Durga Saptashati Chapter 4 दुर्गासप्तशती चतुर्थोऽध्यायः — शक्रादिस्तुति

Durga Saptashati Chapter 4 lyrics in Sanskrit & English, with meaning

1. Shloka 1#

   ऋषिरुवाच
   ततः सुरगणाः सर्वे देव्या इन्द्रपुरोगमाः ।
   स्तुतिमारेभिरे कर्तुं निहते महिषासुरे ॥

   ṛṣiruvāca
   tataḥ suragaṇāḥ sarve devyā indrapurogamāḥ |
   stutimārebhire kartuṃ nihate mahiṣāsure ||

   ऋषि बोले: महिषासुर के मारे जाने पर इन्द्र आदि सब देवगण देवी की स्तुति करने लगे।

   The sage said: When Mahishasura had been slain, all the hosts of the gods, led by Indra, began to praise the Goddess.

2. Shloka 2#

   शक्रादयः सुरगणा निहतेऽतिवीर्ये
   तस्मिन् दुरात्मनि सुरारिबले च देव्या ।
   तां तुष्टुवुः प्रणतिनम्रशिरोधरांसा
   वाग्भिः प्रहर्षपुलकोद्गमचारुदेहाः ॥

   śakrādayaḥ suragaṇā nihate'tivīrye
   tasmin durātmani surāribale ca devyā |
   tāṃ tuṣṭuvuḥ praṇatinamraśirodharāṃsā
   vāgbhiḥ praharṣapulakodgamacārudehāḥ ||

   जब देवी ने उस अत्यन्त पराक्रमी दुरात्मा और देवशत्रुओं की सेना का संहार कर दिया, तब इन्द्र आदि देवगण प्रणाम से झुकी गर्दन और कन्धों के साथ, हर्ष से पुलकित सुन्दर शरीर वाले होकर, वाणी से उनकी स्तुति करने लगे।

   When that exceedingly powerful, wicked one and the army of the enemies of the gods had been slain by the Goddess, Indra and the hosts of gods praised her with words — their necks and shoulders bowed in reverence, their bodies thrilling with joy.

3. Shloka 3#

   देवा ऊचुः
   देव्या यया ततमिदं जगदात्मशक्त्या
   निःशेषदेवगणशक्तिसमूहमूर्त्या ।
   तामम्बिकामखिलदेवमर्षिपूज्यां
   भक्त्या नताः स्म विदधातु शुभानि सा नः ॥

   devā ūcuḥ
   devyā yayā tatamidaṃ jagadātmaśaktyā
   niḥśeṣadevagaṇaśaktisamūhamūrtyā |
   tāmambikāmakhiladevamarṣipūjyāṃ
   bhaktyā natāḥ sma vidadhātu śubhāni sā naḥ ||

   देवता बोले: जिन देवी ने अपनी शक्ति से इस जगत को व्याप्त कर रखा है, जिनका स्वरूप समस्त देवगणों की शक्तियों का समूह है, उन सब देवताओं और महर्षियों द्वारा पूजनीय अम्बिका को हम भक्तिपूर्वक प्रणाम करते हैं; वे हमारा कल्याण करें।

   The gods said: We bow in devotion to Ambika, worshipped by all the gods and great sages — the Goddess who pervades this world by her own power, whose form is the gathered power of all the hosts of gods. May she grant us all that is auspicious.

4. Shloka 4#

   यस्याः प्रभावमतुलं भगवाननन्तो
   ब्रह्मा हरश्च नहि वक्तुमलं बलं च ।
   सा चण्डिकाखिलजगत्परिपालनाय
   नाशाय चाशुभभयस्य मतिं करोतु ॥

   yasyāḥ prabhāvamatulaṃ bhagavānananto
   brahmā haraśca nahi vaktumalaṃ balaṃ ca |
   sā caṇḍikākhilajagatparipālanāya
   nāśāya cāśubhabhayasya matiṃ karotu ||

   जिनके अनुपम प्रभाव और बल का वर्णन भगवान अनन्त (शेष), ब्रह्मा और शिव भी नहीं कर सकते, वे चण्डिका सम्पूर्ण जगत के पालन और अशुभ भय के नाश का विचार करें।

   She whose matchless glory and strength even Bhagavan Ananta, Brahma and Hara cannot describe — may that Chandika set her mind on protecting the whole world and destroying the fear of evil.

