Ramcharitmanas Ayodhya Kand Part 4 (Doha 94–116)

दोहा 94#

सखा समुझि अस परिहरि मोहू। सिय रघुबीर चरन रत होहू॥
कहत राम गुन भा भिनुसारा। जागे जग मंगल सुखदारा॥
सकल सोच करि राम नहावा। सुचि सुजान बट छीर मगावा॥
अनुज सहित सिर जटा बनाए। देखि सुमंत्र नयन जल छाए॥
हृदयँ दाहु अति बदन मलीना। कह कर जोरि बचन अति दीना॥
नाथ कहेउ अस कोसलनाथा। लै रथु जाहु राम कें साथा॥
बनु देखाइ सुरसरि अन्हवाई। आनेहु फेरि बेगि दोउ भाई॥
लखनु रामु सिय आनेहु फेरी। संसय सकल सँकोच निबेरी॥

sakhā samujhi asa parihari mohū| siya raghubīra carana rata hohū||
kahata rāma guna bhā bhinusārā| jāge jaga maṃgala sukhadārā||
sakala soca kari rāma nahāvā| suci sujāna baṭa chīra magāvā||
anuja sahita sira jaṭā banāe| dekhi sumaṃtra nayana jala chāe||
hṛdayam̐ dāhu ati badana malīnā| kaha kara jori bacana ati dīnā||
nātha kaheu asa kosalanāthā| lai rathu jāhu rāma keṃ sāthā||
banu dekhāi surasari anhavāī| ānehu pheri begi dou bhāī||
lakhanu rāmu siya ānehu pherī| saṃsaya sakala sam̐koca niberī||

दोहा 94
नृप अस कहेउ गोसाइँ जस कहइ करौं बलि सोइ।
करि बिनती पायन्ह परेउ दीन्ह बाल जिमि रोइ॥94॥
nṛpa asa kaheu gosāim̐ jasa kahai karauṃ bali soi|
kari binatī pāyanha pareu dīnha bāla jimi roi||94||
दोहा 95#

तात कृपा करि कीजिअ सोई। जातें अवध अनाथ न होई॥
मंत्रिहि राम उठाइ प्रबोधा। तात धरम मतु तुम्ह सबु सोधा॥
सिबि दधीचि हरिचंद नरेसा। सहे धरम हित कोटि कलेसा॥
रंतिदेव बलि भूप सुजाना। धरमु धरेउ सहि संकट नाना॥
धरमु न दूसर सत्य समाना। आगम निगम पुरान बखाना॥
मैं सोइ धरमु सुलभ करि पावा। तजें तिहूँ पुर अपजसु छावा॥
संभावित कहुँ अपजस लाहू। मरन कोटि सम दारुन दाहू॥
तुम्ह सन तात बहुत का कहउँ। दिएँ उतरु फिरि पातकु लहऊँ॥

tāta kṛpā kari kījia soī| jāteṃ avadha anātha na hoī||
maṃtrihi rāma uṭhāi prabodhā| tāta dharama matu tumha sabu sodhā||
sibi dadhīci haricaṃda naresā| sahe dharama hita koṭi kalesā||
raṃtideva bali bhūpa sujānā| dharamu dhareu sahi saṃkaṭa nānā||
dharamu na dūsara satya samānā| āgama nigama purāna bakhānā||
maiṃ soi dharamu sulabha kari pāvā| tajeṃ tihūm̐ pura apajasu chāvā||
saṃbhāvita kahum̐ apajasa lāhū| marana koṭi sama dāruna dāhū||
tumha sana tāta bahuta kā kahaum̐| diem̐ utaru phiri pātaku lahaūm̐||

दोहा 95
पितु पद गहि कहि कोटि नति बिनय करब कर जोरि।
चिंता कवनिहु बात कै तात करिअ जनि मोरि॥95॥
pitu pada gahi kahi koṭi nati binaya karaba kara jori|
ciṃtā kavanihu bāta kai tāta karia jani mori||95||
दोहा 96#

तुम्ह पुनि पितु सम अति हित मोरें। बिनती करउँ तात कर जोरें॥
सब बिधि सोइ करतब्य तुम्हारें। दुख न पाव पितु सोच हमारें॥
सुनि रघुनाथ सचिव संबादू। भयउ सपरिजन बिकल निषादू॥
पुनि कछु लखन कही कटु बानी। प्रभु बरजे बड़ अनुचित जानी॥
सकुचि राम निज सपथ देवाई। लखन सँदेसु कहिअ जनि जाई॥
कह सुमंत्रु पुनि भूप सँदेसू। सहि न सकिहि सिय बिपिन कलेसू॥
जेहि बिधि अवध आव फिरि सीया। सोइ रघुबरहि तुम्हहि करनीया॥
नतरु निपट अवलंब बिहीना। मैं न जिअब जिमि जल बिनु मीना॥

tumha puni pitu sama ati hita moreṃ| binatī karaum̐ tāta kara joreṃ||
saba bidhi soi karatabya tumhāreṃ| dukha na pāva pitu soca hamāreṃ||
suni raghunātha saciva saṃbādū| bhayau saparijana bikala niṣādū||
puni kachu lakhana kahī kaṭu bānī| prabhu baraje baḍa anucita jānī||
sakuci rāma nija sapatha devāī| lakhana sam̐desu kahia jani jāī||
kaha sumaṃtru puni bhūpa sam̐desū| sahi na sakihi siya bipina kalesū||
jehi bidhi avadha āva phiri sīyā| soi raghubarahi tumhahi karanīyā||
nataru nipaṭa avalaṃba bihīnā| maiṃ na jiaba jimi jala binu mīnā||

दोहा 96
मइकें ससरें सकल सुख जबहिं जहाँ मनु मान॥
तहँ तब रहिहि सुखेन सिय जब लगि बिपति बिहान॥96॥
maikeṃ sasareṃ sakala sukha jabahiṃ jahām̐ manu māna||
taham̐ taba rahihi sukhena siya jaba lagi bipati bihāna||96||
दोहा 97#

बिनती भूप कीन्ह जेहि भाँती। आरति प्रीति न सो कहि जाती॥
पितु सँदेसु सुनि कृपानिधाना। सियहि दीन्ह सिख कोटि बिधाना॥
सासु ससुर गुर प्रिय परिवारू। फिरहु त सब कर मिटै खभारू॥
सुनि पति बचन कहति बैदेही। सुनहु प्रानपति परम सनेही॥
प्रभु करुनामय परम बिबेकी। तनु तजि रहति छाँह किमि छेंकी॥
प्रभा जाइ कहँ भानु बिहाई। कहँ चंद्रिका चंदु तजि जाई॥
पतिहि प्रेममय बिनय सुनाई। कहति सचिव सन गिरा सुहाई॥
तुम्ह पितु ससुर सरिस हितकारी। उतरु देउँ फिरि अनुचित भारी॥

binatī bhūpa kīnha jehi bhām̐tī| ārati prīti na so kahi jātī||
pitu sam̐desu suni kṛpānidhānā| siyahi dīnha sikha koṭi bidhānā||
sāsu sasura gura priya parivārū| phirahu ta saba kara miṭai khabhārū||
suni pati bacana kahati baidehī| sunahu prānapati parama sanehī||
prabhu karunāmaya parama bibekī| tanu taji rahati chām̐ha kimi cheṃkī||
prabhā jāi kaham̐ bhānu bihāī| kaham̐ caṃdrikā caṃdu taji jāī||
patihi premamaya binaya sunāī| kahati saciva sana girā suhāī||
tumha pitu sasura sarisa hitakārī| utaru deum̐ phiri anucita bhārī||

