Devi Kavach देव्याः कवचम् (श्रीचण्डीकवच)

Devi Kavach lyrics in Sanskrit & English, with meaning

1. Viniyoga#

   ॐ अस्य श्रीचण्डीकवचस्य ब्रह्मा ऋषिः अनुष्टुप् छन्दः चामुण्डा देवता अङ्गन्यासोक्तमातरो बीजम् दिग्बन्धदेवतास्तत्त्वम्
   श्रीजगदम्बाप्रीत्यर्थे सप्तशतीपाठाङ्गत्वेन जपे विनियोगः ॥

   oṃ asya śrīcaṇḍīkavacasya brahmā ṛṣiḥ anuṣṭup chandaḥ cāmuṇḍā devatā aṅganyāsoktamātaro bījam digbandhadevatāstattvam
   śrījagadambāprītyarthe saptaśatīpāṭhāṅgatvena jape viniyogaḥ ||

   विनियोग: इस चण्डीकवच के ऋषि ब्रह्मा, छन्द अनुष्टुप् और देवता चामुण्डा हैं; अंगन्यास में कही गई मातृकाएँ बीज और दिग्बन्ध के देवता तत्त्व हैं। श्रीजगदम्बा की प्रसन्नता के लिए सप्तशती पाठ के अंग रूप में इसका जप किया जाता है।

   Viniyoga: Of this Chandi Kavach, the seer is Brahma, the metre anushtubh and the deity Chamunda; the Mothers named in the anga-nyasa are its seed, and the deities who bind the directions its essence. It is recited for the pleasure of Shri Jagadamba, as part of the recitation of the Saptashati.

2. Shloka 1#

   मार्कण्डेय उवाच
   ॐ यद्गुह्यं परमं लोके सर्वरक्षाकरं नृणाम् ।
   यन्न कस्यचिदाख्यातं तन्मे ब्रूहि पितामह ॥

   mārkaṇḍeya uvāca
   oṃ yadguhyaṃ paramaṃ loke sarvarakṣākaraṃ nṛṇām |
   yanna kasyacidākhyātaṃ tanme brūhi pitāmaha ||

   मार्कण्डेय जी बोले: हे पितामह! जो संसार में परम गोपनीय है, मनुष्यों की सब प्रकार से रक्षा करने वाला है और जिसे आपने अब तक किसी को नहीं बताया, वह मुझे बताइए।

   Markandeya said: O Grandsire (Brahma), tell me that which is most secret in the world, which protects human beings in every way, and which you have told to no one.

3. Shloka 2#

   ब्रह्मोवाच
   अस्ति गुह्यतमं विप्र सर्वभूतोपकारकम् ।
   देव्यास्तु कवचं पुण्यं तच्छृणुष्व महामुने ॥

   brahmovāca
   asti guhyatamaṃ vipra sarvabhūtopakārakam |
   devyāstu kavacaṃ puṇyaṃ tacchṛṇuṣva mahāmune ||

   ब्रह्मा जी बोले: हे विप्र! सब प्राणियों का उपकार करने वाला एक परम गोपनीय साधन है — देवी का पवित्र कवच। हे महामुने, उसे सुनो।

   Brahma said: O brahmin, there is a most secret thing that benefits all beings — the holy armour of the Goddess. Hear it, great sage.

4. Shloka 3#

   प्रथमं शैलपुत्री च द्वितीयं ब्रह्मचारिणी ।
   तृतीयं चन्द्रघण्टेति कूष्माण्डेति चतुर्थकम् ॥

   prathamaṃ śailaputrī ca dvitīyaṃ brahmacāriṇī |
   tṛtīyaṃ candraghaṇṭeti kūṣmāṇḍeti caturthakam ||

   पहली शैलपुत्री, दूसरी ब्रह्मचारिणी, तीसरी चन्द्रघण्टा और चौथी कूष्माण्डा कहलाती हैं।

   The first is Shailaputri, the second Brahmacharini; the third is called Chandraghanta, and the fourth Kushmanda.

5. Shloka 4#

   पञ्चमं स्कन्दमातेति षष्ठं कात्यायनीति च ।
   सप्तमं कालरात्रीति महागौरीति चाष्टमम् ॥

   pañcamaṃ skandamāteti ṣaṣṭhaṃ kātyāyanīti ca |
   saptamaṃ kālarātrīti mahāgaurīti cāṣṭamam ||

   पाँचवीं स्कन्दमाता, छठी कात्यायनी, सातवीं कालरात्रि और आठवीं महागौरी हैं।

   The fifth is Skandamata, the sixth Katyayani; the seventh is Kalaratri, and the eighth Mahagauri.

6. Shloka 5#

   नवमं सिद्धिदात्री च नवदुर्गाः प्रकीर्तिताः ।
   उक्तान्येतानि नामानि ब्रह्मणैव महात्मना ॥

   navamaṃ siddhidātrī ca navadurgāḥ prakīrtitāḥ |
   uktānyetāni nāmāni brahmaṇaiva mahātmanā ||

   नौवीं सिद्धिदात्री हैं — ये नवदुर्गाएँ कही गई हैं। ये नाम स्वयं महात्मा ब्रह्मा जी ने बताए हैं।

   The ninth is Siddhidatri — these are proclaimed the nine Durgas. These names were spoken by the great-souled Brahma himself.