5. Shloka 5#

   या श्रीः स्वयं सुकृतिनां भवनेष्वलक्ष्मीः
   पापात्मनां कृतधियां हृदयेषु बुद्धिः ।
   श्रद्धां सतां कुलजनप्रभवस्य लज्जा
   तां त्वां नताः स्म परिपालय देवि विश्वम् ॥

   yā śrīḥ svayaṃ sukṛtināṃ bhavaneṣvalakṣmīḥ
   pāpātmanāṃ kṛtadhiyāṃ hṛdayeṣu buddhiḥ |
   śraddhāṃ satāṃ kulajanaprabhavasya lajjā
   tāṃ tvāṃ natāḥ sma paripālaya devi viśvam ||

   जो पुण्यात्माओं के घरों में स्वयं लक्ष्मी, पापियों के घरों में दरिद्रता, शुद्ध अन्तःकरण वालों के हृदय में बुद्धि, सज्जनों में श्रद्धा और कुलीनों में लज्जा के रूप में निवास करती हैं, उन आपको हम प्रणाम करते हैं। हे देवि, विश्व का पालन कीजिए।

   You who are prosperity itself in the homes of the virtuous and misfortune in the homes of the wicked; intelligence in the hearts of the wise; faith in the good; and modesty in those of noble birth — to you we bow. O Goddess, protect the universe.

6. Shloka 6#

   किं वर्णयाम तव रूपमचिन्त्यमेतत्
   किं चातिवीर्यमसुरक्षयकारि भूरि ।
   किं चाहवेषु चरितानि तवाद्भुतानि
   सर्वेषु देव्यसुरदेवगणादिकेषु ॥

   kiṃ varṇayāma tava rūpamacintyametat
   kiṃ cātivīryamasurakṣayakāri bhūri |
   kiṃ cāhaveṣu caritāni tavādbhutāni
   sarveṣu devyasuradevagaṇādikeṣu ||

   हे देवि! आपके इस अचिन्त्य रूप का, असुरों का नाश करने वाले आपके महान पराक्रम का, और समस्त देवताओं तथा असुरों के बीच युद्धों में किए गए आपके अद्भुत चरित्रों का हम क्या वर्णन करें?

   How can we describe your form, which is beyond thought? Or your great valour that destroys the asuras? Or the wondrous deeds you have done in battle among all the hosts of asuras and gods?

7. Shloka 7#

   हेतुः समस्तजगतां त्रिगुणापि दोषैर्
   न ज्ञायसे हरिहरादिभिरप्यपारा ।
   सर्वाश्रयाखिलमिदं जगदंशभूतम्
   अव्याकृता हि परमा प्रकृतिस्त्वमाद्या ॥

   hetuḥ samastajagatāṃ triguṇāpi doṣair
   na jñāyase hariharādibhirapyapārā |
   sarvāśrayākhilamidaṃ jagadaṃśabhūtam
   avyākṛtā hi paramā prakṛtistvamādyā ||

   आप समस्त जगत की कारण हैं; तीनों गुणों वाली होकर भी उनके दोषों से रहित हैं; विष्णु और शिव आदि भी आपको पूरी तरह नहीं जान पाते; आप अपार और सबकी आश्रय हैं; यह सारा जगत आपका एक अंश मात्र है, क्योंकि आप ही अव्याकृत, परम, आदि प्रकृति हैं।

   You are the cause of all the worlds; though made of the three gunas, you are untouched by their faults; you are unknown even to Hari, Hara and the rest; boundless, the refuge of all — this whole world is but a fraction of you, for you are the supreme, primordial, unmanifest Prakriti.

8. Shloka 8#

   यस्याः समस्तसुरता समुदीरणेन
   तृप्तिं प्रयान्ति सकलेषु मखेषु देवि ।
   स्वाहासि वै पितृगणस्य च तृप्तिहेतुर्
   उच्चार्यसे त्वमत एव जनैः स्वधा च ॥

   yasyāḥ samastasuratā samudīraṇena
   tṛptiṃ prayānti sakaleṣu makheṣu devi |
   svāhāsi vai pitṛgaṇasya ca tṛptihetur
   uccāryase tvamata eva janaiḥ svadhā ca ||

   हे देवि! आप स्वाहा हैं, जिनके उच्चारण से सब यज्ञों में सब देवता तृप्त होते हैं; और आप ही पितरों की तृप्ति का कारण स्वधा हैं — इसीलिए लोग आपका उच्चारण करते हैं।

   O Goddess, you are Svaha, by whose utterance all the gods are satisfied in every sacrifice; and you are Svadha, the cause of the satisfaction of the ancestors — therefore people chant your names.