दोहा 97
आरति बस सनमुख भइउँ बिलगु न मानब तात।
आरजसुत पद कमल बिनु बादि जहाँ लगि नात॥97॥
ārati basa sanamukha bhaium̐ bilagu na mānaba tāta|
ārajasuta pada kamala binu bādi jahām̐ lagi nāta||97||
दोहा 98#

पितु बैभव बिलास मैं डीठा। नृप मनि मुकुट मिलित पद पीठा॥
सुखनिधान अस पितु गृह मोरें। पिय बिहीन मन भाव न भोरें॥
ससुर चक्कवइ कोसलराऊ। भुवन चारिदस प्रगट प्रभाऊ॥
आगें होइ जेहि सुरपति लेई। अरध सिंघासन आसनु देई॥
ससुरु एतादृस अवध निवासू। प्रिय परिवारु मातु सम सासू॥
बिनु रघुपति पद पदुम परागा। मोहि केउ सपनेहुँ सुखद न लागा॥
अगम पंथ बनभूमि पहारा। करि केहरि सर सरित अपारा॥
कोल किरात कुरंग बिहंगा। मोहि सब सुखद प्रानपति संगा॥

pitu baibhava bilāsa maiṃ ḍīṭhā| nṛpa mani mukuṭa milita pada pīṭhā||
sukhanidhāna asa pitu gṛha moreṃ| piya bihīna mana bhāva na bhoreṃ||
sasura cakkavai kosalarāū| bhuvana cāridasa pragaṭa prabhāū||
āgeṃ hoi jehi surapati leī| aradha siṃghāsana āsanu deī||
sasuru etādṛsa avadha nivāsū| priya parivāru mātu sama sāsū||
binu raghupati pada paduma parāgā| mohi keu sapanehum̐ sukhada na lāgā||
agama paṃtha banabhūmi pahārā| kari kehari sara sarita apārā||
kola kirāta kuraṃga bihaṃgā| mohi saba sukhada prānapati saṃgā||

दोहा 98
सासु ससुर सन मोरि हुँति बिनय करबि परि पायँ॥
मोर सोचु जनि करिअ कछु मैं बन सुखी सुभायँ॥98॥
sāsu sasura sana mori hum̐ti binaya karabi pari pāyam̐||
mora socu jani karia kachu maiṃ bana sukhī subhāyam̐||98||
दोहा 99#

प्राननाथ प्रिय देवर साथा। बीर धुरीन धरें धनु भाथा॥
नहिं मग श्रमु भ्रमु दुख मन मोरें। मोहि लगि सोचु करिअ जनि भोरें॥
सुनि सुमंत्रु सिय सीतलि बानी। भयउ बिकल जनु फनि मनि हानी॥
नयन सूझ नहिं सुनइ न काना। कहि न सकइ कछु अति अकुलाना॥
राम प्रबोधु कीन्ह बहु भाँति। तदपि होति नहिं सीतलि छाती॥
जतन अनेक साथ हित कीन्हे। उचित उतर रघुनंदन दीन्हे॥
मेटि जाइ नहिं राम रजाई। कठिन करम गति कछु न बसाई॥
राम लखन सिय पद सिरु नाई। फिरेउ बनिक जिमि मूर गवाँई॥

prānanātha priya devara sāthā| bīra dhurīna dhareṃ dhanu bhāthā||
nahiṃ maga śramu bhramu dukha mana moreṃ| mohi lagi socu karia jani bhoreṃ||
suni sumaṃtru siya sītali bānī| bhayau bikala janu phani mani hānī||
nayana sūjha nahiṃ sunai na kānā| kahi na sakai kachu ati akulānā||
rāma prabodhu kīnha bahu bhām̐ti| tadapi hoti nahiṃ sītali chātī||
jatana aneka sātha hita kīnhe| ucita utara raghunaṃdana dīnhe||
meṭi jāi nahiṃ rāma rajāī| kaṭhina karama gati kachu na basāī||
rāma lakhana siya pada siru nāī| phireu banika jimi mūra gavām̐ī||

दोहा 99
रथ हाँकेउ हय राम तन हेरि हेरि हिहिनाहिं।
देखि निषाद बिषादबस धुनहिं सीस पछिताहिं॥99॥
ratha hām̐keu haya rāma tana heri heri hihināhiṃ|
dekhi niṣāda biṣādabasa dhunahiṃ sīsa pachitāhiṃ||99||

सीताजी सुमंत्र से कहती हैं, मेरे साथ प्राणनाथ और प्रिय देवर हैं, जो वीरों में अग्रणी हैं और धनुष-तरकश धारण किए हैं। मुझे न रास्ते की थकान है, न भ्रम, न मन में कोई दुःख; मेरे लिए भूलकर भी चिंता मत कीजिए। सीताजी की शीतल वाणी सुनकर सुमंत्र ऐसे व्याकुल हो गए जैसे मणि खो जाने पर साँप। आँखों से दिखता नहीं, कानों से सुनाई नहीं देता, अत्यधिक घबराहट में कुछ कह नहीं पाते। श्रीराम ने बहुत प्रकार से समझाया, फिर भी उनकी छाती ठंडी नहीं हुई। साथ चलने के लिए उन्होंने अनेक प्रयत्न किए, और रघुनंदन ने उन सबके उचित उत्तर दिए। श्रीराम की आज्ञा टाली नहीं जा सकती; कर्म की गति कठिन है, कुछ वश नहीं चलता। श्रीराम, लक्ष्मणजी और सीताजी के चरणों में सिर नवाकर सुमंत्र ऐसे लौटे जैसे कोई व्यापारी अपनी पूँजी गँवाकर लौटता है। उन्होंने रथ हाँका तो घोड़े बार-बार श्रीराम की ओर देखकर हिनहिनाते थे। यह देखकर निषाद दुःख में सिर पीटकर पछताने लगे।
Sita says to Sumantra: With me are my lord and my dear brother-in-law, foremost of heroes, bearing bows and quivers. I feel no weariness from the road, no confusion and no sorrow; do not worry about me even for a moment. Hearing Sita's calm words, Sumantra grew as distraught as a serpent that has lost its jewel. His eyes could not see, his ears could not hear, and he was too shaken to speak. Rama comforted him in many ways, yet his heart found no peace. He tried hard to go with them, and Rama answered each plea fittingly. Rama's command could not be set aside; fate is hard and nothing avails. Bowing his head at the feet of Rama, Lakshmana and Sita, he turned back like a merchant who has lost his capital. As he drove the chariot, the horses kept looking back at Rama and neighing. Seeing this, the Nishadas beat their heads in grief and lamented.
सोरठा 100#