7. Shloka 6#

   अग्निना दह्यमानस्तु शत्रुमध्ये गतो रणे ।
   विषमे दुर्गमे चैव भयार्ताः शरणं गताः ॥

   agninā dahyamānastu śatrumadhye gato raṇe |
   viṣame durgame caiva bhayārtāḥ śaraṇaṃ gatāḥ ||

   जो आग में जल रहे हों, युद्ध में शत्रुओं के बीच घिर गए हों, या विषम और दुर्गम संकट में भयभीत होकर (देवी की) शरण में आए हों —

   Those who are burning in fire, caught among enemies in battle, or in danger on a perilous, impassable path, and who in their fear take refuge (in the Goddess) —

8. Shloka 7#

   न तेषां जायते किंचिदशुभं रणसंकटे ।
   नापदं तस्य पश्यामि शोकदुःखभयं न हि ॥

   na teṣāṃ jāyate kiṃcidaśubhaṃ raṇasaṃkaṭe |
   nāpadaṃ tasya paśyāmi śokaduḥkhabhayaṃ na hi ||

   उनका युद्ध-संकट में कोई अनिष्ट नहीं होता; उन पर मैं कोई विपत्ति, शोक, दुःख या भय नहीं देखता।

   no misfortune befalls them in the crisis of battle; I see no calamity for such a person, nor grief, sorrow or fear.

9. Shloka 8#

   यैस्तु भक्त्या स्मृता नूनं तेषां वृद्धिः प्रजायते ।
   ये त्वां स्मरन्ति देवेशि रक्षसे तान्न संशयः ॥

   yaistu bhaktyā smṛtā nūnaṃ teṣāṃ vṛddhiḥ prajāyate |
   ye tvāṃ smaranti deveśi rakṣase tānna saṃśayaḥ ||

   जो भक्तिपूर्वक तुम्हारा स्मरण करते हैं, उनकी निश्चय ही वृद्धि होती है। हे देवेश्वरी! जो तुम्हें याद करते हैं, तुम उनकी रक्षा करती हो — इसमें सन्देह नहीं।

   Those who remember you with devotion surely prosper. O Goddess of the gods, you protect those who remember you; there is no doubt.

10. Shloka 9#

    प्रेतसंस्था तु चामुण्डा वाराही महिषासना ।
    ऐन्द्री गजसमारूढा वैष्णवी गरुडासना ॥

    pretasaṃsthā tu cāmuṇḍā vārāhī mahiṣāsanā |
    aindrī gajasamārūḍhā vaiṣṇavī garuḍāsanā ||

    चामुण्डा प्रेत पर, वाराही भैंसे पर, ऐन्द्री हाथी पर और वैष्णवी गरुड पर विराजमान हैं।

    Chamunda is seated on a corpse, Varahi rides a buffalo, Aindri is mounted on an elephant, and Vaishnavi on Garuda.

11. Shloka 10#

    माहेश्वरी वृषारूढा कौमारी शिखिवाहना ।
    लक्ष्मीः पद्मासना देवी पद्महस्ता हरिप्रिया ॥

    māheśvarī vṛṣārūḍhā kaumārī śikhivāhanā |
    lakṣmīḥ padmāsanā devī padmahastā haripriyā ||

    माहेश्वरी बैल पर, कौमारी मोर पर सवार हैं; हरिप्रिया देवी लक्ष्मी कमल पर विराजमान हैं और हाथ में कमल लिए हैं।

    Maheshvari rides a bull, Kaumari a peacock; the Goddess Lakshmi, beloved of Hari, is seated on a lotus with a lotus in her hand.

12. Shloka 11#

    श्वेतरूपधरा देवी ईश्वरी वृषवाहना ।
    ब्राह्मी हंससमारूढा सर्वाभरणभूषिता ॥

    śvetarūpadharā devī īśvarī vṛṣavāhanā |
    brāhmī haṃsasamārūḍhā sarvābharaṇabhūṣitā ||

    श्वेत रूप वाली ईश्वरी देवी बैल पर सवार हैं; सब आभूषणों से विभूषित ब्राह्मी हंस पर विराजमान हैं।

    The Goddess Ishvari, white in form, rides a bull; Brahmi is mounted on a swan, adorned with every ornament.

13. Shloka 12#

    इत्येता मातरः सर्वाः सर्वयोगसमन्विताः ।
    नानाभरणशोभाढ्या नानारत्नोपशोभिताः ॥

    ityetā mātaraḥ sarvāḥ sarvayogasamanvitāḥ |
    nānābharaṇaśobhāḍhyā nānāratnopaśobhitāḥ ||

    ये सभी मातृकाएँ सब योगशक्तियों से सम्पन्न हैं, अनेक आभूषणों से शोभित और नाना रत्नों से अलंकृत हैं।

    All these Mothers are endowed with every yogic power, rich in many ornaments and adorned with many gems.

