहा 184अवसि चलिअ बन रामु जहँ भरत मंत्रु भल कीन्ह।
सोक सिंधु बूड़त सबहि तुम्ह अवलंबनु दीन्ह॥184॥avasi calia bana rāmu jaham̐ bharata maṃtru bhala kīnha|
soka siṃdhu būḍata sabahi tumha avalaṃbanu dīnha||184|| -
दोहा 185#
भा सब कें मन मोदु न थोरा। जनु घन धुनि सुनि चातक मोरा॥
चलत प्रात लखि निरनउ नीके। भरतु प्रानप्रिय भे सबही के॥
मुनिहि बंदि भरतहि सिरु नाई। चले सकल घर बिदा कराई॥
धन्य भरत जीवनु जग माहीं। सीलु सनेहु सराहत जाहीं॥
कहहिं परसपर भा बड़ काजू। सकल चलै कर साजहिं साजू॥
जेहि राखहिं रहु घर रखवारी। सो जानइ जनु गरदनि मारी॥
कोउ कह रहन कहिअ नहिं काहू। को न चहइ जग जीवन लाहू॥bhā saba keṃ mana modu na thorā| janu ghana dhuni suni cātaka morā||
calata prāta lakhi niranau nīke| bharatu prānapriya bhe sabahī ke||
munihi baṃdi bharatahi siru nāī| cale sakala ghara bidā karāī||
dhanya bharata jīvanu jaga māhīṃ| sīlu sanehu sarāhata jāhīṃ||
kahahiṃ parasapara bhā baḍa kājū| sakala calai kara sājahiṃ sājū||
jehi rākhahiṃ rahu ghara rakhavārī| so jānai janu garadani mārī||
kou kaha rahana kahia nahiṃ kāhū| ko na cahai jaga jīvana lāhū||दोहा 185जरउ सो संपति सदन सुखु सुहृद मातु पितु भाइ।
सनमुख होत जो राम पद करै न सहस सहाइ॥185॥jarau so saṃpati sadana sukhu suhṛda mātu pitu bhāi|
sanamukha hota jo rāma pada karai na sahasa sahāi||185|| -
दोहा 186#
घर घर साजहिं बाहन नाना। हरषु हृदयँ परभात पयाना॥
भरत जाइ घर कीन्ह बिचारू। नगरु बाजि गज भवन भँडारू॥
संपति सब रघुपति कै आही। जौं बिनु जतन चलौं तजि ताही॥
तौ परिनाम न मोरि भलाई। पाप सिरोमनि साइँ दोहाई॥
करइ स्वामि हित सेवकु सोई। दूषन कोटि देइ किन कोई॥
अस बिचारि सुचि सेवक बोले। जे सपनेहुँ निज धरम न डोले॥
कहि सबु मरमु धरमु भल भाषा। जो जेहि लायक सो तेहिं राखा॥
करि सबु जतनु राखि रखवारे। राम मातु पहिं भरतु सिधारे॥ghara ghara sājahiṃ bāhana nānā| haraṣu hṛdayam̐ parabhāta payānā||
bharata jāi ghara kīnha bicārū| nagaru bāji gaja bhavana bham̐ḍārū||
saṃpati saba raghupati kai āhī| jauṃ binu jatana calauṃ taji tāhī||
tau parināma na mori bhalāī| pāpa siromani sāim̐ dohāī||
karai svāmi hita sevaku soī| dūṣana koṭi dei kina koī||
asa bicāri suci sevaka bole| je sapanehum̐ nija dharama na ḍole||
kahi sabu maramu dharamu bhala bhāṣā| jo jehi lāyaka so tehiṃ rākhā||
kari sabu jatanu rākhi rakhavāre| rāma mātu pahiṃ bharatu sidhāre||दोहा 186आरत जननी जानि सब भरत सनेह सुजान।
कहेउ बनावन पालकीं सजन सुखासन जान॥186॥ārata jananī jāni saba bharata saneha sujāna|
kaheu banāvana pālakīṃ sajana sukhāsana jāna||186|| -
दोहा 187#
चक्क चक्कि जिमि पुर नर नारी। चहत प्रात उर आरत भारी॥
जागत सब निसि भयउ बिहाना। भरत बोलाए सचिव सुजाना॥
कहेउ लेहु सबु तिलक समाजू। बनहिं देब मुनि रामहि राजू॥
बेगि चलहु सुनि सचिव जोहारे। तुरत तुरग रथ नाग सँवारे॥
अरुंधती अरु अगिनि समाऊ। रथ चढ़ि चले प्रथम मुनिराऊ॥
बिप्र बृंद चढ़ि बाहन नाना। चले सकल तप तेज निधाना॥
नगर लोग सब सजि सजि जाना। चित्रकूट कहँ कीन्ह पयाना॥
सिबिका सुभग न जाहिं बखानी। चढ़ि चढ़ि चलत भई सब रानी॥cakka cakki jimi pura nara nārī| cahata prāta ura ārata bhārī||
jāgata saba nisi bhayau bihānā| bharata bolāe saciva sujānā||
kaheu lehu sabu tilaka samājū| banahiṃ deba muni rāmahi rājū||
begi calahu suni saciva johāre| turata turaga ratha nāga sam̐vāre||
aruṃdhatī aru agini samāū| ratha caḍhi cale prathama munirāū||
bipra bṛṃda caḍhi bāhana nānā| cale sakala tapa teja nidhānā||
nagara loga saba saji saji jānā| citrakūṭa kaham̐ kīnha payānā||
sibikā subhaga na jāhiṃ bakhānī| caḍhi caḍhi calata bhaī saba rānī||दोहा 187सौंपि नगर सुचि सेवकनि सादर सकल चलाइ।
सुमिरि राम सिय चरन तब चले भरत दोउ भाइ॥187॥sauṃpi nagara suci sevakani sādara sakala calāi|
sumiri rāma siya carana taba cale bharata dou bhāi||187|| -
दोहा 188#
राम दरस बस सब नर नारी। जनु करि करिनि चले तकि बारी॥
बन सिय रामु समुझि मन माहीं। सानुज भरत पयादेहिं जाहीं॥
देखि सनेहु लोग अनुरागे। उतरि चले हय गय रथ त्यागे॥
जाइ समीप राखि निज डोली। राम मातु मृदु बानी बोली॥
तात चढ़हु रथ बलि महतारी। होइहि प्रिय परिवारु दुखारी॥
तुम्हरें चलत चलिहि सबु लोगू। सकल सोक कृस नहिं मग जोगू॥
सिर धरि बचन चरन सिरु नाई। रथ चढ़ि चलत भए दोउ भाई॥
तमसा प्रथम दिवस करि बासू। दूसर गोमति तीर निवासू॥rāma darasa basa saba nara nārī| janu kari karini cale taki bārī||
bana siya rāmu samujhi mana māhīṃ| sānuja bharata payādehiṃ jāhīṃ||
dekhi sanehu loga anurāge| utari cale haya gaya ratha tyāge||
jāi samīpa rākhi nija ḍolī| rāma mātu mṛdu bānī bolī||
tāta caḍhahu ratha bali mahatārī| hoihi priya parivāru dukhārī||
tumhareṃ calata calihi sabu logū| sakala soka kṛsa nahiṃ maga jogū||
sira dhari bacana carana siru nāī| ratha caḍhi calata bhae dou bhāī||
tamasā prathama divasa kari bāsū| dūsara gomati tīra nivāsū||दोहा 188पय अहार फल असन एक निसि भोजन एक लोग।