जासु बियोग बिकल पसु ऐसे। प्रजा मातु पितु जिइहहिं कैसें॥
बरबस राम सुमंत्रु पठाए। सुरसरि तीर आपु तब आए॥
मागी नाव न केवटु आना। कहइ तुम्हार मरमु मैं जाना॥
चरन कमल रज कहुँ सबु कहई। मानुष करनि मूरि कछु अहई॥
छुअत सिला भइ नारि सुहाई। पाहन तें न काठ कठिनाई॥
तरनिउ मुनि घरिनि होइ जाई। बाट परइ मोरि नाव उड़ाई॥
एहिं प्रतिपालउँ सबु परिवारू। नहिं जानउँ कछु अउर कबारू॥
जौं प्रभु पार अवसि गा चहहू। मोहि पद पदुम पखारन कहहू॥

jāsu biyoga bikala pasu aise| prajā mātu pitu jiihahiṃ kaiseṃ||
barabasa rāma sumaṃtru paṭhāe| surasari tīra āpu taba āe||
māgī nāva na kevaṭu ānā| kahai tumhāra maramu maiṃ jānā||
carana kamala raja kahum̐ sabu kahaī| mānuṣa karani mūri kachu ahaī||
chuata silā bhai nāri suhāī| pāhana teṃ na kāṭha kaṭhināī||
taraniu muni gharini hoi jāī| bāṭa parai mori nāva uḍāī||
ehiṃ pratipālaum̐ sabu parivārū| nahiṃ jānaum̐ kachu aura kabārū||
jauṃ prabhu pāra avasi gā cahahū| mohi pada paduma pakhārana kahahū||

छंद
पद कमल धोइ चढ़ाइ नाव न नाथ उतराई चहौं।
मोहि राम राउरि आन दसरथ सपथ सब साची कहौं॥
बरु तीर मारहुँ लखनु पै जब लगि न पाय पखारिहौं।
तब लगि न तुलसीदास नाथ कृपाल पारु उतारिहौं॥
pada kamala dhoi caḍhāi nāva na nātha utarāī cahauṃ|
mohi rāma rāuri āna dasaratha sapatha saba sācī kahauṃ||
baru tīra mārahum̐ lakhanu pai jaba lagi na pāya pakhārihauṃ|
taba lagi na tulasīdāsa nātha kṛpāla pāru utārihauṃ||

सोरठा 100
सुनि केवट के बैन प्रेम लपेटे अटपटे।
बिहसे करुनाऐन चितइ जानकी लखन तन॥100॥
suni kevaṭa ke baina prema lapeṭe aṭapaṭe|
bihase karunāaina citai jānakī lakhana tana||100||

जिनके वियोग में पशु भी ऐसे व्याकुल हैं, उनके बिना प्रजा, माता-पिता कैसे जिएँगे? श्रीराम ने सुमंत्र को ज़बरदस्ती लौटाया और गंगा-तट पर आए। नाव माँगी, पर केवट नहीं लाया। वह बोला, मैं आपका भेद जानता हूँ। सब कहते हैं, आपकी चरण-धूल में मनुष्य बना देने वाली कोई जड़ी है। उसके छूते ही शिला सुंदर स्त्री बन गई; लकड़ी पत्थर से कठोर नहीं है। मेरी नाव भी मुनि-पत्नी बन जाएगी और रोज़ी उड़ जाएगी। इसी से सारे परिवार को पालता हूँ, दूसरा धंधा नहीं जानता। प्रभु, यदि पार जाना ही है तो मुझे चरणकमल धोने दीजिए। चरण धोकर ही नाव पर चढ़ाऊँगा, उतराई नहीं चाहिए। हे राम, आपकी और दशरथजी की शपथ, सच कहता हूँ। लक्ष्मणजी भले बाण मारें, पर पैर पखारे बिना पार नहीं उतारूँगा। केवट के प्रेम भरे, अटपटे वचन सुनकर करुणानिधान श्रीराम जानकीजी और लक्ष्मणजी की ओर देखकर हँस पड़े।
If even animals grieve so, how will the people and his parents survive? Rama sent Sumantra back and came to the Ganga. He asked for a boat, but the boatman would not bring it, saying: I know your secret. Everyone says the dust of your feet holds a herb that turns things into humans. At its touch a stone became a lovely woman, and wood is no harder than stone. My boat too would become a sage's wife and my livelihood would vanish. With it I feed my family; I know no other trade. Lord, if you must cross, let me wash your lotus feet first. Only then will I seat you in the boat, and I want no fare. By your oath and Dasharatha's, I speak the truth. Let Lakshmana shoot me, but until I wash your feet I will not take you across. Hearing these odd, loving words, the merciful Rama smiled and glanced at Janaki and Lakshmana.
दोहा 101#

कृपासिंधु बोले मुसुकाई। सोइ करु जेहिं तव नाव न जाई॥
वेगि आनु जल पाय पखारू। होत बिलंबु उतारहि पारू॥
जासु नाम सुमिरत एक बारा। उतरहिं नर भवसिंधु अपारा॥
सोइ कृपालु केवटहि निहोरा। जेहिं जगु किय तिहु पगहु ते थोरा॥
पद नख निरखि देवसरि हरषी। सुनि प्रभु बचन मोहँ मति करषी॥
केवट राम रजायसु पावा। पानि कठवता भरि लेइ आवा॥
अति आनंद उमगि अनुरागा। चरन सरोज पखारन लागा॥
बरषि सुमन सुर सकल सिहाहीं। एहि सम पुन्यपुंज कोउ नाहीं॥

kṛpāsiṃdhu bole musukāī| soi karu jehiṃ tava nāva na jāī||
vegi ānu jala pāya pakhārū| hota bilaṃbu utārahi pārū||
jāsu nāma sumirata eka bārā| utarahiṃ nara bhavasiṃdhu apārā||
soi kṛpālu kevaṭahi nihorā| jehiṃ jagu kiya tihu pagahu te thorā||
pada nakha nirakhi devasari haraṣī| suni prabhu bacana moham̐ mati karaṣī||
kevaṭa rāma rajāyasu pāvā| pāni kaṭhavatā bhari lei āvā||
ati ānaṃda umagi anurāgā| carana saroja pakhārana lāgā||
baraṣi sumana sura sakala sihāhīṃ| ehi sama punyapuṃja kou nāhīṃ||