14. Shloka 13#

    दृश्यन्ते रथमारूढा देव्यः क्रोधसमाकुलाः ।
    शङ्खं चक्रं गदां शक्तिं हलं च मुसलायुधम् ॥

    dṛśyante rathamārūḍhā devyaḥ krodhasamākulāḥ |
    śaṅkhaṃ cakraṃ gadāṃ śaktiṃ halaṃ ca musalāyudham ||

    ये देवियाँ क्रोध से भरी हुई रथों पर सवार दिखाई देती हैं और शंख, चक्र, गदा, शक्ति, हल और मूसल —

    The goddesses are seen mounted on chariots, filled with wrath, (bearing) conch, discus, mace, spear, plough and pestle —

15. Shloka 14#

    खेटकं तोमरं चैव परशुं पाशमेव च ।
    कुन्तायुधं त्रिशूलं च शार्ङ्गमायुधमुत्तमम् ॥

    kheṭakaṃ tomaraṃ caiva paraśuṃ pāśameva ca |
    kuntāyudhaṃ triśūlaṃ ca śārṅgamāyudhamuttamam ||

    ढाल, तोमर, फरसा, पाश, भाला, त्रिशूल और उत्तम शार्ङ्ग धनुष धारण करती हैं।

    shield, lance, axe and noose, the spear, the trident and the excellent bow Sharnga.

16. Shloka 15#

    दैत्यानां देहनाशाय भक्तानामभयाय च ।
    धारयन्त्यायुधानीत्थं देवानां च हिताय वै ॥

    daityānāṃ dehanāśāya bhaktānāmabhayāya ca |
    dhārayantyāyudhānītthaṃ devānāṃ ca hitāya vai ||

    वे दैत्यों के शरीर नष्ट करने, भक्तों को अभय देने और देवताओं के हित के लिए ये आयुध धारण करती हैं।

    They bear these weapons to destroy the bodies of the daityas, to give fearlessness to devotees, and for the good of the gods.

17. Shloka 16#

    नमस्तेऽस्तु महारौद्रे महाघोर पराक्रमे ।
    महाबले महोत्साहे महाभयविनाशिनि ॥

    namaste'stu mahāraudre mahāghora parākrame |
    mahābale mahotsāhe mahābhayavināśini ||

    हे महारौद्रे! हे अत्यन्त घोर पराक्रम वाली, महाबलशालिनी, महान उत्साह वाली और महान भय का नाश करने वाली देवि! तुम्हें नमस्कार है।

    Salutations to you, O most fierce one, of terrible valour, of great strength and great zeal, destroyer of great fear!

18. Shloka 17#

    त्राहि मां देवि दुष्प्रेक्ष्ये शत्रूणां भयवर्द्धिनि ।
    प्राच्यां रक्षतु मामैन्द्री आग्नेय्यामग्निदेवता ॥

    trāhi māṃ devi duṣprekṣye śatrūṇāṃ bhayavarddhini |
    prācyāṃ rakṣatu māmaindrī āgneyyāmagnidevatā ||

    हे देवि! तुम्हारी ओर देखना भी कठिन है; तुम शत्रुओं का भय बढ़ाने वाली हो — मेरी रक्षा करो। पूर्व दिशा में ऐन्द्री और अग्निकोण में अग्निदेवता मेरी रक्षा करें।

    Protect me, O Goddess, hard to look upon, who increase the fear of enemies. May Aindri protect me in the east, and the goddess of fire in the south-east.

19. Shloka 18#

    दक्षिणेऽवतु वाराही नैऋत्यां खड्गधारिणी ।
    प्रतीच्यां वारुणी रक्षेद् वायव्यां मृगवाहिनी ॥

    dakṣiṇe'vatu vārāhī naiṛtyāṃ khaḍgadhāriṇī |
    pratīcyāṃ vāruṇī rakṣed vāyavyāṃ mṛgavāhinī ||

    दक्षिण में वाराही, नैऋत्य कोण में खड्गधारिणी, पश्चिम में वारुणी और वायव्य कोण में मृग पर सवार देवी मेरी रक्षा करें।

    May Varahi protect me in the south, the sword-bearer in the south-west, Varuni in the west, and the one who rides the deer in the north-west.

20. Shloka 19#

    उदीच्यां पातु कौमारी ऐशान्यां शूलधारिणी ।
    ऊर्ध्वं ब्रह्माणी मे रक्षेदधस्ताद् वैष्णवी तथा ॥

    udīcyāṃ pātu kaumārī aiśānyāṃ śūladhāriṇī |
    ūrdhvaṃ brahmāṇī me rakṣedadhastād vaiṣṇavī tathā ||

    उत्तर में कौमारी, ईशान कोण में शूलधारिणी, ऊपर ब्रह्माणी और नीचे वैष्णवी मेरी रक्षा करें।

    May Kaumari protect me in the north, the trident-bearer in the north-east; may Brahmani protect me above, and Vaishnavi below.