करत राम हित नेम ब्रत परिहरि भूषन भोग॥188॥paya ahāra phala asana eka nisi bhojana eka loga|
karata rāma hita nema brata parihari bhūṣana bhoga||188|| -
दोहा 189#
सई तीर बसि चले बिहाने। सृंगबेरपुर सब निअराने॥
समाचार सब सुने निषादा। हृदयँ बिचार करइ सबिषादा॥
कारन कवन भरतु बन जाहीं। है कछु कपट भाउ मन माहीं॥
जौं पै जियँ न होति कुटिलाई। तौ कत लीन्ह संग कटकाई॥
जानहिं सानुज रामहि मारी। करउँ अकंटक राजु सुखारी॥
भरत न राजनीति उर आनी। तब कलंकु अब जीवन हानी॥
सकल सुरासुर जुरहिं जुझारा। रामहि समर न जीतनिहारा॥
का आचरजु भरतु अस करहीं। नहिं बिष बेलि अमिअ फल फरहीं॥saī tīra basi cale bihāne| sṛṃgaberapura saba niarāne||
samācāra saba sune niṣādā| hṛdayam̐ bicāra karai sabiṣādā||
kārana kavana bharatu bana jāhīṃ| hai kachu kapaṭa bhāu mana māhīṃ||
jauṃ pai jiyam̐ na hoti kuṭilāī| tau kata līnha saṃga kaṭakāī||
jānahiṃ sānuja rāmahi mārī| karaum̐ akaṃṭaka rāju sukhārī||
bharata na rājanīti ura ānī| taba kalaṃku aba jīvana hānī||
sakala surāsura jurahiṃ jujhārā| rāmahi samara na jītanihārā||
kā ācaraju bharatu asa karahīṃ| nahiṃ biṣa beli amia phala pharahīṃ||दोहा 189अस बिचारि गुहँ ग्याति सन कहेउ सजग सब होहु।
हथवाँसहु बोरहु तरनि कीजिअ घाटारोहु॥189॥asa bicāri guham̐ gyāti sana kaheu sajaga saba hohu|
hathavām̐sahu borahu tarani kījia ghāṭārohu||189|| -
दोहा 190#
होहु सँजोइल रोकहु घाटा। ठाटहु सकल मरै के ठाटा॥
सनमुख लोह भरत सन लेऊँ। जिअत न सुरसरि उतरन देऊँ॥
समर मरनु पुनि सुरसरि तीरा। राम काजु छनभंगु सरीरा॥
भरत भाइ नृपु मैं जन नीचू। बड़ें भाग असि पाइअ मीचू॥
स्वामि काज करिहउँ रन रारी। जस धवलिहउँ भुवन दस चारी॥
तजउँ प्रान रघुनाथ निहोरें। दुहूँ हाथ मुद मोदक मोरें॥
साधु समाज न जाकर लेखा। राम भगत महुँ जासु न रेखा॥
जायँ जिअत जग सो महि भारू। जननी जौबन बिटप कुठारू॥hohu sam̐joila rokahu ghāṭā| ṭhāṭahu sakala marai ke ṭhāṭā||
sanamukha loha bharata sana leūm̐| jiata na surasari utarana deūm̐||
samara maranu puni surasari tīrā| rāma kāju chanabhaṃgu sarīrā||
bharata bhāi nṛpu maiṃ jana nīcū| baḍeṃ bhāga asi pāia mīcū||
svāmi kāja karihaum̐ rana rārī| jasa dhavalihaum̐ bhuvana dasa cārī||
tajaum̐ prāna raghunātha nihoreṃ| duhūm̐ hātha muda modaka moreṃ||
sādhu samāja na jākara lekhā| rāma bhagata mahum̐ jāsu na rekhā||
jāyam̐ jiata jaga so mahi bhārū| jananī jaubana biṭapa kuṭhārū||दोहा 190बिगत बिषाद निषादपति सबहि बढ़ाइ उछाहु।
सुमिरि राम मागेउ तुरत तरकस धनुष सनाहु॥190॥bigata biṣāda niṣādapati sabahi baḍhāi uchāhu|
sumiri rāma māgeu turata tarakasa dhanuṣa sanāhu||190|| -
दोहा 191#
बेगहु भाइहु सजहु सँजोऊ। सुनि रजाइ कदराइ न कोऊ॥
भलेहिं नाथ सब कहहिं सहरषा। एकहिं एक बढ़ावइ करषा॥
चले निषाद जोहारि जोहारी। सूर सकल रन रूचइ रारी॥
सुमिरि राम पद पंकज पनहीं। भाथीं बाँधि चढ़ाइन्हि धनहीं॥
अँगरी पहिरि कूँड़ि सिर धरहीं। फरसा बाँस सेल सम करहीं॥
एक कुसल अति ओड़न खाँड़े। कूदहि गगन मनहुँ छिति छाँड़े॥
निज निज साजु समाज बनाई। गुह राउतहि जोहारे जाई॥
देखि सुभट सब लायक जाने। लै लै नाम सकल सनमाने॥begahu bhāihu sajahu sam̐joū| suni rajāi kadarāi na koū||
bhalehiṃ nātha saba kahahiṃ saharaṣā| ekahiṃ eka baḍhāvai karaṣā||
cale niṣāda johāri johārī| sūra sakala rana rūcai rārī||
sumiri rāma pada paṃkaja panahīṃ| bhāthīṃ bām̐dhi caḍhāinhi dhanahīṃ||
am̐garī pahiri kūm̐ḍi sira dharahīṃ| pharasā bām̐sa sela sama karahīṃ||
eka kusala ati oḍana khām̐ḍe| kūdahi gagana manahum̐ chiti chām̐ḍe||
nija nija sāju samāja banāī| guha rāutahi johāre jāī||
dekhi subhaṭa saba lāyaka jāne| lai lai nāma sakala sanamāne||दोहा 191भाइहु लावहु धोख जनि आजु काज बड़ मोहि।
सुनि सरोष बोले सुभट बीर अधीर न होहि॥191॥bhāihu lāvahu dhokha jani āju kāja baḍa mohi|
suni saroṣa bole subhaṭa bīra adhīra na hohi||191|| -
दोहा 192#
राम प्रताप नाथ बल तोरे। करहिं कटकु बिनु भट बिनु घोरे॥
जीवत पाउ न पाछें धरहीं। रुंड मुंडमय मेदिनि करहीं॥
दीख निषादनाथ भल टोलू। कहेउ बजाउ जुझाऊ ढोलू॥
एतना कहत छींक भइ बाँए। कहेउ सगुनिअन्ह खेत सुहाए॥
बूढ़ एक कह सगुन बिचारी। भरतहि मिलिअ न होइहि रारी॥
रामहि भरत मनावन जाहीं। सगुन कहइ अस बिग्रहु नाहीं॥
सुनि गुह कहइ नीक कह बूढ़ा। सहसा करि पछिताहिं बिमूढ़ा॥
भरत सुभाउ सीलु बिनु बूझें। बड़ि हित हानि जानि बिनु जूझें॥rāma pratāpa nātha bala tore| karahiṃ kaṭaku binu bhaṭa binu ghore||
jīvata pāu na pācheṃ dharahīṃ| ruṃḍa muṃḍamaya medini karahīṃ||
dīkha niṣādanātha bhala ṭolū| kaheu bajāu jujhāū ḍholū||
etanā kahata chīṃka bhai bām̐e| kaheu sagunianha kheta suhāe||
būḍha eka kaha saguna bicārī| bharatahi milia na hoihi rārī||
rāmahi bharata manāvana jāhīṃ| saguna kahai asa bigrahu nāhīṃ||
suni guha kahai nīka kaha būḍhā| sahasā kari pachitāhiṃ bimūḍhā||
bharata subhāu sīlu binu būjheṃ| baḍi hita hāni jāni binu jūjheṃ||दोहा 192गहहु घाट भट समिटि सब लेउँ मरम मिलि जाइ।
बूझि मित्र अरि मध्य गति तस तब करिहउँ आइ॥192॥gahahu ghāṭa bhaṭa samiṭi saba leum̐ marama mili jāi|