9. Shloka 9#

   या मुक्तिहेतुरविचिन्त्यमहाव्रता त्वम्
   अभ्यस्यसे सुनियतेन्द्रियतत्त्वसारैः ।
   मोक्षार्थिभिर्मुनिभिरस्तसमस्तदोषैर्
   विद्यासि सा भगवती परमा हि देवि ॥

   yā muktiheturavicintyamahāvratā tvam
   abhyasyase suniyatendriyatattvasāraiḥ |
   mokṣārthibhirmunibhirastasamastadoṣair
   vidyāsi sā bhagavatī paramā hi devi ||

   हे देवि! आप ही मोक्ष की कारणभूत, अचिन्त्य महाव्रत वाली परम भगवती विद्या हैं, जिनका अभ्यास इन्द्रियों को वश में रखने वाले, तत्त्व को सार मानने वाले, सब दोषों से रहित मोक्षार्थी मुनि करते हैं।

   O Goddess, you are the supreme Bhagavati, the knowledge that is the cause of liberation, of inconceivable great vows, practised by sages who seek liberation, who have mastered their senses, hold to the essence of truth and are free of all faults.

10. Shloka 10#

    शब्दात्मिका सुविमलर्ग्यजुषां निधानम्
    उद्गीथरम्यपदपाठवतां च साम्नाम् ।
    देवी त्रयी भगवती भवभावनाय
    वार्ता च सर्वजगतां परमार्तिहन्त्री ॥

    śabdātmikā suvimalargyajuṣāṃ nidhānam
    udgītharamyapadapāṭhavatāṃ ca sāmnām |
    devī trayī bhagavatī bhavabhāvanāya
    vārtā ca sarvajagatāṃ paramārtihantrī ||

    आप शब्दस्वरूपा हैं, अत्यन्त निर्मल ऋग्वेद और यजुर्वेद तथा उद्गीथ से रमणीय पदों वाले सामवेद का आधार हैं; आप ही त्रयी (तीनों वेद) रूपा भगवती हैं; संसार के पालन के लिए आप ही वार्ता (जीविका) हैं और सब लोकों की घोर पीड़ा का नाश करने वाली हैं।

    You are the soul of sound, the treasure-house of the pure Rig and Yajur Vedas and of the Samans with their lovely udgitha chants; you are the Goddess of the three Vedas, Bhagavati; you are the livelihood of all the worlds for their sustenance, and the destroyer of their greatest suffering.

11. Shloka 11#

    मेधासि देवि विदिताखिलशास्त्रसारा
    दुर्गासि दुर्गभवसागरनौरसङ्गा ।
    श्रीः कैटभारिहृदयैककृताधिवासा
    गौरी त्वमेव शशिमौलिकृतप्रतिष्ठा ॥

    medhāsi devi viditākhilaśāstrasārā
    durgāsi durgabhavasāgaranaurasaṅgā |
    śrīḥ kaiṭabhārihṛdayaikakṛtādhivāsā
    gaurī tvameva śaśimaulikṛtapratiṣṭhā ||

    हे देवि! आप ही सब शास्त्रों के सार को जानने वाली मेधा हैं; दुर्गम संसार-सागर से पार उतारने वाली नौका रूप, आसक्ति-रहित दुर्गा हैं; कैटभ के शत्रु विष्णु के हृदय में निवास करने वाली लक्ष्मी हैं; और चन्द्रशेखर शिव के साथ प्रतिष्ठित गौरी हैं।

    O Goddess, you are Medha, who knows the essence of all scriptures; you are Durga, the boat that carries us across the hard ocean of worldly existence, yourself unattached; you are Shri, who dwells in the heart of Kaitabha's slayer (Vishnu); and you are Gauri, established with the moon-crowned Shiva.

12. Shloka 12#

    ईषत्सहासममलं परिपूर्णचन्द्र-
    बिम्बानुकारि कनकोत्तमकान्तिकान्तम् ।
    अत्यद्भुतं प्रहृतमात्तरुषा तथापि
    वक्त्रं विलोक्य सहसा महिषासुरेण ॥

    īṣatsahāsamamalaṃ paripūrṇacandra-
    bimbānukāri kanakottamakāntikāntam |
    atyadbhutaṃ prahṛtamāttaruṣā tathāpi
    vaktraṃ vilokya sahasā mahiṣāsureṇa ||

    आपका मुख मन्द मुस्कान से युक्त, निर्मल, पूर्ण चन्द्रमा के बिम्ब के समान और उत्तम स्वर्ण की कान्ति से सुन्दर है; उसे देखकर भी महिषासुर ने क्रोध में भरकर उस पर प्रहार किया — यह अत्यन्त आश्चर्य की बात है।

    Gently smiling, spotless, like the orb of the full moon, lovely with the radiance of the finest gold — it is most wondrous that, seeing your face, Mahishasura in his rage still struck at it.