दोहा 101
पद पखारि जलु पान करि आपु सहित परिवार।
पितर पारु करि प्रभुहि पुनि मुदित गयउ लेइ पार॥101॥
pada pakhāri jalu pāna kari āpu sahita parivāra|
pitara pāru kari prabhuhi puni mudita gayau lei pāra||101||

कृपा के सागर श्रीराम मुस्कुराकर बोले, वही करो जिससे तुम्हारी नाव न जाए। जल्दी पानी लाओ और पैर धो लो; देर हो रही है, पार उतारो। जिनका नाम एक बार स्मरण करने से मनुष्य अपार संसार-सागर से पार हो जाते हैं, और जिनके लिए वामन रूप में सारा जगत तीन पग से भी छोटा पड़ा, वही कृपालु प्रभु केवट से विनती कर रहे हैं। प्रभु के चरणों के नख देखकर गंगाजी प्रसन्न हुईं, पर प्रभु के ये वचन सुनकर उनकी बुद्धि मोह में खिंच गई। श्रीराम की आज्ञा पाकर केवट कठौते में पानी भर लाया। अत्यंत आनंद और प्रेम में उमगकर वह चरणकमल धोने लगा। सब देवता फूल बरसाते हुए उसकी सराहना करते हैं कि इसके समान पुण्यवान कोई नहीं। चरण धोकर, परिवार सहित स्वयं वह जल पीकर, अपने पितरों को भवसागर से पार करके, फिर वह आनंदपूर्वक प्रभु को गंगा पार ले गया।
Rama, ocean of mercy, said with a smile: Do whatever keeps your boat safe. Quickly bring water and wash my feet; it is getting late, take us across. He, by remembering whose name but once people cross the boundless ocean of worldly life, and for whom the whole world was less than three strides, that merciful lord now entreats a boatman. Seeing the toenails of the lord, the Ganga rejoiced, yet hearing his words her mind was caught in wonder. Receiving Rama's permission, the boatman brought a wooden tub filled with water. Overflowing with joy and love, he began to wash the lotus feet. The gods showered flowers and envied him, saying no one has such a store of merit. Having washed the feet and drunk that water with his whole family, and thus carried his ancestors across, he joyfully ferried the lord over the river.
दोहा 102#

उतरि ठाढ़ भए सुरसरि रेता। सीयराम गुह लखन समेता॥
केवट उतरि दंडवत कीन्हा। प्रभुहि सकुच एहि नहिं कछु दीन्हा॥
पिय हिय की सिय जाननिहारी। मनि मुदरी मन मुदित उतारी॥
कहेउ कृपाल लेहि उतराई। केवट चरन गहे अकुलाई॥
नाथ आजु मैं काह न पावा। मिटे दोष दुख दारिद दावा॥
बहुत काल मैं कीन्हि मजूरी। आजु दीन्ह बिधि बनि भलि भूरी॥
अब कछु नाथ न चाहिअ मोरें। दीनदयाल अनुग्रह तोरें॥
फिरती बार मोहि जो देबा। सो प्रसादु मैं सिर धरि लेबा॥

utari ṭhāḍha bhae surasari retā| sīyarāma guha lakhana sametā||
kevaṭa utari daṃḍavata kīnhā| prabhuhi sakuca ehi nahiṃ kachu dīnhā||
piya hiya kī siya jānanihārī| mani mudarī mana mudita utārī||
kaheu kṛpāla lehi utarāī| kevaṭa carana gahe akulāī||
nātha āju maiṃ kāha na pāvā| miṭe doṣa dukha dārida dāvā||
bahuta kāla maiṃ kīnhi majūrī| āju dīnha bidhi bani bhali bhūrī||
aba kachu nātha na cāhia moreṃ| dīnadayāla anugraha toreṃ||
phiratī bāra mohi jo debā| so prasādu maiṃ sira dhari lebā||

दोहा 102
बहुत कीन्ह प्रभु लखन सियँ नहिं कछु केवटु लेइ।
बिदा कीन्ह करुनायतन भगति बिमल बरु देइ॥102॥
bahuta kīnha prabhu lakhana siyam̐ nahiṃ kachu kevaṭu lei|
bidā kīnha karunāyatana bhagati bimala baru dei||102||

उतरकर सीताजी, श्रीराम, गुह और लक्ष्मणजी गंगाजी की रेती पर खड़े हुए। केवट ने उतरकर दंडवत प्रणाम किया। प्रभु को संकोच हुआ कि इसे कुछ दिया नहीं। प्रियतम के मन की बात जानने वाली सीताजी ने प्रसन्न मन से अपनी मणि जड़ी अँगूठी उतारी। कृपालु श्रीराम ने कहा, अपनी उतराई ले लो। केवट ने व्याकुल होकर उनके चरण पकड़ लिए और कहा, हे नाथ, आज मैंने क्या नहीं पाया? मेरे दोष, दुःख और दरिद्रता की आग बुझ गई। बहुत समय तक मैंने मज़दूरी की, आज विधाता ने बहुत अच्छी और भरपूर मज़दूरी दे दी। हे दीनदयालु, आपकी कृपा से अब मुझे कुछ नहीं चाहिए। लौटते समय आप मुझे जो देंगे, वह प्रसाद मैं सिर पर धरकर ले लूँगा। प्रभु, लक्ष्मणजी और सीताजी ने बहुत आग्रह किया, पर केवट ने कुछ नहीं लिया। तब करुणा के धाम श्रीराम ने उसे निर्मल भक्ति का वरदान देकर विदा किया।
Having crossed, Sita, Rama, Guha and Lakshmana stood on the sands of the Ganga. The boatman stepped down and prostrated himself. The lord felt uneasy that he had given him nothing. Sita, who knew her beloved's heart, gladly took off her jewelled ring. The kind lord said: Take your fare. The boatman clasped his feet in distress and said: Lord, what have I not received today? The fire of my faults, sorrows and poverty has been put out. I have laboured for a long time, and today Providence has paid me a rich and full wage. O friend of the lowly, by your grace I want nothing more. Whatever you give me on your way back, I will receive on my head as a blessing. The lord, Lakshmana and Sita pressed him again and again, but the boatman took nothing. Then Rama, home of compassion, sent him away with the boon of pure devotion.
दोहा 103#