būjhi mitra ari madhya gati tasa taba karihaum̐ āi||192|| -
दोहा 193#
लखन सनेहु सुभायँ सुहाएँ। बैरु प्रीति नहिं दुरइँ दुराएँ॥
अस कहि भेंट सँजोवन लागे। कंद मूल फल खग मृग मागे॥
मीन पीन पाठीन पुराने। भरि भरि भार कहारन्ह आने॥
मिलन साजु सजि मिलन सिधाए। मंगल मूल सगुन सुभ पाए॥
देखि दूरि तें कहि निज नामू। कीन्ह मुनीसहि दंड प्रनामू॥
जानि रामप्रिय दीन्हि असीसा। भरतहि कहेउ बुझाइ मुनीसा॥
राम सखा सुनि संदनु त्यागा। चले उतरि उमगत अनुरागा॥
गाउँ जाति गुहँ नाउँ सुनाई। कीन्ह जोहारु माथ महि लाई॥lakhana sanehu subhāyam̐ suhāem̐| bairu prīti nahiṃ duraim̐ durāem̐||
asa kahi bheṃṭa sam̐jovana lāge| kaṃda mūla phala khaga mṛga māge||
mīna pīna pāṭhīna purāne| bhari bhari bhāra kahāranha āne||
milana sāju saji milana sidhāe| maṃgala mūla saguna subha pāe||
dekhi dūri teṃ kahi nija nāmū| kīnha munīsahi daṃḍa pranāmū||
jāni rāmapriya dīnhi asīsā| bharatahi kaheu bujhāi munīsā||
rāma sakhā suni saṃdanu tyāgā| cale utari umagata anurāgā||
gāum̐ jāti guham̐ nāum̐ sunāī| kīnha johāru mātha mahi lāī||दोहा 193करत दंडवत देखि तेहि भरत लीन्ह उर लाइ।
मनहुँ लखन सन भेंट भइ प्रेम न हृदयँ समाइ॥193॥karata daṃḍavata dekhi tehi bharata līnha ura lāi|
manahum̐ lakhana sana bheṃṭa bhai prema na hṛdayam̐ samāi||193|| -
दोहा 194#
भेंटत भरतु ताहि अति प्रीती। लोग सिहाहिं प्रेम कै रीती॥
धन्य धन्य धुनि मंगल मूला। सुर सराहि तेहि बरिसहिं फूला॥
लोक बेद सब भाँतिहिं नीचा। जासु छाँह छुइ लेइअ सींचा॥
तेहि भरि अंक राम लघु भ्राता। मिलत पुलक परिपूरित गाता॥
राम राम कहि जे जमुहाहीं। तिन्हहि न पाप पुंज समुहाहीं॥
यह तौ राम लाइ उर लीन्हा। कुल समेत जगु पावन कीन्हा॥
करमनास जलु सुरसरि परई। तेहि को कहहु सीस नहिं धरई॥
उलटा नामु जपत जगु जाना। बालमीकि भए ब्रह्म समाना॥bheṃṭata bharatu tāhi ati prītī| loga sihāhiṃ prema kai rītī||
dhanya dhanya dhuni maṃgala mūlā| sura sarāhi tehi barisahiṃ phūlā||
loka beda saba bhām̐tihiṃ nīcā| jāsu chām̐ha chui leia sīṃcā||
tehi bhari aṃka rāma laghu bhrātā| milata pulaka paripūrita gātā||
rāma rāma kahi je jamuhāhīṃ| tinhahi na pāpa puṃja samuhāhīṃ||
yaha tau rāma lāi ura līnhā| kula sameta jagu pāvana kīnhā||
karamanāsa jalu surasari paraī| tehi ko kahahu sīsa nahiṃ dharaī||
ulaṭā nāmu japata jagu jānā| bālamīki bhae brahma samānā||दोहा 194स्वपच सबर खस जमन जड़ पावँर कोल किरात।
रामु कहत पावन परम होत भुवन बिख्यात॥194॥svapaca sabara khasa jamana jaḍa pāvam̐ra kola kirāta|
rāmu kahata pāvana parama hota bhuvana bikhyāta||194|| -
दोहा 195#
नहिं अचिरिजु जुग जुग चलि आई। केहि न दीन्हि रघुबीर बड़ाई॥
राम नाम महिमा सुर कहहीं। सुनि सुनि अवधलोग सुखु लहहीं॥
रामसखहि मिलि भरत सप्रेमा। पूँछी कुसल सुमंगल खेमा॥
देखि भरत कर सील सनेहू। भा निषाद तेहि समय बिदेहू॥
सकुच सनेहु मोदु मन बाढ़ा। भरतहि चितवत एकटक ठाढ़ा॥
धरि धीरजु पद बंदि बहोरी। बिनय सप्रेम करत कर जोरी॥
कुसल मूल पद पंकज पेखी। मैं तिहुँ काल कुसल निज लेखी॥
अब प्रभु परम अनुग्रह तोरें। सहित कोटि कुल मंगल मोरें॥nahiṃ aciriju juga juga cali āī| kehi na dīnhi raghubīra baḍāī||
rāma nāma mahimā sura kahahīṃ| suni suni avadhaloga sukhu lahahīṃ||
rāmasakhahi mili bharata sapremā| pūm̐chī kusala sumaṃgala khemā||
dekhi bharata kara sīla sanehū| bhā niṣāda tehi samaya bidehū||
sakuca sanehu modu mana bāḍhā| bharatahi citavata ekaṭaka ṭhāḍhā||
dhari dhīraju pada baṃdi bahorī| binaya saprema karata kara jorī||
kusala mūla pada paṃkaja pekhī| maiṃ tihum̐ kāla kusala nija lekhī||
aba prabhu parama anugraha toreṃ| sahita koṭi kula maṃgala moreṃ||दोहा 195समुझि मोरि करतूति कुलु प्रभु महिमा जियँ जोइ।
जो न भजइ रघुबीर पद जग बिधि बंचित सोइ॥195॥samujhi mori karatūti kulu prabhu mahimā jiyam̐ joi|
jo na bhajai raghubīra pada jaga bidhi baṃcita soi||195|| -
दोहा 196#
कपटी कायर कुमति कुजाती। लोक बेद बाहेर सब भाँती॥
राम कीन्ह आपन जबही तें। भयउँ भुवन भूषन तबही तें॥
देखि प्रीति सुनि बिनय सुहाई। मिलेउ बहोरि भरत लघु भाई॥
कहि निषाद निज नाम सुबानीं। सादर सकल जोहारीं रानीं॥
जानि लखन सम देहिं असीसा। जिअहु सुखी सय लाख बरीसा॥
निरखि निषादु नगर नर नारी। भए सुखी जनु लखनु निहारी॥
कहहिं लहेउ एहिं जीवन लाहू। भेंटेउ रामभद्र भरि बाहू॥
सुनि निषादु निज भाग बड़ाई। प्रमुदित मन लइ चलेउ लेवाई॥kapaṭī kāyara kumati kujātī| loka beda bāhera saba bhām̐tī||
rāma kīnha āpana jabahī teṃ| bhayaum̐ bhuvana bhūṣana tabahī teṃ||
dekhi prīti suni binaya suhāī| mileu bahori bharata laghu bhāī||
kahi niṣāda nija nāma subānīṃ| sādara sakala johārīṃ rānīṃ||
jāni lakhana sama dehiṃ asīsā| jiahu sukhī saya lākha barīsā||
nirakhi niṣādu nagara nara nārī| bhae sukhī janu lakhanu nihārī||
kahahiṃ laheu ehiṃ jīvana lāhū| bheṃṭeu rāmabhadra bhari bāhū||
suni niṣādu nija bhāga baḍāī| pramudita mana lai caleu levāī||दोहा 196सनकारे सेवक सकल चले स्वामि रुख पाइ।