13. Shloka 13#

    दृष्ट्वा तु देवि कुपितं भ्रुकुटीकरालम्
    उद्यच्छशाङ्कसदृशच्छवि यन्न सद्यः ।
    प्राणान्मुमोच महिषस्तदतीव चित्रं
    कैर्जीव्यते हि कुपितान्तकदर्शनेन ॥

    dṛṣṭvā tu devi kupitaṃ bhrukuṭīkarālam
    udyacchaśāṅkasadṛśacchavi yanna sadyaḥ |
    prāṇānmumoca mahiṣastadatīva citraṃ
    kairjīvyate hi kupitāntakadarśanena ||

    और हे देवि! क्रोध से भरा, भौंहें तनी होने से विकराल और उदय होते चन्द्रमा के समान लाल आपका मुख देखकर भी महिषासुर ने तुरन्त प्राण नहीं त्यागे — यह और भी आश्चर्य है, क्योंकि क्रोधित यमराज को देखकर भला कौन जीवित रह सकता है?

    And it is more wondrous still, O Goddess, that seeing your face angry, terrible with frowning brows, red as the rising moon, Mahisha did not give up his life at once — for who can live after seeing Death himself enraged?

14. Shloka 14#

    देवि प्रसीद परमा भवती भवाय
    सद्यो विनाशयसि कोपवती कुलानि ।
    विज्ञातमेतदधुनैव यदस्तमेतन्
    नीतं बलं सुविपुलं महिषासुरस्य ॥

    devi prasīda paramā bhavatī bhavāya
    sadyo vināśayasi kopavatī kulāni |
    vijñātametadadhunaiva yadastametan
    nītaṃ balaṃ suvipulaṃ mahiṣāsurasya ||

    हे देवि! प्रसन्न होइए। आप परम हैं; प्रसन्न होने पर कल्याण करती हैं और क्रोधित होने पर तत्काल कुलों का नाश कर देती हैं — यह हमने अभी जाना, जब महिषासुर की विशाल सेना का अन्त कर दिया गया।

    O Goddess, be gracious. You are supreme; when pleased you bring well-being, and when angry you at once destroy whole races — this we have known just now, as the vast army of Mahishasura has been brought to its end.

15. Shloka 15#

    ते संमता जनपदेषु धनानि तेषां
    तेषां यशांसि न च सीदति धर्मवर्गः ।
    धन्यास्त एव निभृतात्मजभृत्यदारा
    येषां सदाभ्युदयदा भवती प्रसन्ना ॥

    te saṃmatā janapadeṣu dhanāni teṣāṃ
    teṣāṃ yaśāṃsi na ca sīdati dharmavargaḥ |
    dhanyāsta eva nibhṛtātmajabhṛtyadārā
    yeṣāṃ sadābhyudayadā bhavatī prasannā ||

    जिन पर अभ्युदय देने वाली आप सदा प्रसन्न रहती हैं, वे देश में सम्मानित होते हैं, उन्हें धन और यश मिलता है, उनका धर्म कभी शिथिल नहीं होता; वे ही धन्य हैं और उनके पुत्र, सेवक तथा पत्नी विनम्र होते हैं।

    Those on whom you, the giver of prosperity, are always pleased are honoured among the people; theirs is wealth, theirs is fame, their dharma never fails; blessed are they, with devoted children, servants and wives.

16. Shloka 16#

    धर्म्याणि देवि सकलानि सदैव कर्माण्य्
    अत्यादृतः प्रतिदिनं सुकृती करोति ।
    स्वर्गं प्रयाति च ततो भवतीप्रसादाल्
    लोकत्रयेऽपि फलदा ननु देवि तेन ॥

    dharmyāṇi devi sakalāni sadaiva karmāṇy
    atyādṛtaḥ pratidinaṃ sukṛtī karoti |
    svargaṃ prayāti ca tato bhavatīprasādāl
    lokatraye'pi phaladā nanu devi tena ||

    हे देवि! आपकी कृपा से पुण्यात्मा मनुष्य प्रतिदिन बड़े आदर से सब धर्मयुक्त कर्म करता है और फिर स्वर्ग जाता है; इसलिए आप तीनों लोकों में फल देने वाली हैं।

    By your grace, O Goddess, the fortunate man performs every righteous act each day with great reverence and then goes to heaven; so you indeed give fruit in all three worlds.

17. Shloka 17#

    दुर्गे स्मृता हरसि भीतिमशेषजन्तोः
    स्वस्थैः स्मृता मतिमतीव शुभां ददासि ।
    दारिद्र्यदुःखभयहारिणि का त्वदन्या
    सर्वोपकारकरणाय सदाऽऽर्द्रचित्ता ॥

    durge smṛtā harasi bhītimaśeṣajantoḥ
    svasthaiḥ smṛtā matimatīva śubhāṃ dadāsi |
    dāridryaduḥkhabhayahāriṇi kā tvadanyā
    sarvopakārakaraṇāya sadā''rdracittā ||

    हे दुर्गे! स्मरण करने पर आप सब प्राणियों का भय हर लेती हैं, और स्वस्थ पुरुषों द्वारा स्मरण करने पर उन्हें अत्यन्त शुभ बुद्धि देती हैं। दरिद्रता, दुःख और भय हरने वाली देवि! आपके सिवा दूसरी कौन है, जिसका चित्त सबका उपकार करने के लिए सदा दया से भरा रहता हो?