तब मज्जनु करि रघुकुलनाथा। पूजि पारथिव नायउ माथा॥
सियँ सुरसरिहि कहेउ कर जोरी। मातु मनोरथ पुरउबि मोरी॥
पति देवर संग कुसल बहोरी। आइ करौं जेहिं पूजा तोरी॥
सुनि सिय बिनय प्रेम रस सानी। भइ तब बिमल बारि बर बानी॥
सुनु रघुबीर प्रिया बैदेही। तव प्रभाउ जग बिदित न केही॥
लोकप होहिं बिलोकत तोरें। तोहि सेवहिं सब सिधि कर जोरें॥
तुम्ह जो हमहि बड़ि बिनय सुनाई। कृपा कीन्हि मोहि दीन्हि बड़ाई॥
तदपि देबि मैं देबि असीसा। सफल होपन हित निज बागीसा॥

taba majjanu kari raghukulanāthā| pūji pārathiva nāyau māthā||
siyam̐ surasarihi kaheu kara jorī| mātu manoratha puraubi morī||
pati devara saṃga kusala bahorī| āi karauṃ jehiṃ pūjā torī||
suni siya binaya prema rasa sānī| bhai taba bimala bāri bara bānī||
sunu raghubīra priyā baidehī| tava prabhāu jaga bidita na kehī||
lokapa hohiṃ bilokata toreṃ| tohi sevahiṃ saba sidhi kara joreṃ||
tumha jo hamahi baḍi binaya sunāī| kṛpā kīnhi mohi dīnhi baḍāī||
tadapi debi maiṃ debi asīsā| saphala hopana hita nija bāgīsā||

दोहा 103
प्राननाथ देवर सहित कुसल कोसला आइ।
पूजिहि सब मनकामना सुजसु रहिहि जग छाइ॥103॥
prānanātha devara sahita kusala kosalā āi|
pūjihi saba manakāmanā sujasu rahihi jaga chāi||103||
दोहा 104#

गंग बचन सुनि मंगल मूला। मुदित सीय सुरसरि अनुकूला॥
तब प्रभु गुहहि कहेउ घर जाहू। सुनत सूख मुखु भा उर दाहू॥
दीन बचन गुह कह कर जोरी। बिनय सुनहु रघुकुलमनि मोरी॥
नाथ साथ रहि पंथु देखाई। करि दिन चारि चरन सेवकाई॥
जेहिं बन जाइ रहब रघुराई। परनकुटी मैं करबि सुहाई॥
तब मोहि कहँ जसि देब रजाई। सोइ करिहउँ रघुबीर दोहाई॥
सहज सनेह राम लखि तासु। संग लीन्ह गुह हृदयँ हुलासू॥
पुनि गुहँ ग्याति बोलि सब लीन्हे। करि परितोषु बिदा तब कीन्हे॥

gaṃga bacana suni maṃgala mūlā| mudita sīya surasari anukūlā||
taba prabhu guhahi kaheu ghara jāhū| sunata sūkha mukhu bhā ura dāhū||
dīna bacana guha kaha kara jorī| binaya sunahu raghukulamani morī||
nātha sātha rahi paṃthu dekhāī| kari dina cāri carana sevakāī||
jehiṃ bana jāi rahaba raghurāī| paranakuṭī maiṃ karabi suhāī||
taba mohi kaham̐ jasi deba rajāī| soi karihaum̐ raghubīra dohāī||
sahaja saneha rāma lakhi tāsu| saṃga līnha guha hṛdayam̐ hulāsū||
puni guham̐ gyāti boli saba līnhe| kari paritoṣu bidā taba kīnhe||

दोहा 104
तब गनपति सिव सुमिरि प्रभु नाइ सुरसरिहि माथ।
सखा अनुज सिय सहित बन गवनु कीन्ह रघुनाथ॥104॥
taba ganapati siva sumiri prabhu nāi surasarihi mātha|
sakhā anuja siya sahita bana gavanu kīnha raghunātha||104||
दोहा 105#

तेहि दिन भयउ बिटप तर बासू। लखन सखाँ सब कीन्ह सुपासू॥
प्रात प्रातकृत करि रधुसाई। तीरथराजु दीख प्रभु जाई॥
सचिव सत्य श्रध्दा प्रिय नारी। माधव सरिस मीतु हितकारी॥
चारि पदारथ भरा भँडारू। पुन्य प्रदेस देस अति चारु॥
छेत्र अगम गढ़ु गाढ़ सुहावा। सपनेहुँ नहिं प्रतिपच्छिन्ह पावा॥
सेन सकल तीरथ बर बीरा। कलुष अनीक दलन रनधीरा॥
संगमु सिंहासनु सुठि सोहा। छत्रु अखयबटु मुनि मनु मोहा॥
चवँर जमुन अरु गंग तरंगा। देखि होहिं दुख दारिद भंगा॥

tehi dina bhayau biṭapa tara bāsū| lakhana sakhām̐ saba kīnha supāsū||
prāta prātakṛta kari radhusāī| tīratharāju dīkha prabhu jāī||
saciva satya śradhdā priya nārī| mādhava sarisa mītu hitakārī||
cāri padāratha bharā bham̐ḍārū| punya pradesa desa ati cāru||
chetra agama gaḍhu gāḍha suhāvā| sapanehum̐ nahiṃ pratipacchinha pāvā||
sena sakala tīratha bara bīrā| kaluṣa anīka dalana ranadhīrā||
saṃgamu siṃhāsanu suṭhi sohā| chatru akhayabaṭu muni manu mohā||
cavam̐ra jamuna aru gaṃga taraṃgā| dekhi hohiṃ dukha dārida bhaṃgā||

दोहा 105
सेवहिं सुकृती साधु सुचि पावहिं सब मनकाम।
बंदी बेद पुरान गन कहहिं बिमल गुन ग्राम॥105॥
sevahiṃ sukṛtī sādhu suci pāvahiṃ saba manakāma|
baṃdī beda purāna gana kahahiṃ bimala guna grāma||105||
दोहा 106#

को कहि सकइ प्रयाग प्रभाऊ। कलुष पुंज कुंजर मृगराऊ॥
अस तीरथपति देखि सुहावा। सुख सागर रघुबर सुखु पावा॥
कहि सिय लखनहि सखहि सुनाई। श्रीमुख तीरथराज बड़ाई॥
करि प्रनामु देखत बन बागा। कहत महातम अति अनुरागा॥
एहि बिधि आइ बिलोकी बेनी। सुमिरत सकल सुमंगल देनी॥
मुदित नहाइ कीन्हि सिव सेवा। पूजि जथाबिधि तीरथ देवा॥
तब प्रभु भरद्वाज पहिं आए। करत दंडवत मुनि उर लाए॥
मुनि मन मोद न कछु कहि जाइ। ब्रह्मानंद रासि जनु पाई॥

ko kahi sakai prayāga prabhāū| kaluṣa puṃja kuṃjara mṛgarāū||
asa tīrathapati dekhi suhāvā| sukha sāgara raghubara sukhu pāvā||
kahi siya lakhanahi sakhahi sunāī| śrīmukha tīratharāja baḍāī||
kari pranāmu dekhata bana bāgā| kahata mahātama ati anurāgā||
ehi bidhi āi bilokī benī| sumirata sakala sumaṃgala denī||
mudita nahāi kīnhi siva sevā| pūji jathābidhi tīratha devā||
taba prabhu bharadvāja pahiṃ āe| karata daṃḍavata muni ura lāe||
muni mana moda na kachu kahi jāi| brahmānaṃda rāsi janu pāī||