घर तरु तर सर बाग बन बास बनाएन्हि जाइ॥196॥sanakāre sevaka sakala cale svāmi rukha pāi|
ghara taru tara sara bāga bana bāsa banāenhi jāi||196|| -
दोहा 197#
सृंगबेरपुर भरत दीख जब। भे सनेहँ सब अंग सिथिल तब॥
सोहत दिएँ निषादहि लागू। जनु तनु धरें बिनय अनुरागू॥
एहि बिधि भरत सेनु सबु संगा। दीखि जाइ जग पावनि गंगा॥
रामघाट कहँ कीन्ह प्रनामू। भा मनु मगनु मिले जनु रामू॥
करहिं प्रनाम नगर नर नारी। मुदित ब्रह्ममय बारि निहारी॥
करि मज्जनु मागहिं कर जोरी। रामचंद्र पद प्रीति न थोरी॥
भरत कहेउ सुरसरि तव रेनू। सकल सुखद सेवक सुरधेनू॥
जोरि पानि बर मागउँ एहू। सीय राम पद सहज सनेहू॥sṛṃgaberapura bharata dīkha jaba| bhe saneham̐ saba aṃga sithila taba||
sohata diem̐ niṣādahi lāgū| janu tanu dhareṃ binaya anurāgū||
ehi bidhi bharata senu sabu saṃgā| dīkhi jāi jaga pāvani gaṃgā||
rāmaghāṭa kaham̐ kīnha pranāmū| bhā manu maganu mile janu rāmū||
karahiṃ pranāma nagara nara nārī| mudita brahmamaya bāri nihārī||
kari majjanu māgahiṃ kara jorī| rāmacaṃdra pada prīti na thorī||
bharata kaheu surasari tava renū| sakala sukhada sevaka suradhenū||
jori pāni bara māgaum̐ ehū| sīya rāma pada sahaja sanehū||दोहा 197एहि बिधि मज्जनु भरतु करि गुर अनुसासन पाइ।
मातु नहानीं जानि सब डेरा चले लवाइ॥197॥ehi bidhi majjanu bharatu kari gura anusāsana pāi|
mātu nahānīṃ jāni saba ḍerā cale lavāi||197|| -
दोहा 198#
जहँ तहँ लोगन्ह डेरा कीन्हा। भरत सोधु सबही कर लीन्हा॥
सुर सेवा करि आयसु पाई। राम मातु पहिं गे दोउ भाई॥
चरन चाँपि कहि कहि मृदु बानी। जननीं सकल भरत सनमानी॥
भाइहि सौंपि मातु सेवकाई। आपु निषादहि लीन्ह बोलाई॥
चले सखा कर सों कर जोरें। सिथिल सरीर सनेह न थोरें॥
पूँछत सखहि सो ठाउँ देखाऊ। नेकु नयन मन जरनि जुड़ाऊ॥
जहँ सिय रामु लखनु निसि सोए। कहत भरे जल लोचन कोए॥
भरत बचन सुनि भयउ बिषादू। तुरत तहाँ लइ गयउ निषादू॥jaham̐ taham̐ loganha ḍerā kīnhā| bharata sodhu sabahī kara līnhā||
sura sevā kari āyasu pāī| rāma mātu pahiṃ ge dou bhāī||
carana cām̐pi kahi kahi mṛdu bānī| jananīṃ sakala bharata sanamānī||
bhāihi sauṃpi mātu sevakāī| āpu niṣādahi līnha bolāī||
cale sakhā kara soṃ kara joreṃ| sithila sarīra saneha na thoreṃ||
pūm̐chata sakhahi so ṭhāum̐ dekhāū| neku nayana mana jarani juḍāū||
jaham̐ siya rāmu lakhanu nisi soe| kahata bhare jala locana koe||
bharata bacana suni bhayau biṣādū| turata tahām̐ lai gayau niṣādū||दोहा 198जहँ सिंसुपा पुनीत तर रघुबर किय बिश्रामु।
अति सनेहँ सादर भरत कीन्हेउ दंड प्रनामु॥198॥jaham̐ siṃsupā punīta tara raghubara kiya biśrāmu|
ati saneham̐ sādara bharata kīnheu daṃḍa pranāmu||198|| -
दोहा 199#
कुस साँथरीíनिहारि सुहाई। कीन्ह प्रनामु प्रदच्छिन जाई॥
चरन रेख रज आँखिन्ह लाई। बनइ न कहत प्रीति अधिकाई॥
कनक बिंदु दुइ चारिक देखे। राखे सीस सीय सम लेखे॥
सजल बिलोचन हृदयँ गलानी। कहत सखा सन बचन सुबानी॥
श्रीहत सीय बिरहँ दुतिहीना। जथा अवध नर नारि बिलीना॥
पिता जनक देउँ पटतर केही। करतल भोगु जोगु जग जेही॥
ससुर भानुकुल भानु भुआलू। जेहि सिहात अमरावतिपालू॥
प्राननाथु रघुनाथ गोसाईं। जो बड़ होत सो राम बड़ाई॥kusa sām̐tharīínihāri suhāī| kīnha pranāmu pradacchina jāī||
carana rekha raja ām̐khinha lāī| banai na kahata prīti adhikāī||
kanaka biṃdu dui cārika dekhe| rākhe sīsa sīya sama lekhe||
sajala bilocana hṛdayam̐ galānī| kahata sakhā sana bacana subānī||
śrīhata sīya biraham̐ dutihīnā| jathā avadha nara nāri bilīnā||
pitā janaka deum̐ paṭatara kehī| karatala bhogu jogu jaga jehī||
sasura bhānukula bhānu bhuālū| jehi sihāta amarāvatipālū||
prānanāthu raghunātha gosāīṃ| jo baḍa hota so rāma baḍāī||दोहा 199पति देवता सुतीय मनि सीय साँथरी देखि।
बिहरत ह्रदउ न हहरि हर पबि तें कठिन बिसेषि॥199॥pati devatā sutīya mani sīya sām̐tharī dekhi|
biharata hradau na hahari hara pabi teṃ kaṭhina biseṣi||199|| -
दोहा 200#
लालन जोगु लखन लघु लोने। भे न भाइ अस अहहिं न होने॥
पुरजन प्रिय पितु मातु दुलारे। सिय रघुबीरहि प्रानपिआरे॥
मृदु मूरति सुकुमार सुभाऊ। तात बाउ तन लाग न काऊ॥
ते बन सहहिं बिपति सब भाँती। निदरे कोटि कुलिस एहिं छाती॥
राम जनमि जग कीन्ह उजागर। रूप सील सुख सब गुन सागर॥
पुरजन परिजन गुर पितु माता। राम सुभाउ सबहि सुखदाता॥
बैरिउ राम बड़ाई करहीं। बोलनि मिलनि बिनय मन हरहीं॥
सारद कोटि कोटि सत सेषा। करि न सकहिं प्रभु गुन गन लेखा॥lālana jogu lakhana laghu lone| bhe na bhāi asa ahahiṃ na hone||
purajana priya pitu mātu dulāre| siya raghubīrahi prānapiāre||
mṛdu mūrati sukumāra subhāū| tāta bāu tana lāga na kāū||
te bana sahahiṃ bipati saba bhām̐tī| nidare koṭi kulisa ehiṃ chātī||
rāma janami jaga kīnha ujāgara| rūpa sīla sukha saba guna sāgara||
purajana parijana gura pitu mātā| rāma subhāu sabahi sukhadātā||
bairiu rāma baḍāī karahīṃ| bolani milani binaya mana harahīṃ||
sārada koṭi koṭi sata seṣā| kari na sakahiṃ prabhu guna gana lekhā||दोहा 200सुखस्वरुप रघुबंसमनि मंगल मोद निधान।
ते सोवत कुस डासि महि बिधि गति अति बलवान॥200॥sukhasvarupa raghubaṃsamani maṃgala moda nidhāna|