    O Durga, when remembered you take away the fear of every creature; when remembered by the untroubled, you give them a mind most auspicious. O remover of poverty, sorrow and fear, who but you has a heart ever tender to help all?

18. Shloka 18#

    एभिर्हतैर्जगदुपैति सुखं तथैते
    कुर्वन्तु नाम नरकाय चिराय पापम् ।
    संग्राममृत्युमधिगम्य दिवं प्रयान्तु
    मत्वेति नूनमहितान् विनिहंसि देवि ॥

    ebhirhatairjagadupaiti sukhaṃ tathaite
    kurvantu nāma narakāya cirāya pāpam |
    saṃgrāmamṛtyumadhigamya divaṃ prayāntu
    matveti nūnamahitān vinihaṃsi devi ||

    'इनके मारे जाने से संसार को सुख मिले, और यद्यपि इन्होंने इतने पाप किए हैं कि दीर्घकाल तक नरक में रहें, फिर भी युद्ध में मृत्यु पाकर ये स्वर्ग जाएँ' — निश्चय ही ऐसा सोचकर, हे देवि, आप शत्रुओं का वध करती हैं।

    'With these slain, the world gains happiness; and though these have sinned enough to stay long in hell, let them reach heaven by meeting death in battle' — surely thinking thus, O Goddess, you slay the hostile.

19. Shloka 19#

    दृष्ट्वैव किं न भवती प्रकरोति भस्म
    सर्वासुरानरिषु यत्प्रहिणोषि शस्त्रम् ।
    लोकान् प्रयान्तु रिपवोऽपि हि शस्त्रपूता
    इत्थं मतिर्भवति तेष्वपि तेऽतिसाध्वी ॥

    dṛṣṭvaiva kiṃ na bhavatī prakaroti bhasma
    sarvāsurānariṣu yatprahiṇoṣi śastram |
    lokān prayāntu ripavo'pi hi śastrapūtā
    itthaṃ matirbhavati teṣvapi te'tisādhvī ||

    क्या आप केवल देखकर ही सब असुरों को भस्म नहीं कर सकतीं? फिर भी शत्रुओं पर शस्त्र चलाती हैं, यह सोचकर कि 'मेरे शस्त्रों से पवित्र होकर शत्रु भी उत्तम लोकों को जाएँ' — उनके प्रति भी आपका विचार ऐसा अत्यन्त उत्तम है।

    Could you not reduce all the asuras to ashes merely by looking at them? Yet you hurl weapons at the foe, thinking, 'Purified by my weapons, may even my enemies reach the higher worlds' — so gracious is your mind even towards them.

20. Shloka 20#

    खड्गप्रभानिकरविस्फुरणैस्तथोग्रैः
    शूलाग्रकान्तिनिवहेन दृशोऽसुराणाम् ।
    यन्नागता विलयमंशुमदिन्दुखण्ड-
    योग्याननं तव विलोकयतां तदेतत् ॥

    khaḍgaprabhānikaravisphuraṇaistathograiḥ
    śūlāgrakāntinivahena dṛśo'surāṇām |
    yannāgatā vilayamaṃśumadindukhaṇḍa-
    yogyānanaṃ tava vilokayatāṃ tadetat ||

    आपके खड्ग की चमक के भीषण प्रकाश और त्रिशूल की नोक की कान्ति से असुरों की आँखें नष्ट नहीं हुईं, क्योंकि वे किरणों वाले चन्द्रमा के अंश के समान आपके मुख को देख रहे थे।

    That the eyes of the asuras were not destroyed by the terrible flashing of your sword and the brilliance of your trident's point is because they gazed on your face, which shines like a portion of the radiant moon.

21. Shloka 21#

    दुर्वृत्तवृत्तशमनं तव देवि शीलं
    रूपं तथैतदविचिन्त्यमतुल्यमन्यैः ।
    वीर्यं च हन्तृ हृतदेवपराक्रमाणां
    वैरिष्वपि प्रकटितैव दया त्वयेत्थम् ॥

    durvṛttavṛttaśamanaṃ tava devi śīlaṃ
    rūpaṃ tathaitadavicintyamatulyamanyaiḥ |
    vīryaṃ ca hantṛ hṛtadevaparākramāṇāṃ
    vairiṣvapi prakaṭitaiva dayā tvayettham ||

    हे देवि! दुराचारियों के दुराचार को शान्त करना आपका स्वभाव है; आपका यह रूप अचिन्त्य है और दूसरों से इसकी तुलना नहीं; देवताओं का पराक्रम छीनने वालों को मारने वाला आपका पराक्रम है — इस प्रकार आपने शत्रुओं पर भी दया प्रकट की है।

    O Goddess, your nature is to quell the conduct of the wicked; your form is beyond thought and unequalled by others; your valour slays those who robbed the gods of their might — and so you have shown compassion even to your enemies.