दोहा 106
दीन्हि असीस मुनीस उर अति अनंदु अस जानि।
लोचन गोचर सुकृत फल मनहुँ किए बिधि आनि॥106॥
dīnhi asīsa munīsa ura ati anaṃdu asa jāni|
locana gocara sukṛta phala manahum̐ kie bidhi āni||106||
दोहा 107#

कुसल प्रस्न करि आसन दीन्हे। पूजि प्रेम परिपूरन कीन्हे॥
कंद मूल फल अंकुर नीके। दिए आनि मुनि मनहुँ अमी के॥
सीय लखन जन सहित सुहाए। अति रुचि राम मूल फल खाए॥
भए बिगतश्रम रामु सुखारे। भरव्दाज मृदु बचन उचारे॥
आजु सुफल तपु तीरथ त्यागू। आजु सुफल जप जोग बिरागू॥
सफल सकल सुभ साधन साजू। राम तुम्हहि अवलोकत आजू॥
लाभ अवधि सुख अवधि न दूजी। तुम्हारें दरस आस सब पूजी॥
अब करि कृपा देहु बर एहू। निज पद सरसिज सहज सनेहू॥

kusala prasna kari āsana dīnhe| pūji prema paripūrana kīnhe||
kaṃda mūla phala aṃkura nīke| die āni muni manahum̐ amī ke||
sīya lakhana jana sahita suhāe| ati ruci rāma mūla phala khāe||
bhae bigataśrama rāmu sukhāre| bharavdāja mṛdu bacana ucāre||
āju suphala tapu tīratha tyāgū| āju suphala japa joga birāgū||
saphala sakala subha sādhana sājū| rāma tumhahi avalokata ājū||
lābha avadhi sukha avadhi na dūjī| tumhāreṃ darasa āsa saba pūjī||
aba kari kṛpā dehu bara ehū| nija pada sarasija sahaja sanehū||

दोहा 107
करम बचन मन छाड़ि छलु जब लगि जनु न तुम्हार।
तब लगि सुखु सपनेहुँ नहीं किएँ कोटि उपचार॥107॥
karama bacana mana chāḍi chalu jaba lagi janu na tumhāra|
taba lagi sukhu sapanehum̐ nahīṃ kiem̐ koṭi upacāra||107||
दोहा 108#

सुनि मुनि बचन रामु सकुचाने। भाव भगति आनंद अघाने॥
तब रघुबर मुनि सुजसु सुहावा। कोटि भाँति कहि सबहि सुनावा॥
सो बड़ सो सब गुन गन गेहू। जेहि मुनीस तुम्ह आदर देहू॥
मुनि रघुबीर परसपर नवहीं। बचन अगोचर सुखु अनुभवहीं॥
यह सुधि पाइ प्रयाग निवासी। बटु तापस मुनि सिद्ध उदासी॥
भरद्वाज आश्रम सब आए। देखन दसरथ सुअन सुहाए॥
राम प्रनाम कीन्ह सब काहू। मुदित भए लहि लोयन लाहू॥
देहिं असीस परम सुखु पाई। फिरे सराहत सुंदरताई॥

suni muni bacana rāmu sakucāne| bhāva bhagati ānaṃda aghāne||
taba raghubara muni sujasu suhāvā| koṭi bhām̐ti kahi sabahi sunāvā||
so baḍa so saba guna gana gehū| jehi munīsa tumha ādara dehū||
muni raghubīra parasapara navahīṃ| bacana agocara sukhu anubhavahīṃ||
yaha sudhi pāi prayāga nivāsī| baṭu tāpasa muni siddha udāsī||
bharadvāja āśrama saba āe| dekhana dasaratha suana suhāe||
rāma pranāma kīnha saba kāhū| mudita bhae lahi loyana lāhū||
dehiṃ asīsa parama sukhu pāī| phire sarāhata suṃdaratāī||

दोहा 108
राम कीन्ह बिश्राम निसि प्रात प्रयाग नहाइ।
चले सहित सिय लखन जन मुददित मुनिहि सिरु नाइ॥108॥
rāma kīnha biśrāma nisi prāta prayāga nahāi|
cale sahita siya lakhana jana mudadita munihi siru nāi||108||
दोहा 109#

राम सप्रेम कहेउ मुनि पाहीं। नाथ कहिअ हम केहि मग जाहीं॥
मुनि मन बिहसि राम सन कहहीं। सुगम सकल मग तुम्ह कहुँ अहहीं॥
साथ लागि मुनि सिष्य बोलाए। सुनि मन मुदित पचासक आए॥
सबन्हि राम पर प्रेम अपारा। सकल कहहिं मगु दीख हमारा॥
मुनि बटु चारि संग तब दीन्हे। जिन्ह बहु जनम सुकृत सब कीन्हे॥
करि प्रनामु रिषि आयसु पाई। प्रमुदित हृदयँ चले रघुराई॥
ग्राम निकट जब निकसहिं जाई। देखहिं दरसु नारि नर धाई॥
होहिं सनाथ जनम फलु पाई। फिरहिं दुखित मनु संग पठाई॥

rāma saprema kaheu muni pāhīṃ| nātha kahia hama kehi maga jāhīṃ||
muni mana bihasi rāma sana kahahīṃ| sugama sakala maga tumha kahum̐ ahahīṃ||
sātha lāgi muni siṣya bolāe| suni mana mudita pacāsaka āe||
sabanhi rāma para prema apārā| sakala kahahiṃ magu dīkha hamārā||
muni baṭu cāri saṃga taba dīnhe| jinha bahu janama sukṛta saba kīnhe||
kari pranāmu riṣi āyasu pāī| pramudita hṛdayam̐ cale raghurāī||
grāma nikaṭa jaba nikasahiṃ jāī| dekhahiṃ darasu nāri nara dhāī||
hohiṃ sanātha janama phalu pāī| phirahiṃ dukhita manu saṃga paṭhāī||

दोहा 109
बिदा किए बटु बिनय करि फिरे पाइ मन काम।
उतरि नहाए जमुन जल जो सरीर सम स्याम॥109॥
bidā kie baṭu binaya kari phire pāi mana kāma|
utari nahāe jamuna jala jo sarīra sama syāma||109||
दोहा 110#

सुनत तीरवासी नर नारी। धाए निज निज काज बिसारी॥
लखन राम सिय सुन्दरताई। देखि करहिं निज भाग्य बड़ाई॥
अति लालसा बसहिं मन माहीं। नाउँ गाउँ बूझत सकुचाहीं॥
जे तिन्ह महुँ बयबिरिध सयाने। तिन्ह करि जुगुति रामु पहिचाने॥
सकल कथा तिन्ह सबहि सुनाई। बनहि चले पितु आयसु पाई॥
सुनि सबिषाद सकल पछिताहीं। रानी रायँ कीन्ह भल नाहीं॥
तेहि अवसर एक तापसु आवा। तेजपुंज लघुबयस सुहावा॥
कबि अलखित गति बेषु बिरागी। मन क्रम बचन राम अनुरागी॥

sunata tīravāsī nara nārī| dhāe nija nija kāja bisārī||
lakhana rāma siya sundaratāī| dekhi karahiṃ nija bhāgya baḍāī||
ati lālasā basahiṃ mana māhīṃ| nāum̐ gāum̐ būjhata sakucāhīṃ||
je tinha mahum̐ bayabiridha sayāne| tinha kari juguti rāmu pahicāne||
sakala kathā tinha sabahi sunāī| banahi cale pitu āyasu pāī||
suni sabiṣāda sakala pachitāhīṃ| rānī rāyam̐ kīnha bhala nāhīṃ||
tehi avasara eka tāpasu āvā| tejapuṃja laghubayasa suhāvā||
kabi alakhita gati beṣu birāgī| mana krama bacana rāma anurāgī||