te sovata kusa ḍāsi mahi bidhi gati ati balavāna||200|| -
सोरठा 201#
राम सुना दुखु कान न काऊ। जीवनतरु जिमि जोगवइ राउ॥
पलक नयन फनि मनि जेहि भाँती। जोगवहिं जननि सकल दिन राती॥
ते अब फिरत बिपिन पदचारी। कंद मूल फल फूल अहारी॥
धिग कैकेई अमंगल मूला। भइसि प्रान प्रियतम प्रतिकूला॥
मैं धिग धिग अघ उदधि अभागी। सबु उतपातु भयउ जेहि लागी॥
कुल कलंकु करि सृजेउ बिधाताँ। साइँदोह मोहि कीन्ह कुमाताँ॥
सुनि सप्रेम समुझाव निषादू। नाथ करिअ कत बादि बिषादू॥
राम तुम्हहि प्रिय तुम्ह प्रिय रामहि। यह निरजोसु दोसु बिधि बामहि॥rāma sunā dukhu kāna na kāū| jīvanataru jimi jogavai rāu||
palaka nayana phani mani jehi bhām̐tī| jogavahiṃ janani sakala dina rātī||
te aba phirata bipina padacārī| kaṃda mūla phala phūla ahārī||
dhiga kaikeī amaṃgala mūlā| bhaisi prāna priyatama pratikūlā||
maiṃ dhiga dhiga agha udadhi abhāgī| sabu utapātu bhayau jehi lāgī||
kula kalaṃku kari sṛjeu bidhātām̐| sāim̐doha mohi kīnha kumātām̐||
suni saprema samujhāva niṣādū| nātha karia kata bādi biṣādū||
rāma tumhahi priya tumha priya rāmahi| yaha nirajosu dosu bidhi bāmahi||छंदबिधि बाम को करनी कठिन जेहि मातु कीन्ही बावरी।
तेहि राति पुनि पुनि करहिं प्रभु सादर सरहना रावरी॥
तुलसी न तुम्ह सो राम प्रीतमु कहतु हौं सौहें किएँ।
परिनाम मंगल जानि अपने आनिए धीरजु हिएँ॥bidhi bāma ko karanī kaṭhina jehi mātu kīnhī bāvarī|
tehi rāti puni puni karahiṃ prabhu sādara sarahanā rāvarī||
tulasī na tumha so rāma prītamu kahatu hauṃ sauheṃ kiem̐|
parināma maṃgala jāni apane ānie dhīraju hiem̐||सोरठा 201अंतरजामी रामु सकुच सप्रेम कृपायतन।
चलिअ करिअ बिश्रामु यह बिचारि दृढ़ आनि मन॥201॥aṃtarajāmī rāmu sakuca saprema kṛpāyatana|
calia karia biśrāmu yaha bicāri dṛḍha āni mana||201|| -
दोहा 202#
सखा बचन सुनि उर धरि धीरा। बास चले सुमिरत रघुबीरा॥
यह सुधि पाइ नगर नर नारी। चले बिलोकन आरत भारी॥
परदखिना करि करहिं प्रनामा। देहिं कैकइहि खोरि निकामा॥
भरि भरि बारि बिलोचन लेंहीं। बाम बिधातहि दूषन देहीं॥
एक सराहहिं भरत सनेहू। कोउ कह नृपति निबाहेउ नेहू॥
निंदहिं आपु सराहि निषादहि। को कहि सकइ बिमोह बिषादहि॥
एहि बिधि राति लोग सब जागा। भा भिनुसार गुदारा लागा॥
गुरहि सुनावँ चढ़ाइ सुहाईं। नई नाव सब मातु चढ़ाई॥
दंड चारि महँ भा सबु पारा। उतरि भरत तब सबहि सँभारा॥sakhā bacana suni ura dhari dhīrā| bāsa cale sumirata raghubīrā||
yaha sudhi pāi nagara nara nārī| cale bilokana ārata bhārī||
paradakhinā kari karahiṃ pranāmā| dehiṃ kaikaihi khori nikāmā||
bhari bhari bāri bilocana leṃhīṃ| bāma bidhātahi dūṣana dehīṃ||
eka sarāhahiṃ bharata sanehū| kou kaha nṛpati nibāheu nehū||
niṃdahiṃ āpu sarāhi niṣādahi| ko kahi sakai bimoha biṣādahi||
ehi bidhi rāti loga saba jāgā| bhā bhinusāra gudārā lāgā||
gurahi sunāvam̐ caḍhāi suhāīṃ| naī nāva saba mātu caḍhāī||
daṃḍa cāri maham̐ bhā sabu pārā| utari bharata taba sabahi sam̐bhārā||दोहा 202प्रातक्रिया करि मातु पद बंदि गुरहि सिरु नाइ।
आगें किए निषाद गन दीन्हेउ कटकु चलाइ॥202॥prātakriyā kari mātu pada baṃdi gurahi siru nāi|
āgeṃ kie niṣāda gana dīnheu kaṭaku calāi||202|| -
दोहा 203#
कियउ निषादनाथु अगुआईं। मातु पालकीं सकल चलाईं॥
साथ बोलाइ भाइ लघु दीन्हा। बिप्रन्ह सहित गवनु गुर कीन्हा॥
आपु सुरसरिहि कीन्ह प्रनामू। सुमिरे लखन सहित सिय रामू॥
गवने भरत पयादेहिं पाए। कोतल संग जाहिं डोरिआए॥
कहहिं सुसेवक बारहिं बारा। होइअ नाथ अस्व असवारा॥
रामु पयादेहि पायँ सिधाए। हम कहँ रथ गज बाजि बनाए॥
सिर भर जाउँ उचित अस मोरा। सब तें सेवक धरमु कठोरा॥
देखि भरत गति सुनि मृदु बानी। सब सेवक गन गरहिं गलानी॥kiyau niṣādanāthu aguāīṃ| mātu pālakīṃ sakala calāīṃ||
sātha bolāi bhāi laghu dīnhā| bipranha sahita gavanu gura kīnhā||
āpu surasarihi kīnha pranāmū| sumire lakhana sahita siya rāmū||
gavane bharata payādehiṃ pāe| kotala saṃga jāhiṃ ḍoriāe||
kahahiṃ susevaka bārahiṃ bārā| hoia nātha asva asavārā||
rāmu payādehi pāyam̐ sidhāe| hama kaham̐ ratha gaja bāji banāe||
sira bhara jāum̐ ucita asa morā| saba teṃ sevaka dharamu kaṭhorā||
dekhi bharata gati suni mṛdu bānī| saba sevaka gana garahiṃ galānī||दोहा 203भरत तीसरे पहर कहँ कीन्ह प्रबेसु प्रयाग।
कहत राम सिय राम सिय उमगि उमगि अनुराग॥203॥bharata tīsare pahara kaham̐ kīnha prabesu prayāga|
kahata rāma siya rāma siya umagi umagi anurāga||203|| -
दोहा 204#
झलका झलकत पायन्ह कैसें। पंकज कोस ओस कन जैसें॥
भरत पयादेहिं आए आजू। भयउ दुखित सुनि सकल समाजू॥
खबरि लीन्ह सब लोग नहाए। कीन्ह प्रनामु त्रिबेनिहिं आए॥
सबिधि सितासित नीर नहाने। दिए दान महिसुर सनमाने॥
देखत स्यामल धवल हलोरे। पुलकि सरीर भरत कर जोरे॥
सकल काम प्रद तीरथराऊ। बेद बिदित जग प्रगट प्रभाऊ॥
मागउँ भीख त्यागि निज धरमू। आरत काह न करइ कुकरमू॥
अस जियँ जानि सुजान सुदानी। सफल करहिं जग जाचक बानी॥jhalakā jhalakata pāyanha kaiseṃ| paṃkaja kosa osa kana jaiseṃ||
bharata payādehiṃ āe ājū| bhayau dukhita suni sakala samājū||