21. Shloka 20#

    एवं दश दिशो रक्षेच्चामुण्डा शववाहना ।
    जया मे चाग्रतः पातु विजया पातु पृष्ठतः ॥

    evaṃ daśa diśo rakṣeccāmuṇḍā śavavāhanā |
    jayā me cāgrataḥ pātu vijayā pātu pṛṣṭhataḥ ||

    इस प्रकार शव पर सवार चामुण्डा दसों दिशाओं में मेरी रक्षा करें। जया आगे से और विजया पीछे से मेरी रक्षा करें।

    Thus may Chamunda, who rides a corpse, protect the ten directions. May Jaya protect me in front, and Vijaya behind.

22. Shloka 21#

    अजिता वामपार्श्वे तु दक्षिणे चापराजिता ।
    शिखामुद्योतिनी रक्षेदुमा मूर्ध्नि व्यवस्थिता ॥

    ajitā vāmapārśve tu dakṣiṇe cāparājitā |
    śikhāmudyotinī rakṣedumā mūrdhni vyavasthitā ||

    बाईं ओर अजिता और दाहिनी ओर अपराजिता रक्षा करें; उद्योतिनी शिखा की रक्षा करें और उमा मस्तक पर विराजमान रहें।

    May Ajita protect my left side and Aparajita my right; may Udyotini protect the crown of my head, and Uma dwell on my head.

23. Shloka 22#

    मालाधरी ललाटे च भ्रुवौ रक्षेद् यशस्विनी ।
    त्रिनेत्रा च भ्रुवोर्मध्ये यमघण्टा च नासिके ॥

    mālādharī lalāṭe ca bhruvau rakṣed yaśasvinī |
    trinetrā ca bhruvormadhye yamaghaṇṭā ca nāsike ||

    ललाट पर मालाधरी और भौंहों की यशस्विनी रक्षा करें; भौंहों के बीच त्रिनेत्रा और नासिका की यमघण्टा रक्षा करें।

    May Maladhari protect my forehead and Yashasvini my brows; Trinetra the space between the brows, and Yamaghanta my nose.

24. Shloka 23#

    शङ्खिनी चक्षुषोर्मध्ये श्रोत्रयोर्द्वारवासिनी ।
    कपोलौ कालिका रक्षेत्कर्णमूले तु शाङ्करी ॥

    śaṅkhinī cakṣuṣormadhye śrotrayordvāravāsinī |
    kapolau kālikā rakṣetkarṇamūle tu śāṅkarī ||

    दोनों नेत्रों के बीच शंखिनी, कानों की द्वारवासिनी, कपोलों की कालिका और कानों के मूल भाग की शांकरी रक्षा करें।

    Shankhini between my eyes, Dvaravasini my ears; may Kalika protect my cheeks, and Shankari the roots of my ears.

25. Shloka 24#

    नासिकायां सुगन्धा च उत्तरोष्ठे च चर्चिका ।
    अधरे चामृतकला जिह्वायां च सरस्वती ॥

    nāsikāyāṃ sugandhā ca uttaroṣṭhe ca carcikā |
    adhare cāmṛtakalā jihvāyāṃ ca sarasvatī ||

    नासिका में सुगन्धा, ऊपर के होंठ पर चर्चिका, नीचे के होंठ पर अमृतकला और जिह्वा पर सरस्वती रक्षा करें।

    Sugandha in my nostrils, Charchika on my upper lip, Amritakala on my lower lip, and Sarasvati on my tongue.

26. Shloka 25#

    दन्तान् रक्षतु कौमारी कण्ठदेशे तु चण्डिका ।
    घण्टिकां चित्रघण्टा च महामाया च तालुके ॥

    dantān rakṣatu kaumārī kaṇṭhadeśe tu caṇḍikā |
    ghaṇṭikāṃ citraghaṇṭā ca mahāmāyā ca tāluke ||

    कौमारी दाँतों की, चण्डिका कण्ठ-प्रदेश की, चित्रघण्टा गले की घाँटी की और महामाया तालु की रक्षा करें।

    May Kaumari protect my teeth, Chandika my throat, Chitraghanta the uvula, and Mahamaya the palate.

27. Shloka 26#

    कामाक्षी चिबुकं रक्षेद् वाचं मे सर्वमङ्गला ।
    ग्रीवायां भद्रकाली च पृष्ठवंशे धनुर्धरी ॥

    kāmākṣī cibukaṃ rakṣed vācaṃ me sarvamaṅgalā |
    grīvāyāṃ bhadrakālī ca pṛṣṭhavaṃśe dhanurdharī ||

    कामाक्षी ठोड़ी की, सर्वमंगला वाणी की, भद्रकाली गर्दन की और धनुर्धारी मेरुदण्ड की रक्षा करें।

    May Kamakshi protect my chin, Sarvamangala my speech, Bhadrakali my neck, and Dhanurdhari my spine.

28. Shloka 27#

    नीलग्रीवा बहिःकण्ठे नलिकां नलकूबरी ।
    स्कन्धयोः खड्गिनी रक्षेद् बाहू मे वज्रधारिणी ॥

    nīlagrīvā bahiḥkaṇṭhe nalikāṃ nalakūbarī |
    skandhayoḥ khaḍginī rakṣed bāhū me vajradhāriṇī ||

    कण्ठ के बाहरी भाग की नीलग्रीवा, कण्ठ की नली की नलकूबरी, कन्धों की खड्गिनी और भुजाओं की वज्रधारिणी रक्षा करें।

    Nilagriva the outside of my throat, Nalakubari my windpipe; may Khadgini protect my shoulders, and Vajradharini my arms.