दोहा 110
सजल नयन तन पुलकि निज इष्टदेउ पहिचानि।
परेउ दंड जिमि धरनितल दसा न जाइ बखानि॥110॥
sajala nayana tana pulaki nija iṣṭadeu pahicāni|
pareu daṃḍa jimi dharanitala dasā na jāi bakhāni||110||
दोहा 111#

राम सप्रेम पुलकि उर लावा। परम रंक जनु पारसु पावा॥
मनहुँ प्रेमु परमारथु दोऊ। मिलत धरें तन कह सबु कोऊ॥
बहुरि लखन पायन्ह सोइ लागा। लीन्ह उठाइ उमगि अनुरागा॥
पुनि सिय चरन धूरि धरि सीसा। जननि जानि सिसु दीन्हि असीसा॥
कीन्ह निषाद दंडवत तेही। मिलेउ मुदित लखि राम सनेही॥
पिअत नयन पुट रूपु पियूषा। मुदित सुअसनु पाइ जिमि भूखा॥
ते पितु मातु कहहु सखि कैसे। जिन्ह पठए बन बालक ऐसे॥
राम लखन सिय रूपु निहारी। होहिं सनेह बिकल नर नारी॥

rāma saprema pulaki ura lāvā| parama raṃka janu pārasu pāvā||
manahum̐ premu paramārathu doū| milata dhareṃ tana kaha sabu koū||
bahuri lakhana pāyanha soi lāgā| līnha uṭhāi umagi anurāgā||
puni siya carana dhūri dhari sīsā| janani jāni sisu dīnhi asīsā||
kīnha niṣāda daṃḍavata tehī| mileu mudita lakhi rāma sanehī||
piata nayana puṭa rūpu piyūṣā| mudita suasanu pāi jimi bhūkhā||
te pitu mātu kahahu sakhi kaise| jinha paṭhae bana bālaka aise||
rāma lakhana siya rūpu nihārī| hohiṃ saneha bikala nara nārī||

दोहा 111
तब रघुबीर अनेक बिधि सखहि सिखावनु दीन्ह।
राम रजायसु सीस धरि भवन गवनु तेइँ कीन्ह॥111॥
taba raghubīra aneka bidhi sakhahi sikhāvanu dīnha|
rāma rajāyasu sīsa dhari bhavana gavanu teim̐ kīnha||111||
दोहा 112#

पुनि सियँ राम लखन कर जोरी। जमुनहि कीन्ह प्रनामु बहोरी॥
चले ससीय मुदित दोउ भाई। रबितनुजा कइ करत बड़ाई॥
पथिक अनेक मिलहिं मग जाता। कहहिं सप्रेम देखि दोउ भ्राता॥
राज लखन सब अंग तुम्हारें। देखि सोचु अति हृदय हमारें॥
मारग चलहु पयादेहि पाएँ। ज्योतिषु झूठ हमारें भाएँ॥
अगमु पंथ गिरि कानन भारी। तेहि महँ साथ नारि सुकुमारी॥
करि केहरि बन जाइ न जोई। हम सँग चलहिं जो आयसु होई॥
जाब जहाँ लगि तहँ पहुँचाई। फिरब बहोरि तुम्हहि सिरु नाई॥

puni siyam̐ rāma lakhana kara jorī| jamunahi kīnha pranāmu bahorī||
cale sasīya mudita dou bhāī| rabitanujā kai karata baḍāī||
pathika aneka milahiṃ maga jātā| kahahiṃ saprema dekhi dou bhrātā||
rāja lakhana saba aṃga tumhāreṃ| dekhi socu ati hṛdaya hamāreṃ||
māraga calahu payādehi pāem̐| jyotiṣu jhūṭha hamāreṃ bhāem̐||
agamu paṃtha giri kānana bhārī| tehi maham̐ sātha nāri sukumārī||
kari kehari bana jāi na joī| hama sam̐ga calahiṃ jo āyasu hoī||
jāba jahām̐ lagi taham̐ pahum̐cāī| phiraba bahori tumhahi siru nāī||

दोहा 112
एहि बिधि पूँछहिं प्रेम बस पुलक गात जलु नैन।
कृपासिंधु फेरहिं तिन्हहि कहि बिनीत मृदु बैन॥112॥
ehi bidhi pūm̐chahiṃ prema basa pulaka gāta jalu naina|
kṛpāsiṃdhu pherahiṃ tinhahi kahi binīta mṛdu baina||112||
दोहा 113#

जे पुर गाँव बसहिं मग माहीं। तिन्हहि नाग सुर नगर सिहाहीं॥
केहि सुकृतीं केहि घरीं बसाए। धन्य पुन्यमय परम सुहाए॥
जहँ जहँ राम चरन चलि जाहीं। तिन्ह समान अमरावति नाहीं॥
पुन्यपुंज मग निकट निवासी। तिन्हहि सराहहिं सुरपुरबासी॥
जे भरि नयन बिलोकहिं रामहि। सीता लखन सहित घनस्यामहि॥
जे सर सरित राम अवगाहहिं। तिन्हहि देव सर सरित सराहहिं॥
जेहि तरु तर प्रभु बैठहिं जाई। करहिं कलपतरु तासु बड़ाई॥
परसि राम पद पदुम परागा। मानति भूमि भूरि निज भागा॥

je pura gām̐va basahiṃ maga māhīṃ| tinhahi nāga sura nagara sihāhīṃ||
kehi sukṛtīṃ kehi gharīṃ basāe| dhanya punyamaya parama suhāe||
jaham̐ jaham̐ rāma carana cali jāhīṃ| tinha samāna amarāvati nāhīṃ||
punyapuṃja maga nikaṭa nivāsī| tinhahi sarāhahiṃ surapurabāsī||
je bhari nayana bilokahiṃ rāmahi| sītā lakhana sahita ghanasyāmahi||
je sara sarita rāma avagāhahiṃ| tinhahi deva sara sarita sarāhahiṃ||
jehi taru tara prabhu baiṭhahiṃ jāī| karahiṃ kalapataru tāsu baḍāī||
parasi rāma pada paduma parāgā| mānati bhūmi bhūri nija bhāgā||