khabari līnha saba loga nahāe| kīnha pranāmu tribenihiṃ āe||
sabidhi sitāsita nīra nahāne| die dāna mahisura sanamāne||
dekhata syāmala dhavala halore| pulaki sarīra bharata kara jore||
sakala kāma prada tīratharāū| beda bidita jaga pragaṭa prabhāū||
māgaum̐ bhīkha tyāgi nija dharamū| ārata kāha na karai kukaramū||
asa jiyam̐ jāni sujāna sudānī| saphala karahiṃ jaga jācaka bānī||दोहा 204अरथ न धरम न काम रुचि गति न चहउँ निरबान।
जनम जनम रति राम पद यह बरदान न आन॥204॥aratha na dharama na kāma ruci gati na cahaum̐ nirabāna|
janama janama rati rāma pada yaha baradāna na āna||204|| -
दोहा 205#
जानहुँ रामु कुटिल करि मोही। लोग कहउ गुर साहिब द्रोही॥
सीता राम चरन रति मोरें। अनुदिन बढ़उ अनुग्रह तोरें॥
जलद जनम भरि सुरति बिसारउ। जाचत जल पबि पाहन डारउ॥
चातक रटनि घटें घटि जाई। बढ़े प्रेम सब भाँति भलाई॥
कनकहिं बान चढ़इ जिमि दाहें। तिमि प्रियतम पद नेम निबाहें॥
भरत बचन सुनि माझ त्रिबेनी। भइ मृदु बानि सुमंगल देनी॥
तात भरत तुम्ह सब बिधि साधू। राम चरन अनुराग अगाधू॥
बादि गलानि करहु मन माहीं। तुम्ह सम रामहि कोउ प्रिय नाहीं॥jānahum̐ rāmu kuṭila kari mohī| loga kahau gura sāhiba drohī||
sītā rāma carana rati moreṃ| anudina baḍhau anugraha toreṃ||
jalada janama bhari surati bisārau| jācata jala pabi pāhana ḍārau||
cātaka raṭani ghaṭeṃ ghaṭi jāī| baḍhe prema saba bhām̐ti bhalāī||
kanakahiṃ bāna caḍhai jimi dāheṃ| timi priyatama pada nema nibāheṃ||
bharata bacana suni mājha tribenī| bhai mṛdu bāni sumaṃgala denī||
tāta bharata tumha saba bidhi sādhū| rāma carana anurāga agādhū||
bādi galāni karahu mana māhīṃ| tumha sama rāmahi kou priya nāhīṃ||दोहा 205तनु पुलकेउ हियँ हरषु सुनि बेनि बचन अनुकूल।
भरत धन्य कहि धन्य सुर हरषित बरषहिं फूल॥205॥tanu pulakeu hiyam̐ haraṣu suni beni bacana anukūla|
bharata dhanya kahi dhanya sura haraṣita baraṣahiṃ phūla||205|| -
दोहा 206#
प्रमुदित तीरथराज निवासी। बैखानस बटु गृही उदासी॥
कहहिं परसपर मिलि दस पाँचा। भरत सनेह सीलु सुचि साँचा॥
सुनत राम गुन ग्राम सुहाए। भरद्वाज मुनिबर पहिं आए॥
दंड प्रनामु करत मुनि देखे। मूरतिमंत भाग्य निज लेखे॥
धाइ उठाइ लाइ उर लीन्हे। दीन्हि असीस कृतारथ कीन्हे॥
आसन दीन्ह नाइ सिर बैठे। चहत सकुच गृह जनु भजि पैठे॥
मुनि पूँछब कछु यह बड़ सोचू। बोले रिषि लखि सील सँकोचू॥
सुनहु भरत हम सब सुधि पाई। बिधि करतब पर किछु न बसाई॥pramudita tīratharāja nivāsī| baikhānasa baṭu gṛhī udāsī||
kahahiṃ parasapara mili dasa pām̐cā| bharata saneha sīlu suci sām̐cā||
sunata rāma guna grāma suhāe| bharadvāja munibara pahiṃ āe||
daṃḍa pranāmu karata muni dekhe| mūratimaṃta bhāgya nija lekhe||
dhāi uṭhāi lāi ura līnhe| dīnhi asīsa kṛtāratha kīnhe||
āsana dīnha nāi sira baiṭhe| cahata sakuca gṛha janu bhaji paiṭhe||
muni pūm̐chaba kachu yaha baḍa socū| bole riṣi lakhi sīla sam̐kocū||
sunahu bharata hama saba sudhi pāī| bidhi karataba para kichu na basāī||दोहा 206तुम्ह गलानि जियँ जनि करहु समुझि मातु करतूति।
तात कैकइहि दोसु नहिं गई गिरा मति धूति॥206॥tumha galāni jiyam̐ jani karahu samujhi mātu karatūti|
tāta kaikaihi dosu nahiṃ gaī girā mati dhūti||206|| -
दोहा 207#
यहउ कहत भल कहिहि न कोऊ। लोक बेद बुध संमत दोऊ॥
तात तुम्हार बिमल जस गाई। पाइहि लोकउ बेद बड़ाई॥
लोक बेद संमत सब कहई। जेहि पितु देइ राज सो लहई॥
राउ सत्यब्रत तुम्हहि बोलाई। देत राज सुख धरम बड़ाई॥
राम गवनु बन अनरथ मूला। जो सुनि सकल बिस्व भइ सूला॥
सो भावी बस रानि अयानी। करि कुचालि अंतहुँ पछितानी॥
तहँउँ तुम्हार अलप अपराधू। कहइ सो अधम अयान असाधू॥
करतेहु राज त तुम्हहि न दोषू। रामहि होत सुनत संतोषू॥yahau kahata bhala kahihi na koū| loka beda budha saṃmata doū||
tāta tumhāra bimala jasa gāī| pāihi lokau beda baḍāī||
loka beda saṃmata saba kahaī| jehi pitu dei rāja so lahaī||
rāu satyabrata tumhahi bolāī| deta rāja sukha dharama baḍāī||
rāma gavanu bana anaratha mūlā| jo suni sakala bisva bhai sūlā||
so bhāvī basa rāni ayānī| kari kucāli aṃtahum̐ pachitānī||
taham̐um̐ tumhāra alapa aparādhū| kahai so adhama ayāna asādhū||
karatehu rāja ta tumhahi na doṣū| rāmahi hota sunata saṃtoṣū||दोहा 207अब अति कीन्हेहु भरत भल तुम्हहि उचित मत एहु।
सकल सुमंगल मूल जग रघुबर चरन सनेहु॥207॥aba ati kīnhehu bharata bhala tumhahi ucita mata ehu|
sakala sumaṃgala mūla jaga raghubara carana sanehu||207|| -
दोहा 208#
सो तुम्हार धनु जीवनु प्राना। भूरिभाग को तुम्हहि समाना॥
यह तुम्हार आचरजु न ताता। दसरथ सुअन राम प्रिय भ्राता॥
सुनहु भरत रघुबर मन माहीं। पेम पात्रु तुम्ह सम कोउ नाहीं॥
लखन राम सीतहि अति प्रीती। निसि सब तुम्हहि सराहत बीती॥
जाना मरमु नहात प्रयागा। मगन होहिं तुम्हरें अनुरागा॥
तुम्ह पर अस सनेह रघुबर के। सुख जीवन जग जस जड़ नर कें॥
यह न अधिक रघुबीर बड़ाई। प्रनत कुटुंब पाल रघुराई॥
तुम्ह तौ भरत मोर मत एहू। धरें देह जनु राम सनेहू॥so tumhāra dhanu jīvanu prānā| bhūribhāga ko tumhahi samānā||