29. Shloka 28#

    हस्तयोर्दण्डिनी रक्षेदम्बिका चाङ्गुलीषु च ।
    नखाञ्छूलेश्वरी रक्षेत्कुक्षौ रक्षेत्कुलेश्वरी ॥

    hastayordaṇḍinī rakṣedambikā cāṅgulīṣu ca |
    nakhāñchūleśvarī rakṣetkukṣau rakṣetkuleśvarī ||

    हाथों की दण्डिनी, अँगुलियों की अम्बिका, नखों की शूलेश्वरी और कुक्षि (पेट) की कुलेश्वरी रक्षा करें।

    May Dandini protect my hands, Ambika my fingers; may Shuleshvari protect my nails, and Kuleshvari my belly.

30. Shloka 29#

    स्तनौ रक्षेन्महादेवी मनः शोकविनाशिनी ।
    हृदये ललिता देवी उदरे शूलधारिणी ॥

    stanau rakṣenmahādevī manaḥ śokavināśinī |
    hṛdaye lalitā devī udare śūladhāriṇī ||

    महादेवी वक्षस्थल की, शोकविनाशिनी मन की, ललिता देवी हृदय की और शूलधारिणी उदर की रक्षा करें।

    May Mahadevi protect my breast, Shokavinashini my mind, the Goddess Lalita my heart, and Shuladharini my abdomen.

31. Shloka 30#

    नाभौ च कामिनी रक्षेद् गुह्यं गुहेश्वरी तथा ।
    पूतना कामिका मेढ्रं गुदे महिषवाहिनी ॥

    nābhau ca kāminī rakṣed guhyaṃ guheśvarī tathā |
    pūtanā kāmikā meḍhraṃ gude mahiṣavāhinī ||

    नाभि की कामिनी, गुह्यभाग की गुह्येश्वरी, जननेन्द्रिय की पूतना और कामिका, तथा गुदा की महिषवाहिनी रक्षा करें।

    May Kamini protect my navel, Guhyeshvari the private parts, Putana and Kamika the organ of generation, and Mahishavahini the anus.

32. Shloka 31#

    कट्यां भगवती रक्षेज्जानुनी विन्ध्यवासिनी ।
    जङ्घे महाबला रक्षेत्सर्वकामप्रदायिनी ॥

    kaṭyāṃ bhagavatī rakṣejjānunī vindhyavāsinī |
    jaṅghe mahābalā rakṣetsarvakāmapradāyinī ||

    कमर की भगवती, घुटनों की विन्ध्यवासिनी और पिंडलियों की सब कामनाएँ पूर्ण करने वाली महाबला रक्षा करें।

    May Bhagavati protect my waist, Vindhyavasini my knees; may Mahabala, giver of every wish, protect my shins.

33. Shloka 32#

    गुल्फयोर्नारसिंही च पादपृष्ठे तु तैजसी ।
    पादाङ्गुलीषु श्री रक्षेत्पादाधस्तलवासिनी ॥

    gulphayornārasiṃhī ca pādapṛṣṭhe tu taijasī |
    pādāṅgulīṣu śrī rakṣetpādādhastalavāsinī ||

    टखनों की नारसिंही, पैरों के ऊपरी भाग की तैजसी, पैरों की अँगुलियों की श्री और तलवों की तलवासिनी रक्षा करें।

    Narasimhi my ankles, Taijasi the tops of my feet; may Shri protect my toes, and Talavasini the soles of my feet.

34. Shloka 33#

    नखान् दंष्ट्राकराली च केशांश्चैवोर्ध्वकेशिनी ।
    रोमकूपेषु कौबेरी त्वचं वागीश्वरी तथा ॥

    nakhān daṃṣṭrākarālī ca keśāṃścaivordhvakeśinī |
    romakūpeṣu kauberī tvacaṃ vāgīśvarī tathā ||

    दंष्ट्राकराली नखों की, ऊर्ध्वकेशिनी केशों की, कौबेरी रोमकूपों की और वागीश्वरी त्वचा की रक्षा करें।

    May Damshtrakarali protect my nails, Urdhvakeshini my hair, Kauberi the pores of my skin, and Vagishvari my skin.

35. Shloka 34#

    रक्तमज्जावसामांसान्यस्थिमेदांसि पार्वती ।
    अन्त्राणि कालरात्रिश्च पित्तं च मुकुटेश्वरी ॥

    raktamajjāvasāmāṃsānyasthimedāṃsi pārvatī |
    antrāṇi kālarātriśca pittaṃ ca mukuṭeśvarī ||

    पार्वती रक्त, मज्जा, वसा, मांस, हड्डियों और मेदा की, कालरात्रि आँतों की और मुकुटेश्वरी पित्त की रक्षा करें।

    May Parvati protect my blood, marrow, fat, flesh, bones and tissues; Kalaratri my intestines, and Mukuteshvari my bile.