22. Shloka 22#

    केनोपमा भवतु तेऽस्य पराक्रमस्य
    रूपं च शत्रुभयकार्यतिहारि कुत्र ।
    चित्ते कृपा समरनिष्ठुरता च दृष्टा
    त्वय्येव देवि वरदे भुवनत्रयेऽपि ॥

    kenopamā bhavatu te'sya parākramasya
    rūpaṃ ca śatrubhayakāryatihāri kutra |
    citte kṛpā samaraniṣṭhuratā ca dṛṣṭā
    tvayyeva devi varade bhuvanatraye'pi ||

    आपके इस पराक्रम की किससे तुलना हो? शत्रुओं को भय देने वाला ऐसा अत्यन्त मनोहर रूप और कहाँ है? हृदय में कृपा और युद्ध में कठोरता — हे वरदायिनी देवि, तीनों लोकों में ये दोनों केवल आपमें ही देखी गई हैं।

    With what can this valour of yours be compared? Where else is a form so lovely yet so terrifying to enemies? Compassion in the heart and ruthlessness in battle — O giver of boons, these are seen together in you alone, in all three worlds.

23. Shloka 23#

    त्रैलोक्यमेतदखिलं रिपुनाशनेन
    त्रातं त्वया समरमूर्धनि तेऽपि हत्वा ।
    नीता दिवं रिपुगणा भयमप्यपास्तम्
    अस्माकमुन्मदसुरारिभवं नमस्ते ॥

    trailokyametadakhilaṃ ripunāśanena
    trātaṃ tvayā samaramūrdhani te'pi hatvā |
    nītā divaṃ ripugaṇā bhayamapyapāstam
    asmākamunmadasurāribhavaṃ namaste ||

    शत्रुओं का नाश करके आपने इन तीनों लोकों की रक्षा की है; युद्धभूमि में उन्हें मारकर शत्रुओं को भी स्वर्ग पहुँचाया है और उन्मत्त देवशत्रुओं से उत्पन्न हमारा भय भी दूर कर दिया है। आपको नमस्कार है।

    By destroying the enemy you have saved all these three worlds; slaying them at the head of battle, you have led even the hosts of foes to heaven, and you have driven away our fear of the frenzied enemies of the gods. Salutations to you.

24. Shloka 24#

    शूलेन पाहि नो देवि पाहि खड्गेन चाम्बिके ।
    घण्टास्वनेन नः पाहि चापज्यानिःस्वनेन च ॥

    śūlena pāhi no devi pāhi khaḍgena cāmbike |
    ghaṇṭāsvanena naḥ pāhi cāpajyāniḥsvanena ca ||

    हे देवि! शूल से हमारी रक्षा करो; हे अम्बिके, खड्ग से रक्षा करो; घण्टे की ध्वनि और धनुष की टंकार से हमारी रक्षा करो।

    Protect us with your trident, O Goddess; protect us with your sword, O Ambika; protect us with the sound of your bell and the twang of your bowstring.

25. Shloka 25#

    प्राच्यां रक्ष प्रतीच्यां च चण्डिके रक्ष दक्षिणे ।
    भ्रामणेनात्मशूलस्य उत्तरस्यां तथेश्वरि ॥

    prācyāṃ rakṣa pratīcyāṃ ca caṇḍike rakṣa dakṣiṇe |
    bhrāmaṇenātmaśūlasya uttarasyāṃ tatheśvari ||

    हे चण्डिके! पूर्व, पश्चिम और दक्षिण में हमारी रक्षा करो; और हे ईश्वरि, अपने त्रिशूल को घुमाकर उत्तर दिशा में भी रक्षा करो।

    O Chandika, protect us in the east and in the west; protect us in the south; and in the north, O sovereign Goddess, by the whirling of your trident.

26. Shloka 26#

    सौम्यानि यानि रूपाणि त्रैलोक्ये विचरन्ति ते ।
    यानि चात्यर्थघोराणि तै रक्षास्मांस्तथा भुवम् ॥

    saumyāni yāni rūpāṇi trailokye vicaranti te |
    yāni cātyarthaghorāṇi tai rakṣāsmāṃstathā bhuvam ||

    तीनों लोकों में विचरने वाले आपके जो सौम्य रूप हैं और जो अत्यन्त भयंकर रूप हैं, उन सबसे हमारी और पृथ्वी की रक्षा करो।

    With those of your forms that are gentle and wander the three worlds, and with those that are exceedingly terrible, protect us and the earth.