yaha tumhāra ācaraju na tātā| dasaratha suana rāma priya bhrātā||
sunahu bharata raghubara mana māhīṃ| pema pātru tumha sama kou nāhīṃ||
lakhana rāma sītahi ati prītī| nisi saba tumhahi sarāhata bītī||
jānā maramu nahāta prayāgā| magana hohiṃ tumhareṃ anurāgā||
tumha para asa saneha raghubara ke| sukha jīvana jaga jasa jaḍa nara keṃ||
yaha na adhika raghubīra baḍāī| pranata kuṭuṃba pāla raghurāī||
tumha tau bharata mora mata ehū| dhareṃ deha janu rāma sanehū||दोहा 208तुम्ह कहँ भरत कलंक यह हम सब कहँ उपदेसु।
राम भगति रस सिद्धि हित भा यह समउ गनेसु॥208॥tumha kaham̐ bharata kalaṃka yaha hama saba kaham̐ upadesu|
rāma bhagati rasa siddhi hita bhā yaha samau ganesu||208|| -
दोहा 209#
नव बिधु बिमल तात जसु तोरा। रघुबर किंकर कुमुद चकोरा॥
उदित सदा अँथइहि कबहूँ ना। घटिहि न जग नभ दिन दिन दूना॥
कोक तिलोक प्रीति अति करिही। प्रभु प्रताप रबि छबिहि न हरिही॥
निसि दिन सुखद सदा सब काहू। ग्रसिहि न कैकइ करतबु राहू॥
पूरन राम सुपेम पियूषा। गुर अवमान दोष नहिं दूषा॥
राम भगत अब अमिअँ अघाहूँ। कीन्हेहु सुलभ सुधा बसुधाहूँ॥
भूप भगीरथ सुरसरि आनी। सुमिरत सकल सुमंगल खानी॥
दसरथ गुन गन बरनि न जाहीं। अधिकु कहा जेहि सम जग नाहीं॥nava bidhu bimala tāta jasu torā| raghubara kiṃkara kumuda cakorā||
udita sadā am̐thaihi kabahūm̐ nā| ghaṭihi na jaga nabha dina dina dūnā||
koka tiloka prīti ati karihī| prabhu pratāpa rabi chabihi na harihī||
nisi dina sukhada sadā saba kāhū| grasihi na kaikai karatabu rāhū||
pūrana rāma supema piyūṣā| gura avamāna doṣa nahiṃ dūṣā||
rāma bhagata aba amiam̐ aghāhūm̐| kīnhehu sulabha sudhā basudhāhūm̐||
bhūpa bhagīratha surasari ānī| sumirata sakala sumaṃgala khānī||
dasaratha guna gana barani na jāhīṃ| adhiku kahā jehi sama jaga nāhīṃ||दोहा 209जासु सनेह सकोच बस राम प्रगट भए आई॥
जे हर हिय नयननि कबहुँ निरखे नहीं अघाइ॥209॥jāsu saneha sakoca basa rāma pragaṭa bhae āī||
je hara hiya nayanani kabahum̐ nirakhe nahīṃ aghāi||209|| -
दोहा 210#
कीरति बिधु तुम्ह कीन्ह अनूपा। जहँ बस राम पेम मृगरूपा॥
तात गलानि करहु जियँ जाएँ। डरहु दरिद्रहि पारसु पाएँ॥॥
सुनहु भरत हम झूठ न कहहीं। उदासीन तापस बन रहहीं॥
सब साधन कर सुफल सुहावा। लखन राम सिय दरसनु पावा॥
तेहि फल कर फल दरस तुम्हारा। सहित पयाग सुभाग हमारा॥
भरत धन्य तुम्ह जसु जगु जयऊ। कहि अस पेम मगन पुनि भयऊ॥
सुनि मुनि बचन सभासद हरषे। साधु सराहि सुमन सुर बरषे॥
धन्य धन्य धुनि गगन पयागा। सुनि सुनि भरतु मगन अनुरागा॥kīrati bidhu tumha kīnha anūpā| jaham̐ basa rāma pema mṛgarūpā||
tāta galāni karahu jiyam̐ jāem̐| ḍarahu daridrahi pārasu pāem̐||||
sunahu bharata hama jhūṭha na kahahīṃ| udāsīna tāpasa bana rahahīṃ||
saba sādhana kara suphala suhāvā| lakhana rāma siya darasanu pāvā||
tehi phala kara phala darasa tumhārā| sahita payāga subhāga hamārā||
bharata dhanya tumha jasu jagu jayaū| kahi asa pema magana puni bhayaū||
suni muni bacana sabhāsada haraṣe| sādhu sarāhi sumana sura baraṣe||
dhanya dhanya dhuni gagana payāgā| suni suni bharatu magana anurāgā||दोहा 210पुलक गात हियँ रामु सिय सजल सरोरुह नैन।
करि प्रनामु मुनि मंडलिहि बोले गदगद बैन॥210॥pulaka gāta hiyam̐ rāmu siya sajala saroruha naina|
kari pranāmu muni maṃḍalihi bole gadagada baina||210|| -
दोहा 211#
मुनि समाजु अरु तीरथराजू। साँचिहुँ सपथ अघाइ अकाजू॥
एहिं थल जौं किछु कहिअ बनाई। एहि सम अधिक न अघ अधमाई॥
तुम्ह सर्बग्य कहउँ सतिभाऊ। उर अंतरजामी रघुराऊ॥
मोहि न मातु करतब कर सोचू। नहिं दुखु जियँ जगु जानिहि पोचू॥
नाहिन डरु बिगरिहि परलोकू। पितहु मरन कर मोहि न सोकू॥
सुकृत सुजस भरि भुअन सुहाए। लछिमन राम सरिस सुत पाए॥
राम बिरहँ तजि तनु छनभंगू। भूप सोच कर कवन प्रसंगू॥
राम लखन सिय बिनु पग पनहीं। करि मुनि बेष फिरहिं बन बनही॥muni samāju aru tīratharājū| sām̐cihum̐ sapatha aghāi akājū||
ehiṃ thala jauṃ kichu kahia banāī| ehi sama adhika na agha adhamāī||
tumha sarbagya kahaum̐ satibhāū| ura aṃtarajāmī raghurāū||
mohi na mātu karataba kara socū| nahiṃ dukhu jiyam̐ jagu jānihi pocū||
nāhina ḍaru bigarihi paralokū| pitahu marana kara mohi na sokū||
sukṛta sujasa bhari bhuana suhāe| lachimana rāma sarisa suta pāe||
rāma biraham̐ taji tanu chanabhaṃgū| bhūpa soca kara kavana prasaṃgū||
rāma lakhana siya binu paga panahīṃ| kari muni beṣa phirahiṃ bana banahī||दोहा 211अजिन बसन फल असन महि सयन डासि कुस पात।
बसि तरु तर नित सहत हिम आतप बरषा बात॥211॥ajina basana phala asana mahi sayana ḍāsi kusa pāta|
basi taru tara nita sahata hima ātapa baraṣā bāta||211|| -
दोहा 212#
एहि दुख दाहँ दहइ दिन छाती। भूख न बासर नीद न राती॥
एहि कुरोग कर औषधु नाहीं। सोधेउँ सकल बिस्व मन माहीं॥
मातु कुमत बढ़ई अघ मूला। तेहि हमार हित कीन्ह बँसूला॥
कलि कुकाठ कर कीन्ह कुजंत्रू। गाड़ि अवधि पढ़ि कठिन कुमंत्रु॥
मोहि लगि यह कुठाटु तेहि ठाटा। घालेसि सब जग बारहबाटा॥
मिटइ कुजोगु राम फिरि आएँ। बसइ अवध नहिं आन उपाएँ॥