36. Shloka 35#

    पद्मावती पद्मकोशे कफे चूडामणिस्तथा ।
    ज्वालामुखी नखज्वालामभेद्या सर्वसन्धिषु ॥

    padmāvatī padmakośe kaphe cūḍāmaṇistathā |
    jvālāmukhī nakhajvālāmabhedyā sarvasandhiṣu ||

    पद्मावती हृदय-कमल की, चूडामणि कफ की, ज्वालामुखी नखों की कान्ति की और अभेद्या सब जोड़ों की रक्षा करें।

    Padmavati the lotus of the heart, Chudamani the phlegm; Jvalamukhi the radiance of the nails, and Abhedya all the joints.

37. Shloka 36#

    शुक्रं ब्रह्माणी मे रक्षेच्छायां छत्रेश्वरी तथा ।
    अहंकारं मनो बुद्धिं रक्षेन्मे धर्मधारिणी ॥

    śukraṃ brahmāṇī me rakṣecchāyāṃ chatreśvarī tathā |
    ahaṃkāraṃ mano buddhiṃ rakṣenme dharmadhāriṇī ||

    ब्रह्माणी वीर्य की, छत्रेश्वरी छाया की और धर्मधारिणी मेरे अहंकार, मन और बुद्धि की रक्षा करें।

    May Brahmani protect my vital seed, Chhatreshvari my shadow; may Dharmadharini protect my ego, mind and intellect.

38. Shloka 37#

    प्राणापानौ तथा व्यानमुदानं च समानकम् ।
    वज्रहस्ता च मे रक्षेत्प्राणं कल्याणशोभना ॥

    prāṇāpānau tathā vyānamudānaṃ ca samānakam |
    vajrahastā ca me rakṣetprāṇaṃ kalyāṇaśobhanā ||

    वज्रहस्ता मेरे प्राण, अपान, व्यान, उदान और समान वायु की और कल्याणशोभना मेरे जीवन की रक्षा करें।

    May Vajrahasta protect my prana, apana, vyana, udana and samana breaths; and Kalyanashobhana my life.

39. Shloka 38#

    रसे रूपे च गन्धे च शब्दे स्पर्शे च योगिनी ।
    सत्त्वं रजस्तमश्चैव रक्षेन्नारायणी सदा ॥

    rase rūpe ca gandhe ca śabde sparśe ca yoginī |
    sattvaṃ rajastamaścaiva rakṣennārāyaṇī sadā ||

    रस, रूप, गन्ध, शब्द और स्पर्श में योगिनी रक्षा करें; और सत्त्व, रज तथा तम की नारायणी सदा रक्षा करें।

    May Yogini protect me in taste, form, smell, sound and touch; and may Narayani always protect sattva, rajas and tamas.

40. Shloka 39#

    आयु रक्षतु वाराही धर्मं रक्षतु वैष्णवी ।
    यशः कीर्तिं च लक्ष्मीं च धनं विद्यां च चक्रिणी ॥

    āyu rakṣatu vārāhī dharmaṃ rakṣatu vaiṣṇavī |
    yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī ||

    वाराही आयु की, वैष्णवी धर्म की और चक्रिणी यश, कीर्ति, लक्ष्मी, धन तथा विद्या की रक्षा करें।

    May Varahi protect my life, Vaishnavi my dharma; may Chakrini protect my honour, fame, prosperity, wealth and learning.

41. Shloka 40#

    गोत्रमिन्द्राणी मे रक्षेत्पशून्मे रक्ष चण्डिके ।
    पुत्रान् रक्षेन्महालक्ष्मीर्भार्यां रक्षतु भैरवी ॥

    gotramindrāṇī me rakṣetpaśūnme rakṣa caṇḍike |
    putrān rakṣenmahālakṣmīrbhāryāṃ rakṣatu bhairavī ||

    इन्द्राणी मेरे गोत्र की रक्षा करें; हे चण्डिके, मेरे पशुओं की रक्षा करो। महालक्ष्मी पुत्रों की और भैरवी पत्नी की रक्षा करें।

    May Indrani protect my family line; O Chandika, protect my cattle. May Mahalakshmi protect my children, and Bhairavi my wife.

42. Shloka 41#

    पन्थानं सुपथा रक्षेन्मार्गं क्षेमकरी तथा ।
    राजद्वारे महालक्ष्मीर्विजया सर्वतः स्थिता ॥

    panthānaṃ supathā rakṣenmārgaṃ kṣemakarī tathā |
    rājadvāre mahālakṣmīrvijayā sarvataḥ sthitā ||

    सुपथा मेरे पथ की, क्षेमकरी मार्ग की, राजद्वार पर महालक्ष्मी और सब ओर स्थित विजया रक्षा करें।

    May Supatha protect my path and Kshemakari my road; may Mahalakshmi protect me at the king's gate, and Vijaya, present everywhere.