27. Shloka 27#

    खड्गशूलगदादीनि यानि चास्त्राणि तेऽम्बिके ।
    करपल्लवसङ्गीनि तैरस्मान् रक्ष सर्वतः ॥

    khaḍgaśūlagadādīni yāni cāstrāṇi te'mbike |
    karapallavasaṅgīni tairasmān rakṣa sarvataḥ ||

    हे अम्बिके! आपके कर-पल्लवों में शोभित खड्ग, शूल, गदा आदि जो अस्त्र हैं, उन सबसे हमारी सब ओर से रक्षा करो।

    O Ambika, with the sword, trident, mace and all the other weapons held in your tender hands, protect us on every side.

28. Shloka 28#

    ऋषिरुवाच
    एवं स्तुता सुरैर्दिव्यैः कुसुमैर्नन्दनोद्भवैः ।
    अर्चिता जगतां धात्री तथा गन्धानुलेपनैः ॥

    ṛṣiruvāca
    evaṃ stutā surairdivyaiḥ kusumairnandanodbhavaiḥ |
    arcitā jagatāṃ dhātrī tathā gandhānulepanaiḥ ||

    ऋषि बोले: इस प्रकार स्तुति करके देवताओं ने जगद्धात्री का नन्दनवन के दिव्य पुष्पों, सुगन्ध और अनुलेपनों से पूजन किया।

    The sage said: Praised thus, the sustainer of the worlds was worshipped by the gods with divine flowers from the Nandana garden, with fragrances and unguents.

29. Shloka 29#

    भक्त्या समस्तैस्त्रिदशैर्दिव्यैर्धूपैस्तु धूपिता ।
    प्राह प्रसादसुमुखी समस्तान् प्रणतान् सुरान् ॥

    bhaktyā samastaistridaśairdivyairdhūpaistu dhūpitā |
    prāha prasādasumukhī samastān praṇatān surān ||

    सब देवताओं ने भक्तिपूर्वक दिव्य धूप से उनका पूजन किया; तब प्रसन्न मुख वाली देवी ने प्रणाम करते हुए सब देवताओं से कहा।

    Honoured with devotion by all the gods with divine incense, she, gracious of face, spoke to all the gods who bowed before her.

30. Shloka 30#

    देव्युवाच
    व्रियतां त्रिदशाः सर्वे यदस्मत्तोऽभिवाञ्छितम् ।
    ददाम्यहमतिप्रीत्या स्तवैरेभिः सुपूजिता ॥

    devyuvāca
    vriyatāṃ tridaśāḥ sarve yadasmatto'bhivāñchitam |
    dadāmyahamatiprītyā stavairebhiḥ supūjitā ||

    देवी बोलीं: हे देवताओ! तुम सब मुझसे जो चाहते हो, माँग लो। इन स्तुतियों से भली-भाँति पूजित होकर मैं बड़ी प्रसन्नता से वह दूँगी।

    The Goddess said: O gods, choose whatever you desire from me. Well worshipped with these hymns, I will grant it with great love.

31. Shloka 31#

    कर्तव्यमपरं यच्च दुष्करं तन्न विद्महे ।
    इत्याकर्ण्य वचो देव्याः प्रत्यूचुस्ते दिवौकसः ॥

    kartavyamaparaṃ yacca duṣkaraṃ tanna vidmahe |
    ityākarṇya vaco devyāḥ pratyūcuste divaukasaḥ ||

    'और जो कुछ भी करने योग्य कार्य है, उसे मैं कठिन नहीं मानती।' देवी के ये वचन सुनकर स्वर्गवासी देवताओं ने उत्तर दिया।

    'And whatever else is to be done — I know of nothing too hard.' Hearing these words of the Goddess, the dwellers of heaven replied.

32. Shloka 32#

    देवा ऊचुः
    भगवत्या कृतं सर्वं न किञ्चिदवशिष्यते ।
    यदयं निहतः शत्रुरस्माकं महिषासुरः ॥

    devā ūcuḥ
    bhagavatyā kṛtaṃ sarvaṃ na kiñcidavaśiṣyate |
    yadayaṃ nihataḥ śatrurasmākaṃ mahiṣāsuraḥ ||

    देवता बोले: भगवती ने सब कुछ कर दिया, अब कुछ भी शेष नहीं है, क्योंकि हमारा शत्रु यह महिषासुर मारा गया।

    The gods said: The Blessed One has done everything; nothing remains, since this enemy of ours, Mahishasura, has been slain.