भरत बचन सुनि मुनि सुखु पाई। सबहिं कीन्ह बहु भाँति बड़ाई॥
तात करहु जनि सोचु बिसेषी। सब दुखु मिटिहि राम पग देखी॥ehi dukha dāham̐ dahai dina chātī| bhūkha na bāsara nīda na rātī||
ehi kuroga kara auṣadhu nāhīṃ| sodheum̐ sakala bisva mana māhīṃ||
mātu kumata baḍhaī agha mūlā| tehi hamāra hita kīnha bam̐sūlā||
kali kukāṭha kara kīnha kujaṃtrū| gāḍi avadhi paḍhi kaṭhina kumaṃtru||
mohi lagi yaha kuṭhāṭu tehi ṭhāṭā| ghālesi saba jaga bārahabāṭā||
miṭai kujogu rāma phiri āem̐| basai avadha nahiṃ āna upāem̐||
bharata bacana suni muni sukhu pāī| sabahiṃ kīnha bahu bhām̐ti baḍāī||
tāta karahu jani socu biseṣī| saba dukhu miṭihi rāma paga dekhī||दोहा 212करि प्रबोधु मुनिबर कहेउ अतिथि पेमप्रिय होहु।
कंद मूल फल फूल हम देहिं लेहु करि छोहु॥212॥kari prabodhu munibara kaheu atithi pemapriya hohu|
kaṃda mūla phala phūla hama dehiṃ lehu kari chohu||212|| -
दोहा 213#
सुनि मुनि बचन भरत हियँ सोचू। भयउ कुअवसर कठिन सँकोचू॥
जानि गरुइ गुर गिरा बहोरी। चरन बंदि बोले कर जोरी॥
सिर धरि आयसु करिअ तुम्हारा। परम धरम यह नाथ हमारा॥
भरत बचन मुनिबर मन भाए। सुचि सेवक सिष निकट बोलाए॥
चाहिअ कीन्ह भरत पहुनाई। कंद मूल फल आनहु जाई॥
भलेहिं नाथ कहि तिन्ह सिर नाए। प्रमुदित निज निज काज सिधाए॥
मुनिहि सोच पाहुन बड़ नेवता। तसि पूजा चाहिअ जस देवता॥
सुनि रिधि सिधि अनिमादिक आई। आयसु होइ सो करहिं गोसाईं॥suni muni bacana bharata hiyam̐ socū| bhayau kuavasara kaṭhina sam̐kocū||
jāni garui gura girā bahorī| carana baṃdi bole kara jorī||
sira dhari āyasu karia tumhārā| parama dharama yaha nātha hamārā||
bharata bacana munibara mana bhāe| suci sevaka siṣa nikaṭa bolāe||
cāhia kīnha bharata pahunāī| kaṃda mūla phala ānahu jāī||
bhalehiṃ nātha kahi tinha sira nāe| pramudita nija nija kāja sidhāe||
munihi soca pāhuna baḍa nevatā| tasi pūjā cāhia jasa devatā||
suni ridhi sidhi animādika āī| āyasu hoi so karahiṃ gosāīṃ||दोहा 213राम बिरह ब्याकुल भरतु सानुज सहित समाज।
पहुनाई करि हरहु श्रम कहा मुदित मुनिराज॥213॥rāma biraha byākula bharatu sānuja sahita samāja|
pahunāī kari harahu śrama kahā mudita munirāja||213|| -
दोहा 214#
रिधि सिधि सिर धरि मुनिबर बानी। बड़भागिनि आपुहि अनुमानी॥
कहहिं परसपर सिधि समुदाई। अतुलित अतिथि राम लघु भाई॥
मुनि पद बंदि करिअ सोइ आजू। होइ सुखी सब राज समाजू॥
अस कहि रचे रुचिर गृह नाना। जेहि बिलोकि बिलखाहिं बिमाना॥
भोग बिभूति भूरि भरि राखे। देखत जिन्हहि अमर अभिलाषे॥
दासीं दास साजु सब लीन्हें। जोगवत रहहिं मनहि मनु दीन्हें॥
सब समाज सजि सिधि पल माहीं। जे सुख सुरपुर सपनेहुँ नाहीं॥
प्रथमहिं बास दिए सब केही। सुंदर सुखद जथा रुचि जेही॥ridhi sidhi sira dhari munibara bānī| baḍabhāgini āpuhi anumānī||
kahahiṃ parasapara sidhi samudāī| atulita atithi rāma laghu bhāī||
muni pada baṃdi karia soi ājū| hoi sukhī saba rāja samājū||
asa kahi race rucira gṛha nānā| jehi biloki bilakhāhiṃ bimānā||
bhoga bibhūti bhūri bhari rākhe| dekhata jinhahi amara abhilāṣe||
dāsīṃ dāsa sāju saba līnheṃ| jogavata rahahiṃ manahi manu dīnheṃ||
saba samāja saji sidhi pala māhīṃ| je sukha surapura sapanehum̐ nāhīṃ||
prathamahiṃ bāsa die saba kehī| suṃdara sukhada jathā ruci jehī||दोहा 214बहुरि सपरिजन भरत कहुँ रिषि अस आयसु दीन्ह।
बिधि बिसमय दायकु बिभव मुनिबर तपबल कीन्ह॥214॥bahuri saparijana bharata kahum̐ riṣi asa āyasu dīnha|
bidhi bisamaya dāyaku bibhava munibara tapabala kīnha||214|| -
दोहा 215#
मुनि प्रभाउ जब भरत बिलोका। सब लघु लगे लोकपति लोका॥
सुख समाज नहिं जाइ बखानी। देखत बिरति बिसारहीं ग्यानी॥
आसन सयन सुबसन बिताना। बन बाटिका बिहग मृग नाना॥
सुरभि फूल फल अमिअ समाना। बिमल जलासय बिबिध बिधाना।
असन पान सुचि अमिअ अमी से। देखि लोग सकुचात जमी से॥
सुर सुरभी सुरतरु सबही के। लखि अभिलाषु सुरेस सची के॥
रितु बसंत बह त्रिबिध बयारी। सब कहँ सुलभ पदारथ चारी॥
स्त्रक चंदन बनितादिक भोगा। देखि हरष बिसमय बस लोगा॥muni prabhāu jaba bharata bilokā| saba laghu lage lokapati lokā||
sukha samāja nahiṃ jāi bakhānī| dekhata birati bisārahīṃ gyānī||
āsana sayana subasana bitānā| bana bāṭikā bihaga mṛga nānā||
surabhi phūla phala amia samānā| bimala jalāsaya bibidha bidhānā|
asana pāna suci amia amī se| dekhi loga sakucāta jamī se||
sura surabhī surataru sabahī ke| lakhi abhilāṣu suresa sacī ke||
ritu basaṃta baha tribidha bayārī| saba kaham̐ sulabha padāratha cārī||
straka caṃdana banitādika bhogā| dekhi haraṣa bisamaya basa logā||दोहा 215संपति चकई भरतु चक मुनि आयस खेलवार॥
तेहि निसि आश्रम पिंजराँ राखे भा भिनुसार॥215॥saṃpati cakaī bharatu caka muni āyasa khelavāra||
tehi nisi āśrama piṃjarām̐ rākhe bhā bhinusāra||215|| -
मासपारायण, उन्नीसवाँ विश्रामDay 19 of the 30-day Masparayan ends here
🙏
Completed Ayodhya Kand — Part 7?
Mark Masparayan day 19 done, light a diya, or share the path with family.
Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.