43. Shloka 42#

    रक्षाहीनं तु यत्स्थानं वर्जितं कवचेन तु ।
    तत्सर्वं रक्ष मे देवि जयन्ती पापनाशिनी ॥

    rakṣāhīnaṃ tu yatsthānaṃ varjitaṃ kavacena tu |
    tatsarvaṃ rakṣa me devi jayantī pāpanāśinī ||

    जो स्थान रक्षा से रहित है और इस कवच में नहीं आया, हे पापों का नाश करने वाली जयन्ती देवि, वह सब मेरी रक्षा करो।

    Whatever place is left without protection, not covered by this armour — protect all of it for me, O Goddess Jayanti, destroyer of sin.

44. Shloka 43#

    पदमेकं न गच्छेत्तु यदीच्छेच्छुभमात्मनः ।
    कवचेनावृतो नित्यं यत्र यत्रैव गच्छति ॥

    padamekaṃ na gacchettu yadīcchecchubhamātmanaḥ |
    kavacenāvṛto nityaṃ yatra yatraiva gacchati ||

    जो अपना भला चाहता हो, उसे कवच के बिना एक पग भी नहीं चलना चाहिए। कवच से सदा ढका हुआ मनुष्य जहाँ-जहाँ जाता है —

    One who wishes well for himself should not take even a single step without this armour. Wherever one goes, always covered by this armour —

45. Shloka 44#

    तत्र तत्रार्थलाभश्च विजयः सार्वकामिकः ।
    यं यं चिन्तयते कामं तं तं प्राप्नोति निश्चितम् ।
    परमैश्वर्यमतुलं प्राप्स्यते भूतले पुमान् ॥

    tatra tatrārthalābhaśca vijayaḥ sārvakāmikaḥ |
    yaṃ yaṃ cintayate kāmaṃ taṃ taṃ prāpnoti niścitam |
    paramaiśvaryamatulaṃ prāpsyate bhūtale pumān ||

    वहाँ-वहाँ उसे धन का लाभ और सब कामनाओं में विजय मिलती है; वह जिस-जिस कामना का चिन्तन करता है, उसे निश्चय ही पाता है, और पृथ्वी पर अतुलनीय परम ऐश्वर्य प्राप्त करता है।

    there he gains wealth and victory in all he seeks; whatever wish he thinks of, he surely attains; and on earth he gains supreme, matchless prosperity.

46. Shloka 45#

    निर्भयो जायते मर्त्यः संग्रामेष्वपराजितः ।
    त्रैलोक्ये तु भवेत्पूज्यः कवचेनावृतः पुमान् ॥

    nirbhayo jāyate martyaḥ saṃgrāmeṣvaparājitaḥ |
    trailokye tu bhavetpūjyaḥ kavacenāvṛtaḥ pumān ||

    कवच से ढका हुआ मनुष्य निर्भय हो जाता है, युद्ध में अजेय रहता है और तीनों लोकों में पूजनीय होता है।

    The mortal covered by this armour becomes fearless, unconquered in battle, and worthy of honour in the three worlds.

47. Shloka 46#

    इदं तु देव्याः कवचं देवानामपि दुर्लभम् ।
    यः पठेत्प्रयतो नित्यं त्रिसन्ध्यं श्रद्धयान्वितः ॥

    idaṃ tu devyāḥ kavacaṃ devānāmapi durlabham |
    yaḥ paṭhetprayato nityaṃ trisandhyaṃ śraddhayānvitaḥ ||

    देवी का यह कवच देवताओं के लिए भी दुर्लभ है। जो पवित्र होकर, श्रद्धा से युक्त होकर, तीनों सन्ध्याओं में इसका नित्य पाठ करता है —

    This armour of the Goddess is hard to obtain even for the gods. Whoever recites it daily with devotion, pure, at the three sandhyas, full of faith —

48. Shloka 47#

    दैवी कला भवेत्तस्य त्रैलोक्येष्वपराजितः ।
    जीवेद् वर्षशतं साग्रमपमृत्युविवर्जितः ॥

    daivī kalā bhavettasya trailokyeṣvaparājitaḥ |
    jīved varṣaśataṃ sāgramapamṛtyuvivarjitaḥ ||

    उसमें दैवी कला आ जाती है, वह तीनों लोकों में अजेय होता है और अकाल मृत्यु से रहित होकर सौ वर्ष से भी अधिक जीता है।

    he gains a divine radiance and is unconquered in the three worlds; he lives a full hundred years and more, free from untimely death.

49. Shloka 48#

    नश्यन्ति व्याधयः सर्वे लूताविस्फोटकादयः ।
    स्थावरं जङ्गमं चैव कृत्रिमं चापि यद्विषम् ॥

    naśyanti vyādhayaḥ sarve lūtāvisphoṭakādayaḥ |
    sthāvaraṃ jaṅgamaṃ caiva kṛtrimaṃ cāpi yadviṣam ||

    मकड़ी के विष, फोड़े-फुंसी आदि सब रोग नष्ट हो जाते हैं; और स्थावर, जंगम तथा कृत्रिम — सब प्रकार के विष —

    All diseases — spider-bites, boils and the like — are destroyed; and every poison, whether of plants, of creatures or made by men —