दोहा 113
छाँह करहिं घन बिबुधगन बरषहिं सुमन सिहाहिं।
देखत गिरि बन बिहग मृग रामु चले मग जाहिं॥113॥
chām̐ha karahiṃ ghana bibudhagana baraṣahiṃ sumana sihāhiṃ|
dekhata giri bana bihaga mṛga rāmu cale maga jāhiṃ||113||
दोहा 114#

सीता लखन सहित रघुराई। गाँव निकट जब निकसहिं जाई॥
सुनि सब बाल बृद्ध नर नारी। चलहिं तुरत गृहकाजु बिसारी॥
राम लखन सिय रूप निहारी। पाइ नयनफलु होहिं सुखारी॥
सजल बिलोचन पुलक सरीरा। सब भए मगन देखि दोउ बीरा॥
बरनि न जाइ दसा तिन्ह केरी। लहि जनु रंकन्ह सुरमनि ढेरी॥
एकन्ह एक बोलि सिख देहीं। लोचन लाहु लेहु छन एहीं॥
रामहि देखि एक अनुरागे। चितवत चले जाहिं सँग लागे॥
एक नयन मग छबि उर आनी। होहिं सिथिल तन मन बर बानी॥

sītā lakhana sahita raghurāī| gām̐va nikaṭa jaba nikasahiṃ jāī||
suni saba bāla bṛddha nara nārī| calahiṃ turata gṛhakāju bisārī||
rāma lakhana siya rūpa nihārī| pāi nayanaphalu hohiṃ sukhārī||
sajala bilocana pulaka sarīrā| saba bhae magana dekhi dou bīrā||
barani na jāi dasā tinha kerī| lahi janu raṃkanha suramani ḍherī||
ekanha eka boli sikha dehīṃ| locana lāhu lehu chana ehīṃ||
rāmahi dekhi eka anurāge| citavata cale jāhiṃ sam̐ga lāge||
eka nayana maga chabi ura ānī| hohiṃ sithila tana mana bara bānī||

दोहा 114
एक देखि बट छाँह भलि डासि मृदुल तृन पात।
कहहिं गवाँइअ छिनुकु श्रमु गवनब अबहिं कि प्रात॥114॥
eka dekhi baṭa chām̐ha bhali ḍāsi mṛdula tṛna pāta|
kahahiṃ gavām̐ia chinuku śramu gavanaba abahiṃ ki prāta||114||
दोहा 115#

एक कलस भरि आनहिं पानी। अँचइअ नाथ कहहिं मृदु बानी॥
सुनि प्रिय बचन प्रीति अति देखी। राम कृपाल सुसील बिसेषी॥
जानी श्रमित सीय मन माहीं। घरिक बिलंबु कीन्ह बट छाहीं॥
मुदित नारि नर देखहिं सोभा। रूप अनूप नयन मनु लोभा॥
एकटक सब सोहहिं चहुँ ओरा। रामचंद्र मुख चंद चकोरा॥
तरुन तमाल बरन तनु सोहा। देखत कोटि मदन मनु मोहा॥
दामिनि बरन लखन सुठि नीके। नख सिख सुभग भावते जी के॥
मुनिपट कटिन्ह कसें तूनीरा। सोहहिं कर कमलनि धनु तीरा॥

eka kalasa bhari ānahiṃ pānī| am̐caia nātha kahahiṃ mṛdu bānī||
suni priya bacana prīti ati dekhī| rāma kṛpāla susīla biseṣī||
jānī śramita sīya mana māhīṃ| gharika bilaṃbu kīnha baṭa chāhīṃ||
mudita nāri nara dekhahiṃ sobhā| rūpa anūpa nayana manu lobhā||
ekaṭaka saba sohahiṃ cahum̐ orā| rāmacaṃdra mukha caṃda cakorā||
taruna tamāla barana tanu sohā| dekhata koṭi madana manu mohā||
dāmini barana lakhana suṭhi nīke| nakha sikha subhaga bhāvate jī ke||
munipaṭa kaṭinha kaseṃ tūnīrā| sohahiṃ kara kamalani dhanu tīrā||

दोहा 115
जटा मुकुट सीसनि सुभग उर भुज नयन बिसाल।
सरद परब बिधु बदन बर लसत स्वेद कन जाल॥115॥
jaṭā mukuṭa sīsani subhaga ura bhuja nayana bisāla|
sarada paraba bidhu badana bara lasata sveda kana jāla||115||
दोहा 116#

बरनि न जाइ मनोहर जोरी। सोभा बहुत थोरि मति मोरी॥
राम लखन सिय सुंदरताई। सब चितवहिं चित मन मति लाई॥
थके नारि नर प्रेम पिआसे। मनहुँ मृगी मृग देखि दिआ से॥
सीय समीप ग्रामतिय जाहीं। पूँछत अति सनेहँ सकुचाहीं॥
बार बार सब लागहिं पाएँ। कहहिं बचन मृदु सरल सुभाएँ॥
राजकुमारि बिनय हम करहीं। तिय सुभायँ कछु पूँछत डरहीं।
स्वामिनि अबिनय छमबि हमारी। बिलगु न मानब जानि गवाँरी॥
राजकुअँर दोउ सहज सलोने। इन्ह तें लही दुति मरकत सोने॥

barani na jāi manohara jorī| sobhā bahuta thori mati morī||
rāma lakhana siya suṃdaratāī| saba citavahiṃ cita mana mati lāī||
thake nāri nara prema piāse| manahum̐ mṛgī mṛga dekhi diā se||
sīya samīpa grāmatiya jāhīṃ| pūm̐chata ati saneham̐ sakucāhīṃ||
bāra bāra saba lāgahiṃ pāem̐| kahahiṃ bacana mṛdu sarala subhāem̐||
rājakumāri binaya hama karahīṃ| tiya subhāyam̐ kachu pūm̐chata ḍarahīṃ|
svāmini abinaya chamabi hamārī| bilagu na mānaba jāni gavām̐rī||
rājakuam̐ra dou sahaja salone| inha teṃ lahī duti marakata sone||

दोहा 116
स्यामल गौर किसोर बर सुंदर सुषमा ऐन।
सरद सर्बरीनाथ मुखु सरद सरोरुह नैन॥116॥
syāmala gaura kisora bara suṃdara suṣamā aina|
sarada sarbarīnātha mukhu sarada saroruha naina||116||
मासपारायण, सोलहवाँ विश्रामDay 16 of the 30-day Masparayan ends here
नवाह्नपारायण, चौथा विश्रामDay 4 of the 9-day Navahna path ends here

Completed Ayodhya Kand — Part 4?

Mark Masparayan day 16 done, light a diya, or share the path with family.

Text: the Gita Press edition of Shri Ramcharitmanas, checked against two independent transcriptions. Spotted an error? Suggest a correction.

Ayodhya Kand — Part 4 — text

Completed Ayodhya Kand — Part 4?