33. Shloka 33#

    यदि चापि वरो देयस्त्वयास्माकं महेश्वरि ।
    संस्मृता संस्मृता त्वं नो हिंसेथाः परमापदः ॥

    yadi cāpi varo deyastvayāsmākaṃ maheśvari |
    saṃsmṛtā saṃsmṛtā tvaṃ no hiṃsethāḥ paramāpadaḥ ||

    फिर भी, हे महेश्वरि, यदि आप हमें वर देना चाहती हैं, तो जब-जब हम आपका स्मरण करें, तब-तब आप हमारी बड़ी-से-बड़ी विपत्तियों का नाश कर दें।

    Yet if a boon is to be given to us, O great sovereign, whenever we remember you, destroy our greatest calamities.

34. Shloka 34#

    यश्च मर्त्यः स्तवैरेभिस्त्वां स्तोष्यत्यमलानने ।
    तस्य वित्तर्धिविभवैर्धनदारादिसम्पदाम् ।
    वृद्धयेऽस्मात्प्रसन्ना त्वं भवेथाः सर्वदाम्बिके ॥

    yaśca martyaḥ stavairebhistvāṃ stoṣyatyamalānane |
    tasya vittardhivibhavairdhanadārādisampadām |
    vṛddhaye'smātprasannā tvaṃ bhavethāḥ sarvadāmbike ||

    और हे निर्मल मुख वाली अम्बिके! जो मनुष्य इन स्तोत्रों से आपकी स्तुति करे, उसके धन, समृद्धि, वैभव, सम्पत्ति, पत्नी आदि की वृद्धि के लिए आप सदा उस पर प्रसन्न रहें।

    And, O spotless-faced Ambika, whatever mortal praises you with these hymns — for the increase of his wealth, prosperity, splendour, riches, wife and the rest, may you always be gracious to him.

35. Shloka 35#

    ऋषिरुवाच
    इति प्रसादिता देवैर्जगतोऽर्थे तथाऽत्मनः ।
    तथेत्युक्त्वा भद्रकाली बभूवान्तर्हिता नृप ॥

    ṛṣiruvāca
    iti prasāditā devairjagato'rthe tathā'tmanaḥ |
    tathetyuktvā bhadrakālī babhūvāntarhitā nṛpa ||

    ऋषि बोले: हे राजन्! इस प्रकार देवताओं ने जगत के और अपने हित के लिए जब देवी को प्रसन्न किया, तब भद्रकाली 'तथास्तु' कहकर अन्तर्धान हो गईं।

    The sage said: Propitiated thus by the gods for the good of the world and for themselves, Bhadrakali said 'So be it' and vanished, O king.

36. Shloka 36#

    इत्येतत्कथितं भूप सम्भूता सा यथा पुरा ।
    देवी देवशरीरेभ्यो जगत्त्रयहितैषिणी ॥

    ityetatkathitaṃ bhūpa sambhūtā sā yathā purā |
    devī devaśarīrebhyo jagattrayahitaiṣiṇī ||

    हे राजन्! तीनों लोकों का हित चाहने वाली वे देवी पूर्वकाल में देवताओं के शरीरों से किस प्रकार प्रकट हुईं, यह मैंने तुम्हें बता दिया।

    O king, I have told you how long ago the Goddess, who seeks the good of the three worlds, arose from the bodies of the gods.

37. Shloka 37#

    पुनश्च गौरीदेहात् सा समुद्भूता यथाभवत् ।
    वधाय दुष्टदैत्यानां तथा शुम्भनिशुम्भयोः ॥

    punaśca gaurīdehāt sā samudbhūtā yathābhavat |
    vadhāya duṣṭadaityānāṃ tathā śumbhaniśumbhayoḥ ||

    और फिर वे दुष्ट दैत्यों तथा शुम्भ-निशुम्भ का वध करने के लिए गौरी के शरीर से प्रकट हुईं —

    And again she arose from the body of Gauri, to slay the wicked daityas, Shumbha and Nishumbha —

38. Shloka 38#

    रक्षणाय च लोकानां देवानामुपकारिणी ।
    तच्छृणुष्व मयाऽख्यातं यथावत्कथयामि ते ॥

    rakṣaṇāya ca lokānāṃ devānāmupakāriṇī |
    tacchṛṇuṣva mayā'khyātaṃ yathāvatkathayāmi te ||

    लोकों की रक्षा के लिए, देवताओं का उपकार करने वाली होकर। वह कथा जैसी है वैसी ही मैं कहता हूँ, सुनो।

    to protect the worlds, benefactor of the gods. Hear it as I tell it to you, just as it happened.

Spotted an error? Suggest a correction.