50. Shloka 49#

    अभिचाराणि सर्वाणि मन्त्रयन्त्राणि भूतले ।
    भूचराः खेचराश्चैव जलजाश्चोपदेशिकाः ॥

    abhicārāṇi sarvāṇi mantrayantrāṇi bhūtale |
    bhūcarāḥ khecarāścaiva jalajāścopadeśikāḥ ||

    सब अभिचार कर्म, पृथ्वी पर के सब मन्त्र-यन्त्र, भूमि, आकाश और जल में विचरने वाले तथा दूसरों द्वारा भेजे गए प्रेत —

    all black magic, all spells and yantras on earth, spirits that roam the earth, the sky and the waters, and those sent by others —

51. Shloka 50#

    सहसा कुलजा माला डाकिनी शाकिनी तथा ।
    अन्तरिक्षचरा घोरा डाकिन्यश्च महाबलाः ॥

    sahasā kulajā mālā ḍākinī śākinī tathā |
    antarikṣacarā ghorā ḍākinyaśca mahābalāḥ ||

    कुलज और माला नामक प्रेत, डाकिनी, शाकिनी तथा आकाश में विचरने वाली भयंकर और बलशाली डाकिनियाँ —

    the kulaja and mala spirits, dakinis and shakinis, and the fierce and mighty dakinis that roam the sky —

52. Shloka 51#

    ग्रहभूतपिशाचाश्च यक्षगन्धर्वराक्षसाः ।
    ब्रह्मराक्षसवेतालाः कूष्माण्डा भैरवादयः ॥

    grahabhūtapiśācāśca yakṣagandharvarākṣasāḥ |
    brahmarākṣasavetālāḥ kūṣmāṇḍā bhairavādayaḥ ||

    ग्रह, भूत, पिशाच, यक्ष, गन्धर्व, राक्षस, ब्रह्मराक्षस, वेताल, कूष्माण्ड और भैरव आदि —

    planetary afflictions, ghosts and pishachas, yakshas, gandharvas and rakshasas, brahmarakshasas, vetalas, kushmandas, bhairavas and others —

53. Shloka 52#

    नश्यन्ति दर्शनात्तस्य कवचे हृदि संस्थिते ।
    मानोन्नतिर्भवेद् राज्ञस्तेजोवृद्धिकरं परम् ॥

    naśyanti darśanāttasya kavace hṛdi saṃsthite |
    mānonnatirbhaved rājñastejovṛddhikaraṃ param ||

    जिसके हृदय में यह कवच स्थित है, उसके दर्शन मात्र से ये सब नष्ट हो जाते हैं। उसका राजा के यहाँ सम्मान बढ़ता है; यह तेज बढ़ाने का सर्वोत्तम साधन है।

    are all destroyed at the mere sight of one who holds this armour in his heart. He rises in honour before the king; it is the best increaser of radiance.

54. Shloka 53#

    यशसा वर्द्धते सोऽपि कीर्तिमण्डितभूतले ।
    जपेत्सप्तशतीं चण्डीं कृत्वा तु कवचं पुरा ॥

    yaśasā varddhate so'pi kīrtimaṇḍitabhūtale |
    japetsaptaśatīṃ caṇḍīṃ kṛtvā tu kavacaṃ purā ||

    वह यश से बढ़ता है और उसकी कीर्ति से पृथ्वी शोभित होती है। पहले कवच का पाठ करके फिर सप्तशती चण्डी का जप करना चाहिए।

    He grows in fame, the earth adorned with his renown. One should first recite this armour and then chant the Saptashati Chandi.

55. Shloka 54#

    यावद्भूमण्डलं धत्ते सशैलवनकाननम् ।
    तावत्तिष्ठति मेदिन्यां सन्ततिः पुत्रपौत्रिकी ॥

    yāvadbhūmaṇḍalaṃ dhatte saśailavanakānanam |
    tāvattiṣṭhati medinyāṃ santatiḥ putrapautrikī ||

    जब तक पृथ्वी पर्वतों, वनों और काननों को धारण किए रहेगी, तब तक पृथ्वी पर उसके पुत्र-पौत्रों की वंश-परम्परा बनी रहेगी।

    As long as the earth upholds its mountains, woods and forests, so long do his descendants, sons and grandsons, endure upon the earth.

56. Shloka 55#

    देहान्ते परमं स्थानं यत्सुरैरपि दुर्लभम् ।
    प्राप्नोति पुरुषो नित्यं महामायाप्रसादतः ॥

    dehānte paramaṃ sthānaṃ yatsurairapi durlabham |
    prāpnoti puruṣo nityaṃ mahāmāyāprasādataḥ ||

    देह के अन्त में महामाया की कृपा से वह मनुष्य उस परम पद को प्राप्त करता है, जो देवताओं के लिए भी दुर्लभ है —

    At the end of his life, by the grace of Mahamaya, he attains the supreme abode, hard to reach even for the gods —

57. Shloka 56#

    लभते परमं रूपं शिवेन सह मोदते ॥

    labhate paramaṃ rūpaṃ śivena saha modate ||

    वह परम रूप पाता है और शिव के साथ आनन्द करता है।

    he attains the supreme form and rejoices with Shiva.

Spotted an error? Suggest a correction.